07-06-2009, 05:38 AM
|
|
|
توه ساكن
|
مراااااااااااااااااااااااحب على الحريم صراااااحة سوالفتسن تجنن وتهبل تهبيل
المهم على طااااري العمات والبزارين
انا عندي مشكلتن تدبل السبد
تشبهلها
حنا في الاجازات نروح لعمامي في بيت جدي الله يرحمه وعاد عماتي يتجمعن الكبيرة منهن معاها بزاريين يغثوون غث وعاد اذا اجتمعنا قامت هي تلاحقهم وماتجلس معانا قلنا كيفها القهر اذا اجتمعنا مع عماتي الباقيات وحريم عماني عاد هن واجد مشاء الله
جوا وراعينها على قهوة الحريم وواحد :يمه ابي حلى
الثاني :يمه ابي فطاير
الثالث :يمه ابي مكسرات
لا واكبرهم 5ابتدائي بنتها هذه معتبره نفسها حرمه تجلس مع الحريم وتحلي >>>>>قرف والثانية اصغر بسنة مجنونة بقوة تجيتس(تجيك) وانتي الكبيرة تكرهك عيشتك بس تعاند حتى لو ماكلمتيها وتنجبرين تهاوشينها عاد عمتي ماترضى على بزارينها وبعد شكل الوحدة يطلع غلط وهي تهاوش مع وحدة مو صغيره تسكت وتصيح ولا كبيرة يطلع في تكافؤ عاد الناس يقولوا حاطه راسها براس بزر
والباقين انواع البيااااااااخة والدلع ولو بغوا اللعبة اللي بيد اي احد اخذها ومعاه الدفاع امه وعماته  معليه هذا ورع وشوي بس ويرجعها)طيب اللي انوخذت منه مو زيه<<<<<<لاتعليق
واذا جا العشاء او الغدا لازم كلهم على الصحن حتى لو فيه حريم وزحمة لدرجة اننا مانلقى مكان
فإذا اضطرت تحطلهم صحن لحالهم مع ان امي وحريم عماني يحطون للبزارين اكل عند الشغالات
عاد تبقى بنتها الحرمة اللي ب5 ابتدائي واختها اذا شافتها قالت انا مثلها كبيرة
وقسم بالله اني انقهر عاد فيه بنات كبرهن بس لا هي حاطه عمرها 22 سنة
وتعالوا شوفوهن اذا رحنا لإستراحتنا انواع الازعاج وليتهم يلعبون برا لا يجون عندنا ويصجونا ونقول لعمتي عمه طلعيهم برا تقول كيفهم
تدرون وين المشكلة الحقيقية
ان عمتي هذه طيبة وقلبها ابيض وعسل وتضايق اذا هاوشنا عيالها بس ربي باليها بلوى تقهر من قلب وما خفي كان اعظم
بس قسم بالله مانستانس منهم عاد عمتي لها بيت جنب بيت جدي واذا جينا سنترت عندنا تبي تستانس طيب حنا نبيها بس مفروض تجي وقت عشاء او غداء وتروح عشان ما نبتلش ومايصير بينا تتش
ما أقول الا الله يصلحهم
وش توقعون الحل في ذا البزاريين اللي صاروااا علة على القلب
وتحيااااااااااااتي
وعذرا على الاطالة
آخر تعديل كناشه
في 05:44 AM.
|
|
|
|