حارة المساطيل - عرض مشاركة واحدة

29-06-2009, 05:24 PM

.
.

سوي ميني برجر ..

والحلا ..

شوفي موضوع مدور .. في اشياء روعه ..

انا ناويه اسوي اليوم وحده منم .. عاد لا سويتها عطيتك رايي ..

ومن غير ما اسويها انا عارفه انها روعه ..

وهنا الرابط

http://msa6el.com/vb/tt60313.html
.
.

بالنسبه لصينية خضار ..

انا قد سويت وحده مع دجاج ..

طعمها غريب شوي عشان فيها خردل ..

عاد مدري يعجبك او لا ..

وممكن تسوين صينية خضار من غير دجاج ..

اممم

مثلا ..

تقطعين البطاطس والباذنجان والكوسا شرايح دائريه وتقلينهم ..

والجزر قطعيه شرايح دائريه .. اذا حابة تقلينه اقليه واذا حابة تسلقينه اسلقيه مع ماجي وفطر مقطع شرايح او كامل .. بكيفك ..

وبعدها كلهم حطيهم بصينيه ورشي عليهم فلفل اسود وشوية ملح ..

وسوي هالصوص ..

في الخلاط :

علبة قشطه ..

شوية ملح وفلفل اسود

4 ملاعق كبيره جبن سائل ..

حطي في بالك .. لو حطيتي جبن كرافت سائل لاتكثرين ملح .. لأنه مالح ..

وملعقتين كبيره مايونيز ..

وبعد ماتخلطينهم صبيهم ع الخضار ودخليهم الفرن لمدة ثلث ساعه تقريبا ..

وبالعافيه ..

.
.

وانا عن نفسي ..

انصحك بهالشي ..

اقتباس:

اول شي جيبي مكرونه اللي شكلها يجيك مثل القواقع الكبيره ..

هذي صورتها من النت ..

اسليقها .. حبه حبه .. يعني حطيهم وحده وحده ولاتكبينها كب مره وحده ..

وبعد ماتستوي صفيها وخليها ..

.
.

نجي الحين للحشوه ..

حطي بصله كبيره مقطعه مكعبات ع النار مع زيت ونص فص ثوم مفروم ..

وحطي عليه لحم مفروم ..

بيطلع موية .. خليها لما تنشف ..

وبعدين حطي البهارات المشكله .. بالاضافه الى شوية كركم " قليل مره " .. وفلفل اسود ..

وشوية كزبره مجففه .. وشوية كمون " قليل مره " .. وملح ..

.
.

اخلطي بالخلاط :

طماطتين مقشره .. ونص حبة فليفله .. وشوية كزبره ..

بعد ماتخلطينهم حطيهم ع اللحم .. وحطي عليه 4 ملاعق كبيره صلصة طماط ..

وممكن تحطين مكعب واحد ماجي " مثل ماقلت .. العلبه فيها 2 "

وحطي بعد شوية كزبره مقطعه صغار ..

ووقلبيهم مع بعض وخليها لما تتسبك ..

واحشي المكرونه فيهم ..

.
.

بعدها جهزي الصوص اللي فوق ..

مقاديره ..

طماطه وحده مقشره

نص فليفله

فلفل اسود

3 ملاعق كبيره صلصة طماطم ..

بصله صغيره مقطعه مكعبات صغيره

شوية ثوم مفروم " اقل من نص فص " ..

شوية كزبره ..

ملح ..

.
.

الطريقه ,,

ع النار نحط شوية زيت ونضيف له البصل والثوم لما يذبل ..

وبعدها نخلط بالخلاط .. الطماط والكزبره والفليفله ..

ونضيفها ع البصل ونضيف عليهم فلفل اسود والملح والصلصه ..

ونحط عليهم نص كاس ماء .. ونحركم لما ينخلطون مع بعض ونخليهم لمدة من 5 الى 10 دقايق

ونرفعها عن النار ..

.
.

بعد ماحشيتي المكرونه ..

صفيها بصينيه للفرن ..

وصبي فوقها الصوص ..

وحطي ع الوجه جبن موزاريلا مبشور ..

وغطيها بقصدير ..

ودخليها الفرن لمدة نص ساعه ..

اقتباس:

وقدميها ..

وبالعافيه ..

.
.

وش ودك بعد ..؟

سلطات ..

مقبلات وخفايف ..؟

امري

.
.