 |
 |
 |
 |
 |
 |
 |
 |
 |
18-05-2007, 07:49 PM
|
|
||||
|
مسطول يمون
|
تـــوبـــة أذن تـــدخــــن..((الحلقتين مدموجتين))
ســـــــالـــفــــة طــــويـــلـــة ومــؤثـــرة. لذلك أرجو التالي: القراءة باللغة السعودية الفصحى..وعدم دخول الأطفال والمراهقين والنساء والرجال والكبار والصغار.. وإلا أقولكم أقلطوا حياكم الله... وبدون مقدمات بنخش في السالفة .. في أحد أيام الربيع المغبرة من شهر نيسان أيلول شباط سبتمبر يناير كانون الثاني عشر في صباح ممسي آخر أيام زقزقة العصافير على شجرة الورد الأخضر ...كنت هناك... نعم ....كنت هناك وحدي ودون سواي.. وكنت أتأمل منظر الغبار يلف جنبات الوادي الجبلي واحترت في أمر هذا الغبار الجميل ورائحته الفواحة وكنت أحك رأسي وأذني بعنف فقد كانت تغثني ..يمكن دخل فيها غبار ..عشان الأخير كان يلف بعنف أزلي بهزة أكتاف وشكشكة وقرقعة............إلخ..  وإذا بي ألحظ ذلك الفارس الجميل على خيل أبيض يركض بسرعة هائلة وكنت أنظر إليه بذهول وتوقفت لبرهة عن حك أذني لاستمتع بمنظر الفارس فولّى هارباً.. وبعد برهة أقل لحظت فارساً آخر وقمت بالتأشير له مثل التاكسي ووقف مفرملاً ونظر لي نظرة عجيبة وكنت أبادله النظر بذهول عجيب من جمال منظره وعندها قطع حبل النظر إليه ذرات من المطر فرفعت رأسي انظر للسماء ..هل هناك سحاب ولكن بدون جدوى فقد اكتشفت آنفاً أنها تفلة وولّى كصاحبه...استغربت من التفلة ولماذا فارس جميل ئد الدنيا يتفل علي؟؟!!!!  وعند ذلك ظهر فارس ثالث وعاد الأمل من جديد استوقفته بلهفة التفت ونظر إلي بصدمة وكاد أن يسقط عن فرسه..  وقال: وجـــــــــــع ..يقطع ذا الوجه!!! وش تبــين!!!!!  استغربت وقلت :ياآخي وشفيك ترى نص الواحد اثنين  ..يعني ترى كلها سؤال واحد..عطني وجه تكفى!! نظر لي نظرة ملؤها الاحتقار  ولف بالخيل وقام يخمس عشان يغبر علي وقمت أكح وأحك أذني في آن واحد..!! جلست بيني وبيني وقلت لنفسي بدهشة :وش السالفة!! وبعد هنيهة...جاء فارس رابع أجمل من الذين كانوا قبله ولم أستطع تمالك نفسي وقلت عصفور في اليد خير من عشرة على الشجرة .. استوقفته وقلت: الله يرحم أمك وأبوك وقف شوي أبغى أسأل بس.......والله ماأبغى أروح معك على فرسك!! الله يخليك بس سؤال !! فنظر لي نظرة كلها شفقة وحنان وقلت في نفسي{{ بس طاح ولاحد سمى عليه  }} وعندها أدخل يده في جيبه وكدت أن أنهبل من الفرحة ..ولكن المفاجأة كانت لي بالمرصاد مد يده وأخذتها...لقد كانت مرآة ...نعم ..الفارس المغوار أعطاني مرآة ؟؟!!!وجلست أفكر بيني وبيني وأقول في نفسي بصوت واطي عشان مايسمعني هم كذا الحلوين دايم معهم مرايات ..والله هدية حلوة ..مرآيـة..وضحكت بشويش من الفرحة ويوم رفعت رأسي إذا به لف بالخيل ولكن باحترام بدون مايغبر علي .. أخذت المرآة وأنا محتارة قعدت أقلب فيها يمين ..يسار..فوق..تحت...مــاش ..قلت يمكن فيها رسالة ..ولكن مافهمت شي ..وجلست قليلاً احتري أن يظهر لي فارس آخر ولكن دون جدوى ... احتريت .. ســــــــــاعــــــــة... ســـــــــاعــتــــيــــــــــن... ثــــــــــلاث ســـــــــــــــاعـــــــــــــــــــات... وبدأ الأمل يتضاءل ولكن المفاجأة قالت كلمتها للمرة الثانية ...ظهر فارس أجمل منهم كل أبوهم وقام قلبي يرتجف وقلت بصوت مرتفع: والـــــــــــلــــــــــــه لو ماتوقف لأنتحر!!  وقف مفرملاً بفحطة قوية مدوية وقال بصوت لاهث:رويدك يافتاة العرب ترى اللي ينتحر يروح للنار!! رديت وأنا عبرتي تشيلني وتحطني: ياآخي عطني وجه ..عندي سؤال واحد..وكل شوي يجي واحد وأبغى أسأله السؤال ومايعطوني فرصة ...اللي يتفل وإلا يغبر علي..واللي يعطيني مرآية!! ليه كل هذا؟!! أنا وش سويت ؟؟؟؟؟؟ قال وهو يضحك بطرف خفي ويحسبني ماشفته :من الذي أعطاك المراية جزاه الله كل خير؟؟؟؟ قلت: الذي قبل منك بس ماأدري ليش ؟؟؟ قال : أكيد الفارس يحسب ماعندكم مرايات في البيت..وزين إنك علمتيني كنت بطلع لك وحده.....فهمتي الحين ليش أعطاك مراية؟! قلت:آهـــــــــــــــــــااا الحين فهمت ياحليله..شكراً..<< ياشين الدباشة  قال:هل هذا هو سؤالك الذي ستنتحرين لو ماجاوبتك عليه؟؟!!  قلت: لا..سؤالي هو  ......انت حلو ..وتركب فرس حلو ..ماأبغى تاخذني معك بس ودي يصير عندي فرس ..وإن كان ماودك تركبني معك علمني من أين أجيب واحد مثله؟؟يرضيك قلبي كذا يتقطع ترى من لايرحم لايُرحم جعلك الضربة...وجــــــــع..  قال مرتاعاً : خلاص..خلاص..هدئي من روعك انتظري لبرهة وبرجع لك ..بس على شرط لو شفتي أي فارس حتى لو كان أجمل مني لا تكلمينه وروحي للغابة آخر الشارع أول لفة يمين...اقعدي عند ثاني شجرة يسار..وإن شاء الله أجيك..لاتتحركين إلين أجيك... فرحت فرحاً شديداً ورحت مدرعمة إلى الشجرة المذكورة وقفت قليلاً ووجدت الجو حار رطب في الغابة .. وكان في أول الغابة يمين ثاني شجرة يسار بقالة يبيع فيها سنجاب ذهبت إليه سألته وأنا عطشانة : عندك عصير الربيع؟؟ قال: حنا في موسم الخريف..ما نبيع إلا قريض وموية ...تعالي في الربيع تلقين عصير قريض.. اشتريت الموية مكرهة ومشيت إلى الشجرة وقعدت انتظر الفارس ..وساورني شعور مخيف..  وجلست أفكر بشويش  ..{{ ليش الفارس أرسلني للشجرة...وطلب مني ماأكلم أحد من الفرسان؟؟!!}}(( استنتجت ..أكيد يغار علي ..مما يعني إنه أعجب فيني ويبغى يصارحني بحبه على انفراد  ((وبعد هنيهة..أظلمت السماء معلنة قدوم الليل وقمت صليت المغرب والعشاء جمع....ماعندي وقت بعدين..!! وجلست وحيدة في غابة مظلمة لا يرافقني سوى شجرة كبيرة وقمر ونجوم..أخذ النوم يداعب أجفاني بشراسة  وعندها عوى الذيب..وفتحت عيناي بقوة لأراه على الجبل القريب مني ..قمت مسرعة أتسلق الشجرة ورجلاي تتزالق على الشجرة حتى وصلت لأقرب غصن وتمسكت بقوة ..جاء الذيب مهرولاً وقف ونظر لي نظرة طويلة... وقال: والله ماوصخ الغابة إلا أنتي وأشكالك كل شجر الغابة وصختوه بالفازلين والفكس ...كل الحيوانات ماتقدر تتسلق الشجر بسببكم ...وكم حيوان راح ضحية بين يدين الأسد بسبب آثار الفازلين على الشجر...اتقوا الله فينا ونظفوا رجولكم بالماء والصابون قبل دخول الغابة!!!أصبت بروعه من حديث الذيب ولم أستطع مقاومة الشرهة التي سرعان ماجعلت برطمي يصل عند رجول الذيب الذي رفع رأسه وقال: أفــــــــــــــا تصيحين!! انفجرت باكية  وقلت : حرام عليك تجرح مشاعري الرقيقة ..قال الذيب وهو يهز رأسه : والله من القهر اللي فيني...انتي ماتدرين ماوكلي وش سوى فيني؟؟!! وسألني بصوت منخفض : ماشفتيه مر من هنا قبل قليل؟؟؟ قلت: لا.. قال: تدرين ماوكلي هذا ابن كلب وحقير..حطيناه فوق روسنا في الغابة ..ومانفع فيه.. تدرين بعد إني كنت بخطب ذيبة صديقتي من وحنا صغار وكانوا دايم يقولون ذيبة لذيب..وذيب لذيبة...وجا ماوكلي وخرب علي صديقتي..وصرت كل يوم أشوفهم مع بعض..يروحون يصيدون وبعض الأحيان ألقاهم منحاشين من المدرسة رايحين عند بقالة السنجاب يأكلون قريض وموية...وصرت كل ماأقولها متى أجي أكلم أبوك..تقول..أبغى أكمل دراستي !!!!! صار كل همها ماوكلي!! سادت لحظة من الصمت أعقبتها شهقة من الذيب وصاح: جا الأسد تظاهري بالنوم ... وانقلب على قفاه فاتحاً خشته كأنه مستغرق في النوم ...أما أنا خفت يشوفني الأسد وحاولت القفز للغصن الثاني ..عشان أبعد عن عيون الأسد.....ولكن الفازلين..وماأدرك ماالفازلين؟؟ تمسكت على الغصن وزلقت رجلي واختل توازني فهويت ساقطة على الذيب الذي لم أسمع منه سوى ....آآآآآآآآآي... وخرت عنه قليلاً ..وجا الأسد يمشي بشويش ويغمز لي ...ارتعت وجتني أم الركب ورجعت على وراي لألزق في الشجرة..وقف الأسد على راس الذيب وقال: علينا الحركات ياذيب؟؟!!التفت إلي وهو يحك ذقنه :حيا الله من جانا.. وقف الذيب على حيله بسرعة ومد يده ليصافح الأسد الذي صافحه وفغص يده بقوة بيديه الاثنتين وهو يضحك....هـــــــــــــا هــــــــــــــا هــــــــــــا<<ماصل ذا الأسد.. ثم أمسك الذيب بخناقه وزنطه وهو يقول :علينا هالحركات ياوصخ؟!! أنا ملك الغابة تدري وإلا ماتدري أحبك يابعد عمري ..ولو صوتك يغيب عني صدقني يضيق صدري <<يغني ويرقص والذيب يتلوى بين يديه<<<مريض هالأسد.. هــــــــــــــا هــــــــــــــــــا هــــــــــــا هـــــــــــــــــــــا هـــــــــــــــا هـــــــــــــا هــــــــــــــــاهــــــــــــــــــــــا هـــــــــــــــــــــــــــــا كانت هذي ضحكات الأسد عندما رمى الذيب على الأرض وجلس يئن الأخير:ياربي رباه..وش سويت لك ياملك الغابة؟؟ رجع الأسد ومسك الذيب بيد واحدة وألزقه على الشجرة وهو خانقه مرة ثانية وسأله:تقول الحقيقة وإلا آكلك تراني جعت من كثر ماصفقتك؟؟ برزت عيون الذيب وصارت واصلة إلى جبهته .. قال الأسد :أقول لاتنظر لي شزراً فاهم وإلا لا؟؟ ثم أخذ يصفقه بيده الثانية..طخ طيخ طخ طيخ طخ طيخ<<صوت الكفوف... وعندها مال رأس الذيب ولسانه يتدودل خارج خشته المليئة بالأسنان والأنياب... وعندها كمخه الأسد بجمعه على خشته المفتوحة فعاد لسانه إلى محله ثم تركه ..طراااااااااااااااااااخ..وتطاير الغبار وصارت أذني وخشمي تحكني وقعدت أقاوم العطسة حتى لاينتبه الأسد لوجودي..وصار وجهي يتعفط .. ويتعفط..وبرطمي الأسفل ينتفض والذيب مغمى عليه والأسد يركل فيه ..ويقول :تكلم ياوصخ.. والغبار يزيد ..وأنا أقاوم وأتعفط وأنتفض كلي..وعندهــــــــــــا .. عطست عطسة قوية جداً..سكتت على إثرها الغابة .. التفت إلي الأسد وأطال النظر ثم جا يتمخطر نحوي بشويش..فاختبصت فرائضي((جتني أم النفافيض)) الحلقة الثانية والأخيرة.. جاء الأسد يمشي نحوي وأنا صنمت وصرت ماأسمع إلا صوت رمشة عيوني تفحط مافيها نقطة دمعه...أحاول أتنفس والنفس حاط يده على خشتي عشان ماأتنفس..وأذني تحكني !!! وقف الأسد أمامي ونظر لي نظرة طويلة ورفع يده..عندها أغمضت عيناي بقوة.. انتظرت كف... انتظرت خبطة... انتظرت لكمة... انتظرت.. انتظرت.. انتظرت.. فتحت عيناي لأجد الأسد رفع يده ليحك إبطه النتن ..ويقول لي ببرود: أنتي وش تبين هنا؟؟ خفت أن أخبره بسالفة الفارس فصرّفت الموضوع بسرعة بديهة غير دنماركية .. قلت وأنا أتنحنح:أخوي الأسد ..أخاف الذيب مات؟؟ قال:والله مدري..بس هقوتس مات..تراني كنت متضايق وحطيت حرتي فيه..!! رديت بحنق:طيب أنا متضايقة بعد..ليش ماأقوم أصفقك الحين..انت ماتخاف من الله؟؟!! قاطعني الأسد: لا..لا..أنا أخاف من الله بس كله من ماوكلي ..تدرين خرب علي صديقتي الأسده..وتعبت نفسيتي..تدرين من وحنا صغار يقولون أسد لأسده ..وأسده لأسد..وجا ماوكلي الحقير وخرب علي صديقتي.. قاطعته بدهشة وحنق في آن واحد:ذا الماوكلي ماخلى أحد في حاله ابن الكلب؟! رد الأسد: ليش هو سرق صديقك مسطول بعد؟؟ قلت وأنا أفكر:والله مدري..بس ماأظنه..وش يبي به الفارس المغوار؟؟ قال:هو حلو؟؟ قلت بحياء غير مصطنع البتة: جرح ينزف من الحلى!! قال:أجل اقري عليه السلام.. قلت:اسمع ..اسمع ..أخي الأسد يارعاك الله..هذا ماوكلي يخسى يسرق الفارس ..ثم يخسى..ثم يخسى..ليش فرسان الناس لعبة؟؟ هذا أولاً..ثانياً..هو سرق ذيبة من ذيب ..وكان ذيب قاعد يشتكي منه وجيت انت وكملت الناقص..الله لايبارك في عدوك!! رمى الأسد نفسه على الأرض وصار يصيح ويضرب الأرض بقبضة يده..ويقول :الحيوان ..النذل ..الجبان..ياشين..ياماوكلي..أنا أكرهك.. في هذا اللحظة تذكرت الذيب ورحت له محاولة اسعافه..صفقته على وجهه ياذيب.ياذيب رد علي..ومامن فايده..رحت للنهر وجبت شوية موية في يدي ويوم وصلت للذيب نشفت.. عندها جائني صوت أجش لاأعرف مصدره يقول: اتصلي على الإسعاف.. قلت:طيب وشلون ؟؟ مامعي تلفون!! وبعدين من انت ووين تتكلم منه؟؟؟ قال:ارفعي راسك انت سعودي..أنا ثالث شجرة يمين رابع غصن يسار..رفعت راسي للمكان المذكور..وإذا بي أجد الثعلب قاعد يشيش فوق الشجرة ولي الشيشة ممتد إلى أسفل الشجرة ..كان شكلها عجيب هالشيشة بادرته قائلة:الثعلب المكار!! كيف الحال؟؟ قال بنفس خايسة:بخير وأدخل يده في جيبه وأحسست بالخوف تذكرت المراية وقلت بيني وبيني..((والله ماتسوى علي..عقب فارس مغوار..آخذ مراية من ثعلب مكار)) ولم أفيق من التفكير إلا على خبطة على جبهتي ..وإذ به جوال..قلت بعصبية:وجع ماتشوف؟؟ أحول؟؟؟؟؟؟؟؟ رد الثعلب: أقول لايكثر..كلمي الاسعاف يشيلون ذا الضعيف المرمي من زمان وعلى طريقك كلمي مستشفى الطب النفسي يشيلون ذا الكمخه اللي يصيح عمى في شكله لأ أبوه لا أبو من خلاه يصير ملك الغابة!! أخذت الجوال وتفاجأت جوالهم غريب..مافيه شاشة..ولاكاميرا..كله أزرار على شكل تفاحة وموز وجزر وحب قرع وقريض..وعشرطعش ألف زر.. سألت الثعلب: من صدقك هذا جوال وتبغاني أكلم على الإسعاف؟؟ هذا وقت الإستهبال يا........ قاطعني بنفس أخيس: أقول ياهيه ...أنتي.... لمي نفسك أحسن ماأنزل أتوطا في بطنك...اضغطي زر الموزة 3 مرات وتفاهمي معهم ولاتكلميني خليني أروق ..غابة تجيب الهم ... اتصلت على الرقم المذكور رد علي الموظف: الاسعاف ..الاسعاف..نعم ..نعم.. قلت : يا آخي أنا في الغابة .وعندي الذيب تعبان ياليت تجون تسعفونه بسرعة أخاف يموت.. قال:والله إن مات فهذا أجله .والأعمار بيد الله ...لكن على العموم ولايهمك إحنا جايين في الطريق..بس انتم وين في الغابة؟؟ جلست شوي أفكر..أنا ماأعرف هالغابة ودواعيسها فتذكرت بقالة السنجاب..وقلت: تعرف بقالة السنجاب؟؟ قال : أي سنجاب؟؟ قلت:اللي يبيع قريض وموية.. قال : بس عرفته ..دقيقة ونص وخمس ثواني ونكون عندكم.. جلست عند راس الذيب اقرا عليه كود يصحى..انتظرت الاسعاف لكنهم تأخروا كثيراً جداً ..والأسد جالس ومتحضن الشجرة ويتنهد بشرهة من كثر ماصاح.. بدأ يغيب القمر ..ويبّيض الليل... نزل الثعلب من فوق الشجرة يجر معه الشيشة وقف عند الذيب وشاته بشويش ..وقال: تراه حي ..بس الاسعاف وينهم الله ينعنهم الكلاب..غابة تقرف..تجيب المرض!!! قلت له بحنق مصحوب باستغراب: انت وشفيك ياآخي ..تراك غثيتني..حل عني بئى.. تقدم الثعلب نحوي ..وخفت منه ..ثم توقف قليلاً ثم أقبل مرة أخرى واستدار وجلس بجانبي ومد لي لي الشيشة قلت: شكراً ماأدخن.. أتكأ على الشجرة وقال بألم : ماوكلي ..ماوكلي.. رديت بسرعة: دريت أخذ صديقتك الثعلبة منك؟؟ قال: إيـــــه ولا.. قلت: وشلون يعني؟؟ قال:وش اسمي ؟؟ قلت باستخفاف : الثعلب المكار!! قال: آهــــــــــــــــــــااا..هنا الكلام ..أنا ثعلبتي ياطويلة العمر..مكارة..ذكية..ماتبعيني عشان قطعة آدمي رموه أهله..وعلى قولة المثل" لو فيه خير مارماه الطير" قلت: ممكن تفهمني أكثر؟؟ قال: أنا وثعلبة مسوين خطة عشان نطرد ماوكلي من الغابة لكن ذا اللوح اللي متحضن الشجرة خرب علي السالفة بتكفيخه الذيب وعشان كذا أنا متضايق ..كنت أبغى أنتهي من ماوكلي الليلة ..وخربت السالفة ويالله بعد شهر نضبط خطة جديدة.. زادت دهشتي واستغرابي من كلام الثعلب الذي تابع كلامه غير آبهٍ بعلاما ت الدهشة والاستغراب.. ياأختي كنت بقولك ..بس ماأقدر أتكلم أنا تعبت نفسيتي بسبب ماوكلي و..... وفجأة جاءنا صوت غريب مثل صوت الضفدع أو هو ضفدع يغني..أدرت رأسي أبحث عن مصدر الصوت..وتفاجأت أكثر عندما رأيت الثعلب رافع الجوال إلى أذنه((يعني هذي رنة الحيوانات))!! قال: هلا والله وغلا بثعلبتي..  وش تقولين...لا...لا...ماأسمح لك..علي الطلاق ماتتحركين من بيتك الليلة!!! والتفت إلي وقال:تساعديني في المهمة؟؟ استغربت كالعادة وقلت: وشو؟؟ قال وهو يرد على ثعلبة: لاهذي مو الأرنبة هذي مسطولة غير دنماركية.. والتفت علي مرة ثانية وقال: قولي تم.. قلت بدهشة : تم بس ياآخي علمني وش السالفة؟! أنهى المكالمة بسرعة... باردته قائلة:كيف عرفت إني مسطولة غير دنماركية؟؟ قال : وش اسمي؟؟ قلت :الثعلب المكار!! قال: بس لايكثر.. ومد يده إلى جيبه مرة أخرى ..وهذي المرة عورني بطني.. أنا ماعاد استحمل ذا البثر وشيشته ..وش بيطلع من جيبه ..!! تدرون وش طلع؟؟ بـــــاكـــيـــــت ســــجــــــائــــــر مـــالـــبـــورو الأحـــــمـــر..!! وقدمها لي قلت له: شكراً..ماتفهم أنا ماأشيش.. نظر لي نظرة غريبة وهو يحك ذقنه... وسألني :وش تحبين؟؟ قلت بسرعة: الفارس المغوار.. قهقه ضاحكاً بصوت عالي التفت على إثرها الأسد وابتسم بحزن..ثم عاد واحتضن الشجرة.. أشعل الثعلب سيجارته وأصبح الدخان يلف المكان وأذني تحكني..وصار يطلع منها أصوات ناس يشاهقون وهم منكتمين.. التفت الثعلب إلي وسأل: مسطولة أنتي مسكونة؟؟ رديت عليه: بلا قلة أدب<< أحسبها كلمة وصخه.. استغرب الثعلب وقال: الوا.... مايقدر ...ـقول نا.......فـــ........ له و.......... هذا اللي كنت أسمعه ..وقلت بيني وبيني هذا السهر ومايسوي..لازم أرجع البيت عشان أنام..ماعاد صرت أسمع... وفجأة ارتجت الغابة وقام الثعلب من جانبي وقال..هذا شكله ما..كـ..ي ورمى السيجارة بقوة ودخلت في أذني وشهقت من الروعة خفت أذني تحترق وإذا بالدخان يخرج من خشتي وخشمي وأنا أكح..وأكح..وأكح.. التفت وقال بخبث: هذي اللي ماتدخن؟!! وأنا أكح..كح..كح ..كح..كح..كح..وعندها أخرج الثعلب السيجارة من أذني وقال: حتى ماتعرف من وين تدخنها؟!! اقترب الصوت القادم وأخرج الثعلب الآر بي جي وتجهز لإطلاقها وتفاجأ بالقادم ..لقد كان الإسعاف قادماً من الأشجار يقفز من شجرة إلى أخرى..ويجر معه ذرات الغبار .. والإسعاف عبارة عن: قردين..واحد لابس كوت أبيض.والثاني معه شنطة محطوط عليها علامة زائد بالأحمر..وشايلين نقالة..نزلوا عند الثعلب وقالوا: الاسعاف..الاسعاف..وين المريض؟؟ قال الثعلب: ذاك هو...تراه حي ..بشويش عليه.. اتجه الاسعاف نحو الذيب وأخرج القرد من الشنطة مكنسة ومجرفة وقام بكنس التراب العالق على خشم الذيب ورأسه ووضع هذا التراب في المجرفة على النقالة ..وهم بالرحيل.. استوقفته قائلة: وين يالاسعاف ؟؟ ياآخي ناظروه شوي..وإلا خذوه ..وإلا شوفوا له صرفة...حرام عليكم .مرمي من زمان ومغمى عليه.. قال القرد: والله ودي نشيله معنا لكن القوانين تقول لازم نعرف أسباب الإصابة قبل مانحرك المريض..!!!!!!! ورحلوا غبر آبهين بالذيب الذي يرقد طريح الأرض.. جلست بجانب الذيب وبدأت أقرأ عليه أيات من الذكر الحكيم مرة أخرى.. ولكن دون جدوى..ولكن العجيب أن أذني لم تعد تحكني البته..ولذلك غلبني النعاس ونمت.. نــــــــــــــــــــمـــــــــــــــــت نـــــــــــــــــــمــــــــــــــــــت نــــــــــــــــــمـــــــــــــــــــت صحوت من النوم فزعة على صوت ارتجت له الغابة وفرحت بهذا الصوت ..لأنه صوت الإسعاف جاء ليأخذ الذيب للمستشفى..وإذا بالقادم المدعو ماوكلي يقفز من شجرة إلى أخرى وهو يقول لي: اهربي ..اهربي..بسرعة بلدية الغابة جاية..ترى سيذهبون بك لمركز مكافحة التسول!! ركضت بسرعة ولا أعرف إلى أين أركض..وسقطت في النهر وصارت المياه تسحبني وأنا أقول ..ساعــــدوني..ساعـــــــدوني..ساعــــــدوني... يـــــــــــاهـــــــوه....وتطلع فقاقيع.. رأيت السمكات تحت الماء مرتاعة...تنظر لي وهي خائفة.. قالت واحدة:سبحان الله شوفوا ذا السمكة شكلها غريب.. قالت الثانية: أبي أبوي..أبي أمي ..أبي بعلي..  وراحوا يركضون .. وأنا أغرق... أغــــــــرق... أغــــــــــرق... وعندها جاءت يد..وانتشلتني من الماء...تدرون من هي يده؟؟؟؟؟؟؟؟؟ يـــــــــــــــــــد الأســــــــــــــــد..انتشلتني من الماء وأخذ يرعص على بطني والماء يخرج من أذني..وخشمي ..جاء الثعلب راكضاً ومعه منشفة ...والأسد يشعل بعضاً من الحطب حتى لاأبرد... انتصفت الشمس في تسبد السماء.. وسألني الأسد: يامسطولة الله يهديتس ليش بتنتحرين؟؟ أنا: والله ماكنت بنتحر..هذا ماوكلي..................وأخبرتهم بالقصة.. فوجئنا جميعاً بغبار كثيف ظهر من بينه الذيب وهو يحمل مجموعة من الكاسات الشفافة التي تحتوي على شراب القريض بالعنب المقطر..على طوفرية ذهبية وهو يبتسم مستحياً عندما رحبنا به..وتناقز كل منا للسلام عليه..وجلس بيننا وأخذ يحكي لنا كيف صحى من غيبوته ..وبدأت أذني تحكني وصرت أسمع بعض الكلام .. عندها الأبراج ضعفت وصار مافيه شبكة..وأصبحت خارج نطاق التغطية.. أرى الثعلب يضحك..والأسد يتكلم..والذيب يشرب..ولاأسمع ولاكلمة.. أخذت الريموت ورفعت على الصوت ومافيه فايدة..فتحت الإعدادات..وبرضه مافيه فايدة.. اتجهت بسرعة للثعلب ومديت يدي إلى جيبه بسرعة خاطفة وأخذت سيجارة وأشعلتها وحطيتها في أذني وشهقت ..وصار الدخان يخرج من كل مكان..ولكن بحرفنة هذه المرة....مرة أطلعه دوائر..ومرة مثلثات..ومرة مربعات..ومرة نجوم..والحيوانات تصفق لي وتكب علي من الدنانير وأنا أجمعها في شيلتي وصرت كل مرة أشفط أطلع حركات جديدة .. دخل المدعو ماوكلي من بين الجموع المصفقة وهو يصفق بصوت عالي ومعه الأسدة ..والذيبة..والثعلبة..وتقدم نحوي وهو مازال يصفق ..ويقول ..ماشاءالله عظيم..عظيم..برافو... التفت إلى أصدقائي الأسد والذيب والثعلب..ولقيتهم منقهرين من المنظر ..وغمزت للأسد ولكمت ماوكلي لكمة خطافية على خشته إيذاناً مني ببدء المعركة وماعاد أشوف إلا الغبرة ..وأنا كل ماحكتني أذني أزط من ذا التتن وتخف وأكفخ في ماوكلي ومرات أطفي السيجارة فيه...واستمرت المعركة نصف يوم متتالي...عندها خرج الأسد ممسكاً بيد الأسدة..  والذيب ممسكاً بيد ذيبة.... والثعلب ممسكاً بيد ثعلبة... وأحسست في تلك اللحظة بإحساس الأم في عرس ولدها..فرحة غامرة..وأغرورقت عيناي بالدموع ..وتذكرت الفارس المغوار ..ووعده المهجور ...الــــنــــــهـــــــايـــــــــــــة.. كل حيوانات الغابة أصيبت بالامساك نتيجة أكل القريض...  ماوكلي تم ترحيله إلى مركز مكافحة التسول ومنه إلى السجن المؤبد...مع الأشغال الشاقة...  الاسعاف مالقوا سبب لأصابة الذيب وقرروا مايجون... التتن مضر بصحة البشر. .جاء الفارس المغوار ولقطني على فرسه وراح راكضاًُ بي إلى بيت أهلي ...وهو يقول:ياعمي لقيت بنتكم في الغابة تدخن...  يــــــاليتني مــاانـتـــظــرتــه ويـــاليته ماجـــــــــــــــــاء.... ارجو من ينقل الموضوع ان ينسبه لصاحبة الموضوع
آخر تعديل ابو وفاء
في 06:53 PM.
|
||||
|
19-05-2007, 07:36 AM
|
|
||||||||||||||||||||||||||||||||||||||||||||||||||||||||||||||||||||||||||||
|
مسطول يمون
|
بتسوين خير ههههههههااي
اوما بهذي عاد اكيد يغار 
يامسكينه حرام
ماظنتي بيجي  مشكووره على القصه الرائعه ننتظر الاجزاء الباقيه
آخر تعديل إستلكاع
في 07:37 AM.
|
||||||||||||||||||||||||||||||||||||||||||||||||||||||||||||||||||||||||||||
|
19-05-2007, 03:03 PM
|
|
||||||||||||||||||||||||||||||||||||||
|
ريّس الشله
|
بس والله وش هالخمبقه ليه تعلقينااا (( وجه معصب )) بس يلا ... ننتضر القـاادم والقـادم مذهل اكثرر (( طراه دعايه مدري وشي )) بس وش سالفتس توقفين الفرسان ؟ شكلتس مثل عادل امام على خط بيروت (( الحس مخهاا )) توقفينهم مهوب بيدتس تأشرين لهم بساقتس طبعا مع شوية عامل جذب  والدليل كلامتس تقولين يوقفون ويطلع غبـارر !! بلا والله من هول ماشااف يفقد شعوره ويخلي الفرس يوقف وينزل الفارس رجله بالارض عشان يووقف اسرع (( افلام كرتون ؟ )) بعدين ليه يعطونتس مرايه !! شكلهم مايبون يجرحون مشاعرتس خلوتس تشوفين وجهتس الي كنه واحد مصاب بعسر الهضم ههههههههههههههههههههه ولأ يقولون لتس .. بس حلوه حركتهم تعرفين بطريقتس احسن من الغير يقولتس (( فهمتي شي؟)) تعالي تعالي خليني اقتبس لتس شي <- كرريها اتحدأتس هههههههه
مهوب مااصل يالماصله ,, مكثر من الجعه ولسانه ثقيــــل كنه رابط لساانه ببلكه
كفخه يمكن عشانه بخلوه مع مسطوله ؟ (( اسد له لحيه !! )) ماذا فعل !! ممممممممم نشوف بالبلتوث ههههههههههه ماضني يجي لأن متهاوش مشغول هالاياام (( اطلع منهـااا )) مسطوله الله يوسع صدرتس بالعافيه على الموضوع الاكثر من حلوو وننتضر الجديد لأحد ينسى سـلااام 
|
||||||||||||||||||||||||||||||||||||||
|
19-05-2007, 06:44 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
نآر على علم
|
ههههههههههههههههههههههههههههههههههههههههه
هههههههههههههههههههههههههههههههه هههههههههههههههههههه منتيب عاقلة يامهبولة يامسظوله اجل فرسان ومافرسان ولا..كل واحد منهم بعد على حصان واخرتها انسان في حديقة حيوان !!
هههههههههههههههه يعني بتعلمينا انتس حافظة وكالات السيارات
ايه ايه .. يامسطوله علشان تسذا حنا متمسكين بديرتنا والا وش خلانا مانطلع منها ونروح لأي ديرة اخرى الا علشان جوها اللي مامثله حتى شوفي الاجانب.. شوفي الاشوام بل شوفي المريكان والبريطانيين من بلد بني الاصفر هالدكاتره وهالمهندسين اللي عندنا ودزفي لتس أي واحد منهم وانشديه وقولي له وش خلاكم تشدون عن دياركم وتجون عندنا ؟؟ اما قالوا لتس انهم جايين علشان هالجو وعلشان هالغبار الجميل ذو الرائحة الفواحة فشوفي عاد ------> بغى يقول فمن حق وخاف تنشب في حلدزه
من قدتس اللي دخل في اذنتس هالغبار الجميل ذو الرائحة الفواحة.. بس السؤال اللي يتبادر الى اذني وعيني وكل حواسي ..ورى هالغبار ضر اذنتس ولم يضر عينتس ؟؟!!
اجل اكيد من اثر الكسرات
الظاهر لو تشوفين جهام رجال قلتي ياربيه يهبل من الزين !! لعنبو خير عدوتس ماقد ذقتي الحسنه !!
احمدي ربتس انها جت على تسذا وما دعستس بفرسه
8 88 888 8888 88888 ههههههههههههههههههههههه وربي وبالله وتالله انه ماينلام هاللي عطاتس مرايه اجل بالله فيه احد يشوف هالوجه وماتنسد نفسه ؟؟!! إالا زين انتس ماشفتيه عندعيادة الحبيب او الصغير يكمخ براسه في الجدران والبيبان من هول ما اصابه.. وتسني اشوف هالمرايه اللي بتعكس صورتس ان تسان ماغبشت او تشلخت فمن حق.. هذا اذا مالقيتيها بعد هي الاخرى عند دكتور نفساني وهي ماغير تقول : لا لا ..ليش انا بالذات من بد المرايات مالي حظ بها الدنيا سعيد ههههههههههههه لا يامسطوله الوضع بصراحه واضح له وضوح الشمس في واضحة النهار ..كل هذا وتقولين وش بلاه يعطيني مراية !! مار احمدي ربتس .. اجل لوه داري ان اسمتس مسطوله غير دنمركية وش تسان بالله يبي يجيه؟؟ .. ما اظنه يبي يفارقتس ابدن ابدن البته على طول يبي يطيح عندتس .. لا تحسبينه يبي يطيح من الهوى او من اعجاب .. لا لا .. الا يبي يطيح من الروعه والله الاسم بعد -------> عاد من زين اسمك
امحق فرسان !! وش هالفرسان اللي في مخابيهم مرايات !! الله يستر اذا مافيها مشط او لبان او ميك اب <------- يقالك يبي يسوي نفسه اتكيت 
بالله عليتس يامسطوله وش تبينه يزين به ؟؟!! تبينه يدغدغه. او يعزمه على ذبيحة ويقطع له ؟؟!!
والله انتي وريه وجهتس زين وعلميه ان اسمتس مسطوله غير دنمركيه ولاهوب صايرن فيتس الا العافية .. لان الخطر ذيك الساعة يبي يكون على هالاسد اللي عزالله انه حينها بيكون مدعي عليه فعاد يمكن يلحقون به على الدكتور او يبتلون به للمقبرة مرة وحدة
وش يحده على الرجعه ؟؟!! الاسم ؟؟!! ولا الوجه ؟؟!! مسطوله اجدها فرصة احب اتغانمها واشكرتس على جهودتس الواضحه للعيان فانتي تبذلين جهد مهوب بسيط في رفع دفة المنتدى للرقي والتقدم فلتس مني الشكر والتقدير مسطولة يعطيتس العافية على هالموضوع اللي وسع صدورنا وضحكنا وذبينا فيه وماهذا الا لمعرفتنا بانتس ان شاء الله منتيب من اللي يزعلون وعلشان ايضا يكون درس حي للاعضا للي يخنفسون اذا مزحت معهم .. ومع اني من ضمن الاعضاء اللي مايحبون كلمة يتبع فاحن ناس عجلين نبي شي حار بحار ربما حنا على حق او ربما على باطل .. لكن الأهم اني ما افرض على الناس باللي اشوفه فالناس فيما يعشكون مذاهب ولولا اختلاف الاذواق لبارت السلع والموضوع مثبت حتى نشوف ردود الاعضاء على ماتساءلت عنه الكاتبة وحتى نشوف وين ياصل الموضوع برب صلاة
آخر تعديل ابو وفاء
في 07:25 PM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
20-05-2007, 10:00 AM
|
|
||||
|
إذاعة الوفيات
|
حتى طلبت من الخدامه (( الشغاله)) يعني ان عندي شغاله طلبت شاهي وقليل من الحب الملح منسجم مع السالفه اما ذالفرسان توقعت انك داخله حرب بس خربها الذيب وموكلي اما السنجاب هذا شي ثاني ممكن سؤال وش النوع اللي تشربينه واللي يرحم والديك وجعلهم في الجنه عجلي علينا على التكمله ترانا ننتظرك على احر من الجمر ننتظرك عند بقالة السنجاب
|
||||
|
20-05-2007, 12:12 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مراقب عام
|
حنا يالله يالله متحملين الحلقه الاولى وبعد فيها ثانيه واخيره !! ترى ما تنعطين وجه انتي بالعافيه بالعين ردودتس وجايتن هالحين تحوقين الشله بموضوع مدري وش يبي تصدقين انا لو من ابو وفىىى <-- مدري متى يقص هالزايده الدوديه يمديني كنسته لبراا المنتدى لأن وجوده بصراحه يسيئ لسمعة المساطيل
هههههههههههههههههههههههههه الاخت تكتب ذا الموضوع وتقرا التقويم ؟ نسيان وايلول وشباط وسمبتمبر ذي قاضين منها بوجه ورقة التقويم أما زقزقة العصافير على ورقة الشجر الخضر فذي الله يسلمتس تنلقى في قفى ورقة التقويم مع النصايح والارشادات يعني بالعربي موضوعتس ملطوش
هههههههههههههههههههههههههه ياشين الورع لا رصخ في ذهنه سالفة هايدي وبيتر وجدهم ابو مصنع جبن ،، احسه ماعنده غير هالسالفه يمغصنا فيها
هههههههههههههههه ايه ايه قضينا من سالفة هايدي وجاتنا علوم سالي وحصانها الابيض وبعدين ترا الحصان مهوب هو اللي هرب بكيفه يوم ناظرتي الفارس ،، اصلاً الحصان يوم شافك جاته ام الركب يبي درب للنحشه والفارس لاحظتس وانتي مستمتعه بمنظره فقال النحشه ياولد قبل لا تاكلني ذي النمنم عاد الحصان ما صدق خبر وهو اللي يطلق ساقيه للعنان ،، فالمطلوب الله يرحم والديتس لا عاد تناظرين وانتي مستمته ترا تفجعين العالم
ههههههههههههههههههههههههههههههههههههههه الله من بعض الناس لا فكروا احسهم ياخذون مقالب في انفسهم طيب انتي وش دراتس يمكن الادمي يبي يصرفتس !!على طول حب وغرام ومدري وشو !! ذا مستوى تفكيركم يالبنات دايمن للاسف منحط اسل الله ان يهديتس <--- شفي مين يدعي
ههههههههههههههههههه اصلاً انتي وجهتس منعفط من يوم انولدي ،، على خبري يوم السساتر طلعوتس من بطن امتس لعبوا براستس قولف وحاطين حفرة الحمام باب لهن وكلن ماسكه عصايه وتمحطتس فيها عشان تسقطين بالحفره ومن هاك الساع وراستس منطعج تقل قوطي ببس
ما تتركين عنك حكايات بابا فرحان ؟ عموماً يا خاله ما عليتس من كل الكلام اللي قلته فوق مجرد تنقيز بلوف والصدز انتس ابدعتي وبالنسبه لي فأنا محتري الحلقه القادمه
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
22-05-2007, 11:32 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مسطول يمون
|
حبتين العيارة.,,,قبل الأكل وإلا بعده؟؟؟ شاكرة مرورك ياعسل.. مسطــــ بورجه ــــول
مايخسى إلا ماوكلي أصير أخته بعد..هذا اللي ناقص مشكور على المرور الحلو.. La Vecchia Signora
الله يحلي أيامك..مرورك أحلى ياقمر.. فتى النصر
ستبدي لك الأيام ماكنت جاهلا... شكراً على المرور القميل.. متهاوش مع نفسه
صراحة إجابات تدل على الفطنة..والنباهة.. مرورك أسعدني..ووسع صدري.. ابووفىماعنه خفى كفيت ووفيت ياراجل.. مرورك من جد يوسع الصدر.. مصفوقه بعلبه ببسي
ليش لا..والله الأسد كان كشخه ..ماشفتيه بالكرفته..؟؟ شكراً على مرورتس يالغالية... شاكي زمانه
قريب إن شاالله... مشكور على مرورك... الأملس
شراب القريض بالعنب المقطر.. شاكرة لك المرور الرائع.. زعيم التنسيم وش أقتبس وش أخلي.. ما تتركين عنك حكايات بابا فرحان وش بابا فرحانه ذا؟؟ شايفني بزر أشوف أم الخير وسمورة.. أشكر لك مرورك الرائع... مهــــــأجر
المفروض ياخذونك للتحليل الرياضي.. شاكرة لك مرورك الرائع.. أسعدني مروركم كل أبوكم ..
آخر تعديل حيدره
في 11:35 PM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
25-05-2007, 01:17 AM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
ريّس الشله
|
هههههههههههههههههههههههههههههههههههههههههههههههههه هههههههههههههههه هههههههههههههههههههههههههههههههههههههههههههههههههه هههههههههههههههه هههههههههههههههههههههههههههههههههههههههههههههههههه هههههههههههههههه مسطووووله امانه تتعاطين شي ؟ هههههههههههههههههههههه مدمنه حشيش انتي ؟ صارحيني خليني مثل اخوتس الصغير الكبير اخر العنقود اي شي المهم صارحيني تتعاطين !! تشفطين باتكس بوسط قوي سفن أب !! تاكلين كوسه محشيه بالباااتكس ههههههههههههه قسم بالله هالموضوع خص الحلقه الثانيه مخدرات X مخدرات ههههههههههههههه
ههههههههههههههههههههههههههههههههههه يمين بالله من قو الوصف تخيلت الاسد بشكله وهو يحك أبطه النتن كما تفضلتي ومعقد حجانه مثل الي مستغرب هالشكل الغريب على طاري شكل غريب صحيح ما الومه اذا ناضرك لان شكلك من كوكب اخر ومخك بكبره هالمنتهي مستورد من كوكب زحل هههههههههه ولأتنسي وهم مستوردين مخك مكتوب عليه تاااااااالف نرجو اعاده ضبط مصنعه ههههههههههههههههههههههههههههههههههههههههه
هههههههههههههههههههههههههههههههههههههههه حلووووووووه وبعدين وش ماوكلي ولد كلبّ!! ههههههههههههههههههه تبينه يجيب لك الفتوه حقه باقيرا قسم بالله يخليتس شاة امس ههههههههههههههههههه والله ان تصيرين ذكرى قديمه 
ههههههههههههههههههههههههههههههههههههههه قسم بالله موضوع لحاااااااااله هههههههههههههههههه اجل ارفع راسك انت سعودي ههههههههههه والله الثعلب الي حاط فوق جمر الشيشه حشيش متأثر بأفلام مصر وبعدين لا تستغربين شكل الشيشه هذا ثعلب مكاار يصنع لك من ورق الشجر تبغ وان كان رايق اخترع له قنب واذا ماتعرفين القنب عاد روحي لقوقل مانيب فاضي اشرح لك ( وش فيك عصبت )
ههههههههههههههههههههههههههه ذكرتيني يوم اروح للعصر الحجري طلع لي ذاك الرجال ابو عجرى عرفتيه ؟ ههههههههه كنت جالس وياه شوي واسمع صوت صخور طايحه من اعلى الجبل واهج منه يوم ضحك قال تعال هذي نغمة جوالي هههههههههههههههههههههههه جواله حصاة طويله مستطيله كنها وجه الي يقرى كلامي ههههههههههههههه
والله اني داري ان الاسعاف قرود تدرين ليه .. باين على الرد انه بثر باين عليه قرد !! ههههههههههههههههه اسعاف اسعاف نعم نعم هذي نهاية المجانين على طاري المجانين هاه يامسطوله تبين اشوف لتس واسطه يودونتس لعياده يعالجونتس على حسااب الدوله وربي براستس فتق بعد هالموضوع هههههههههههههههه
هههههههههههههههههههههههههه ماتسيبوها بئى !! ماتسيبو مسطوله دي عانس تنتضر فارس هههههههههههه الله علي الله .. عانس تنتضر فارس .. تنفع أغنيه ومطلع البوم لسعد جمعه هههههههههههه مسطوله يابعد من قام وقعد !! كلك سلامه على هالموضوع (( من الضحك مايعرف يتكلم ههههههههههههه )) بس انتي غبيه ايه غبيه بتخيل قلتي ليش !! بقولتس لو انتس سردتي هالموضوع بحلقه وحده يكون احسن بس يلا يمكن خيره عشاني قريت الموضوع فجأه وانا متضايق بعد فوز الاتحاد وتسدحت ضحك ههههههههههههه تسلمين والله .. ويعطيك الف عاااااااااااافيه وننتضر ابدعك يام الزحف ههههههههههههههه
آخر تعديل بهجت الأباصيري
في 01:22 AM.
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
شكل الاسد بياكلك وماوكلي بينقذك وتتزوجون وتطلع قبيلة الهنود الحمر 
