حارة المساطيل - عرض مشاركة واحدة

21-08-2004, 03:36 PM

مساكم زي وجهي <== علشان تحوم تسبودكم

انا والعياذ بالله من كلمه انتم

ازف اسمى ايات التهنئة والتبريك لمساطيل الحاره الغراء <== مدري كتبتها صح ولا لاع
وحب ابشركم باني تاركتكم فتره ليست بقصيره يجعلكم ما تعدموني .. وجعلني الله ذخرا لكم وعم بنفعي سائر بلاد المسلمين
(تحسون اني قالبتن الدعوة )
فسرحوا ومرحوا وخذوا راحتكم ولكن اعلموا باني لا رجعت بفل كل ابو وام المواضيع الي فاتتني .. وبشوف من الي تذكرني ومن الي نسينى
يعني لحد يحش
وبنزل موضوع يحتوي ردودي علي كل ابو مواضيعكم الي بتنزلونها في غيابي ( يعني لا تكثرون مواضيع علشان اقدر ارد عليها كلها )
كل ابو المواضيع الي في
المجلس
والدكه
وخصوصا الخيمه
ومانيب قايله الشله<== ساحبتن علي مسقط رأسها من يوم فتحوا الخيمه

والله اني بغيت اروح للخيمه وافكها وربطها هي وعواميدها وحملها البعارين وهج فيها علشان محد يقدر يكتب شي حتى ارجع من سفرتي
بس مااااااااش
لقيت انهم مسوين شفتات حراسه المقرشع باب والنايف وابو عواد
كل ليله يولعون النار ويتسامرون لين يطلع الصبح وهم ماغير تسدح ابيات وقصايد
حتى انه اذكر مره جيت نص الليل بزعمي الناس نايمه وبنزل موضوعي وهج لقيت صنهات وفارس المساطيل وشلتهم جايين علي احصنتهم وبشوزن وطلق ناري برصاص حي( احرف وكلمات) بنص الليل
روعوني وخلوني ابطل اكتب دامهم فيه

أيه المساطيل والمسطولات
ازف لكم خبر سفري ومغادرتي الحارة ( من زينها عاد ..حاره شعبيه وكل الي فيها عبدات )
وانا اعلم بان محد طاقلي خبر <== نقشتها من حاذف ترم
ولكني تعيندت مع نفسي وقلت الا اغثهم لاخر قطره

=========

والي اوله شرط اخره نور
اشياء لابد نتفق عليها علشان محد يزعل بكره

سنيوره وبناتها

تكفين قولي لعيالك لا عاد يرمون علي حوشنا حجر مو كل مره نسافر ونرجع نلاقي حجر وقواطي ببسي ونعول ونتم بكرامه منطوله بحوشنا؟؟

حاذف ترم وشلته

تراني هالمره بقفل الملحق بسلاسل وخشبان وبلاوي
مهيب مثل المره الي فاتت ارجع الاقي قدوركم وضبانكم وطبخكم وعزالكم بنص مقلطي ..؟؟

( يا ان فيه عالم ما تستحي لا شافوا جيرانهم سافروا قاموا طعسوا وكشتوا في ملحقهم )

مغاط
نزل نتايج المسابقه ونا مانيب فيه وشف وش بيجيك
قصم بالله اني لا امغطك زي النبيطه وافكك الا ونت منطول بلخيمه وتقول قصايد بلفصحى
وتغير اسمك من مغاط الي البحتري

ابو طاقيه وفريق الكوره

لا عاد تلعبون قدام بيتنا كوره
تسطحونها وتلاقونها حجه كل شوي قامزين للحوش وتاكلون من التين الي امي زارعته

( .............) <== منيب قايله الاسم هو ابخص بنفسه

مو لاني مسافره تقومون تاخذون الدرام الي قدام بيتنا وتوزونه بحوشكم وتغطونه بزوليه وبزعمكم مانيب داريه عن فعايلكم ؟؟
حركات النص كم ذي سيبوها

ولحد يقرب يم قوطيه لا ادعسه

بس عاد عندي شيء معذبني ودي افهمه

الحين لا جينا بنسافر لديره
نروح للسوق ونشتري ملابس يالله وش كثرها وناخذها معنا ونلبسها هناك
ثم لا رحنا للديره قمنا اشترينا ملابس يالله وش كثرها ورجعناها معنا ولبسناها هنا

قسم اني بدوخ رحت للسوق بشتري كم غيار لقيت اني شاريه نص السوق؟؟
ولا رحت لي خوالي اشتريت نص السوق الي عندهم ( الله يقطعهم هم وسوقهم )

طيب

ابغا افهم وش السنع في ذي الحركه ؟؟

مع حبي
أسرار