حارة المساطيل - عرض مشاركة واحدة

29-06-2009, 04:05 PM

كويني
ماشالله عليتس مواضيعتس دايما بذيآ ()..
اكثر شي احس ان هالحتسي والهرج الماصل يجي من قبل بعض المعلمين الله يهديهم
محاكيتس ماعمري تهنيت بدراستي اشوف اخواني يرجعون من المدرسه يصيحون الي
دابجه الاستاذ مع راسه والي متضاربن مع واحدن من حقين سادس ابتدائي طيب يالثور
افرد عضيماتك على واحدن كبرك ومن عقب الي اشوفه تعقدت ويوم سجلت بأول ابتدائي
كبر هميلآجيت اشتري من المقصف يزاحمونن هالثيران وانا تسني دمينه بينهم

اول حصه درسناه رياضياتيشرح لنا الاستاذ وانا الوحيد الي عجزت افهم اخر شي
قالي انت عندك عشر خرفان اخذهن ابوك بينحرهن كم يبقى معك هالحين ؟قلت يبقى الشبوك
مير يحمطن مع ظهري ويقولي امش للوكيلوانا امشي يسطرن مع جبهتي يقولي امش يالله
طيب وش تشوف انت هذاي امشي والله انه حمار

مالتس بالطويله ياوخيتي اخاف يطفى الاتصال ويروح ردي بحح..
لعنونتس::::