حارة المساطيل - عرض مشاركة واحدة

01-12-2004, 07:11 AM

بسم الله الرحمن الرحيم

انا طحت لي في عايله تحب السفر وخرمااانه شي اسمه تذاكر .. لدرجة اني يوم طلعت من بطن امي شايل معي ظرف فيه بوردينق طيّاره على بانكوك .. يعني النيّه مبيتها وانا متكي على البنكرياس .. ومشكلة هالعايلة ذي انك تقدر تسوي كل أبو اللعانة بدون محد يقولك شي .. لدرجة ان ذاك اليوم وحنا جالسين على طاولة الطعام نزل علينا اخوي الصغيرمن الدرج وبيده ماسك رجل الشغاله وقاعد يسحّب فيها بلاط البيت وهو يصارخ ويقول .. قسمن هالكائن الحي ذاا لو جلس دقيقتين زياده بهالبيت اني لا اسويه اندومي .. قمت انا وجيت لخوي وهديت وضعه وقلت له وش السالفه ؟؟.. قال لي .. أنا كنت ماشي بالصاله وسمعت صوت احد يتسبح بالحمام وقزيت من فتحة الباب ولقيت الشغاله تتروش بالمويه (اما عاد بالمويه؟ طيب لاتحلف!!) .. واقعد اقز فيها واقز وانا اقولها .. لاتسرفوا في الماء اصلحكم الله .. وهي اللي تطلع من الحمام وتصفقني .. بالله هذا وجه وحده تصفقه ياخوي ؟؟ .. قلت له لا والله وجهك ذا حق واحد يصفقه .. وعطيته كفوف تمشي مليون طن بالسجاده .. وقلت .. يالوووح اذا بغيت تقز .. قز من تحت الباب أريح مهوب من الفتحه يا حماااار .. فجأه قام ابوي من طاولة الطعام وباين من وجهه انه ناوي يلعن جدفنا ويلعن اللي ربّانا .. وعيونه صارن حمر كنك شابك الفرامل .. وعرّق وجهه وتعفط وغدى تقل شهادة عربجي شاقها وجادعها في درج الموتر .. ويومنه قرب يمنا وحنا خايفين مره حتى اذكر ان ذيك اللحظه ارسلت مسج لاخوي كتبت فيه ترى الوعد المقبره .. ويوم لزق ابوي خشته بخششنا ومسكنا مع رقابنا وقال لنا .. يا عنز انت ويّاه اذا بغيت تقز استعمل ابسط السبل .. يعني تسان فتحت الباب على طوووول بدون ما تشاور احد .. وبذيك اللحظه صرت اشوف اخوي باستغراب وهو يشوفني باستغراب وكل واحد صار فوق راسه علامات تعجب واستفهامات .. والشغاله يوم سمعت كلام ابوي خربتها وباعتها بتراب وعلى طول فصخت ملابسها قدامنا وصارت تسوي لنا حركات وصخه بيدها همن لبست ملابسها ورجعت لغرفتها وهي تقول .. نعنبوكم نعنبو جدتكم الظاهر انها متوحمه على قناة مشفرّه بنت الكلب .. وانا واخوي مازالت علامات التعجب والاستفهام مولعه فليشر وواقفه فوق روسنا .

المهم

جيت ذاك اليوم ورحت لغرفتي وفتحت التجوري ولقيت لي تذكره سفر على ميونخ .. شفتها وقلبتها بس مااااش ماجاز لي اسم الديره مدري ليه احس انه واحد يبي ينخم وماقدر يطلعها ... شقيتها وجدعتها .. وافتح دولاب ملابسي والقى لي تذكره على عرعر بصراحه اول ماشفت هالاسم شكيت انه اسم واحد من بزارين الفراعنه .. ماحتريت شور احد وجدعتها في الزباله .. ومرّه طلعت لموتري وشيّكت على الزيت والقى فوق اللديتر تذكره سفر على روما .. (( شف قسم بالله لو تقول بتشقها اني لا اكوفنك واحوس مريرك يالنعال )) .. لاا هالمرّه جازت لي وفكرت فيها وقلت لنفسي مافيها شي لو اروح للطليان واسمر معهم كم ليلة واذوق طعم العسل اللاتيني ومره وحده اسلّم على المان وبالذات حبيبنا كاكا ..

وصلت لروما وانا كلّي نشوة وطاقه وحيويه .. وفجأه وانا ماشي على السكه قابلوني شباب وبنات ايطاليين كلّهم ملح وكل واحد يقول للثاني .. تلايط واركب ورا (تفكير سرابيت ).. وصرت امشي وراهم كني تيس يلحق عنز .. والحقهم والحقهم لين ماوصلنا مكان تقل مسجد بس فيه شي فوقه تقل منقا مرهّمه (الله من زين الذبه بعد ) .. ودخلوا هالمكان وانا زي البط ادخل وراهم لدرجة اني من زود الخق اللي جاني صرت اجمع فصفصهم وابلعه بقشره .. والقى هاك التحف وهاك الزخرفه واتذكر ان هالمكان كنيسة لاني شايفه في فيلم تايتنك ( هالقراوة أي شي عندهم تايتنك ) .. وجلست على حدى الكراسي واقعد اطالع باللي حولي واتلفت يمين ويسار كني من هالشيبان يتلفتون عقب الصلاة .. وفجأه سكتوا العالم وصار واحد يتكلّم وهالشخص ذاا معه كتاب صغير مرّه كنه بيجر ولابس لبس كله ابيض في ابيض وهو لون شكله ابيض .. من سطاعته ماتشوف اللي جمبه .. اكتشفت انه قسيس .. وانا اسمع وهو يتكلم ويقول ..

أتأسف إليك يا سيسعوش فها أنا أبرّح روحي أمامك ضربا وسأسحقها غدرا حتى أتقيّأ العسل الأمرّا..
تمالك نفسك .. فها هي فراشة روح الحب تملأ المكان روحانية وتضيء السماء عبقا ودرّا
أحببت أن أستميحك عذرا .. فلن أسمح لقوّة الروح أن تسقط من عينك دمعا يدرّا
هذه الدنيا الحقيرة كالذباب المنحوس يمر مرّا .. لن تملك فيها إلا العنف والحب فيه أمرا أشرّا

وانا مطيّر عيوني وأطالع زي الحمار .. واقعد اضحك عليييييه واقوله .. هههههههه قسم بالله مرجوج الله يلعن بليييسك يشييخ ذكرتني بالافلام المترجمه اذا قعد البطل مع حبيبته بالحوش في الليل يقعد يهذري من هالحتسي اللي ماله سنع وتمت الترجمه في مطابع انيس عبيد بالقاهره ههههههههه.. بالله مقطع من فيلم سيّد الخواتم الله لايهينك .. فجأه كل العالم صارت تلتفت عليّ ومستغربه من الشخص اللي قدامهم اللي هو انا وصار فوق رووسهم علامات تعجب واستفه(كل تبن )<- - تيب .. وقلت لهم .. خير وش عندكم ؟؟ لايكون وجهي حديقة حيوان وانا مدري ؟ .. ولا لايكون فيه واحد مضيع شي بوجهي وقاعدن يدوره ؟؟ .. قال واحد فيهم .. استح على وجهك وخل الرجال يكمل كلامه ترانا خاشين جو مهوب صاحي .. قلت له من زين كلامه الحين يالمخيس.. استغفرالله العظيم بس قسم بالله كنه تعبير بزر عن المطر (وش جاب لجاب ياخي ) ..

قام القسيس من مكانه وقرّب يمّي .. وقال لي .. وش انت من لحيه ؟ قلت له .. أنا عربي اللحيه .. قال والكوووبه والله .. ألحين مسوي فيها قوي ويعرف يرد واخرتها تصير عربي .. قلت له بس انا مسلم ابن مسلم ابن مسلمه ابن ابن مسلمه ابن ابن ابن .. قالي .. ورا ه ماتنطم ؟؟ قلت له وانا احاول اجرّه بالكلام واخليه يترك هالشغله .. الحين انتم وش سنعكم من هالجلسات ذي ؟؟ أنا اشوف لو تهجدون وتاكلون تراب وتخلونها جلسات مع ابو مارتن وأم سبيرز تكون أرحم .. يعني كذا كذا بالنار
.. قال لي .. ويحك .. قلت له يرحمك الله ( ظنيتها عطسه) .. ويقول لي .. ورّنا مافي جعبتك يا هذا .. فنحن في شوق لما في كواليسك وخفايا قلبك .. قلت لهم طيب انكتموا جعلكم للعنقز وخلّوني ادلو بدلوي لانه ماسكتن معه من شهر يتدودل وانا معيي عليه يطب في الساحه .. واستطردت قائلا

ويوم خلصت من الابيات .. كلن سكت وقاعد يصيح وكلن يناظر فيني بس هالمره مافي فوق روسهم علامات تعجب واستفهام .. هالمرّه كل واحد ترك اللي بيده ورفع اصباعه السبابه أنا ظنيته انهم بيسلمون وبيعلنون اسلامهم وبينطقون الشهادة فرحت انا بشده شديده جدا مادريت الاوهم مأشرين لي على باب الكنيسه وكلهم بصوووت واحد
آآآآآآآآآآآآآآآآآآآآآآآآآآآوت

مايستفاد \

- الافلام من تالي كلّ همها التنصير ونشر الدين النصراني .. وش السواة ؟؟
- اتسذب عليكم .. مازد سافرت برّا المملكه .. حدي أبها وينبع واذا طق العرق مسكنا خط عفيف
- وش سنع خشة الكشره في السطر الاخير ؟؟

متغربل

سبحانك اللهم وبحمدك اشهد ان لا اله الا الله نستغفرك ونتوب اليك
وصلى الله وسلم على نبينا محمد