حارة المساطيل - عرض مشاركة واحدة

12-06-2009, 12:26 AM

هلااااااااااااااااا ياخاله وش هالموضوع اللي يبي له شوي قاز ويقب المفروض يكتبون على موضوعك من برا ( خطر سريع الإشتعال )
أنا والله لي تعليق على كم نقطه ليس من باب العياره لكنها من باب فشة خلق أو زي مايقولون

اقتباس:

ليش حنا مجتمع ذكوري

هذا سلمك الله لأن مُجتمعنا مُحافِظ يفرِض على المرأه التستُر و الإنزواء بعيداً عن التقاطع مع الرجُل أياً كان المُسبب لهذا التقاطُع .. حتى أقلها بالمُستشفيات مع إنها ضرورة إلا إنك قد تؤجلين موعد أو تُلغينه نهائياً لأن الدكتور ( رجُل ) .. ماعلينا هذي النقطه اللي ذكرتها بعيده كل البُعد عن فحوى موضوعِك <- أجل وشوله كاتبتها ياخاله ؟؟ ، لكِن هي كمدخل لتوضيح ليش مُجتمعنا ذكوري .. لأن المرأه عندنا تحت سيادة الرجُل سواءً أب أو زوج وملزومه بالطاعه لكلا الرجلين في غير معصية اللة من باب طاعة الله و تنفيذ أوامِره ومن هُنا كان مُجتمعنا مُجتمع ذكوري لأن السياده فيه للذكور ..

اقتباس:

ليش ووشوله كل هالتفريق بين حنا يا العذارى الخوندات الرقيقات وبينكم يا هالرجاجيل اللي ثلاثة ارباعكم او جلكم مجرد سلنتح فقط لاغير

صادقه هذا شئ مُلاحظ مع إنها تُرهات ماأنزل الله بها من سُلطان .. إلا إنها مُتجذره بالمجتمع بشكل يعمي على أبصارنا أحياناً و قد نتوقع إنها من صميم ديننا و عقيدتنا وهي ترى رسوبيات من عصور الجهل و الظلام اللي مرت على أجدادنا من أول إلى قبل تجديد الدعوه ..
بس ماننكِر إن بعض العادات والتقاليد يؤيدها الإسلام و يحض عليها ..

اقتباس:

بعض من يسمي نفسه رجال تلقى عنده خربطة وخنبقة مع بعض البني وان كتب الله وخطب قالوا ايه اذا اعرس بيعقل ان شاء الله حتى لو البنت اللي بتاخذه درت عن سواياه فهالشي مايعتبر في نظرهم مبرر انها ترفضه لانه من باب طيش الشباب

هذا يعود للبنت نفسها .. إذا هي عادي عندها و تتوقع إنه يبي يعقل عقب العرس براحتها هي ومستقبلها .. أو يمكن إنها تبي تعرس باللي هي به لكِن أنا أتكلم عن نفسي منب ملزومه أرتبط بشخص كان له سوابق وأعرف عنه تصرُفات طائشه لو يبرر ما يبرر ولو يقولون الناس اللي يقولون ماعليّ منهم .. إلا عاد إذا كنت ماأعرف عنه شي فهذا من حظه وتوفيق الله له
بس لاحظي شي حنا أنفسنا كنساء نُساعِد على تهميشنا !! شلون ؟ أنتِ بنفسِك تقولين [فهالشي مايعتبر في نظرهم مبرر انها ترفضه لانه من باب طيش الشباب ] منهم اللي لهُم نظر بالموضوع ؟ إذا قررت البنت المفروض تُصِر على قرارها وتكون عند كلمتها ولاتصير إمعه حتى بحياتها و مستقبلها كلن له رأي !! والله لو إنه أبوي على سن ورمح الله يطول بعمره ويعافيه مايمشّي كلامه وأنا منب مُقتنعه بهالآدمي !! <- مُتمرده

اقتباس:

وإلا عاد لو يعرس وتصهده مرته على جرمه المشؤوم فتعالوا شوفوا التبريرات والله انا اسف , انا ماكنت اقصد هالشي , هي اللي كانت ناشبة فيني بنت الحرام , ومن هالكلام اللي من ابو ريالين

إيوووووووووه هذي النقطه اللي ابي أعقب عليها واللي أشوفها أهم شي بالموضوع
والله ياعندنا حريم يجيبون المرض للصاحي اللي ماعنده أمراض من تصرفاتهن الغبيه !! أنا بس ابي أعرف زوجه تكتشف إن زوجها له علاقات دنيئه مثل وجهه وش اللي يخليها تسكت و تصبِر ؟؟؟ ( لاأحد يقول لي عيال وما عيال !! لابوهم عيال بيعيشوني ماكله جمر مع واحد مايخاف ربه ) وش اللي يخليها تشوف هالشي نزوه وتعدي ؟ والله لاهوب مُراهِق عشان نقول مايتحكم بتصرفاته وعقله ولاهوب أعزب عشان نقول الشيطان حريص و لا هالخطأ عادي عشان تشوفه هالزوجه الغبيه عادي !!!! ليش بعض الحريم بيجلطوني بيوم من الأيام من ردات فعلهُم الساذجه تجاه هالحركات !! لا وتجيك هالزوجه الساذجه المغلوبه على أمرها بِكُل ما أُوتيت من قوة وجه وتقول : وش أسوي طيب ؟ <-
وش اللي وش تسوين إعنبو الشين والذي رفع السماء بلاعمد و مد الأرض و مهد لو إني متزوجه شخص ( الله لايقوله ) و لمحته بس يناظر يسار بالسياره وانا يمينه ياهاك اليوم إن يشهدون جنازته أهل الرياض كلهم المسلم منهم والكافر !!! وش عاد لو حسيت بس إنه يلعب بذيله ويستغفلني ؟؟؟
هذي التصرُفات من بعض الحريم هي اللي تخلي مُجتمعنا ذكوري بحت لأنهن يهمشون أنفسهُن بأنفسهُن ويعتقدون بهالإعتقاد الزائف إن الرجُل مايعيبه شي !!
مع إنه داخل أي بيت لا إنصك باب البيت على أهله قعد اللي ورى الباب للكلاب ومادرو العالم وش يصير بالبيت والمفروض ما تمشي قوانين المجتمع الأحمق المُنافيه للعقل داخل البيت !! <- دعوه للنساء على تعلُم ألعاب الدفاع عن النفس
المهم إني ياوحدتن ماتجوز لي تصرفات بنات جنسي مع أزواجهن المرضانين وأحملهن كامل المسئوليه عن كل شي يصير لهن ويترتب على ردة فعلهن الساذجه ..

اقتباس:

وليش الواحد عادي يعرس على اجنبية اما البنت لو تقبل العرس من الاجنبي صارت في عيونكم مثل الخايبة

الزواج بالذات قسمه ونصيب لو يعترضون ذرية آدم كلهم ويحطون كل عيوب الدنيا بهالزواج ماراح يردون شي كتبه ربي لذلك وسعي صدرك من هالناحيه وترى أنا أفكر بهالموضوع من جد وجايزتن لي هالسالفه <-

اقتباس:

ذبحتونا فكل ماطق عود في حصاة قلتوا لنا (المرة ) ناقصة عقل ودين وان المرة ام سبع ...

أنا أقولك شي المرأه ناقصة عقل و دين كثار من الجهلاء يستدلون بها بكل مكان وهذا دليل جهل ولو بحث وراء الموضوع لقاه بعيد كل البعد عن ظاهره .. وهذا الحديث تماماً مثل الآيه ( الرجال قوامون على النساء ) تلاحظين كل الرجال يستدلون بها وموجوده هالآيه بكل المحافل لا جاك الرجل يبي يسوي شي براسه و وقفت له زوجته ولا اخته قال هالآيه و لو كثرت سربتته بالشارع و نبهته زوجته على هالشي قال هالآيه و لو وصلت أحيان إنه يمد يده ويصفقّها قال هالآيه لكن الغريب إن هالآيه مانشوفها ولا نسمعها في خدمة المرأه وأهل بيته وتلبية إحتياجاتهم المنوطه بالرجل !! مانسمع هالآيه لاصارت الأخت / الزوجه تبي السوق مثلاً <- ياذا السوق ولا المستشفى ولا طاقها الطفش وتبي تطلع توسع صدرها بأي حته !! غريبٌ أمر هؤلاء الناس

اقتباس:

طيب ياللي مانيب قايلة دام ان حنا ناقصات عقل وراكم تنشبون في حلقونا

هذا يُفسِره قول النبي صلى الله عليه وسلم في الحديث الصحيح : ( ما رأيت من ناقصات عقل ودين أسلب للب الرجل الحازم منكن ) وكفى

أُم السباحين سلمتي ياغاليه على هالموضوع اللي من جد طالعن فشة خلق جعلك و والديك بالجنه وفالك البلاطه