 |
 |
 |
 |
 |
 |
 |
 |
 |
|
||||||
| متحف الحارة منتدى المواضيع المميزة |
|
|
أدوات الموضوع |
09-05-2007, 02:59 PM
|
|
||||
|
ريّس الشله
|
أمي العزيزهـ ,, أبي الحنـون ,, آريـد جوآبـا ً (( يمنـع دخول العـزاب ))
مدري من وين آبدى عشآن انتهي < كل ترآب آجل وإسكـت  خشو معي بنص السالفـه والي فهم يفهم والي مافهم يرسل لي رساله خاصه اعطيه رقم مدرس مصري خصوصي يشرح له وعلى فكره هالمصري كل شي يعرف له مايئولشي لأئه يعني تبيه سباك فهو سباك تبيه يصلخ بعيد الاضحى يصلخ تبيه مدرس نحو على مواد شرعيه ماعنده مانع الي يشوف مخه يقول سي دي مجمع فيه كل المعلومات السالفه ياجماعه الخير كل مافيها اني يومي صغير كنت بزر < ياخي لاتسولف تكفى وكنت غثيث وعلّه ودعلّه <- راجع كتاب ((الاصول النجديه والكلمات الزبرجديه )) من غثاثتي جارنا طلب لجوء سياسي لحي اخر والسبب اني غثيته فيعني يجي بالصباح الباكر وحرمته الحنونه((وش دراك))توها معطيته قبله صباحيه ليبدئ يوم حافل بالنجاح والمسرات ويجي يحمي سيارته وانا اشوفه اجي اسنتر عند دريشه السياره كني من هالطرارات الا تعطيني فلوس غصب وانا لأجلست عنده انشب له اعطيه من هالاسئله البايخه ولا اسولف عليه سوالف خاثره وهو يضحك ضحكه تشوفه تحلف انه مغصوب يضحك ومرات اضطر اني اجيب له واسطه عشان يضحك وعلى هالحال لما يمشي ومن يمشي جارنا ارجع عند الباب اتشوف لي احد طالع اروح اخثردز عليه من هالسوالف وانشده عن اشياء براسي < ركزو بهالكلمه تعني نص القصه يعني مثلا جاء براسي اعرف وشهي مكونات الذره او مما يتكون المفاعل النووي رحت للمطار اقص لي تذكره اروح لروسيا او طهران او اي دوله عندها نووي وابدى اسئل لما اجد اجابه تشبع خلايا مخي الي تتاكل من التفكير بهالموضوع رجعت عند الباب بعد ماحرك جارنا وكان يوم خميس يوم عطله ايام الاسبوع وكنا هاك الوقت يوم الخميس مايروح نحلل امه نصحى الفجر عشان نحس بطعم العطله ماعندنا شي بس فضاوه اطفال دوله < كل تبن ياشيخ جلست عند الباب وانا امارس هوايتي وهي اني ادخل يدي بخشمي حتى يوصل مخي وافررره بأصبعي السبابه ويدور مخي ويدور كنه مجسم الكره الارضيه لما يفرها مدرس الجغرافيا امام طلابه < تكفى لاتوصف وانا امارس هوايتي واطير بط فريت مخي فررره قويه ودار مخي دوره مثل دوران الارض حول نفسها ووقف على سؤال وهالسؤال شغل خلايا مخي كلها بالبحث عن اجابه وبدت نفسي تتطلع الى الاجاابه ولدرجه ان السؤال اعجبني كنت جالس عند الباب لما وقف مخي على هالسؤال وقفت ثم رجعت جلست وقلت كيف ؟  السؤال هو (( كيف يتم الانجاب ووشلون يجون الاطفال بالدنيـا؟)) < سؤال دسم باين ان اليوم خميس فكرت حاولت القى الاجابه مني قلت يمكن لاتزوجت الحرمه يطل نجم بالسماء كل سنه مره وحده وحظها ونصيبها اذا حملت ولا تنتضر سنه الجايه لكن ما اشبعت رغباتي هالاجابه فعرفت اني متأثر بعدنان ولينا والطاقه الشمسيه دخلت البيت واصايح بأعلى صوت يمه يمه وردت امي الحنونه بصوت يزيد يوم الخميس جمال وروعه ولعنـه وانا امك وش تبي < امحق حنان سألتها وين ابوي < شغل البحث والتحري قالت مدري رايح مع صديقه وبيجي الضهر ليه وش تبي فيه وانا امك ؟ جاوبتها لا ولاشي بنتضره لما يجي وكنت يومي صغير عندي اعتقاد ان الاب هو الي يعلم ابنائه كل شي بهالحياة اما الام فهي تحمل وترضع اول سنه وبعدين تتفرغ للطبخ < لأتلومونه خلأيا مخه تآكلت من هالاسئله الناشفه رجعت جلست عند الباب اقوم واقعد ماش هالسؤال كنه منشطات ماعرفت اجلس ابي اجااابه شلون الحرمه تحمل وتجيب عيال ياربي وشلون ياربي نزل علي اجابه ارسل علي وحي <لأتلومونه صغير  وانا افكر قطع حبل افكاري جارنا الي كان جاي وجايب معه تميس وهو جاي طلعت له بنص الشارع وقف وقف هو انهبل ووقف وش عندك يمتهاوش يالدعله < راجع الكتاب الي قلت لك عليه سألته وشلون تنجب الحرمه كيف تحمل ؟ ضحك جارنا ضحكه ووجهه متعفط طالع كنه ركبه نبيل شعيل وهو متربع بجلسات روتانا وقال ههههههههه الله يصلحك وانا امك  انا ناضرته مثل الببغاء لاقام يناضر احد قدامه اعفط راسي واقلب بمخي اسئله وهي وش فيه خدوده وصلت جبهته ؟ ووش امك ؟ لا لا السؤال فيه إنأ واخواتها ولا ماختبص وقال وانا امك ...نزل جارنا من السياره وقالي انا اكره مالي بهالدنيا حاجتين الاولى لأشفتك واقف عند الباب والثانيه مالك شغل امور عائليه طيب وش ذنبي يالجار العزيز تقولي؟ ,,, علينا جار بعد ماتقول الا من ابو ريالين مدري وش يبي من الحياة ورجعت للبيت مره ثانيه بعد ماعطاني جارنا كم كلمه تهزئ في حق سموي وباين انه كاتم بقلبه من فتره طويله واليوم ماقدر يتحمل الضغط العالي مني وولد الضغط العالي انفجار تولد معه كم كلمه وصخـه دخلت البيت وانا ااصيح يمه يمه ردت علي امي العزيزه وطاعون يشق بطنك ويرجد بعضمك وش تبي سألتها كم باقي ويجي الضهر ويجي ابوي قالت معد بقى شي الا انت وش تبي فيه ؟ تبي شي تاكله ؟ < هم الي رسخو ببالي ان الام تطبخ بس قلت مابي شي ورحت عند التلفزيون وجلست عنده وكان التلفزيون مسكر كنه بيت جيزاني بالدخل المحدود يعني انواع الالوان واشغل الفديو على عدنان ولينا الحلقه الاولى واتابع وانا ما اتابع يعني منشغل تفكيري مره اركز مره مخي يروح يبحث عن اجابه وبالفتره الي كنت مركز فيها لحسن الحظ كان جد عدنان يشرح له قبل يموت انهم وقفو بالطائره على هالجزيره وجابو القصه وكيف انولد وكانو بالقصه يقولون((ولد ولد)) وعند الباب رجال وحرمه!! هنا وقفت الفديو قلت يعني الدعوه ماهيب نجم يخلي الحرمه تحمل وجارنا تفشل من سؤالي والحين رجال وحرمه يعني يامتهاوش الدعوه مشتركه بين الرجال والانثى ؟ ووقفت الفديو طبعا بعد كم اعاده عل وعسى يمكن تجي كيفيه الانجاب بس ماش ماحصلت شي والوقت راح وانا افكر هل الدعوه مشتركه ولا من طرف واحد ؟ وعلى هالتفكير ابوي جاء وحط راسه وانا ذكرت ان الضهر جاء يعني ابوي جاء رحت عند امي يمه يمه ردت علي امي الطيبه وجعلك الجني الي مايخليك متهني وش تبي ياقلب امه < حنان على جفـااف وين ابوي قالت ابوك جاء وهو مقصر وحط راسه ويقول لأجاء وقت الغدا حطوه وصحوني مشيت من عند امي وانتضرت لما جاء الغدى وصحى ابوي وجلسنا على الغدى وانا المس بالغدى وكان ابوي مقصر شوي وتوه صاحي من النوم وماله نفس الضاهر بس عاد انا وش اسوي غثيث الا بسئل قلت يبه رد علي بصوت مثل الي يقول مهوب وقتك وقالي وش تبي سكت انا شوي امهد لسؤالي وكنت احس ان السؤال قوي والسبب تعفط وجه ابو الجيران وسألته شلون يبه الحرمه تحمل!! امي على طول قالت اجيب لك الشاهي يابونا؟ رد عليها ابوي ايه ايه قامت امي وابوي انسدت نفسه زود عن الاكل وانا نشبه رجعت له وقلت ماجاوبتني قال شف وانا ابوك الحرمه تاكل بيذجان ان طرشت وداخت اعرف ان البذنجان خايس في بطنها وان ماطرشت ولأداخت اعرف ان البذنجان لقى له مخرج وطلع ,,,,,,,, وطــــــع < هذا طراق اكلته من ابوي بدون سبب بعد الطراق قمت وانا مبسوط عرفت وشهي الاجابه ورجعت العب مع عيال الحاره ومر يوم الخميس ذالك اليوم الذي له ريحه خاصه ونكهه بأيام دراسه الطفوله والطماط والفول والتميس له مذاق خاص بذالك اليوم عدى آلخميس والجمعه وتهيئت للنوم لأن بكره مدرسه وقمت اتسدح على الفراش واتذكر الحصه الاخيره يوم الاربعاء وزمل بكره يوم السبت ياطوله كنه راس ابو عمر < مسوي تمون ؟ وفوق هذآ كله عندنا مدرس رياضيات عصبي عصبي بشكل وقاذف بقلوب الطلاب الرعب لدرجه انك تعرف الاجابه بس مافيه ثقه بنفسك يمكن تغلط ويخليك انت والكرسي واحد ولا اذا سئلك ولأعرفت الجواب وقالك حط وجهك على الجدار وقتها تتمنى انك حشره مصابه بمرض التوحد ويجي ورع بأبرد مايكون يرصعك بالنعله وتموت ولأتحط وجهك على الجدار ويجي يلعن خيرك < تعبير نابع من ألــــمّ جلست اتقلب على الفراش وضاق صدري من مدرس الرياضيات مليت يضربني ضرب الحمير وانا حيلتي اطلع عليه اشاعات بالمدرسه مره طلعت عليه اشاعه انه متزوج سوريه ومرركبها بدبابات الثمامه وهي فاتشه <- اصـدق ما بالقصه وخذت هذي الاشاعه صدى كبير لدرجه ان وزارة المعارف تكلمو عنها وانا منسدح على الفراش دخلت يدي بخشمي وفريت مخي ووقف مخي على سؤآل مزدوج والسؤال هو (( كيف يتم الانجاب ولماذا ابوك صفعك )) انا كنت وقتها مستلقي على ضهري وبعد هالسؤال المزدوج قمت وجلست وقلت صح ليه صفعني ابوي كان يجاوبني بهدوء ومحبه فجأه فقد شعوره وعطاني طراق السالفه فيها قص ولزق قال بذنجان قال علينا يمنـااحي بعد هالسؤال تنشطت خلايا مخي وقمات تبحث عن الاجابه ونسيت مدرس الرياضيات ونسيت ان بكره مدرسه وحاولت انوم بس ماش ماقدرت السؤال سيطر على مخي لدرجه اني اعد وانا مغمض عنز وحده عنزتين وهكذا لحد ماطمرت العنز العشرون الحاجز الخشبي والتفتت علي وقالت لي امبـااع لقيت اجابه ولأ ؟ قمت احرك يديني مثل الي يوخر دخنه عن خشمه ابي اطير هالعنز الله ابوها وقلت مالك يمتهاوش الا دواء كحه((ابو زهره)) واروح للثلاجه واطلع الدواء واشربه دفعه وحده ودليل ان مفعوله قوي وسرى بأنحاء جسمي صرخت بأعلى صوتي بالمطبخ للجحيـم يالقرن الواحد والعشرين < سكر واروح للفراش وانا اتسحب الي يشوفني يقول شايل تجوري واخمد وانام وصحتني امي كالعاده متهاوش وانا امك قم قم متهاوش وابوي يصايح ماقام هالملعون تأخرنا على المدرسه وانا انهبل واقوم بسرعه والبس واكل اسرع واروح للمدرسه واكتشف اني اول واحد جاء واجي قبل الفراش ابو علي < حيله ابوي يسويها علي كل يوم جيت المدرسه جالس انتضر الطلاب والطابور وانا افكر بهالسؤال وجاء الطابور وانا افكر ودخلنا الفصول وانا مشتت الذهن من شده التفكير < قايلكم من اول لو براسه نووي جاب خبره بدت الحصه الاولى وانا والله مانيب يمها ماغير مطير عيوني فوق كني اطير حمام وافكر بالسؤال وانتهت الحصه وطلع المدرس ورنت صفارة الانذار ((جرس المدرسه)) معلنة بقدوم مدرس الرياضيات والطلاب كل واحد ينتفض بمحله تشوفهم تقول مستنزلين وكابين عليهم ماء بارد دخل المدرس وبصوته الجهوري قال السلام وبدى بالشرح على طول وبحركاته ونضراته الطلاب بدو يتفاعلون معه والفصل جدارنه تشعرت من الازعاج والطلاب متحمسين يبون يشاركون والمدرس تفاعل معهم ومتهاوش خويكم غـــرق ببحر التفكير ولأهوب يمهم وبينما الطلاب يصايحون يبون يشاركون والفصل ازعاج حاولت اشارك معهم ورفعت يدي على عماها قال المدرس احسنت متهاوش جاوب جاوب كان يقولها وهو يسعبل وعاض على لسانه وانا وقتها ضاعت علومي ولا ادري وشهو سؤاله عشان اعرف الجواب والسؤال الي بمخي جاء قدام عيوني تلعثمت وطقتني ام الركب وسكت يمكن حدود ثلاث ثواني بس بذاك الجو والارتباك الي حصل تعتبر ثلاث سنوات بلياليها وانا ساكت بالثواني هذي صرخ المدرس جاوب ياحمار قلت له كيف تحمل الحرمه وبلعت ريقي وقمت ارمش طالع كني ياسر عرفات وهو مقابل اولبرايت مع سؤالي الغبي هذا الفصل بعد الازعاج والصخب الي صار فيه سكت والطلاب كلهم التفتو علي حتى المكيف الي يرنع سكت ووقف وقال يـــاااويله المدرس كان ينتضر اجابه وانا عطيته سؤال ادى الى تشنج خلايا مخه وقام يتنفض ويقول العن ابوك وجاء من الجهه الثانيه بالفصل ولعن خير خيري ((MADE IN ITALY)) هذي نعلته صناعه إيطاليه طبعها على جبهتي وبعد الضرب المبرح انسدحت بالارض كني من جرحى حركه حماس وقرب مني وانا يالله ارفع البؤبؤ حق عيوني مافيني حيل بعد الضرب وقالي تبي تعرف الاجابه تعالي بغرفه المدرسين لحالك وكمل الشرح وانا جلست على الكرسي وافكر بنضراته فيها شي من الخبث وقلت بنفسي وش فيه يناضر كذا وبحقـد ؟ < على نياته وانتهت الحصه والطلاب جو يواسوني بعد الجلد والي رحمني وراح يشتريلي فشار من المقصف وانا ملعون رحت طلعت عليه اشاعه ان المدرس حاط على سور بيته قزاز عشان قد طبو على بيته شباب سكارى يبون يغتصبون حرمته وبعدها وسوس < اصدق ثاني شي بالقصه وعدى اليوم الدراسي وانا افكر وضاق حالي من هالشي ابي اجابه وارتاح معد اعرف اسولف كل شي بمخي كيف تحمل الحرمه معد يهنى لي شي الاابي اعرف حتى سالي كانت تجي العصر وانا احبها حب جمـا  ماهمتيت لها ابي اعرف الاجابه رحت ارتزيت عند الباب وجلست وانا اجلس ماغير اقول اي اح حسبي الله عليك يامدرس الرياضيات وانا كنت اخذ وضعيه الجلوس بدون الم انفتح الباب الكبير حق جارنا الثاني وبنتهم يمكن انها بسادس ابتدائي تشطف الماء للشارع كانو غاسلين حوش بيتهم واجي انا مدرعم لها وسألتها بدون مقدمات ولا شي كيف تحمل الحرمه دامك حرمه جاوبي يوم قالت قليل ادب ونحو كمان < نسيت اقولكم انهم حجـز  وصكت الباب بقوه وانا استغربت وقمت اشبك كل الاجوبه مع بعضها يعني جارنا اول شي تعفط وجهه وقال الله يصلحك وانا امك ثم تشربك مخه والتمس وعصب علي فجأه ؟ وابوي الي يوم سألته جاوبني بهدوء وفجأه فقد شعوره مادريت الا وهو خامني بطراق خلاني ما اسمع سنه وليـه ضربني ؟ ولا مدرس الرياضيات لو قلنا اني انا الغلطان سألته سؤال مهوب بوقته بس ليه ذيك النضرات وتعالي لحالك بغرفه المدرسين ؟ والحين بنت جارنا صكت الباب وتقول قليل ادب ؟ وش السالفه شلون اعرف الجواب ومن وين اجيب الي يجاوبني ؟ ايــــــه يمتهاوش اول القصه قلت للمساطيل فيه مدرس مصري خصوصي يعرف كل شي ولأيقول ماعرف رح اسئله منها تلاقي جواب ومنها تخلص القصه وتنتهي نهايه حلوه وانا الي اطمر للبيت واروح للتلفون وادق على المصري انا : طووووط طوووووط < بيت المصري يرن المصري : الووه مين بيتكلم بتحب نتعرف؟ < متأثر بدعايه فودافون انا:الو هلا استاذ كمال ابو المعالي انا متهاوش المصري:هلامتهاوش بيه ازيك عامل ايه < بالزمه مش انا شاعر انا:اها بس لا ادخل رجلي مع السماعه بوسط حلقك شف ياكمال ابي منك تعلمني كيف تحمل الحرمه المصري:اللــــــه ايه الكلام ده بتئول ايه يابلطقي انا:بلطقي اوم حدرتك((حضرتك)) ياعلي عوض ,,, طبعا الاجابه بفلوس المصري:آه ربنا يكرمك ويفتحها بوشك((وجهك)) انا:خلاص تعال المغرب ولأسئلك ابوي قل ادرسه قواعد اوكي لا تجيب فيني العيد انت واذانك الي كنها زنوبات هندي حارس المسجد المصري:ماتخفشي يله إنتا واذانك الي شبه سبراي شافط صواعق لو سألني ابوك راح اعطيه مخرق يطلعووه على شارع الغورابي (( الغرابي )) انا:اوكي حلو مع السلامه المصري:مع الف سلامه ربنا يكرمك وجاء المصري بعد صلاة المغرب ودخل عندي وخليته يشرح ويكتب الكلام بدفتر وحلفت له اعطيه خمسميه ريال عشان يتحمس ولأيبقي شي الا يقوله ويكتبه وكان يكتب ويكتب وانا شكلي طالع كذا --> الكلام وصل للغويط طبيت بعلوم مهيب لي شعر راسي وقف والمصري خلص الكتابه لأن الدفتر خلص وانا مسكت الدفتر ورحت عند الباب وفتحته وقلت له شف ياكمال افندي بعد لخمسه اذا ماطلعت رحت لجارنا الي بالهيئه بقوله اني طلبت منه يدرسني قواعد درسني علوم غير اخلاقيه وهذا الدفتر يثبت ذالك < خيانه بلد يمتهاوش المصري وقف وقالي يخرب بيتك متل ماخربت بيتي ربنا يوريني فيك يوم اسود متل سواد ركب بنتات السعوديه إنك حووومار ياشبه قاموس النيل < يذب المصري قلت له حومار ولا جاموس ارس على بر يالبقره العانس وربي انك ثور < انت بعد ارس على بر وقمت اعد واحد اثنين ثلأثــ ,, ما امداني اكمل ثلاثه الا اشوف غبار والمصري هج وانا جلست ماسك الدفتر بيدي وانتفض يعني هالدفتر لو يطيح بيد ابوي بينفيني لمثلث برمودا بهالدفتر يعني كل اسرار زوج وزوجـه وجلست اتصفحه واقرى واقرى كلام عند ربكم خبره يعني الي قريته امي وابوي يسوونه ؟ ابو جارنا وحرمته يسوونه ؟ يعني كل متزوج ومتزوجه يسويه ؟ الحين عرفت ليه جارنا وجهه تعفط يحق له وعرفت ليه ابوي فقد شعوره وصفعني بطراق ومالومه ولأ الوم بنت جارنا الي صكت الباب بوجهي بعد هالاسرار الخطيره الي غايبه عن بوش ولا كان قصف كل بيت متزوج ومتزوجه هذي دمار شامل هذي الاسرار وش مفاعل نووي طهران عندها بس الي ما الومه ابن الكلب مدرس الرياضيات ليه يقولي تعال لحالك لغرفه المدرسين < توه يفهم اوريك يالمدرس متى يجي بكره ((<- حاقد)) وانا افكر وش بسوي وش اقوله وافكر بهالاسرار ربشني وكهربني صوت مؤؤذن مسجد الحاره الله يهديه مايشغل المايكرفون ويتنحنح لا على طول ماتدري الا وهو يقول الله اكبر وهو أذن ولا مأذن انا ارتبشت وذبيت الدفتر ثم رجعت اخذته ابي اوزيه وكل هذا احسب الحكومه طبت علي عشان هالدفتر بعد ماهدى بالي وتأكدت انه ابو جلعود مأذن الحاره رحت لأمي وقلت لها ابي عشى وابي ارقد < مهوب لله ترقد بدري تبي تتفحص الدفتر وفعلا تفحصت الدفتر ورقدت وانا مرتاح اخيراً لقيت الجواب ورحت للمدرسه واول ماجيت المدرسه رحت لمدرس الرياضيات قلت له يسلم عليك ابوي ويقولك لا جيت تعلم ولدي بالغرفه لحالك جب معك حرمتك بالغرفه عشان تشرح شرح تطبيقي وليدي الله يهديه مايعرف نضري المدرس العصبي اخذ اوكسجين كامل وهو مغمض عيونه وفصخ النضاره ومادريت الا وانا اكتب لكم القصه الحين بالدور الثاني مستشفى الملك خالد الجامعي قسم العضام دبغني الكلب دبغ اقشر ماتقول الا هو يهودي وانا من اطفال غزه أ.هـ القصه من كتـاب (( كفاحي والفقر )) تجدونه بمكتبه جرير للمؤلف متهاوش مع نفسه مآيستـفـااد لأتسئلو عن اشياء ان تبد لكم تسوؤكم اليد الي ماتقدر عليها لأتصـافحها طلع عليها اشاعه < كل تراب بس لأبد لنا من الثقافه بهالموضوع عشان نقلل من حالات الطلاق فـ نسبه الطلاق بالسعوديه اغلبها الجهل بأمور كهذه  وبس ســــــلاام
|
||||
|
10-05-2007, 10:33 PM
|
|
|||||||||||||||||||||||||||||||||||||||||||||||||||||||||
|
نآر على علم
|
انا يا اخوان مهيب من عادتي التحرير الا باذن راعي الموضوع ..فأنا افضل اني احذف الموضوع كامل ولا احرره الا بأذن راعي الموضوع فأنا بديت بهالجمله لان ماتحتها خط هو ماقمت بتحريره .. فأنا عارف ان راعي الموضوع كتب هذه الجمله على لسان قائلها وانها صارت عادة تقال على السنتهم من دون قصد .. لكن لا يخفى علينا ان هذه الكلمات منهي(ن) عنها.. وانها اذا كانت مجرد زلة لسان ..وان الانسان يقولها من دون قصد فبجب عليه الاستغفار والتوبة .. اما اذا كان يعتقد فيها فان الامر يكون اعظم فهذا اللي خلاني احرر والا الباقي مالمسته ولا جيته --------------------------------------------------- الله يرجك يامهاوش مدري متهاوش  اجل لعب في حسبك (( كيف يتم الانجاب ووشلون يجون الاطفال بالدنيـا؟)) وماخذتا منه الا انك كلتا طق من ابوك.. ومدرسك.. وتهزيء من ابو جيرانكم .. واحمد ربك ان ابو البنيه مادرى عنك.. والا تسان سالخ(ن) جلدك ومعلدزه فوق الباب علشان تدري ان الله حق  متهاوش ليتك ناشدني ولا اتعبتا روحك تسان معلمك ان المره ياتالد مع اثمها !! اوتالد مع سرها !! اجل السر في ظنك وشوله ؟؟ الا علشان تالد الحرمه معه فمثله مثل غطا خزان الما !! لاتقولي الرجال بعد له سر.. تراي نشدت عنها قبلك فقيل لي ان سر الرجال مثل غطا البياره <----- غاث(ن) اهله منول بكثر هالأسئلة
هههههههههههههههههه حقير ومارج هذا الى قالوا ان الواحد في المواقف الحاسمة يطلع اللي في بطنه وانت يوم نزق عليك مدرسك كبيت العشا !! اجل لوك في قسم شرطه وخامك العسكري بالدباسة وش تسان تبي تعلم به ؟؟!! حسبي الله عليك الا خلتيني اتخيلك وانت وادزف دزدام المدرس وانت ماغير عيونك فاغرة وفاق(ن) كشرتك وطلع(ن) سبهة وتقول هاه !! .. هاه !! ثم تزعق بسؤالك هاللي تسنه وجهك
هههههههههههههههه قالك تعال غرفة المدرسي لا غرفة الرياضيات ؟؟ ترى هذي قد صارت مع واحد من ربعي .. اذكر يو اني في الساته مدري الخامسة <--- شك(ن) من الراوي رحمه الله تعالى واذكر ان طالب قال له مدرس القواعد تعال لمي في المكتبة علشان اعيد لك اختبارك .. وهالمدرس مهوب بعيد(ن) عن مدرسكم اللهم ان الاختلاف في التخصص فقط وهالطالب وده يختبر لكنه مستاحش فامه قبلها توعده بالطق والدبغ اذا راح لم احد(ن) لحاله .. فماكان من هالغليّم الا انه يستعين بي اني اروح معه.. طبعا زميلي كان واعدني بشي.. بس نسيت وشو <---- كان رحمه الله كثير الوهم في آخر حياته المهم يوم وصلنا لمه وانا جاي(ن) معه ادربي راسي الا يوم ارتاع المدرس فما كان منه الا ان قال خلاص يافلان معد فيه داعي تختبر تراي زودت درجتك بدون اختبار .. على فكرة يامتهاوش تراي ذيك الايام مهنا من ازين مني بس انت عارف ان المثل يقول (( لاتقرب المهبول ولا يقربك )) متهاوش يعطيك الف عافية علة هالموضوع وعلى هالخيال الواسع وعلى هالذبات وما اقول الا كثر الله خيرك يا الغالي وياليت لو بس تحط فواصل بين كل جملة وجملة وانا متأكد اني ابشوفك في الايام المقبلة كاتب كبير يشار اليه بالبنان وهالشي يتطلب منك انك تقرأ فقط لمن يعجبك من الكتاب فانت تمتلك الموهبة وهالموهبة معد يبي لها الا من يصقلها فقط لاغير |
|||||||||||||||||||||||||||||||||||||||||||||||||||||||||
|
11-05-2007, 12:11 AM
|
|
|||||||||||||||||||||||||||||||||||||||||||||||||||||||||
|
مراقب عام
|
هههههههههههههههههههههههههههههههه هههههههههههههههههههههههههههههههه ههههههههههههههههههههههههههههههههه والله وخربتها ونزلت موضوع يا متهاوش الكلب  برايفت ابو وفى
نسيت ما تحط خط ع الكلمة الاخيره وتكتب لنا بالاحمر ترى العياره مهيب قلة ادب
يا حمار ركز معي الذره تتكون من رجلين ويدين وراس وتقرص بعد ووش دخل روسيا بالموضوع يعني حتى الحشرات نقوم نستقدمها من الغرب ما يصير يااخي لازم نصير مستقلين بحشراتنا وصناعتنا مهوب كل شي ع الغرب <--- يا شين اللي يبي يحتسي عن السياسه وخايف
هههههههههههههههههههههههههههههههه على طاري شرح المدرس اذكر يومني صف سادس ابتدائي كان عندنا حصة علوم وقاعد الاستاد يشرح موضوع الامعاء الغليضه فكل الطلاب ما فهموا عليه قام الاستاد صف خمس ماصات جنب بعض وقالي زعيم تعال انسدح فوقهن وفصخ ثوبك وفانيلتك عشان اشرح للطلاب مكان الامعاء الغليضه ينعل ام الاحراااج لازم افصخ الفنيله ..! طيب شف غيري يا استاد انا دب ونص جسمي كرشه تبي تتعب وانت ما طلعت امعائي وبيني وبينك يخوك الشعر في بطني نابت وانا بصف ثاني ابتدائي وماابي الطلاب يلاحظون عليا شي خاصه اللي قاعدين قدام فقالي وعشانك دب ابي اشرح عليك والله مدري هو عشاني دب ومربرب ولا الطخامه لها دور المهم فصخت ثوبي وفانيلتي وبغيت افصخ السروال بس تذكرت اني بالفصل عقب ما نصلت نصه وانسدح ع الماصه وحط اصبعه على حفرة الصره يا أن اصبعه غطس لين طلعه غرقان عرق تقل غاطسه في كوب ماء قالي زعيم الله ياخذك وش هالصره معك قلت يا استاد انت تراك قاعد تسوي فيني الفاحشه وانت ماتدري فخلص علي الله يرحم امك قالي والله يا زعيم على هالشعر اللي ببطنك نبي لنا شفره عشان ابرح المكان وينعرف محل الامعاء مير رح رح انت وذا الشعر لو نثرنا حب واسقيناه مويه ثاني يوم نبت في بطنك حبحب والله موضوعك ممتاااااااااز ويبي له قاعده اكثر من كذا مير لي باتس ان قالها الله تقبل اعجابي يا وصخ
|
|||||||||||||||||||||||||||||||||||||||||||||||||||||||||
|
11-05-2007, 03:58 AM
|
|
||||
|
في صدر المجلس
|
اما بالنسبه للمصري مستعد يحكي لك كل شي لا ويطبق عملي بعد اهم شي كل حاقه بحأها ياليت نحتوي عيالنا وما نضطرهم يستقون معلومات خطأ من الناس اللي حولهم !! ولمناهجنا الغبيه ومدرسيناالجهله الف تحيه !!  متهاوش منسم حتى الثماله .... وفالك كاس العياره  نلتقي بالملعب مع فتى النصر
|
||||
|
11-05-2007, 06:27 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
توه ساكن
|
هههههههههههههههههههههههههههههههههههه ههههههههههههههههههههههههههههههههههه والله اني من زمان وانا اسمع إشاعة عنك تقول : ان مسيلمة صدوق ومغسلن بالكوثر بالنسبة لك طبعا ههههههههههه وانا أقول في نفسي مهوب صحيح !! هم يقولون !! اوانا أقول مهوب صحيح هم يقولون وانا ارد عليهم وتسننا نلعب تنس !! حتى سالفة النعناع الي انت خابر , الى تقريبا نص ساعة وانا مصدقك ترى فيها!! حتى اني من الصح الي فيني قاعدن احتريك الى هالحين وماسكن يد البلي ستيشن ههههههههه , بس عقب ماقريت موضوعك ذا عرفت انك مصلي بي شرق , والله ياعليك خيااااااال غير طبيعي , مبدع , مبدع وعيار من طراز رفيع , انا اعتبر هالموضوع إضافة قوية للشلة , فمشكور على هالموضوع ومشكور لانك دفيت الادب الساخر الى الامام حتى انا ابووفى قم ياشرلك بشماغه يبيك توقف لان قدامك حفرة بغيت تنطل الادب الساخر فيها من قوة الزحف الي في موضوعك ههههههههه
هههههههههههههههههههههههههههه هالحين تلحقه عند الباب وتعطيه قبلة وتبيه يبدا يومه بنجاح !! الا والله شكله بينطل شماغه ويبدا يومه في الصاله
المفاعل النووي بتلقى جوابه عند ابو نوير لان عند جده نووي يحبه قلبك هههههههههههههههه
ههههههههههههههههههه وش ذا المدرس , شكلكم يامهاوش حريصين على حصة الجغرافيا
ههههههههههههههههههههههه حدد اي واحد منهم راعي الفورد الأبيض . ولا ذاك الي تسمع زعاقه وانت في شارع الابراج ههههههههههههههههههههههه ,
هههههههههههههههههههههههههههههههههههههه ياخي اعرض اللقافة عندك مثل اعراض السهال عندي هههههههههههههههههههههههه
ههههههههههههههههههههههههههههه حلووة , تخيلت شكل ركبته هذا وهو متروبع متعفطه اجل لو انه واقف ولابس برمودا وش بتصير بس مدام ان جاركم قال لك  وانا امك ) فهذا دليل انه تعدى مرحلة الحمل وتفرغ للتميس والفول وطلبات البقالة .
هههههههههههههههههههههههههههههههه هههههههههههههههههههههههههههههههههههههههه والله رحمت ذا العنز , المرة الثانية عد بقر تكفى كود وحدة منهم تخثي عليك وتلطس ذا الفتق الي في راسك
ههههههههههههههههههههههههه عاد الي فهمت منك في اول القصة انك اخصائي تحويم بط 
ههههههههههههههههههههههههههههههههههههههههههه هههههههههههههههههههههههههههههه هههههههههههههههههههههههههههههههههههههههههه ههههههههههههههههههههههههه الله يقلعك أشرقتني ياحمار هههههههههههههههههه --> ( يرد عليك وهو ياكل اقط ) والله لوانك رايح لمه في غرفة المدرسين كان بيتغير المكان الي تحط فيه دايم اصبعك أذا بغيت تفكر هههههههههههههههههههههههه بس واضح ان ذا المدرس فحل ينعن شكله ظامن انه بيعلمك الاجابة مع انك ذكر !! الصعيدي وهو الصعيدي , !! قال : (اعمل لكم ايه !! قيبيلي ذكر ) عسى مهوب بس مدرس ذا الرياضيات يقعد مع مدرس الجغرافيا في غرفة وحدة والله شكل مدرستكم بتكتفي ذاتيا من المدرسين , المدارس يجون مدرسينهم من الوزارة وانتم مدرسينكم ينبتون في غرفة المدرسين خخخخخخ
هههههههههههههههههههههههههههههههه ههههههههههههههههههههههههههههههههههههه طيب عاد مدامك فهمت , رح له علشان يوقف شعر راسك صدق
هههههههههههههههههههههههههههههه وانت الصادق تسنه واحدن مطلعن راسه من برتسه , حتى انا يهبلني ظنك ان فيني انا واياك شياطين
هههههههههههههههههههههههههههههههههههههههه ههههههههههههههههههههههههههههههه ذيب امعط , والله يانك رديتها له هههههههههههههه لا وتسان قلت له بعد ان ابوي يقول : اذا خلصت من الشرح التطبيقي فخل ولدي يجرب عملي علشان يرسخ الدرس في ذهنه هههههههههههههههههههههههه --> ( اذا قلت له هالكلمة بيصير فيه تطبيق عملي بس من هو فيه الله واعلم ) ههههههههههههمشكور والله يوسع صدرك بالعافية . والله من زمااااان ماضحكت , وفي نفس الوقت وانا أضحك تنخنقني العبرة , وحول ما أصيح لان الواحد هالحين يسجد لله شكر اذا شاف موضوع مميز مثل موضوعك يا مبدع, يا فنان , يامميز , ياكذاب خخخخخخخخخخخ -> (من زمان ودي اقولها لك )
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
13-05-2007, 12:23 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مسطول يمون
|
وعليكم السلام ورحمة الله وبركاته
الله عليك شكل عند موهبه في السجع وخاصة الكلمه الأخيره
زين اللي وانت تفرررره ما طاح خشمك خخخخخ ولا طلع اصبعك مع يافوخك هههههههههه
ههههههههههههههه شكل مخك مثل الياناصيب زين اللي ما ولعت عيونك كلها علامات دولار <- انطم لا تميلح قدام متهاوش
مهوب بس تسذا الا قل وليلة جمعة يبي يصير فيها تستل لابليس عند كل معرس خخخخ
وش تقوم ووتقعد عليه اعترف يالوصخ <- طار اليوزر بسبة هالرد
شكله انهبل خاف انك تقول ابفطر معكم مقلقل خخخخخ
متابع جيد لـ 15 رجلا ماتو من اجل صندوق
ايه هذاك اول يا متهاوش الحين المدرس يتفلون في وجهه الطلاب ويقولون له يالزلابه
ياخي ليه الحجز احسن مننا يالنجديين كلوبنا دلوخ يوم اننا دلوخ وهم لا فاهمين عيال الذين
^ ^ تراه يدعي عليك يعني يفتح ببسي طايش في وشك يا بيه خز حزرك
طيب يوم يوقف ما طلعت سوائل <---- كل تبن
اهم شي وانت تتفحص المواد ماوقف شعر راسك مره ثانيه
وبعد من الاسباب دحدرة الاسهم رائع رائع والله بكل مقاييس الخبال برايفت متهاوش / ترى زحفنا عليك واستر ما واجهك
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
13-05-2007, 08:07 PM
|
|
||||||||||||||||||||||||||||||||||||||||||||||||||||||||||||||||||||||||||||
|
قضبناه الباب
|
بالله رقمه ضروري عندي كم سؤال ماجاوبه ابوي 
هههههههههههههههه ثم اذا قابلته يجيه غثيان ويطفي السيارة ويرجع للبيت ويخلي الدوام وان
متهاوش مع نفسه اقول لك وماتزعل ؟ 
ههههههههههههههه يعني عشان قالت تاكل فالام تطبخ طيب اللي امه عندها شغاله وماهيب تطبخ وش بتقول ؟ ياخساره اقام وماكملت الموضوع بس اكمله وارجع لك في الشوط الثاني |
||||||||||||||||||||||||||||||||||||||||||||||||||||||||||||||||||||||||||||
|
14-05-2007, 07:51 PM
|
|
||||||||||||||||||||||||||||||||||||||||||||||||||||||||||||||||||||||||||||
|
توه ساكن
|
كخخخخخخخخخخخخخخخخخخخخخخخ
قويه
هههههههههههههههههههههههه
عنوان قوي جدا متهاوش مع نفسه مساء \ صباح الخير تقبل مني .. كل الود |
||||||||||||||||||||||||||||||||||||||||||||||||||||||||||||||||||||||||||||
|
14-05-2007, 09:32 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
توه ساكن
|
الا كمبيوتر بكبره كلوو عشان ياكل عيشو مافيش مستحيل
مشهد أليمـ
وشو ؟؟
حِكم
طيب خلك محارب للأميه واذا فيك خير اشرح لنا متهاوش مع نفسه(وردة) للأمام وقدام وسيدا مع الدرج الدور الأول تمنياتي لك بالتوفيق ابله منيره 
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
15-05-2007, 03:11 PM
|
|
|||||||||||||||||||||||||||||||||||||||||||||||||||||||||
|
ريّس الشله
|
والله يابوفى الموضوع موضوعك والأمر امرك وفي يدك تناولني طرف خدك ((وش فيني مسكت خط)) تبي تحذفه احذفه تبي تسوي الي تسوي سوه ((وجه يقول لأتصدق لأ بالعجرى)) ومن ناحيه هالسؤال والله وش اسوي انت تعرفني ملقوف واطيح على اسئلة دسمه بس وش حقير وماارج ياخي انت لو محلي موقف قدام هاك المدرس ياشيخ ان تعلم بأشياء تصير بينك وبين نفسك وربك (( اشياء خبري خبرك )) اوقف قدام محكمه امريكيه تنفيني لقونتانامو((كذا صح ياشباب))ولا اوقف قدام هالمدرس الواطي المنحط الغبي ابن المنغوليه (( عطوه حبوب نفسيه خلوه يهدئ )) ابو وفى حبيبي رقم خمس واربعين كلماتك العذبه والنرجسيه الفولأذيه (( ياشيني وانا مسوي اعرف اتكلم )) خلتني افكر اطرح موضوع ثااني وان شاء الله ارح يعجبكم لأن فيه حركات دشير وسمرمد وسجن ومخدرات وزحف والخ تشريفك يابو وفى للموضوع بحد ذاته شرف لي وشرف للعائله وللقبيله بأسرها (( ولأزال مسوي يعرف يتكلم)) وتحياااتي المعطره بالصلصه لك ايها الوسيم __________________________________ هلا وغلا بالعنز اللطيفه الله حيها واخبارك وش صار على خدامتكم (( مسوي يعرفها )) للحين مضربه عن العمل ؟ يمكن تحب سواق الجيران وجاها شي من الربشاان الداخلي (( صفقوني اذا فهمتو )) والله الحلو مرورك وتعطيرك للصفحه بريحه الاغنام وذكرتيني بحوش الغنم الي كنت اروح له ايام الصغر واضربت عن الروحه له بالكبر لزوم الدشره وتفرغي لها وانتي خابره اهم شي مصلحه الوطن وفلسطين لنـاا (( ياشين كل تراااب )) _________________________________ زعيم هلا ومرحبتين كبـاار الله حيه بالليل بس واخبارك وش مسوي وش صار على الحشيش الي شريته ؟ (( ملعون راعي اشاعات متهاوش )) زعيم ياللحجي اجل المدرس بطحك على الماصه وصار يطبق عليك ياشيخ كان قلت له رح لمتهاوش طبق عليه (( اسمع بالتضحيات ))والله يازعيم اهم شي عجبك الموضوع وردك لي زادني فخرا ً بنفسي (( قايلكم ماعرف احتسي )) حتى ابوي يوم قلت له زعيم رد علي بالموضوع الي بالشله قالي كفو وانا ابوك رفعت راسي وبيضت وجهي عند الجمااعه (( نسيت ماقولكم ماعرف اسطع )) < وجه يناضر اللورد يقول اوص
ههههههههههههههههههههههههههههههه كل تبن يالفيل الحسااس النرجسي اجل يقولك تعال وتفصخ!!! مشآء الله عليك يازعيم شكلك من نوعيه كلام حلو وكل شي حلو وينك فيه ياخي ابي اصير صديقك (( استح يمتهااوش )) بس وش الشعر الي ناابت في بطنك ومن يومك بثاني ابتدائي ياشيخ اقطعها واحذفني من الماسنجر وانا بحذفك من خلأيا المخ مهوب من الماسنجر وبس (( اعترف واقر اني مصلحجي )) زعيم تسلم حبيبي على الرد مرة اخرى ووصل سلامي لسعد((ابد مالحست مخك)) ______________________________ بسبوسه هلا والله وش هالكلبشه افااا يعني العلم الي سمعنااه صدق ابشري ولأيهمك ابوي يعرف رقيب اول فراش بالمدرسه الي اخر الحاره راح اكلمه يحاول يشوف وضعك المزري (( يتخيل بسبوسه بالتوقيف قضيه تفحيط )) بسبوسه الطـااره
آكيد مما لا شك فيه مصري بياكل الزلط وبيكسر ((الحقر)) ولد الفراعنه بفلوس لو يبي يطلق على جدار او حفرة مندي ماعنده اي مشـااكل بسبوسه شاكر لمرورك وبخلي امي تدعي لك يفكون كلبشتك((وين الرقيب اول يمتهاوش؟!!)) _____________________________
كل تراب عسى ما انقصت اصاابعك على هالرد الي زي وجهك وانت توك صاحي من النوم ____________________________ اللـوورد صعفـق يآحبيبي يابعد راعي الكامري والانترا اللحوج انا انشغـلت فجأه وبدون مقدماات ولأساابق انذاار وبروح وان شاء الله برد عليك والبقيه البااقيه وانت لحالك يبي لك تصفيه مخ وترهيم خلايا جديده عشاان يجي كلاام يبرئ تهمتي من النعااع
|
|||||||||||||||||||||||||||||||||||||||||||||||||||||||||
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
