 |
 |
 |
 |
 |
 |
 |
 |
 |
|
||||||
| تلفزيون المساطيل أخبار الساحه الإعلاميه و الفن والنجوم .. وتغطيات برامج التلفزيون " عربي " اغاني مانبي |
 |
|
|
أدوات الموضوع |
27-03-2008, 08:22 PM
|
|
||||
|
راعي محل
|
نقد ل قصائد خليل الشبرمي _ رؤية بالونات
هذي قراءة نقدية لقصائد الشبرمي في شاعر المليون قبل ابدأ في تحليل قصائدة اريد انوه عن ثلاث اشياء اتسمت فيها جميع قصائد خليل : 1- صف الكلمات 2- الحشو 3- خلوها الكامل من الصور الشعرية ×××××××××××××××× تحليل نقدي لقصيدة خليل الشبرمي في مرحلة ال 48 1 بسم رب العباد ابدا ولا ابدا بسم غير الله اول بادي ** الحليم العليم اللي يرى ويشوف مافي قلوب عباده ( بسم رب العباد ابدا ) نفس معنى ( لا ابدابغير اسم الله ) لذلك تعتبر حشو في نفس الشطر ولا داعي لتكرارها يرى ويشوف نفس المعنى لذلك تعتبر حشو 2 يالله اليوم وفقني واعطني مطلبي يالولي ومرادي ×× وسدد امري وشد ازري على ضيم الدهر والزمن وجهاده المراد هو المطلب لذلك يعتبر حشو لتكملة البيت الزمن هو الدهر لذلك يعتبر حشو لتكملة البيت الشطر الثاني تكرار للشطر الاول باختلاف الالفاظ فقط 3 واعف عني واعني يامعين وقدني واهدني ياهادي **وحل بالحال عقدة من لساني ياالهي وحل قياده ( اعني يامعين واهدني ياهادي ) تكرار وحشو داخل البيت بدون هدف ومادري وش الجديد في هالكلام ( حل عقدة لساني وحل قيادة ) نفس المعنى وهذا يعتبر حشو لتكملة البيت 4 ياسلامي سلام الله سلام صافي من صميم فوادي ** ياسلامي عليكم يامنار العز دولة وشعب وقاده ( ياسلامي سلام الله سلام ) تكرار وحشو داخل الشطر وبعدين رجع وذكر ( ياسلامي ) مرة اخرى اربع مرات كرر السلام في بيت واحد الدولة هي القادة كررها لحشو البيت , اجل في شعب ينقاد من غير الدولة !!!! ×××××××××××××××× 5 ولتميم القبيلة تاج راسي لابتي عزوتي واسيادي ** ولتميم الغضنفر ساعد السبع المضفر حمد وسناده ( تاج راسي واسيادي ) تكرار لكلمتين يؤديان نفس الغرض ××××××××××××××× 6 وبعدها قلت ياشرد المعاني ريعي واذعني وانقادي ** واصغري واخضعي لامجاد شيخا شامخا مثل شم اطواده ( اصغري واخضعي ) تكرار لكلمتين يؤديان نفس الغرض ××××××××××××××××× 7 حازما حاسم حليل ومحنك وحاكم وحكيم حيادي ** عز داره وشعبه للحضاره والعلا والتقدم قاده اقتصادي سياسي دبلوماسي عسكري داهية وريادي ** قاد نهضة قطر للعالمية شاهدوا واشهدوا بامجاده هيلعي صميدع صيرمي صارم ساطي ورادي ** يعربي معرب حنظلي من تميم ووهيب اجداده هذي عبارة عن صف كلمات وليست من الشعر بشيء مدري وين الشعر في دبلوماسي اقتصادي عسكري !!!! ××××××××××××××××× 8 اقسى الامة على الدجال والعيال والمعتدي والغادي ** وذا حديث النبي المصطفى عند البخاري صحيح اسناده مدري وين الحديث اللي يقصده , فيه جملة من حديث وليست حديث !!!! والعيال والمعتدي والغادي وش دخلها بالحديث !!!!! ×××××××××××××× 9 سيدي يالأسد ياسد مأرب يالهدا يالمحيط الهادي ** ياحمد يازبنا ياذرانا ياعمود الوطن واواتاده فيك رسم الشجاعة والشهامة والندى والمبادي بادي ** وفيك حزم الزعيم وهيبة الزيزوم وعزوم فوق العاده صف كلمات كالعادة ××××××××××××× 10 من سلايل سليل المجد قاسم قاسم الحرب عوق العادي ** يكرم الضيف ويعين الضعيف ويردع ويلطم الهداده ( سلايل سليل ) تكرار ايضا ×××××××××××××× 11 انشد الشقب عن صبح رمضان وهول كون جرى وطرادي ** ومن بغى زود افاده ينشد الخفجي وتعطيه زود افاده ( زود افادة وزود افادة ) تكرار وحشو ×××××××××××× 12 وحشا لله كل فيه حقه والعرب نازل وشدادي ** والله يلوم اللي يلوم اللي يهيم بهله وابداده ( الله يلوم اللي يلوم ) مدري وش الهدف من الحشو اللي ماله داعي بس باقي يقول لحد يلوم اللي يلوم ماينلام لوم اللوم ××××××××××××××× 13 حامي حامي حاضر بحاضر وان حدا للحماسة حادي ** شاعرك ماذخر واله الفخر ياسيدي لا افتخر باسياده ( حامي حامي وحاضر بحاضر ) خخخخخ تكرار وحشو بعيد عن الشاعرية ××××××××××××××× 14 لاحظوا كم بيت تكررت فيه لا بتي عزوتي ولتميم القبيلة تاج راسي لابتي عزوتي واسيادي ** ولتميم الغضنفر ساعد السبع المضفر حمد وسناده لابتي عزوتي للضيف ريف وللمعادين بالمرصادي ** ومن زبنهم وجاهم في وطنهم زبنوه وعطوه مراده لاحظوا كم بيت تكرر فيه الاسد سيدي يالأسد ياسد مأرب يالهدا يالمحيط الهادي ** ياحمد يازبنا ياذرانا ياعمود الوطن واواتاده ولتميم القبيلة تاج راسي لابتي عزوتي واسيادي ** ولتميم الغضنفر ساعد السبع المضفر حمد وسناده لاحظوا كم مرة ذكر كلمة تميم ولتميم القبيلة تاج راسي لابتي عزوتي واسيادي ** ولتميم الغضنفر ساعد السبع المضفر حمد وسناده الفررزق جرير العرفج اللوح القضاة الصقيه استادي ** كلهم من تميم ومن حضر يدلي بدلوه مع القصاده واسلم وسلم ودم واقبل قصيد صادق من صميم فؤادي ** نظم حرا تميمي يفتخر في لابته مانظمه شحاده قصيدة خليل الشبرمي في مرحلة 24 1 أموت كلي معك .. واموت فيك وعليك ==== واغليك لكن عسى الله مايبيّن غلاك ( اموت معك واموت فيك وعليك ) تكرار وحشو لنفس المعنى بدون هدف ( اغليك لكن عسى الله مايبيت غلاك ) تعبير مستهلك عفى عنه الزمن 2 واحنّ اليك .. وعليك احنّ من والديك==== ومن لهفتي عين قدّامك وعينٍ وراك ( احن اليك واحن من والديك ) تكرار وحشو لجمل بنفس المعنى ( عين قدامك وعين وراك ) مدري وش يبي هالتعبير احسه مو راكب ابد الا اذا كان من اهل المريخ وعينه بعلابيه لو قايل عيوني قدامك وعيوني وراك افضل من انفصال دور عيونه عن بعض 3 أشتاق لك واشتكي لك منك واشكيك اليك==== كلك ملكني .. وكلك في عيوني ملاك ( اشتكي لك منك ) نفس معنى ( اشكيك اليك ) ويعتبر تكرار وحشو 4 جادلك جيدك جبينك خنجرك حاجبيك====اسمك سماتك سمّوك سِسْتِمِك مستواك جوريْك جمرك لجينك عسجدك وجنتيك==== ذرابتِك رقّتِك روعة حضورك بهاك وجهك وهج مبسمِك بسمَتْك غمّازتيك==== براءتك .. خالك اللي لاذ بايسر شفاك سِجِنّجِلِك جلنارك نرجسِك كركديك ===== كاديك مسكك نسيمك شمس صبحك مساك سلهام عينك .. نَعَس طرفك .. حَور مقلتيك==== بوهَتْك ملحك حلاتك خف دمك حياك هذي الابيات صف كلمات وليست من الشعر بشيء ××××××××××××××× 5 ما اعرف اداري ولا اهدّي ولا امسك بريك==== لاجيت اجي كلي .. وكلي عساني فداك ( اهدي وامسك بريك ) معنى واحد لكنه وضعها حشو لتكملة البيت ( لاجيت اجي كلي ) مدري وين الجديد وماعرف ان فيه شخص يجي نصه ××××××××××× 6 أقدّم الروح كاش .. وباقي العمر شيك==== باسمك مصدّق ولا يصرف لحيٍ سواك الروح هي باقي العمر ومدري كيف فرق بينهم خليل بمعنى اصح معنى البيت غير صحيح انتظروني مع القصيدة الثالثة
آخر تعديل بالونات
في 10:02 PM.
|
||||
|
27-03-2008, 11:34 PM
|
|
||||
|
ناقد تلفزيوني
|
أوفقك في أغلب ما ذكرت ..أذكر مره قلت صف كلام وزعلوا علي جمهوره .. وهم والله اخوان اكن لهم كل المعزة والإحترام .. وأتمنى إن الإختلاف في وجهات النظر .. ما تخلينا نحقد ونشيل في قلوبنا على بعض ..   لكن بعض الكلمات التى تؤدي نفس الغرض قد يستخدمها الشاعر للتأكيد .. مثل ( إصغري واخضعي ) ما أشوف فيها شيء .. و ( أجي كلي ) كثير تستخدم .. ما هوب الغرض منها انه يجيء نصه .. أكيد يقصد يجيء بجسده بروحه بعقله .. ما يجيء وذهنه شارد في شيء ثاني .. بالونات .. يعطيك العافيه يا مبدع ..
|
||||
|
28-03-2008, 02:31 AM
|
|
||||
|
مسطول يمون
|
من وجهة نظري هالنوعية من القصايد اللي تعتمد على اللعب في المفردات قد يكون لها لذة سماعية اذا كان شاعرها يجيد الالقاء .. و هذا ما يجعلها محببة نوعا ما عند الجمهور انا اذا قرأتها فإنك تشعر بالملل .. الشبرمي شاعر .. و بما انه متقدم لمسابقة و يعرض نصوصه للجمهور .. فمن حق الجمهور ابداء آرائهم و انطباعاتهم عن القصيدة.. ونقدها و ابداء الملاحظات ان وجدت .. بشرط.. ان لاتمس الشاعر كشخص .. و لا تمس حياته الشخصية ..و التعرض للنصوص فقط مثله مثل اي شاعر.. لا تتحسسون يا جمهور الشبرمي و يا بني تميم .. ترى المسألة كلها نص شعري و وجهة نظر في النص فقط لا غير.. |
||||
|
28-03-2008, 10:34 AM
|
|
|||||||||||||||||||||||
|
راعي محل
|
الافعال المترادفة اصغري وواخضعي مثل قولي وتكلمي الصغر والخضوع كلها دليل على التحتية وهذا يقلل من وهج الشاعرية في النص ان وجدت وبالنسبة ل أجي كلي وكلي عساني فداك _ انا اقصد انه تعبير مستهلك جداً الف شكر لك
|
|||||||||||||||||||||||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
