حارة المساطيل - عرض مشاركة واحدة

30-06-2009, 08:05 PM

.................................................. .................................................. ....

بااااااااك < بيستفرغ هذا
حبيبي ارسطو مثل هالمواضيع تجبرك غصب أنك ترجع وترد عليها وإنت ناقصه قواك العقليه و مغلوب على أمرك لإنه بأختصار الموضوع البطل يفرض نفسه غصب ومن ورا خشم خشم هالكولا القزاز < عاد أنسى انه يفكها يعني مجرد ماتسوي تسجيل دخول وتوقع في ورقة التحضير إلا وريحة الموضوع الشهيه اللي تفوح من قسم الشله وقتها يروح بك فكرك إلا أن هذه الرائحه فائحه من المطبخ ويمكن يبدا خيالك النصاب وقتها يخيلك إنها رائحة كبيستن يحبها قلبك مصبوب عليها القليل من المرقه اللي تجغمها جغم وهي توها بالقدر ولاكن تنصدم فجأه بأن هالريحه الشهيه تحلق بك إلا فضاء قسم الشله وطارت علينا الكبيسه والسبه موضوعك المليئ بالمواد العياريه الشهيه التي أطلق من مية كبسه أي كبسه مندي مظغوط كوزي اللي يحبها قلبك عزيزي ارسطو < هذا اللي لاعنن جدفه الجوع
عزيزي أرسطو فض القير ودحدر معي الا الأسفل لأسفل بك قليلآ وعندي كلمة راس بطقها بأذنك < يشبك يده بيد أرسطو ويدحدرون سوا

اقتباس:

اول شي : الشله طافي حيلها هاليومين قلت اوعيها بموضوع خفيف وماصل كودالناس تتحرك

"
"
" اقول بدينا بشوفة النفس من المقدمه بعد ..؟ وش اللي الشله طافي حيلها ..؟ لا حبيبي ارسطو ما أحبك كذا الشله عزيزي ارسطو مرت بأزمات كبيره وعثرات وخيمه ( خيمه عمود والا عمودين ) واليومين اللي راحت مرت بحالات اغماء شديد نظرآ لأرتفاع نسبة المصاله فيها ولاكن الاعضاء ماقصرو بالاسعافات الاوليه خصوصآ إن نص الاعضاء والمشرفين المتواجدين بالشله يشتغلون بالطواري وأختصاصين تنفس اصطناعي ولاكن أنا أعدك عزيزي ارسطو من اليوم فصاعدآ الشله من حسن إلا نعيمه قصدي إلا أحسن وبعدين بالنسبه يوم تقول الشله طافي حيلها لا ابد لا طافي ولاشي بس حنا جايبين طف الليت يغير بويبينات الشله وكل شي تمام بس انت أطلع منها ارسطو وتواضع شوي يرحم أمك

اقتباس:

في قاعه الامتحان .. تركت لمصبعي العنان ليآخذ لفه في خشمي عالسريع عشان محد يلاحظ

ياسلام أحلى هوايه ممكن إنه يمارسها الطالب أثناء التفكير في حل الاجابه لإنك عزيزي الطالب حين تطلق العنان لأصبعك إنه يدوحس بخشمك ف إنك وقتها تنقش المعلومه من لغاليييغ مخك ووقتها إذا طلعت بالمعلومه أو بالإجابه الصحيحه لاتضن إن الفضل يرجع لذكائك الخارق لا تعقب الفضل كله يعود لأصبعك الانتحاري..وبعدين انت ووجهك تقول أطلقت العنان لأصبعك لياخذ لفه بخشمك على السريع وبدون محد يلاحظ وش اللي محد يلاحظ ياشيخ انا عني أن اصبعك اللي بخشمك من كثر ماهو لف داخل قعد ينادي اصابعك الثانيه يقول ياعيال ياعيال تعالوو لايفوتكم والله ياهو فيه بلاوي ومستعد أحلف أنهم مددو مدة الاختبار والسبه خشمك كله عشان بس عشان يشوفون وأخرتها مع اصبعك هذا وش بيطلع بترول يعني ..؟وكلن ينجح إلا أنت والمشكله بعد إنه يروح وقت الاختبار كله وإنت ناسي اصبعك داخل خشمك وأحيانن بعد تكتشف أنك ناسي القلم مع اصبعك ويوم يقول المدرس يالله بنسحب الاوراق وقتها يبتدي التفكيريشتغل عندك بيني وبينك عاد " الله ياخذ الدراسه ياشيخ "

اقتباس:

وانا افكر واقول الحين ابو لهب من يومه صغير وهو فاسق ؟! وعبله هل كانت تدلع عنتر عنتوري ؟! هل للنمله اظافر ؟؟ هكذا بدأ مفعول الحشيش

ابو لهب هذا يابن الحلال سالفته سالفه هذا ماهو من يومه صغير وهو فاسق هذا جاء في الاثر وكتب التاريخ والروايات المأثوره إن ابو لهب يوم ولادته ويوم كانو يسسحبوونه ويسسحبونه وكل شوي يقولون إيه إيه شفنااه ..وياخذون شوي ويقول لا والله ضيعناه ( ضب مهو ادمي ) وشوي يقولون ايه بس طلعت رجليه ..وبعدين يقولون لا الملعون رجع رجل ..وأخر شي وبعد جهد وعناء يقولوهم دقيقه بس أطفي الزقاره وأطلع ..!!
أما بالنسبه لعبله ف أيضآ جاء في نفس الاثر اللي قبل شوي أن عبله كانت ماره على نفس الجماعه وهم يولدون أم ابو لهب وسألتهم تقول " ماشفتو أنتوري ..!!

اقتباس:

والقا صندوق مغبر مكتوب عليه "" صندوق الاماني "" << محل عبايات ذا

صندوق الاماني وإلا صندوق الجماعه < أكبر تاجر مونوبولي

اقتباس:

كتب لي هل انت ارسطو .. نعم .. اذا اردت الذهاب للعصر الاولي ارعص موافق واذا كنت ماتبي ارعص على ظف وجهك << عصبي

مابقى بعد الا يقولك هل أنت ارسطو ..وتقوله ..أي نعم انا أرسطو..ويقولك والله ونعم ..وتجلس ساعه تعازم انت وياه القهوه ياولد عندنا ..ويقولك ياولد مرتبط بس ماودك ترعص هنا يالحبيب زااحف هالصندوق زماني يازماني يازماني رماني الحظ على صندوق الاماني

اقتباس:

.. مكتوب فوقها لوحه " ادخل يابعدي "

لا أنا الصندوق اللي لقيته ماقال أدخل يابعدي..قالي خوش برقلك اليمين ومن الداخل ياعبدالله أنت صندوقك شكله فيه عرق شمالي..

اقتباس:

وقفت عند مكان مكتوب عليه "" حآنه القريه ""
.. المهم دخلت للمكان والقا واحد يقاله ابو جهل هو الزاحف والنتيف حقهم .. وواحد اسمه ابو مغوار .. والثالث مدري من هو ..؟

مايبغالها ذكاء يا أرسطو إذا أنت في حانه ومعك ابو جهل وابو مغوار أكيد الثالث بهجت ابو دويحس

اقتباس:

جلسنا على طاوله ابو لهب .. وقال اشرب .. قلت : لا والله ما اشرب .. ونشب لي الاتشرب

ابو لهب هماني قلتلك من البدايه ..وتقول هل ابو لهب فاسق ..؟ ابو لهب أشهر واحد يقطع نبيذ بالجاهليه تبت يداه مابقالنا شي

اقتباس:

ومن السكره قلت اعطونا قدحاً من النبيذ ياشباااب

وقل لهو أن يأتيني برأسآ من الجرآك لو مافيها كلافتون يعني

اقتباس:

واناظره عيني في عيني ولا نزلتها .. لين كسر عيني ودمعت عيوني

ليش ماسك عليك شي ..؟

اقتباس:

يوم جا الليل دخلناهم في قصر الوالي .. عاد تعال شفهم في قصر الوالي لحووووج وقسم بالله لحوج ماقد شافوا خير اعوذ بالله الي راح للمطبخ يزرف له اكل والي يدخل عالوالي يبي يزرف خواتم .. والي مسك الحمام ما عاد طلع

ههههههههههههههههههههههههههههههههههههه نعنبو بليسسهم هضولا على هالشفاحه وهالمجاعه اللي هم فيها وشلون بيفوزون على ابو جهل والله لو يترع ابو جهل بوجيههم ماشفت منهم أحد حولك هههههههههههه أوما هم من ناحية لحوج لحووووج ..زيين بس ماقدمو على الوالي معاريض ههههههه ياخي اللي راحو للمطبخ مهي مشكله عاذرينهم نقول جواعا وذابحهم الجوع وبياكلون واللي بيزرف الخواتم نقول مهي مشكله بيبيعونها ويستفيدون منها هذا طبعآ إن ما أكلوها ولاكن اللي راحو للحمام وماعاد طلعو الا يومك هذا وش يسوون ..؟ تلقاهم للحين مفلين بالصابون ههههههههههههه

اقتباس:

وحنا فالطريق وقفنا عند بير ووقفنا نتغدا .. ونترس بطوننا .. بععد الغدا وهقنا واحد من العيال الله يصلحه وجاه مغص اييييه تأخرنا على المعركه وذا تاكي ورا الشجره ويمسك خط .. لين ماخلص مشينا عنه يوم شافنا مشينا عنه لبس صرواله بسرعه وهو يركض ورانا ( بعد لبسه كله ) يوم وصل لمنا قلت له نظفت الخارج من السبيلين ؟! قال : مهوب لازم بس اركب ومشينا وهو مخيسنا الله يقرفه

يلعن اوم القلق اللي سببتوه لهالضعيف ياخي قروشتو أوم الخلوه حقته وأخر شي تسأله هل نضفت الخارج من السبيلين ..؟ والله انتم صراحه ما ينراح معكم ولا وتبون تفوزون على ابو جهل ايه افلقني ياشيخ بخشمك إن فزتو عليه تشوف بعدين إذا أندلعت الحرب وأنتم بساحات الوغا ماتشوفهم الا لايذين ورا الشجر وأنواع التصفير منهم والسبه عجلتك هاذي ياخي كان دقيتو على ابو جهل وقلتوله ترا الوعد عند الشجره وأنتهينا يعني الا تغثون جو الرجال والسبه حربكم ذي

اقتباس:

.. فتحت الصندوق وقال مافيه رجعه قلت باللهي رجعني .. قال امزح معك ياشيخ ( يامصلك يالبثر )

هههههههههههههههههه تخيل عاد يوم فتحت الصندوق وقلتله رجعني ..ناظر فيك شوي وقال متى المعرفه يابو ..؟

بطل بطل بطل يا أرسطو أتعب وانا اقول بطل وأنا أراهن عليك بصراحه < شف الهياط صح ومايستفاد من الموضوع يا أرسطو ان مافيه فايده أبد.. الفايده الوحيده اللي ممكن نستنتجها من هالموضوع إن الشله كسبت عضو عياري من الوزن الثقيل ..
واعذرني ارسطو بلشت بالاقتباسات ماعرفتلها وهذا " ذنبك كونك تكون طعس " وأرجو أني أكون ماشوهت جمال الموضوع ...تحيه كاريوكا مني لك يا أرسطو
.