.
.
بسم الله الرحمن الرحيم ..
السلام عليكم و رحمة الله و بركاته .. يالله حيـّهم
أحب أبارك لأعضاء حارتنـا .. و لأعضاء السوالف بشكل خااااص .. طلّة رمضان علينـا .. و الله يعينكم و يوفقكم على صيامه و قيامه
.. و إن شاء الله كل رمضان و أنتوا لله أقرب .. و كل رمضان و أنتوا أحلى و سوالفكم أحلى و أحلى بإذن واحد أحد
راح نعلن عن فعاليتين نب نعتمدهم برمضان يا حلوين
الأولى / راح تكون تحت عنوان :
[
على كرسي الاتهام ]
(
مدخل )
تحت شعار الديموقراطية اللي عرفناها من الحاره .. و ادارتهـا
(
الفكره )
مقابله مفتوح مع الضيف .. اللي راح يكون له باااع بالحاره و ادارتها و سياستها .. هالفعاليه مش مقابله شخصيه مثل ما راح يتوقع البعض أبد أبد .. هي جلسه حلوه .. راح نجلسها معكم و نتقهوى مع ضيفنا .. ثلاث أيام بالاسبوع (
الأحد / الاثنين / الثلاثاء) لمدة اسبوعين .. المحصله النهائيه : إننا نب نستقبل ضيفين .. كل منهم نب نخصص له اسبوعين بمعدل ثلاث أيام اسبوعيا (= 6 أيام لكل ضيف
) .. جلستنا هذي .. تب تحلى أكيد أكثر و أكثر معكم .. من الساعه 8-10 بالليل في الأيام المعتمده و على الهواء مباشره
(
شروط المشاركه )
- الفعاليه ليست مقابله شخصيه .. لذلك ما نبي و لا سؤال يعرض على ضيفنا له علاقه بحياته الشخصيه .. اسمه .. عمره ....... إلخ ..
أي سؤال من هالنمونه .. راح يحذف بدون الرجوع للعضو .. و للضيف الحق في شرشحة من يسأله اسئله شخصيه .. و يذب عليه إلى ما يصيح
- اسلوب و فكرة الاسئله بشكل عام ..
لازم تكون متعلقه بالحاره و سياستها و المطلوب منكم .. حشر الضيف
.. لا جد عاد .. نبي منكم أسئله تبيّض الوجه و تجبر الضيف إنه يرد عليه مهما كانت قوّة السؤال
.. نبيها طالعه من ناس تفهم وش هي تسأل عنه مب طابتن محيفره ايقال اني قوي و فاهم..
أي سؤال يدور في بالكم عن أي شي في الحاره .. انتقاد لحركه معينه .. سياسه معينه .. ملاحظات .. لفت نظر لشي غفلت عنه ادارة الحاره .. يا ليت لو تكتبونه هنيـّا .. و مالكم من ضيفنا إلاّ إنه يجاوبكم
طالما إن السؤال واضح و مقيّد بالشروط
(
ماودي أذكر أمثله على نمونة الأسئله لأن ودي أترك لكم المجال.. و أنتوا بسم الله ما ينخاف عليكم تاكلون الواحد بعظامه)
-
لكل عضو .. الحق (يوميا) في طرح سؤالين فقط .. أو يطلب من الضيف اعادة توضيح جواب معين او اعادة شرح لفكره معينه كان يشوف إن الضيف ما أجاب عليه الاجابه الصح
..
بشرط إن لا يكون هالسؤالين في نفس الصفحه (مثلا طرحت سؤالك في الصفحه1 / سؤالك الثاني اطرحه في الصفحه2 أو 3 أو 4) .. طبعا ما يحتاج أقول إن هالحركه من باب تنظيم المشاركات و تنويعها .. و حتى نعطي الفرصه للضيف للإجابه على الأسئله الثانيه من باقي الأعضاء .. و من باب إن كل عضو له حق المشاركه و حق الاستفسار و السؤال .. مثل مالنا حق على ضيفنا إنه يجاوبنا
(
ضيوفنـا )
بإذن واحد أحد .. راح يكون ضيفنا في الفتره الأولى :
نكهة الديزل
و ضيفنا في الفتره الثانيه :
قاضينا المتسرب
حاولوا انكم تركزون أكثر على الأسئله اللي لها علاقه بادارة الحاره .. و تخصصونها لأبو ديزل .. افقعوا راسه فقع بالاسئله
.. بينما تفردون جلستنا مع أبو طارق للديوان و قضاياه .. لأجل تعطون كل ضيف حقه من الأسئله
.. هذا غير انكم تب تلقون الاجابات من أهلها و المسؤولين عنها مباشره بدون وسيط .. فلا تضيعون الفرصه
[line]
الثانيه / تحت عنوان :
[
وش فطوركم اليوم ؟؟ ]
الفكره .. اننا راح ننزل و نثبت اسبوعيا .. موضوع .. طريقة المشاركه فيه هو تصوير سماط الفطور
.. و لا مانع من بعض الذب
.. اذا انتهى الاسبوع .. نب نقفل هالموضوع .. همن ننزل موضوع ثاني .. و نسوي بالضبط مثل ما سوينا بموضوعنا الاول ..
راح نختتم موضوعنا هذا .. مع بداية العشر الاواخر من رمضان .. مع اعتماد تصويت شامل على كل السماطات
.. طبعا من بين كل الأعضاء ..
نب نقتصر الاختيارات بالتصويت النهائي على ثلاثة أعضاء بس .. لهم أحقية التميز برتبه .. استثنائيه
طبعا قبل لا أنسى .. صاحبة فكرة الفعاليه الثانيه هي : السنعه ..
يا حبي لتس يا شيخه .. والله لا يخليني منتس يا عسل
.
.
أتوقع مع تواجدكم و هبالكم .. انه تب تصير فله .. و تب تدهر السوالف و تشقلب فوق حدر و رأسا على عقب (الله يقلعتس عبير ههههههه استغفر الله
)
أي استفسار .. ملاحظه .. سؤال .. اقتراح .. ترا صندوق الخاص موجود .. لا يردكم إلا كي بوردكم
تمنياتي للجميع بالتوفيق ..
و نلقـاكم على خيـر