.
.

السلام عليكم و رحمة الله و بركاته .. يالله حيـّهم
طبعا مما لا يخفى على عاقل .. إن هذي أول مره أكتب موضوع لـ التي في
لذلك يا الساري و خالد الشوق ارفقوا عليه .. ترى مب ذنبه إني كتبته

.
.

بسم الله نبدأ

.
.

البرنامج اللي محوّمن تسبدي يعرض ع قناة :



.
.

البرنامج :



بـ حتسينا يا العرب : تبادل الزوجه

.
.


فكرته :

ياخي ورى ما تعطين حرمتك كم يوم و أعطيك حرمتي
هذا بإختصار و سـ نوافيكم بالتفاصيل لا نزلتوا حدر .. لحد يدف

.
.

خطمه قبل نبدأ :
<< يقاله تب تحمسكم أكثر

طبعا كلنا عارفين إن بعض البرامج الغربية غبية
و أكثر " بعض الناس " حاكوها في الديكور و طريقة البرنامج وكل أبو شي ..
بعض الاستثناءات صارت في بعض البرامج .. بس Still << مشكله اللي ثقافتهم ألماني

الحتسي أوما لو يجيبون هالبرنامج عندنا .. يووووووه يا إن النت بالسعودية يب يهنق تهنيقة ما صارت و لا استوت ..
و يب يقوم سوق وزارة البرق و البريد و الهاتف .. الله أعلم يب يرجعون للحمام الزاجل كود يمديهم يلحقون ع الطلبات

عاد تب تطلع لنا العاهات و كلن يب يرز اسمه و صورته و آخر سكبه في فورمات التسجيل ..
و لا هانت مسكة المفتاح و التعنقط فـ باب أقرب سياره كعادة شبابنا حفظه الله لا طقت ساعة الترزز
طبعا حتى حريمنا يب يصير لهن فورمات تسجيل و مواصفات خاصة لأجل تختار زوج(ن) جديد ..
و يب يقوم عزّ الكحل و شدّ البراقع .. مب على كيف أبوكم بس أنتوا اللي تختارون حريمكم بلا

.
.


فكرة البرنامج :

أي زوجين يقدرون يشتركون في البرنامج " لازم المشترك يكون عنده عيلة مب يجي عزابي يهج الباب و يقول من يبادلن " .. البرنامج هذا مب مسابقة و لا تنافس .. بقد ما هو محاولة للتغلغل إلى البيت الأمريكي و معرفة وش يصير فيه من يوميات و مشاكل و العرض راح يكون مباشر ع الهواء .. يا خي هالامريكان كلش يدعسون خشومهم و كاميراتهم فيه تغلغلت روحكم بلا

اللي يب يصير .. إنه و لمدة 10 أيام .. راح تبدّل الزوجة بيتها و زوجها و عيالها .. و تروح لم بيت ثاني .. إيقال إنه أمهم .. و تحاول تتكيف وتتصرف على إنها هي راعية البيت و الأم البديلة طول الفترة المحددة .. تحط قوانين و تغير قوانين على كيف أبوها .. يعني بالعربي تأخذ راحتها على الآخر .. و ما يحتاج نفصل هماه

قال هدفنا من البرنامج : " لأجل نحدد تأثير هالتغيرات ع العوايل و نتعلم و نستفيد من هالدروس " قال ..
علينا يا مناحي .. مير على قولة يونس شلبي - مسرحية العيال كبرت - : " روح بس إقري يا عم "

.
.

طريقة الاشتراك :

ع البريد .. أو أونلاين ..
بس بشرط ضروري تكتبون رقمكم لأجل يتصلون عليكم لا تتركونه فاضي تحسبونكم بالـ هوتميل

.
.

اقتباسات من بعض حتسي الحريم :

هالاقتباسات تم اختيارها عشوائيا من بعض المقابلات .. نب نبدأ مع الزوجة التقليد " حتسيها يب يكون بالأزرق " .. همن مع الزوجة الأصلية " باللون الأحمر " .. تعالوا نشوف كل وحده وش تقول عن شغل الثانية و ترى الترجمه على كيف كيفي لا أسمع [ أ ]





[ بيني Vs بيني ]


- بيني -
"حاولنا نرقع منـا و لاّ منا فـ صورتها بس ما نقول غير : واخزياه "

اقتباس: 'The thing I felt most difficult was the general smell of the house because I can't stand animals'

و الله ما واجهتن صعوبة غير ريحة الحيوانات اللي في بيتس ..
و لاّ الباقي تمام الحمدلله سهلها ربتس << خشه تغمز




- بيني -" أوخس يالأحمر "

اقتباس: She did no cleaning, the place was disgusting and my family was fed up of microwave meals'

كولي تبن .. ما نظفتي البيت خير شر ريحته حومت تسبدي ..
فالحتن تسخنين الأكل في المايكروف و تقحنين فـ بطون هالضعوف ..
خسرتينا كهرب يقلع شكلتس يا بنت الشسمه





[ تانيا Vs اليسـا ] << تراها وحدتن ثانيه غير خويتنا لحد يفق خشته



- تانيا - " تذبحني القذله "

اقتباس: It's made me look at what I have more and has confirmed what I already knew – that I'm a very lucky person and have a great family. I think you assume that everyone's life is the same, but it's not – I'm very lucky Only if I could swap with a different family. I enjoyed the swap, but it wasn't what I was hoping for

و الله ما حلفتين .. خلتن أحمد ربي على نعمة عيلتي .. و لا ّ ذي عيله اللي مرسليني لمهم الله لا يخسف بنا
و لا نيب متحسفة على المشاركه .. بس يمين بالله لو أشارك مرتن ثانيه و يحطونن مع نفس عيلتس ذي إن أفجر بكم



- أليسـا - " تراها اللي ما سشورت شعره أبد "

اقتباس: I think Stephen wanted me to change and be more like Tanya! But, it's taken me a lot of hard work to become successful in my business and I'm working to provide the best future I can for my girls so I feel it is worth it. it was a great adventure and I always like a break from routine. I loved the animals and the kids on my swap and always like to experience different cultures so I'd jump at the chance to do it again!

الله العالم إن رجلي - أنت يا ستيفن - كان يبين أغير جو و أكسر الروتين اللي محومن تسبده كل يوم ..
و الله يا إني خقيت مع بزارينتس بعد .. دايم أحب آخذ فكرة عن عادات و بيئات ثانية غير عن هالرجل اللي حسر بي ..
و لو صارت لي فرصة ثانيه أبجي بيديني و رجولي حتى لو نفس العيلة غصبن عنتس يا عجوز ابليس





[ ليـسا Vs داون ]


- ليسـا - " نعبنوا الثقه "

اقتباس: I'd say I was a different person while I was away – up until the table meeting. The experience taught me to calm down but meeting Dawn got me all riled up again. I'd say that I'm slightly calmer overall though. Definitely – I'm still really interested in how other people live their lives.

منيب ذيك الكمخه اللي ماتعرف شي منوّل .. بس الصدز إني استفدت من هالتجربة .. لو ما يجي منها إلا إني أتربع على ثلاجتس متى ما طقت براسي و لا حد يقدر يهوشن هماي أمهم ؟ و تراي ما ضربت بنتس وراها تصيح





- داون - " والله يا عليتس اسم مدري وش يبي .. بس الستر زين هماه "

اقتباس: No, not at all. I appreciate what I have more, but I don't think I've changed. A: Yes, I'd love to. I'm very outgoing and I think you can learn a lot about life from these experiences. It's a lot like being taught – it's very interesting.

أبدن ما أخذت خبره ولا هم يحزنون .. بس حشمتن لتس و للسامعين أحس إني تغيرت و غيرت جو .. بس عشان ما أبدأ أفضفض و أغلط عليتس .. و ما عندي مانع أطقطق بيوت الخلق مرتن ثانيه .. بس بشرط ما تجي بيتي وحده مثلتس يا قاهرة الثلاجات


8
8


أظن يكفي مناقر أنتي و ياها
مضطره أنتقل للفقره اللي بعدها .. لأني لو أبجلس احتريهن ..
و الله ما نقضي إلا الفجر .. خبركم حريم و هرجنا ما يقضي

.
.


قفلة

البرنامج مبطي سامعتن عنه .. بس اللي خلان أتحمس و أنزل عنه موضوع / تغطية .. مب زينن فيه و لا دعاية له و ربي .. !
بس اللي رفع ضغطي .. إيميل وصلني عن هالبرنامج .. كانت الخبرية تقول :

اقتباس: لندن - الوطن - تعتزم مسلمة منقبة مبادلة زوجها لمدة اسبوعين مع امرأة بريطانية لديها ابنة سحاقية في السادسة عشرة من عمرها، وذلك في اطار برنامج "وايف سواب" الذي تبثه القناة الخامسة في التلفزيون البريطاني. ونقلت صحيفة "ذي صن" البريطانية عن مصدر في البرنامج قوله ان "الامر يبدو ضربا من الشعوذة، لكن هناك وجهة نظر جدية في هذا". واضاف المصدر انه "مثل كل عملية تبادل ازواج، فان الامر يتعلق باجبار الناس على مجابهة ارائهم في تربية الابناء وادارة المنزل". وبحسب الصحيفة، فسيكون على ان المرأة المنقبة التي تعيش مع زوجها وابناؤئهما الثلاثة وفق تعاليم اسلامية متشددة، ويصلون خمس مرات في اليوم ويتجنبون الكحول، ان تتبادل حياتها مع المرأة البريطانية "المتحررة جدا" لمدة اسبوعين. وخلال ذلك، ستقوم كل من المرأتين بفرض قوانينها على البيت الذي ستحتله. وستقوم القناة التلفزيونية ببث البرنامج الشهر المقبل. وتشير الصحيفة الى ان منتجي البرنامج سيقومون بمحاكاة نفس التجربة في نسخته الاميركية، وانها تعرض ما يصل الى 15 الف دولار للعائلات التي توافق على خوض هذه التجربة.

- إن كان الخبر صحيح و خالي من رتوش " الوطن " -
فـ هزلت و رب الكعبة !

.
.


بـ برقع /

مليون شكرا على تحملتس غثاي و سترتس للبنيّ اللي فوق
و سلمي على أختس تكفين و قولي له ما تشوف شر خصوصا يوم السبت

.
.

بـ للكل /

نحتري تعليقاتكم - يالله لا تخلينا -
و و و .. بس

.
.

باك


خالد الشوق
ميرسي ع التثبيت يا وخيي و نحتري الباك



جريده
نحتريتس يا ألبي


عطوره
لبى قلبتس
بس ترى الديار اللي تعنينها مب القصيم أبد .. هماه

يسلمو ع الرد يا بعدي


شي ما
ما فكرنا فيه يا وخيي .. بس انت ارتاح و حياك الله


فيتامين سي
ما عاد إلا هي يقلدونه .. مع إني من تالي ما استغرب شي

اقتباس: فيه برنامج مشابه اسمه House-swap من زمان اشوفه وفيه حلقات مجنووونه وكلها هوشات <<ياحبني للشر

بعد اذنتس فيتامينه ..
برقع تشوفين اللي أشوفه .. قالت ابعلمتس السبت قالت << يختي يا هي ستر عنز قسم بالله
سلمي عليها بس و قولي ما تشوفين شر

فيتامينه .. عاش من شافتس

.
.

ألف شكر للي ردوا .. و لي باك أكيد للبقية
بس حاليا وراي زحمة شغل للسوالف العذر و السموحة

حـــيـــــها

ياشيخه ما بغيتي ترجعين لنا .. وش ذا التغلي يا كافي .. قسمن لتس وحشه ..

::

اقتباس: الحتسي أوما لو يجيبون هالبرنامج عندنا ..

لا قاله الله يا شيخه ..

بس لا تستبعدين شي << .. في وقتنا من تالي كلش يصير الله يتوب علينا

اقتباس: طبعا حتى حريمنا يب يصير لهن فورمات تسجيل و مواصفات خاصة لأجل تختار زوج(ن) جديد .. و يب يقوم عزّ الكحل و شدّ البراقع ..

عاد أتخيل حريمنا قبلهم يتمشون بـ أجلتهم " جمع جلال للي ما يفهم " .. والجلابيه الخضرا طالعه مع تحت ..

ياربيييييه .. الحمدلله ع نعمة العقل بس

اقتباس: بقد ما هو محاولة للتغلغل إلى البيت الأمريكي و معرفة وش يصير فيه من يوميات و مشاكل و العرض راح يكون مباشر ع الهواء ..

والله من متابعتي النادره له .. ما لفت نظري " غير المطاقق و الملاسن طبعاً " .. إلاّ وصاخة بيوتهم والقرف اللي هم عايشين به

صدق لا قالوا الأجانب وصخيييين .. ولا عيالينهم يالله لا تبلينا .. مبزره ما يتعدون ركبتي قسم " وبدون قصد الإهانه لـ أي شخص كان " والله يا عليهم لسان أطول منهم .. كلامهم وصخ بـ شكل .. لين ماجازت لهم الأم الضعيفه اللي جايبينها لهم هاااات يـ السب والكلام المشفر ..

إحشموا ضيفتكم ياجعلكم لـ المرض .. ولا ع الأقل هالكاميرا اللي مقابلتكم .. بلا في شكلكم ياوصخين << وراها صالت ذي

اقتباس: قال هدفنا من البرنامج : " لأجل نحدد تأثير هالتغيرات ع العوايل و نتعلم و نستفيد من هالدروس "

إلا ناس فاضيه وماعندها شغله . . قال ايش قال نتعلم ونستفيد .. مخلين اللي يسوا واللي ما يسوا يتفرج عليهم وعلى قلة أدبهم وقذارتهم قال نتعلم .. الواحد يستر على عمره .. بس ذولا لا .. ع المكشوف والعالم تشوف .. وليته على شي يستاهل الله من زين الطبايع بعد << لا زالت صايله

اقتباس: ترى الترجمه على كيف كيفي

قسمن لو ما يجي من هـ الموضوع كله إلا الترجمه يكفي ..<< باين إنها جازت لها

اقتباس: - إن كان الخبر صحيح و خالي من رتوش " الوطن " - فـ هزلت و رب الكعبة

هاااااااااو ..

لالا ما هقيته .. وش ذا المسلمه والمنقبه اللي بترضى تروح بيت مثل كذا ..

أتوقع إن الحكايه مفبركه وملعوب فيها ..

ما أقول إلا يالله لا تخسف بنا

ينعن أبوهم كفار قريح .. بلا في شكلهم << لو جلست دقيقه أكثر راح أنفجر

::

هيهو

يازين هـ الطله يا بعدهم ..

لا عاد تبطين علينا يا بطه ..