 |
 |
 |
 |
 |
 |
 |
 |
|
||||||
| شلة الحارة منتدى الزحف والعيارة |
 |
|
|
أدوات الموضوع |
23-02-2009, 10:16 AM
|
|
||||
|
توه ساكن
|
هلا دعلج حياك ..
 اول شي أحب اشكر مشرفين الشله الي فتحوا لنا احنا الأعضاء الجدد نتحاور مع اسم من أشهر و أبرز الأسماء الي كتبت كثير في مجال الكتابه الساخره بصراحه وخلني اكون اكثر بجاحه معاك من عرفت النت ماكان لي شف في أمور المنتديات مع إن الكثير يقولون إن اسلوبي فكاهي بعض الشي وانا والله ان شفت أسلوبي ان تقول الله يحلل السماجه نفسها عنك  .. بعد فتره من الهياط النتي والله عالم ان هالكلام مهوب عشان اتمدح فيك انت ولا بعض الأعضاء لكن الحق يقال إني طحت في موضوع لك وفيه بعض الردود من نكهة الديزل وابو راس وفيه كم عضو ما تحضرني اساميهم حالياً .. لكن الشي الوحيد الي متأكده منه هو إني سجلت بعالم المنتديات الساخره لأني فعلا حبيت اعرف اكثر عن هالهبال الي فيكم وجاتني فتره كنت كل بعد كم يوم ادخل على موضوع لك انت وكم عضو من الأعضاء الي اسسوا المنتديات الساخره وكان لهم صيّت كبير في داخل النت وخارجه .. دعلج بأختصار كم رسمت بسمه وضحكه بداخل قلب فيه من الهموم مالله به عليم .. الأغلبيه هنا متضايقين والنت والمساطيل بالنسبه لهم مكان يتسع خبالهم يوسعون صدورهم فيه وينسون الهم .. لكن طول مشوارك ف عالم النت والمنتديات خصوصا وان لك تجربه إعلاميه تقريبا تعتبر أنت اول شخص من المشهورين بالمنتديات تطلع على التلفزيون .. ومن عام 1999 وإنت بعالم النت .. أكيد هالفتره الي مهيب صغيره ابد تعرضت فيها لمشاكل لين بكره يمكن أغلب مشاكلك يعرفونها البعض وفيه مشاكل قد تكون أكبر والعن لكنها خفيه عن الناس وبداخل عالمك الخاص .. فسؤالي بيكون وش اخذ منك النت والمنتديات و وش عطيتهم مع هالفتره الطويله؟؟ .. والمشاكل الي صارت لك بهالسنين ما تحس إنها اثرت على نفسيتك او خلتك تتغير ؟؟ لا تقول لا ما تأثر ولا تغيرت انا اشوف ان دعلج قبل سنوات طويله غير دعلج الحين وخذ هالسؤال على طريقك بخصوص هالسالفه .. وش سبب تغير عيارة دعلج هل لأنك مليت من الكتابه الساخره او ان دعلج يتطلع لأمور جديه هي بالنسبه لك اهم من الكتابة الساخره؟؟ .. وهل حسيت إن عيارتك قبل سنوات طويله يوم كنت يمكن عاطل او كنت بعدك صغير بالسن اختلفت عن عيارة دعلج الحين صاحب الشهره اللامعه وصاحب الأعمال الي اشغلتك عن الكتابه الساخره ؟؟ لأني في مره من المرات سألت نكهة الديزل وقلت له ليه ما عاد تكتب بالشله .. فقالي بكل بساطه "منشغل بعملي ودوامي وماعاد في وقت إني اتفرغ لكتابة موضوع عياري" .. فهل انت يا دعلج أثرت عليك الحياة العمليه في إنك تكتب موضوع ساخر وترجعنا لعهد دعلج القديم ؟؟ في سؤال بعد .. اتوقع انا لو إنك مثلا مشارك بيوزر عادي مهوب يوزرك دعلج الإداري بتاخذ راحتك أكثر بالذب والضحك والهستره .. تحس إن يوزر دعلج والمكانه الي انت ماسكها هل هالشي سبب لك اي قيود من ناحية التحرر في كتابة الشي الي تبيه بدون ما تفكر فلان يعرفني و ولد خالتي معنا ولا ما ودي اتشرهه من الناس الي يعرفوني بالواقع لما يقرون هالحتسي << يعني هل هالأمور تجي ببالك او قد طرت عليك ؟؟ قريت فوق من ضمن الأسئله كلام كاتبه نكهة بخصوص حجب المساطيل .. وش سويت بهالفتره او وش كنت تفكر فيه .. اتوقع ان هذي من الصعوبات الي مرت عليك وخلت دعلج يستجلد ومهما تصير له من مشاكل تقدر انك تواجهها مهما صعبت .. برأيك الشخصي هل تحس انت ومجموعة الشباب الي مأسسين المساطيل بأنكم محاربين ؟ .. "الكل يعرف ان كل ناجح له اعداء والشهره بحد ذاتها سلاااح ذو حدين" آسفة ان طولت عليك بالأسئله لكن موب كل مره يجي دعلج ويتاح لنا المجال إنه نتكلم مع شخصية كبيره مثلك .. بالنهايه اتمنى لك التوفيق والله يزيدك من سعته |
||||
|
23-02-2009, 12:05 PM
|
|
||||
|
نآر على علم
|
ودي الاي راد مع الاولين لكن العذر والسموحة فدنياك هذي ماتجي لك على الكيف ومثل ماقيل ان تصل خير من الا تصل سؤالي ماهي مقومات القصة الساخرة الناجحة في نظر دعلج ؟؟ ايضا ابي راي دعلج في الكاتب سديراوي فأنا من اشد المعجبين بدعلج وسديراوي وش رايك فيمن يعزو اختفاء قناة الاوربت الى خروج دعلج في احدى قنواتها
آخر تعديل ابو وفاء
في 07:25 PM.
|
||||
|
23-02-2009, 12:45 PM
|
|
||||
|
توه ساكن
|
لأننا صراحة متعودين مانكرم الواحد الا أذا فطس حتى أني قلت الله يستر لايصير البارح قاعدن يشيش في مقهى الحسين , دعلج وهذي حقيقة لايمكن أن تغطيها بغربال أو نقول بمنخل مدمنا نخاطب هذا العيار القروي , محبوب عند كل من تستهويه العيارة شاء من شاء وابى من أبى , محبوب جدا وله قاعدة شعبية أكبر من قاعدة جنيفر لوبيز في أمريكا اللاتينية .حتى في المنتديات الي مهوب يدخلها , لأنه لايخفى عليكم ياخواني الكرام أنك تستطيع أنك تمنع شخص من دخول بيتك .. ولكنك لاتستطيع انك تمنعه من دخول قلوب الناس , والناس ترى ماهنا أكود منهم , مهوب متقبلينك وحابينك بالشكل هذا الي نشوفه صاير مع دعلج , الا وأنت من طوريشات الجنة . بعدين يأخوان شوفو وشلون الثقة في النفس والبساطة مراقب والجميع ماخذ راحته في الكلام معه , يمكن تلاحظوني رسمي معه شوي , ولكن اعذروني مابعد تعودت , أخر منتدى جيت منه المراقب كتب موضوع يسب الكوسة , شوي كل الاعضاء قامو يسفلون فيها, ويحلفون أنهم خلاص معد ياكلونها , حتى أني صرت أذا شفت أمي طابختها فصلت المودم ههههههههههههههههههههههههههههههههههههههههه سؤالي هو الآتي : وشلون طحة في النت , يعني شكلك وبناء على أسلوبك كان المفروض هوايتك : تلقح نخل , تصيد خضاري في قلبان سدير , وكان غير منتظر منك , وغير مقبول أنك تطيح في كمبيوتر العائلة فما بالك في النت !!؟ |
||||
|
23-02-2009, 02:09 PM
|
|
||||
|
الله مير الله بس
|
^ كيفني وانا عمليه يعطيكم العافيه ولو انكم تفشلو ومادفعتو للحرمه فلوسها يعني حتى لو حلفت مو علطول ترجعو الفلوس فجيبكم بطلوها الحركات هازي شغل متعوب عليه تسلم يدها اما الفكره لاوالله ماقدر اكذب مو متعوب عليها ولاتسلم يدكم ماعندي سؤالات الا : ليش ماتعملو كتب زي القصص القصيره تكتبو فيها البتاع حقكم ؟< كانه اقتراح مو سؤال  هل حصل وأنك قريت موضوع عياره وفنصه مشيت ورزعت الباب وراك ؟ وهل حصل انك ترد على موضوع وانتا ماقريته زي الناس من باب مشو حالكم حالكم الماشي لانه بسراحة ربنا كلام العيارين كتير ويجيب النعاس اكتر الناس تقرى سطر وتشطح 10 وتلقى الرد نصه هههههههههههههههههههههههههههههههههههههههههههههههههه هههه يرقعو الموضوع هل حصل انك كتبت موضوع ولما قريت كلامك قلت اعوذ بالله من تقالة الدم ؟ ام هل أنك لما تكتب موضوع ماتراجعه؟ ام هل لما تكون المواضيع بدون مراجعه احلى ام هل لازم ؟ وبس وشكرن |
||||
|
23-02-2009, 02:09 PM
|
|
||||
|
مسـيّر
|
س1 / كاتب عيار كان معك بموقع الاقلاع وانقطعت أخباره ومواضيعه وتحس انك فقدته ؟ أبي أسم واحد بسس ؟ س2 / توافقني الراي ان النت قبل تسع سنين او ثمان كانت العياره أكثر من الحين بالنت بشكل عام ؟ وبهالوقت صاروا أغلب رواد المنتديات أعمارهم من 15 الى 20 وفاهمين العياره غلط  س3 / كاتب عياري تحتفظ بمواضيعه بالمفضله عندك او لا ضاق صدرك رحت قوقل وحطيت أسمه وجلست تقراء مواضيعه ؟ ماعليه يااادعلج تراني زلاابه ماعرف اسأل ان ماجازت لك الاسئله وتبي تسحب خذ راحتك وياخوفي انك تسحب على اللقاء بكبره لأني عارفك وصخ ولا تعوق معك
آخر تعديل ليور
في 02:46 PM.
|
||||
|
23-02-2009, 05:17 PM
|
|
||||
|
عيـّار
|
لا أكاد اصدق دعلج هنا !!! دعلج ياخوي أنت مفروض يحطوّن لك تمثال بمدخل الرياض من جهة سدير يعنبو إبليسك وينك ماصارت أشغال ياخوي تعاااااال نبيك يارجل ياخوي من كثر ماغبت شكيّت إنك مسجون يابو عادل هههههههههههههههههههههههههه من جدّ وش هالغيبة الطويلة دعلج انت مفروض وبدون مجاملة يدخلّونك بالمهن وطموحات الشباب تقول لي كيف اقول لك مثلاّ الحين الصغير مهب يسألونة وهو صغير وش ودّك تصير لا كبرت يقول طيار او مهندس او ميكانيكي او دكتور يحطونك مع ذولا يعني لا سألوا الولد وش ودك تصير لا كبرت يقول ودي اصير دعلج <<< الله من زين الطموح عاد تلقى هاللي اختار يصير زيك يادعلج فية لعانة الثقلين وبراسة تسعطش فلقة ورقبتة لاعبن فيها اثر كويات الجدري والدنيا لاعبتن فية قس قم دعلج سؤال ماهو شعورك يوم أتصلّ فيك صاحب السمو الملكي الامير حسام بن سعود بصراحة يعني مانبي رد دبلوماسي يعني وش كانت ردت فعلك يوم دق عليك وليش اول المكالمة تلخبطت وآخر المكالمة قلبتها ميانة وبديت تقهقه وفتحتها بحري  يالله جاوب يالله أحتريك تراي والله يادعلج إني من كثر ماأسأل عليك بديت أستحي بالاخير أخاف تقول وش يبي ذا نشب لي دعلج
آخر تعديل مطاول الليل
في 05:46 AM.
|
||||
|
23-02-2009, 05:18 PM
|
|
||||
|
نبض الأسره
|
فعلاً زمان يافن ..
السلام عليكم ورحمة الله وبركاته .. ايه النور دا كولو؟! .. قسم بالله يوم قالوا لي الشله مسوين لقاء مع دعلج .. قلت ما بدهاش سجل دخول ورح رد على الأقل نسلم عليك .. والله يا أبو عادل أني سعيد جداً بهالأستظافه .. لأنك خامه عياريه كبيره <- بدري عليك تفهم وش معنى خامه ..لن تتكرر ابداً ابداً .. كاتب ممتع سهل بسيط .. يقولك أنت ضايق صدرك؟! .. تعال اضحكك واخليك تروق .. والله يادعلج أنا من عرفت النت إلى ساعتك ما أشوف مميزين بالعياره إلا أربع أشخاص .. وأعتقد أنه من الظلم أننا نقول عن غيرهم أنه مميز .. طبعاً هالأربعه هم .. " السيد هها بس - بردان - فليسكو - دعلج " <- لاتركز على الترتيب ..كتاب كبار رغم أني أشوف أنكم حالياً ماترضون جماهيركم بتواجدكم البسيط ..وبعضكم أختفى خير شر .. ماعاد ينشاف .. صحيح الدنيا مشاغل .. بس ناس مثلكم مدارس في العياره حرام مانستمتع بكتاباتها على الأقل لو موضوع في السنه ..أنا واعوذ بالله من كلمة أنا ثور في المقدمات والمدح والثناء .. ومهيب بعيده وانا امدح كتاباتك أقولك أنت حلو من باب أني ما افوت أي مدحه بالدنيا < ? .. وللأمانه مهوب أنا ولا غيري يصنفكم أو يمدحكم لأنك أكبر من كلامنا بكثير .. حبيت بس أوضح وجهة نظري فيك .. وأقولك ترانا بأحتراء موضوع جديد ..عندي بعض الأسئلة .. مدري أن كان فيه أحد سألك اياها قبل وإلا لأ .. س1 - هل تشوف أن مستوى العياره يختلف بختلاف الأجيال؟! .. يعني هل فيه فرق واضح بين مؤسسين العياره .. وبين الكتاب العيارين هالوقت؟! .. وإلا تحس أنهم نفس المستوى اللهم أختلاف الأفكار؟! .. س2 - هل فكرت يوم من الأيام أنك تصدر .. " كتاب - رواية - أو تكتب بجريدة أو مجلة ".. س3 - هل تعتقد أن الشخص يقع بحب النت والمنتديات والهبال فترة من عمره وعقبها يقطع؟! .. وإلا تشوف أن اللي يدخل النت مافي أمل يطلع منه؟! .. س4 - الكتاب الكبار آنفي الذكر .. بعضهم اختفى وبعضهم مقل جداً .. السبب في نظرك أنهم ملوا؟! .. وإلا أنهم افتقدوا لعيارة زمان؟! .. وإلا أنهم ملوا من الصجة اللي تصير إذا تواجد يوزرهم بأي مكان؟! .. س5 - غالباً الشخص أول شي يسمع بشي اسمه نت وهبال وضحك وسعة صدر .. شوي يقول بدخل أشوف هاللي يتكلمون عنه .. عقبها يبدا يقرا ويتابع عقبها يشارك .. عقبها يصير حلمه أن اليوزر الفلاني يعطيه وجه .. عقبها يبدا يحلم بالإشراف ..عقبها يكبر حلمه ليييين يفكر جدياً بأنه يفتح منتدى ويكبر ويبرز ويثبت نجاح يوزره من نجاح منتداه .. بعد هذا كله هل أنت راضي عن عطائك في حارة المساطيل؟! .. وهل أنت راضي بمستوى حارة المساطيل حالياً؟! .. وإلا تشوف أن كل شي في الدنيا يبيله تطوير ورى تطوير؟! .. حتى لو وصل للقمة؟! .. س6 - رأيك بالكتاب التالية أسمائهم .. " السيد هها بس - بردان - فليسكو - حرفوش ".. س7 - هل تشوف أن العياره ممكن أنها تلقن تلقين أو تدرس؟! .. وإلا تشوف أن العيارة موهبه من الله مايقدر أحد يدرسك اياها؟! .. وهل تشوف أن الموهبة هي اللي تثبت نفسها كموهبة بالعياره وإلا لازم تصقل عشان تبرز؟! .. س8 - دعلج موهبة كبيره " ماشاء الله تبارك الله ".. هل كان هناك داعم لدعلج؟! .. يعني في بداية دخولك للنت فيه شخص كان يقولك حاول تسوي كذا وسو كذا .. وإلا كنت تسوي اللي براسك وبس؟! .. <- حامة تسبدي من عمري يلعن أم الرسميه اللي مقطعتني ..أجل تالي عمري انطل كلمات فصحى والله منيب عاقل ..آخر سؤال ويمكن مهوب سؤال قد ماهو طلب .. متى بنشوف دعلج وعمر ابو راس والكتاب الكبار في الشله؟! ..وما اقصد بالشله أنك تجي تنزل موضوع وترد على اللي ردوا عليك وقضينا .. أقصد تشارك في كل المواضيع وتحرثه حرث .. وتقيم المواضيع .. على الأقل عشان يستفيد الجيل الحالي من خبرتكم .. وفي الأخير يعطيك ألف عافية على التواجد .. ويارب ما تكون الأسئلة غثيثه .. وتراني حطيت كل اسألتي مره وحده عشان ما أروح وأرجع وأرد أكثر من رد وأسوي لكم قروشه ..على فكرة يادعلج قسم بالله اعرف واحد عنده نفس حالة أبو مطرقه وابشرك لقاله علاج بمركز الحبيب الطبي ..عاد يقول الرجال أنهم عطوه أبره وحده أسبوعياً لمدة ست شهور وهالحين حصان ومن قوته تخاف تجلس جنبه ..الزبدة ترانا مشتاقين لك ياوصصصصخ .. ومشكووور على رحابة صدرك ..مع أني حاسك بتزحلقنا بسبة الفصحى خصوصاً كلمة " خامة " كما اسلفت الله يطول عمري ..وأيضاً ما أنسى أشكر الشله وأقول لها اخيراً؟! .. عقبال فليسكو وأبو جوين ..برايفت الشله .. ترى الملف المضغوط فيه مواضيع ناقصه .. مثل الختان معاناة وقذاره + موضوع ساجده .. ياليت تعدلون عليه وتضيفونهم الله لايهينكم ..
آخر تعديل ملف شقراء
في 02:11 AM.
|
||||
|
23-02-2009, 05:27 PM
|
|
||||
|
بروفيسور عيارة
|
ياشين الرسمية والله منيب احبها بس حجرتوني ومضطر اصير رسمي الله يلعن ابو بليس مهيب زينه في هالشغل الزين والتعب والاخراج واخرتها اجي اتميصل واستبزر واستخف دمي والله وماحلفتوني يالربع انها خنقتني عبره يوم شفت هالصجه واللجه والمدح والترييش بي حسيت اليوم بطعم فرحة اللي يتخرجون ويسوون حفلات تخرج واللي انحرمت منها كل حياتي لان كل نجاحاتي في الدور الثاني  هذا اذا نجحت طبعاً وهذي اول مره اعيش هالمناسبة اللي هي جو التخرج والحين بس عرفت كيف شعور موهند ويحيى ولميس <<< اقول الله يلعن من فكر يقابلك مدري شلون ابشكر كل من اشتغل على هاللقاء وعلى كل من خطط له وعلى كل من شارك وقال وتكلم ومدح و و و و !! وقسم بالله اللسان احياناً يصير كنه لسان بثر يقوم ينتع ويصير ثقيل كنه طوب احمر اللي يزينون به الوجار كلام كبير ومن ناس اعزهم واغليهم ويشهد علي الله معزة الاخوان واكثر << والله وصرت كيوت واعرف للقلوب يشهد الله ان فرحتي ماهي الا اني قاعد اشوف راي ناس كبار واساتذة واقدرهم واحترمهم فيني وهذا اكبر شرف لي والحين بس حسيت بطعم هالسنين اللي مضت واللي تميصلت فيها الين قلت آمين جد اشكركم << خلاص عاد وجع نجي للجد : والله العظيم وماحلفتوني ان فرحتي بالكلام اللي انقال فيني وبراي كل عضو مدح دعلج واثناء على كتاباته ماتوصف ولاتكتب في سطور ولا صفحات النت كله  والشرف لي اني اكون ضيف بها القسم العزيز على قلبي قسم " الشله " واللي اعتبره مثل الوحل القذر اللي احب اتمرغ في طينه واطّلع كل مافي تسبدي بدون خوف وحياء وساجدة تشهد لي جعلها النار وان شاء الله راح اجاوب على اسألتكم كلكم والله يقدرني واقدر اجاوب اجابات سنعة واجيب نسبه لاني منيب كفو لمثل هالمقابلات هههههههههههه شكراً لإدارة الشلة ومن خلفها اللي جهزوا هالمقابله واشتغلوا عليها شغل يفتح النفس وبرضو شكراً لكل من قال فيني كلمة في البوسترات ياجعلي ما اعدمكم كلكم  وشكراً تؤبر تسبدي ولعد اشوفتس تسوين دعايات في مواضيع مقابلاتي من جد شغل متعوب عليه والله يبيض وجهتس وجعل يدياتس في الجنه وباقي جسمتس ماعلي منه لي عودة بعد المبارة ان قاله الله
|
||||
|
23-02-2009, 06:45 PM
|
|
||||
|
متعبتهم
|
يالله ان تحيي دعلج مدري ليه فرحت يوم لقيتهم مسويين معك لقاء اقل شي لقيت شايب ذبحونا صاير المنتدى طعشات وانا عجوز قريح حتى نجلا فتحي محد يعرفها دعلج <===اتحداك بالرسميه  ساجده امين هل تنكر يامريض اني انا اول من حط صورتها بموضوعك ؟ ولا حتى قلت اشكرتس يابنت همن سرقت حقوقي <==تراه سؤال 2-وش رايك بطوكيو (وهل ) ودك تزورها؟ <===آبوك يالبزر الي طاحت بالمسلسلات اليابانيه فجأه3-وش سر هالزحمه بموضوعك تحس عندك( كاريزما )مثلا  <==عادي عادي ان مافهمت فوّت 4-وراك مختفي ياجدي وبعدين ليه ماترد بالملعب ابد ابد ترانا نتماعط شوش فيذاك وكذا 5-متى بيلبس الي بتوقيعك ؟والله يادعلج الصدز الصدز نتمنى انا واعضاء الملعب نشوفك هناك <==مسويه لها ثقل هناك وهي 24 ساعه مكلبشه دعلج والله من جد شهادتنا فيك مجروحه انت الاب الروحي<=======اطردوها تكفون والله عاد لو احتسي من الحين لبكره ياخيي برضو ماوفيتك<----متعوب على برضو وياليت ماتقطع عن المنتدى عاد اسمع من ضمن الاسئله فيه سؤال لحيدره تقدر تطلعه اذا انت ذكي<===دور امصل سؤال تراي غششتك وبالتوفيق ان شاءالله في حياتك العلميه والعمليه <==اوتجراف وحركات رابع جيم فمان الكريم والف شكر لمشرفين الشله زعيم وابو وفى ماقصرتوا |
||||
|
23-02-2009, 06:57 PM
|
|
||||
|
مسطول يمون
|
^ وانتي الصادزة ياوخيتي ماتمشين فيذا الا على طعشات .. تراني ماتحجبت من شوي كما هي العادة أجي في الاخير وإذا شفت الردود والحتسي الكبير ..بصراحه تصيبني حالة من الفهاوة وبالرغم من ذلك استطعت جاهده ان اختلق سؤال ذكي ويدل على عقلية صاحبته الفذة هل سمعت بالدويتو ؟ وهل استخدمته؟ وش رايك في السؤال الدويتو اللي طرحته بنت السبيت ؟ ودعلج لايختلف على عيارته اثنان أو ثلاثه .. وهو كذلك رجل أجودي ..ويازينه ساكت <--حاسه بتجيها ذبه بنت كلب والسلام مسك الختام دوك ورده ليست للأكل <--ماسكه لغة عربيه
|
||||
|
23-02-2009, 07:29 PM
|
|
||||
|
وطنُ من شِعْر
|
واسأله كم مره سرقت عنب من المزارع؟ 2- اين تجد نفسك امام التمر الخضري وهل كنت تاخذه معك فسحه في الكتاتيب = المدرسة؟ 3- هل سبق ان طحت من نخلة خضري ( ميت الخضري شهيد )4- هل حققت امنيتك وشريت سيكل 28؟ واخيراً كم انمخش الونيت حقك من مره بسبب جدران خفيه وتقبل تحيات محبك خذ
|
||||
|
23-02-2009, 11:27 PM
|
|
||||
|
من شيوخ الحارة
|
من زمان عن المعاريض والعشرين سطر مدح وترفيع ومن زود الخقه اقعد اناظر الصورة الرمزيه للعضو اللي امدحه واقعد ابوّس فيها .. انت رجال(ن) ماينفع فيك لامدح ولامذمه لأنك بكل الحالتين ب(تزلغ) اللي حتسى بك وتلعن جدفه بنتفات إلين ماعاد يتعوّد يفتح فمه قدامك .. دعلج انت إنسان ربي اعطاك قلب طاهر ومحبوب لدى جميع شرائح المجتمع من رجال ونساء ولكن السؤال الاكثر اهميّه هل انت بوسط عائلتك زي ما انت معنا ؟ ياخي من كثر ما انا انبسط لاشفتك صرت احلم إني حرمتك الله يبلشك وبالنسبه للعياره فوالله الذي لاإله إلا هو ماعرفت موقع حارة المساطيل في الألفين وخمسه إلا عن طريق يوزر دعلج .. وقعدت اقرا واقرا إلين ربي امرني وسجلت واستمتعت بكل لحظه في هالمنتدى .. س/ دعلج ماقد جاك وقت من الاوقات وقلت خلاص ماعادنيب داخلن للنت ابد ؟ يعني بالعربي مامليّت ؟ <--- هذا اللي مل ومنقهر من العالم ماملّوا بالنسبه لمواضيعك من بدايتها لنهايتها مافيه مواضيع حجروك اقاربك عليها؟ يعني رجال لاجلس بالمجلس ضايق العالم من كبر جرمه ويكتب عن الختان الله يرجك هههههههه وإلا مايدرون عن يوزرك ؟ دايم تعيد وتكرر علي واخذتها حكمه منك في احد الأيام اللي تلاقيت بها معك وقلت خل النت عباره عن سعة صدر لك ومتعه , ولاجاك منه "بداية "وجع راس ومشاكل اجحدها وكمّل على سعة صدرك في حياتك ماواجهتك مثل هالمشاكل ؟ وإن كانها واجهتك وش سويت وقتها ؟ دعلج سؤال ولافيه امل تديور به او تجحده ياقذر وش صار على جدك الأصلع اللي عضّه حمار بالمزرعه مع راسه وغدى راسه تسنّه قوطي حليب نستله مخفّس من فوق ؟ وبالنسبه لجدتك اللي تحلق دقنها مرتين باليوم للحين هي حيّه ؟ دعلج صدقني مابيّنت لك غلاي هنيّا لأنه ماتقدر تعرف وش كثر انا اغليك إلا لامنّك شفت عويناتي تتلاقط بشوفت خشيمك .. ماهنا اسأله تُذكر ولكن يعلم الله اول مادريت عن الموضوع جيت اركض على شان اسلم عليك اولا واقول لك إن اكثر شي كسبته وافتخر به من اول يوم لي بالنت إلى آخر يوم بعمري هو شوفتك ومعرفة رجال مثلك وشرواك يبو عادل
آخر تعديل مفتت التسبود
في 11:29 PM.
|
||||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
