حارة المساطيل - عرض مشاركة واحدة

29-06-2009, 02:48 AM

.
.

ياااااااااااليل ابو لمبة .. عليك يا ابو لمبة .. وقسم احس اني بعد ماخلصت من سالفتك ذي .. كني ماخذة قيلولة عقب المصالة اللي من يومين واليوم الصبح .. يعني صحيت وانا منشكحة كذا احس برااااحة والابتسامة شاااقتن جبهتي .. حتى بالماااارية اني ركبت سيارتي ودقيت ريوس و وجهت لملفك الشخصي بشوف حصيلتك العيارية بالشلة وش كثر .. وياليتني مارحت لقيت الشق والبعج << يمال البعج لعدوتس و البجع اللي يطير بتس ياخي وش خلاك تستعجل وتسجل قبلي .. وشذااا مالحقت لااا على الهس ولا على القنصليه .. قريتهم وياليتني ماسويت .. بغيت اتهور وارشي ادارة الشلة عشان ارجع المواضيع من المتحف ونستأنف الردود من جديد .. لأني بجد مالقيت احد عاطي موضوعك حقه بالرد الا القليل من الاعضاء .. حتى ان ردودهم دخلتني جو ثاني غير موضوعك و حتى اني قلت بنفسي ياليتني مكان واحدن منهم << شفاحة عيارة ذا البنت .. والا بس تدري عااااد .. مابي اكتب سيرة حياتك في المساطيل .. وخلنا نجي لموضوعك ذاااا ... ياخي احس انك توك مركب الراس الأوربي .. كنك زااايد جرعة احمر بالخط العريض .. والله ياخي راعنااا شوي تراااي استحي منذاا السوالف .. لاااا واللي يحتسيها لناا وعليناا رجّال .. يؤ .. عيب ..

اقتباس:

المشاركة الأصلية كتبت بواسطة يا ليل ابو لمبه !

سلام عليكم ورحمه الله

*تنوية : الموضوع مخيف ومرعب والي فطسو بسبته كثير ..لاحد يقراه نصيحه !!

لو منك ما حطيت التنويه .. عشان الخكارية يتسدحون علينااا واقرب حويّة ننطلهم ونرتاح << تحسونها تقصد احد ؟

اقتباس:

ونا راقد في يوم من الايام ..وطيور النورس تحلق من فوق الخزان ..والكناري مجتمعه عند الشباك..وانا غارق بالاحلام وتعميرت البارحه مافكت من راسي ..خربت ام ام الجوء امي اللطيفة..والي يدلعها ابوي ويقول "ياصبر الارض" من زود لطفها وحبه لها هههه ..فتحت الباب من دون لاكح ولا تنحنح معلنه نهايه الحلم ..وبدايه ملعنه الام ..وان ماخب ظني انها المقدمه ذي

أنا ابي افهم شي واحد بس !!!
الحين ذرروووق وعنده فوبيااا رعب !!! وفوق كل ذااا يعمّر وشلون ابي افهم << الله يعافيك ياوخر ويذكر بالخير ان كانك علمتنااا هالمصطلحات ووش تعني عشان محد يلعب علينا << يقطعتس انتي واياه على ذا العلم
ايه اقولك .. الحين عندك فوبيااا من الاشياء التافهة .. وتتخيلها على كيفك .. يعني مثلا تشوف ملعقة بالارض طايحة تحسبه لسان كلب له رجليين وبيلحقك عشان يلعط خشتك وخشمك ؟؟!!! .. وش زوود هالزحييير اللي تعمّر به ماتخيلته شي يصقل قلبك من الخوف ؟

اقتباس:

دخلت امي الغرفه ونا اطالع فيها من تحت الشرشف وفي يدها سكين ملطخ دم.. وريحه خايسه دخلت معهاا ..وواضح ان فيه ضحيه ومصيبه حاصله قريب مني والاكيد انها جيفه ولا جثه ومهيب بعيده اذا طلعت الرئحه مني..بس تأكدت ان الرئحه ترتبط بجثه قريبة جداً .. لاني اشوف راس يتحرك عند الباب ويزحف والظاهر انه يحتضر.. واطالع لأمي وهي مشمره القميص وعاضه لسانها ..طبعاً عرفت انها عاضه لسانها لانة طالع مثل اصبع البطاريه من طرف وجهها بالظلام .. وتحد السكين وتحكحكه في بعض ..قمت تشهدت وقريت دعاء السفر من الخرشه وصليت صلاة الغايب على عمري..وسترت عورتي عشان تكون خاتمتي طيبه ..فكرت وش بيصير ؟! قلت مافي حل الا ارسل الكول لمي كلها للشرطه ومن زود الخوف والتبقيطه قمت ارسلها لتلفونات ثابته .. قلت بنفسي لازم اوجه المشكله .. يمه ؟ يمه ونا عاض المخده ..ما طلبتيني شي الا وسويته لك ..فلوس وأعطيتك ..أكل وأكلتك ..ملابس وسترتك .. سياره وسلمتك ووكاله بعد..ولا ناقصك الا الزواج الحين وتكمل باقي دينك ونشوف عيالك بكره ؟!! حرااام عليك الي تسوينه فيني ( قمت اقول لأمي الكلام الي اسمعه من ابوي من زود الخرررشه هههه)

ههههههههههههههههههههههههههههههههههههه ياشيخ لاتكثرمن شوفة ابطال غزّة لأنه بيخمج عقلك .. وضربات قلبك بتصير كنها خبيتياااات وشكشكة من الفوبيااا اللي تحسها وتتخيلها على كيفك ... امااا امك وهي تحدّ السكين ( في خيالك ) مابقى الا تمشي وهي تقول خااااروف خاااروف .. تب تجطلك ... الا صدز .. الحين انت تنااام مفصخ ؟؟ .. ورااك تقول استر عورتي .. الله بس يستر على بنيّات المسلمين

اقتباس:

فتحت امي النور وهي فاتحه فمها مترين في خمسه وتعض فجل..قالت سلامات وش صاير فيك ..قلت الا انتي الي ...الي ..واطالع الا وهي ماسكه سكين فاكهه ..وأخوي الصغير عند رجلها يزحف والريحه من حفاظته..قلت الا انتي الي ..الي ..الي الله يقطع مزحك ياشيخه ..موب وقته الحين !!

يقطعك انت وخوفك اللي مثل نعفتك اجل راااس يزحف وطلع بالاخير اخوك الصغيّر ههههههههههههههههههههههه وحفاظته خايسة بعد .. ياخي ذا البزارين عليهم وقت في نطل البلك موب طبيعي .. ولاهوب وقته ابد وامك الله يخليها لك وش طرى عليها فجل ؟!!! لحوووووول على ذوقها وشهوتها صدقني السالفة فيها وحاااام والا ماظنتي حرمتن بكامل قواها العقلية تاكل فجل لحاله هههههههههههههههههههههه الواحد لاخمته الشهوة على الخضرة اقرب شي عنده اصبع والا اصبعين خيار وانتهينااا وان مافكته الشهوة قطع له راس طمام وذر عليها ملح وفلفل اسود وبالعافية عليه << يحلفوووون مرضعتهااا فلسطينية

اقتباس:

تعبت نفسياً .. شاب ويبلغ من العمر عتياً ..وباقي يخاف يدخل الحمام لحاله هذه مصيبه والمصيبه الاكبر انه اذا دخل للحمام يخاف يقفل الباب ويخليه مفتوح كله ..واذا جت الساعه 12 باليل وهو ما نام يجلس مواصل للصبح.. لدرجه ان مره بعيد الاضحى ابوي ذبح الاضحيه ونا واقف بجنبه ..واعض على برااطمي واضرب برجلي ؟ وهالحركتين بحارتنا تدل على الشجااعه وقوة القلب ..وشوي دق الباب ؟ قال ابوي رح افتح شف من ..قلت هاه ؟ قال وهو يضرب برجله ( يقاله شجاع اجل ههههه) انقلع افتح الباب يا ثور ..رحت عند الباب وقلت مين بصوت خفيف ..محد رد ..قلت بصوت اخف زياده مييييين هاه ؟ ولا سمعت صوت احد.. ورجعت ونا خااايف واركض وشعري يهفهف وكأني اضحيه جارنا وهي تطامر بالغماره ..واعض طرف ثوبي واوقف بجنب ابوي واخذ نفس عمييييق وزفير وشهيق ومتاغره .. سالني ابوي وشفيك ؟ قلت له بخوف ونا اغمز بعين يمكن يبون ينتقمون مناا ؟ قال منهم ..قلت ونا اطالع للأضحيه وهي معلقه ..اقاربهاا ..اصدقاء المعزه !!..جد جد تمنيت ان ابوي ذبحني وعلقني بدل الاضحيه ..ولا غرق وجهي بتفاله وبالاخير ضربني لين عضيت الدمن الي بالارض ..وتأكد ابوي ان ولده الكبير لا يزال خوااف !!

هههههههههههههههههههههههههههههههههههههههههههههههههه ههههههههههههههههههههههههههههههه وقسم بالله هناااا بالذااااات حسيت اني فعلاً اقرااا لواحد به هستيرياااا رعب موب فوبيا وبس ... والله العظيم ياعلييييييك خيال موب صاحي .. انت يبي لك في الحمّام امك تسوي لك مثل ماسوت اختي لعيالها بدورة المياه حقتهم .. صح انها تبتلش فيهم لا راحو لاحد والا لاجت عند اهلي بس اهم شي بيتها .. تخيل شارية ملصقااات كرتونية شي فراشااات وشي ميكي ماوس وشي بنك بانثر وملصقتها باشكال وطريقة حلوة وجذابه وزايدة عليها كذا لصقة رسومات غريبة ورايقة .. والبزر من يدخل الحماااام لين يطلع وهو يتمقل بالجدراان والسقف وناسي شي اسمه خووف حتى انه يومن من الاياام اكتشفت ان زوجها يتعذر بالسبوووح كل ساعتين يومياً .... يوم دخلت عليه ولاهوو يتسبح ولاااش اثاريه تاكي على الكبنيه ومحجر لخدوده بيديه ويتفرج بالصور << بدت تمصل ..
اما العيد الأضحى وذراااقتك هههههههههههههههههههههههههههههههه كل شي توقعت انك تتخيله وانت عند الباب الا ان اهل الضحيّة جايين ينتقمون .. انا لو مكان ابوك وقتهااا ... لاشدّك من ذرعانك واكتفك واربط رجولك واعلقك جنبهاااا واكتم خشتك بشطرطون وارفع لك جفونك بلزاق الريالات في جبهتك عشان ابرد تسبدي فيك هههههههههههههههههههههههههههههههههه وربي انت موب صاحي وبس

اقتباس:

خلونا نرجع لسالفه أمي والسكين ..بعد ما قمت من النوم خرجت من البيت ونا افكر بالموقف الي صار لي .. وأسال نفسي لمتى ونا خواف ؟ الشنب أحدده بمقص شجر ..وطويل وكبير وبالغ عاقل ..

ييييعععع الله يحوم كبدك .. بس تدري والله لو تطامر ماجيت مثل ابن شلحااط في شواربه كنهااا جنحان غراب يالبيه على ذاك الشنب اللي كنه مساحااات باخرة

اقتباس:

وش زود هالرجال الي مايخافون ابد عني .. وللحين اقمط وتجيني هسترياً اذا عطس اخوي ونا غافل ..موب معقول ابد ..الا لازم اشوف حل لمشكلتي ..يعني أمي لو جت للغرفه وبيدها قدر ولا طاوه ذيك الليلة !؟ يمكن انصرع بالغرفه واقول من الي حاضنته ذا ؟

والله موب بعيدتن عليك انت .. كل شي اتوقعه مع هالحالة اللي فيك ههههههههههههههههههههه

اقتباس:

بجد الخوف لعب فيني لعب الله لا يوريكم .. وصرت اهوجس واسولف مع نفسي ..واقوم من النوم وجلس سااعه بالسرير اسوي اني رااقد ..مدري وش الشعور ذا ؟ بس يعجبني بصراحه..يعني اشياء اسويها فيها من الدلاخه الشي الكثير ..ومنها اني جالس معكم الحين واكتب لكم ههههه

هههههههههههههههههههههههههههههههههههه مريييض وربي مريض ... بالله علمني وش تاكل ووش تشرب وش جدولك اليوم يعني فضفض وسولف كود تطول معك الوناسة وتنسى هالفوبيااا

اقتباس:

قالت الموظفه لو سمحت انقلع مع اللفه الثانيه ثم خذ يمين الله ياخذك .. الباب الاول على يسارك خله ياعسى من يخليك بخبت لحالك .. وادخل الباب الثاني يالله ياكريم ماتوصله ..وبتحصل الدكتور ينتظرك ( توصف ليهودي ذي !! )

هههههههههههههههههههههههه يالومهااا فيك .. والله انها موجستن منك لوعة كبد والا كان ماحرجدت عليك بهالدعاوي اللي تسيّل الصخر .. والله دامك الشنب تحسنه بمقص الشجر !! ماعليها شرهه

اقتباس:

قلت لها طيب لو سمحتي كرت المراجعه وين ولا تسوين معصبه عشان انسى منه ؟؟ ولا بتحرك ياحبيبه امك الا بكرت مراجعه فاااهمه ؟ يالله وريني الكرت بسرعه..يقالك تستفيدين من وراي وتاخذين هالكرت ..ضحكت وقالت اذا كشف عليك الدكتور وشاف حالتك ..وقتها يقرر تحتاج مراجعه ولا لا ..قلت اهاااااااا اجل مابقوله وش المرض الي فيني وبكذب عليه قالت ليه طيب وش الحكمه ..يالحبيبه خبل انا ارجع لكم ثاني ..تلعبونها على ميين انتم هههههههه

يااااااخي ياخذ وجه اللي يسوي فيها قوي ويحجر لهااا وهو من جنبها ههههههههههههههههههههه المشكلة شكلك سااااامج وانت تستقوي .. يعني طالع من الزواحف البشرية اللي ماتشااااااال الا بالرجف ههههههههههههههههه وعلى كذااا مسوي فطين ومايبي يرجع ههههههههههههههههه مرييييييض

اقتباس:

" ورجعت البيت على طول ونا ارتعش ؟ عرفت كيف يا دكتور .. كمل يبني ..سالتني امي وشفيك قلت الاستاذ يتوعد فينا ..تصدق هالموقف يادكتور بذمتك .. كمل أئتك نيلة منيله ..المهم وقلت لأمي والله يهدد الفصل كله يمه بالضرب وعمليات وصخه مثل الطرح الي تسوونها بالليل انتي وابوي .. بعد بندرسها بالمنهج بس المشكله كلنا رجاجيل !!!

منتهي ذا الولد .. فاااااااصل .. قاااطع... حديدة موب مخ .. والله العملياااات الوصخة في راسك هالتنكة ههههههههههههههههههههههههه

(( هناااااا اقتبااااااس .. تم التنازل عن التعليق عليه لاني من جد مالي داعي اعلق وانا مستحية << قوليها برااا الحارة تكفين ... لاااا جد قايلتن لك .. شكلك توك جديد مركب الراس الاوربي ونسبة الهياط منهالنوع زااايدتن عندك لدرجة انك تهورت ورحت لذااا الدكتور وصارت خيالاتك كلها متعلقة هناااااااااك ... لذلك وجب التنويه << ودها تمسك مكان نكهة على ذا الكلمة ... ابو لمبه .. بالله وش انت تزدغ وتبردق في بطنك على هالخيالات ))

اقتباس:

طلعنا بهايلكس للبر وكنت راكب بالغماره عشان اقاتل واقهر الخوف الي بدااخلي(الظاهر انك بالغماره خوف من الشنب الي على الباب هههههههه ) يوم جلسنا ومافي ضوء يجي الا من شبه النار ..والشباب يلعبون بلوت بالجلسه ..ويصيح واااحد يااكلب العب حكم !! وشوي ويصيح الثاني طيب وزع مثل الناس يا حيوووان !! وشوي ويتلقطون بفناجيل الشااهي .. وبهذه اللحظات لا أرادياً بكيت وسال الدمع من عيني وقمت اخرخر دموع!! بس قامو العيال لعنو خيري وضربوني لين حبيت العاافيه ..ورجعت سااكت وأكلت تراب لين خلصو ( مايمشي معي الا الضرب ههههه )

اقدوووو فيك لابو اللي يطلع معك مرتن ثانية .. بس والله مايمزحون .. يالومك وانت تخر دموع .. اجل فيه اوادم عاقلين يتلاقطون بالفناجيل والبيالات شكلهم راضعين مع عبيد مكة اللي يتدحوسون بالحرم والتوسعة

اقتباس:

وشوي قال واحد وشرايكم نطلع نصيد الذيب الي ارعب اهل القريه ويتكلمون عنه ويشتكون منه..انا عضيت على لساني وضربت برجلي كنايه عن الشجاعه الي اتفقنا عليها سابقاً ..

ههههههههههههههههههههه اي اخبرها والدليل انك قمطت من دقة الباب ...

اقتباس:

وقلت والشر والخبث بوجهي..طيب وين بتركبونه وحنا راجعين هها والله مافي مكان يكفيه بالغماره ؟!..قال واحد كل تراب وخلنا نطلع للجبل يا عيال .. ونجيه من وراه وبنخليه ينزل لك ..وانت انتظر بالمكان ذا ..اذا نزل عليك الذيب امسكه واربطه بشعره لين ننزل وياليت ماتخدشه ولا تكسر له ضلوعه وارفق عليه..هاه يا ابو لمبه مستعد ..اي أي مستعد وصامل يا سنايدي ..وللأمانه طفيت شبه النار الي كانت بين رجليني ونا وااقف من افرازات طلعت ومايحتاج اعلمكم من وين

هههههههههههههههههههههههههههه ياوصخك بس .. تحب هالعلوم والحتسي فيه .. وخر الله يحوم تسبدك .. ليته صدز ينزل عليك ينهشك انت وافرازاتك ههههههههههه

اقتباس:

قلت ببالي لازم انجح بالاختبار واشوف نهايه الخوف معي ..وطلعو الشباب وبقيت جالس لوحدي انتظر ..وكلها دقائق واشوف غبار يشق طريقه بالجبل ومتجه لي !! واجهز بيدي ورق البلوت وقصدي ارميه اذا قرب عشان اموه عليه واعرقل له واقبصه الكلب ..ويوم زاد الغبار وحسيت بشعر الذيب يتطاير معا جوانبه وهو يركض ..وبداء الصوت يقرب ويقرب..واشوف شي متجه لي بسرعه بالظلام..ونا اقرب واعض لساني ..وشوي !! طحت بمكااااني ..غيبوبه أي نعم غيبوبه يا عيال ولا حسيت الا بانيابه قرب وجهي

والله العظيم تصلح مع سبيس تون .. اقل شي تعطيهم افكار جديدة لكرتونهم والديجيتال بالذااات .. تخبر بزران ذا الوقت معاد يقتنعون بتوم وجيري والكابتن ماجد

اقتباس:

ماصحيت الا بعد ساااعه والعيال يضحكون ..قلت الله يستر لايكون العيال انهبلو من الي شاافوه ..ولا ركبهم جن وعفاريت بالجبل..قمت انفض التراب من ثوبي وارفع ؟! وش ذا ياعيال ..وش الي جاب الاستبنه بحضني وش ذا ؟

قال العيال انهبلوو قااااااااال ........ ياعمي انت اللي ساحق رعب على جبهتك .. وكل شي عندك وبراسك يسوي اخراااج صريح في الترهيب هههههههههههههههه

اقتباس:

كفر الهايلكس مطبوع بوجهي يا عيال !! وش الساالفه..يا ثور يا ثور قم قم حتى كفر ماقدرت تمسكه..اجل لو مرسلين الجنط لحاله وش بيصير فيك ؟

ظنتي بتتخيله سلقة صيد جايتن تمطخ خدك

اقتباس:

ويتم في كل أجتماع دراست وضع فرد واحد بالعائله ..الا اخوي عليه حظر ولايدرسون حالته ابد ؟.. لان وجه كأنه فردتين زبيري بدولاب خشب

اشوا انه اخوك

اقتباس:

..وضحكت امي على ذبه ابوي الساامجه وقالت وشرايك نزوجه !! أي نزوجه ويمكن تغيره الحرمه ويغيره الزواج ونحل مشكلته ..

بس هذا اللي جيدين فيه الاهل .. لاتوهقوو بورعن لهم ماعرفو له .. اما لدشاااارتن فيه والا فهاااوة والا فوبيااا مثل اخونا في الله .. قالوا نزوجه .. وانتي يابنت الناااس ابلعي العافية واخذيه وانتي ضاارتن ماتدرين وش علمه

اقتباس:

واتفقنا على الزواج بعد ماشفتها بالنظره الشرعيه ونا خايف وطااق باللثمه ..

امحق فارس احلاااام لذا البنت ههههههههههههههه .. بس تصدق انها ماوافقت الا عشانها تحسبك زورو

اقتباس:

...كيفك يا قلبووو ..قلت احلى من الجلنبوو يامجننه الجلنبو ..بس انتي كيفك يا يا يا ..هاتتتتشووو .. ههااي حلوه منك ..الله يسلمك يا يا يا يا هااتش.. ..خلااص كل تبن واشرب العصير واذلف !! اتفقنا ان الملكة اليوم والزواج بكره ..عشان فارق الخوف

والله لاانت ولا هي .... ظنتي وافق شن طبقه ... بس الله يرحم حالها مقدماً

اقتباس:

..بنفس الليلة رااااحت البنت لأمها وهي مستحيه ..وتقول ان اسبوع الشجره أو الرئ الزراعي جاها ..

هههههههههههههههههههههههههههههههه ياااااااااااوصخ .. وعارف تصرّف بعد .. لحد هنا وماعندي تعليق على هالجزيئة والباقي منها .. ياجرأك وبس

اقتباس:

اتصلت على البنت وكلمتها ..اسمعي يابنت الناس ابوك ذا يلمح على شي ؟ ولا انه يدور على مقسومه عند الشخص الغلط ؟

صاااااااادم في عاير ومصدق نفسه هههههههههههههههههه اجل مقسومه عند الشخص الغلط

اقتباس:

ابوك كان يمشي مع أكبر منه بالسن يومه مراهق ؟

وش عندي ياطارق الحبيب هههههههههههههه

اقتباس:

*بعد الزواج بسنه
1- صرت أشجع فرد بالعائلة ..لأني اصارخ واصايح مع زوجتي بالليل ولاحد يفك فمه ..حتى مرات نجلس نصايح وحنا مانسوي شي بس عشان اعلمهم ان الخوف نسيته واطقع ماشوف ..

قايلتن لك انها اردى منك ... مهبول ومهبولة ماعندهم الا المرض

اقتباس:

2- كلمتي اصبحت مسموعه ..ولي حرية كامله في أختيار اثاث غرفتي انا زوجتي ببيت اهلي !!

بعدي والله هذا العشم

اقتباس:

3- أخوي صار يخاف مني ..واذا شافني مع حرمتي يقفل على نفسه بغرفته ولايطلع لين تتغطى !!

هذاااك اللي وجهه كنه وجهك .؟

اقتباس:

4- ونسيت اقولكم اني أطلع مع الشباب وهالخوف ناسي منه ..لانه مايجي الليل الا ونا استاذن منهم ورااايح للحرمه والمقالب ذي نسيت منهاا

تقول لي رايح للحرمة .!

اقتباس:

5- بالنسبة للمستشفيات رااحت العقده الي ذكرتها لكم ..لأني أخر مره رحت للمستشفى عشان فحوصات الولادة ..والدكتور يمدح فيني ويثني علي ويقول هالله هالله دنت فحولتك كدى !؟

ابوو بص وشوف ههههههههههههههههه زين زيييين

اقتباس:

انتهى الخوف !!

احلف عاااااد ...

اقتباس:

مايستفاد
زوجونا كانكم تبون رجال

الحين تبي تقنعني ان الخوووف رااح بمجرد ما زوجوك اهلك اممممممم عيني بعينك اشوووف .. والله انكم رجاجيلن حيّالين .. متى ما اهتويتوو صرتوو الشجعااان اللي مايلمس لهم عود وان ما اهتويتو خفتوو لو من الصراصير ... انتو شجاعتكم بس قداام بعض .. ووقت الكشتات والاستراحات والا غيرهاااا .. خلناا ساكتين بس
ترا الشجاعة مهب بس بقوة القلب والجسم ... الشجاعة انك تقول انا ولد فلااااااانة واخو علااااانة اي لأنها هي اللي ربتك وجابتك والثانية ترفعك فوق راسها تاج وفخر <<< حاست علوم الرجاجيل

يالله بس اشوفك في فوبيااا اخرى بإذن الله .. ويشهد الله علي ان اقرااا موضوعك وادعي لك بسعة الصدر اللي ماتفارقك ... لأنك بجد شرحت صدري بخيالك وعيارتك .. واللي من جد تخلق بداخلي احساس تحطيم واني مستحيل اجي مثلك بيوم من الاياااااام .. بس يكفيني اني اتابعك واعتبر نفسي من تلاميذك ... وثاني مرة لاتعودها وتسجل قبلي ولا اشوف مواضيعك الا بعد دهر << متى المعرفة يا امي

لقلبك ياعياااااار