اولا السلام عليكم ورحمة الله وبركاته ..
اعتذر عن الغياب الذي كان رغما عني .. كما كنت اود ان آتي بقصيده تشارك وتجاهد ادبيا مع غزه . ولكن دائما ما يعجز لساني عن وصف هكذا منظر ..حيث تتوقف المشاعر ويتوقف اللسان عن الكلام كالعاده من الالم
لكم هالمتواضعه التي حاكت تجربه واقعيه
ياصاحبي ماصارت وعودك وعود = آنا على رجوى الوعود القديمه
الحال يعزف لك همومه على العود = يشكي عليك اشواقه المستهيمه
كني على كسر المجاديف موعود = مع موجة الفرقا وبحر الهزيمه
فاقدك ياللي شوفتك بارد النود = ياللي بعدك الروح تلفاً سقيمه
والونه اللي عقبها سرت محدود = عساني القا في مسيري غنيمه
اسوج رجلي فالخلا راجي ٍ فود = اطويبها جرد الوطى المستقيمه
لعلي اشرع فالصدر كل مسدود = واحيي بطرياها عروقن عقيمه
والعله اللي في النحر كنها العود = تبدي ليا عاتب نديم ٍ نديمه
والدمعتين اللي كما دمعة العود = عزاي فيها فرحتين ٍ يتيمه
والحره اللي تحرق كبود وكبود = شوف اسم ابوها وسط كرت العزيمه.
.
.