السلام عليكم ورحمة الله وبركاته
مساكم الله بالخير جميعا ان شاء الله تكونون بخير
ماعندي مقدمه ببداء بالموضوع
قبل فتره كان عندنا اجازه وسافرنا كم يوم نغير جو ونخفف من ضغوط الغربه ونشوف الاراضي الاستراليه وكانت الرحله بالسياره بما ان الطريق خضار وطبيعه يالله الجنه ولو نمشي عشر ساعات ما حسينا بطوله
سير الرحله ملبورن _نيوكاسل_سيدني_ملبورن
طلعنا بدري لان الطريق طويل واكيد مافي سرعه لان قسايمهم تقص الظهر
وقفنا بهالمكان نفطر مع مشاركة هالطيور ما خلت لنا بنتي خبزه ناكله عطتهن كل الخبز تقول يبغن ياكلن ياماما
قلته حتى حنا نبي ناكل
مشينا كم ساعه بعدها وقفنا نصلى بها المكان
الطريق من ملبورن الى نيوكاسل تقريبا 11 ساعه طبعا مستحيل نمشيها بيوم قررنا نرتاح بديره
وختارنا ديره صغيره اسمها ناروما
وطبعا عندهم كل ديره لو هي صغيره مخدومه وفيها سكن وتقدر تحجز من بيتك دخلنا على الموقع وحجزنا بفندق 4 نجوم سويت
تخيل فندق 4 نجوم بقريه صغيره موب مثلنا ماتلقى بالطريق الا غرف فوق محطه وتخوف من كثر العمال والسكارى وقطاع الطرق
المهم وصلنا بعد ماغبت الشمس ولا شفنا الديره
اتجهنا للفندق كان نضيف مره ومرتب
مطبخ صغير
قمنا الصبح بدري وهالمنظر من شرفة الغرفه
اجمل جلسه بها المكان
طلعت الشمس الجو جدا رائع لا هو برد ولا هو حر
قهوتي
اللي ماتفرقني ولا صبح
وانا جالسه بشرفة الغرفه اتأمل بجمال هالمكان والتفت على اليمين ولقيت شي مافي امل اشوفه بديرتنا
وش تتوقعون
بتقولون مطعم كافي منتجع قصر(متعوده على ديرتنا البحر كله محجر منتجعات وقصور وشي خاص)
بقولكم لا
مدرسه ابتدائيه
عشان تصدقون مره ثانيه
اه اه يازين الدراسه
باص الطلاب والطالبات
طلعت امشي حول المدرسه وهالمكان عن المرسه خطويتين
ملعب قولف جنب الفندق
بعدها افطرنا وطلعنا من ناروما الساحره وتجهنا لنيوكاسل
ناروما ديره صغيره مره سكانه 2000 نسمه
كل شي به مانقصه شي فيها 4 فنادق 1 من فئة4 نجوم و3 من فئة 3 نجوم و3 نوادي رياضيه و2 ملعب قولف وملعب كرة قدم غير الحدايق والمطاعم ومركز تسوق فيه صالة سينما كانه القرى والهجر اللي بالسعوديه بالظبط صح
اتمنى ان الموضوع يعجبكم
لاتنسوني من دعواتكم