السلام عليكم
ايها الشعب المسطول الكريم
هذا اول موضوع انزله بمنتدى الزحف و العياره
كانت هذه المقدمه واليكم السالفه بالتفصيل
بينما انا ادور في رحاب الصناعيه ونور القمر معنا معنا وان غابت القمرا نسهر على نورك
واصوات البواري تسير ببطء حتى لاتتجاوز الاشاره الحمرااااا
كنت ادور بالصناعيه ابحث عن أي شخص يقدر يصلح الخطب الجلل والفضيحة العصماء التي المت بموتري..
الا وهي ان موتري يحذف يمين حتى انه من قوة الحذف اترك الطاره وهو يوقف صح بمواقف الكليه من نفسه
فوجئت بلوحة تتكرر امامي الا وهي ميزان الكتروني انا كنت امشي واتعدى هالمحل لان التفكير الي يدور بخلدي>>>موضوع كامل وهيصه عشان هالكلمه 
المهم ان التفكير الي بخلدي يقول لاتروح للي مكتوب عنده ميزان الكتروني وذلك لان موتري جيب باترول
لو يسمع كلمة اكتروني يستشم لانه متعود على الحوسه وكل شي بدائي من الصدام للصدام
حتى من قوة انه بدائي عداد الكيلو مايطلع ارقام يطلع لي ذولاك البزارين الي عند الكتاتيب منول الي يقولون أفتحه أ... ب فتحه بو 
>>> ايوه كممممممممل
المهم اني كنت اتجاوز هاللوحه وكل شوي تطلع لي . انا اصابن من الذهول الشئ الكثير وسرحت افكر مليا بمقدار التطور الذي تزخر به بلادنا الحبيبه وذلك انه حتى العماله تعلموا كيف يستخدمون الالكترونيات
قلت لموتري: ياموتري ياراس مالي اسمح لي اني اكشف عليك عند هذولا المتقدمين في عالم صيانة السيارات
لاني كم لي انا وياك وانت ماغير تستخدم الادويه الشعبيه جرب لو مره انظر لنفسك نظره مستقبليه
لاكن موتري قال وبكل اعتزاز هذولا ماعندهم الا الضعوي 
خلنا بس نروح لابو صالح بالاستراحه يملط لنا من الشحم بالركب وتزين الامور
فما كان مني الا اني استخدم اسلوب قديم جدا الا وهو ضع قبيلك امام الامر الواقع
مشيت شوي الا وانا اباغت موتري بجععععععععععفه لليمين وانا ادخل بمحل ميزااااان الكتروني
موتري يصيح ويقول اطلع اطلع قلت لوه وش دعوا تقرا علي وانا راعيك مابقى الا تمسكن وتحطن عند غطا الرديتر وتنفث علي ياملا السكينه والوقار>>> وش ذي
و دخلت للورشة وانا اصوت للفني>>>ايه هين
يامدير...يامديييييييير...
هذا والله الشي الي يوسع الصدر الفني يماني
اصبت بالذهول والفرحة تسري بدميجتي المقفهرّه وبديت اناظربإتجاه الشمال
نظرتي هذي لو يشوفه الي يفسر النظرات يدري وش معناه بس انتم مساطيلن ماتدرون وين الله حاطكم>>خرّبه
نظرتي هذي معناه نحن قادمون ياإسرائيل الويل لك يانتنياهووو نحن عرب التقدم والازدهار
يماني وكلمة الكتروني الى هالحين مادخلت مخي
ابويمن يناظر يمين ويسار ولسان حاله يقول ماخلص المشهد
قلت لوه الا خلص يامعلم انا عندي هالمزيون ابيك تشوف ليش يحذف يمين
الفني العظيم: هذي امررررهااااا بسسسييييييييط
المتسلقي: يالله شغل اجهزتك وخلنا نشوف
انا كل همي ابشوف هالالكتروني وشو
فإذا بي اتفاجأ ان الالكتروني هذا عبارة عن لوحه مرسوم عليها ساعات
هل لاحضت عزيزي القارئ والقارئه كلمه" مرسووووم"
يعني لو هو حاط لي لوحه بنر فيها صور لميزان الكتروني باليابان ارحم لي
اوما مسألة انه يرسم لي رسمة شاشه وبجنبه راسم لي ساعه هذي والله الي ماتنبلع
وانا في خضم هذا الموقف المهيب المصلّع وانا في هول هذه الصدمه الملجلجه قطع دابر تفكيري ابويمن
وهو يقول: خذ هاااذي يامحمد وجيب زيهااااا من الوااكااااله
قلت لوه أي وكاله كل شغلتنا ميزان يعني مسمار مرتخي تشدّوه ويرجع على وزنة البلد
قال لا هذا الذراااع عندك مضروب
المتسلقي: أي مضروب عسى يضرب عليك حصار وانت لحالك
ابويمن: شووووف ياعم هذي السنّه ماراح تربوط ذالحين لاني قصيتهااا قص
المتسلقي : يجيك الي مايرحم ويقص شوي من ثوبك ويغولك بوه
ابو يمن: ماتشا تجيب من الوكاله ؟ فيه صاحب لي هنا عندوه قطع غيااار نفس الاصلي بس درجه ثانيه
المتسلقي: درجه ثانيه...؟ صاحبك ذا قد اشتغل يمسّح طيارات ولا منين جايب هالكلمه؟
الشكوى لله ماباليد حيله
طلعت من الميزان التكروني وانا اجر اذيال الهزيمه
انا ماحزنت لان امتنا لم تتقدم بعد ولم احزن على ان السعوديه مابه ولا ميزان الكتروني الاعند القاضي بالرياض
انا حزين على ان الوكاله يمكن ما عندهم ذراع
وحصل ماكنت اكرهه الا وهو ان الوكاله ماعندهم ذراع
"خارج النص": اسألكم بالله قد شفتوا وكيل قط غيار اسمه ( باتيس) لا ومن زود الوناسه حاط لي 3 فروع بالصناعيه
من زين اسمك يوم انك تحطه لي باكثر من محل لا والي ادهى من ذا كله انه وكيل قطع غيار نيسان وسيارته جيب تويوتا جي اكس صالون بيج فوق التنده شبك وبقزازة ورى استيكر ماشاء الله تبارك الله
خايف يمحطه احد بعين....من زينه؟ انا لو معي نفس موتروه كان بعته على كراج الحديد السكراب
شيييييييييييييييييييييييييييييييين قبييييييييييييييييييييييييح
عدنا....
الادهى وأمر من كون ان الذراع موب موجود الا وهو انه مايوجد بالقصيم وبناءأً على ذلك يطلب طلبيه من جده
لعنبوا دارك انا ماقد طبيت جده ولا قد شفته
موتري يطلب لوه طلبيه من جده! هذي والله الشماته
لكن بعد ماعصفت بي هواجيس الالم والتلفت الي مال اومه داعي مازال هناك بريق امل
وانا اسير في غياهب المشكله المحدقه بي قرأت لوحه مكتوب عليها قطع غيار مستعمل
وقفت في مكاني هل ابكي ام افرح ام ازغرد 
ولم افق من فرحتي بهذا المحل الا جموع الناس حولي
وهم يرددون: منغولي... منغولي... افقت ورايت نفسي اسعبل
من الفرحه سكرت اثمي ومشيت وانا رافع راسي كني موب انا الي مسعبل دخلت محل قطع الغيار ولقيت الذراع موجود ب340 رياااال الله لايخسر
اخذته وانا راجع مريت على المكان الي سعبلت به من الفرحه صاير كنه مكان جمس واقف لوه 9 شهور وطابع الارض زيوووت
رحت وركبت الذراع طبعا ابويمن اخذ حق التركيب 60ريال ولد اللذينا ....
ومشيت من الصناعيه وانا اجر اذيال الهزيمه
طبعا بعد هذا كلوه تحسبون الموتر انضبط...لا...خرب زياده حتى انه من زود الخراب صرت اذا جيت لدوار اترك الطاره وهو ياخذ الدوار من نفسه من زود الحذف الي بوه من الشناعه صار يحذف يسار!
مريت على الاستراحه وانا خابر ان الاستراحه ماتفضى
به اثنين من العيال دشييييير بمعنى الكلمه واحد اسمه علي والثاني ابوعلي ودايم جميع يسمعون بالمثل الي يقول اذا كبر ابنك صاحبوه مع انهم مايقربون لبعض
يقعدون عند باب الاستراحه ويناظرون الرايح والجاي صايرين كنهم بعارين بمزرعه أي واحد يمر يطلعن روسهن من ورا الشبك يحسبنه بيعطيهن اكل
قلت لربعي السالفه كيت وكيت قالواوالله مايفرح بها ال60 ادخل داخل شف سالم بالغرفه قل لوه يخاوينا ولا يعطينا مفتاح الديزليه دخلت على سالم لقيته لابس فنيله وسروال ومنسدح والفنيله مرتفعه وطالع بطنه صاير كنه كبوت فوكس ويجن ومدخل اصبعه السبابه بسره ونيم
قلت لوه هيه يابو على طول صحى قال اشم ريحه مشكله
قلت لوه اخس يالماخوذ منين لك حاسة الشم ذي
قال هذي تتطور معك كل ماكثرت مشاكلك كل مازاد احساسك بالمش.... وانا الي اضربه مع مقفاه قلت لوه
بتخاوينا ولا عطنا المفتاح قال هو ليش موترك ومواتر العيال وش بهن قلت لوه المهمه الي عندنا تبي سياره ديزل
قال يالله خويكم
طلعنا من الاستراحه قلت لعلي وابو علي وسالم وش الخطه قالوا تشوف الحين ومالك الا تنبسط
دخلنا الصناعيه قال ابو علي لسالم ادخل محل الكناديس هذا انا قلت لهم زينوا الي تبون اهم شي اشوف يوم اسود بابو يمن ذا
دخلنا محل الكناديس ونزل سالم وابوعلي من السياره وتكلموا مع البكستاني ....
شوي الا السيارة صار لها صوت قوي شوي الا دخان الديزل دخل علينا بالغماره ...وش السالفه
ركبوا العيال وقالوا شف هالحين وش يصير
الملعن المنسمين ربعي ذولا يحسبون اني يوم اقول "ودي اشوف باليماني يوم اسود" يحسبون اني اقول ابصبغه اسود
دليتهم على المحل ودخلنا قالوا لابو يمن نبيك تشوف تنسيم الكنداسه من وين؟
اووووول مانزل ابو يمن للحفره وينزل علي وياخذ اكبر صاج حديد ويسكر بها الدرج الي ينزل للحفره
سالم على طووووول يدعس للديزليه الى ان المكينه بدت تصفق العيال ركبوا الغماره ويضحكون وسالم يدوووووووس ويدووووس الدخان مغطي كل شي
طلعنا من المحل مانشوف الا سواد في سواد يحلفون ان الي بطريق الرياض جايين للقصيم رجعواا
يقولون فيه قصف جوي على القصيم
لو تشوف بريده في هاللحظه تقول كان هنا قصمان يعيشون حياة انواع الوسوسه>>> موب يعني احد
بعد نص ساعه وحنا نفرفر بالصناعيه ننتظر تتضح الرؤيه الافقيه مرينا على المحل لقينا ثمانين طعش الف جيب تويوتا صالون وسيارة اسعاف وحده ومازال الدخان يتصاعد من المحل حتى كتابة هذه القصه
اليمانيين متى وصلتهم السيارات عشان يصيرن ميكانيكيين
*
اذا شفت كلمة ميزان الكتروني ابتعد 100 قدم ديزلي
*
لاتشتري جمس او باترول لانه بيوصخ بيتكم من تهريب الزيوت