افاااا يا أم السباحين 
هذا وانتي كبر جدتي تسولفين هالسواليف التعبانه أجل وش
خليتي لنجلاء ونوف مراهقات المتوسطه الخامسه عشر < مدرسه منفلت عيارها
:::
والله موضوعك اللي لفت انتباهي فيه نقطه حبيت ماطلع ساكته بدون ما انبه عليها يمكن نطلع
عن طريقة الردود فالشله ( لاني اشوف موضوعك دكاوي بحت )، ام السباحين سعاطير شياطينك
قويه .!؟ كأنهم يعترضون على خلقة ربي وتدبيره لشئون الكون مافي مجال للاحتجاج ولا
للتفكر فيهالموضوع( يمكن يتعبر هالشي مني انحياز لجهه معين ) لكني والله حياديه في كل
شئ حتى لوعلى نفسي اعطي الحق، من يم ربي ( الرجال قوامون على النساء) شهادة الرجل
الواحد بأنثيين /
::
صحيح في النار والحلال والحرام كلهم عند ربي حسابهم واحد والدليل ربي ضرب مثل
للمؤمنين والمؤمنات على حد سواء فالجنه اسيآ ومريم بنت عمران / ولكن لو رجعنا ( لتكوين
الجسدي للبنت والولد هوو السبب الاول والاخيرر في نظرة المجتمع للبنت وخوفهم عليه)
::
مثلاً :
كنتي جالسه فالحوش وعندك قلاصين واحد تشربين فيه شاهي( قزاز ابوجبن ) والثاني للماء
حديد لوضربتيه في جدارر مانكسرر ولا انعبط ، وهم في طوفيريه جاك ورع يلعب بالكوره
وشوي وتضرب طوفريتك وش تسوين ..!؟ تحطين يدك على القلاص القزاز ابوجبن وتتركين
الحديد وتقولين ( القزاز ياورع ) ليش ؟ القلاص الزجاجي ادنى حركه تكسره ، ولا الحديدي ل
و طاح مانكسر ولاحد بيدري بطيحته ..!؟ ( وصل المعنى )
::
من هنا صارت البنت هي مقياس و دليل عفة وشرف الاهل .. وهي التقييم لهم لاصلحت صلح
كل اهل البيت من اكبر راس لاصغر راس ولا خربت ولاصار فيها خدش بسيط ( نظرية
القلاص ابوجبن ) راحت هيبة البيت كله ، والولد خطأه مايضره في شي اما البنت لتكوينها
يخرب على سمعتها ، يعني ماهي ملك نفسها تتصرف بحالها كيف تشاء واي فعل منها يأثر حتى
عالولد ابو 6 سنوات في عايلتها .. ( وصلت المعلومه ياحظي ؟! )
::
اماسالفة ليش الرجال يعرس من برى والبنات عيب طلعتها من ديرتها ، بالعقل الولد من
يتبع الام ولا الابوو ...!؟ الرجال لو تزوج من برى ولده يتبعه اسمه واصله وجنسيته و
المرأه الاجنبيه نفسها تتبعه وتصيررر من ديرته ، ااما الحرمه لوو طلعت للي برى ولدها
ماهوو تابع لهااا يعني لو قصدك زواجهم من السوريات ، ( رجال سعودي تزوج سوريه
وبنت تزوجت سوري ، لما ينجبون سيري على كل واحد في بيته وتعرفين الفرق .....)
الفرق وشو : عيال الرجال سعوديين ومرته تتبعه سعوديه ،، وعيال المره الي خذت خارجي
سواريه وامهم تسوروت معهم ...!؟ ( يعني ماناقص عليكن الا ذي هذا الي تبنه ..!.؟)
::
بس انتي غلطتي قارنتي بين الاخطاء وصرتي كأنك ملتي لجهه معينه مع اني اعرف
مانتي بحولها ولاتجيزين سوالفها : لو ناقشتي في مجتمعنا الذكوري البنت الفالحه الناضجه
المحافظه ، افضل ولا الشاب المنفلت الفاسد في العوايل ..!؟ تجي اضبط علاقل لك ...
::
لوخيرت في النسل بين بنت فالحه ومحافظه ووولد فاسد ومنفلت فقط ( والله بختارالجنين
الصاحي المحافظ : وبالاختيار تكون البنت )
::
( ) سباحين تحياتي لك ياجدتي المنحرفه ، 
اللي تبي تدشرنا ( )