 |
 |
 |
 |
 |
 |
 |
 |
05-01-2009, 11:38 PM
|
|
||||
|
slow shutter
|
أيها المخلوق تبي حشيش؟! آخر محل عاليمين
ياناس اتقوا الله لا أحد يستخف ويجلس يحشش  ولا يسوي أشياء مو كويسه .. لا لا اعقلو .. وانتبهوا يا ناس في محل يبيع عصير أخضر وأفلام إباحية في العقربية بجنب بقاله ( أبو نكبه ) مقابل مركز الغشيم لنظارات انتبهوا لحد يروح هناك ترى لوحة المحل سودا ومكتوب عليها بلون فسفوري .. انتبهوا لا أحد يروح هناك طيب ... << وش رايكم؟! أنا أشهد إني بمر بعد شوي عند المحل وبشوف الشارع مسكر من الزحمه .. وبشوف كل المساطيل هناك وبجلس اصرخ عليهم من الصدمه .. وبيجيني امساك في المخ من المنظر اللي قدامي ..!! وبيجي واحد مسطل وبيمسكني ويقول ياجوجو هدي اللعب احنا بس جينا نشوف .. لا تخافين بس 200 واحد هم اللي عجبهم المحل << بس 200 أشوا الحمدالله  لا لا أنا مو قصدي كذا حرام عليكم أنا كنت أحذركم وش جابكم هنا؟! مسطل:والله يالشاطره كل شي ممنوع مرغوب وأنتي ماقصرتي  وش وش جالس تقول أنت؟!!  مسطل:ايه دليتينا عالمكان اللي نبيه  والله لأفرك خشتك بالقاع وش تقول أنت !!  أنا جالسة أنصحكم << نعنبوك في أحد ينصح كذا !! << طيب هدي شوي خلينا نبدأ الموضوع ..  هلا وغلا أعزائي المساطيل وش رايكم بظاهرة (تبي حشيش؟) آخر محل عاليمين << لا ياشيخه !! لاحظت بآخر الزمان هذه الظاهرة << اهم شي آخر الزمان وهي إن الواحد يجي يسوي خير وينقلب شر صار الواحد الله يهديكم إذا جا يحذر من شي يسوي له دعاية بدال ما الناس تتجنبه تصير تتحمس إنها تسويه يعني خذلك مثلا الآن في المحاضرات .. يقولك ياشباب اتقوا الله لا أحد يسافر إلى الدوله هذيك في المنطقه الفلانية عند الفندق الهذاك.. من الشارع الخلفي بعد الإشاره الخامسة .. ترى هناك كله منكرات وخمور وبنات مشطحات اتقوا الله ترى اللي يروح هناك مايرجع بعقله اللي يرجعون من هناك فاصلين ومخهم صار في أمعائهم اللهم بلغت اللهم فشهد<< قل قسم وصلي اللهم على نبينا محمد وعلى آله وصحبه أجمعين << وبكرا إعلان إن ستون مليون شاب طاروا إلى هناك!! كيف؟ ليش؟ لماذا؟ علشان ولأن وبسبب الدلاخة اللي نعيشها  وبعد مثال مختلف قليلا .. وهالمره في الإيميلات يجيك إيميل مكتوب فيه: تحذير هام :: www.******.com هذا موقع أجنبي ينشر صور خليعه إذا فتحته تطلع لك نافذة فيها خانتين خانه تحط فيها إيميلك وخانه تحط فيها اسمك علشان يرسلون لك الصور .. يا ناس انتبهو لا أحد يعتب فيه تراه موقع فاجر .. أنشر تؤجر << شاااااااااااااب أنشر تؤجر أجل هاه !!  أنشر هافك بوجهك والله وكلها اسبوعين وتجيك رساله بإيميلك إن هذا الموقع الأجنبي مسجل أعلى نسبة زيارة له !!  ويا قلب لا تعجب !!  ولا لمن تدخل في منتدى وحاط لك واحد موضوع ومسوي يبي يحل قضيه ..!!  مثلا يبي يحل قضية (الفضيحه و تصوير البنات ) ويجي يتكلم يتكلم .. وبعدين يحط لك صور البنات وهم فاصلات << مسوي فاهم وبيحط أمثله  ويكتب تحت الصور .. ( شفتو كيف؟ الله يهديهم ..) ليش كذا البنات ينشرون الفضايح ؟!<< وأنت ايش جالس تسوي؟ أو يقول ليش الشباب يصورونهم ؟! ويحط صورة وحدة لابسه لبس الله وكيلك ضيق لدرجة إن بطنها صاير في ظهرها وصدرها صايره في ركبها وشي ي ي يخلي العاقل يستخف  ويكتب تحت: ( هذه المرأة راح تسأل أمام الله عن هذي الشطحه ) لا ياشييييييخ خ خ خ !! << يعني بالله عليكم هذا آدمي طبيعي ولا آدمي محتاج إعادة تهيئه لعقله ؟! واللي يقهرك زيادة إذا رد عليه واحد مثله عقله في بطنه وقال إي والله الله يهديهم .. بصراحه البنات اليوم فسخو الحياة والبسو فساتين الإغراء والعري .. شوف مثلا هذي البنت كيف تدخن ( ويحط صورة خشة بنت تدخن ) !! هذا أقل شي تقوله روح فصل لك ثوب لعقلك أول بعدين نتفاهم !! ياخي صار الواحد بدال مايسوي خير .. يسوي شر !! ياناس ارحم اللي أمكم تراكم بطيتو كبدي من هالعقول !! ياناس ركزو شوي .. لا أحد يضيع ويسوي أشياء يحسب إنها خير وهي شر !! ياناااااااااس أنتبهوا من هذي الظاهرة لا أحد فيكم يفتح لي شركة دعاية وإعلان للمنكرات وهو يحسب إنه فاتح ندوة إسلامية وقسم بالله في وحدة في المدرسة بغيت اتهاوش معها جايه تقول للبنات: يابنات ترى القناة (*****) تعرض برنامج يجي في الساعه ** عن الجراحة التجميليه والله قلة أدببببببب يجيبون الحرمه م....<< كلام مشفر يابنات لا تطالعونه ترى كله قلة أدب !! <<< آآآآآآآآآآآخ يعني الحين هذي ينقالك تبي تحذرهم منه .. وهم كلهم صاروا يتابعونه !! ليش لأن طبيعة الإنسان يحب يستكشف والبنت قالت لهم وهم من باب إنهم يشوفون بس وش هالبرنامج وهل هو قليل أدب فعلا ...ألخ وصاروا يتابعونه بدال ما يتجنبونه .. ومين السبب؟  طبعا البنت الدلخه .. تبي تسوي خير وانقلب شر .. المفروض البنت انصحتهم بشكل عام عالأقل جات وقالت يابنات لا أحد يتابع برامج مو زينه مايجوز تشوفون القنوات الفاجرة...ألخ مو تجي تسوي دعايه للبرناج وتقول أنا نصحتهم مثل الرجل اللي جا من المدينة بيدخل مكه ووقفوه حراس عند باب مكه وقالوا له أنت من وين؟ وعرف بنفسه وطلع رئيس أحد القبائل المشهورة وخافو إنه يسلم ... فحذروه من الرسول صلى الله عليه وسلم وقالو له ترى في رجل يجلس بجانب الكعبه لا تقترب منه تراه ساحر و...ألخ فالرجل أول ما دخل ايش قال في نفسه؟! قال خلني أشوف هذا الرجل اللي يقولون عنه واتجه للكعبة وشاف الرسول صلى الله عليهم وتحدث معه وأسلم هو وقبيلته << بس هم كانو بيسون شر وانقلب خير  وأنا قصدي إن طبيعة الإنسان يحب الممنوع ويحب يستكشف فهم لمن وصفوله المكان راح برجوله لو انهم قالوا انتبه من هذا الرجال وبس كان ما عرف وين ولا راح له واسلم بس هم سوو دعاية لرسول وهم مايدرون هذي القصة ذكرها الشيخ محمد العريفي وهذا موجز للقصة لأنها طويله .. وقسم بالله كثييييييير اللي يسوون كذا .. وأنا تجيني إيميلات تجيب الهم ومواضيع تعور الأعصاب العقلية وشي ياجعلكم ماتشوفونه.. أعزائي اعذرونا عالإطالة بس والله مقهورة من هالسالفه وأخيراً عزيزتي/ عزيزي [BLINK]انتبه لاتتزحلق بهالظاهرة المخيسة[/BLINK] خارج النص: ما رأيك في هذه الظاهرة؟! وهل مرت عليك هذي الحاله؟ وين ومتى وكيف ولماذا؟ وشكرا 
|
||||
|
|
06-01-2009, 12:44 PM
|
|
||||
|
مُحاور فذّ
|
والله انك خطير يالخطيرة <<< ازعط مسوي سجع . موضوع رائع ... وطرح أروع ... إضافة للموضوع وهي قد لا تخفى على الكثير من العقول الواعية أمثالكم أيها السادة المساطيل ... لم تنتشرت الرسوم المسيئة للرسول الكريم إلا بهذه الطريقة ... إذ أن الجميع تناقلها بدلاخة حسن النية ... تحت عنوان انظروا ماذا رسم الكفار عن رسولنا .... وهو يحسب نفسة يساعد في حملة ضد من رسم تلك الصور ... ولا يعلم بانه ساعده في نشرها ... الأمثله حول الموضوع المطروح كثيرة ... وسببها دلاخة حسن النية ... الخطيرة ... شكراً لك على ما خطته صويبعاتك ... |
||||
|
|
|
06-01-2009, 01:35 PM
|
|
||||
|
توه ساكن
|
فعلن هذه الظاهر ظاهرة حسن النيه بدلاخه زي ماقال اخونا في الله منتشره وبشكل جنوني في كل مكان،، منول كنا نحسب انها متواجده عند الاطفال اذا منعو من شيء اتجهو له ..لكن لوحظ انها انتشرت في عقول البالغين الله يهديهم بسويغثهم مثل ماغثونا في المنتديات والايميلات |
||||
|
|
|
06-01-2009, 02:23 PM
|
|
||||
|
توه ساكن
|
يعطيك العافيه على موضوعك اللي مانقدر نقول عنه أنه ظاهر جديده على مجتمعنا ومقتصره عليه صحيح أنه بالغالب لما نسولف عن شي كمحذرين له نكون بنية الخير بس بالغالب بعد اللي يتلقى هالتحذير تجيه العاده اللي معروفه عند الناس كلها وعند مجتمعنا بزياده الفضول الفضول لمعرفة هالشي اللي تحذرين منه خصوصا أذا كان ممنوع أو ما يعرف عنه شي وده يجربه |
||||
|
|
|
06-01-2009, 04:04 PM
|
|
||||
|
من شيوخ الحارة
|
هذا ما يحدث حالياً .. تذكرّت رسالة قرأتها قبل فترةٍ طويلة , ذُكر فيها خطة كاريكاتوري كاره للإسلام .. يقول كُنت افكر في طريقةٍ لنشر أعمالي , وانتهيت بوضعها في المنتديات العربية قائلاً : " انظروا لأعداء الإسلام , كاريكاتير إستهزاء بالنبي , حسبي الله , يا الله , و و و " عاد ربعنا عند السطاله جاهزين  ... . وهلّم جراً .. |
||||
|
|
|
09-01-2009, 07:00 AM
|
|
|||||||||||||||||||
|
تَوأم شهد مُعتق
|
 اويلاه على بقالة ابو نكبه   طاري ذيك الحاره يجمّد ستبدي نجي لموضوعك يابطله ب/
<<مامر علي اسمه<<مصدقه العنز صراحه كلامك واقعي وحاصل 200% ولكن مااراح مايفيد وينشب للظاهره الا موضوعك ذا لاتحرمينا تكفين  جوجو+العقربيه=:cry:
|
|||||||||||||||||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
