حارة المساطيل - عرض مشاركة واحدة - فعالية / قدر الشراكه وربع تعاونوا ماذلّوا .. { مرحلة التسجيل }

22-12-2008, 11:56 PM

بسم الله الرحمن الرحيم ..

يالله حي المسطولين والمسطولات ..

اليوم بإذن الله راح نبدى معكم بمرحلة التسجيل في أول فعاليه يشهدها المطبخ .. فعاليه سهله وبسيطه وبنفس الوقت تبي تغيّر جو المطبخ وتبث روح التعاون بين أعضاء الحاره .
كل واحد فيكم مطلوب منه يشمّر كمومه و يجهّز ساطورته وسكّينته ومريلته بعد .. واللي مامعه مريلة يروح لابو ريالين ويشتري له بسرعه ويحجز مكان عندنا لان المقاعد محدودة والجوايز تسثيره .

شروط الفعالية :-

* الفعاليه عباره عن قروبات .. كل قروب يتكون من 2 أو 3 أعضاء بالكثير .., ياليت كل قروب يكون له اسم مثلا ( كبيرنا فلفله وصغيرنا شطيطه .... )

* مطلوب من كل قروب يصلّح وجبة متكاملة تتكون من 3 أطباق .. ( طبق رئيسي + حلى + سلطه ) .. نبي نشبع صح

* يتفق أعضاء القروب مع بعض بحيث كل واحد منهم يسوي طبق .. موب واحد يطبخ والبقيه يتفرجون ،، المهم القروب مسؤول عن تقسيم الشغل بينهم بالطريقه اللّي تناسبهم

* ذكر المقادير والطريقة مع تصوير موجز لخطوات الطبخ ..و حبذا تحطون اسماءكم على الصور عشان الحقوق ما تضيع .

* ينزل الموضوع عن طريق يوزر الشيف في اليوم المحدد للقروب ويجون ييفرشون السماط و يحطون اطباقهم .

* طريقة التقييم بتكون عن طريق الردود ، كل عضو يرد يقيم الموضوع من ( 5 ) ،، وماراح ناخذ بالاعتبار تقييم اللي مشاركاتهم اقل من 100 + تقييم لجنة التحكيم بيكون من 50 .. " لا يشترط ان الموضوع ذو التقييم الاعلى من قبل الجمهور انه بيكون الفايز لان تقييم الجمهور مايعطي النتيجة النهائية "

الموضوع مفتوح للتسجيل لمدة عشرة أيام بدءاً من تاريخ اليوم .

- المشاركة للجميع .. من اصحاب العراجين والضبان والمكرونه الحمرا الى اصحاب الحلويات والطبخات الياي

Go

من خلف المايكرفون /

الخبلة & جوكرة اللعب

.