دستورنا ( تنبيه : هناك تحديثات جديدة في الدستور )

07-09-2008, 02:48 AM

.
.
السينما قسم يشمل كل ماهو غير عربي من افلام ومسلسلات وبرامج اجنبيه .. وزيه زي أي قسم هنا له دستور خاص فيه وبنلخصه لكم على شكل نقاط ..

- مواضيع التغطيات عن (فلم / مسلسل / برنامج / حفل ) ياليت يكون مدعم بالصور ..
ومن هالناحيه ياليت تتأكد من هالشغلتين :
* انك تراعي فيها الحشمه يعني لو ماعندك الا هالصوره ( سترها الله يعافيك ) ولا بيتم حذفها غير مأسوفها عليها
* انك ترفعها على مركز تحميل صاحي .. او انك ترفقها في موضوعك..الين الله يفرجها ويصير لنا مركز تحميل خاص

- مواضيع اخبار الممثلين والممثلات وجديدهم ياليت تستوفي هالشروط :
* ما يكون منقول ( نسخ ولصق ) واذا قريت خبر برا او في جريده وتبي تنقله ياليت تعيد كتابته باسلوبك..
* مايكون الخبر عباره عن سطرين وخلاص ..
* ماتكون اخبار نص كم
* تذكرالمصدر عشان يدعم موضوعك لان الاشاعات مصيرها للقراشيع

- عندك خبر او سالفه عن مسلسل او فلم وحبيت تنزله في موضوع منفصل ياليت يستوفي هالشروط :
* مايكون منقول ( نسخ ولصق ) واذا قريت خبر برا او في جريده وتبي تنقله ياليت تعيد كتابته باسلوبك
* تتأكد انه مافيه موضوع خاص يتكلم عن الفلم او المسلسل
* تدعم موضوعك بمصدر .. ( اشاعات مانبي )
* ان مايكون الموضوع كلمتين ورد غطاها , حلاة الموضوع بالتفاصيل

..اشياء ممنوعه..

- الشات الغير رسمي ..
- أي منقول مصيره القراشيع ..
- رفع المواضيع القديمه حتى لو هو موضوعك ..
- حركات روابط تحميل بموضوع مستقل بدون تقرير عن الفلم اوالمسلسل مانبيها .. حلاة الشي كامل
- مواضيع طلبات + اسئله ( ابي رابط الفلم الفلاني او ترجمه الفلم العلاني + متى تنزل الحلقه الجايه ؟ او كم باقي للمسلسل ويبدا + ساعدوني بهالمشكله ) كل ذولي بيصير لهم مواضيع خاصه اي موضوع منفصل عنها بيتم حذفه..
- تراكات مسلسل او فلم مانبي ..( هذا رابط اغنيه المقدمه رووعه ..او من يجيب لي موسيقى المشهد الفلاني ...وماشابهه) هالشي ممنوع منعا باتا..
- تكرار المواضيع .. لما تنزل موضوع ياليت تتاكد انه مو مكرر ..لان المواضيع المكرره مصيرها للقراشيع..
- الردود ع المواضيع ماتكون من نمونة يسلمو .. يعطيك العافيه وتضيف الرد ! لازم تتضمن رأيك او تعليق او انتقاد للموضوع فقط دون التعرض لكاتبه..

وللمشرفين الحريه المطلقه في (تعديل/ حذف) الرد اذا شافوا ان ماله فايده ..

** أي مخالفه لأي نقطه من هالنقاط يعطي الحق للمشرفين للتصرف المطلق في الموضوع سواء بحذفه او تعديله او ان شاء الله قلبه شات ! دون الرجوع لصاحب الموضوع ..
.
.
.
الخاص مفتوح لأي تساؤل او استفسار ..
.
.

19-09-2011, 05:49 PM

تحديثات جديدة :

1- بخصوص التقارير

- بالإضافة إلى ماذكر بالأعلى يشترط عند طرحك لتقرير في القسم عن فيلم ما وضع [ التقييم - سنه الانتاج -تصنيفه - الممثلين - المخرج - القصة ( يشترط ذكرها بأسلوبك ) - والأهم رأيك الشخصي ].
+ بعض الصور للفيلم 5 صور ع الاقل + تريلر الـ youtube + التورنت و الترجمه مُرفقه

2- بخصوص تغطيات المسلسلات

- يمنع منعا نهائياً طرح ردود من عينة [ وين الحلقه \ وين الترجمه \ متى بتنزلونها ] ومن يطرح مثل هذه العينة من الردود سيعرض نفسه للخردل والكلبشة حتى وان كانت المخالفة الاولى له.

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق