حارة المساطيل - عرض مشاركة واحدة - جدول فعالية " على بلاطه " وروابط المواضيع

18-05-2009, 02:10 PM

السلاااااااااام عليكم ورحمة الله وبركاته .. ( يعني تراني متحمسسس ) ..

خطاب داخلي سري بس مهب سري سري يعني هه

من : بثر الناطق بحرف الراء
الى : الاعضاء المسجلين بفعاليه الغفله

بسم الله الرحمن الرحيم . اما بعد . يسرنا الاعلان عن انطلاق الفعاليه " على بلاطه " ويسرنا ان نخبركم اننا ماراح نجيب طاري المقرفون لاني بثرت ابو شكلكم فيه .. اما بعد ( < جازت له الكلمه ولا فاهمها غلط ؟ ههههههههههههه ) . عمر الفعاليه بعد التقصيص من ابو وفى وعمليات الشعوذه من قبل جربوع هاوي والقصف العشوائي من عصير بيك والدعاء والرجاء من بهجت ( والله وما قالت ) ودقت الصدر من مخاوي الترنج.. تقلص من 5 شهور الى 3 شهور ( والله يا رفسنا ام الجدول ترفيس صار كنه قوطي ببسي تحول الى كرة قدم ) وذلك بالغاء المشاركات الخارجيه للكتاب وهلم جره .( وهلم جره وهلم جره. وهلم جره اقسم بالله رهيب الشعور اللي يجيك لا تكلمت فصحى خصوصاً لاكنت ماتدري وش معناته ) .

توضيح ملابسات الفعاليه :-
( جربوع معطيني معجم مضروب )

الاعضاء المشاركين بالفعاليه احب انوه ان على قدر العزم تأتي العزايم . الله الله بالطرح الساخر والبعد عن الجديه عشان مايتحول الموضوع لحسينيه ونلقى عصير بيك صالب روحه ويتنكس فوق السيوف هدف الفعاليه مهب نشر البؤس والتذمر واحباط المجتمع زي الاقسام الجديه بالحاره ( صوره مع التحيه للكايد راعي الددسن ) . بل هدفها النصيحه على طريقة اهل الشله بالذب والعياره حتى يتقبلها المجتمع وهو فاقن خشته ولا يدري اننا صلخناه من تحت لتحت (خطه مبزره صح ؟ ) والموضوع ماله قيود بالنسبه للطول والقصر اهم شي عندنا المضمون واقولها لكم على بلاااطه " لا للسماجه "

جدول الفعاليه :- ( بعد التعديل الاخير )

اول شي احب اقول حسبنا الله ونعم الوكيل على الفتوشوب ومستخدميه اللي بازين لنا فيه ويرسمون شخابيط ويوم احتجناهم كلن عطاني ضهره وانحاش خخخخخخخخخ مع ان طلبي كان بسيط لكن قلت ياولد طلع مواهبك والله واصور الشاشه بالجوال وانزل الصوره لكم هههههههههههههههههههههههههه اهم شي جدول عاد من كثركم بعد زين اللي ماخليت التي بوي حقي يدق عليكم ويعلمكم متى مواعيدكم

امززح شكراً لمطرقه العضوه اللتي انقذتنا بالجدول .

اخواننا من العالم العربي اللي مايعرفون لتاريخ الفرنجه هذا برنامج يساعدكم بتحويل التواريخ
اضغط هنا

اي شكاوى او اقتراحات على الجدول منيب معلمكم وش تسوون فيها هههه لاني مستحيل اعدل هالجدول لو تعطوني اسكريم سعيدان امزح جدولنا مرن وقابل للنقااش. واي مشارك عنده رأي او مشكله لا سمح الله يقدر يراسل فيها بثر.

ويعلم الله انه انفضخ راسي انا وهالجدول اكتشفت وقتها اني ماعرف اعد اكثر من عشره هههههههههههههههه لا جيت اقول حدعش اقول واحد مره ثانيه هههههههههههههه وواحد وعشرين واحد مره ثالثه هههههههههه ادري محد فهمها بس المهم الجدول عندكم وانا بصرف نفسي

اخيراً في هذا الموضوع راح تنزل روابط المواضيع كلها والتقييم راح يكون على " كميه العياره بالموضوع + نوعيه الموضوع المختار + تفاعل الاعضاء " ومنسوبين الشله محرومين من الجوائز عشان محد ينشبلي بثر ابي شحن بثر ابي ببسي هههههه بالتوفييييق للجميع وحضاً طيباً .