 |
 |
 |
 |
 |
 |
 |
 |
 |
03-05-2007, 02:50 PM
|
|
||||
|
مسـيّر
|
عربيد تزوج
في حارة من حواري حي السويدي بالرياض .. يقطن هناك فتىً ابهر العالم بجماله و حلاوته و طعامته و جحاشته .. شاب نشأ على الصياعة وحب الذات .. شاب اسمر البشرة .. طويل القامة .. عريض المنكبين .. على طاري المنكبين تراه نكبه وحمار قايله ((فقط لإبراء الذمه)) .. كبير العينين .. واسع المنخرين ((ترى الانقليز و الفرنسيين ماخذين تصميم النفق اللي تحت البحر من شكل خشمه)) .. تقطر منه البراءه تقطيراً كمثل تقطير صنان الباكستاني بختيار اللي صلح لي السقف الجبس .. هو شاب على نياته .. اذا شاف بنت تجيه النفاضه .. واقرب فتحته كهرب تلاقونه لازق فيها اللين ينفضه الكهرب و يغمى عليه .. اهله من خوفهم عليه لا ينحرف حاطين له قناة المجد بس .. وشايلين قناة الاطفال عشان ما ينهبل لو شاف بنت ولو كانت فرخ ما بعد طلع لها ريش .. يسمع بالشغالات ولا بعد شافهن .. و يوم اهله فكروا يجيبون شغاله وسمع بالخبر .. سكر على نفسه باب غرفته وجلس يتخيل شكلهم اذا جتهم الشغاله .. ويوم جت تقومه امه الصبح لقت ورقه مرسوم عليها شخابيط وعليها سهم و مكتوب جمبها الشغاله .. وجمبه علبه كريم جنجرز و علبتين مناديل مخلصه ((لا احد يفهم غلط .. هذي دموع الفرح)) .. ومن عقبها الغوا اهله فكره الشغاله .. ما يعرف يلعب كوره .. وإذا لعب مع العيال في الحاره نصفهم في الاسعاف صافين سرى عشان يسوون اشعه .. وإذا مزح مع احد .. وحده من الثنتين .. يا يتصطر .. او في قسم الشرطه بتهمه التحرش .. اهله لهم خمس سنين يدورون له حرمه تضفه و يفتكون منه .. ولكن للاسف ما كتب الله شي .. في ذالك اليوم .. تذكرت ام عربيد جيرانهم في حي السباله .. و تذكرت ان عندهم بنت اسمها مرجانه .. و طارت على طول لولدها عربيد تبشره انها لقت له زوجه المستقبل .. كلمته وقالت له صح انها شينه واكبر منك بعشر سنين .. و متزوجه ثلاث مرات .. تطلقت اول مره .. و المره الثانيه صارت ارمله .. والمره الثالثه زوجها هج بعد ليلتين من الزواج و ما يدرون عنه هو حي او ميت .. واخذت من المحكمه ورقه طلاقها .. لأنها تقول انها توها صغيره وحرام عمرها يروح وهي تنتظره .. لا تخاف يا وليدي .. صح انها ما توفقت مع ازواجها .. بس ترى اصابعك مو مثل بعض .. ناظر عربيد في اصابعه ولقاها طول بعض ((يوم جى يقص اضافره وهو صغير قص اصابعه وبردها عشان تكون طول بعض)) .. ولا تنسى يا وليدي انها بنت .. هنا بدت النفاضه تسري في عروق عربيد .. و مالقى الا فيش المكيف 220 و ما امداه يقرب عنده الا هو مغمى عليه من الفرحه .. بعد يومين تمت الخطبه والملكه .. وشرطوا اهل عربيد ان عربيد يسكن مع زوجته في بيت اهلها .. خصوصاً ان مرجانه ما عندها الا امها خصوصاً انها ما تتكلم .. وأبوها مات بالسكته القلبيه اول ما شافها .. وافقت مرجانه على الشرط .. و بعد ما راح عربيد للبيت .. و دروا الحاره بالخبر .. اعلنوا بعد صلاة العشاء انهم بيصلون ركعتين شكر لله .. و ان الليله عيد .. وكل يجيب العيد حقه عند المسجد ((قلبوها عيد الفطر)) وقاموا اخويا عربيد واهدوا له كتاب عن الزواج عشان يتثقف .. لأنهم عارفينه انه ورعنجي .. ويخافون انه يتوقع البنت مثل الولد .. بس هم استاثموا فيه ذيك الليله يوم جت تقومه امه الصبح لقته فاتح الكتاب و نايم عليه وجمبه كرتون فيه اكثر من عشرين علبه مناديل فاضيه .. قامت امه طردته من البيت وزال من العائله هم كبير اسمه عربيد .. طبعاً عربيد اعرس على مرجانه .. واهل عربيد ما حضروا العرس وقالوا له لا نشوفك معتب الحاره .. إذا اشتقنا لك نبي نمر نسلم عليك في الحاره ((والله اللي ما صدقواا)) .. في ليله الدخله .. دخل عربيد على خالته ام مرجانه عشان يسلم عليها و يعطيها الفتاشه .. و يوم شافها مير ينغرف قلبه و يرتاع .. ما فيها الا راس بس .. وهو اللي يلتفت على مرجانه .. قال وين باقي امك .. صدت مرجانه وهي تتعبر وقالت امي جتها غرغرينه وقطعوا جسمها من عند الرقبه .. زي منت شايف ما فيها الا عيونها بس قام عربيد وحط الفين ريال وقال هذي فتاشه لأمك .. و عقب ما صدت مرجانه عن عربيد سحب الفلوس ورجعها لمخباته .. وطمن عربيد على خالته وكأنه بيحب راسها .. وهمس في اذنها وقال والله ما تستاهل ولا قطوف دخان .. قامت خالته تفلت بوجهه وهي تتمتم بكلمات معناها الله ابوك يالكلب الأجرب .. ابتسم عربيد وقال على تبن .. واخذ مرجانه وراحوا لغرفه النوم .. في غرفه النوم كان عربيد متخيل الليله هذي كأنها مثل الفلم الإباحي اللي شافه اول وآخر مره مع العيال قبل خمسطعشر سنه .. وبعدها العيال طردوه من الاستراحه لأنه هاج عليهم و بغى يغتصب اقرب واحد جمبه .. قامت جمانه وطفت اللمبات وجابت فحم و ولعت فيه .. وعربيد مستغرب من اللي تسويه مرجانه .. ويسأل ليه تسوين كذا .. قالت والله ما عندنا لمبه حمراء .. عشان كذا نبي نولع فحم عشان نخلي الغرفه مولعه الليله .. وابتسمت مرجانه ابتسامه تعلقت على براطمها شياطين الإنس قبل الجن .. و قربت من عند عربيد .. و بدت تتحسس وجهه و تدلك رقبته .. ولما قربت من عربيد اكثر واكثر .. وصار وجهها قبال وجه عربيد .. فجأه طرش عربيد .. فيه ريحه بنت كلب كتمت عربيد .. خياس مهوب طبيعي .. ما قدر عربيد يتحمل .. مسك بطنه وحط يده الثانيه على فمه وطلع من البيت يركض .. و ما وقف الا عند بيت اهله .. حاول يفتح الباب ما قدر .. اهله غيرو القفل .. حاول ينط السور لقاهم حاطين اسلاك كهربائيه .. وفي الحوش حاطين كلاب حراسه .. كل هذا عشانهم عارفين ان عربيد راح يرجع .. حاول عربيد يتذكر احد من اخوياه يجلس عنده الليله .. لكن كل اخوياه ما صدقوا انه طلع من الحاره .. و ما لقى الا انه يرجع لمرجانه .. يوم دخل البيت وهو يشوف خالته على وضعها و عيونها تتابع عربيد وهو يدخل البيت .. وهي تضحك و تتمتم بكلام غير مفهوم معناه احسن يابن الكلب .. دخل عربيد الغرفه .. ولقى مرجانه نايمه و فاتحه اثمها والسعابيل تقطر على الوساده .. وجمب الوساده صارورين منقلبين وميتين و جرذي داخل بفمها وميت و ما طلع منه الا ذنبه .. طلع عربيد من الغرفه بعد الفلم المرعب اللي شافه .. وهو طالع من الغرفه و يشوف خالته تدخل لسانها في خشمها و يوم شافته قامت تتمتم بكلام معناه تبي عشى يالنسيب و هي تضحك .. مالقى عربيد الا المطبخ ينام فيه .. وكل ما غمضت عينه حس بشي يدبي على رجليه .. و إذا فتح عيونه ما لقى شي .. على هالحال الليل كله .. و في الاخير شاف هاللي يمشي على رجليه .. جرذي كبر القطو .. مربع و عايش في نعمه .. شال فراشه عربيد ورجع للغرفه .. وهو في الطريق شاف خالته .. و توها جايه بتتكلم ويلتفت عليها وهو اللي يقول لها على تبن ياملعونه الصير .. والله ان فتحتي اثمك لأبيعك في حله العبيد مرقه راس .. وهي اللي تاكل تبن و تسكت .. دخل عربيد الغرفه .. و نام على السرير بعد ما سحب المفرش وكب اللي فيه من صوارير و جراذي ومرجانه بعد .. يوم قام عربيد الصبح .. حس بشي مو طبيعي .. ما يقدر يحرك راسه .. كل جسمه يتحرك الا راسه .. حاول يلتفت ما قدر .. حط يدينه على راسه وقام يتحسس شعره .. حس بشي لزج على راسه .. شاف لونه اخضر مثل الطحالب .. وعليه ريحه تطرد .. في الأخير اكتشف ان شعر راسه تشابك مع شعر اباطها .. و ما فكهم الا موس الحلاقه .. طبعاً بعدها زعلت مرجانه عشانها حالقه ابطها ومخليه بعض الشعر على شكل قلب .. و بزعمها ان عربيد خرب الشكل الجديد اللي هي مسويته .. بعد كم يوم انصدم عربيد يوم شاف رجل مرجانه .. لقى فيه اصبع زايد ورجلها كأنها رجل ديك .. المشكله انها شايفه روحها احلى بنات الكون .. وإذا سألها عربيد من وين تجيبين هالثقه قالت هذي خلقه ربي .. وربي ما يخلق الا الشي الزين ((دايم تحجر له وهو ياكل تبن ويسكت)) .. عربيد حاول انه يتأقلم مع الوضع الجديد اللي هو فيه .. خصوصاً انه ما يقدر يطلق مرجانه بعد ما عرف انه منبوذ من مجتمع حي السويدي .. حاول انه ينام معها بنفس الغرفه لكن ما قدر .. وفضل انه ينام مع الجرذي في المطبخ ولا ينام معها .. على الأقل يقدر يتخلص من الجرذي .. و فعلاً شرى عربيد سم فيران .. وجاب طماط وخيار و جبن و جزر ((ما بقى الا يحط علبه بيره عشان تكمل المزه)) .. وحطهن عند الثلاجه و نام .. و فجأه سمع صوت شي طاح عند رجليه .. انصدم عربيد يوم شاف مرجانه طايحه وتنتفض و بقايا الجبن و الطماط على خشتها .. حاول يسعفها لكن امر الله كان اسرع .. بعد مرور سنه على موت مرجانه .. - عربيد يشتغل في الحراج .. ما عنده الا علبه الجنجرز اللي شراها يوم يتخيل الشغاله ولا بعد باعها الى الآن .. - وفد من الجاليه المصريه شروا بيت مرجانه .. و آخر الاخبار تقول ان خالة عربيد باعوها اللي شروا البيت في متحف فرنسي على انها راس الفرعونه نفرتيتي - تم وضع جدار عازل على مشارف السويدي و تم تكثيف الدوريات الأمنيه و التفتيش حتى ما يقدر يدخل عربيد السويدي .. |
||||
|
03-05-2007, 07:58 PM
|
|
||||
|
يسمع بالغفر
|
من مشكلتك
 بصراحة لو قتلتها هي وأمها واخذت أعدام كان أرحملك >> ينفع مصلح أجتماعي بس ياخوي أحمد ربك على الأقل أنك تزوجت غيرك يدور لأمها أبو راس ومو لاقي على العموم هاردلك >> مأثر عليه هالموسم ومشكووووور على الموضوع الرائع والمسطول وأذا كانت عندك علبة الكريم ياليت ترسلها لي mms وسوري على الرد المختصر |
||||
|
03-05-2007, 11:15 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
نآر على علم
|
تربد ديد..تربد ديد .. اهلا ومرحب بالعربيد ..تربد ديد..تربد ديد .. اهلا ومرحب بالعربيد تربد ديد..تربد ديد .. شوفه عندي مثل العيد..تربد ديد..تربد ديد .. شوفه عندي مثل العيد يا اهل السويدي عليكم نور مدام عربيد بحارتكم -------> عسى مهيب تبطي حي الله عربيد  وحب ماجاب وصدز من قال من طول الغيبات جاب الغنايم
الا على مار بغيت انشدك ورى السويدي قبل فيه حفريات ماخلص الدايري اللي قبل عايشة الا ويمحطون بها من قبل النفق <------ يعني اني من اهل العليا
بعذر البجادي قبله تفحيط 
وانت داس(ن) خشمك حدر ابطه ؟؟ ولا هو اللي داس(ن) ابطه حدر خشمك ؟؟
وش هالدموع اللي ماتجي الا عقب الكريم ؟؟!!
اجل مهنا سياسة ؟؟
مرجانه وفي السباله !! بس هذي الوكاد انها الارتيريه اللي مستاجرين بيت الشايب مساحته ثلاثين متر وطايح(ن) جداره لكن عليه طلب والسبب انه موقع استراتيجي للطرارة
مهيب تخر بس انها منشقة 
تبي الصراحة انا مشبه(ن) عليك بوحيد(ن) يجي عند اشارة الابراج تقاطع سدير من عقب المغرب الين قبل العشا عربيد مدري اقول احسن الله عزاك في مرجانه؟؟.. والا اقول مبروك اللي فكك الله منها ومن غثاها والحمدلله على السلامه ؟؟ لكن الوكاد اني اقول لك الحمدلله على السلامة وهذي الساعة المباركة اللي شفناك فيها ونورت المنتدى يا الغالي بموضوعك السلس والرهيب اللي طالع(ن) تسنه قطعة(ن) وحدة وتسنه مثل السبحة مترابط الافكار ,, ولافيه شطحات(ن) تشتت القاري فما اقدر اقول الا الموضوع مثبت والى المتحف بعد اكتمال الردود |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
04-05-2007, 04:00 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مسطول يمون
|
أشهد انك ... لا خلاص ولا حاجة 
عد من واحد إلين عشرة خخخ .
وش دخل الجنجرز
بس ما فهمت أيش آباط وين مكانها وش هي هالآباط بالضبط خخخخ ممكن توضح أكثر ابدعت يالعربيد ولا اشوفك توطوط على حارة قصدي فريجنا اوه قصدي مدينتنا وإلا وإلا بنشوفلك مرجانة ثانية هذي لك 
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
05-05-2007, 08:41 PM
|
|
||||
|
من شيوخ الحارة
|
 قصه رهيبه لدرجه اني احسك تكتبها وانت بالحمام لان المصطلحات مأثر عليها الريحه اللي بمخك  عريبد خابر لك ورشه تحتاج شحم تدهن به السيور والظاهر الخظار اللي براسك لحين ما راح مهستــــر يا عريبد ننتضر جديدك يا زاحف السويدي
|
||||
|
07-05-2007, 07:41 PM
|
|
||||||||||||||||||||||||||||||||||||||
|
مساهم في شهار
|
اكيد كان يستعمل جنجرز للمشق 
ههههههههههههههههههههههههههههههههههه هههههههههههههههههههههههههههههههههه موضوع قوي واسلوب فاقدينه من زمان يدل على تنسيم راعيه 
|
||||||||||||||||||||||||||||||||||||||
|
08-05-2007, 08:14 AM
|
|
||||
|
مسـيّر
|
ياخي حبيتني فيك خخخخخخخ والله مرجانه هذي كسرت خاطري حتى هي امها ماسلمت منها والله ابدااااااااااااااااااااااااااااااااااااااااااااااا ع ولو عندي وقت كنت حللت كل كلمه قلتها بس لان الشباب ما قصروا تنتظر جديدك عساك على القوه ودير بالك على نفسك ههههههههههههههههه طحياطي |
||||
|
11-05-2007, 11:16 AM
|
|
|||||||||||||||||||
|
ذوق فني راقي ( امحق )
|
هههههههههههههههههههههه
هههههههههههههههههههههههه الله يحوم تسبدك انت واياها يا وصخ  وقسم بالله من اروع المواضيع اللي قريتها انت وام حرمتك هههههههههههههههههه عربيد يكفيك فخر انك سميتها وفكيت غيرك منها لانك منتب اخر محطة لها بتعرس على غيرك ويمكن وهي لازالت على ذمتك من الكماخة اللي فيك
هههههههههههههههههههههههههههههه ياخي ليتك تعكرت وطحت فوقها وغملتها والله ياني حسيت ببثارتها وهي تاكل وتقول تبي عشاء موضوع قوي قوووي يا عربيد ومن جد زين اللي ماتت وخلتنا نشوفك يا المريض |
|||||||||||||||||||
|
11-05-2007, 11:54 AM
|
|
||||
|
قضبناه الباب
|
فضيعه القصه بس حرااااام والله رحمته اقول ورا ما تاخذ شغاله ويتزوجها بدال مرجانه خخخخخخخخخخ وتقبل مروري اخوي عربيد |
||||
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
