حارة المساطيل - عرض مشاركة واحدة

05-07-2009, 03:37 AM

.
.

بااااك يالبى امك << ماسكه معه تبي تحتسي قصيمي

ولووو ان رجعتي متأخرة بس مشاغل الدنيااا الله يفنيها بعد صلاحنااا

اقتباس:

المشاركة الأصلية كتبت بواسطة المتسلقي بلهفة

الموضوع يحتوي في طياته على البعض من الذبات لكنه القصه من الواقع وليست من الخيال

أفاااااااا وراك نبهتنااا انها من الواقع .. ياخي ابي لما اذب اذب بذمة وضمير .. موب اخجل عشانه صايرن بالجد .. ياي والله انك بايخ

اقتباس:

اقتباس:

في العام 1991م حصل فيه التغير الفيسيولوجي للمتسلقي بلهفه
لكن سنرجع للوراء سنه فقط

يووووووووووووه يعني على وقت طلعة كرسيدا بوكس .. يوم انها في عزها واللي يشريها تسنه شارين له بنتلي ..

اقتباس:

سأحكي لكم احداث يوم من الايام وهو روتين يومي يجسد لكم حياتي
صحيت الساعة 6:45ص قمت امغط عيوني الي كنها مدخل بطاقة الصراف
غسلت وجهي ورحت للوالده_الله يطول بعمره_ وجلست اتقهوى معه امي بشكلها المعهود الذي لم يتغير منذ اول يوم رأيتها

سبحاااان الله القادر على كل شي حافظ امك حتى من عوامل التعرية الجلديّة .. ياخي افهق مناااك اكيد امك موب متغيرتن عليك جعل الشر بعيد عنها

اقتباس:

لافه الغدفه على راسه لابسه قميص روز مره اخضر ومره ازرق و خاتم في اصبعه البنصر من يدها اليمنى وله فص اصفر فوق يحلفون انه قبة الصخرة موب فص من كبره

ههههههههههههههه امك جعله العافية وراك تحش به .. ترا الله مايرضى << لاتهمك تبي تحتسي بس انت سلك لها ... بس ترااا قمصان الروز فلة .. حدني الله يومن من الايااام باستراحه طبوو يسبحون وانا ماجبت لي غيار الا وافنقس معهم اعوم تقل تسني سلحفاة معوقة طافحة وبس ومهنااا تجديف .. يوم طلعت الا واتوهق ماعندي غيار ..مير وتجي ماما سارا وتقول عندي قميص بشنطتي شامرن علي لبسته وصايرن علي يقوم مقاام البرموداا بس ساااق واحد وهفهفت الدنيااا حسيت اني لابسه قميص كشف موب روز .. لعنبوو من صنعه .. خفيييييييف ماكنك لابسن شي

اقتباس:

>>>الشر معروف بس الشرير وشو؟

الشر مفروغن منه ومعروف بس الشرير اللي هو نفسك الأمرة بالسوء .. يعني هي ماتدري يمكن ابليس يخزك وتغش شايبن يبي يذوق عياله جحة .. والا جروتن تعطيه اياهاا وهي مخمجة .. عشان كذا قالت الله يبعد عنك الشرير واللي هي نفسك << تكفى مخمّس عبد حااااااقد

اقتباس:

المغزى شغلت الموتر بعد التشغيل ارفع راسي الى المرأة العاكسه وارى وجهي فاقول اللهم لك الحمد اني حي عشان اشوف وجهي كل يوم.... هذبت شنبي المنتفش باصبعي الابهام والسبابه وادق الريوس

هنا مدري ليه لا ارادي لمست شنبي << شاكه في جنسها الاخت .. لا والله بس اتبعت الوصف .. وطبقت الحركة عشان ارعف كيف الا مير ذا الموتر كم يسوى لو اشتريه الحين

اقتباس:

اشب زقارة على الريق من نوع مالبورو احمر واضع البكت بين المثلث والديكور ليتكمن الاخرون من رؤيته

يععع الله يقرفك ع الريق ومالبور احمر .. لهنبوك هذا حق الشيبااان اللي منتهين في التدخين موب انت اللي رئتك من شافها حلف انهاا لسااان موب رئة من صغرها همن لعنبووو النقص اللي تحسّة على بالك لاشافوو البكت بتصير رزّة تراهم يحقرونك يالدلخ واللي يريش بك هذا نذل يبيك تصير زيّة مايبيك احسن منه

اقتباس:

اصل لسوق الخضره فابتسم لهذا واحيي ذاك واسوي حركه باصبعي موب زينه لدلال قد لعب علي

افااااااااا ليت امك شافتك كان تفلت على راسك ... وقالت لاااابو يومن جبتك فيه

اقتباس:

-ابوي: متسلقي ورا ماتكمل دراستك وتاخذ شهاده وتتوضف مثل الناس
-انا:والله اذا على الوضيفه هذا شي خالصين منه انت تعرف اني اكره اني الزم روحي بدوام>>ظامن الوضيفه

ومنتهي ابو الشباب .. يسمي الجرو والجح وظيفة ههههههه لعنبوو الطموح

اقتباس:

لازم يصير ناس متوضفين وناس يكرفون كرف الحمير عشان راحة المتوضفين
ابوي سوى حركه بيده ومعناها كش مالت عليك

الحين يقالك بتوازن المعادلة .. ابوك ذااا شكله عايشن مع عجيزات يوم انه صغير

اقتباس:

بعت الددسن العظيمه واشتريت ددسن قديمه جدا عشان اوفر فلوس للمحل

وراااااااه كنت بشريه منك لمأراب اخرى في نفسي .. يعني مثلا ابي اطعس به كود ادخل موسوعة جينس .. ويعلنون عني بال CNN ويكتبون في الجرايد بالبنط العريض .. طايرتن بالعجّة تعتلي التلال الرملية في الثمامة بددسن مدردع .. عادهم مايعرفون كلمة تطعس بيقولون تغوص بالرمال وتطلع مثل الشعرة من العجين .. يجي هالمثل صح

اقتباس:

-انا يالله حيوه ياهلا والله
-هو: بكم الكوسه>>>وجهه بارد
-انا: ب12 السطل الكبير
-هو: الله اكبر وشو لوه الغلا عند ابوسليمان بالسوق ب11 السطل
-انا: الريال ذا فرق المسافه عن السوق
-هو: لا السوق توي جاي منه وشاري مقاضي البيت مير( لكن) قلت ابمر اشوف وشو هالمحل الجديد

ههههههههههههههههههههههههههههههه والله اللي قطع حيلك من اولها ذا الشايب .. ومسوي يسأل وتسنة بيشري له كوسة .. الا هو شارين له المقاضي كلها بس يبي يتقصى ذا الملقوف

اقتباس:

يالله حيوه هلا والله امر ياخال
-الشايب: بكم الطماط
- انا: بخمس طعش
-الشايب: اعوذ بالله نهابه تسرق الناس انت عند ابوصالح بالسوق باربع طعش ونص
- انا: ياخال شايف انت السوق وزحمة السوق والاشارات الي قبل السوق...و
- الشايب : لاماهنا زحمه مير انت مبعد عن الناس تبي زود ريالين تسرقهن من الي مايعرفون
- انا: ياخال الحق على كفر موترك ينسم رح للبنشر قبل يقضي همن تبلش ماحولك احد
- الشايب:؟؟؟؟؟>>>>راح يركض الصتيمه

هههههههههههههههههههههههههههههه وانت لاقين لك هالطجم تصرفهم لا ماجازت لهم اسعارك .. بس تدري والله انك تزدي فيهم .. ذا الشيبان على قلبهم مثل العسل لاشرو من شايب في سنهم .. بس يلقون شاب يبدون بالعذاريب في خضرته والا باسعاره .. لعنبوو عظامهم اقل شي يشجعون موب يحطمون << نيابة عن المتسلقي تمت الحلطمة

اقتباس:

-يدخل عمي يحمل الجمس
-انا : الحساب ياعم
-عمي: هو بين الاقارب حساب

ههههههههههههههههههههههههههههههههههههههه لاااالاااا لا هذا هو الشايب المفضل عندي هههههههههههههههوالله اللي مارجع لك حتى .. عطاك اياها في الوجه .. بس هو صاااادز هو بين الاقارب حساب

اقتباس:

يدخل خالي يحمل موتره
انا بكل براءه : الحساب ياخال
-خالي: خذ الحساب من ابوك لاني جايب له امس سطول تمر ولا حاسب عنهن

القمها من الثاني ههههههههههههه

اقتباس:

قيل...انني طمااع
قيل...انني احجر البزران بالمحل
قيل...انني ابيع خضره فاسده

الأولة والثانية ماظنتي ولاهوب من عادتك .. بس الثانية اشك فيك بصراحة .. هو من عقب الحركة اللي فوق وانا غاسلتن يدي منك <<< امزح والله

اقتباس:

الا وهي وحده مع المنظمين او الحكام طخمااا بمعنى الكلمه
انا يوم شفته بدا قلبي يقربع كنه غساله ام عمود

هههههههههههههههههههههههههههههههههههههههههههههه موب اسمها ام عمود الله يفشلك .. لاحد يسمعك والله ان يشك انك موب سعودي ههههههههههههههههههههههه اسمها غسالة بابطين .. بعدين ياقلبك ان تسانه يرقع مثلها .. ماصار قلب .. ذا مضخة تبارك الله

اقتباس:

بعد جهد جهيد وعناد ومطاوعه اقرضني ابي مبلغ ثلاثين الف ريال كلهن مربوطات بسير مغاط
وحاطهن بكيسه سودا مكتوب عليها " اهلا وسهلا" " نتشرف بزيارتكم"

اكيد ذا الكيس كان شارين شي من الوشم والا ريمان وحطوه له فيها << محومين تسبدها ذا السوقين مدري وشوله ماهدموه لهالحين

اقتباس:

وامي تدعيلي يالله ترزقه وتبعد عنه عيال الشر والشرير

لاحظ كررتها وقالت الشر والشرير والشرير هنا وشووو ؟؟ نفسك صح والا ؟ يعني مثل ما أولت لك قبل .. عاد ماله داعي اشرح لك وشو بتأمرك به نفسك لارحت هناك .. اقول بس يالبى امك تراه فاهمتن الطبخة وتسلك لك لان مامنك فود

اقتباس:

في باريس

اقتباس:

شهييييييق .... زفييييييييييير شهيييييييييييييق ................. زفيييييييييير

يالووووووووومك

اقتباس:

يازينتس يادار خلي

ههههههههههههههههههههههههه امداها تصير دار خلك .. تخلخلت نيبان العدوو

اقتباس:

وحجزت موعد لمقابلتهاااا ولكني لم أرها بعد

اقتباس:

في الليل لم انم اتقلب يمينا وشمالا حتى تسحلت جنوبي من التقلب افكر بفاتنتي كاترين

والله اللي ماطقت لي خبر الله يرحم نفيستك بس على ذا الذوق .. تاركن بنيات ديرتك ورايحن تطارد ورااا هالسلقة الممعوطة

اقتباس:

قال لي المترجم هي كاترين

اقتباس:

- قلت لوه انا اقول اسألها منب اسألك انت
- المترجم : ايه وهي جاوبت تقول انا كاترين
- انا : ابي مقدمة البرنامج
المترجم يرطن شوي
- المترجم : تقول انها هي مقدمة البرنامج

ياااااااخذ ذووقك ياشيخ على هالوهقة اللي وهقت عمرك بهاااا .. لعنبوووك ماتشوف تاريخ انتاج البرنامج ..؟ ماتوحي لنوع عرض الكاميرااا ؟ ماتنتبه لملابسهااا اللي هي فاتنتك .. بس على طول اشتغلت البابطين في قلبك وانتهينااا .. والثلاثين طارت في الهوا

اقتباس:

لقيت ابوي سدد الديون الي علي بعد ما اكلوا وجهه الديانه ومن يومه وهو ماسك عصا يحترين ادخل بس

ههههههههههه يالوووومه اجل لو يدري عن سالفة كاترين والثلاثين الف

اقتباس:

اكثر الاقارب مايحاسبك اذا جا لمحلك ويحسب انك مكتفي او من باب الميانه

يااااااااكثرهم ذا النمونة .. وياصبر الارض بس

اقتباس:

عندما يبدأ السعودي من الصفر فلا يثنيه شي عن عزيمته>>>الا اذا شاف طخما فان العزيمه تروح ملح

حلاااااااياااا كاترين هااااااه

اقتباس:

الددسن ال88 احسن موتر

انا اشهد والدليل بغيت اشريه منك عشان اشتهر بس انت بعته الله يهديك همن عودت عليه تشريه من اللي بعته عليه عشان ترجع من الصفر يعني لاطبنا ولا غدا عنا الشر والشرير ههههههههههه

المتسلقي .. الله يسلم قلبك ويطيب فالك على سعة الصدر اللي هناااا .. والله انك عياااارن طلدز ولاتهمك الكمخة مطنوخة تراها غايرتن منك .. ابد لاتاخذ بكلامها اسفطها هي ونصايحها على جنب كود تطيح على راسك وتنزل لنا موضوع ماصل مثل خوينااا اللي انتقل الى رحمة المولى مطفشهم .. بعد مادقيناااااااه ملح وهريس في ذا الشلة يوم قام يترزز لنا بخويته .. وخويتي وخويتي .. عاد انا اقولك لاطحت ترااا محد مسمي عليك .. وبستلمك بالشرشحة دامك تبيها وتدورها دوره .. الجد وانا اختك اني حبيت امك .. الله يخليها لك .. ومثل ماقلت لك بالاول موضوعك روووووووووعة وختلف عن بافي اللي قريته هنااا .. صحيح يبي لك شوي عليه بس والله العظيم انه رووووعة وخيال ويمكن لو انك تمحصته اكثر ماطلع بنفس روعته الحين .. يعني قصدي ممكن يغلب عليه المبالغة اللي تنفر القارئ .. وانا عن نفسي اقولها بعض المواضيع اصد عنها لأني احس انه متكلف بالعيارة فيها .. وتحس ان الكاتب حالفن على لسانة الا ينطل له كلمتن فيها ذبة والا مزحة .. بس انت هناااا التلقاااائية خيالية .. استمر عليها وانا اختك .. ولا تستعجل .. تراي احب اقراا لك