.
.

بسم الله الرحمن الرحيم ..
يالله حيـــــّهم

اليوم .. و مثل ما شفتوا بموضوع الاعلان عن الفعاليات .. راح نفتتح فعاليتنا اللي تحت عنوان :

[ وش فطوركم اليوم ؟؟ ]


فكرتها مثل ما شرحناها من قبل ..

اقتباس: الفكره .. اننا راح ننزل و نثبت اسبوعيا .. موضوع .. طريقة المشاركه فيه هو تصوير سماط الفطور .. و لا مانع من بعض الذب .. اذا انتهى الاسبوع .. نب نقفل هالموضوع .. همن ننزل موضوع ثاني .. و نسوي بالضبط مثل ما سوينا بموضوعنا الاول .. راح نختتم موضوعنا هذا .. مع بداية العشر الاواخر من رمضان .. مع اعتماد تصويت شامل على كل السماطات .. طبعا من بين كل الأعضاء .. نب نقتصر الاختيارات بالتصويت النهائي على ثلاثة أعضاء بس .. لهم أحقية التميز برتبه .. استثنائيه طبعا قبل لا أنسى .. صاحبة فكرة الفعاليه الثانيه هي : السنعه .. يا حبي لتس يا شيخه .. والله لا يخليني منتس يا عسل

طبعا كان فيه سؤال من اندووومي .. عن السماط و من اللي يصوّر و وشلون .. لأجل تسذا .. كان ردنا هذا عليهـا .. نب نضيفه هنـا لأجل يصير الكل على اطلاع .. وما ننلام لو اتخذنا أي اجراء من حذف و تعديل وخلافهما

اقتباس: هالسبت ان شاء الله نب نبدا هالفعاليه تبع التصوير .. باخر الاسبوع نب نقفله .. همن نفتح موضوع ثاني من جديد .. بداية الاسبوع اللي بعدوو .. فهمتي علي يا قلبي ؟؟ و راح ننتهي بداية العشر باذن واحد أحد .. بكذا .. يصير عندنا 3 اسابيع .. من كل اسبوع .. نب نختار راعي سماط (الناتج= 3 أعضاء ) بالنسبه لطريقة التصوير .. كل عضو و طريقة سماطهم و اكلهم و بربستهم .. أهم شي لا شفنا السماط نعرف انه فطور من صدز مب خرطن فاضي .. هذا شي .. الشي الثاني .. أي مشاركه بالفعاليه .. تتطلب وجود صورة السماط .. ولاّ نب نستبعدها من المشاركه خير شر .. بالنسبه لعدد المشاركات .. هذي راجعه لتس.. تبين كل يوم تصورين سماطكم .. تبين كل اسبوع مره .. اللي يريحتس .. بس كل ما زاد عدد مشاركاتس .. كل ما زادت نسبة فوزتس بالتصويت النهائي .. و العكس أي شي يعجبكم من سماط غيركم .. و تبون طريقته أو مقاديره .. عندكم مطبخ أم سلطان .. موضوعها اللي مثبتينه براس السوالف .. تقدرون تطلبونه من العضو نفسه .. و هو يجيب لكم الوصفه هناك

و فيه اضافه صغيره .. بعضهم يسأل .. يقول انهم بالعاده يتقهوون همن بعد الصلاه يحطون العشاء و كلش .. فأي سماط يعتمدون ؟؟ قلنا لهم : كلهم .. و برضو أرجع و أقول لكل عضو مصورن سماطهم .. ان لهم كامل الأحقيه في الذب والتعليق عليه .. و باقي الأعضاء برضو .. بس بشرط وجود الصورة (التعليقات و الردود محصوره على الأعضاء اللي مشاركين بالصور فقط)


أتمنى إن الفكرة وضحت للجميع

.
.


يلا عاد .. كل واحد يلقط كاميرته .. و اللي ماعنده كاميرا .. يلقط جواله .. و اللي ما عنده جوال مب لازم يشارك غصب هي .. احتريكم .. و اكاد اقســـم اننا نب نشوف عاهاااااااات


قو آهيــد