حارة المساطيل - عرض مشاركة واحدة

30-06-2009, 01:06 PM

مكاني
----------------------------------------------------

عودة

اقتباس:

السؤال الاول : اذا كان الزوج على قد حاله ليش الزوجه ماتساعد حتى لو بجزء يسير

والله قدر ما احاول ما أحكم على اللي ماتساعد زوجها وهو محتاج مو قادرة ..يعني هذا زوجها وأبو عيالها وراس المال واحد ؛ بس يمكن مسألة الثقة بينهم مو ذلك الزود بس نفس اللي بالقصة الثانية لو ما وثقت فيه بعد 12 سنة متى ناوية توثق فيه مثلاّ ؟!

اقتباس:

يكفي متسلف عشان يتزوجها

والله صادق ..ماعليه الله موجود

اقتباس:

السؤال الثاني: لو كان الزوج عليه ديون وراتبه يخلص نص الشهر هل يحق له اخذ جزء من راتب الزوجه بالقوه

شوف مع أن أشياء كثيرة تمشي بالعنف بس إلاّ المسائل المتعلقة بفلوس ..لأنه بالقوة يمكن الطرف الثاني يعنّد وبعدين هالزوج المفروض يحط زوجته تحت الأمر الواقع من البداية ويفهمها إن هذا اللي يقدر عليه ..مو الهبلة زوجته تفكر زوجها قاعد على خزنة بنك و ياكلها هو بعدين. المفروض يقعد معاها ويتفاهمون عالشاردة والواردة وبكذا تكون الزوجة فاهمة وين هالفلوس بتروح وكم بيروح وليش وكذا

اقتباس:

السؤال الثالث موجه للحريم : ليش تفكير الحرمه ((اذا عطيت زوجي فلوس تزوج علي))

هذا التفكير ما يجي بين ليلة وضحاها يعني اللي بتفكّر كذا أكيد شافت أو حست ببوادر إنه يبي يتزوج عليها ..بس ما يمنع وجود ناس عندها وساوس قهرية وعالرايحة والجاية تقول يبي يتزوج وحدة ثانية .. وياما صارت قصص عن اللي أخذ فلوس الأولى وتزوج عالثانية ..بس هنا المفروض نسأل هي ضد زواجه من الثانية ولا ضد اخذه لفلوسها هي حتى ولو كانت مو محتاجة ؟ ولا خلاص لقت سبب تتمشكل وياه وتفتك منه ؟!

اقتباس:

السؤال الرابع: ليش اكثر العوانس والمطلقات معلمات او موظفات

والله مدري بأي احصائية هالاستنتاج ..بس في وسط مجتمعي الحاصل هو العكس ..أغلبية المتزوجات يشتغلون و العوانس والمطلقات كذلك أو يدرسون ..ياخي خلاص في وسط هالازمة المالية الكل مجبور يشتغل ولو بنص دوام ..وبعدين وين أودي هالشهادة اللي كرفت فيها 4 سنين يعني لازم أشتغل وأشوف مصيري ولا مستقبلي اللي يجي أبكر وبعدين هالموظفات العوانس خلهم يأمنون مستقبلهم يعني لازوج ولا شغل ..برأيي مشكلة و النجاح مجالاته كثيرة

اقتباس:

السؤال الخامس :لو انتي موظفه بتشاركين زوجك مصاريف البيت برضاك طبعا ؟؟

إن شاء الله ليش لأ ..بما إننا بنبني حياتنا مع بعض المتوقع مني أساعد باللي معي .. وبعدين إيش بسوي بالفلوس اللي أجمعها مثلا ؟! لو ما شفتها تزيد شي في سعادتي وسعادة بيتي ؟!!

أبو ثبت ثبّت الله فهمك يا شيخ وتسلم عالموضوع