 |
 |
 |
 |
 |
 |
 |
 |
 |
23-07-2007, 05:43 PM
|
|
||||
|
مسطول يمون
|
مسيرة عجز حدر نخلة سلّج
. . ابتسامة بريئة رقيقة المظهر .. مزينة بطقم لولو فالصو .. وعصابة نقّاشة سوادنية .. مغلفة بنظرات استحياء ما ان دخلت المساطيل برجلها اليمين وقبل ان تقول بسم الله .. تلقاها الشرذمة .. هرقل الاكبر خشم دعلج وجدعه بالسجن .. قبعت دليّل خلف قضبان الحديد ويالله فاتحة خير لا شر فيها دي السجون بطلّع رقااااله ياقدعاااان . . دليل تحت الأضواء : منذو يبوسة اضفارها – ودي اقول نعومة بس ماابي ابدأ حياتي بكذب و شغل دجل .. لاحقين على خير  – وهي تعيش تحت كباري الشفا .. تغذت على مفاطيح العروس .. و نفيع غنم الجيران حيث انهم يحطونه بحوض الجمس عقب كل عصرية .. ودليّل موقتتن لهم تفل السماط وتلقط قشور الجح والبرتقال ولا الموز ميب تحبه <- تعرف تنعفق عجوز قريح اصبحت قوية البنية عريضة المنكبين .. توظفت ذات حين حارسة امن تبع بنك سامبا مع الي يعبون الصرافات فلوس ولكن بسبب غلطة مطبعية انطردت .. وذلك لسبب انه اول يوم توظفت وكله حماس للشغل مر بنغالي ضعيف من عند الصرافه يشمي وهو يتصدد .. وهم يعبونه وامسكية وادبغية لين جابت اجله .. رحم الله البنغالي اخذت شهادة الدكتوراة الفخرية للصف الأول ابتدائي محو امية ليلي .. خبرة عشر سنوات اشتهرت بزنودة الي يمشي عليهن البعير .. ولها الآن بسطة مشهورة في عتيقة ولها فرع في سوق حجاب واحتمال تفتح بعويس اذا الله رزقه .. . . تعرفت على ثنتين من اعز صديقاته .. مزنة الحسين و عاشة الحمود .. عجز حمايل وناسن طيبه الاوله تهرب فقس من ايران و الثانية تتاجر بكراث وحب وضرس عجوز . ولكم ان تتعرفوا على مسيرتهن .  ايييييييييه ايييه .. الله يذكرتس بالخير يا محو الآمية ورب البيت اننا مجتهدات شوفوا وشلون نحل الواجب بضمير واخلاص ؟؟ لكن مدري ورانا ماننجح ؟! :O ..باعتقادي مستوانا اعلى من هالمناهج الي يعطوننا اياهن <-- انطمي لا تلحقتس هالغضارة تليّن جبهتس !  الطريق الى البسطة . .  سيارة البسطة .. تلاحظون حسنين جاحدنا ونايم .. كم مره اقول خلون اتلطم واسوق بداله ؟؟ مير ماتسمعن ياعجز قريح !  البسطة فرع سوق حجاب .. كل شي متوفر ماهنا شي مهوب عندنا وتظهر لكم بالصورة عيوش زامتن ولده .. والله يالمظلة منهرررية وعاثين به الزمن لين قال بس .. نطالب المساطيل ببدل مظلة <-- من لاعبن عليتس وقايلن لتس انهم الشؤون ؟!  بنغالي ملعوب عليه .. حاطينه يعرض الألعاب للبزارين  .. ولا يقدر يقول لاكل ماجا بيقول لا وشاف ايد عيوش هون .. يخاف تطحله همن يودع الدنيا عاد  صورة ارشيفية لمزنة ايام الشباب يالله الجنة <-- اعنبو حيه الي ذي ايام الشباب الحين وش تغدي ؟! تلاحظون من طريقة الوقفة وتسبيلة العيون انه كانت تنشد " امي ربة بيتـ(ن) " بسألتس مزنة .. الي فوق راستس ذا شعر ولا الليفة الي تحط بدلال القهوة ؟ بعدين تعالي هالمخبا الي متدودل وش انتي حاشيته ؟!  انا اعرض احد بضائع البسطة  قايلين لي انتي ازين وحدة تعرضين حيث انتس تقل غصن البان <-- تسمعين به والله الا لاعبين عليتس بهالمكان الي هم مختارين يبونتس كود تزلقين وتفطسين لكن ام ستين روح ما والله تفطسين بس بالله كيف الزنوبات ؟؟ ولا حضية هالتنورة يميين بالله تقل ستاير منول اكيد كلكم عارفينهن لأن ماهقيت به بيت مابه من هالستاير كل الناس نفس النوعية بس غير الألوان  احتري حسنين يجي يرجعن للبيت .. قضت ورديتي  بسطة عتيقة كراث , بصل اخضر , بقدونس , جرير , علف كلش موجود .. قرررررب ياولد <-- متعودات يعلفن كل ضحى وبين عشوين وفيه نوعية ماتجي الا على الطلب والي هي بالغضارة تشوفونه بيض وابو زهيرة نوعية خاصة نجيبه من ابو عريش خصيصا لعملائنا  معليش بس توي قايمه من النوم بالله مايذكركم وجهي بالأمعاء الغليضة  ؟ من اشوف خشتي احس بعسر بالهضم ترا الباغة حاطته لأني حاطتن حنا   مزنه وعيوش ايام الطفولة بالصمان تحديدا فيضة ام قرين خخخخخخخخخخخخخخخخخخ ينعن اووووم التطقيم ياعيوش اجل فستان بنفسجي مع ورد بنفسجي ؟ مير والله ياانتي حاقدتن على مزنه مع هالوقفه وهالثقة قسم بالله ولا باريس هيلتون بس تصدقين يامزنه الشي الي سدحن وخلان مااقاوم جمالتس هالطاقية الي انتي لا بسه اغراااء غير شكل .. تسلفينن اياه بعرس رقية الصالح عشان اناغر نوير الصهيل ؟  ايام ماكنت اشتغل بسلاح الحدود بصامطة المايك لباقي العنوز  |
||||
|
23-07-2007, 05:45 PM
|
|
||||
|
توه ساكن
|
 محدثتكم عاشة بنت مطلدز الحمود والدتي حصة و خالتي كمايل من اهم الشخصيات المعاصرة في تصميم الملابس ذات الاكمام الطويلة فقط .. الله لا يخسف بنا اجل جبنيز وعلاقي!واعيباه..  وابشركم بعد صدور فتوى تحليل البنجابي فان خالتي كمايل ستقوم بقص الجلابيات الى منتصف الساق ومعه سروال خط البلده.. بحيث يُلبس باسفل منه وهذا وبشهادة من الزبونات الفاضلات افضل بكثير من اللبس البنجابي.. وانتقلنا من القصيم الى الاحساء و ياقلب لا تحزن من جحر لدحديره ..وتغير اسمي الى عوشه .. ومع الايام مع تناقل اخباري و الحش فيني وصلني انه اصبح شوشه الآن.. مع اني والشهادة لله ملتزمة بشيلتي وبرقعي ولا استهين بهما..واصبحت هوايتي الحش و الانتقاد (هي اول موجوده بس من عاشر القوم بالحسا صرت مثلهم)  الصوره هذي التقطت اثناء زيارة جدتي لوالدي في منطقة جازان..وبحكم جمالي بالفطره اتخذت الحشمه شعار لي حتى اثناء وجودي بالبيت وطبعا لاغراءكم .. فانا مابيني وبين هيفاء وهبي شي ابد ابد.. اللهم ان شعري اصفر طاقته الشمس سبحانه ربي صبغه طبيعيه.. وبعد عريضة المنكبين.. ملامحي ان شاء الله انثويه..اعز السوق و ادماني البسطات .. ليه اخسر فلوس على روج والا مشط؟احم قصدي على استشوار؟ الاسراف هذا شايلته من قاموسي.. قميص بيت يكفي للسنه وتايد و شامبو سدر و مشموم للتطيب.. واحيانا اسرق دهن العود من الوالده..وعندي بعد مشابيك لتهجيد الشوشه و اوزيهم تحت فراشي .. ايضا الشي اللي ما يحصل لي اعيب عليه .. مثلا انا كان حلمي انقل للخبر او الدمام .. ما قدرت.. فاقول ان اللي يسكن فيها منفلت  قهر اجل ليه ما اعيش هناك؟ كان حلمي اتزوج واحد كشخه ومودرن ومتفتح.. ما حصل لي وخذت قروي مسوي مطوع .. فصرت اعيب على كل اللي تاخذ واحد مودرن الحقيرات لانها خذت خكري ويدعيها للفساد قهر قهر و المشكله انهن ما يعرفن يسون الجريش و المرقوق ولا يعرفن يوجبن الضيوف مثلي وحظهن يكسر الصخر اهب عليهن المتمدنات   طفولتي كانت معذبه .. كان ينطبق علي مثل الغزلان بالشوارع و القرود بالبيت .. اخواني العيال من هم صغار وكلن يقول يا حظ من بياخذكم .. اما انا ازين شي جاتني دعاوي ليييي قبل ان الله يستر علي ويرحم بحالي و يزوجني و يفتح علي امنيتي بالحياه: اتمنى لمريام فارس مزيدا من التقدم لانها تعطي صوره جيده لامهات الشوش خخخخخ وانصحها تتحجب وتسوي لنا انشوده عن الحجاب تقول فيها خلااااص كديت الشوووشه وصرنا مع الحقاب اصحاااب,,و اتمنى للحساويات الانفتاح على العالم الخارجي لان جاتني التكه منكن ,,و الله ثم المليك ثم الوطن ثم الشرقيه ولتحيا عاشه  |
||||
|
23-07-2007, 05:49 PM
|
|
||||
|
راعي محل
|
فتاة -والعهده على دفتر العائله- ريفيه تعشق قطف النعناع وعصير القرع ترعرعت ونشأت بين البسطات وفرق الطقاقات - لما بينهم من علاقه وطيده- سجله حافل بالسقطات والسواد تمامن كقلبه ..خريجه سجون حونشيه ماتفاهم الا بالسكاكين والاقلام ,, اتلا قضاياه فقش راس كان ناوي يتفرج على بضاعته لكن نيته السودا اعمته عن دلاخه ابوهندود وبياض قلبه ,, << بتخطبينه ؟؟ بعد خمس سنين خدمه ببسطات حله القصمان قدرت تكون نفسه وتفتح فرقته الخاصه وخوياته دليل وعاشه احد اهم اعضاءه ,,كان ودي احط لكم صورتي ايام الصبا والدلع والغنج بس ابوصالح محرجن ,,ماودي اتكلم عن الطفوله عشان مااطيح من عيونكم زود ,, صورتي بحدى الحفلات الماجنه على شرف نجاح بنت الرئيس .. بس يوم جا الليل سحبنا على بنت الرئيس واللي جابه وبدينا نحتفل على طريقتنا الغير ماجنه  وتلاحظون القماش هالمره غير .. انواع الفتنه والبرستيج .. البلوزه قماش قطعه المخده والتنوره قماش الشرشف .. مب ستاره زي كل مره  دليل اثناء مزاولتها عملها اليومي .. مكع ارقاب الدجاج والعلدز بريشهن ,, وتلاحظون انه مطنقره ووارمه حتى شوفوا عيونه ..ومابه شي يخليه تنتفخ اصلن لانه ماعمره فشت الحمد لله  ذكرى اليمه الله لايعيده من ايام .. ظلم واستبداد واستعباد هاللي مايخاف ربه بس وش اللي حادك على المر قال اللي امر منه ,, كله يهون لعيون لقمه العيش والمال الحلال << عااش واقف خلوووها والحمدلله قدرنا نكون انفسنا وتخاشرنا وفتحنا بسطتنا وعشنا بهناء ونغنغه <<بشويش يالراجحي اجل هالحسناوات ناعمات العود ذوات القد المياس يشتغلن جواري ؟؟صدق اللي مايعرفك مايثمنك ,,  تشجيع ومؤازره لمنتخب بلدنا الام قبل ماتطلع الجنسيه << يسمعن بالولاء والبراء هاللحجيات  العوش والدلّي اثناء استعراض رقصه التانقو على انغام عزازي بحفل رأس السنه ,,  صورتي على غلاف مجله بيبل ,, عيون متخنوده .. براطم بوتكسيه .. وجه كما البدر .. سبحان الخالق ,, بنت هيلتون ماتاكل عيش جمبي ؟! 
|
||||
|
23-07-2007, 05:57 PM
|
|
||||
|
توه ساكن
|
عاد عقب نصير طبينات وكل وحده تشيل بقلبها على الثانيه لا لا لا ثم الف لا .. كلنا تزوجنا في نفس الليله وكلنا انجبنا ايضا في نفس الشهر وابنائنا وصمة عار قصدي افضل الابناء في مجتمعنا  بكري لؤي وانا احمله على اكتافي  دليل خنت حيلي عقب الولادة هزل جسمها وهي تحمل بكرها وائل الله لا يعمينا ما انتبهت انها بنت ههههههه بكرها وائله خلاص  مزنة لم تصور ابنائها الا بعد ما مرت اربع سنين على الولاده خوفا عليهم من العين  وبالصوره ابنائها شيبوب و مشبب صورة لابنائنا وهم يلعبون وبكل براءه  يا جعلني ما انحرم منكم
|
||||
|
23-07-2007, 06:28 PM
|
|
||||
|
مسطول يمون
|
 محسوبتكم تشتغل مدرسة مهابد على فكرة الشنب وش يسوا به ؟ مليت من التحديد  عرس مزنه من سليّم .. يختي حسسين انتس انثى لو يوم عرستس بس ؟؟ وراتس ناسفتن الشرعه تسذا تقل بنت البكار ؟؟ مزنه ياجلمه اول مره اشوف احد يلبس شنطرنج على ابو انه عقد الماس اما عيوش هي وهالكمدينه الي فوق راسه بعدين وش هالسدّاره الي انتي لا بسه خخخخخخخخخخخ مستعد للبلع هاللحجية من الحين من قو الشفاحه السداره واصلتن سرتس يملا الفتق |
||||
|
23-07-2007, 06:31 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مراسل الحدث
|
 / بآتس لآشين نآس ينعن وش الموضوع قصم تمغطت صايرن تسنهـ مجله المختلف رهيييييييب كلهـ صور .. والذبات تتحاذف مثل الكور  عآد أنا حذفت مجلتكم المصونهـ على الطاولهـ لأني مآ اقرى مجلات الظهر / بعد مآ صكت الشمس ستايرهآ .. وصار القمر بالشين يعايرهآ نستعيذ باللهـ من إبليس اللي رآكبـ(ن) روسكـ(ن)  .. الوحده لأكبرت لزوم تعقل مو رجولتس تتلوح بالقبر وأنتي مى غير مطامر بهالمنتديات روحي أركعي لتس ركعتين ترى القبر ينآديتس  <== يكرههآ بحياتها
سمعت هالمقدمهـ من وحدتـ(ن) تشحذ عند مسجد الرآجحي لا يكون انتي طسي يم البطحاء ابرك لتس يا جعل عدوتس المآحق والشر المتلاحق / أغدي سليق عند التفتر الفوشي ... تبي تقنعنآ أنها رومانسيهـ أحسن شيء القلم طقم مع البلوزهـ والجايكت .. أرحمينآ يا الطخمهـ
ذكرتني بجدتي حصيصة أم قصيصهـ .. تسقط سنه وتنجح سنه تقول عشان أرضي ضميري لان الغش حرآم .. والا ما تدرين أن محو الأميهـ يدرسون سنتين بسنه , وجدتي ذابحتها الأمانه تقول كودني اتخرج وأتوظف مو مثل بنات الكليه شاطرات ينقع شهادتهن بزيت ودك ويشربنهـ عسى موقف جدتي وصل لك سبب سقوطتكن وكل الأسعله اللي تدور يخلجاتكـ(ن) <= هذيلا ما عندهن خلجات الله يرحم الحال / أرووح أنا هالجسم الممشووق اللي تسنهـ اسطوآنهـ ترى أسمها دابلتـ(ن) تسبدي هالكمخهـ ... وشهو عاشه لحظه بطمر لـ لوحه التحكم وبخليه ( عآجه ) و بالمساطيل دآجهـ / +  وجهآن لعمله وآحده أرووح فدوهـ عند سنون هالمنغوليهـ أقول ترى لقيت لك وظيفهـ بمسلسل مصاصي الدماء واذا ما ناسبت طموحت نخليك تسوين مقطع لـ برنآمج الأفتراس لكن لزوم نشتري لتس بلوزهـ أم كمن طويل .. هالخشهـ هقوتي تبي تخلص الكلينكس بنخارييرها /
ورى ما تعرضين بالبالتوك <== تبي يطلع منها بفايده على فكره يا ريآنه العود تراتس مشقلبهـ الزنوبات / ينعن ام الجسم اللي كله وجه تسنهـ وجهه تريلا مكتوب على مقفاها أبتعد 1000 متر عظم الله أجرك يا حسنين قضا نحبهـ يوم صبح بهالوجه لكن حسب مصادري انتس ما صدقتي من قضيتي العده ضبطتي حالتس ورحتي للكوافير .. اي كوافيرا انتي يبي لتس ورشه سمكره ههههههههههههههههههههه عآد أخذت من هالسمكري هالصورة ::  مبروك يا منسدح .. يا شباب الدعوه عآمه بـ بيت دعلج لانه تكفل بالمهر يبي ينكب منسدح بالنسبه للعجايز ممنوع اصطحاب جوالات الكاميرا .. اذا ناويه تصورين جيبي كاميرا ديجتال / يمهـ اما أمعاء غليظهـ هههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههه ينعن أم الذبه المتكته .. لحظة ما شبعت ضحك هههههههههههههههههههههه <== يبي يفطس من هالضحك عشان يدفعتس الديهـ ليه يا خالتي مكشره .. والفنآخر تسنهن شكمآن جمس ابو عبارتين روقي و عطينا ابتسآمهـ ... و خلي ماشي يكمل كلامهـ  شيلي الطرحهـ عن الشعر المنفوش <== لا ينتحر راشد الماجد بس / ههههههههههههههههههههههههه ( يقرى كلمه فيضه و يضحك ) ما تلاحظين مشغله الموس على الجمجمه  ما تقدر تربي شعرها لأن الصيبان كثر حايس به حوس
ههههههههههههههههههههههههههههههه مزنه سجلي خروج ههههههههههههههههههههههههههههههههههههه قصم ذبه ما يجلس بعدها الا وحدتـ(ن) متورشهـ بنهر من المرق يننعن أم الزول .. شكل موبايلي يستثمرونهآ ويحطونها برج يغطي الصمان ومثل ما سدحتي صورة لـ طفولتهن استعنت بصديقي الصدوق Google و جاب لي من الأرشيف صور هالعبدات في أول المراهقه ..:  لاحظي الربطه مرتغآنيه مثل الورده شكلها تموت بالمرتغآني ..يا شباب اللي ناوي يخطبها يجيب عصير ندى بنكهه البرتقال :clap شوفي عيوش مستحيهـ وتقول لمزنهـ تركدي عشان يجوننا العرسان : / وانتي يا دليل .. جعلتس تغرقين بالسييل تصورين طفوله خوياتس و نسيتي حالتي  يخرب بيتك ... شو أغلتك بغيت اتهور واقول أحبك خخخخخخخخخخخ لكن تراني حبيت بالله <== يسمع بترقيع الموقف هالبنشري /
وش فيهمـ العنوز  تراني واآيلي واياني واياتس تذبين عليهمـ  وبكذا أكون قضيت من الجزء الأول ... ولاحق خير على الباقي قصمـ ما ضل فيني عقل من هبالكـ(ن) .. لا عآد تكتبن موضوع بالشللهـ <=== ابو وفى يبي يلعن جدفه عقب هالسطر مزنهـ + دليل + عاجه يمدحون السكينهـ .. يآ جعل أرقآبكـ(ن) بالسكينهـ <== بداها سجع وأنهااها طباق  + + تستاهلن هالورد لكن يا خوفي تأكلونها / |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
23-07-2007, 07:24 PM
|
|
||||
|
راعي محل
|
 كاشخه على خوياتي اول ماطلع جوال ابو انتل واعلمهم شلون يلعبون الدوده ,,بيني وبينكم هو مب لي لي شخصين لكني متسلفته من حصه العبود وهي ماتدري من كم سنه بس برجعه ان شاءالله برجعه كلش ولا فلوس الحرام اخخخخخخ تف تف تف تف << تتفل بجيبه  حدى معارضات الشجب والاستنكار بقيادتي وبمؤازره من عنزاتي على البلديه الله يضفهم تسان انهم شردونا وضيعوا حلالنا حلال ايتام ذا ياللي ماتخافون ربكم.. الله اقوى بس وزي كل مره شبينا بالقمايم اللي قبال كل بيت راعين البلديه وتلاحظون عاشه باتلا الصوره تراه جت للدعم المعنوي بس والا يالله الدزداه وحسن الخاتمه  من بكرا دروا ان مزينه كالعاده مستلجه على غير سنع ,, وكلبشون وانا بكامل عزتي وانفتي ولم احني الجباه واحيي الجمهور بكل ثقه لله دري من مقدامه
|
||||
|
23-07-2007, 09:46 PM
|
|
||||
|
الجمال جمال الروح
|
دليّل الصالح + عاشة الحمود + مزنه الحسين لو ابقتبس واخلط واحط تسان سويت موضوع ثاني ... هاااه (x) برقبتي ان الموضوع منسم لابعد الحدود. ........... ايش الجمال والحلاوة ذي ،، ماشاء الله وجهتس مع الجسم الصغير غايدن تسنه ختم شركة الله الله ياحلاوتك ياقميييل ،، انتي ماينفع معتس لا استشوار ولا فرشة ناعمه ولا فرشة ام جنزير <--- مادري وشي بس ودي اقوله .. اتوقع ان بدايتس كانت باحتفالية بالمستشفى وبالغلط جت طرطعانه براستس وسببت الضرر ذا . لا تعليييييييييييق ،، ............................... مشكورين وماقصرتوا على هالدويتو القوي واتمنى لكم والتوفيق ومن ابداع الى ابداع ان شاء الله ،، |
||||
|
23-07-2007, 11:21 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
نآر على علم
|
ههههههههههههههههههههههههههههههههههههههههههههه ههههههههههههههههههههههههههههههههه الله يقلع من جمعكن ياهالسريبيتات .. ياعجز قريح.. وش هالهبال ؟؟ ووين طلعتن لنا منه ؟؟ ياجود حظنا جوداه اللي عندنا مثل هالنوعية.. والله انه قايل لي اللورد صعقف عنكن وقال تراهن ينفعن للشلة لانه خابرني حريص كل الحرص على أي مبدع له يوزر في المساطيل بس سألته كم مشاركاتهن واذكر انه قال في 13 علشان تسذا ماقدرت اراسلكن لاني عارف انها ماهيب واصلتكن لكن الحمدلله اللي جابكن لنا برجيلكن  الحقيقة قروب رائع وانا اعتبركن مكسب للشلة وعلى اني من الناس اللي مايحب الموضوع اللي فيه صور ويتكلم عنهن الا اني استمتعت بالتعليق عليهن وواضح انكن عيارات من النوع الثقيل فارجو اني اشوف لكن تفاعل معنا وهذي الشلة عدوها بيتكم او اخس شوي.. انفضوا هبالكم وهسترتكم فيها
ابد شرحتس سرى انا قبل ما اتفعل الا وهو مكلبشني عمر ابور اس مع ان لي سنين في المنتديات وما اذكر ان احدن وقفني 
هههههههههههههههه اول شي اقنعيني ان لها اظافر مهيب محافر بعدين احاول اقتنع يكون لها نعومة اظافر
الا مدزدية فيه.. زين ماسوت 
\ ههههههههههههههه الثلاثي المرح بتغطون على المهابيل الثلاثة 
هههههههههههههه ايه باين انكن مجتهدات والدليل على اجتهادكن انكن ماتحلن الواجب الا في الفصل يا الله لاتفتنا .. دليل راعي المراهقين امثالي والله اني ذكرت شغالة دزد جتنا مهيب بعيدة عن هذي يحلفون ان البيت عن بكرة ابيه صار يعيش حياة التقشف ..حياة البؤساء صرنا لا اكل ناكله ولا ضحكة نعرفها لعنبوها زودن على شينها تدهن رجليها بثوم خيست البيت دمرت البيت امي صارت تهدد ابوي بها كل ما زعلت عليه قالت ترى ان ما طعتني والله لاتسبع بشتي واخليك معها لحالكم كودها تحرش بك انا تحطمت ايما تحطيم للاسف كانت بداية مراهقتي كرهت البنات من عقبها كرهت اي شي يدل على انثى كرهت المسطرة .. البراية الكورة صار اي شي يدل على انه انثى تحام تسبدي منهحتى اني عرضت على الوالدة اني مستعد افصل من المدرسة واتفرغ للبيت وادلي اغسل واكنس واطبخ بس بشرط يسفرونها المشكلة يوم سفروها امي قالت يالله تحزم وامسك اللي علي ابشطف الحوش قلت عسى ماشر!!! رجال في عمر الزهور يغسل الحوش .. تصدقون كلما ذكرتها جتني تكة جتني غلقة والله اني قعدت فوق الشهر من سفرها وانا اشوفها في الحلم الله يذكرها بالخير ويستر علينا وعليها وعععععععع ذكرتها وش هالسراير ؟؟ الناس في حوشتهم يفرشون بسيط ويدلون يسولفون وذولي سراير !!! الظاهر انهم مايسولفون الا وهم متسدحين على هالسراير لكن تخيلوا انك تجي معزم على عرس او على تميمه او على اي عزيمة ..وتلقى مجلسهم مصفوف دار مادار سراير كل واحد منسدح ويسولف والله مهيب شينه ههههههههههههههه اموت واعرف هالشمسية وشي له!! لهنا لا شمس ولا مطر مدري وشو له حاطها ولو سبحان الله كلن جايزن له رويحته.. ناظريه تكفين فمن زود الفسق حاطن يده على خصرة ولا ومتحمس ولو ينغزة احد مع جنبه تسان علوم يعطيكن الف عافية على هالمجهود اللي يستحق التفاعل معه والموضوع مثبت والى المتحف بعد اكتمال الردود |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
