حارة المساطيل - عرض مشاركة واحدة

13-12-2008, 04:58 PM

أخيرا فتحتوا موضوع

والله ذاك القديم له فقدة

step brothers
فلم لتضييع الوقت بس ..

Mamma Mia
سقيم ولحد يفكر يشوفه..
حملته وتحسفت

أغلب أفلام 2008 غبية عشان كذا رجعت للأفلام المغبرة..
حتى من كثر الغبرة حملت كم حلقة من ساينفلد السيزون 1 بعد

Escape From Alcatraz[1979]
فلم قصته عن هروب من السجن وهيك شي
الفلم قصته حقيقية وهو متوسط ..
يعني لحد يفكر يقارنه ببريزن بريك ولا شوشانك ريديمبشن
أعطيه 7 \10 ,,

MADAGASCAR
طبعا شطحت شوي وحملت هالفلم..
هو فلم كرتون لكنه بطل والله ..
حلو للي يبي يغير جو شوي ..
وأنا ناوي أحمل الجزء الثاني قريب ,,

The.Adventures.Of.Indiana.Jones
هو فيه 3 أفلام ..
وكلها ماخذه تصنيف عالي في imdb
شفت أول فلمين وصراحة ما عجبني مرة ولا يستاهل التصنيف اللي خذه..
يعني اللي ما حمله لا يحمله إلا إذا ما لقى شي غيره ,,

Scent of a Woman
فلم دراما عن شايب أعمى وشاب ..
الفلم حلو لكن موب مرة
اللي محليه آل باتشينو ..
بس الفلم مشكلته طويل على غير سنع
أعطيه 7 \ 10,,

The Count of Monte Cristo
فلم بطل بطل بطل
قصته خنفشارية وحلوة وأنصح الكل يحمله ..

وبعدين لحد يقولي أفلامك مغبرة ..
أفلامكم الجديدة كلها سقيمة ..
ما فيه إلا باتمان و traitor و taken هي اللي تستاهل الواحد يشوفها ,,

** إلا وش السالفة..كل ما جيت أنسق هالنص يصير الكلام العربي فوق والانقليزي تحت
هو طبيعي كذا عند الك ولا وش السالفة