حارة المساطيل - عرض مشاركة واحدة

10-05-2009, 01:54 AM

بسم الله الرحمن الرحيم

اسعد الله مساك ياقاضينا

يبو سالم ترانا محناب مقطوعه ألسنتنا وإلا قليلين شر
والا ماعندنا كيبوردات ... الا والله أقدر أرد واسفل وأحط اقذر الكلام
لكن أتوقع اللي بيننا هنا وعلاقتنا مع بعض تخلي الشخص يفكر الف مره
قبل مايجرح زميله او يغلط عليه في انسانيته او يهينه بكلمه ...
لأن صار بيينا عشره واخذ ورد
وتراني اقعد بالملعب اكثر من ماأقعد في مكتبي والا مع اصحابي
وأعتقد هذا التشبيه يكفي ويختصر كثير من اللي كنت بقوله ..
وانابالذات يعلم الله اني أحترم الانظمه والقوانين وأترفع عن بعض الامور
اللي ماتشرف الموقع ولاتشرف الشخص اللي يقولها اصلا
واقسم بالله العظيم أني أحاول أمشي الامور قد ماأقدر وابلع واسكت
لكن إذا شفت الامور زادت عن حدها ماراح اتعب نفسي بالدخول في
نقاش بيزنطي لافائده منه مع شخص أخطأ علي لكن أجي للمحكمه
واللي يحكم به القاضي نقول له على العين والراس .

يخي تعودنا في حارة المساطيل على حرية الرأي
وعلى التعامل الامثل من الجميع مع الاعضاء ..
من أعلى المناصب الاداريه في الحاره إلى احدث مشرف ومهندس تطوير

لكن أن يكون المشرف يتكلم مع العضو بأسلوب مثل اللي صدر اليوم
من الاخ نفر سفري هذا مالا يرضاه عقل ولا يتمناه أي شخص سواء في الحاره
أو غيرها .. وإذا الله حدنا على هالملعب عشان فيه ناس نحبهم ونحب جلستهم وجوّهم
ورجال تنشرى صداقتهم بالذهب ونفديهم بأعمارنا ..فترى الملاعب أكثر من الهم على القلب
والله لايعيده مكان أحس ان قيمتي قليله فيه لأن فيه أماكن أخرى تتمنى يوزر أمل مقتول يكتب عندهم حرف ونجد عندهم القدر والحشيمه .
أقدر لنفر حبه للاتحاد ولمنصور البلوي لكن مهو عشان يحبه يقوم يهيننا !!
ياما صدر من الفاظ بحق ناس نحبهم ونراهم في القدر والمكانه والمنزله
افضل من 100 منصور لكن نرد ردود مفصله ولانحاول ندخل في انسانية الاعضاء
لأن انسانية الشخص هي أغلى شي يملكه للأسف في الشرق الاوسط

بحكي لك القصه من بدايتها ..

بداية السالفه كانت رد لنفر سفري كتب فيه :

اقتباس:

والله انك تتمنى وكل الانديه تتمنى ان عندها نص منصور ,, تتمنون منص ومنتم لاقين

وبدت ردود الافعال تتوالى بعد هالجمله خصوصا انها كانت موجهه لكل الانديه
سواء لهلالي او غيره الكل قام يعقب عليها هلاليين ونصراويين

جيت انا مطبح كعادتي بكل براءه او بكل قلة ذوق او بكل وقاحه
ورديت ردي الاتي :

اقتباس:

الله يكرم الهلال عن هالاشكال

وكان رد يعبّر عن وجهة نظري في منصور البلوي المعروفه للجميع أني ماأطيق ريحته
ولاهو بجديد اني اقول الله يكرم او اقول المخلوع أو اي لفظ يعبّر عن كرهي لهالمنصور ..

فرد نفر علي وعلى اللي ردوا على كلمته بهالرد :

اقتباس:

اما امل والي يقول يكرم الهلال ,, اول شيء من متى الهلال يكرم ثاني شيء من الي خلى حمودي يصيح ومن الي خلى بندر يذب على نفسه ومن الي اخذ بطوله من قدام عيونكم ونظف الاستاد في 5 دقايق ومن الي قدر يتصدى للاعلام الهلالي ومن الي بفلوسه اهانكم لين صرتم تطلعون وتقولون غش قاعد يرشي لعيبتنا ومن الي ماقدرتوا توقفونه الا بطويل العمر بابا وبعد هذا كله اكيد بتقول يكرم الهلال ,,

قمت أنا رديت عليه ( رد محذوف ) في ما معناه
ان هالكلام اللي تقوله يانفر كله ترييش ومأخوذ خيره
ابغى لغة ارقام إذا عندك لغة ارقام عطني اياها
وذكرت انه للمره الثانيه الله يكرم هلالنا عن هالاشكال واقصد منصور.

رد علي نفر وسألني هل ابغى البطولات كامله والا القدم بس
وذكرانه انت لو قلنا لك كلمه تروح للمحكمه تشتكي وكتب عيب يابابا

فجيت ومن باب المزح رديت على أستفساره انه نبي القدم وكتبت
صاح صاح صاح نفر وأقصد أنه عصب لأنه كان واضح
من طريقة رده أنه معصب ومتشنج !

بعدين جاء شخص اسمه مهما يقولون بعد ماقرأ كلمة (عيب يابا)
سأل نفر انه أنت يوم تقول سيول مايسوى جزمة نيبوشا مهو عيب !!
* أرجوا أن يستدعى مهما يقولون كشاهد لأنه كان اون لاين ساعتها

فجأه طبح علينا هالرد

اقتباس:

هذي عباره تنقال في كورة القدم والمقصود انه مايجي جنب لعبه ,, بس انه يكرمون وش دعوه شايف كلب والا خنزيز !! والله ماعلي وماني مثله من كلمه راح يصيح في المحكمه ,, بس الواحد تكفيه اشاره والبعض تكفيهم كلمه ,, والبعض ماينفق معهم الا الي في رجلك وانتم بكرامه

طبعا معروف من المقصود ..وهو أنا
خصوصا أنه زي ماذكرت قبلها برد كان يقولي اني
أروح راعي شكاوي للمحكمه !!
في عندي بعض الاسأله

طيب شلون فسر نفر كلمة يكرم على اني شايف منصور خنزير وكلب
وانا مافسرت رده هذا :

اقتباس:

ومن الي اخذ بطوله من قدام عيونكم ونظف الاستاد في 5 دقايق

على أنه يقصد الجمهور الهلالي وصاخه نظفها البلوي

اقتباس:

ومن الي بفلوسه اهانكم

ولافسرت كلمة اهانكم تفاسير تحتمل كثير من المعاني !!

وفوق هذا كله ليش نفر يوم شاف ان الرد يضايقه ماحرره مثلا !!

ليش يخليه ويقوم يغلط علي ويوصلها لحذيان وجزم وحركات اقل مااقول عنها

ماتليق بمشرف لموقع مثل حارة المساطيل

هذا اللي عندي في شكواي ياقاضينا كنت بمشي الموضوع واسكت
لكن اللفظ للأسف كبير ولاينقال ولو حتى حاول نفر يخبيه تحت كلمة البعض
إلا ان الله ماشفناه وبالعقل عرفناه ومعروف من المقصود ..
خصوصا انه يادوب قريت الردود إلا قام حذفها كلها لأنها تدينه وتدين
لي بحق عنده ..

هذا كل اللي حصل اليوم يبو سالم أرجوا ان تنصفنا من مثل هالرعونه في الرد
من قبل المشرف نفر سفري خصوصا سالفة حذيانه اللي ينطلها على خلق الله
المحترمين اللي كانوا سبب بعد الله في بروز الملعب المحلي وبروز يوزره سواء
اما مقتول أو غيره من الاعضاء النشطين معنا من كل جماهير الانديه .

ولك جزيل الشكر

ملاحظه : لن أرد أي رد أخر حتى تأذن لي <<خايف من 5 أيام