حارة المساطيل - عرض مشاركة واحدة

27-06-2009, 09:08 PM

سلام عليكم ورحمه الله

*تنوية : الموضوع مخيف ومرعب والي فطسو بسبته كثير ..لاحد يقراه نصيحه !!

ونا راقد في يوم من الايام ..وطيور النورس تحلق من فوق الخزان ..والكناري مجتمعه عند الشباك..وانا غارق بالاحلام وتعميرت البارحه مافكت من راسي ..خربت ام ام الجوء امي اللطيفة..والي يدلعها ابوي ويقول "ياصبر الارض" من زود لطفها وحبه لها هههه ..فتحت الباب من دون لاكح ولا تنحنح معلنه نهايه الحلم ..وبدايه ملعنه الام ..وان ماخب ظني انها المقدمه ذي

السااالفه
دخلت امي الغرفه ونا اطالع فيها من تحت الشرشف وفي يدها سكين ملطخ دم.. وريحه خايسه دخلت معهاا ..وواضح ان فيه ضحيه ومصيبه حاصله قريب مني والاكيد انها جيفه ولا جثه ومهيب بعيده اذا طلعت الرئحه مني..بس تأكدت ان الرئحه ترتبط بجثه قريبة جداً .. لاني اشوف راس يتحرك عند الباب ويزحف والظاهر انه يحتضر.. واطالع لأمي وهي مشمره القميص وعاضه لسانها ..طبعاً عرفت انها عاضه لسانها لانة طالع مثل اصبع البطاريه من طرف وجهها بالظلام .. وتحد السكين وتحكحكه في بعض ..قمت تشهدت وقريت دعاء السفر من الخرشه وصليت صلاة الغايب على عمري..وسترت عورتي عشان تكون خاتمتي طيبه ..فكرت وش بيصير ؟! قلت مافي حل الا ارسل الكول لمي كلها للشرطه ومن زود الخوف والتبقيطه قمت ارسلها لتلفونات ثابته .. قلت بنفسي لازم اوجه المشكله .. يمه ؟ يمه ونا عاض المخده ..ما طلبتيني شي الا وسويته لك ..فلوس وأعطيتك ..أكل وأكلتك ..ملابس وسترتك .. سياره وسلمتك ووكاله بعد..ولا ناقصك الا الزواج الحين وتكمل باقي دينك ونشوف عيالك بكره ؟!! حرااام عليك الي تسوينه فيني ( قمت اقول لأمي الكلام الي اسمعه من ابوي من زود الخرررشه هههه)

فتحت امي النور وهي فاتحه فمها مترين في خمسه وتعض فجل..قالت سلامات وش صاير فيك ..قلت الا انتي الي ...الي ..واطالع الا وهي ماسكه سكين فاكهه ..وأخوي الصغير عند رجلها يزحف والريحه من حفاظته..قلت الا انتي الي ..الي ..الي الله يقطع مزحك ياشيخه ..موب وقته الحين !!

بلعت ريقي !! و عرفت بهالوقت تفسير السكين والدم والراس الي عند الباب وهو مقفى اخوي من كبر حفاظته.. والريحه المخيسه وسبب تشمير القميص ..ولسانها الي عاضته هو فجل ..وقلت والخوف يأكلني أكل .. ازعجتيني يابنت الناس ..حتى الواحد بالبيت ذا وده يرقد ولايقوم بس يرتاح بنومته ..وتحسبين انك خوفتيني يعني ولا خوفتيني ؟! ( واضح أثر الصدمه ههههههه ) قالت امي ارقد ارقد الله ياخذك ..ورجعت ترفع حفاظه اخوي وتخرجه من الغرفه وهي تقول لاحول ولاقوه الا بالله تفووو عليك بزر ..بعد هالموقف تأكدت امي اني بااقي خوااف وطرطور وباقي ترسلني للبقاله وشغالتنا ماسكه بيدي ..

تعبت نفسياً .. شاب ويبلغ من العمر عتياً ..وباقي يخاف يدخل الحمام لحاله هذه مصيبه والمصيبه الاكبر انه اذا دخل للحمام يخاف يقفل الباب ويخليه مفتوح كله ..واذا جت الساعه 12 باليل وهو ما نام يجلس مواصل للصبح.. لدرجه ان مره بعيد الاضحى ابوي ذبح الاضحيه ونا واقف بجنبه ..واعض على برااطمي واضرب برجلي ؟ وهالحركتين بحارتنا تدل على الشجااعه وقوة القلب ..وشوي دق الباب ؟ قال ابوي رح افتح شف من ..قلت هاه ؟ قال وهو يضرب برجله ( يقاله شجاع اجل ههههه) انقلع افتح الباب يا ثور ..رحت عند الباب وقلت مين بصوت خفيف ..محد رد ..قلت بصوت اخف زياده مييييين هاه ؟ ولا سمعت صوت احد.. ورجعت ونا خااايف واركض وشعري يهفهف وكأني اضحيه جارنا وهي تطامر بالغماره ..واعض طرف ثوبي واوقف بجنب ابوي واخذ نفس عمييييق وزفير وشهيق ومتاغره .. سالني ابوي وشفيك ؟ قلت له بخوف ونا اغمز بعين يمكن يبون ينتقمون مناا ؟ قال منهم ..قلت ونا اطالع للأضحيه وهي معلقه ..اقاربهاا ..اصدقاء المعزه !!..جد جد تمنيت ان ابوي ذبحني وعلقني بدل الاضحيه ..ولا غرق وجهي بتفاله وبالاخير ضربني لين عضيت الدمن الي بالارض ..وتأكد ابوي ان ولده الكبير لا يزال خوااف !!

خلونا نرجع لسالفه أمي والسكين ..بعد ما قمت من النوم خرجت من البيت ونا افكر بالموقف الي صار لي .. وأسال نفسي لمتى ونا خواف ؟ الشنب أحدده بمقص شجر ..وطويل وكبير وبالغ عاقل .. وش زود هالرجال الي مايخافون ابد عني .. وللحين اقمط وتجيني هسترياً اذا عطس اخوي ونا غافل ..موب معقول ابد ..الا لازم اشوف حل لمشكلتي ..يعني أمي لو جت للغرفه وبيدها قدر ولا طاوه ذيك الليلة !؟ يمكن انصرع بالغرفه واقول من الي حاضنته ذا ؟ بجد الخوف لعب فيني لعب الله لا يوريكم .. وصرت اهوجس واسولف مع نفسي ..واقوم من النوم وجلس سااعه بالسرير اسوي اني رااقد ..مدري وش الشعور ذا ؟ بس يعجبني بصراحه..يعني اشياء اسويها فيها من الدلاخه الشي الكثير ..ومنها اني جالس معكم الحين واكتب لكم ههههه

رحت مستشفى امراض نفسيه عشان اتعالج عندهم (اجل رحت تخطب يالمرريض!) ويشوفون حل لمشكلتي وللكارثه الي تهدد مستقبلي ..أول ماوقفت عند الاستقبال وسالت عن الدكتور طلعت من جيبي مقص أظافر وافك السكين وارجع السكين ونا اهز راسي .. يعني اطقع ما اشوف الكشفيه(كنت اسمع بهاا واحسب فيها ابره ولا مغذيه ..هالكشفيه ) قالت الموظفه لو سمحت انقلع مع اللفه الثانيه ثم خذ يمين الله ياخذك .. الباب الاول على يسارك خله ياعسى من يخليك بخبت لحالك .. وادخل الباب الثاني يالله ياكريم ماتوصله ..وبتحصل الدكتور ينتظرك ( توصف ليهودي ذي !! ) قلت لها طيب لو سمحتي كرت المراجعه وين ولا تسوين معصبه عشان انسى منه ؟؟ ولا بتحرك ياحبيبه امك الا بكرت مراجعه فاااهمه ؟ يالله وريني الكرت بسرعه..يقالك تستفيدين من وراي وتاخذين هالكرت ..ضحكت وقالت اذا كشف عليك الدكتور وشاف حالتك ..وقتها يقرر تحتاج مراجعه ولا لا ..قلت اهاااااااا اجل مابقوله وش المرض الي فيني وبكذب عليه قالت ليه طيب وش الحكمه ..يالحبيبه خبل انا ارجع لكم ثاني ..تلعبونها على ميين انتم هههههههه

دخلت على الدكتور وشكيت له حالتي ..وأني خواف بالحيل واخاف من صدى صوتي ..وأني مره رحت للمدرسه وقبل ما أدخل الفصل سمعت الاستاذ يقول " الضرب مهم بكل عمليه ؟ الضرب مهم يا طلابي بكل عمليه بندرسها بالمنهج ولاننسى الطرح كذلك الطرررح يا شطار لازم منه " ورجعت البيت على طول ونا ارتعش ؟ عرفت كيف يا دكتور .. كمل يبني ..سالتني امي وشفيك قلت الاستاذ يتوعد فينا ..تصدق هالموقف يادكتور بذمتك .. كمل أئتك نيلة منيله ..المهم وقلت لأمي والله يهدد الفصل كله يمه بالضرب وعمليات وصخه مثل الطرح الي تسوونها بالليل انتي وابوي .. بعد بندرسها بالمنهج بس المشكله كلنا رجاجيل !!!

وقام الدكتور يقرب مني شوي وهو يعدل النظاره .. ويزحف بالكرسي..كمل يبني ماتكمل يبني ؟..تذكرت ان الدكتور قفل الباب بعد مادخلت..والباب من برى يطق يطق واصوات شباب وبنات من ورى الباب .. وتوقعت ان فيه شي بيصير لي بالعياده وذولا يبون يقتسمون مع الدكتور القسمه ..طالعت يمين ويسار وبالساعه وبكل شي حولي .. والدكتور يقول كمل كمل يبني !! ونا جالس ساااكت واسوي اني مشغول بالجوال سااعه تقريبه ونا فاتح الرسائل واضحك ( يقالي اصرفه) وقلت وين وصلت يا دكتور ؟ قال كمل يبني انتا بتئول قدول الضرب والمنهق وما كملت الائصه ؟ ..ويدق الباب مراجع كبير بالسن .. ويقول " يا دكتور خلصت ولا باقي بتطول ؟" انا وقف شعر راااسي !! وقمت ارجف واقول ببالي الله العالم متى بيصارحني ؟ وش الي خلص منه ولا بااقي ..من زود الخوف قلت افاا يادكتور تبي تخوني ؟!..خلاص يعني تبي تسويها فيني وتكسر شوكتي ..يلعن امك شف لك سستر وريحناا يااهوه ..قال وهو معصب بئولك ايه.. بص يبني بصصص يبني !! ونا من الخرشه سمعت الباء "ميم" ..واصيح بصوت عاااااااالي والله ما امص يا ابنك ..واقفز مع الدريشه من الطابق الثاني للشارع وافر هارباً ونا اردد بصوت عالي والله ما امص يا ابنك والله ما امص حتى لأبنك .. والدكتور والمراجعين يطالعون مع الدريشه مستغربيين ؟

رجعت للبيت ونا متحطم وباقي اتذكر الدكتور وهو يقول مص يبني وأخًر خريرًا من الدموع ..لاني خواف واشك حتى بأمي وابوي انهم يخططون بالليل علي وعلى اخوااني .. من الصياح الي اسمعه..وبالاخير شرح لي ابوي السالفه وانهم يخططون عشان يجيبون ولد مثلي بس تخطيط بصرااخ ..ولا اثق حتى بظلي ابد .. واذا مشيت بالليل كنت اركض ونا ملبق بجدار عشان لا يسوي ظلي حركات من وراي وسخه ..حتى جاء يوم وقالو الشباب بنطلع رحله ولازم تمشي معنااا ..قلت خلاص تم تم الله عدوكم ..مهوب حب فيهم !! بس عشان اكسر حاجز الخوف وامشي معهم أولاً ..و ثانياً عشان اكشت بالبر وبعيد عن غرفتي واهلي والتخطيطات ههههههه

طلعنا بهايلكس للبر وكنت راكب بالغماره عشان اقاتل واقهر الخوف الي بدااخلي(الظاهر انك بالغماره خوف من الشنب الي على الباب هههههههه ) يوم جلسنا ومافي ضوء يجي الا من شبه النار ..والشباب يلعبون بلوت بالجلسه ..ويصيح واااحد يااكلب العب حكم !! وشوي ويصيح الثاني طيب وزع مثل الناس يا حيوووان !! وشوي ويتلقطون بفناجيل الشااهي .. وبهذه اللحظات لا أرادياً بكيت وسال الدمع من عيني وقمت اخرخر دموع!! بس قامو العيال لعنو خيري وضربوني لين حبيت العاافيه ..ورجعت سااكت وأكلت تراب لين خلصو ( مايمشي معي الا الضرب ههههه )

وشوي قال واحد وشرايكم نطلع نصيد الذيب الي ارعب اهل القريه ويتكلمون عنه ويشتكون منه..انا عضيت على لساني وضربت برجلي كنايه عن الشجاعه الي اتفقنا عليها سابقاً ..وقلت والشر والخبث بوجهي..طيب وين بتركبونه وحنا راجعين هها والله مافي مكان يكفيه بالغماره ؟!..قال واحد كل تراب وخلنا نطلع للجبل يا عيال .. ونجيه من وراه وبنخليه ينزل لك ..وانت انتظر بالمكان ذا ..اذا نزل عليك الذيب امسكه واربطه بشعره لين ننزل وياليت ماتخدشه ولا تكسر له ضلوعه وارفق عليه..هاه يا ابو لمبه مستعد ..اي أي مستعد وصامل يا سنايدي ..وللأمانه طفيت شبه النار الي كانت بين رجليني ونا وااقف من افرازات طلعت ومايحتاج اعلمكم من وين

قلت ببالي لازم انجح بالاختبار واشوف نهايه الخوف معي ..وطلعو الشباب وبقيت جالس لوحدي انتظر ..وكلها دقائق واشوف غبار يشق طريقه بالجبل ومتجه لي !! واجهز بيدي ورق البلوت وقصدي ارميه اذا قرب عشان اموه عليه واعرقل له واقبصه الكلب ..ويوم زاد الغبار وحسيت بشعر الذيب يتطاير معا جوانبه وهو يركض ..وبداء الصوت يقرب ويقرب..واشوف شي متجه لي بسرعه بالظلام..ونا اقرب واعض لساني ..وشوي !! طحت بمكااااني ..غيبوبه أي نعم غيبوبه يا عيال ولا حسيت الا بانيابه قرب وجهي

ماصحيت الا بعد ساااعه والعيال يضحكون ..قلت الله يستر لايكون العيال انهبلو من الي شاافوه ..ولا ركبهم جن وعفاريت بالجبل..قمت انفض التراب من ثوبي وارفع ؟! وش ذا ياعيال ..وش الي جاب الاستبنه بحضني وش ذا ؟

كفر الهايلكس مطبوع بوجهي يا عيال !! وش الساالفه..يا ثور يا ثور قم قم حتى كفر ماقدرت تمسكه..اجل لو مرسلين الجنط لحاله وش بيصير فيك ؟ ..وش الي صار صدق صدق يا عيال ..عسى ما تخدش ولا كسرت له ضلوع .. ويرد واحد وهو ملتوي ضحك ..طلعنا للجبل ومعنا الاستبنه ..وفلتناها من راس الجبل عليك ..ويوم قربت منك نزلت راسك وغطيت جسمك ولاشفنا الا ورق البلوت يتطاير بالجوء ونت تسوي حركات وصخه ههههههههههههه وفي هالوقت ايقنت اني لأزال خواف واقمط من كل صغيره وكبيره !! حاولت اصرف ولا اجيب كذبه امشيها عليهم ..بس باااقي يضحكون واني اطلع الجوال وافتح الرساائل واسوي اني اقرااء واضحك !! واحط على النغمات واعتذر منهم عشان اكلم ابوي وارجع لهم هههههه

بعد ايام قليلة ..قرر ابوي يسوي أجتماع سري ومغلق بالعائله ويكون بالبدروم ..وهالاجتماعات تكون شهريه بأسرتنا المتواضعه ( الله يالاسره المتواضعه الي مايحفظون اسماء بعض !!)..ويتم في كل أجتماع دراست وضع فرد واحد بالعائله ..الا اخوي عليه حظر ولايدرسون حالته ابد ؟.. لان وجه كأنه فردتين زبيري بدولاب خشب ..ولازم يبقي شوي من وجه بالغرفه ويجينا البدروم بثلث من ملامحه ولا ملابسه وبيتعبر فرد وااحد ....طبعا خفت من الاجتماع ومن الرفيق ابوي والرفيق اخوي والرفرف اخوي الثااني ..ولاحضرت بالوقت المطلوب ..بس طلع ابوي وسحبني على وجهي للبدروم كالعأده ..ونا خايف واقول خاف ربك انا ولدك من لحمك وشحمك وش نااوي عليه ؟ حياتي كلها احرس هالمعلونه وبالأخير ابوي الي من شحمه ولحمته يبي يسويها فيني ؟؟( لا هذا خوف اتصنعه بس ههههه )

تكلمو عن عدت نقاط لين جاء دوري ومشكلتي مع الخوف ..قال ابوي يا افراد لازم نناقش هالخوف واسبابه وطرق علاجه وكيفيه التقليل من انتشاره ومكافحه هالظاهره..يلعن عقولكم مريض بالسيلان انا ولا بالسيلان على النقاط ذي ..قلت هالكلام بصوت عاااالي ونا بالاجتماع ولا حسيت الا بشراب العائله وبجنبه كندره طايرين ومتجهين لوجهي ..ياورع لا تتكلم حت يجي دورك ..قلت له بكل أحترام ..يا ابتاااه حااضر بس وش الحل برأيك ..لازم اطلع اتعالج بالخارج ( والله يا انت تسمع بالعلاج في الخارج) قال لا لا وش عنده الي بنجدد عقده يوم نطلعه يتعالج بالخارج ..وضحكت امي على ذبه ابوي الساامجه وقالت وشرايك نزوجه !! أي نزوجه ويمكن تغيره الحرمه ويغيره الزواج ونحل مشكلته .. طالعت في امي وفي اخواني وابعدت النعال عن وجه اخوي ..ونا مبسوط والابتسامه بتشق وجهي !! ويوم لف ابوي راااسه عشان يعطس ..عضتني امي بكتفي وقالت يا حمار لا تبتسم وسو انك خايف لعنت ابو الدور وخربت الموضوع والسيناريو يا افدغ !!! بعد هالاقتراح قفلو الاجتماع متفقين جميعهم ..ان الزواااج الحل الوحيد ..وكنت متخوف صرااحه << باااقي مبتسم هههههههههههههههه !!

الليلة الثانيه رحت ونا عاض على عباية امي لبيت جيرانا ..ومعزمين اني اتزوج بنتهم الله لايعوق بِشر ..خلصنا الاجرات كلها ( مقدم بشغاله انت ) واتفقنا على الزواج بعد ماشفتها بالنظره الشرعيه ونا خايف وطااق باللثمه ..واذكر أول مادخلت البنت للمجلس ونا مرتبك وارجف ..واطالع في ابوها واصيح بصوت عالي يا عم يا عم ذي بنتك وهي الي تتعرضني ويعلم الله ما مقصدي شي ..ومسكو تيسكم مايجيها عنزنا ..حتى قالت لي ...كيفك يا قلبووو ..قلت احلى من الجلنبوو يامجننه الجلنبو ..بس انتي كيفك يا يا يا ..هاتتتتشووو .. ههااي حلوه منك ..الله يسلمك يا يا يا يا هااتش.. ..خلااص كل تبن واشرب العصير واذلف !! اتفقنا ان الملكة اليوم والزواج بكره ..عشان فارق الخوف

في ليلة الزواج ..هالليلة الي بينكشف فيها كل شي ..كنت العب تمارين سويديه ..والعب جمبنازي واشل اثقال وأدرب بلياردو ..كنت اقول ودي اصير قوي ولا اخاف واتاغر عضلات ..بنفس الليلة رااااحت البنت لأمها وهي مستحيه ..وتقول ان اسبوع الشجره أو الرئ الزراعي جاها ..ولاتقدر تصارحني وتعلمني بالمشكله ..قااالت امها مافي مشكله انا بكلم ابوك وهو بيلمح لزوجك الفاااقد ..جاء ابو البنت ونا انتف الشعر الي بخشمي ومستعد لليلة التعيسه ذي..واحاول اجيب اعذار وتصريفات اذا صار شي لاسمح الله ..حاسبها صح ..قال ابوها يالنسيب البنت عندها مشكله صغيره ؟ قلت الله لايجيب اكبر المهم الليلة لا تتأخر ترا مجهز المدفعيه وناوي اقصف صراااحه !! قال يادين الله اقولك البنت ماتقدر هالليلة تجيها ؟!.. لا لا ياحبيب امك.. متزوج على ورق وبس ياعم الله يهديك اقولك المدفعيه مجهزها لاتحدني اقصفك ؟ اسسسستغفر الله اقولك البنت ماتصلي فهمت ماعليها صلاااه !! اخذت نفس عميق وقلت اشوووو يااعم لاني مثلها ماعمري ركعتها وزين كلناا بالهواء سواء ..ارتفع ضغطه وقام ينتف شعر خشمه معي ..وقال يا ثور يعني المدفعيه مايصلح تضرب الليلة لأسباب تخص البنت..ياعم تتكلم صدق ؟ شكلك ماتدري ان الحرب خدعه !! ونا اموت بالقصف العشوائي ..تففوو بوجهك يالمريض ..خلاص اجل بنعلن الاستسلام موب لازم مدافع وحروب ..طيب ياعم موب لازم ترفع خشبه وفيها السروال !! ولاماتعرفون اشاره الاستسلام ..وهذا وانت اكبر مني

اتصلت على البنت وكلمتها ..اسمعي يابنت الناس ابوك ذا يلمح على شي ؟ ولا انه يدور على مقسومه عند الشخص الغلط ؟ ابوك كان يمشي مع أكبر منه بالسن يومه مراهق ؟ قالت وش تقول انت هياااه ماسمح لك ذا ابوي ؟ وش تبغى توصل له ..قلت ابوك صجني يقول لاتقرب من البنت ولاتجي البنت ..هو شااذ ؟ ولا يخاف عليك مني ..هااااه وأخيرااء صار فيه انسان يخاف مني !! ..اي والله جد ..خلاص اسمعي صوت المدفعيه ..قصدي القطاااار ..اااااح أي قطار ؟ والله البلشه..طاط طاط طاط

*بعد الزواج بسنه
1- صرت أشجع فرد بالعائلة ..لأني اصارخ واصايح مع زوجتي بالليل ولاحد يفك فمه ..حتى مرات نجلس نصايح وحنا مانسوي شي بس عشان اعلمهم ان الخوف نسيته واطقع ماشوف ..
2- كلمتي اصبحت مسموعه ..ولي حرية كامله في أختيار اثاث غرفتي انا زوجتي ببيت اهلي !!
3- أخوي صار يخاف مني ..واذا شافني مع حرمتي يقفل على نفسه بغرفته ولايطلع لين تتغطى !!
4- ونسيت اقولكم اني أطلع مع الشباب وهالخوف ناسي منه ..لانه مايجي الليل الا ونا استاذن منهم ورااايح للحرمه والمقالب ذي نسيت منهاا
5- بالنسبة للمستشفيات رااحت العقده الي ذكرتها لكم ..لأني أخر مره رحت للمستشفى عشان فحوصات الولادة ..والدكتور يمدح فيني ويثني علي ويقول هالله هالله دنت فحولتك كدى !؟

انتهى الخوف !!

مايستفاد
زوجونا كانكم تبون رجال