حارة المساطيل - عرض مشاركة واحدة

20-05-2009, 11:33 PM

عز الله إنك جبتها يا تريلة بس ما سويت فيني خير أبد موضوعي بعد موضوعك و مهما سويت خلاص موضوعك سحب البساط و المراكي بعد

على طاري الصيفية السنة الجاية ناوي أسافر في الشتاء ... أجل قبل أمس أبحجز للشغالة و السواق لأندونيسيا في الإجازة بعد شهرين و لا لقيت لهم حجز مباشر و يوم لقيت حجز على طيران الاتحاد طلعت التذكرة بحول 4000 ريال للواحد .... حشا امريكا ذي مهيب أندونيسا

أما في الشتاء تسافر أوربا بتذكرة ب 1500 بس بس صح تذكرت نبي نغير جو في الصيف

اقتباس:

قالت بصيِّف بين لندن وباريس

اقتباس:

وأنت حبيبي وين ودّك تصيّف ؟

قلت أتركيني للحزن والتناهيد
الله يخلي غرفتي والمكيف !

اقتباس:

صح لسانه ... ذكرني بقول الشاعر :

يا قرب لندن وواشنطن و باريس *** حذفة عصا للي رصيدة ملايين
و يا عز حالي للرجال المفاليس *** اللي تضايقهم وجيه الديايين

اقتباس:

شعب ما يعرف يتخيّل تبونه يعرف وشلون يطبّق على أرض الواقع ؟

ياخي يعجبونك الخواجات ... تصدق يخططون للويكند قبل بعدة أشهر ... و السفر يخططون له قبل بسنة الظاهر ، مهوب مثلنا تصدق إني شفت شباب في مكاتب طيران يدورون حجز يقول له : شف لي حجز على القاهرة ... طيب ما فيه ... شف كازا ... ما فيه ... أجل شف بيروت يبي يسافر و بس و إذا رجع و سئلته وشف شفت في هاك الديرة ما عرف يقول شي ... لأنه ما شاف الشمس أصلاً

اقتباس:

وشوله نصيف دامنا بنسوي ببزارينا كذا ؟ وتلومون الصيادين يوم يشتكون من قل السمك ؟ بلا والله هالأشكال تطافش ؟ وفي نفس السياق اكتشف العالم الكبير نيل ماركوني أن سبب وفرة البترول في الخليج ان فيهم وصاخه مهيب في باقي دول العالم .. يروحون هالشعوب يطافشون فالبحر ثمن تنفق الأسماك وتتحلل وتروح في التربه لين تتخمر مع الشمس ثم يطلع البترول ثم فر هاربا <- إمحق عالم

أها أجل هذا هو سر البترول ... عز الله إنه مهوب خالص أجل ... الله يديمها نعمة

اقتباس:

يا زين الثوب زيناه ويا كثر ما انتي ساترتن بلاوي يا عباه

صدقت صدقت ... ياما شفنا مناظر و اللي جسمه زين يطلع أصلع بس الشماغ ساتره

الله يعطيك العافية على هالموضوع الرائع ... خير افتتاح للفعالية

و فالكم طيب