 |
 |
 |
 |
 |
 |
 |
 |
 |
20-05-2007, 03:51 PM
|
|
||||
|
من ربع الأسره
|
بيت العزّ يا بيتنـا ..!
برايفت/ > يا شيـن اللي يسمـع بالبرايفت ويحسبها كلمة ترحيبية   هل شعرت مرّة أنك ماكل تبن في الحيـاة ؟هل شعرت أنك مميّـز عن الخلق بشيّن لا ذكرته ودّك لو أنك فقدت الذاكره وراه !!هل شعرت أنك إنسـان والناس يشوفونك حمار ؟هل تشعـر أنك ملحط ملحط ملحط ملحط ........ الخ !!إذا ً قوه معي  > حسيت بالإنتماء  ,قبل 25 سنـة كانت فخريـّة بكر أمها .. تلك الفتاة الجميلة التي تخطف الأبصـار وترتعد القلوب ليمن شافتها .. كان بياضها كـ بياض الثلج .. وشعرها حريري الملمس كثيف وسواده كسواد الليل المظلم .. وأنفها كـ حد السيف .. وثغرهاا آآآهـ من ذاااك الثغر كما التووت !!تبقى الأرواح تذكرها طيلة الأوقات  .. كانت مثال للبنت السنعـة .. البنت اللي ما تنطبق كلمة لأ على لسانها بحضـرة والديها .. يذكرها البشـر دوما ً بأيام الخطوبة .. وصار كل وحدة تقول لولدها ليت فخريّة من نصيبك ,كان أبيها يرفض أن يزوّجها لأي شخص ٍ كان > سبحان الله .. كل القصص اللي تطلع فيها البنت حلوة .. أبوها يصيـر حقنة ...الـ فخريـّة .. هاذي أمي > ما رجينا المدح ذا كوولوو ببنت سعوديـّة إلا لأنها أمك .. يقولون والعهدة على الناظرين .. أننا أحيانا ً ما نفرّق بينكم !!أتى أبي الذي يستحقها وتستحقـه .. وفرش لها الأرض وردا ً .. وزفـّها إلى بيتها .. الفيلا التي تتكون من طابقين ودرج بوسط الصالة , تلك الفيلا التي لاقت حسـّادا ً عليها ما بعده حسّاد !! .. أجل وحدة متزوجـة وقبل 25 سنة وتسكن بـ فيلا > ماسكة معي الـ فيلا ...يومنها تسكن بذاك الوقت كان حولها مخطط كامل فاضي .. كنه الأراضي اللي بطريق المطار ,الإنسانة المسكينة هاذي واكبت بناية البيوت اللي حولها طوبة طوبة .. بلكة بلكة .. > يقول أبوي والله أعلم أن منوّل لا جوا يبنون يجون لمّ أمي يتأكدون من المخطط سـنـة سنتين 3 سنين . . . لقطات من بين السنين ,, أختي الكبرى تبلغ من العمـر 5 سنوات / ماما متى بننقل من البيت ؟ الأم/ لا وصلتي المتوسط إلانا ناقلين أختي الكبرى وصلت للمرحلة المتوسطة .. أنا أبلغ من العمر 7 سنين .. أنا/ يمه يمه متى بننقل من البيت ؟> لاحظوا أختي قالت ماما وأنا قلت يمـه .. من يومي وأنا ملحطة الأم/ لا وصلتي المتوسط إلانا متبطحين بالبيت .. أنا وصلت للمرحلة المتوسطة .. أخي الذي يبلغ من العمـر 4 سنين ..أخي / بابا متى ....... الخ ؟ أبوي/ لا وصلت ........ الخ ...... الخ . . بعد 25 سنـة كل البيوت حولنا نقلوا .. وكل البيوت اللي حولنا ترممت .. وحنـّا إن كشخنا كشخنا غيـّرنا الموكيت ,!في عصريـّة من العصريـّات ذات النسيم العليل الذي يداعب وجنتاي وخصلات شعري ويجعلني أكثر أنوثة مما أنا عليه  .. (( من ناحية يداعب وجنتاتس فـ الأكيد أن المداعبة عندتس أن المشق كل ماله يزداد .. والشعر ألتزم الصمت )) .. كـنـّا باسطين في الحوش ونتقهوى قهوة العصريـّة (( بالنيابة عنكم .. يا قدمنــااا )) .. وأنا أرتشف فنجالي .. ولأول مرة يلفت انتباهي خطوط سوداء على الجدار غريبة الشكل والمنظر ... كنه وجه بنت لا غسلت الكحل .. تساءلت شوي مع نفسي .. علّي أجد الجواب .. فقالت لي نفسي التفكير عندتس انتحار .. فاضطريت أني ألتفت وأسأل أميمتي ..أنـا / يمـه يمــه يمـه > تحيـّة لكل من عنده بزر ينشب له لا كان مشغول أمي / وصمـّمـّمـّمـّه هااااه > هاذي اللي كانوا الناس يتسابقون ليظفروا بها أنـا / وشي ذا الخطوط السوداا ؟ أمي / أووه الله المستعان .. هذا من أيام صدّام يومنه يرسل الكيماوي هزيت رأسي بأسى وألم .. يعني وصمة التغبير ملاحقتنا لجدار الحوش .. المشكلة أبوي كل ما جت عزيمة ولا شيـّات جاب سطل بوية وصبـّغ .. ولأن جدارنـا قابل للتصبيغ من يطلعون المعازيم يتقشع > الله وسعـة الوجه اللي تخليكم تعزمون خلق الله بذا البيت ..وأنا في أوج تفكيري وألمي .. إلا نسمـع صوت :: طراااااااخ دررررررررررردب جاااااااااااااااااااخ ...... الخ :: .. ما أعرت الصوت أدني اهتمام وأخذت الترمس وصبيت لي فنجال قهوة ثاني .. وإلا أخوي أبو 6 سنوات اللي لا وصـل المتوسط بننقل بيت جديد بإذن الله .. جاي و فلقه براسـه ويده ممخوشة ... جلس وفتح الشوكلاتة وقعد ياكل  !وقال/ يبا ترى السيكل انكسـر .. > ولا هو بلعنـة اوووه صح .. ما تدرون وش السالفة !! .. منوّل يومننا صغار وإلى الآن لا جينا نلعب سياكل بالحوش .. تصير لنا حوادث ألييييمة من غرف التفتيش اللي مرتفعة عن الأرض 7 سم > خشـّة وحدة محتارة تحط وجه يضحك ولا وجـه يصيح ..وأنا أرتشف الجغمة الثالثة على التوالي من فنجالي .. فجأه بدت قطرات المطر تتساقط .. ولم أرى إلا غبار أهلي .. وقمت أراكض وراهم وإلـى متى ؟ .. الناس لا نزل مـطـر يفرحون / يستانسون / يطلعون يطافشـون .. إلا حنـّا تصيـر عندنا حالة استنفار بالبيت .. ويعود السبب إلى أن جدران البيت كل أبوها متشطبة وتخرخر علينا ليلا ً نهارا ً لا أمطرت .. ما يبقى طشت / قدر / منشفة إلا ونرصـهن .. إلى أرواب الحمام نحطهن !!.. بعد هذا المجهود اللي نبذله بشكل شبـه يومي بليالي الشتـاء من عصـر المناشف .. وتفريغ القدور وغيره .. يعني الناس بالشتـاء يسمنون وأنا أنحف من هالمهابد .. ربّ ضارة نافعة .. رحت لمّ غرفتي وانسدحت على السرير ( وجه يقول نعمـة عندكم أسـرّة ) .. أجل خمس أنفار بغرفـة وحدة غادين كننا مستشفى .. وخذ يا هواش .. صكري النور / أفتحي الباب / نادي الشغالة تكنس اللحين .. لا أبنام / صكري السهاريـّة / أفتحي الستـارة ........ الخ ...رفعت رأسي للسقف مع تنهيدة .. وش تتوقعون شفت ؟؟ عمركم شفتوا ستاير بالسقف ؟؟ .. أبشـركم حنا بالسقف ..عمركم شفتوا مكيف بدون إطارات ؟؟ أبشركم حنا عندنا غمضت عيوني لا أنصدم بديكورات جديدة ثمـّن أنجلط ..فتحت عيوني بعد ما راحت علي نومة .. وأثاريه الليل انتصف .. طلعت من الغرفـة .. ورحت لمّ الحمام الله يركمكم .. يحلفون أني داخلة حمّام بعزبة هنود .. ما تشـوفون إلا مواصير .. ماصورة ممتدة من تحت المغسلة إلى الغسـّالة .. ماصورة ممتدة من الجدار إلى البانيو .. ماصورة ممتدة من .....!! ..وأنا جالسة أناظر التتبع حق الماصورة ... طلع لي صـرصور !! .. شكله ابن الكلب مستقوي جالسن بمكانه ولا يتحـّرك .. رحت أبجيب فليت وأناظره .. حسي به يناظرني بنص عين ويقول / لك وجه تذبحيني وأنتم ساكنين بهالبيت ..طلعت من الحمّام أبنادي شغالتنا .. لقيتها جالسة تكنس .. خبري بالشغالات لا جوا يكنسـون .. يكنسون بقايا أكل .. فتافيت .. قطع ورق .. وإن خرربت مسامير ... أما الضعيفة كسـّرت القاعدة .. جالسـة تكنس البوية اللي تهلّ من السقف .. مشيت خطوتين بعد ما استملكتني الرأفة .. وأسمعها تتحلطم على أخوي الصغيـر/ هنـا سمسم بيت أنا في أندنوسيا ..أحسّها شكّت أنها ركبت طيّارة وجت السعودية > ولا أنتي تشكين !!رحت لمّ الدرج أبنزل للمطبخ .. وأنا بالطريق جلست أتأمل الجدارن .. تقولون صبورة .. هنا أخوي كاتب مذكرات .. وهنا طبعات يدين .. وهنا الجدار متشطب .. مير أبوي يسـوّي مسابقة شهريـة .. يعطي كل واحد منـّا سطل بوية .. وأفضـل من يرقع للبيت ويخفي عيوبه يفوز .. دخلت المطبخ وأسمع صوت مروحة الشفط .. الصوت صوت دبـّاب والشكل شكل مروحـة .. أول ما جت المروحة الحالة وبدت تطلّع الأصوات كنا نشـوف كل الجيران فاكين شبابيكهم على بالهم في مطاردة .. نزلت رأسي من مراقبة مروحة الشفط وأقابل الثلاجـة .. اللي كلها ستيكرات سنتوب وسن كولا قبل 14 سنـّة .. والله لو دروا عنـّا لا كرّمونا على هالتأريخ .. سمعت صوت أميمتي من وراي تسألني عن حاجتي .. وأنهم تعشـّوا وأمداهم هضمّوا اللحين .. ومن هنـا ما كان فيه إلا أني أطلب من المطعم .. اتصلت على كنتاكي .. وطلبت منه مايتي زنقر وحرّصت على أنه ينتبه للسيّارة لا تنسـرق (( بما أن دعايتهم الماصلة ذيتس اللي انسرقت السيّارة علشان وجبة مايتي زنقر )) .. وأنتظر .. أنتظر لمـّا لصق بطني بظهري من الجوع ولا سمعت صوت لا جرس ولا بوري حتى .. لمّـا دقّ التلفون ورديت ..المطعم/ السلام عليكو .. ده بيت فلان .. أنا/ ايه .. المطعم/ معاكي يا أووختي كنتاكي .. دحنا دوورنا على كول البيوت في المكان اللي وصفتيه وما لئيناااش بيتكو .. وأنا بالزبط ؤداام - قدام - خرابة دلوئتي ... أنا/ ايــواا وصلت .. المطعم/ ده !!!!!!! .. هو حدّ ساكن هنا ؟ ... أنا/ هلاا ؟؟ .. المطعم/ لا ولا حااقة الطلب حيوصلك سواني بس ... مع هـ المواقف تتالت عليّ الذكريات .. وكأنها جُرح فتق .... تذكرت حقين البريد لمـّا جوا يركبون الصناديق يومنهم طمروا بيتنا .. ما توقعوا أنه فيه أحد ساكن بهالبيت .. وتذكرت الهندي اللي يوزّع الجرايد .. حاقرنا يحط لنا العدد حق أمس كأن لسـان حاله يقول اللي بهالبيت مهوب لازم يقرون أخبار طازة !!عقب ما وصـل الطلب وأكلت والحمدلله .. قلت خل نكلّم وحدة من البنات .. عاد تلفوننا لا رفعنا السماعة فصل السلك .. كلمت وأنا بوسط السواليف انفصل السلك .. وبعد ما قعدت احوس واشبكه ورجعت لها لقيتها معصبة .. قالت/ مرة ثانية لا جيتي تحولين الخط قولي لحظة ! .. شكل عندهم سنترال .. تحسب كل العالم مثله !!وما زال صوت قطرات المطر المخرخرة تدغدغ أذني ,يمرّ الشتـاء .. ببرده .. بمواقفه .. بألمه .. بـ حزنه , ويأتي الصيف بمعاناة جديدة .. معاناة المكيفات الصحراويـّة .. عندنا اثنين واحد فوق وواحد تحت .. نفتح الموية عليهن وننساهن .. ونجي ونلقى الدنيا غرقانه .. وتبدأ معاناة الـ طشت / القدر / المناشف من جديد ..وبعد المجهود المبذول المعتاد .. جت بنت خالتي عندنا وفجّرت قنبلة مؤلمة في وجهي يومنها قالت / أحسّ لو أحد جاء بيخطب وشاف بيتكم يهوّن  !!حسيت بأعراض العنوسـة مقبلة علي ..فقررت أني أنا اللي أببدا  .. من باب أخطب لبنتك ولا تخطب لولد > يا شيـن اللي يفسـّر الأمثال على كيف أبوه !كانت وجهتي الأولى هي الحوش > منتزه العاهات ,قررت أن أحاول بشتى الطرق أجذب عيال الجيران , طلعت اليوم الأول كانت كل الشبابيك مصكرة .. طلعت اليوم الثاني نفس الشي .. طلعت اليوم الثالث لقيت لافتة عند شبّاك حداهم مكتوب ( لا أبوك لا أبو بيتكم لا أبو شكلك لا أبو اغراءاتك .. لا تحاولين .. تحيتي ) .. ..!! .. يوم وزنّي الشيطان وطلعت اليوم الرابع لقيت كل الحيطان مسوّرة ...دخلت البيت والدنيا مصكرة في وشـّي .. سمعت صوت جوالي يرنّ .. طمرت ورديت ومن يوم رديت السـلام قالت البنت/ شكلك طالعة معليش أكلمك بعدين !! .. > جملة أعتدت على سماعها ..!! والسبب يعود الى صوت المكيفات العادية .. وما أدراك ما المكيفات العاديـّة .. تعرفون صوت النت لا جيتوا تشبكون بـ الدايل أب .. ايوااا بالضبط كنه هو !!فيه شي اسمه مكيفات السبيلت .. هذولي .. نسمع بهن ولا كد شفناهن .. مرة كنـّا رايحين عند ناس .. ومير أخوي الصغير يسحب ريموت المكيف .. ويقول ليش التلفزيون ما يشتغـل ..!!وبجلسة المغرب وحنا جالسين قدام التلفزيون اللي ارساله يوصلنا متأخر نتيجه ان الاريال اللي بالسطح مصدي > عاد أبو يقول هذا لو تطامرون بالسوق ما تلقون مثله أبو 33 ريشـة .. > اللي ما عندهم أريال أطلعوا منها ..سمعنا صوت جرس يدق يدق بحماس .. والبوري صك روسنا .. يوم فتحنا الباب الاه جمس مليان شكله جاي من بره الرياض .. قال لأخوي/ اليوم حريم ولا رجال ؟؟ .. ردّ أخوي/ وشو حريمه ورجاله ؟ ..قال/ هاذي مهوب الجنادريّة ؟على طاري الجنادرية مرة أبوي قالي جيبي مقص .. جبت له مقصّ مصدّي ( هذا المتوفر حاليا ً بالبيت ) .. قال/ وش هالمقص بوديه المتحف شكلي ( يحليله ابوي قاعد يذبّ .. هي وقفت على المقص ؟؟ ) ...!!!ياربي وش ذا مابقى احد ماذب علينا إلى البنقالي حق الباص .. لا بغى يجيب سيرتي قال / بنت فيه بيت قديم ايجي ولا ما في ايجي !!أنتم متعجبين .. حنـّا وش مجلسنـا بهـ البيت !! وذلك لأن أهلي لا يعجبهم العجب ولا الصيام برجب , (( خشـّة وحدة قروية بتصـرّف )) ..!بيوت شرق الرياض كلها اللي انبنت واللي توها تحت الإنشـاء شفناها .. وأهلي كل بيت يطلعون فيه ألف عيب .. أبوي تخصص مجالس.. أمي مطابخ وغرف الحريم ... حتى أخوي الصغير أبو 6 سنين يقول لا غرفة الألعاب صغيرة ما نبيها .. الله يرحم ألعابك اللي رامينها بكرتون ورى الباب !!بالأخيـر أمي رشحت أنها مصكوكتن عين قبل 25 سنـة ..لذلك يا أعضـاء يا أحبابي .. بيدور عليكم طشت اللحين كل واحد يقرا المعوذات وينفث علّ وعسى ينفكّ النحس ,ما يستفاد/ 1) موب كل من سكن ببيت قديم مصوك عين .2) لا تصدقون مقولة الصبـر مفتاح الفرج .. هذا ربع قرن صبـر .. وما زلنا ننتظر أخوي ياصل للمتوسط .3) أثبتت الدراسات أن اللي ساكنين ببيوت قديمـة .. أكثر جمالا ً وأنوثة من غيرهم 4) الجمال جمال الوجـه وليس جمال البيت > منــااااك 4) لا جاء الشتاء منيب داخلة .. خبركم الجدارن تخرخر واللاب توب مهوب هيـّن ..5) برررب .. أسمـع صوت المكيف يخرخر .بغيت آخذ لكم كم صـورة من بيتنا توسعون صدركم فيها .. // لكن خفت الشماتة شوكرا
|
||||
|
20-05-2007, 04:50 PM
|
|
||||||||||||||||||||||||||||||||||||||||||||||||||||||||||||||||||||||||||||
|
ريّس الشله
|
هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه اي والله مشكلتك قرويه ماتحلها ولا الامم المتحده والله رحمتك انتي وحالتك شكلي بسوي لك مشروع خيري بالشله وامشيه على الحاره كلهم اخليهم تبرعون لك عشان تتعدل اوضاعكم ههههههههههههههههههههههههه شكل بيتكم تراث لو يروح الجنادريه اراهن عليه انه يااخذ المركز الاول ,, ومن ناحيه الستاير بالسقف مايعني غلط او تشوه حضاري ببيتكم لا لا انا بأخذها بمنضور اخر الا وهو ان سقف بيتكم زجاج وهذا دليل تطوركم والستاير حاطينها عن الشمس .. بس المشكله ان الستاير شايفتها بالليل يعني شمس بالليل !! اعذررريني مالقيت لك عذر حاولت ادور لك عذر انتي وبيتكم اللي شارينه من ابو لهب بس مااش ماقدرت هههههههههههههههههههههه ومن ناحيه المكيف !! (( وجه يدور عذر )) يمكن موضه !! يمكن المكيف مغرور مايبي اطارات (( مافيه عذر غيره !! )) أختي مشكلتي قرويه للاسف كل الاسف حاولت اعذرك وادور لك حل عشان تتأقلمين مع عيشتك بس للاسف مالقيت .. بشوف لك حل < يكلم الوليد بن طلااال عفوا ً ان الرقم الذي طلبته غير موجود الخدمه (( ايه صفقني !! )) مشكلتي كلمته وشفتي وش صار مفصول جواله عن الخدمه ولا كان خليته يسعفكم بشيك يعيشكم فوق سطح الكوكب ههههههههههههههههه تعالي خلينا نقتبس اشياء حلوه من موضوعك 
ههههههههههههههههههههههههه اكلت تبن بكل انواعه واحلى انواع التبن الفانيلااا اكلت تبن امس وباكل اليوم وغدا ً ........ احلف باكل
اترك الجواب للناس , هل تروني حمـاار !! اذا الجواب ايه حبذا تحطوني حمار بمواصفات اوربيه ههههههههه
هههههههههههههههههههههههههههههههههههههه وش الحمام (( يكرم القاري )) شكل حمام بيتكم يسيّر عليه بدر الدجا وربعه الباكستاانيه ههههههههههههه ولا الصرصور قسم بالله احرررق تاريخك ورصيد ابوك بالبنك بعد هالذبه ههههههههههه لو انا محلك لا اطلب لجوء سياسي لبيت الجيران بعد كلام الصرصور
ماصار بيت !! جدار مدرسه .. شكل اخوك كاتب الحب عذاب وراسم عين تدمع بس عندي لك خطه لو تكتبين على الجدار (( لنرحل )) مع تحيات حركه المعارضه لهذا البيت !! عشان كل ما مر ابوك يشوف الكلام ويحس بأنقلاب عسكري بيتوتي عليه ويضطر انه يطلع من البيت (( وفر خططك لك ياخليفه ابليس بالملاعب !! )) مشكلتي قرويه يسلمو على هالموضوع الرجه ,, وربي مواضيع مثل هذي تفرح انها بالشله وودك تاكلها من حبك للمواضيع هذي (( دايم يخونه التعبير )) تحيـاااتي 
|
||||||||||||||||||||||||||||||||||||||||||||||||||||||||||||||||||||||||||||
|
20-05-2007, 05:47 PM
|
|
|||||||||||||||||||||||||||||||||||||||||||||||||||||||||
|
من ربع الأسره
|
هههههههههههههههههههههههههههههههههههههههه هههههههههههههههههههههههههههههههههههههههه قسم بالله أني موب من العادة أردّ على حدا مواضيعي من أول ردّ .. لكن تمزعت ضحك .. بالأخيـر اكتشفت أن هالشيء سخافة مني مهوب خفـّة دم منك  > خشـة وحدة بتردّ لك نص الذبّ اللي جاها متهاوش مع نفسـه ,, والله إن نفسـي منسدّة وحالتي حالة وماكلة تبن من الحياة .. ويومني شفت ردّك من السخافة ضحكت ,,
لو ترجع وتتأكد من الموضوع .. بتكتشف أني جالسة أتأمل ديكورات بيتنا قبل ما أنام .. أي العصـر .. أي قبل ما تغرب الشمي .. أي عذرك ماااشي ,
ههههههههههههههههههههههههههههه لجوء ولجأنا للمنتدى ولقيناك راد الله يبارك بذا اللجوء ..
هههههههههههههههههه > يا مصللتس أنتي وردتس اللي تسن المطر هلّ عـ الكمبيوتر وعللق حرف الهاء معه ورازن إيميله وكاتب أي هلالي يعاني من حالات نفسيـّة جرّاء الظلم التحكيمي العيني عينك يضيف متهاوش مع نفسـه ,يا مال العافيـة اللي تنطحه عافيـة على هيتس ردّ : ) وأبرجع أكمل ذبّ عليك لأن هذا الردّ كان تصبيرة
|
|||||||||||||||||||||||||||||||||||||||||||||||||||||||||
|
20-05-2007, 07:40 PM
|
|
|||||||||||||||||||
|
مراقب عام
|
هههههههههههههههههههههههههههههههههه هههههههههههههههههههههههههههههههههه ههههههههههههههههههههههههههههههههههه ايه هالمواضيع اللي توسع الصدر تحسس الواحد انه صدز قاعد يقرى موضوع عياري مهوب مثل بعض المواضيع اللي مدري وش تبي مغير نصخ لزق والرزق على الله
ههههههههههه واللي يحسبها مثل سير أو افندم ذا وش تقولين عنه ؟ أول يوم اشوف الواحد يقول برايفت / زعيم اصك الغالوقه واعدل الشماغ واناظر خويي اللي جنبي واقله شف الناس اللي تحترم قبل لا ينطقون اسمي لازم يقول سيّد فهذاك اليوم وانا بالعمل حبيت اكون اتكيت مع مديري صالح عاد مثل ما تخبرين هالمدرا الواحد ما يمسك الكرسي إلا وهو شارب التعليم مع اضفره يعني انسي ينضحك عليهم بالانقلش المهم دخلت مكتبه ومعي اوراق وقلت يا برايفت صالح ناظر فيني بنص عين وقالي انقلع انقلع امسك البوايه انت حدك سكيورتي ويالله اليوم المهم يا خاله موضوعتس ذا يبي له فصفصه بنت كلب ولي باتس الصبح ان قالها الله |
|||||||||||||||||||
|
20-05-2007, 08:18 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مسطول يمون
|
وعليكم السلام ورحمة الله وبركاته..حلفت ماتقومين..
بــــ مشكلتي قروية..
هي جت على تبن بس.. 
أفـــــــــــــــا عليتس .. 
ياليتهم يشوفني حمار كان تهون..
من يقوله..إلا التلحيط.. 
هيا بنا..
خلاص أبتفل..موب قراية بس ونفث..كود تصبحين تلقين نفستس في قصر... لايروح بالتس بعيد..قصر الرياض للاحتفالات... ولا عمرتس تفكرين في النقل من هذا البيت..لأني قريت مكتوب عليه برا جنب الباب..تحت الجرس..بالأبيض..ولكنه باين بعد ماتقشرت البويه.. مـــــــؤبــــــــــــد للأبــــــــــد..  بـــــــــ مشكلتي قروية.. موضوعتس رووووووووعه.. لي رجعه إن كان ودتس؟؟ والله صدز برجع وأمخمخ عليه مشغول بالي هاليومين .الله لايشغلنا إلا بطاعته.. دوتس الوردة ..ولاعاد تتعودينها وتقولين نبغى بيت جديد..قديمك نديمك..
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
20-05-2007, 08:42 PM
|
|
||||
|
توه ساكن
|
صدق اشوف فيك نفس مشاكلي الناس يشوفوني حمااااااااار<<قالها من قلب وكم مره اكلت تبن؟؟؟واااااااااااجد يمكن كثر شعر جينفر لوبيز<<يبي القرويه تقول منهي جنيفر؟؟ بيعذبك والاشياء الي ودي انساها كثير كثييييير وليه اشفط باتكس؟؟؟؟ابي انسااهاا بس الله حق بيتكم افخم من بيتنا بواجد بيتنا مافيه الا غرفه لامي وابوي وليه؟؟؟ وباقي البيت مطبخ!! كل واحد ينام على الجنب الي يريحه<<انت وش تقول؟؟؟؟ الصدق الي اعجبني بموضعك انه زاحف بتقولين ليه زاحف بقولك عشانه يتكلم بصراحه تقولين ليه يتكلم صراحه اقولك بعيد عن السياسه تقولين وش دخل السياسه!! اقولك كل بنت سياستها الكذب وتمجد بمواضيعها الا موضوعك تكلم بشفافيه بتقولين وشهي شفافيته بقولك شوفي قراطيس دفتر العلوم ابو وجهين بتقولين وش دخله يادلخ!! بقولك وش دلخ ؟ تعرفيني يوم تقولين دلخ ؟ انا زعلت الصدق واطالب بتعويض للأهانه من سموك في حق حضرة جنابي ههههههههههههههههههههههههه لحست مخ مخك صح بتقولين ليه تلحس مخي بقولك ليه تقولين دلـــخ!!!  <<ياشيخ بلا لحسسسسسسسسسس اكل تبن مشكلتي قرويه الصدق موضوعك تحفه واحلى شي قريته الصارور الي قالك لك وجه تذبحيني وهذا بيتكم ههههههههههههههههههههههههههههههههههههههههههههه ههه امانه وش ودك انك فيش كهرب بجدار ولا تعيشين الموقف الي صار بينك وبين الصارور!!! انا اشوف انك فتحه جدار تدرين ليه؟؟عشان ارد السبه الي قلتيها اجل انا دلخّ!! <<حط دلخ مخرج ههههههههههههههه مشكلتي قرويه انا لا قمت اخنبق امسك خط لذالك بفصخ ثوبي وبوقف بتقولين ليه تفصخ ثوبك وش دخلها بقولك وش دخلك؟؟؟ هههههههههههههههههه تحيااتي |
||||
|
20-05-2007, 08:51 PM
|
|
||||
|
ذوق فني راقي ( امحق )
|
شوفي انا قريت الين غرف التفتيش والـ 7 سم والموضوع واضح انه قوووووووووووي بس وربي ماقدرت اكمله لسبب ظرف طارئ ولي رجعه له سرررريعة وواضح من اللي قريته انه قوووووي ومن ردود الدشير بعد اللي قبلي يلعن ام الحالة اللي انتي فيها وشكل ولدك اذا دخل الثنوي بينقلون اهلك لي باااك
|
||||
|
20-05-2007, 09:20 PM
|
|
||||
|
نآر على علم
|
هههههههههههههههههههههههههههههه ههههههههههههههههههههههه اما يوزرتس قرويه هذا بالحاله شي قروية اجل هذي مواصفات بيتكم اللي نزلتوه من 25 سنة ؟؟!! وين هاالاوصاف اللي قلتيه ماذكرتني بقبل 25 سنه وبس الا ذكرتني بوفق الاربعين سنة والا احن نازلين في فلة من 25 سنة والى هالحين مهنا من ازين منها لا وفيه ناسن نازلين في المربع قبل 35 سنه واحسن من هالاوصاف اللي تقولينها بس اوصاف هالبيت ماذكرني الا بيت كنا نازلينه في حي السبالة تسبيـــــــــر ومهنا من اكبر منه ايا حن منول نلعب فيه حبشه ومهنا الا ركض ودبجي وماخذنا وماخذن الجماعة كلهم الى منهم جو لمنا ويوم شفته قبل خمس سنين والاي عجزت ادخل مع بابه وش عجزت ادخل مع بابه الا عجزت ادخل السكه بكبرها وعقب الحسره يا الله دخلت على جنب ولا عقب ماتنازلت عن هدومي .. والله ياقرويه وبيني وبينكم والكلام للجميع وماحديتوني على حلف ولا اتسذب الا عليكم اني يوم دخلت البيت خنقتني العبرة لقيت الذكريات وشفت الاطلال على مايقولون شفت كتابات اللي مكتوب فيها ياروحي يافهودي واحسن لاعب العمدة والغرفه الثانيه قد جانيا خالي وكان اكبر منا وكاتب في اعلى الجدار علشان مانطولها ونمسحها :" ياروحي يا ابن دحم ودرويش سعيد واحسن لاعب العقربي وليرى " ايه ياقرويه لو شفتي الجص في المطبخ طايحتن منه صبخة كبر الدريشه ويوم نشدت عنها قال ابوي هذي امك يوم انها حالمة بك كانت متوحمة في الجص وصارت تجرع منه واشوى انها ولدك والا تسان يخلف الله على الجص اللي في الجدران .. يقولون وانا ابوك انها تقرض من هالجص كود انها تجيب وليدن ابيض بس ماش من شافك يقول ان امك ماغير تفنك من هالفحم فنك ايه ياقرويه نقضتي جروحن قديمات .. بس ترى بيتنا كان فيه ذكريات حلوه وهالحين بيتنا اللي في حي السباله الآن معروض للايجار مساحته ثلاثين متر <----- مدري وشلون كنا نشوفه منول كبير المهم ان البيت فيه مواصفات جدا رائعه افضل مواصفاته انه موقع استراتيجي للطرارة قروية قريت موضوعت .. اعجبني اسلوبتس .. ضربتي على الوتر الحساس فدائما الكتابه عن الاشياء القديمه تطق في الدماغ الموضوع مثبت والى المتحف بعد اكتمال ردود ولي رجعه مع الاقتباسات ان تسان الله كاتبه ماكتب اعلاه لم يراجع مطبعيا |
||||
|
20-05-2007, 10:08 PM
|
|
||||
|
مسطول يمون
|
ابداااااااااااااااااااااااع
بس لكم ربع قرن ببيتكم حنا لنا نص قرن يعني بيتنا اعز من بيتكم  ياليتك ارسلتيلي برايفت كان ساعدتك في الوصف لكن خسارة اتغير البيت وما اذكر فيه إلا حكاوي خواتي الكبار وبعض ذكريات الطفولة لأني أصغرهم يعني ابشري آخر واحد أمك تجيبه أعرفي على يده الفرج كنا نفس معاناتكم عايشيين بفلا والناس كلها حاسدتنا عليها قبل نص قرن (ممكن تسلفيني الصحن اللي بنتفل عليه )  ================================================== ======= بغيت أسأل عن تلفزيونكم ؟ حنا كان تلفزيوننا أبو ستارة من خشب بعد مانخلص نقفل الستارة ونروح ننام ، غير أطفال الحي كلهم يتجمهروا عندنا يتفرجو هذا الاختراع العجيب  ================================================== ====== حنا كان عندنا حوش كبير في وسطه مسبح ومع مرور الزمن اتحول لنافورة ، وبعدين اتردم بالمرة ، وبقيت ماصورة النافورة شامخة مكانها ومصدية ناهيك عن القروح والجروح التي أصابت جدران المسبح المردوم . ================================================== ===== وعلى فكرة كم ارتفاع جدار بيتكم حنا تقدري تبني في الغرفة نفسها دورين من طوله ================================================== ===== ممكن توصفي شبابيك بيتكم لاني عجزت اوصف شبابيكنا ================================================== ==== غير المكتبة الأثرية اللي تحوي كتب من ايام اجدادي ذيك الكتب اللي بورق أصفر وجلدتها منتوفة والورق منتف وحالته حالة ، والكتاب نفسه يحتوي على كتابين ( كتاب الكلام فيه مكتوب في النص ، والكتاب الثاني الكلام يكون مكتوب على حواف الكتاب ) طبعا هذي مستحيل نفرط فيها  ================================================== === أذكر أبجورات البيت كانت عبارة عن سلك كهربا ممتد من سقف الجدار لنص الغرفة والاطفال يتسابقوا من يقدر ينقز ويمسكه  ================================================== == أما الكنب كان مفقوش والقطن طارش لبرة والأطفال يمسكوا الأقلام يخرقوا الكنبات لأنه من جلد فيطلع صوت ونـــــاسة مرة . ================================================== ==== ولما كنت ابي اسكر باب اي غرفة كل اهلي يصرخو بشويش لا البيت ينهد  ================================================== ====== صدقيني تبقى ذكريات وبتجلسي تحكي خواتك الصغار زي ماخواتي يحكوني . والله يعينك اقول متى تعزمينا بيتكم . |
||||
|
20-05-2007, 11:36 PM
|
|
||||||||||||||||||||||||||||||||||||||
|
راعي محل
|
هههههههههههه
قريت الموضوع وانا متمزع بطني من الضحك بجد عليكم بيت لاتحسدون عليه 
كان قال عائلي بس خاص فينا >>>من زمان ماجاها كف يعدل المسار
خليه ياخذ راحته على العموم اسمك مع القصه صاير شي خياااااااااااال اسعدني تواجدي وقراتي قصتك ونتقلون اذا وصل اخوك للمتوسط ان شاءالله تقبلي مروري غلاااي اختك:بنووته |
||||||||||||||||||||||||||||||||||||||
|
21-05-2007, 08:41 AM
|
|
||||
|
مسطول يمون
|
هههههههههههههههههههههههههههههههههه هههههههههههههههههههههههههههههههههههههه على الجرح والله ماودي اقولك اننا زيكم بس حنا احسن منكم بشويابوي يقول لخلصت من العمارة ببني لكم والحين قريب بيبني ناطحة سحاب وعقبها نبي ننقل وماعليك من عيال الجيران ترا حايمتن تسبدهم من البيت جربي لك مرة وروحي منفوحة اكيد بيخقووون وبتلقين العريس المناسب
|
||||
|
21-05-2007, 08:01 PM
|
|
||||
|
توه ساكن
|
قال لأخوي/ اليوم حريم ولا رجال ؟؟ ..
ردّ أخوي/ وشو حريمه ورجاله ؟ .. قال/ هاذي مهوب الجنادريّة ؟ ============================== <<< حسيت ان الباب من خشب خخخخخخخخخخخخخخخخخخخخخخخخخخخ الله يسعدك على هيك سالفه والله وسعتي صدري فيها ذكرتيني بايام مضت <<< ما قالت شي |
||||
|
22-05-2007, 11:23 AM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مسطول يمون
|
ايه عاد هع هههههههههههااي
بس تبن اكلت تراب بعد
اذا هو ثلج الثلاجه اعوذ بالله يعني وجهها شفاف
انا قلت تمدحين بنفسك من اليوم زين ماسويتي
شبعت من الكلمه ذي 
سم الي يسم بطنها انا من رايي لاتدفعون لها راتبها وحاولو تزودون عليه كم قرش وتشترون قصر
والله عاد لو تجين بيوتهم تقول ساكنين بزريبه على ماقالو هم هع هع انواع الروائح هع هع  برايفت على قولتس هع متهاوش مع نفسه
حمار وبس حمار وايذانك طوال بعد هههههههههايمشكلتس قرويه والله موضوعك تحفه ومن حقه يروح للمتحف قديمكـ نديمكـ 
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
22-05-2007, 03:49 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مراقب عام
|
ههههههههههههههههههههههههه ايييه يا فيلا الله يسقي زمان اول ، على خبري الشايب حقي يوم شاف اخوه تزوج عيّا يحظر عرسه لأنه زعلان شلون اخوه يتزوج وهو لا برايفت / ابوي <-- هالحين اقول برايفت وانا مطمن ان معناها لو سمحت اسمحي لي والله حركات مبزره خل شنبك ينرسم على وجهك ثم فكر بالزواج لكن الشرهه على جدي ما سنعك اجل تبي تظلم امي بعمرك الصغير ؟ <---- وده يذب بس قلبه ما يطاوعه وفي يوم زواج اخو ابوي ( اختصر وقل عمي يا حمار ) والمعازيم بدو يتوافدوا على القصر (زمان مهنا إلا خبوت مد زوليتك وخلهم يقعدون ثم وصل سلك واشبك فيها لمبات كوع ووصل السلك للماطور وصلى الله وبارك اما الحريم نحوّط عليهن برواق عشان لحد يشوفوهن ) المهم ان ابوي فضح جدي بين المعازيم وقاعد يبكي يبي يتزوج مثل اخوه ( لعب عيال هو ؟ ) يبن الحلال اسكت خل العرس ينتهي وفيها الف حلان ، لكن ابوي معزم إلا يتزوج ولا يخرب عليهم فقام جدي ويدبغه قدام الناس لين عرف ان الله حق ثم يروح ابوي لماطور الكهرب ويطفيه ههههههههههههههههههه ويصارخ على جدي يا تزوجني يا اخرب عليكم ،،، جدي : الله البلشه مع ذا الحقنه زين زين وانا ابوك خذ ذا بشتي البسه واقعد جنب اخوك واي واحد يقلك مبروك قله الله يبارك فيك وعقبالك ابوي : حب راس جدي وقالّه والله ذا المعروف ما راح انساه لك جلس ابوي جنب اخوي وقالّه وين بتقضي شهر العسل ؟ عمي : والله ما فكرت بعد ،، يمكن ابني لي خيمه عند غنمي عشان اكون قريّب منها !!  ابوي : والله انك سبهه عريس وتبي تقعد عند غنمك !! عمي : طيب انت وين بتقضي شهر عسلك ؟ ابوي : بروح اثبانيا <--- انخلع سنه عقب مدابغة جدي المهم تعشوا المعازيم ولا عليهم بالخير وراحوا ثم قام عمي عشان ياخذ حرمته ويروح لصندقته ( لا تستغبرين اذا بيت قبل خمس و عشرين سنه تسنه كهف في مداين صالح وش حال بيت قبل خمسين سنه ؟ ) ابوي عدل بشته و دربى راسه مع اخوه يبي ياخذ حرمته ويمسكه جدي هيه هيه وين رايح ؟ ابوي : باخذ حرمتي !! جدي : ومنهي حرمتك ؟ ابوي : والله مدري !! جدي : ما تدري هاه ؟ ويطلع العقال من راسه ( وبعدين عُقل زمان دورين ما ينقصها غير لوحة اعلانيه وتصير شقق مفروشه وهالنوعيه من العقل ما ينمزح معها ) وئئئحئئئئئئئئئئئئئئئئئئئئط <---- صوت العقال في الهوادوووووف كخخخخخخخخخ ( لا يروح بالتس بعيد مهوب صوت اصطدام ذا صوت العقال في ظهر ابوي بس عشان الظهر يابس وتحسينه قزاز انكسر ) يالله يالله رح نم قال بتزوج قال حنا ماصدقنا نزوج اخوك وتجي انت تبي تتزوج !! ابوي : يااخي حرام عليك خليتني اعيش بأحلام واتوهم اني ابو عيال ومعي بيت فيه مروحه جلاسي والفانوس بدال ما نحطه بالارض ولا فوق الطربيزه نعلقه بمسمار ع الجدار وفي الاخير تقولي ما اتزوج !! جدي : لا كبرت وانا ابوك هالحين انا محتاجك توقف معي الغنم كثرت و كيس الشعير سعره وصل 17 ريال وحزمة البرسيم بـ 15 ريال وانت احسب معي في الاسبوع الواحد نحتاج 31 حزمة برسيم 30 للغنم و وحده لمشكلتي قرويه كم يطلع الناتج ؟ احسبي الناتج وقوليلي عشان اكمل السالفه
هههههههههههههههههههههههههههه يا حليلها امتس تعرف تصرف !! بس تدرين وش ذكرتيني فيه ؟ اذكر يومني صف خامس ابتدائي نزل بالاسواق ( الاتاري ) مثل السوني هالحين وكل اصحابي معهم اتاري ويلعبون لعبة الفطر وحريفين فيها إلا انا ماعندي هالاتاري وقلت لبوي يبه اشتري اتاري مثل صاحبي ماجد رد علي ابوي وقالي اوعدك وانا ابوك اذا نجحت من الابتدائيه ورقيت للمتوسطه اشتري لك اتاري قلت له يبوووي على مين تلعبها يوم انا بصف ثاني قلت لك اشتري لي سيكل وقلت لي اذا نجحت بشتري لك ويوم نجحت شريت لي قعّاده حقت البزارين وأول ما جلست عليها تطعجن كفراتها ونشبت بداخلها وهالحين تقولي اذا رقيت للمتوسطه وعقب ما ارقى لها بتشتري لي سيكل ثلاثه كفر !! العالم يبوي تتقدم وانت كل ما تمر سنه تشكنا ريوص عشر سنين فالزبده يبوي ابي اتاري يعني ابي اتاري  ابوي : تبي اتاري هاه ؟ ايه ابي عندك مانع لا والله ماعندي مانع طق طق طق طق طق طعععع <--- صوت ضروسي مبنطه في الجدار من الكف والطعععع صوت ضرس العقل بنط في جبهة اخوي بس ما تلاحظين عايلتكم خمس افراد تحسينها عايله فنزويليه مهيب مثل عوايلنا 9 بزارين والعاشر بالطريق وعمر الام 30 سنه يعني لو تكح اخرجت لها بزر !! ولو حسبنا ان الام متزوجه وعمرها 15 سنه ووصلت 30 سنه ومعها 10 بزارين وباقي على سن اليأس 15 سنه يعني ممكن تجيب خلال هالفتره 10 بزارين يطلع الناتج 20 بزر !! وش ذا التخلف يا عالم !! معقوله حريمنا نقارنهن بدجاج الوطنيه !! و حتى دجاج الوطنيه لو تقعد عشرين سنه ما جابت عشرين صوصه وحنا مغير فتك بذولي الحريم لين غدى بطن الحرمه حصالة بزارين كل مااحتاجت واحد من بزارينها يشتري له بريال خبز ولا لقته بالبيت اخرجت لها بزر من بطنها عشان يشتري لها !! الله المستعان بس
هههههههههههههههههههه صحيح ان بعض اللي بيقرون موضوعتس مغفلين واخص بالذكر ابو وفى وبعضهم دلوخ واحيي دعلج على روحه الرياضيه وبعضهم حمير واحيي فيني هذي الصفه ولا انسى طيب الذكر متهاوش مع نفسه ولكن هذا المقطع اذا عدّا على المغفل وعلى الدلخ لا يمكن بأي حال من الاحوال تعدي على جميع الحمير صحيح عدّت على الحمار الاول متهاوش لأنه حمار غبي ما يفهم بس صعبه تعدي على الحمار الثاني لأن مو كل الحمير اغبياء والدليل انه اذا راح مع درب لا يمكن ينساه يروح ويرد معه ولا يضيّع وانا من هالنوعيه الله يسلمتس خخخخخ فباللهي عليتس شلون سالفتتس قبل خمس وعشرين سنه والخطوط السوداا من ايام صدام يوم ارسل الكيماوي !! مع العلم اني سالفة صدام ما صار لها 18 سنه اذا منيب واهم ،، ترى الخرط والهلس ما يمشي علينا بذا ،،، ايه خلتس فطيييننه ولا يغرتس دلاخة البعض منّا ،، تبين تمشين علينا معلومات سياسيه ملفقه يقالتس محنب فاهمين بالسياسة فذي كثري منها !! ترى عندنا دش ونتفرج على الجزيره والعربيه ونعرف فيصل قاسم وايمان بنوره <--- كل هالرد عشان يقول معنا دش في بيتنا
هههههههههههههههههههههههههههه ساكنين في مداين صالح انتم؟ احس ان الدوله متحسنه عليكم بجبل فيه غرفتين وصاله وحمام وقالت اسكنوا فيه بس لا توصخون جدران الجبل لا تقولين ابوتس يمشي بعصاه مسوي فيها عايش بالعصر الحجري خخخخخخ
ايييييييييه <--- تنهيدة البدو على خبرتس التنهديه نوعين سعوديه ومصريه السعوديه : ايييييييه مثال : اييييييييييييييييييييييه يا حزم الضامي المصريه : أأه مثال : حبيبي وئف نص وبص وآآه ونص فالتنهيده هذي ما جات من فراغ وانا اخوتس جات من كبت ومعاناة و دمن ماكله في الحياه يعني اشوى منتس ياللي تاكلين التبن اذكر قبل 15 سنه ايام الملك خالد <-- مهيب فايته عن سالفة الجدار المنشخط بخطوط سودا ،، قالي ابوي هاك 100 ريال رح اشتري لنا كيلوا سمك لأن ابو طلال توه جاي عندنا ونبي نغديه بس بسرعه تكفى قلت زين زين يبه الحين اخذ السيكل ومسافة البرحه ( على خبرتس ذيتس الايام مهنا زفلت ولا تسان قلت له مسافة السكه ) وادرعم بسيكلي لم المطعم وادق بوري على الافغاني صاحب المطعم ( بوري ابو كوره سودا نضغط عليه ويقول طاااط ، انتسانس تعرفين الهنود اللي يبيعون البطاطس في عربيات خشب ) المهم قلت للأفغاني اقلي ثنين كيلوا سمك ( لاحظي ابوي قلّي كيلوا واحد )ويقليه ولاّ عليه بالخير ويحطه لي في نايليون شفااااف والسمك حااار توّه مطلعه من الطاوه والزيت يشهد الله بعده ينقط واحط كيس السمك في دركسيون السيكل وادرعم للبيت وانا اغني اغنية تذكار حقت خالد عبدالرحمن على اول ما نزلت ( الساعه 2 الظهر والاخ فايق يعني تذكار ) شوي احس بحروره ماكلتن رجلي اثر السمك قطع الكيس من تحت ويسقط في الارض عاد انا ما نزلت نظري اخاف انزّله ثم احظر في برميل زباله لين قربت من البيت واناظر تحت عقب ما تطمنت ان مهنا براميل زبايل قدام بيتنا مير ناكل وننطل في الشارع حتى اننا مسوين حديقه من الرز وبذر الجح اللي ناكله وننطله قدام باب بيتنا ، المهم و أول ما ناظرت وراي إلا وكيس السمك فاضي واطالع وراي واشوف السمك صاف سره بالارض بين كل وحده ووحده خمسه متر ،، لحوول هالحين وش اقول لبوي مشتري ثنين كيلوا سمك بستين ريال ولا اجيب له سمكه وحده !! وانزل من السيكل واتناول اقرب سمكه مني واقضب ذنبها وامشي للبيت وكل شوي تسقط مني لأنها بعد ما بردت من حرورة الزيت واحتست مع هالحاله مره امص اصبعي ابيه يبرد ومره اقضب ذيل السمكه لين وصلت البيت وادق الباب ويفتح لي ابوي وانا قاضبن ذنب السمكه ويقولي وين الغدا ؟! قلت له امسك بس امسك خن اروح لسيكلي قبل لا ينسرق خخخخخخخخخ واعطيه مقفاي بروح للسيكل ويمسك فانيلتي مع ويشدني لداخل البيت وياخذني تشويت لين وصلت المطبخ ولك الله كان وده يحطني بالفرن بس امي حبت راسه لين فكني انني اعاني من الاضطهاد <-- طيب كل تبن كبر اللي انت خابر
ههههههههههههههههههههه واللي سقفه بوه جحورة ضواطير وش الدبره معه ؟
يا شين اللي ماخذ فكرة غلط عن سواقة الحريـم !! وش دخل الطاره بالمكيف !! ولا انتم مألفين دركسيون بالمكيف عشان تلفون الريش همن تبرد الغرفه ؟ والله حرام فيكم كهوفة قندهار يا ام مكيف ابو طاره
ههههههههههههههههههههههههه والله على ذا البيت احسكم شغالين استجمار و تيمم قال مواصير ماء قال ،، وبعدين وش معيّش الصرصور في ماصورة حمامكم !! معقوله الماصوره مهي منغلقه من الطحالب !! اصصص يا شيخه مره واحد هندي ريّح ضميره في حمامنا اول ما طلع انسدت المجاري فقام ابوي زرقني في حفرة الحمام عشان يصيّخ المجرى !! و طلعت تسني اسكريم شوكلاته ابو طربوش ناقص اثنين مني ويكرتوننا ،، بس لتس الله ما انسدت مجارينا عقب ذاك اليوم لأني شقيت المواصير وصارت تهرب من تحت الارض على بيت الجيران ( مااش المواصير مهيب اصليه ) <-- البلا منك يالضيط انني مضطهد في هذي الحياه <--- طيب كل تبن اكبر من اللي انت خابر
احلاااا حتى الاندنوسيه معكم في مداين صالح !! اكيد معطينها جبل صغيّر فيه غرفه وحمام على قد حالها !!
المهم يا خاله ما بحيلي كل شوي اقتبس من موضوعتس وارد عليه لاني بصراحه بتعب وانا ما عطيت الموضوع حقه لأنه من النوع الثقيل فالزبده قلمتس مكسب للشله اتمنى استمراره عشان تعم الفايده للجميع <---- ابو وفى متلطم المضطهد في الحياة الفقير الى ربه / زعيــم التسسسسسسس
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
23-05-2007, 12:35 AM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
من ربع الأسره
|
welcome > يا شين اللي موب حافظن بالإنقليزي إلا ذا الكملة خخخخ :D
> بما أنكم كلبوكم أو معظمكم كانت ردة فعلهم إيجابية ناحية السؤال ,وجودنـا ببيت قديم لا يعني فقرنـااا (( صورة وحدة جالسة تحذف رسايل تستفسر عن رقم حساب التبرعات )) .. برايفت. زعيم التنسيم يومني شفت ردّك على بالي عضو منزّل موضوع عندي بالغلط  ,
يمدحون الخبـز الناشف ياخي ..أجل تبي أتـاري .. تبطي عظم .. أنا كمبيوطري مجمعتن فلوسـه ريال ريال > برايفت أهلي / وش رايكم بالجحدة ؟
هههههههههههههههههههههههههههههه طبعا ً لو أبمشي على شغل التحجير حقك .. كان ما خلصت !! .. أجل أبوك متزوج على أيام خيط اللمبات بـ ماطور .. وأمـك عمرها 30 يالظالم ..نمشيهـاا .. ونقول ماخذها الثانية .. بس كيف جيت أنت خخخخخخ ؟
ما ودي أوضح لك الغلط اللي أرتكبته أنت بالفلسفة .. علشـان ما أثبت لك زود أني ساكنتن بالبيت المذكور أعلاه المضطهد .. طعع طييع طرااخ دش على ذا الردّ زعيم // لا هوونت على ذا الردّ اللي تسنك تحاتسي نفسك فيه > اكسكيوز مي براااااا / / مسطولة غير دنماركية هلا بتس > القلب ذا ردة لقلبتس مهوب حبن بتس > وجه أحد يرد عليتس أنتي
اللحين شخطتي من البرايفت للطشت بهـ السرعة ؟؟أحسّ أن الجدران تتمدد  .. والأثاث انقلب .. وش ذا ؟!! .. انقلب البيت قصـر
إلا ودي يا بعدي 
آميــــن , منيب مسويتن قفلة للردّ إلا لما ترجعين : ) ننتظر العودة / / أ\ انحـرآف يا مرحبا بك
منهي جنيفر ؟> صورة وحدة راحت لقوقل وكتبت شعر جنيفر لوبيز >> ما ودتس تبحثين مرة ثانية
خخخخخخخخخ لا افسحوا لي المجال بـ الأسرة بنزل موضوع ( كيف تحافظي على أنوثتك ِ ) .. > صورة يدين شهبه لا حكّت بالملابس طلع صوت خخخششششككخ من النعومة
ههههههههههههههههههههههههههه ههههههههههههههههههههههههههه تمنيت أني فيش المكيف الصحراوي اللي يخرخر ويلتمس الكهرب مع الماء وينفجر بي .. ولا أسمع ذا الكملة من الصرصور هههههههههههههههه انحـرااف // يا مال العافيـة على ذا الردّ القصير القوي / / دعلج هذا وأنت الراس الكبيرة .. قلت برب ولا عاد رجعت > متشرهة خخخخخخ
متوسط اذا سمحت > من عقب ذا الموضوع صارت ذبّة الموسم علي سالفة لا وصلت المتوسط -
بانتظارك / / لي بـاااك اذا الله أراد
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
