 |
 |
 |
 |
 |
 |
 |
 |
 |
|
||||||
| تلفزيون المساطيل أخبار الساحه الإعلاميه و الفن والنجوم .. وتغطيات برامج التلفزيون " عربي " اغاني مانبي |
 |
|
|
أدوات الموضوع |
15-09-2007, 06:32 AM
|
|
||||
|
من شيوخ الحاره
|
الكاتبة وداد الكواري في المسلسل القطري (( نعم و لا )) تم اضافة الحلقة 1 + 2
. . .  واخيرا القروب رجع من جديد بعد غياب السنة الماضية ... "حكم البشر " "يوم آخر " "عندما تغني الزهور " .. مسلسلات رائعة وبصمة في الدراما القطرية والخليجية شاهدناها الأعوام الماضية .. هالسنة يقدمون لنا مسلسل " نعم ولا " اللي يضم نخبة من ألمع النجوم ...! الحين خلونا نشوف صور من المسلسل ونعرفكم بالشخصيات ونلخص لكم بشكل سريع اللي دار بالحلقتين الأولى والثانية ،،  عبدالعزيز جاسم .. يقدم دور "حسن " .. متقاعد بدري ومتزوج "وضحى "  وله ولد واحد "فهـد " وماعندهم غيره لان كل العيال اللي جو عقبه يجيهم مرض ويموتون وهم صغار ...!شخصية حسن شخصية متسلطة دنيئة .. باختصار انسان حقير لسانه وصخ ومتبري منه .. لاعنده احترام ولا حشيمة لا احد حتى امه وابوه ما سلموا منه ومن شره ...!يدخن ويشرب ويبيع شراب بعد وكان مشهد بيع الشراب اول لقطة من المسلسل .. دخل على امه المطبخ وقام يشب عليها يا عيوز النار ومدري ايش وقام يشب عليها  هي قفل جوها وقامت تدعي عليه الين طاح قدام عينها بالمطبخ يكح دم  .. المهم نقلوه للمستشفى وحالته خطرة ويقولون عنده جرثومة بالمعدة ... جلس كم يوم بالمستشفى وحرمته وضحى عنده ... ابوه "فهد " قال نذر علي ان طاب وديته للعمرة .. المهم طلع هالثور مافيه الا العافية ... وعد حرمته يترك التتن والشراب ... لكنه مابطل وصاخة لسانه وبهذلته لامه ... قاله ابوه خلنا نروح نعتمر كود الله يفتح على قلبك ويهديك وتعقل قال قدام هات الفلوس والجوازات احجز لكم لـ مكة .. عطوه الفلوس"40000" اربعين ألف ريال صعوطي المهم جلسوا يحترونه يجي اثاريه سحب على والديهم وانحاش لسوريا جلست امه تدعي عليه ومرته تقول حرام عليج تدعين على ولدج وريلي  .. رجع من سوريا ومعه وحدة دبة وشينة تصلح له اسمها "سوزان " وقال لمرته الاولى اني جايبها تخدمتس والسبيكه صدقت على نياتها ...! اسمهان توفيق .. "مهرة " او " ام حسن " لسانها طويل وقبلها هواش مع ولدها الثور حسن وهواش مع حريم عيالها .. وتدقق على كل صغيرة وكبيرة ودايم تزن على راس رجلها "ابو حسن " .. الزبدة انها حريصة مرررة وبثرة الله يهديها بس قلبها طيب  هلال محمد .. فهد او "ابو حسن " .. هذا شايبهم .. رجال تاجر وفيه خير .. حبيب مرة وعلى نياته وشايل هم عياله وعيال عياله وهم ماعبروه ولا عطوه احترام ....!راح شرى اراضي بالحلقة الاولى له ولعياله ولـ مسعود (( بنجيب طاريه عقب شوي )) وقال لحفيده فهد اللي هو ولد الثور حسن لاتدري جدتك البثرة وتنشب لي  هذي "وضحى " مرة حسن وبنت عمه الوحيدة ... طبعا من يومها صغيرة وهي عايشة عند عمها "ابو حسن " وهو اللي مربيها ومهتم بها وزوجها ولده البكر قصدي ثوره البكر مسكينة وتخاف على رجلها وهو يعطيها على قد عقلها وتصدق ... نفسها مخيسة ومهيب تهتم بولدها الضعيّف فهد ولا تسأل عنه .. حتى جاها ومعه شهادة النجاح وقال اني اخذت الثالث على الفصل قالت امممممممم طيب اطلع وصك باب الغرفة وراك   طبعاً ذا الخبلة مرضت عليهم وطاحت كم يوم عقب مادرت ان رجلها هج لسوريا وولدها فهد ماقصر معها دايم في شوفتها .. حتى كلثوم "تشلثوم " (( بنجيب طاريها بعد )) هذا احمد ولد ابو حسن الثاني وولد مهرة واخو حسن << يلعن ام التوصيف يحب مرته وقاعد يعمر كم سنة بيت له ولها ولعياله وهي ماتحبه ودايم تزبد له وهواش هي وياه ... احمد هذا نفسه خايسة مثل البقية ولا يواطن اخوه حسن ... امس زبدت له مرته قالت ما احبك ولو عندي مكان غير هذا كان ماجلست معك دقيقة وحدة .. المهم راح يشتكي لامه وجت تشب عليها قالت ماتبين ولدنا ضفي اغراضتس وانقلعي المهم قمطت العافية وكلت تبن وجلست غصب ...! شعاع هذي قليلة حياء ولا تستحي .. اجل امس يجيها البغل حسن في المطبخ يتحرش فيها وساكتة وتتدلع قدامه ...!والمشكلة دايم تطق ولدها مجود ولا تبيه يخالط ولد عمه فهد ولا يجلس عند جدانه .. والمشكلة متهيته برى البيت ومخليته يماشي سرابيت .. عاد جابوا لقطة امس اخوياه الدشير دخلوا معه البيت وقفلوا الغرفة .. وراح فهد ولد عمه علم جده عند المسجد يوم درى الشايب ضاق صدره وفهم الموضوع .. قال هذي كبيرة من الكبائر ياولدي .. المهم راح لولده احمد اللي هو ابو المعتدى عليه ماجد وقال لازم تنقل ولدك لمدرسة ثانية .. قال ليش قال آآآآآآ بس لان مدرسينهم مايشرحون عدل (( يلعن ام التصريفة ))  فهـــد "ولد حسن ووضحى الوحيد " .. هاديء وحبوب وثقل دايم مع جده وفي شور جدته .. يحب عيال عمه بس اهلهم مايخلونه يجلس معهم .. هو بيكبر وبياخذ دوره "محمد الحجي " اللي بيكون له دور رئيسي بالمسلسل ...! عايشة بنت احمد واخت ماجد .. في حالها ودايم تقرا وتتبادل قصص مع ولد عمها فهد ... نجحت وامها ماعبرتها ولا سألت فيها لانها لاهية تجلد اخوها ماجد اللي رسب  هذا مسعود .. تقدر تقول صبي عند ابو حسن ودايم معه ويقضي اغراضه ويروح ويجي معه ويعتمد عليه في كل شي ويوصل عيال عياله .. الزبدة انه اجودي ذا الخال مهوي يقصر  تشلثوم زوجة مسعود .. حبيتها بصراحة  .. الحرمة مهيب سهلة وقايمة بالبيت ودايم تساعد ام حسن وعيال عيالها وحريمهم ومخها نظيف  سوزان .. هذي حرمة حسن اللي ضفها معه من سوريا وجابها .. مسكينة طاحت في يد هالبغل ... تقول انا بدي حئوئي وحسن يزبد لها .. وكلثوم تقول لها يابنت الحلال اصبري وارضي بنصيبتس وكلش بيتسهل << قايل لكم كلثوم ذي صديقتي    هذا ملخص للي صار بالحلقتين .. طبعا لازال فيه شخصيات مابعد جت بالمسلسل .. وفيه نجوم كبار بيظهرون بالحلقات الجاية ... وان شاءالله نغطي المسلسل معكم يوميا بالصور والاحداث اللي تصير .. واذا فيه اقبال على المسلسل ماعندي مانع نغطيه فيديو والله يسهّل  . . مواعيد عرض المسلسل : قطــر - الساعة 6،30 المغرب ويعاد 2 الليل الكويت 12 الليل ابو ظبي 10 الليل ويعاد 5 الفجر جريح ، ،
آخر تعديل جريح الرياض
في 06:41 AM.
|
||||
|
|
15-09-2007, 07:46 AM
|
|
||||||||||||||||||||||||||||||||||||||
|
مهندسة تطوير المرسم
|
...والله مبدعه أنا خقيت من أول حلقتين  ...
أنا معاك إنه حقير وعــاق ..بس يضحك..مابقى أحد ماذب عليه !! لما دخل على أبوه بالدكان وكان فيه واحد يعطي أبوه قروش ..نط بحلق أبوه :يماااال الضْعَفَه! ههههههههههههه يالله صلاح العطا.. . .
شعاعوووه ألا ياليت من نتف هالشوشه اللي ماحلاها ربي..!!  زوجها بجد يغث أحسه رخمهيمال العافيه جريح صراحه ماقصرت أثبت إنك متابع بقوه لهالمسلسل  << ودادوه متخفيه -s 7 a b- |
||||||||||||||||||||||||||||||||||||||
|
|
|
15-09-2007, 08:04 AM
|
|
|||||||||||||||||||
|
مميزة التلفزيون
|
يعني مافيه امل اشوفه  بس قصته حلوه كثير....وسردك للقصه خفيف وحلو كثير جريح انا شفته واحمد قاعد يطق ولده..تحمست معهم بقوه... يعطيك العافيه..ليتك تستمر..بتابع معاك <<<لاااااه بيكمل عشانك يسلمو جريح
|
|||||||||||||||||||
|
|
|
15-09-2007, 03:25 PM
|
|
||||
|
توه ساكن
|
وعبدالعزيز جاسم كالعادة هو ملح المسلسلات يا حبيله هالمدلقم خخخخ شيخة تكفين ارحمينا انتي وشنبتس اكرهها يا ناس أكرههااااااااااااااااااااااااااااااااااااا  مرت الولد يا كرهها كرهاه  أجل تقول لزوجها تزوج علي واعتبرن ميتة؟!  الله لا يكرهن برجلي 
|
||||
|
|
|
| الذين يشاهدون محتوى الموضوع الآن : 3 ( الأعضاء 0 والزوار 3) | |
| أدوات الموضوع | |
|
|
|
|
