،
ياهلابك يا ( سنا البرق ) وياهلا ،، وياهلا مليار بطرحك دوما ،، ماأقف أمام متصفحك
متأمله - وأمام أبداعك في كل زاويه .. فلايخفاك أني من قائمة جمهورك ،
لاحُرمنا ، من هذا الابداع ولامن هذا الفكرُ النير ..
(
)
،،
{ .. درجة الحرارة في مؤشر السياره ...
في تمام الثالثه ظهرا ً .. تشير الى ...
57 درجة ، وهذا يخولنا بكل بساطه .. لطبخ قدر من الكبسه
.. خلال 3 ساعات .. }
مدخل للموضوع ياسنا راق لي كثيراً ، وللأسف .. أن وضع المواطن السعودي أسوء مما
ذكرت ،،،، وماشبهت به ، وياريت ماجات الزياده ، يعطون باليد اليمين وياخذون بالشمال
وقال وش : ماقصرت الحكومه زياده للمواطنين وخيرر وفيرر حتى القطاع الخاص الزمته
بالزياده / اي زياده وكيس الرز يضرب سعره بعد ثالث اسبوووع من الزيادات ،والطحين
والحليب والخ والخ الاساسيات / ضربت فالعلالي- والسبب الي اخذه المواطن باليمين هم
ياخذونه بالشمال = والنتيجه 1/ صفر ولاعزااااااااااء للمواطن السعودي ويافرحه ماتمت
وقات الحزينه تفرح مالئتلهاش مطرح ، ولما نجي لفزعة حماية المستهلك ، تلاقي حلهم مقاطعة
المنتج واستبداله ،،، طيب قاطعنا الارز واعتمدنا على الحنطه ارتفعت وضربت اسعارها وش
الحل ..! / هنا يقولون لك ماقصرت الحكومه دعمت بعض المنتجات وخفضت الضرائب ،
طيب وين الحكومه ليش تسعير المنتج مايصير ثابت ،، عشان مانضمن الاستغلال الواقع
علينا .....!! / ليش مايصير فيه قوانين تسن لصالح المواطن المغلووب ..َََ تعرفون فالكويت
في حاجه اسمها التموينات ،، كل رب اسره له كرررت على حسب عدد افراد اسرته ،،،
يقومون ببيع المنتجات الاساسيه ، باقل من سعرهااا مثل الحليب والارز والخ تسمى بحليب
التموينات ، وارز التموينات وزيت التموينات / وحفظ المواطن الكويتي من الاستغلال ،،،،
سنا ، غلاء الاسعار طال حتى السلع الصحيه المتواجده فالصيدليات ، وذلك ماترتب على قرار
سعادة الوزير بتعديل اسعار الادويه واعادة تسعيرها ،، اممم باكيت علاج وقعت عيني عليه
فالصيدليه ب300 يال .............!! ( شكل هذا العلاج ماركه ) / وكما نعرف ويقولون
ان اسعار الادويه لايتحكم فيها الا الحكومه ،، والبائع والموزع ضحايا كما المستهلك والمريض
وهنا أؤمن بهذه المقوله ،، / فهنا الاتفاق على طرح السلعه الطبيه يتم مباشره بين وزارة الصحه
والشركه الخارجيه ،،والموزع هنا ملتزم بهذا السعر حاله حال المواطن ،، والضرائب شغاله ،
سنا .... يوجد تحسن من دعم الحكومه للحليب والالبان .. فقد تراجع الارتفاع قليلاً ،
المشكله ياسنا فكرة الناس الي خارج دولتنا مفكرين
على الميزانيه والووضع الاقتصادي وابار البتروول ، وقصور امرائنا وصالات الاستقبال ،
الي بالقناة الاولى ، فالاخبار تطلع ان المواطن السعودي ملياردير ومتفشخر وولد نعمه وو
والحقيقه ، اعرف عن دوار منطقه معينه رجال في خيمه ساكن فيها وبنته الصغيره والناس
تغديهم وتعشيهم من فضلتهم لفت انتباهي وقفت وسألته ياخالي: وراك فخيمه والبنت وشفيها
ماتدرس .! والحر والبرد وش وضعكم.!؟ قال يابنتي الله كريم / اي ادري الله كريم بس وين
حقك من هالارض .!؟ مانت سعودي .!؟ وش جنسيتك : الا سعودي ، طيب وش وضعك قال
وضعي الله يطول بعمري بس عشان هالصغيره .!؟ الصغيره وراها ماتدرس.!؟ تدرس بس
فصلتها .؟! وليش فصلتها .!؟ تبي تلبس مثل خوياتها وتاخذ فسحه وانا منين اجيب .!؟طيب
ياخال الحكومه وينهاا الشرطه ماتمرك ماتسأل الاغاثه المؤسسات الخيريه قال مايقصرون
يابنتي : وشلون مايقصرون وش سولك !؟ قال : مايقصرون وبس عندهم اشياء وحالات اكبر
مني وقتها عرفت الشايب : خايف لايتكلم لاكون احد من هنا ولا من هناك / الي ابي اوصله
يزيدوون من رواتب الشعب ،، والحكومه تدعم الحليب والارز ،، والسكر والزيت والحنطه ،
حالها حال الكويت تدعم الاساسياااااااات ،، / وتحدد الاسعاررر بسعر ثابت ،،
،،،
بصراحه :
أول مره اشوف دوله ميزانيتها وقدرهااا ( صكت المليارديرات ) / ماذكرت الرقم لأن الرقم
الي يطلع لنا بعد الخصم والخمط ، يعني ماهيب الميزانيه الصح وحسابات المستفيدين تشهد ،،
واعيد : اول مره اشوف دوله ميزانيتهاا ،،،،،،،،،وقدرها يوجد فيها ياثراء فاحش يارواتبها فوق
200 الف- ياناس راتبها فالشهر كم حفنة الف ،، وياريت تبقى لهم لا كلما زاد راتب المواطن
زاد استهلاكه ويالله سياسة ( العب عليم وسكتهم فرحة بالطفسه وخذها منها مره ثانيه ) وش
شايفينا انا ابي افهم ..!؟ ،، هذا المووضوع الغلاء وووضع المواطن الاقتصادي يسوقنا لعدة
أوجه من الظلم الواقعه عليه واقصد المواطن السوي والمواطن المعااااااق على حد سواااء
كون المواطن المعاق في كفل الدوله ،، ملزومه تصرف عليه براتب بدون عمل واتوقع
مع بداية الالفيه الجديد .. بيخصصون لهم اعمال ولها مقابل عشان يتسببون بلخصم والتقتير
ليش لا لاتستغربون كلش جايز عندنا
،،
الحين الوزير والامير والشيخ والمدري وشو يسمونهم توابعهم ، راتبه فالشهر يضرب ميزانية
دوله ،، ولو تحدده مثلما يحدد راتب الحكومي وال عسكري وال مدني وال تكون زيادتهم على
حسب مايسن للدكتور يزعل ويطنقر ، قبل فتره وزير الخدمه المدنيه جاه عارض ماغص سافر
للخارج : تكلفة وقدرها على حساب الدوله مؤكد الدور والباقي الي تتشقق جنوبه ماحد درى عنه
ولا لقى له سرير فاضي ؟........ يعني وش فيها مستشفياتنا ولاحلالنا الي انحرمنا منه للبعزقه /
،،،،،،اشوف ظلممممم يقع على هذا الشعب المكافح ، يعني لوكانت دوله مستوى اقتصادها
يشفع لتقتير على الشعب ،،،،،،،،،، نقول يمشي الحال ولكن ميزانيه تتحذف شمال ويمين ومبالغ
وقدرها .. والوزراء والامراء والسفرر كل سنه على حساب الدوله والرواتب والخ الخ الخ
الخ / وبالاخير لا وزارة الصحه تقوم بواجبها ، ولا وزارة التعليم تقووم بواجبها ولاعزاااااااء
للمواطن السعودي ،، //
ذكروني باليتيم اللي والي حلاله عمه اخوو ابوه ، حارمه ،، ويأكله من فضلة مطبخه وعياله
(عيال عمه) ينعمون بفلوسه ويطلعون السنتهم له ،، ويدبجونه / وهوو يكرف فالبيت عشان ياخذ
ريالين وعيال عمه ترقد ترقد ،، ويجيها مصروفها 100 ريال / والعبره بالفرق فقط ،،
،،
سنا ،،
اقتران الريال بالدولار الامريكي كان منذ مطلع الثمانينيات ، ولولا ذلك ياسنا لكان اقتصادنا
آيل لسقووط ، شئ يشفع لشئ / امممممم الكويت حاليا الغت ارتباط الدينارر بالدولار الامريكي
ومنذ ذلك الحين وحال الاقتصاد الكويت في تراجع ، وقد كان من اهم اسباب تراجع دولة ،،،
الامارات عن توحيد العمله : أن الدينارر الكويتي كان منهااااااااااار وقتهااا والاقتصاد الكويتي
منهار ،، وسيؤثر ذلك قطعاً على سعر الصرف .. ،،
،،
وهذا حال المواطنين الاصحاء ،، حدث ولاحرج فكيف بحال المواطنين المعاقين ....!!!
سنا البرق لوشيكت على وضع المعاقين فالشرقيه ،، وبخصص فالشرقيه عشان مايقولون
نعمم خطأ يعني بنحسن النيه / الشرقيه ، ووزرارة الشرقيه والخدمه الاجتماعيه ، موقفه
صرف الاعانات لمعاقيها لهااا سنتين والسبب عجززززززززز فالميزانيه ،، والميزانيه
ملياراااااااااات ، والمعاق موقف حاله سنتين ، مو مصدقيني ادخلوا منتدى هذه الجهه
تلاقون ام خالد وام فهد وام عبدالله ومنزلين ارقام معاملاتهم وارقام جوالاتهم ، يوم
شفت الوضع قلنا نتاكد كلمت المسؤله على ااساس ليش متأخره لصرف سنتين وثلاث
سنوات ،،تبع المعاقين : ضحكت ضحكة استهزاء وتمسخر قالت : هه كثروا المعاقين معاد
نلحق نصرف عليهم ..!؟ والميزانيه عجزت تلحق ..! سألتها والي عجزت عن كم الف
للمعاق ماعجزت عن سمو الفلاني ، والوزير العلاني ولا العجز يقول انا على ناس وناس
قالت والله مانيب مسئوله كلمي الوزير بنفسه والمسئولين انا ماعندي خبر ، هاذي تبع
الميزانيه لما يقولون وقفت وعجزت وش اقولهم اناا /قلت قولي كثروا معاقين وهه و
اللهي يبلاك بذريه معاقه يجيهم من يقولهم هالكلمه تعرفين وش الفرق ،
واتقفل الخططط ،،
،،
واما من فضايح النهب والسرقات فكانت ابشعها :-
الخدمه المدنيه ، وتورط بفضيحه سته واربعين الف وضيفه شاغره - مدسوسه عن المواطنين ،
ويسدها بالعقود المؤقته والبنود دون ترسيم ويوظف الوزير المقيمين ،،لان رواتبهم اقل من
راتب السعودي ،، قلنا نتاكد ،، وصلنا لموقع وزاره المعنيه ،، وبعد السؤال والاخذ والعطاء
والبحث اكبر من عدة معلمات خريجي الكليه المتوسطه وهي كليه توجد فالقرى التابعه
للمدن ،، / انه لاتوجد وظائف رسميه لخريجات هذه الكليه ،، وبعد تسرب الجدول المجدول
فالوزاره يقومون بتعينهن بديلات ... لخريجات التربيه ،، والبكالوريووس على التوالي ،،
بعقود مؤقته ،، وفي نفس المنطقه ،، فالهجر والقرى والمحافظات ،، واسطات لخريجات
المعاهد ،، زوجة صاحب الاماره ،، واخته يمشي راتبها مرسمه في مدرسه معينه واخته
اداريه في مدرسة ثانيه ويحلفوون انهم ماشافووا وجيهم ابببببببببببد رواتب تمشي وبسسس
وومكانهم تكرف خريجة الكليه على البند ابو 2500 ،، وبعد نقاش مع صاحبة الاشكاليه
اقنعتهاا لشكوى مع ارفاق اسم المدرسه ،، والمعلمه ، والمحافظ قالت اخاف يحطوني في
راسهم ويحذفوون اسمي ..!؟ /
،، [BLINK]ولاعَزاءَ لَكْ ياَلشَعبْ السُعوُديّ [/BLINK]،،
،،
تربت يداك ياسنا /
،