حارة المساطيل - عرض مشاركة واحدة - من سلسلة [ خثاريق على فكة الريق ] للأديب العالمي لك عليه !!

03-07-2009, 02:47 AM

لك عليه وش هالموضووووع الخالع ياخي موضوعك هذا يخلينا نرجع لوراء شوي مو لانك مسطتنا بالذكريات لالالا يابو !! لانك مثل اللي فاقد الامل انه يشوووف كتّاب كبااار وعياااارين من العيار الثقيل يرجعون للحياه مره ثانيه بس يوم قرا موضوعك تنفس الصعداء وخذا اطرف مسباح قريب منه وقااااام يدبك ويتنكس فرحة وبهجة الاباصيري وسرورا ً بموضوعك الكنج ومن غير قصور بعيارين الشله ومع حفز الائلئاب ههههههههههه مهبول مهبول يالك عليه موضوعك من مجامعيه الله يستر عليك كتابة / تسلسل / احداث/ فقشات عياريه ناريه والله اتعب اتعب اقوووول موضوعك قوي وملعون صلايب بعد هههههههههههه بس اللي خرب مووضوووعك شي وواحد وجود اسم وخر لو انت ماجبت طاريه بالسالفه صدقني تاخذ جائزة الاوسكار وانت تفحط وماعليك من اطلق شنب وماندري الا وانت بكان تستلم اوسكارك بس اخفقت بذكر ابو قذيله بموضوعك لانه يبطل الوضوء الله يبعده عن كل مسلم <- صار وباء ههههههههه..
تعال يالك لك ..لك الله راسك خل نقتبس انت وموضوعك اللي كنه مطراش على كرنك ::

اقتباس:

كتب هذا الموضوع أهدآءآ مني إلى روح الفقيد الغالي ( وخرلا1000عك ) الذي وافاه الأجل قايلة أمس إثر وعكه صحيه ألمت بقذلته الرنانه التي نقل على اثرها الا المستشفى اللذي فطس فيه حين ذاك ..قلبي يتقطع أسفآ وحرقتآ على فراقك ياوخر وعلى فراق قذلتك التي ياما هفهفت فيها في طرقات الشله وأزقة الحارة ويؤسفني أكثر بإنه لن يصلى على المفطوس إطلاقآ حيث أفتى فيه مفتي الديار الشيخ ( عبدالله بن احمد ) اثابه الله وجزاه عنا خير الجزاء حين سألناه وين ندفن الألفعي قبل أن يخيس ويروح فينا وهل يصح أن نصلي عليه ولا مالها لزمه ف أجاب الشيخ والمسواك في حلقه قائلآ " لا لاتصلون عليه ولا شي هذا احذفوه بالقراشيع على طول وريحو أعماركم منه وريحونا معكم " وأضاف شيخنا الفاضل وهو يصرف قائلآ " بالنسبه لمقرفونات جامع قسم التوعيه اخذها ( الهلاس ) الظهر يقول عندهم مؤتمر صحفي بالقسم يعني لاتحسبون اني ماودي أخليكم تصلون عليه لا لا لاتظنون هالشي فيني انا أدورالاجر لاكن نصيحتي لكم القراشيع بس.. ودوه القراشيع اريح لكم ولنا وزين بعد ان اخذوه القراشيع منكم ( يقولها وهو يغمز ) ولاكن مانقول الا..الفاااااااااتحه على روح الفقيد..!!

والله يالكلك قايلتن لك ماخرب موضوعك الا ابو قذيله اجل وش ترجي من موضوع فيه طاري ابو قذيله لا والمقدمه بعد الله يسامحك بس وش تبينا نرد عليك وش نقول ويعطيك العافيه اللي ذكرت رحمة وخر خلاص فطس والتسلب بداله تسلب هههههههههههههه ونصيحه مني وانا اخوك لايا بغيت شي ينجح بحياتك تعوذ من بليس ومن وخر وربي بيرزقك بالصحه والعافيه وبالعلوم الطيبه مير انت وش تبي بالعاهات تجمعها وترثيها بعد هههههههههههههه وهذا حتى الهجاء يخب عليه هههههههههههههه ياعميري انت.

اقتباس:

ممنوع دخول المغاتير والحوامل ..!!

هههههههههههههههههههههههههههههههههههههههههههههههههه هه الله ياخذ نص وجهك مع اني ماحس اني مغاتيره ولا عمره جاني هالاحساس الا كل فتره وهالفتره زمنيه محدوده بس عاد مكتوبه بكرت العائله انثى لذلك انا من صنف عوجات الاضلاع ولو مارديت على موضوعك بيفشل ومنت ماخذ جائزة الاوسكار اللي تكلمنا عنها قبل شوي لذلك حرر الموضوع وقل من المهم دخول المغاتير بس وش عرفكم انتم ماتسمعون ب(ليدز فيرست ) ماقول الا زمّام يزمكم يارجال المع وياحيف على رجالن تطرد الحريم من مجالسها <- جرحتو احساسها ياعرب

اقتباس:

الرجاء كل الرجاء من العضو الذي يرد فقط ليبحث عن زيادة المشاركات فقط وهدفه في الحياه إنه بس يفتح صندوق الرسائل الخاصه هالعضو ارجو أني ما اشوفه في موضوعي هذا نهائيآ ولايزيد عدد مشاركاته على حساب تشويه جمال موضوعي..!! < ذليتنا بموضوعك يالحبيب..!!

هههههههههههههههههههههههههههههههههههههههههههههههههه ههههه اقوووول دحدر الله يصلحك ليتهم كشتوا هاك النهار ياحبيب البي مو على كيفك تتششرط خل الدعوه عامه وتوزيع المرطبات مجاناً خلك مثل الخطوط السعوديه ولاتصير مثل خطوط ناس اللي يبيعون علينا التموين حق الرحله واحمد ربك ان العرب يجون لموضوعك ياوجه بن فهره

اقتباس:

وبعد أن فقت من هول الصدمه اللي صارتلي وعرفت بعدين ان نجاحتي هي هالطاقيه

ههههههههههههههههه ياعمي احمد ربك طااقيه ع الاقل هذا دليل ان ابوك يهتم بالمظهر والهندام ويمكن لو انه بالوقت الحالي صار اطلق من ايلي صعب بتصميم الازياء وش دخل تصميم الازياء بالسالفه له دخل هماه يهتم باناقتك وجايب لك طاقيه ههههههههه احمد ربك طاقيه احسن من ملاس كبر قريح وقومي عاوني امتس بالمطبخ ههههههههههه هديتك احسن من هدايا بعض الناس اللي لو انهم بالوقت الحالي تسان صاروا من اكبر اصحاب سلسلة مطاعم ووينك ياكنتاكي غطينا عليك هههههههه

اقتباس:

..طبعآ انا مبرمج الريموت أوتوماتيكيآ إذا أحد داهمني وطب علي على حين غره على طول اظغط الزر إلا وهو مرجعك على قناة السودان مباااااشره ولاكنك سويت شي ووضعك جدآ عاااااايدي...!!

ههههههههههههههههههههههههههه وربي عجيبه ذا الحركه ودك اللي عنده قنوات شو تايم يركبها عشان يتفادى الطبات التفتيشيه بس انت تقول ايام المراهقه وانت شويب الحين يعني اعتبر انها راحت علي مع انها اصلا رايحة علي من البدايه ههههههههه ولا وش مجلسني على موضوعك السامي وارد غير انها رايحة علي وقايلتن لي ودعتك الله يانظر عيني بس حركه والله بندورها بارشيف التلفزيون السعودي اغدينا نلقاها ونطبقها هههههههههه يامجرم

اقتباس:

زعلت لوجين وعفطت الرقم وحذفته على الارض وقالت بنبرة صوت غاضبه " خلاااص اقطع علاقتي معك..وانا اللي امشي وراها واناديها "..

ههههههههههههههههههههههههههه ماتنلام وربي ولو اني مكانها الحقت عفطت الرقم تفلة كبر طاقيتك ماتخلون حركات الترقيم اعنبوكم حتى لو انها بنت مسيرة عليكم ..إلا مالحقتها عقب ماطلعت عشان تعرف وينه فيه بيتهم مع انك عارف بيتها وين لانها بنت جيرانكم بس حاله نفسيه لازم تسوون الحركه ذي هههههههه يابعدي يالوجين ازديتي فيه يامال العافيه والله

اقتباس:

..وحبل الغسيل اللذي شد بك يعلقون عليك البستهم المتسخه ذات الروائح اليعععع..مابك يامكيفي ألا تلاحظ ..؟ أنني لا أنشر ملابسي وسراويلي عليك ..؟

إلا ملاحظ وملاحظ انك صاير ما تشغله واجد ومرسلي صورته وسائط يبيني اتشفع عندك عشان تصلّحه ولا ترسله للشركه الام يقول ان الضمان موجود للحين وان اللي خربان بس الكنمبريسر يعني منت بدافع شي من جيبك بس اهم شي لاتبطي لانها يمكن تروح عليك هالمكيف دم فاسد وترجع للاربعينات وتشتري لك مهفه من ابو ريالين ههههههههههه

اقتباس:

نحن لا نعلم السيء ..؟ إن لم نعثر على الجيد..!! وأيضآ لن نستطيع أن نعلم الجيد إن لم نجرب السيء..؟
وإن أخترنا لحياتنا كل هذه الاتجاهات..؟ ف نحن دائما سنبقى في حيرة من أمرنا..؟ وسنبقى في حياتنا دائمآ متخبطين..!!
لذالك إحترت أنا في حياتي..وأحترت على أي شكل أعيشها..ولاكني أيقنت أخيرآ بأن الحياة لا تستحق مني أن أعيشها أو حتى أن أكترث بها..!!
لذالك ضممت يدّي على صدري..وأخذت أتفرج عليها..!!

اعجبتني سطورك هنا فاي حرف ذُبح لاجل الحكمة اعشقه .. فالحياة مُره ومرارتها اكثر من حلاوتها لانها مولودة من الشقاء فالفرح اصله حُزن / فرحاً مولود من حزن ياعجبي على الحياة كم تطلب الكثير كي تمنح هذه الحياة المُنتنة لحظات السعادة !!
....
لك عليه قليل لو قلت لك مبدع فالك الدرجة الاولى فوق لان مستوى الطرح مو بسياحي ابد
وفالك المتحف ولاتحرمنا من تواجدك ومن ابداعك وسلمت لنا كيبوردك اللي متسلفها من وخر وسوا لك قلق يبي يشارك بشات الظهريه عشان يحاول يذب علي بس على مين ياوخر ..
سلام سلّم يامعلم