 |
|
|
|
 |
 |
|
|
 |
 |
 |
 |
 |
30-09-2005, 01:49 AM
|
رقم المشاركه : 1 |
|
مسطول يمون
|
التقليد ودانا في داهيه وحنا ياغافلين لكم الله !!
  في ظروف غامضه وجو مغيم وليله مشمسه .. قام عليان من نومه وكانت عيناه شبه مشمعه بالغمص .. طمر من فراشه واتجهه الى الباب مسرعا وكأن احد ما يلاحقه وفتح باب غرفته وهرول الى الدرج وفي ذلك الاثناء لم ينتبه الى الدرج وتكرفس اخونا في الله وكلها ثواني والا هو بوسط الصاله اتجهه للمطبخ ليقضى على محصول البيت .. فتح الثلاجه مالقى فيها الا خبز له شهر وبقايا شكشوكه وشطه غطاها ضايع وقشطه قالب لونها .. قفلت اخلاقه وقرر انه يطلع ياكل باقرب بوفيه .. طلع ولبس ثوبه الي واصل لنص كراعينه المشعره ولبس زبيرياته وانطلز لباب الشارع .. طلع من البيت وشاف ولد جارهم حمد متكي مع ولد جارهم الثاني محمد ولد ابو محمد .. حس عليان ان الدعوه فيها أن لأن ذولا مايجتمعون الا على الشر .. قرر عليان انه يروحلهم ويسوي في امها انه لقطالسالفه وبيفاجئهم .. عليان : هلا بالدشير  ..هاه سبع والا حمار كالعاده ؟رد عليه حمد وقاله حمار يرفسك انت وش عندك قايم هالوقت!! لا تقول جوعان انت مابقى شي في البيت الا ااكلته .. قال عليان: الحين انت وش في ام ام ام امك هاه بيتنا وانا حر .. وينقز حمد ويتوطى في تسبد عليان قافله معه اليوم فكهم محمد وقال خلنا بالمفيد يالدشير.. الحين سمحو بالبعثات للخارج والعالم مدهره بالسفر خل نشد حيلنا ونطلع جوازات السفر ونهج كل ابونا للخارج .. قاطع كلامه عليان وقال ايه واكل همبرقع واشرب دبسي.. قاله محمد وهذا هو طموحك بدل ماتقول اعرس على وحده شهبه ..!! المهم لا رحنا هناك يصير خير بس الحين نبي نخطط وشلون نقنع هالشياب بالبعثه !! قال عليان بالله عليك انت وجهك وجهه بعثه انتي محوو اميه ويخب عليك ياخي خل عنك .. بس اذا بنروح نبي نصير عمريكان مثلهم ونلبس لبسهم ونسوي زي حركاتهم ونصير حركات .. قال حمد ايه ايه ونلبس كرفتات وجزم وشراريب ونصير مثل ماقال عليان . . أشكالهم اللي انرسمت في بالهم وهم في أمريكا  <<-=- كان ودي الون بس والله ما امداني الوقت يمضي والزمن يجري هيا الى العملٍِ  التفت حمد على عليان وقاله وناوي تاخذ من بنتاتهم والا تاخذ فقشه بنت عمك لا رجعت ؟ قال عليان اما اخذ فقشه وانا بروح هالديره السنعه !! اكيد اباخذ من بناتهم هالزيون واجيب عيال شهب .. على الاقل احسن النسل بدل مايطلعون على ابوهم والا على خوالهم ... يطلعون شقران وحمران وخضران بجنسيه سعوديه وقسم بالله انها اطلق من اي شهاده ..سعودي كوول شعر اشقر وعيون زرق وركب بيض .. [grade="FF0000 FFA500 FF0000 FFA500 FF4500"]قاطع محمد حديثهم وقال احلمو لا وافقو الشياب موب الحين تحلمون على العموم كلن يحاول يقنع الشايب الي عنده ويالله الوعد بكره الليل مثل هالوقت ..[/grade] هرول عليان لبيتهم ونسى سالفه الاكل لان مخه انشغل بشي ثاني غير الاكل ولاول مره .. راح وحط راسه يبي ينام بس ماش النوم هج كيلو من التفكير العميق الي كان غاطس بوه ... جا الصبح وعلى زئير العصافير ينقز عليان من فراشه ويطير ع الصاله والا يشوف الشايب متكي وماسك الريموت وحاط على سميره توفيق وماغير سعابيله تقوطر ...  <=- والله كان ودي الون ..بس حسافه الوقت  والا يجيه عليان ويقوله.. يباا انا في عرضك استر علي  .. ارتاع الشايب  وقاله وراه وش عندك؟؟قال عليان يبه على بلاطه ودي اروح البعثه اتعالج ..قال ابوه بعثه وتتعالج  اقول ماودك تروح تساعد امك بالمطبخ بس .. انقهر عليان من رد ابوه وقاله شف يابو الشباب انا رايح رايح بس ابي جوازي عشان يصدقون انك موافق .. هاه وشقلت ؟؟ ثواني والا الريموت يمشي الف (( كانه ناقص عاهات هالعليان ))جلس عليان يفكر اشلون يقنع ابوه بالسفر بالذات انه كان متحمس للموضوع وكان راسم مستقبله بصوره حلوه واهم شي انه يتزوج وحده منهم ... واخيرن لقاها .. راح للشايب مره ثانيه وقاله يبا يرضيك اصير انسان فاشل !! يرضيك يصير وجودي زي عدمه بالمجتمع !! يرضيك ان محمد وحمد ياسفرون بعثه وانا اقشر بصل بذا ؟؟ يبا اكيد مايرضيك .. وتغورقت عيونه بالدموع لين ماقام يشوف ابوه وارتاع ومسك الطاوله الي جنبه وجدعها بجهه ابوه عشان يسمع صوته ويتاكد اذا كان معه ع الخط والا سحب عليه كالعاده ... وفجاءه وترجع عليه الطوله مما تسببله عاهه اخرى غير ذيك حقت الريموت ... يرجع عليان لغرفته وهو يجرجر احلامه وطموحاته الي شطح فيها فجاءه بعد ماكنت طموحاته انه يلف الشطرطون على دركسون سيكله والا يركب طاسه كوريلا جارهم المصري على كفرات سيكله ويجمع اللزقات الي بعلب السنتوب ,,, وفجاءه والا الشايب ينادي .. علياااااااااااااان ووجع .. علياااااااااااااااااان .. التفت عليان للدرج وكان امله انه ياصل لم ابوه قبل ماتعدي ثانيه وفعلا ماعاقت معهوه واخذه في جزء من الثانيه وذلك في انه تكرفس لين لقى نفسه بوسط الصاله.. وقال سم سم سمم سمم سمم مس مس مس وقسم سم يبااااااا << مو مصدق ... قاله تعال بسالك الحين لا رحت البعثه بترجع بوشو ؟؟؟ يحتري ولده يقول شهاده أأد الدونيا زي الافلام المصريه بس للاسف رد عليه وقال برجع بطياره قد الدنيا يعني برجع مشي مثلا ؟؟ والله ابوي سخيف  ..الابو  قفلت معه وعطاه كف مسكت ..قال عليان : امزح معك وش فيك صاير عصبي اداعبك ..يبه برجع لك بذيك الشهاده اللي تخلي جورج بوووش يشتغل مثل سبياتو شغالتنا .. من تطلع الشهاده تشوف جورج يتفل العافيه من الخوف <<=- والله لو انك ماسكن عليه صور الشايب عجبته الفكره. وقال ماودك اروح معك انت جب جوج بووش وانا بيل كلينتون ... قال عليان لا لا لايبه انت ريح نفسك بيروح معي حمد ومحمد وبخليهم يجيبون الاميره ديانا يطلعوها من قبرها بشاهدتهم .. تعرف يبه كلن شهادته تأهله يسوي شي معين انا شهادتي تجيب لك الرؤساء والحكام وتخليهم خاتم بصبعك .. ومحمد شهادته مثل الشيول تطلع اللي بالقبور .. وحمد شهادته كوكتيل متنوع ..تسوي لك اللي تبيه .. الشايب بدا يهوجس ويشكك بالموضوع وتغيرت نظراته الى نظرات تقول ماودك تسكت لا اقووم اخبزك خبز بزر انا تقص علي.. قال عليان تداركا للموضوع .. خبرك الامررريكان ماخلووووووووو شي .. هاه وش قلت نقرا الفاتحه << مشكلته لا تحمس وبعد محاولات ومناوشات ومضاربات والعديد من العاهات وافق الشايب وقاله يلا انطلز وننتظر شهادتك الي بتبيض خششنا .. وفعلا تقابلو محمد وحمد وعليان بالليل وكلن كان يحمل معه ابتسامه كبر قريح .. وقررو انه باليوم الفلاني بيسافرون .. وكلن قام يحلم ... [grade="4B0082 FF1493 FFA500 FF1493 4B0082"] ^-^ يوم السفر^-^[/grade] الساعه 5 الفجر راح عليان لدولابه وطلع منه بجامه داخليه حقت البرد ولبسها وطلع شورت كان محتفظ فيه من ايام المتوسط ولبسه وطقله ذيك الفنيله العلاقي وطمر للصاله وشال الثريه وعلقها باذنه ينقالكم بيواكب الموضه اللي في امريكا ولبس شراريب توصل للركب للأغراء ومعه جزمه كعب حريمي << يسمع بالموضه .. وفي نفس الوقت كان حمد طاق ذاك البرموده بس الي يشوفه يحسبه شورت لنص الفخذ لانه حاط البرموده عند صدره وماسكهه بالحزام لزوم تدفئه الصدر ولابس تيشيرت اخته الي نص بطنه طالع نوع من انواع الاغراء وبرضو طمر للمطبخ وجاب صيخ حق الشوي ودخله مع اذنه لين طلع مع الجهه الثانيه وقام يعلق عليه انواع الزينه حق الحفلات وبرضو حمد كان متحمس مع الوضع ولابس فنيله رياضيه (( اتحاديه )) رقمها 5 اذا منيب غلطانه وبنطلون اخته الاسترتش ومجدل خنافسه جدايل كثيره وباخر كل جديه ربطه صغيره وملونات على الوان الفلينه الرياضيه حقته ... أشكال الحلوين الثلاثه<< -= بالله قارونوا بين الصوره اللي انرسمت في بالهم والواقع  [grade="4B0082 FF1493 FFA500 FF1493 4B0082"]^-^ في الطياره ^-^ [/grade] طنطن اعزائي الركاب سوف تقلع طائره 384-43 المتجهه الى امريكا .. ارجو التوجهه للبوابه رقم 3 .... وينقز عليان ويشيل قشه ويهرول لجهه الباب ويلحقهحمد ومحمد ثواني الا هم مسنترسن عند مقعد الطيار (( مضيعين ))ويقولون للكابتن قم يالحبيب ذا مقعدنا وتجي المضيفه وتكرشهم وتوديهم لكراسيهم... كلها نص ساعه وتطلع انواع الهوايل والفضايح بدا سوبر ومانات السعوديه يفصخن عبيهن وكأن الي في الطياره ادراج .. التفت عليان وهو منصدم من الموقف اقل شي احترمو ذا الشنب الي جنوب خشمي على خط عرض موازي لخشتي .. التفتت عليه البنيه وقالتله هو لمّا يكون فيه شنب اصلا تكلم  ... تحطم وتكسر وانهرس قلب عليان لان البنت جرحت حراشفه .. بس طموح عليان نساه الموقف بثواني .. ويوم احلوت الدعوه وصار عليان ومحمد وحمد يقزون بهالبنات اعلن الطيار محماس بن جكسون عن وصول الطائره لامريكا ..قال عليان  :حبكت ذالحين يوم احلوت الدعوه ووصلنا..[grade="4B0082 FF1493 FFA500 FF1493 4B0082"]^-^ في المطار ^-^ [/grade] نزلت الطائره في مطار لوس انجلوس وسرعان مانتشرو اللي في الطائره وتزاحمو ع الخروج نزلوا اخوانا في الله من الطياره واول ماحط عليان اصبع رجله بالارض التفت على حمد ومحمد وقالهم تصدقون احس اني شوي وارطن عنقليزي هاه هاه بطرف لساني الهرجه بس من شفت خششكم طار الحتسي .. قال محمد انا نفس الحاله جتني بس الظاهر انه لفحني هوا مكسيكي وكنت برطن الا ثانيه بس قطعت حبل افكاري يوم تكلمت ... قال حمد وش معنى انا !!!من حطيت اصبعي ع الارض قمت اغني لعزازي الظاهر اني موب ولد الشغاله مثل مايقول ابوي .. والله اعلم طلعو من باب المطار وماامداى عليان يقولهم هاه على وين ناوين .. والا تجي ذيك الكرسيدا الحمره وفيها واحد خال (( هي كدلك بس مع اللخمه قال كرسيدا )) وفتح الشباك وجلس يرطن عليهم ساعه بس عليان فهم من حركه براطمه انه وده يوصلهم ... بس هم كمخ يعني مالك امل يفهمون .. ركب عليان قدام وحمد ومحمد ورى .. وداهم التكسي لفندق لا باس فيه يعني يمشي الحال ع الاقل ازين من غرفة عليان وحمد ومحمد.. وكان عليان منبهر بالنخل الي عندهم مدري اشلون قايل منسدح على جمب (( نخل = جوز الهند الي ماتشوفه الا في دفتر ابو ستين )) اخذو غرفه مطله على ولا شي وفيها سرير واحد ابو نفر وكل يوم ينام فيه واحد يعني سرير بالتناوب .. طقو صحبه مع هالخال وطلع من النوع الي يجوز لهم وطايح باغاني السامري بالانقليزي (( راب )) ومسرع ماكونو اسره الام عليان والاب هالخال والعيال محمد وحمد عشان مايفتقدون اللّمه العائليه .. وصارو كل يوم طايحين بالنايت كلب ومدهرين بالحفلات وصارو من النوع الي يلبس الجينز ويوصل للركب والشعر ماشم ريحه الماي له اكثر من سنه ونص وقامو يخرقون خششهم وبهالاذاني وبهالخشوم ويعلقون عليها ميداليات << ياشين العرب لا تحمسو مع الغرب .. يعني تطبعو باسوء طباع الغرب وياليت افلحو بشي ....وفي يوم من الايام وبالتحديد بالنايت كليب وبالتحديد بوسط الصاله وبالتحديد عليان متحزم بجدايل حمد وهات هز ياوز ويلوح بكراعين محمد لجهه الجمهور وتداهمهم الشرطه وعلى حين غره مدري خصله تجي الشرطه وتخمهم ويطيرون على مكتب المباحث الفدراليه وقامو يفتشونهم وبهذلوهم اخر بهذله حتى القمل الي براسهم ماسلم من هالشهبان ... وقام واحد منهم يرطن على عليان وحمد ومحمد ساعتين ونص وهم موب فاهمين السالفه ... وعليان ماغير يقول يس يس نو نو وللاسف هالمره مافهم شي من حركه براطمهم جابوا لهم مترجم عشان يفهمون لانهم عبيطين لا بالحتسي فاهمين ولا بالاشاره كلش عقولهم ميح من البلا الازرق اللي شاربيه اقصد عصير التفاح المخمر  ..بعد ماوعوهم بكم كف صاحي .. اكتشف عليان وحمد ومحمد انهم كانوا شاكين فيهم انهم ارهابييييييييين وجايين يكملون باقي التفجيرات ..مثل ماقضوا على البيت الابيض في 11 سبتمبر ذالحين بيقضون على الباقي .. وسفروهم ورجعوهم لبلدهم ...وانطقووا في السعوديه لا شهاده ولا وظيفه ولا بعثه مغير هالدشاره اللي لاعبه في حسبتهم .. خمطات مدري خبطات سريعه اشكال العرب لما يسافرون للغرب تسذا ..  والله ان الصخله اللي يمه ازين منه وبعدين يبدي يشووف ويناظر االلي حوله هناك ويقعد يطور شكله ويحاول يوصل لنفس شكله مب حنا اذا رحنا هناك نصير مثل البوكيمونات نتطور ليما نوصل الى اقصى مرحلة تطور <<= اي مرحلة الفشل  و تعال شوفه اذا جا بيرجع للسعوديه يهول بنفسه تهويل ..  <<=-= ركزوا على السم الهاري اللي جايبه معه برايفت للكل : الرسوم الكاركتيره كلها من رسم الفنان ابراهيم الوهيبي وانا اخذتها و حوست عليها يعني منيب سارقتها لا مستعيرتها  بس فيه فايده من الموضووع ..يروح مايعرف الا يس ونو .. ويجي وهو يرطن عجريزي.. اوفكورس وابسلوتلي وشوور بس للأسف الفايده ماتكتمل لانه مايعرف معناهم [grade="4B0082 FF1493 FFA500 FF1493 4B0082"]\\//المشكله\\//[/grade]من خلال سرد احداث هذي القصه تبين لنا لأي درجه تاثر الشباب العربي المسلم بعادات وتقاليد الغرب .. وان لم يكن بدرجة كبيره فقد اثر في ادق الاشيااء التي لايكاد العقل ان يلتفت لها فبمجرد تداخل لغتهم في لغتنا العربيه واقتباس الفاظهم بين كل كلمه وأخرى هذا يعتبر غزوا .. لكننا أصبحنا نتغاضى عن هذه الاشياااء ..ونعدها مفخره لنا !!! .. لدرجه اننا قد وصلنا الى ان معظم الشباب يقلدونهم في عاداتهم فلو بحثنا في سجل العرب المسلمين لرأينا ان الاغلب اذا سافر خارج منطقته وان كانت منطقه اسلاميه فلابد انه ينحرف عن بعض من اخلاقياته .. كالذهاب الى البحرين ((طبعا مب بس البحرين وغيرها من الدول )) والدخول الى المراقص والخلوه وينسوون ان فووقهم عين تراقبهم ..وملائكه تسجل كل عمل .. قال تعالى: (وما تكون في شأن وما تتلوا منه من قرآن ولا تعملون من عمل إلا كنا عليكم شهوداً إذ تفيضون فيه وما يعزب عن ربك من مثقال ذرة في الأرض ولا في السماء ولا أصغر من ذلك ولا أكبر إلا في كتاب مبين) بالفعل ان هذا للأسف يحدث.. فأينما ذهبنا وخاصتن الاسواق فأننا نكاد ان لا نبصر سوى الاشكال الغربيه والعادات والتصرفات المشينه ..من ملاحقة الفتيات او التحرش فيهم .. أنا لا اقول ان اللوم يقع كله على الاولاد كلا ..بل حتى الفتيات ايضاا .. فقد خلعن ثوب الحشمه ليخرجن متبرجات امام الرجال ..ليس لشيء وانما للفت الانتباه ..اولا يلفتن انتباه البشريه تلك الاعمال المسجله في صحفهم ؟؟!!!!! لكن ماذا اقول .. ياغيرة الله!! كذلك فإن من التقاليد الظاهره والتي ظهرت واضحه وجليه على ملامح الشباب الوشم بالرغم من ان هذه الظاهر قد حرمها الإسلام الا أن الأغلب اصبح يسير في هذا الطريق ويبقى السؤال متحيرا لماذا الوشم بالذات؟؟ فالبعض يرى ان الوشم يعطي صورة أبهى وأجمل للذراع أو الوجه أو انه يعبر عن قوة الشخصية وخصوصاً إذا حمل معاني ودلالات مرعبة كصور الجماجم والأفاعي وغيرها، بل وقد وجدنا هناك من يقوم بوشم نفسه للدلالة على حب جارف او عمر ضائع وذلك بتحميل بعض الرسوم كتابات معينة أو الاكتفاء بالكتابة أو بوشم شكل يحمل صورة تعبر عن هذه الحالة، بالله أي اسلام يقبل ذاك أو اي تفكير يحتمل مثل هذا التقليد؟؟ .. [grade="4B0082 FF1493 FFA500 FF1493 4B0082"]\\//الحلول المقترحه من وجهة نظري الشخصيه \\//[/grade] 1-الاُسرة:وهي المحيط التربوي الأول الذي يولد فيه الطفل، وينشأ في ظلاله.. فمنه يكتسب، ويتعلّم، وفي أجوائه ينمو ويترعرع.. فمن الاُسرة، وعاداتها، وطبيعة حياتها، واتجاهها الفكري والسلوكي يكتسب الطفل ويتشبّع.. لذا فإن تأثير الاُسرة في مرحلة الطفولة والنشوء المبكّر له أثره ودوره الفعال في شخصية الطفل ونشأته، ولذا أيضاً ألقى الاسلام المسؤولية الأساسية في التربية على الوالدين، واعتبرهما مسؤولين عن تربية أبنائهما، وخصوصاً الأب، حينما خاطبه القرآن الكريم بقوله: {يا أيُّها الذينَ آمنوا قُوا أنفسكُم وأهِليكُم ناراً وَقودُها النّاسُ والحِجارةُ.. } لذا كان من واجب الآباء العناية بتربية أبنائهم، والحرص على سلامة توجيههم، فإن التربية الاسلامية صيانة وتحصين للأبناء من الانحراف والسقوط. 2-المدرسة: أما المؤسسة التربوية الثانية التي تقع عليها مسؤوليات تربوية كبرى فهي المدرسة، لأن للمدرسة ولعناصر التأثير فيها قوة تربوية وتوجيهية فعالة تساهم في بناء شخصية الطفل والمراهق، وتؤثر فيها تأثيراً بالغاً. 3-المجتمع: والمجتمع هو المسؤول الثالث الذي يشاطر بقية المؤسسات والجهات المسؤولية في تربية أفراده. فالمجتمع بما فيه من أعراف وتقاليد، وثقافة، ومفاهيم، وأُسلوب حياة، ولغة، ودين، وقيم يؤثر بشكل قوي على شخصية الفرد. لذا كان من الضروري تنقيح المجتمع وتصحيح تيار الحياة فيه، بصورة دائمة ومستمرة، وذلك في القيام بمهمة الأمر بالمعروف والنهي عن المنكر. ونظراً لما للمجتمع وللاختلاط الاجتماعي من دور، وأثر في حياة الأفراد، كان عزل الأبناء، وإبعادهم عن أصدقاء السوء، وبؤر تجمع الفساد، ومراكزه التـي يتطاير الشر منها أمراً ضرورياً لئلاّ تنتشر العدوى ويعمّ الانحراف، ما دام المجتمع مجتمعـاً غير إسلامي، يُخشى علـى الطفل والصبي والمراهـق منه. أما في حالة وجود المجتمع الاسلامي.. فإنّ الأمر يختلف كثيراً، إذ يصبح المجتمع عاملاً مساعداً من عوامل التربية والتوجيه التربوي السويّ، يساند الاُسرة والمدرسة المسلمة في عملية الاعداد والتوجيه. من هذا كله انا اريد أن اقول انه عند تقليدنا للغرب لابد ان ننظر الى كتاب الله هل هذا يوافقه ام لا ..فإن كان يوافقه فلا بأس ان نأخذ ما هو مفيد منه..اي لا نترك لأنفسنا العنان بأن تتاثر بالغرب من غير تفكير او وعي وبصيره .. قال تعالى ((واذ قيل لهم تعالو الى ماانزل الله والى الرسول قالو حسبنا ماوجدنا عليه اباءنا أولو كان اباؤهم لا يعلمون شيئا ولا يهتدون)) وعلينا ان نحاول تطوير ماناخذه منهم بل نضيف له تعديلات بحيث يضفي عليه طابعا اسلاميا ..اكثر مما عليه غربياً .. اي اننا لا نجزم بان لا ناخذ منهم اي شي ..بل ناخذ بحدود المعقول ..ولكن من الافضل ان نبتدع لنا حظاره مستقله بنا..ولا نتكل على افكارهم وتطوراتهم لاننا لنا عقول ونعرف كيف نفكر ..حيث كنا نحن الاساس في كل حظاره غربيه مقتبسه ..  [flash=http://www.almoso3h.com/up/docs/fina323l.swf]WIDTH=444 HEIGHT=181[/flash] شعار مجموعتنا<<= ماودي احطه بس غصبن عني مجبرن اخالك لابطل ...
|
|
|
30-09-2005, 06:26 AM
|
رقم المشاركه : 2 |
|
راعية كراسه وألوان
|
( )) / !! احبني |
|
|
|
03-10-2005, 01:32 AM
|
رقم المشاركه : 3 |
|
من شيوخ الحارة
|
.. بالفعل شغل متعوب عليه ... وواضح جداً .. ولكن لي تعليق خاص على السلاسه في الطرح .. بحيث اني ألاحظ وبشكل واضح قفزات تضيّع بعض القرّاء اللي مايدرون وش اساس التمرين ... واللي يمكن يرجعون يقرون اللي كتبتيه مره ثانيه .. بعد مايقرون آخر شي ... وانا صراحتن أعتقد أنتس وفقّتي وبشكل كبير في آخر الموضوع وكان طرح المشكله ومقترحات الحلول كانت بشكل راقي ورائع ... المقدمه اللي انتي كتبتيها ... كان يبيلها شوي ترميم .. وتضبيط .. بحيث أنها تعطي أنطباع ان الموضوع هذا أجتماعي .. وهادف بشكل رئيسي ... وانتي بديتي بالصوره او التصميم اللي انتي سويتيه ... كان ممكن تكون الخطوه اللي بعد هالشي .. وقبل بداية الموضوع .. مدخل بسيط يوضح الغايه .. في النهايه .. انتي أبدعتي وماقصررتي والله بهالزين .. وأختيار حلو جداً في الموضوع والله يعطيك العافيه ونسخه من هالموضوع للسوالف لمناقشه المشاكل التربويه في البيت .. ويكملون اللي بديتيه تحياتي لك حاذف 28 |
|
|
|
03-10-2005, 05:43 AM
|
رقم المشاركه : 4 |
|
Anime Queen
|
بروح انام وارجع ارد عليكم للعلم فتحت الموضوع الساعه 6 الفجر باااااااااااك وربيييي كتبت رد وش كبره ومادري اصبعي على ايش ضغط وطار في غمضة عيييين والله كنت خلاص بكتب اخر كلمه عندي وربي بيجيني انهيااااااااار باك مره ثانيه *************** الصرااااااااحه موضووع رووووعه ياملسووونه وفديتني صدق والله ياختي مهما تحكي وتتكلميين ماحد يسمع نتعب نفوسنا علشانهم كيفهم هم حرييييييين وخليهم هناك بيتعلمون اكثر هههههههههههههههههههههههههه تصدقي الحين ينعرض في التلفزيون مسلسل غريب للعسيري وهم في مماليزيا شفتي لبسهم وقسم فشلوووووونا والا الالوان وربي فضيييييييييحه ومسويين انهم اغنياء وشي طيب البسوا زين الله يفشلكم زي مافشلتونا ********** صدق بالله وش هذي الموضه الي لازم الواحد اذا لبس الجينز كانه بينسلت من رجلينه سلت خخخخخخخخخخخخخخخخخخخخ ..سعودي كوول شعر اشقر وعيون زرق وركب بيض ياخواتي وش حكاية الركب السود الي طالعين لنا فيها من طلع الشائعات هذي وقسم بس اعرف لااذبحه وافصله تفصيل ..... ** اما وصفكم للبسهم وربي رسمتها في بالي قبل اشوف الرسم يالمبدعات وتطلع انواع الهوايل والفضايح بدا سوبر ومانات السعوديه يفصخن عبيهن وكأن الي في الطياره ادراج فضيحه وربي صرنا مسخره حتى عند الاجانب اذا جيتي تكلميهم عن حجابنا قالوا اي حجاب الي تتكلمون عنه تعالوا شوفوا نفوسكم اذا سافرتوا براااا حريمكم يرموا الحجاب الي تقولوا عليه يعني حنا السعوديات كاننا مغصوبات بالحجاب وهذا راي الاجانب فينا وفي حجابنا ومعهم حق من الي يشوفوه في الطياره وفي الخارج بعد ماوعوهم بكم كف صاحي .. اكتشف عليان وحمد ومحمد انهم كانوا شاكين فيهم انهم ارهابييييييييين وجايين يكملون باقي التفجيرات ..مثل ماقضوا على البيت الابيض في 11 سبتمبر ذالحين بيقضون على الباقي .. وسفروهم ورجعوهم لبلدهم ...وانطقووا في السعوديه لا شهاده ولا وظيفه ولا بعثه مغير هالدشاره اللي لاعبه في حسبتهم يقول المثل يافديتني وانتي يالملسوووونه الي ما يربووووووه اهله تربيه الايام والليالي وانا اكمل والي ماتربيه الايام والليالي يربوووووووه الامريكان ههههههههههههههههههههههههههههههههه فديتني و ملسووووونه وربي ابداع في الطرح والقصه والصور وتفوق في الحل والمعالجه الله ابدعتن وتسلم الايادي الي خطت ورسمت وكتبت فديتني اييي لف يووووووووو ملسونه اي لف يوووووووووو اي مس يوو لكم الثنتين يارب يفك اسركم وتجون والله تعبنا وحنا ننتضر رجعتكم لنا <<<<<<<<<< حشى كانهم في الحاير خخخخخخخ هذا الرد الثالث لي كل مااكتب شي طااااااااااااااااار
آخر تعديل سمندوس
في 01:19 PM.
|
|
|
|
04-10-2005, 12:23 AM
|
رقم المشاركه : 5 |
|
توه ساكن
|
كني اشوف (( حمود ومحيميد )) قدااااااااامي خخخخخخخخخخخخخخ بعضهم الله يهديهم مثل الغراب اللي بيقلد الحمامهأو الطاووس (( مدري نسيت )) فضيعت مشيته ولا عرف يقلد للأسف التقليد لعب فينا لعب مو سهل .. ويمكن يكون هالكلام قبل عشر أو خمسة سنه صاير بالنسبة لعليان وطقته يكون التقليد من جهل وعدم معرفتنا بالعالم الخارجي لكن المشكلة الأن نعرف ونتعلم ونرى ونخالط ونقرأ ونسمع ونرى ...أي تنورنا وانفتحنا على العالم الخارجي واصبح العالم كالقرية الصغيرة نرى ونعرف كل شيء . وبالنسبة لمن يخلع ثوب الحياء والدين عند سفره صدقيني هذا من ضعف إيمانه بربه وبدينه فالله موجود في كل مكان لكن هو يعتقد ان هذه الأشياء خاصة فقط بالمجتمع السعودي أو الخليجي وأن عليه المحافظة على هذه الأشياء داخل حدود بلده فقط . وحلولها تبدأ من قوة الأيمان وقوة العقيدة لدى الشخص واهله وتربيته الصالحة . فا الأهــل وخاصة الوالدين هما الأساس للتربيـــــــة الدينية القوية السليمة . سلمـــــــــــت يدااااااااك |
|
|
|
04-10-2005, 07:10 AM
|
رقم المشاركه : 6 |
|
مشخصاتيه عياره
|
صراحة وضع الشباب مزري للأسف طبعا للي عاطلين عن العمل وعن الدراسة أنا ارى انو السبب الأساسي من بعد غياب الوازع الديني هو تفاهة الاهتمامات وهذا بدوره بسبب عدم اتساع المدارك وهذا بدوره بسبب عدم الاطلاع وهذا طبعا بسبب تركه للدراسه وهذا بدوره بسبب .. >> انطمي وعلى تراب ياربي ترزقني واحدن دراس وطمــوح يارب عشان يربي عيالي والا ماهمني هو بالطقاق عاد تدرون يا حبيباتي اني أول شي أسأله عن الخاطب .. طموح والا لأ !! صحيح ان ابوي مايعطيني وجه اذا سألت هالسؤال ويسوي روحه ماسمعني لكن ولو ابحث عنه بنفسي وأسأل أنا والا موب لازم عرس .. وش حليلي قاعده احلم واتمنى وطموحي واصل لابعد مدى .. ماله داعي احد ينكد علي احلامي . . . وشعاري دايما Highly Ambitious تحياتي |
|
|
|
15-10-2005, 06:15 AM
|
رقم المشاركه : 7 |
|
مسطول يمون
|
المهويه ==> الله يعينتس ملسوونة جات عندتس سمندوس هلا والله سمندووووووس يالله حييييييييها يالله عقرب تقرصها <<= بتسطر .. اللي ما عنده قناعه تجي منه هو من داخله لنفسه عمرتس مهما تكلمتي مهما قلتي ماراح ينفع معه لانه بالنهايه راح يمشي باللي براسه .. وبس ما عندي اي كلام زود عن اللي قلته قبل وذا.. الف شكر لتس وعساتس على القوه الدلوعه .. كلامك يجنن من جد اعجبتني وجهة نظرتس بقوووووووووووووه تحياتي لتس اختي وعساتس على القوه .. برديس تسلمين والله ...هذا من ذووقتس .. شوفي فيذي الايام وقليل ونادر بعد انتس تلقين واحد مثل اللي راسمته ببالتس هذا اللي راح يجيتس على حمار ابيض لانه حتى الحصان مايعرفه ان شااء الله تعرسين زين <<= على بالتس العرس زين <<= عدال من اللي يتحتسى انتي اعرسي بالاول ثمن تحتسي الف شكر لكم كلكم على الرد واسمحوا لي على التاخير وردي الماصل .. تحياتي ملسونة السعوديه
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
desighned by : example4d.com |
||
 |
 |
 |
