دعوة للشعراء- عطني كلمه اعطيك بيت - الصفحة 18

31-08-2008, 03:08 AM

استلم

حراج ابن قاسم مثل بيت لوذان = لولا اختلاف المنطقه و البظايع
هذا جديد وذاك من دون بيبان = والله يبارك بين شاري وبايع

الكلمه ( خافيير سولانا ) ههههههههههه

31-08-2008, 05:41 AM

لا بالله ما هو موزون

بس أنا أسد عنك (فيس أخظر)

خافيير سولانا لنا الغرب دزوه
........للشرق الاوسط جابله سم فتاك
من طاع شوره تايه الراي معتوه
........عسى الولي يرميه في حوض الادراك

ماني رادك الكلمه المطلوبه ..طير..

31-08-2008, 07:13 AM

استلم

و انا اعشقه عشق القميري للغصان = لا ناح واردف ونته للهبايب
ما كني اللى جيت وارخيت الامتان = لجل الغلا واخر فصول الحبايب

[IMG][/IMG]

الكلمه ( كش ملك )

هههههههههههههههههه

31-08-2008, 03:44 PM

المريخ الله يرضى عليك
ليه تجيب منقول ؟
نريد من كتاباتنا

ماكل شي يجي بالعفرته

31-08-2008, 09:24 PM

كش كش ملك شاهدتها في وجه مغزلجي يدور +++ يوم صرخت في خشته من كثر ماعلعل بها
دنق وهرول يلتجي من ويل والا من ثبور +++ ياشين حضه ياعرب من لعبة يلعب بها
الكلمة المطلوبة ( طويق في عيني )

01-09-2008, 12:07 AM

طويق في عيني تزايد مقامه = يوم اذكروا حلو النبا نازل ٍ به

لعل يسقي طويق صوب الغمامه = اللي يضوي برقها تقول لمبه

لعيون من هو مايشح بسلامه = برسايله ويزور لاصرت جنبه

الكلمة هي ( قوقل إيرث )

01-09-2008, 01:24 AM

فيتونيسيا

الابيات المكسرة تحذف

01-09-2008, 01:59 AM

عصير بيك الله يرحم جدودك ......... وامك وابوك اهجد عن اللعب والحوس
حرام تتعبنا نلاحق ردودك ............ وتحط لك بيت متلهمد ومنكوس

الكلمه = الشعر ماهولعبة عيال

01-09-2008, 02:07 AM

الشعر ماهو لعبة عيال ولا كل من قال بيتين شاعر

01-09-2008, 02:17 AM

اقتباس:

المشاركة الأصلية كتبت بواسطة فيتونيسيا

الشعر ماهو لعبة عيال ولا كل من قال بيتين شاعر

اقول فيتو نيسيا ويش هذا؟...... هذا شعر والا مثل؟ لاجل نقراها

الالف زائده غلطه مطبعيه ورب البيت

01-09-2008, 02:24 AM

اقتباس:

المشاركة الأصلية كتبت بواسطة المقرشع باشا

اقول فيتو نيسيا ويش هذا؟...... هذا شعر والا مثل؟ لاجل نقراها

شكلها ( تغره ) يالبناخي , شكل السمبوسه مشتغله عندهم من

البارح .

قلت لي وش الكلمة يابعد حي تراني نسيت ؟!!

01-09-2008, 02:28 AM

الشعر ماهو لعبة عيال يالهيس ... الشعر فن ٍ مايجيبه صغيرين
الله من شعر ٍ نشوفه مطاريس ... ماكنه الا مايُنيز و قمر دين

الكلمة [ يا ساريه ]

01-09-2008, 02:31 AM

الشعر ماهو لعبة عيال ٍ صغار
............... ياليت من مايعرفه يبعد بعيد

01-09-2008, 02:41 AM

ياساريه والعلم فوقك يرفرف = ومعه قلبي يرف الفين رفه

سبة اللي ترك عقلي يتفتف = تفتفة ددسن في عرض لفه

أو :

ياساريه والليل توه بدري = بالله لاتسرين وتخليني

خليك وان نمتي وسادك صدري = وافرشك والحفك من عيني

أو :

ياساريه واسمك جميل ورايق = بالله يابنت الناس هاتي بوسه

بكرا الصيام اجيك ماني فايق = وريحي تقول مليف بسنبوسه

الكلمه هي ( حنتومه )

01-09-2008, 02:44 AM

ياساريه سيري على درب مسراك=ما هو بنا اللي يلتفت للمقفين
أن جيت مالك عندنا غير حياك = وان رحت محنا عن مراحك بدارين

الكلمه المطلوبه..خيمة الشعراء

الذين يشاهدون محتوى الموضوع الآن : 6 ( الأعضاء 0 والزوار 6)

أدوات الموضوع
مشاهدة صفحة طباعة الموضوع أرسل هذا الموضوع إلى صديق