حارة المساطيل - عرض مشاركة واحدة

09-06-2009, 06:20 PM

بهيججت وليد ابن ابصايري
قل آمين جعل مايغسلك الا انا وافهم يافهيم طبعا بعد عمر طويل اما تحويلتك في القبر فودي مايحولك في قبرك الا انا بس اعذرني انت عارف ان نحن معشر الفتيات محرم علينا دخول المقابر وللمعلومية تراني توني اعيش زهرة شبابي فأنا طريدة الشحرورة

الاخت المطنوخة نقطتان رأسيتان وقوس

احب ابلغتس انه جايني علم ان مهوب مفتتح طريق الحجاز الا انا واذكرتس اذا ماشفتيني بسيارتي الفوشية اجوب بها اقطار الرياض فانا مانيب ام السباحين

اقتباس:

لان المره ضعيفه ومخفه بنفس الوقت ولو تخربها مع واحد بتخربها مع عشره والرجال يبي وحده خاليه من الشوائب ومفلتره مافيه العود صاغ سليم من الوكاله مايبي وحده عليها من الله ظلال

يعني هو من حقهم يبون ويتشرطون وحنا لا ! ترانا ياوخيتي بشر لسنا مجرد دما والا مراكي عندهم ,,أنا بعد وش حيثي انا بعد مابي واحد توه طالع من الوكاله الا اذا صرت عاد مانيب بكر فمهيب مشكله اخذ واحد مطلق او على ذمته مره يعني هذي فيها تفاوض لكن اخذ واحد سربوت لا والله احس لو اني دريت ان رجلي يسوي هالسوايا احس انها ماهيب قابلته نفسي اقول احس يعني ما ااجزم بها الشي ولا اوعد احد بشي

طايرتن بالعجة نقطيتن علامة تعجب

مانيب ام لااحد ولانيب اشم انا اعرف اعرم وبس

اقتباس:

كل ما اشتدت حرارة الشمس ذابت الزبدة

ماذبحنا الا هالشموس وحرارتها جتنا طقة شمس الله العالم بها ما خلانا حول مانسمر الا هالشموس

اقتباس:

اساسا غالبا البنت ماتبحث عن غير زوجها الا لأنها تفتقد لشيء ولو كان اقل من البسيط في زوجها نفسه

تقولينه صادقه ! يابنيتي اكثر البنيات اللي يكلمن شباب ماخلاهن يسوهن هالسوايا الا من قهر فيهن كل وحدة تشوف سبع البرمبه طايح في مصيبه

ابووفى اللي كش شي عنه خفى

يامصل بعض الناس ياخي صجيتنا كل رد والثاني سارق لك بيت شعر ولاصقه في الرد الى متى واحنا نبي نصبر على مصولك قال ايش قال حلاوة وطاحت في التراب مانيب قايلة جعل في وجهك التراب

اللي بالقلينزي

وش كلام الشيخ ووش كلام الدين !
انا اقول ليش هالتفرقة !عطني كلام الدين عطني كلام الشيخ عطني اي شي منطقي يبرر هالتفرقة

مدرس عزوبي

ابيك تعرس الله يرضى عليك وشو له ماتعرس اللي اعرفه ان المدرسين رواتبهم زينه ويطلعون بدري حلوة فيه شي يصلح للرجال ومايصلح للحريم حرمت جرة العدو بلى حرمت جر العدو

كراسي المكينة

الله ينجحتس وزوجتس على ولد الحلال والا مويضيعي لاحقين عليه لكن مايمنع اني اشوف ردتس

ندى باطوق

الحين انا اتكلم عن سواليف منحرفة وتعبانه ! وين هالانحراف ياندى ! انا قلت ليش مجتمعنا ذكوري وانا لما تعجبت من هالشي ماطالبت بشي ماقره لي ديني الشي اللي محرم انا مابيه لي سبحان الله انتي مثل بعض الناس (مانيب قايلة بعض المشايخ لاني اقول يايدي اطلقي حلقي)اذا اشتكت المرأة من زوجها السكير النكير اللي مايصلي او اللي يكوفنها على باله ملاكم والزوجة عنده دمية يتمرن عليها واللي غاثها وموريها النجوم في عز القايلة قالوا لها الصبري لعل يهديه الله ,, اصبري علشان عيالك ,, اصبري وش يقولون الناس عنك تبينهم يقولون مطلقة ! اصبري ترى معد انتي معرسة الا على شايب ,,

انتي شبهتينا بالقزاز والرجاجيل بالحديد على اي اساس قستي هالتشبيه ؟! او انها بس الافكار والاعتقادات اللي وعيتي على الدنيا بها ؟ للمعلومية انا ماقلت اني ابي القوامة في يد الزوجة تكفين ياندى لاتقيوليني شي ماقلته

مضيعة بخنقها

بس ياوخيتي حنا مانبي الا الشي اللي كانن الصحابيات يزييننه
انا ماودي اطلع عن مويضيعي والا الكلام في هالشي يطول بس خليه يامضيعة الي يجي مجاله ان شاء الله