 |
 |
 |
 |
 |
 |
 |
 |
 |
03-07-2008, 07:15 AM
|
|
||||
|
من شيوخ الحارة
|
قعيطي !
( و كالعادة .. عندما يرجع صالح من المدرسة .. يقوم بعملية الايداع اليومية لريالات فسحته .. فيضعها في علبة نيدو مشرطنه من كل الجهات .. و في اعلاها فتحة بمثابة الممر لعبور الدراهم  .. ثم يرج العلبة ليشنف آذانه بسماع حركتها .. في وقت الفسحة في المدرسة .. يرمي صالح حمل طعامه على رفاقه على ان جيبه منتفخ من الفلوس .. فيجغم من عصير هذا .. و يقتطع من خبزة ذاك .. والثالث يقول له بق لي اصبع كتكات أبحلي عليه !في النهاية .. طقققققققت تسبود الطلاب منه .. و وصل الأمر للوكيل .. الذي بدوره أخبر اهل صالح بالمشكلة .. تصروعوا  .. وقرروا انهم يقطعون عليه درب جمع القروش .. واستبدلوا ريالات الفسحة ب عصير وخبزة من البيت .. لكن صالح لم يستسلم .. اخذ الخبزة و العصير و بسط بها في الساحة وباعها هههههههههههههههههه <- يا حبي له  .. ووصل الامر لإدارة المدرسة .. اللي اخبرت الاهل بالامر بحكم ان في بيعه إضرار بصحة الطلاب ! .. هنا بلغ السيل الزبى .. قضبته امه مع يده وطوالي للعيادة النفسية حتى لا يستشري فيه المرض .. عافانا الله واياكم منه  ) * : هل الريال ما يطلع من بوكك الا بشق الأنفس ! هل حياتك كلها $ × $ ؟ هل انت من النوع اللي يتنحش اذا سمع طاري القطّة ! اذا قال لك ولدك يبه احب الكتكات .. هل ترد عليه ب حبه ورجعه  !هل جملة ( ادفع عني و بأسدد لك ) دارجه على لسانك .. والمشكلة يجي بكره وبعد بكره وانت ما تفكر ترجعها ! اذا يغلب على اجاباتك ال ( ايه ) ف يسعدني اقول لك ان معاشرتك تورث الحزن و تجلب المحن والعياذ بالله .. ويمكن يتحول البخل لمرض اذا ما تم تدارك الوضع .. يحرم الواحد نفسه من اشياء كثيرة و يكنز ويكنز كأنه بيعمّر في هالدنيا .. ما نقول الا الله لا يحرمنا .. الكثير يرون ان هالصفة في الرجل مصيبة .. وتتنافى مع الرجولة .. المرأه البخيلة اشوى شوي مير .. : ( فلان .. شايب ربي معطيه .. لكنه مقتر على نفسه وعياله و بقووه .. يومياً يضرب مشوار بسيارته الدردعانه اللي يوم تمشي وعشرة خربانه .. علشان يودي بنته المدرسة لمدرستها .. في يوم من الأيام وقفت السيارة في نص الطريق .. عدّل بدل مافيه فايده .. يأس منها .. فنزل هو وبنته وبدأ يأشر للسيارات المقبلة يبيهم يوصلونه لبيته .. لفحته السموم و تمصعت يده و أخيرا جااااااء الفرج .. وقف له شاب معه فيراري مدري كرسيدا <- وراتس خربتيها .. المهم سيارة فخمة وانتهينا .. وركبوا الثلاثة وانطلقوا .. فقال الشاب شن للشايب : أتحملني أم أحملك ؟ رد عليه الشايب : الظاهر بأخليهم يحملونك في نقالة .. تراني منيب فاضي لخفة دمك  .. <- الظاهر انهم بيقفلون الموضوع من ذا الملاغة .. لا جد .. نكمل القصة .. اسفهل الشايب مع براد المكيف و المراتب المريحة وبدأ يسولف و ينشد الشاب عن احواله .. إلى أن وصلوا للسؤال اللي قلب موازين الشايب .. سأله وقال ( ماشاء الله وش ذا السيارة الزينة .. بكم مآخذها ؟ ) فرد عليه ب : ( والله هذه من حلال الوالد .. كان بخييييييل ومطلع عيوننا علشان الريال .. يوم مات فليناها بحلاله .. اييييه الله يرحمه وسكت .. الجواب كان بمثابة الصدمة .. يعني الحلال لهم .. والانسان يفنى .. فليش ما يمتعهم في حياته .. علشان يذكرونه بالخير و يدعون له ) في النهااااااااية .. يهون كل شيء عند بخل المشاعر والاخلاق .. البعض نفوسهم صحاري قاااحلة .. لا ابتسامة صادقة .. لا كلمة طيبة .. لا مساعدات بدون مقابل !سبحانك اللهم وبحمدك و اشهد ان لا اله الا انت .. استغفرك واتوب اليك .. : * مقتبسة من جريدة الرياض و بتصرف .. ( واللي يبي يتابع حالة صالح من البداية الى العلاج يرجع لهالرابطين )جريدة الرياض : البخلاء مرضى، ولكن لا يعلمون!! جريدة الرياض : لكل داء دواءٌ يستطب به !! * قاريتها في موقع منذووو مبطي .. بس عجزت اذكر الموضوع ..
آخر تعديل مع السلامه
في 03:59 AM.
|
||||
|
|
03-07-2008, 09:37 AM
|
|
||||
|
نبضُ المكتبة
|
هذه المقولة دائما ً أتبعها , ولستُ من الأشخاص الذين يجمعون المال أو يحاولون الوصول إليه , أهم ما عليّ هو سدّ حاجتي وعدم اللجوء إلى الناس , وسدّ حاجة من هم تحت مسؤوليتي , والذين ليّ أرتباط معهم وتأمين ما يحتاجونه , أما مسألة الجمع ومحاولة الوصول إلى الثراء , وما إلى ذلك فأنه لا يستهويني , أقنع بالقليل فالدنيا دار مفر وليست دار مَقر جمع المال , يؤدي إلى الحساب الكثير . . البخل , من أقبح الصفات التي يتصف بها الرجال ! |
||||
|
|
|
03-07-2008, 10:29 AM
|
|
||||
|
شاعر
|
 خخخخخخخخخخخخخ والله قصة صالح تضحك خصوصا وهو يبسط بالسندويش والعصير حتى يبيعها واحب اقوله استمر يا صالح ما انت مريض نفسي ولا شي استمر واظمن لك انك تنافس عيال الراجحي ويغار منك الوليد البخل اعاذنا الله واياكم شر البخل اني اكره البخل والبخلاء والجاحظ معاهم كمان اعرف ناس بخلاء كثير واستغرب من حالهم وكنت اظنهم في اول الامر يمزحون لكن من شدة معرفتي بهم اكتشفت ان البخل حالة نفسية مستعصية ! احدهم موظف بمرتبة عالية يتهرب من كل قطة ولا يخرج منه الريال الا بطلوع الروح واحدهم كان يصفني بالبخيل لانه في كل طلعاتنا يبغاني احاسب بالاول كنت احلف واسوي من العلوم ذيك ( والله ما تحاسب خلاص انا حلفت ) لكن مع مرور الوقت طفشت منه اجل لي متى بقعد احاسب عنه ؟بس انا اتوقع ان البخل ناتج عن حالة نفسية او فلسفة خاطئة حالة نفسية يعني يكون قاسى في طفولته من الفقر والعوز فتكونت لديه هالحاله او انه يظن ان جمع الفلوس وتخزينها بالارصدة هو الصح وهذي فلسفه خاطئه ويروح عمره وهو ما استفاد منها شي ويا بخت الورثه وليتني منهم او يمكن تكون عن طريق الوراثه والتقليد زي اللي ابوه حضرمي يطلع زي ابوه يقدر الريال ويعزه <<<< كان معكم حاتم الطائي من حائل برب <<<<<<<< راح يبيع لابتوبه عشان يغدي ضيفه  موضوع ثري مع السلامه مع السلامه الاولة اسمك والثانية توديع
|
||||
|
|
|
03-07-2008, 11:00 AM
|
|
||||
|
طبّاخة مسكته
|
الله لايبلانا من جد والله يمر علينا ونشوف أشخاص فيهم هالمرض الله لايبلانا بس ,, الحمدلله انا واللي حولي << ماتقصد اهلها مااحب أخلي شي في جيبي أصرف ولا أبخل على نفسي والله يلعن الفلوس إذا ما صرفتها ومتعت نفسي وشوله اجمعها واخزنها ؟؟ ماهيب لاحقتني في قبري وكل يوم يجي و رزقه معه عوافي مع السلامه فمان الله
|
||||
|
|
|
03-07-2008, 04:35 PM
|
|
||||
|
الله مير الله بس
|
الحمدلله مني بخيله بس كمان مو مبذره << اذا سمعتو احد يقولها اعرفو انه البخل بكبره لاجد انا مو مبذره بس اصرف الفلوس فكلام فاضي والحمدلله بس شعاري في الحياه اذا ماشحنت جوالي بشتري اكل واكله يعني في النهايه الفلوس رايحه رايحه وحده من البنات تحكينا عن قريبها تقول ساكن ففيلا طول وعرض وعنده خيييير وانواع السيارات الفخمه عشان يحطها فعيون الناس وبخيل على عياله عياله ياخدو فلوس من واحد يشتغل عند ابوهم  الله لايبلانا اكثر العيال الي ابوهم بخيل يتمنو موته عشان يورثوه ايش استفاد لافلوسه باقيتله ولاعياله حبوه اعوذ بالله بس موضوع لزيز يامع السلامه < ماتحسي ان اسمك يدف
|
||||
|
|
|
03-07-2008, 05:19 PM
|
|
|||||||||||||||||||
|
without a trace
|
وفيت وكفيت  .. ولاتخربهآ بآلبآك . . وعليكم السلآم ورحمة الله وبركآته ومغفرته <<فآهم غلط
الله يهدآتس كملي القصة <<دش جو هآه الشآيب شصآر بوه ..انجلط وإلا للحين (حسآفة تكتب رد شطوله وشعرضه وكله حكم أومين تعتمده وبدون لاتنتبه وأن الكونكت منفصل ..موبآيلي أنآ كرهتكم خلاص ) مع السلآمة |
|||||||||||||||||||
|
|
|
03-07-2008, 05:19 PM
|
|
||||
|
يسمع بالغفر
|
صح لساني الحمد لله اني ماني من هالأشكال !! البخل مرض نفسي .. وقد يكون وراضي في بعض الحالات واحد من الربع الله يستر عليه .. كلمة بخيل قليله في حقه !!دايم نطلع واذا في قطه .. يقول عن اذنكم ياشباب واذا وصل العشا يحضر ودايم عنده حركه يسويها في المطعم .. اذا جينا بنحاسب يطلع المحفظه على انه بيحاسب ويقعد يدور فيها خمس دقايق لين اللي معه يدفع ويمشون مره جبت له العيد .. قلت له تعال نتعشى ورحنا ذاك المطعم اللي علبة المويه بريالين ومافي شيء ماطلبناه .. وبعد ماشبعنا راح يغسل وانا وراه .. وقعد حوالي ربع ساعه وكل شوي يزيد صابون ويغسل وانا معه ازيد صابون واغسل رحنا للمحاسب .. الا وتطلع ذيك القيمه .. طلع محفظته وقعد يحوس فيها !! قلت له حاسب وقابلني عند السياره ومن بعدها الرجال ماعاد طلع معاي وقصه ثانيه .. شايب من الجماعه قاعد يحكينا وقال امس شريت حبه دجاج مع رز وتغدينا منها وتعشينا منها وتغدينا اليوم الثاني والمشكله ان اولاده يمكن عددهم فوق العشره
|
||||
|
|
|
03-07-2008, 05:21 PM
|
|
||||
|
من شيوخ الحارة
|
في حارتنا 4 من أتجر الكائنات الموجودة على وجه الكرة الأرضية ، أحدهم في عام 2003 رصيده في البنك الفلاني يفوق 400 مليون ريال - والمعلومة هذي من موظف أعرفه في الفرع الرئيسي لهذا البنك - ، والبقيّة يملكون شركة معروفة للملابس ، وكلهم أقارب ساكنين في مربع تقريباً .يا جماعة الخير ، المعاناة بدأت عندما كنت في صف 4 إبتدائي ، كنت أخاف أهوّب من ذيك الحارة ، ظلام دامس كأنك في الدولة السعودية الأولى . الحال مستمر إلى الآن ، لمبّات الشارع في الحارة هذيك أنسى تشتغل ، عرس مهب عرس ، عزى مهب عزى ، لا تحلم يشغلون لمبات الشارع . أما البخل ، فحدث ولا حرج . المليونير هذا كنت أقلط عند ولده ، تصدقون بالله أني أنا أجيب الشاهي من البيت ، وأحياناً عصير الربيع وفطاير جبن ، ونقلط في خفس يسمونه ملحق ما فيه إلا فرشه ولمبة بيضاء في السقف الظاهر موصلها من الجيران . طيّب ، تصدقون بالله له الآن تقريباً 11 سنة ولا بعد كمّل أثاث البيت ولا ركب مغاسل يلعن دمه .طيّب ، تصدقون بالله أنه ما قد حط ريال في سيارة له أو لولده ؟ ، كلها هدايا من البنك ! . أذكر ولده كان يلعب معنا كورة في الحارة ، من خبرته وهو يلبس فنيلة الأرجنتين حقت نهائي 90 ، أقسم بالله إذا هي 4 سنوات وهو يلبسها كل عصريّة فهي شويّة . يا جماعة ناس منعم الله عليهم ومكرمهم ، يعني هذا بدراهمه يقدر يهاجر ويسكن في فندق ببرشلونة طول عمره مع وجبة إفطار مجانية بدون ما يشتغل ! .تصدقون بالله طيّب ، هذا الشيء اللي يقهر ، الملياردير هذا مرض ابنه بالسرطان ، ولا عالجه ، دخله الظاهر مستشفى سلمان وطقّه بالكيماوي لين قلبت عيونه ثم طلعه للبيت وتوفى ، مع أنه يقدر يسافر للخارج ويعالجه في الخارج ولو يبي ركب له جسم جديد وراس جديد ، بس البخل ، حتى على ولدك . صراحة فيه فضايح واجد بس خلها على كذا . آسف على سوء الصياغة بس من حرّ ما آونس . |
||||
|
|
|
03-07-2008, 05:45 PM
|
|
||||
|
قضبناه الباب
|
||
أنا لو يجيني وآحد يخطبني .. أطخم بس بخيل ..  بقول يبه إقلب وجهه <---- برّى  || بجد هذي الكلمآت بخيل .. قعيطي .. مايطلع قروشه .. متمسك بالريال ..الخ مصطلحآت تخرب الهيبه والشكل والأخلآق <--- يعني لو إنه مصلي ويعتكف طول السنه بالمسجد ويحبب يد امه ويبوس برجل ابوه بس بخيل ...!!! ماينطآق يآقمآعه <--- قلبت مصرآوي دحنا لازم نشوف لهم حلّ ...!! يعني انا اعترف ان عمي أكبر قعيطي في السعوديه وربي لا تقعدون تطآلعون فيني كوذيه ترآآه بخيل ... أذكر وانا كنت صغيرونه والعب كوره مع عيآل عمآآآتي <-- عآد كنت أحب أستعرض قدآم ولد عمتي جآء الرجآل ولعب معنآ وهو يلعب وينقز بالكوره مره يحطها بركبته مره برآسه مره بكتفه <--- طلعت برّى الموضوع  الا وجيبه اللي بصدره كآن فيه بوكه ويطيح بوكه .. ويجي ولد عمتي ويركض ويآخذه وينحآآآآآآآآآآش ويلحقه منآ منآ منآ .. ولد عمتي ينقآلكم يبي يخفف دمه .. فتح بوكه ورآح يوزع علينآ فلووس أنا طآح بيدّي خمسين ريال .. وأحط رجلي <--- خلآص من قدّي صرت غنيه بتآجر مع الوليد الا وعمي يمسك ولد عمتي ويعطيه بوسه أد السمآء .. من قوة البوسه صآرت الدموع خمسه خمسه ..<--- لدرجه ان ولد عمتي قاام يدور علينا ويرجع القرووش مآتسوى عليه هالكفوف || البخيل مآيعيش .. البخيل بس يجمع .. ولمّآ يفنقش يرفهّ اللي بعده .. يعني يشقى ويشقى ويمووت ولا يستفيد ....!!! بجد معنآآه .. الله يهدآآهم ... ويعقل صآآلح ويتعآآآلج .. والا صآر الولد اللذي لا ينطآآق || مع السلآمه <--- اسمك وودآع ايضاً ... إثنين في وآحد 
آخر تعديل ؛ لعزتي هيبه ؛
في 05:49 PM.
|
||||
|
|
|
03-07-2008, 06:46 PM
|
|
||||
|
من رُوّاد المكتبة
|
. أنا اذا سمعت هالموضوع تجيني حساسية من كثر ما اكرة هالصفه وفي هالزمن ياكثرهم القعاطى مالكم بالطويلة بقولكم بعض المواقف اللي اذكرها وحده معنا في الكلية حالتهم المادية فوق الممتازة مغرمين هم بشي اسمه سياحه خارجيه يعني كل صيف بديره يا في اليابان او في الصين او بلندن او .... المهم ومع كل هالسفريات ما تشوفين اي شي يدل على انهم يطلعون والله لابيتهم واثاثه ولا ملابسهم وسيارتهم سياستهم في الفلوس( ابن امه واحد من عيالهم يفكر يشتري شي!! ) يعني نسافر نتفرج بس غيره لاتفكر ( يكفي خساير التذكرة) وملابسهم مثل ملابس الطبقة العادية او اردى بعد مصروفها في الدراسه يالله يالله يكفيها لدرجه وصلت انها تتسلف من البنات والا تسرق الله لايبلانا تخيلي لدرجه انها في الدراسه تطلع اقلامها شكل قدامالبنات وكل اليوم تكتب من اقلام صديقتها تقول اخاف يخلصن ولايشترون لي  وكملتها بموقف مع وحده من البنات اللي كرهت عمرها عقبه تخيلي كانت معها زميلتها وقاعدين يتزينون لحفل اونشاط صايرفي مبناهم هالبخيله طلعت ماسكرا او قلوس عاد زميلتها من الموانه معها سألتها قالت هذا من الماركة الفلانيه صح .. قالت هذيك مسويه "كريمه" ولا تروحين تشترينه انا بشتريه لك واعتبريه هدية بس من عطتها اياه وكل خلق مستغربين فلانه تشحذ من فلانه هالشئ !!!! الاخت في الله راحت والفت لها قصة من راسها ان فلانه شحذته مني واني رحت وجبتلها وانها ووووو.. قسم بالله ماتسوى عليها راحت ونطلته عليها قالت الله ياخذك ومن يسألك عن شي والسالفه الثانيه .. واحد مليونيير وصلت معه القعاطه لدرجه انه اذا جاء بيوصل احد من زملاءة او جيرانه بسيارته يأخذ الاجره <<ليموزين على غفلة والمدرسين اللي معه يقولون مانلقاه الا يدور على (الزبايل الله يكرمكم ) يدور فضلة الطلاب !! ياعصير او سندوتش باقي <<الله لايحوجنا بس عياااله يتمنون وفاته زودعلى القعاطه فشيله من فعايل ابوهم ماينفق عليهم الا امهم من راتبها .. اخر سالفه وقسم <<<اشوى مابغيتي وحده اعرفها مررره من نفس طبقتنا ربي منعم عليها هي ورجلها مدخلة بنتها مدارس تحفيظ بس عشان رواتب الطلبه تقول خليني ارتاح من النفقه عليها !! << هذا وهي ماعندها الا بنت !! ليتها قالت كودها تحفظ قران اهون من هالعذر استغفر الله بس مااقول الا اللهم إني أعوذ بك من شح نفسي وإسرافها ووساوسها اللهم إني أعوذ بك من الشقاق والنفاق وسوء الأخلاق مع السلامه دوك <<عشان ماتقولين قعيطيه
آخر تعديل رَحِيْل..!!
في 06:49 PM.
|
||||
|
|
|
04-07-2008, 01:40 AM
|
|
||||
|
من شيوخ الحاره
|
.
اعرف لكم واحد كان جارنا - الله يغفر له ويرحمه - ... المهم هو شرا البيت من ابوي .. البيت كان وقتها يسوى 700 ألف ريال ..- هه ارقى شوي / انزل شوي- .. المهم .. الرجال كان شايب .. جاي يتوسل لأبوي يطرح عنه 50 ألف ريال ! .. ابوي الله يطول لي في عمره لو بقول عنه شيء فبقول " اسمح من كدا ايه ؟ " .. لو الآدميين ينخلقون من شيء غير التراب كان قلت ان الوالد مخلوق من البياض .. ولا لكم بطويلة .. وعشان ما أمسك مع أبوي خط مكة المهم الشايب وصل فيه انه حب راس ابوي ... وكاد أن يحب يديه ورجليه من قبيل اني ما أقدر أدفع أكثر وأنا طامع في جيرتك يا بو محمد .. أبوي قال وشو ؟ مير ب 600 / يلوموني ..يعني ثمن حبة الراس = 100 ألف << معها الآلة الحاسبة << يا ليل القهر . سكن قبالنا المذكور بالخير ... سيارات وأثاث درادع تعرفون وش معنى درادع ؟؟ .. والله كنا بس نقول الله يفرج عنهم .. ولده كان داخل كلية الهندسة وقتها .. معه سيارة عمّال .. ونيت غمارة وحدة .. مطقق ومقرع ... يعني شي مسيء للبيئة وشايبنا المرحوم -ان شا الله - عنده أربع حريم آخرهم مصرية تزوجها حديثا ً .. وقتها / لها رزق عنده سبحان الله ! توفى الشايب منّا .. والا ما نقول الا أمطرت على آله .. فلوس ! عنده اربع زوجات ..كل وحدة فيهم نصيبها 9 مليون ! .. هذي الزوجة ! .. شلون عند العيال كثار ما بين أولاد وبنات ! ولده من الأسبوع الثاني من وفاة ابوه طق اللومينا آخر موديل !! وكنهم قبل هالوفاة - الللللله يغفر له ويرحمه ويسكنه الجنة - ... ما شافوا دنيا ! وجاي يفاصل أبوي في 50 ألف ! / المفروض انها = 5 ريال عنده ! طب ليه يعني ..؟ وش قيمة المال أساسا إذا لم ينفق ! يعني انا اتصور حياته الله يغفر له عمره ما ارتاح فيها ...هم التجميع من جهة وهم الخوف من ضياع المجمع من جهة أخرى !! .. واحد في الديرة نفس الشي توه متوفي الله يغفر له من فترة ... وساكن في عشّة تأنف منها الحيوانات ! المشكلة لا زوجة ولا ولد ... ما تزوّج خشية الإنفاق !!! الحين خوانه مب مصدقين ان كل هذا عند أخوهم !! الله يعاملنا واياهم بعفوه ورحمته .. . الله المستعان ! . ،
آخر تعديل عبير نجد
في 01:53 AM.
|
||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
