حارة المساطيل - عرض مشاركة واحدة

27-06-2009, 11:51 PM

/

وعليكم السلام ورحمة الله .. وبعد بعد

اقتباس:

*تنوية : الموضوع مخيف ومرعب والي فطسو بسبته كثير ..لاحد يقراه نصيحه !!

واللي فطسوا كثير مايلامون بقولك ليه بس خلني أوصل للأسباب الغامضه والقاتله ..
يالليل .. من نت ليله ..

اقتباس:

ونا راقد في يوم من الايام ..وطيور النورس تحلق من فوق الخزان ..والكناري مجتمعه عند الشباك..وانا غارق بالاحلام وتعميرت البارحه مافكت من راسي ..خربت ام ام الجوء امي اللطيفة..والي يدلعها ابوي ويقول "ياصبر الارض" من زود لطفها وحبه لها هههه ..فتحت الباب من دون لاكح ولا تنحنح معلنه نهايه الحلم ..وبدايه ملعنه الام ..وان ماخب ظني انها المقدمه

اجل تعميرت البارحه مابعد فكت من رأسك أقول شكلك متعاطي بنادول وتخب عليك وانت تسرد قصة حياتك في سطور .. بعدين يأخي الناس تاكل نص حبه .. حبه اذا طقتهم الحمى أكثر من كذا أسمه تهور بالنسبه للي مثل حلاتك .. لا ومن زود الثقه بعد طاق ثلاث حبات بنادول عادي وحبتين أكسترا .. خلته يزحف ولا يوقف الى بالشارع المقابل للشارع الفاضي << عربيد زاحف صندوقه ..

اقتباس:

السااالفه
دخلت امي الغرفه ونا اطالع فيها من تحت الشرشف وفي يدها سكين ملطخ دم.. وريحه خايسه دخلت معهاا ..وواضح ان فيه ضحيه ومصيبه حاصله قريب مني والاكيد انها جيفه ولا جثه ومهيب بعيده اذا طلعت الرئحه مني

وبعد زود على تعاطيك البنادول بشراهه مدمن افلام مصريه أسود وبرتقالي ..
ترى السهر يورث الجنون يا حنون
عزيزي الكاتب تحتاج تنام اقل شي اثنعش ساعه يومياً وعندك سهر شهر على هيك تحتاج لحظه بالله نحسبها .. 12 ساعه x ثلاثين يوم = 360 يوم لازم تنام اقولك خذ هالسنه اجازه مفتوحه للنوم ولايحتاج لامستشفى ولا اكزخانه ..

اقتباس:

خلونا نرجع لسالفه أمي والسكين ..بعد ما قمت من النوم خرجت من البيت ونا افكر بالموقف الي صار لي .. وأسال نفسي لمتى ونا خواف ؟ الشنب أحدده بمقص شجر ..وطويل وكبير وبالغ عاقل .. وش زود هالرجال الي مايخافون ابد عني .. وللحين اقمط وتجيني هسترياً اذا عطس اخوي ونا غافل ..موب معقول ابد ..الا لازم اشوف حل لمشكلتي ..يعني أمي لو جت للغرفه وبيدها قدر ولا طاوه ذيك الليلة !؟ يمكن انصرع بالغرفه واقول من الي حاضنته ذا ؟ بجد الخوف لعب فيني لعب الله لا يوريكم .. وصرت اهوجس واسولف مع نفسي ..واقوم من النوم وجلس سااعه بالسرير اسوي اني رااقد ..مدري وش الشعور ذا ؟ بس يعجبني بصراحه..يعني اشياء اسويها فيها من الدلاخه الشي الكثير ..ومنها اني جالس معكم الحين واكتب لكم ههههه

ايضاً هذي اعراض مشابهه استخدم الروشته اعلاه وماعليك خلاف

اقتباس:

رحت مستشفى امراض نفسيه عشان اتعالج عندهم

أكيد بعد مارحت للمستشفى راح مستشفى الامراض النفسيه بذاته عشان يتعالج عند مستشفى امراض نفسيه ثاني من حالتك ,,

اقتباس:

والدكتور والمراجعين يطالعون مع الدريشه مستغربيين ؟

الغريب انهم يطالعون مستغربين من جد مرضى ماعليك منهم ..

اقتباس:

طلعنا بهايلكس للبر وكنت راكب بالغماره عشان اقاتل واقهر الخوف الي بدااخلي(الظاهر انك بالغماره خوف من الشنب الي على الباب هههههههه ) يوم جلسنا ومافي ضوء يجي الا من شبه النار ..والشباب يلعبون بلوت بالجلسه ..ويصيح واااحد يااكلب العب حكم !! وشوي ويصيح الثاني طيب وزع مثل الناس يا حيوووان !! وشوي ويتلقطون بفناجيل الشااهي .. وبهذه اللحظات لا أرادياً بكيت وسال الدمع من عيني وقمت اخرخر دموع!! بس قامو العيال لعنو خيري وضربوني لين حبيت العاافيه ..ورجعت سااكت وأكلت تراب لين خلصو ( مايمشي معي الا الضرب ههههه )

ياليتهم يا شيخ كانوا يلعبون ضومنه وكسروا جبهتك فيها غير تطلع من هالحاله التي فيها لاارادياً ..
شف نصيحه دور ناس مره ثانيه يلعبون شطرنج هذولا راكدين ووتكانه بس لاتعلم أحد ..

اقتباس:

وللأمانه طفيت شبه النار الي كانت بين رجليني ونا وااقف من افرازات طلعت ومايحتاج اعلمكم من وين

ومايحتاج اقولك عن الأسباب القاتله والغامضه بالتنويه اعلاه ,,

أقولك مشكلتك مشاكلك واجد بس اللي مانيب عارف ليش بالضبط روحتك للمستشفى عشان ..

اقتباس:

5- بالنسبة للمستشفيات رااحت العقده الي ذكرتها لكم ..لأني أخر مره رحت للمستشفى عشان فحوصات الولادة ..والدكتور يمدح فيني ويثني علي ويقول هالله هالله دنت فحولتك كدى !؟

وشو هذي فحوصات الولاده فحصوك بمجهر يمكن يلقون بمخك خليه صالحه للأستعمال
شكل كل خلايا المخ عندك معطله والسبب في البنادول

سامحك الله يا بنادول أكسترا سببت وشه لبعض المخلايق ,,

ليل .. ياخي تعبت والله ودي اعلق اكثر واكثر بس لقيت كل الكلام حشو وان مافيك فايده تذكر منشان هيك يا قرة عين أمك راجع المصحه اللي بالطايف خل اهل الطايف يوصوفونها لك ..

أي خدمه .. شكراً لك ,,
/

/