 |
 |
 |
 |
 |
 |
 |
 |
 |
|
||||||
| شاليهات المساطيل منتدى شبابي , بر وكشتات وتصوير وسفريات وغر ضببه |
 |
|
|
أدوات الموضوع |
10-04-2008, 02:25 AM
|
|
||||
|
من شيوخ الحارة
|
كشتتنا برعاية ( سندريلا ) الجزء الثاني
 كشتتنا اليوم برعاية شيهانة اخوي سندريلا زمانها  ( الجزء الأول ) كشتتنا برعاية فلاح  <<< ما تبي تجيب الرابط  اليوم كالعادة قرارات أهلي كأنها تعاميم وزارة التعليم البسي عبايتك طلعنا نشوف المطر شقلت عمري وزين ذكرت العباية بغيت اطلع بشرابات البيت اللي كلها شقوق مع العرقوب المهم مالكم بالطويلة ركبنا ولا اخذنا ولا قهوة ولا تبن جانا اتصال من اخوي الصغير يقول الحقوا أنا حول الخزام ( الثمامة ) وجانا برد وهذا انا اجمعه بيديني << والله لو يديه قدر  الغريب لنا حول السنة عنها وتغيرت علي واجد  حتى طعس الخزام انهد من كثر اللي توطوه الله يصلحهم  وصلنا هناك قبالة العصر تمشينا شوي ولقينا محطة الخزام مقفله عشان الصلاة انتظرما حولها ألا ويدق علينا أخوي ( ابو محمد ) توه طالع من الدوام  قال جيتكم وين انتم فيه نقزت كأني جني ابي كوفي الحقني بكوفي << من الصبح ما خذت الرضعة أول ما وصل تم تبادل البضائع ( أنا وأمي ) ركبنا الجيب واخوي اللي طلعنا رجع عشان عنده اشغال وكملنا الطلعة مع الحونشي الشقردي  الجو روعه والموية تسمع صوتها من بعيد والسماء ديمة يالله من فضلك  وصلت حول طعيس صغير مدري هضبة <<< كلي تبن المهم انه تراب مرتفع شوي وابي اصور الا يجي الخبل وراي بغى ينسفني في الموية  قلت اصوره لكم وهو يترزز يقول عطير لا تنزلين صورتي في النت اخاف بكرة اطلع بمايوه احمر  لا تفوتكم رزة الرجل ياليل السمار بس تستاهل ياراعي البران شوفوا بالله الشعيب ياربي لا تحرمنا  عقبها مشينا وانا متعلقة على الجيب ولما مسكنا الردمية ركبت خفت من رصاصة في راسي يقول فيه رجال << طيب انا متلهلهمتن بعبايتي وصلنا لمكان وش ملحه صلينا وفرشنا الزولية وهات كوفي  عاد زين من ابو محمد جاب الاكواب لأني ما اشرب في ورق << مزاج عجيز بس ما قهرني الا انه ما كملها بالشوكلت حده ديمة الله يصلحه طبعا كشتتنا هالمرة برعاية ( سندريلا ) شيهانة اخوي ابو محمد وحيشه مرة ولا نقدر نشيل برقعها تطير اذا شافت حمامة مشفوحة  اخوي الله يصلح قليبه ما يمشي بدون الشوزن يعني لا ام صتمة ولا ابو محالة زي مواضيعي السابقة ( الصورة حذفت ) وكلما شاف سرب قميري والا ببغاء والا عصافير هات رمي حتى عدلوا درب الهجرة ورجعوا للصين الظاهر  اكلوا فصفص وشربت الكوفي ومشينا يالله من فضلك هذا الغدا الحين << نظام مجاعة وجهنا للعاذرية في الثمامة ( مزرعة الامير عبد العزيز بن فهد )  بعدين قال اخوي فيه بركة موية حارة تنشفط من باطن الارض قلت ابي اطب اسبح طبعا أمدى أكمل الكلمة الا انا مربطة وللسيارة  وجهنا لبعض المناطق في المزرعة  وهذي لقطة محورية لولبية عرضية بالزوم 19 والشتر 800 <<< كلي تبن حدك جوال يرقل  الغبنة اننا مع العجلة ما ذكرت الكام يالله راحت عليكم انتم الخسرانين <<< دربوها مع الدرج تكفون مرينا على حوش فيه الابل ام سنامين هي الحيوان الوحيد اللي احس ما راح اطيح منه  وفيه حول البنيان بركة تحبها قلوبكم باردة  عاد قال اخوي الشيهانة لازم تعلف ( تاكل بالمعنى الخكري ) رحنا لبرج في المزرعة يجتمع فيه الحمام يبيها تطلق جنحانها  عاد لا تشرهون الصورة من السيارة بغى ينحرني يوم قلت بانزل صاح وسوا حركات فلامنجو ( رقصة اسبانية ) عشان يثير حفيظة الحمام << كل الموضوع عشان الكلمة توها حافظتها طارت الشيهانه ( نوع من انواع الصقور ) وطار قلب اخوي معها بغت تنحاش الخبلة عاد قلنا ما بدهاش عطها حمامتنا اللي في السيارة رماها لها وشالتها من السماء وحركة دبل كيك وهم هم << يا مصلي  البقايا من الصيد  واخوي لازم يدلعها قعد يتنف لها وتاكل على يده والله لو انه انا قال هها بس نامي جوعانه ازين  مشينا لأهل الطيران الشراعي وما قدرت اصور الحراسة كانت مشددة علي بشكل قوي  واتجهنا للرياض عقب معاناة مع الجوع والتعب والطين أول مرة اخربها وتصير نص عبايتي مغرقة في الموية ودمتم سالمين واستروا ما واجهتوا تنبيه التصوير اغلبه جاي شطف بسرعه وخايفة من الهواش نوع الكام /   شكر خاص للي ضبطوا لي الصور 
آخر تعديل عطر الروح
في 02:53 AM.
|
||||
|
|
10-04-2008, 02:27 AM
|
|
||||
|
من شيوخ الحارة
|
متساني  . باك ماشالله بر وصقور وعلوم وآخرتها كوفي لا وبعد متحسفه على الشوكلت مع الكوفي تسمعين بالبر انتي ياما حلى الفنجال مع سيحة البال في مجلسن مافيه نفسن ثدزيله << الباب وينه . ذكرتيني بواحد من اعمامي راعي صقور وخرابيط / عاد اول ما بدت معه الهوايه ويقالي ابشتري صقر لعبوا عليه وباعوه رخمه  عاد الحين خلاص صار ملكع حتى يعرف جناسيهم من اشكالهم . تصويرتس روعه لو انه بكام كان طلع ابن حيوان << لا عمرك توصفين تكفين ماشالله انا منحمستن تسبدي يوم دريت انتس طلعتي للبر بس الحمدلله جت سليمه هالمره . هيه يا هل الشرقيه عندكم غدران وحركات مثلنا << عندهم بحر وانتي مستانسه بتفلة هالغدير بهالبرّان . لبى المطر ما بغى يجي .
آخر تعديل زنوبيا
في 02:53 AM.
|
||||
|
|
|
10-04-2008, 02:47 AM
|
|
||||
|
من شيوخ الحاره
|
.
أبد أهل الرياض سبحان الله على ما تنزل من السما قطرة الا طلعوا كلهم يصورونها / يقولون عنهم مشافيح خلق الله يا الله لا تبلاني ..<< من لندن تكلمكم يا الله من فضلك . والله الصدق عاد .. موضوع فلة وهين الجو اليوم تقولين نازلن علينا من الجنة يا الله من واسع فضلك بس وين فلاح ؟ مات ؟  مدري كيف تجسرين تجلسين في مقعد فيه ذا الغولة ... انا مستحيل أجلس جنب واحد ماسك " جرادة " الله يوسع صديرك بالعافية بس لو الله يفكك من كاميرا هالخردة عسى اللي عندي للخراب المبين عشان أذبّه ببال(ن) سامح الللللللللللللللللله يقلع يحوم كبد من صنعه ولا يوفقه دنيا وآخرة << جيدين في الدعا بس . |
||||
|
|
|
10-04-2008, 02:55 AM
|
|
||||
|
من شيوخ الحاره
|
لنا يومين وحنا نطافش ونسبح وانتم توكم بس الجو والصور والبر وكلش ياسلام بس عطيّر تراي بجي للرياض طلعون معكم نوبه ودي اشوف بركم يقولون انه شين بتأكد بس >> تنحت قسمن بالله انه مهبول اخوتس وش هالاجرام الدمامين تخرخر وهو ماهمه >> ياربيه يالرقيقه بس عطيّر تراي ماعرفتس دام ذا اخوتس اجل انتي وش تصيرين شكلكم تمشون بسكاكين انتم احبتس 
|
||||
|
|
|
10-04-2008, 03:00 AM
|
|
||||
|
من شيوخ الحاره
|
مير الجو لايعلى عليه شي(ن) مهوب طبيعي الي خلى نص وربع اهل الرياض مخيمين مير شارعنا وانت داخلته تسنتش مارتن من مقبره (ابو ذا التشبيه) مابه احد فاتحن للمباته كلن صاكها وطايرن لمخيماتهم كود يحللوونها قبل لايخلص المطر وتجف الاراضي وتحرقهم الشموس ابد ماشافو خير
آخر تعديل الشينه
في 03:02 AM.
|
||||
|
|
|
10-04-2008, 03:08 AM
|
|
|||||||||||||||||||
|
مسطول يمون
|
<< أحد يحجز الرد الثامن مدري التاسع يالوح ؟  .................................................. ...... عطير يامال العافية علومتس غانمة وش هالصور وقسم تخقق الا الشيهانة ودي أشتريها ../ بكم سيمت ؟؟ ! ترا مجهزة لها قفص يهوّل << قفص للشيهانة يالوح ؟؟ وش عرفتس بالطيور بعدين سؤال ../ أنتوا عيالتكم وارد اجرام؟؟ منظر الدميان عندكم تسنه العيد يخرب بيت الظالم
ههههههههههههههههههههههههههههههههههههههههههههه صادقة ما أظن احد بيطيح منه الا صدق يختي أحسها ابل مهيب اصليه ماش ماينومسني الا الابل ام سنام الا ماتشوفينا لحد ماترفين راستس << احلفيعطير وش هالغدران وقسم مااذكر شفتها الا في مسلسل وضحى وبن عجلان ../ ونمر بن عدوانبس اشوى عندنا بحر وانتوا ماعندكم << مزاج بزرعطير بيض الله وجهك على هالصور ورا ماتعلميني يامال الضربة شلون الواحد يصور ووش يصوّر ذبحت بزراننا بس طايحة تصور فيهم يالبيه عطير مُبدعة في كلش وه بس . .
آخر تعديل مسفهلة
في 08:01 PM.
|
|||||||||||||||||||
|
|
|
10-04-2008, 03:13 AM
|
|
||||
|
من شيوخ الحارة
|
<-- قاممط ام العافيه من اخوتس عطر الروح صدقيني يلعن ام الفله اول مرة اتمنى اني بنت شفتي شي عمري ماشفته طلعة وسعة صدر وحيوان وحشي ياكل اخوانه الطيور <-- عايش دور البنت الحين عطرر التصوير قووي وللأمانه ماتوقعت فيه جوالات تصوَر بهالدقه والحركات هذي ( الله يلعنك يالباندا ) سلمي لي على اخوتس القوي وقولي تراي حاط يوزر عطر الروح في قائم التجاهل من اليوم <-- قسسمن بالله قاممط منجدد عطر اياجعل ايديَاتس ماتمسها النار وترا هالدعوه عقب ماشفت اخوتس الشقردي اللي انا اشهد انه اخو لرجال اللي هو انتي يالميكانيكيه إلا سؤال مامعكم بزران ؟ <-- جيدن عليهم !!
|
||||
|
|
|
10-04-2008, 03:20 AM
|
|
||||||||||||||||||||||||||||||||||||||||||||||||||||||||||||||||||||||||||||||||
|
من شيوخ الحارة
|
يختي لو ينقطع الكوفي جتني جلطة وصاروا يحطون في الوريد بدال المغذي كوفي كود اصحى
. تخبرين البنات وش يشوفون مجلات ؟ انا حدي مجلة البنيان المرصوص ومجلة الحرس الوطني وكتاب عالم الصقور العربية يعني من طلة في الصقر ادري كم يسوى الله يخلف ولو تقولين وش نوع هالروج مدري سلمي على عمك اكيد انه من ربع اخواني
. الكام باشتريها بعد سنة ان شاء الله حاطتها جائزة ان خلصت اشغالي المتراكبة فوق راسي << تهدي عمرها المريضة والمرة الجاية اشقلك معي بس تعودي على الهوش اللي بيجيك
. لبا قلبها الشرقية لا تقولين شي لا اتفل انا الظاهر لبى قلبك يا بعدي
|
||||||||||||||||||||||||||||||||||||||||||||||||||||||||||||||||||||||||||||||||
|
|
|
10-04-2008, 03:31 AM
|
|
||||
|
من جماعة جنكيز
|
ماشاء الله على اخوووك ياشيييخه بطططططططل صقر ودمان يصلح فلم <==ذي اللي ماودك تعبر ان شاء الله انبسطتي بس والله دام الجو كيذا فاأن شاء الله انك انبسطتي موضوعك ولااروع سلمتِ يابعد مصراني انتي
|
||||
|
|
|
10-04-2008, 03:52 AM
|
|
|||||||||||||||||||||||||||||||||||||||||||||||||||||||||||||
|
من شيوخ الحارة
|
ايه حدك طنازة يالنكبة يختي لو شفتيهم كيف كل واحد جالس حول نقعة مطر ترحمينهم ناشفين يا عالم بعذر الشوش طايرة والنفسية قافلة
فلاح باعه اخوي الثاني وشرى له واحد اطخم لو أحط صورته خطر ما اصيح من الخققان << انتي اللي مصورته يا خبلة لي معه صورة وانا شايلته على يدي بس معصي انزلها تشوفون يد التكرونية اللي شطوبها في ظاهرها
ايه صادقة ناويتن هالمرة ارجع للسوني مرورك هو الفلة يا بعدي وعساك لنور الدارين
|
|||||||||||||||||||||||||||||||||||||||||||||||||||||||||||||
|
|
|
10-04-2008, 04:16 AM
|
|
|||||||||||||||||||
|
ناقِد فني مُتميز
|
اما التشبيه في مكانه ذبحونا بالتعاميم  ياسلام ع الرحله الحلوه مع الاجواء الشاعريه والله تصويرك حلو ، وكانت هذي اول مشاركه لك اشوفها تصوير وعلى ان التصوير كان من الجوال الا انها كانت صافيه ونظيفه اهم شي انكم استمتعوا مع هالجو وغيرتوا الروتين الممل في البيت استمتعت كثير في مطالعة مشاركتك الممطره شكراً عطر
آخر تعديل Hms AL Ams
في 04:23 AM.
|
|||||||||||||||||||
|
|
|
10-04-2008, 04:23 AM
|
|
|||||||||||||||||||||||
|
من شيوخ الحارة
|
تسلم يالمعزب لكن لو بروح لهضبة التبت بآخذ معي اغراض الرحلة كلها واهمها سكينة رامبو ذيك ام شرشرة <<< سفاحة ما عليها شرهه نورت الموضوع
|
|||||||||||||||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
.. 
