حارة المساطيل - عرض مشاركة واحدة - تغطية المسلسل التركي Dudaktan kalbe [ دقات قلب ] .. تم إضافة الحلقة [ 38]

05-07-2009, 03:39 AM

سوري كنت بالسوق ومارجعت الا 12 وتو شفت ردك ..
انا كتبت ابرز الاحداث بالصفحه اللي قبل ..
بس عموما ابرز شي صار ..
انو تولاي وصاحب البقاله تواعدوا بالجنينه المهم زوجها قام من النوم يبي مويا مالقاها جنبه راح يدوره تحت وبرضو مالقاها اخذ الكشاف مدري التريك وطلع برا بالحديقه هي تخسبقت هي والسلوقي اللي معها قام راعي البقاه هرب وهو شافه قام يلحقه وهي راحت تركض تطق على لمياء ولمياء كانت نايمه وقالت لها افتحيلي بس لمياء مااستوعبت قامت هي تركض ودخلت المطبخ وهي ترجف خايفه من زوجها وطلعت ها لمياء بالمطبخ قالت وشفيه
جاء زوجها يبي يطقها وقامت امها وابوها وجميل بيك وجو يركضون المهم قام الخايس ذا يسأل زوجته يقول منهو هذا يالتسلبه اعترفي قالت مو انا هذي لمياء تكلمي يالمياء قولي وش صار
لمياء وجهها صار كذا
قالت صدق المثل اللي قال لاتعابي العوبا تعابيك وتحط اللي فيها فيك <--
المهم لمياء قالت اي صحيح هذا خطيبي ناظم سمع اللي صار فيني وجاء يطمن علي
المهم ان زوج تولاي قال لحرمته هذي البنت لاتحاكينها ابد ولو شفتك معها بذبحك
ومجيده حقدت على لمياء
وجميل ماصدق وعلى طول راح قال لكنان امس مسكنا لمياء مع واحد بالحديقه ومن هالكلام
وقال انت مضيع وقتك معها وتقول بريئه وهي كل يوم مع واحد
كنان انهبل وراح لبيته وعجز لايصبر دق على القصر وقال لمجيده سويلي ساندوتش وارسليه مع لمياء .. يوم جته لمياء وسألها صحيح هالكلام قالت ايه صحيح هذا واحد احبه ويحبني وانت مالك دخل فيني قالها انقلعي من بيتي وانا اللي كنت احسبك بريئه
وهي طلعت من بيته وهي تبكي الا بوجهها النسرتين نعمه وانيسه ويقعدون يتفلسفون عليها الا هي وااااااصله معها قامت خذت هالحصى وتحذفه عليهم وهربواااا <--احلى مشهد بالمسلسل
المهم كنان ذبحه الهم وقعد يبكي ويفكر وعجز لايعزف بالاخير ألف له مقطوعه ورا ركض للمياء بااخر الليل وصحاها من النوم وقال سويت لحن جديد لك هذا لحنك وابيك تسمعينه لكن هي رفضت وقال حل عني يااخوي تراك طفشتني
وسكرت الباب بوجهه وهو راح زعلااااان بس الكلب زوج تولاي هو وجميل شافوه وقعدوا يتصنتون وش يقول للمياء
المهم كنان طلع وراح يشرب ويشرب لين سكرررر ونام بقارب
وناريمان جت الصبح تدوره بس مالقته وراحت عند صائب باشا وكانت نظراتها للمياء غريبه شوي كنها بدت تشك <--اخيرا مابغيتي
ايه وجميل راح لنعمه يهددها انها اذا قالت لكنان سبب وفاة امه ان راح يقول لزوجها عن علاقتها وطلع الملعون محتفظ بصور لها بوضع مخل بالاداب
وهي ذلت ياحووووول وسكت العافيه
وعم لمياء راح لبيت صائب باشا يشكيه لمياء يقول ليش تحذف زوجتي بالحصى
قامت ليلى هاوشته وقالت اكيد حرمتك استفزتها ولا لمياء مايطلع منها خطاء ورجع لبيته يجر اذيال الهزيمه

بس تقريبا هذا كل شي صار