 |
 |
 |
 |
 |
 |
 |
 |
|
||||||
| شلة الحارة منتدى الزحف والعيارة |
 |
|
|
أدوات الموضوع |
25-02-2009, 05:43 AM
|
|
||||
|
شقرديّة
|
* * * هههههههههههههههههههههههههههههههههههههههههههههههههه ههههه دعلج تستحي  توني أدري انك تستحي ..والله معاك حق جاك تريش فضيع   ..وتستاهله كله والله  ..عرفت عندك كثير من النبذه .. ويكفيني  ,الله يدوم عليك محبت الناس لك .. وليتك ترجع وتكتب زي قبل ..لقبلك الطاهر \\
|
||||
|
25-02-2009, 03:53 PM
|
|
||||
|
توه ساكن
|
هل احسست يومآ ان هنالك من يحاول تقليدك ؟ لنفرض يوم من الايام كان لك ولد عمره 23 سنه ومره من المرارير اضطريت تدخل الحاره باللاب توب حقه وتكتشف انك دخلت بحساب يوزر " بثر " وتكتشف حينها ان "بثر" هو ابنك !!! اول ماتشوف ولدك بعد هاللي صار اش بتقوله ؟ او بالاحرى وش بتسو له السؤال ماقبل الاخير نفس السؤال اللي فوق اللهم شيل "بثر" وحط "نكهه" السؤال الاخير مثل اللي قبله اللهم شيل "نكهه" وحط بداله "بهجة الاباصيري" لك تحياتي
|
||||
|
25-02-2009, 04:01 PM
|
|
||||
|
ملح المطبخ
|
أخصصص ما اتحمل انا هالتصاميم الحلوه والتنسيق الاحلى تستاهل الطيب يا دعلج يا ولد الاجواد <<-- حسيت اني بدويه في هاللحضه أمممممم بصراحة أنا ما اشوفك كثير بالمنتدى , يعني ما اعرف عنك ولا شي , بمعنى أصح حالك انت زي حال مخترش الجحور بس انت على اخف عاد , لكن بعد هالمقابلة عرفت أشياء كثيره كنت ما أعرفها عنك  صدق اني ما اعرفك , بس أعرف انك مشهور بالعياره ومشهور بحب الناس لك الله لا يغير عليك يا رب المهم ,, من اليوم الصبح وانا جالسه أدور أسألك سؤال ما انقال لكن للاسف مالقيت لكن لا تنبسط واجد طلعت لك كذا سؤال من تحت الأرض نبدأ / هالسؤال بصراحه حاول احرف واغير في صياغته , لكن للاسف ماعرفت فبعطيك اياها على بلاطه انتم كم تخسرون علينا ؟/ سمعت من كذا عضو انكم تخسرون ع السيرفر 7000 ريال سعودي بالشهر مدري بالسنه , يا ترى هالمبلغ من جيبكم الخاص والا من مين بالضبط ؟/ هل أنت مراقب عن حقّ وحقيق أو مراقب صورة فقط ؟/ ألاحظ أنا أن أغلب الاعلانات الي في بداية الموقع , هي اعلان عن فعاليات الأقسام , ونادراً ما ألقى أعلان عن شي خارج المنتدى , الا ذاك حق الجزم الله يكرمكم هل يا ترى أنتم ماودكم بأعلانات خارج اطار الموقع او ما تجيكم طلبات اعلان بذاك المستوى الي انتم تطمحون له ؟/ وهل لو ماكان فيه الا مربع واحد فقط فاضي للاعلان و جاك مشرف او مراقب وطلب منك تركب بنر عن فعاليه من فعاليته , ولكن بنفس الوقت جاك واحد برا الموقع وقالك ابغى اسوي اعلان عندكم , وهو مافيه الا مربع واحد وش تسوي هل بتركب بنر المشرف والا ذاك الي الثاني ؟<<-- تبي تشببها بينهم لا قال دعلج لا بركب حق الثاني / تظن أنو ممكن مرة ندخل مساطيل ونشوفك فيه ماهوب مراقب ؟/ هل تتوقع بيوم من الايام انكم تسكرون حارة مساطيل ؟/ وش احساسك لا اكتشفت ان ممكن الناس تنساك بس مستحيل تنسى خشمك ؟وأخر شي متى ناوين تفتحون لنا مركز تحميل ؟طولت عليك صح ؟ تدخلت بخصوصيات المنتدى صح ؟ أبثرتك صح ؟هذا المطلوب أي سؤال ما يعجبك من أسئلتي منت بمجبور ترد عليه أنا أسمح لك <<-- ياخوفي مايرد على ولا سؤال من أسألتس على فكره ترى شخصيتك من خلال قرائتي عنها هنا مره حلوه واهنيك عليها بصراحه <<-- لبى قلبي وأنا حاطه هالفيس المبتسم مسويه جديه ههههههه يا عيال الشله دوكم تستاهلون ورده على هاللقاء الزين
آخر تعديل حلـم ~
في 04:11 PM.
|
||||
|
25-02-2009, 06:09 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
بروفيسور عيارة
|
عليكم السلام ورحمة الله وبركاتة وقول وفعل يابنت الاجواد
الله يسلم قلبتس ان شاء الله على هالكلام الطيب وشهادة يعتزون فيها اهلي معي وقولي ولاتخلين في خاطرتس شي عسانا بس نعرف نرد ونبيّض الوجه قدامتس
شوفي يالاجودية القضيه مهيب قضية جو واضاءة خافتة وموسيقى مقصورن عليها وهدوء وغضارة كوفي عشان المخمخه بالنسبه للخنبقه اللي اكتبها وفي نظري انها ماصله وسخيفه لولا راي هالاجاويد فيني واللي عطوني اكبر من حجمي ياجعلي ما ابتسيهم انا رجالن اذا طرت علي الفكره وانا في السياره او نايم او اكل او اتفرج او او او !! امسك الفكره بمخي وابداء وما احاول استرسل في الاحداث حقتها كثير لانها تضيع مني اهتم اني اخلي لها بداية ونهاية حتى ماتصير فكرة عقيمه وتكون مثل الطريق السد او ماصلة واصبر الين اجي على الجهاز وافتح إضافة موضوع على طول واهذري بخرابيطي من المخ للمنتدى على طول وساعتها اكتب واسترسل فيها الين اخلص واللعب والإضافات تكون وقت الكتابه وبس
شوفي هالسؤال شفته كثير منك ومن غيرك ولو اختلفت طريقتة طرحه وكون اني ابذكر اسماء فمعناته ان العدد كثير ويمكن يغيب عن بالي اسم وهو عندي له ثقل وحجم ف الكُتاب كثااار وناجحين واقلامهم لها وزنها في النت وبدون لا اقول فلان وعلان لاتحرجينن وجع
شوفي الكوره علاقتي فيها زي علاقة هيفاء وهبي بالنقاب من طلعت على الدنيا وبديت اميز في اللاوان مسكني اخوي الكبير وصفقني بكف وقال شف ياكلب اي احد يسأل وش تشجع قل هلال عشان يهايط عند ربعة في الملحق ان البيت كله هلالي حتى هالكسره دعلج يشجع الهلال ومن عقبها صدقت وصرت اخاف منه وادعي لهم الين سادس ابتدائي في كل فرض وانا مالي فيهم لان النذل اخوي كان يقول لي تراني ادري وش اللي تفكر فيه ربي معطيني قدرة اعرف وشتقول بخاطرك وعشت حياتي كلها خوف لايواجهني بها السؤال وعشقت الهلال والغريب ان اخر مبارة بين الهلال والنصر كنت اشجع النصر بكل حماس بداخلي وكل شوي اطلع اطل مع باب الشارع لايكون اخوي الكبير حس وقراء افكاري << استمرت العقده معي الين هالعمر
الاطفال طيور الجنه وقلتها لواحد من العيال .. ومايحاسبون في الاخره ويكون مثواهم الجنه فعشان كذا ارجي عسى الله يشفع لي ويدخلني الجنه بسبب هالخشم لان منظره لو تشوفينه من قريب كنه بزر ابو ستت اشهر وبيني وبينك متحمله لانه قاعد يدخل لي حسنات من عالم يقطعون ويذبون عليه والعداد يحسب ومحدن يعاف الحسنات وانا اخوتس
والله اتمنى الافعى بكبرها تلتف على رقبتي ولا الف ذراع احد هالقذرين علي اساساً متأكد انهم بيبعدون عني وانا ارافس روحي بتطلع يخافون اعديهم هالكمخ ودام الحوطي معهم اتوقع بيشغل الموتر وبيمشي علي رايح جاي عشان اموت بسرعة واذا قالوا له ليش قال عشان مايتعذب ويقعد يموت بشويش وتوطيته عشان تطلع روحه بسرعةشكرا على كل شي يا تؤبر تسبدي بداية بالتصاميم والحركات الحلوه ونهاية بالاسئلة الجميله جداً تريلة تبن محلك محدن متعرضه على انه ياخذ 10 اشخاص من طول الوجه في انتظارك ياعومري << بالله تخيل هذا نظامي حايمتن تسبدها
الله يسلمتس من كل شر ومنوره (شراب حموضه عشان تسبدك)
سلميني على خالتك منيره وقولي لها افرحي لو طلقتس زوجتس ترى لقينا لتس سبير وتمددي وتكنفسي وفوحشي في الموضوع محدن بيردتس ان شاء الله
عادل الله يطول بعمرتس الى الحين مابعد وصل رحم امه لان امه مابعد جت ابشرتس ولازال عند الفقره 35 في ظهري متكي مع الدفعه حقته يحتري الدور مابعد جاهم امر تحرك للغزو وشكرا بثر هلا وسهوا حي الله القصيم وملك اللتغات في العالم العربي منور ياجدي والساعة المباركة والله
لا حبك من طرف واحد وابشرك حتى هالطرف اللي تحبني معه سحبته ووجهته للشارع ماحبينا الصاحين عشان نحب المهبل
اني اسمعك تغني روح وروح صح بدون اي لتغه
شف لو لتغتي نصف لتغتك وركز اني قلت نصف بس كان اعتبرت نفسي من الطرمان ها اللحظه واصير امشي بدفتري معي واسولف مع اخوياي بالكتابه ارحم لي ترى يوم تسولف اخر مره عند الرجال كنت اناظرك ولا ادري وش تقول وخذتني الافكار لشريط قد سمعته لشيخ يطلع جن كلامهم مهوب واضح مثلك استغفر الله العظيم يارب .. بثر لاتصدق يا افصح قصمنجي شافته عيوني
لحد الحين مابعد لقيت ذبه تليق بك كلهن اقل من اللي قاعد اشوفه
اي موضوع بس ؟؟ حق ملكة جمال السودان " ساجدة " ؟؟ رد وعلمني وابشر بسعدك ماطوبت شي << عاديتني الله يقلعك فديتك يابثر ويالبى قلبك ومشكور على الحضور والاسئله يالغالي نكهة الديزل قبل كل شي منيب قاعد اشكرك وامدح فيك واريش بك مثل ماريشت فيني تخسى وتعقب وغصبن عليك تقول اللي قلته يالكسره << بلاه عارفن نواياك ياحبي لك بس يابو مشعل والله يبيّض وجهك على كل حرف قلته فيني ياجعلي ما ابتسيك وياجعلي اشوفك اطول مني ان شاء الله صح انك كبيت بعض العفش لكن بحترمك عشان الباقي لاتكبه وتتبع مقولة " اذا كلت بصيله فكل بصل " وفوق هذا كله الوقاحه اللي فيك واللي تنتظر اقرب فرصه عشان تخر كل شي يا نذل
شف انا ممكن انسى اسم اخوي اللي ينام معي بالغرفه 19 سنه ولا انسى هالامور ويارب لك الحمد والشكر يانكهة اللي عشنا وشفنا هاليوم كل شي من ذاك التاريخ لتاريخ اليوم تغير وتطور يانكهة الا طولك هو نفسه حتى خشمي لو ابوقفك جنبه صار اطول منك مانقول يابو مشعل الا عسى الله يديم المحبه ويزيد النجاح ويخلد موقعنا الين يوم القيامه ان شاء الله << ياخي ياتمن زين ياكل تراب
ياحبي لك يا نكهة والقلوب شواهد يابعدي ومايحتاج انا عارفن غلاتي عندك وهذا من طيب اصلك يابعد حياتي وعمري انت <<ترى قربت شفايفي للشاشه واطلب منك ان تقرب مثلي ونتفل على بعض << عشان ماينمسك علينا شي يانكهة ونتوقف بقضية الشذوذ فديت اصابعك اللي كنها اصابع فُله وهي تكتب هالحتسيات وشكراً يا نكهة من اعماق القلب
صادق شوف !! يابو مشعل ولايهون من يقراء !! سبب الإنقطاع عن الكتابه ماهوب سببه الافكار !! ولا ملل ولا غيره القضيه انك في بداية مشوار الكتابة تفتح إضافة موضوع وتخنبق بكل مصاله وبدون تفكير ومبالاة لردود الفعل ومدى القبول والرفض من القراء .. بالعربي مافيه شي يهمك كل شيء متساوي عندك اما بعد ماتحس ان لك احد يتابع وماراح اهايط لاتخافون اقصد حتى لو تحس ان فيه لو 10 اشخاص ينتظرون منك تقدم شي لهم لابد مايختلف الموضوع عندك جذرياً وتبدا تحس ان الموضوع اصبح مسؤولية اكثر من انه استهبال واستخفاف دم يعني تصير ودك اذا بتقدم شيء تحافظ على مستواك اين كان واللي ماتقدر تحدده انت شخصياُ لان الكاتب اذا يقدر يحدد قوة طرحة فهو شخص نصاب ومهايطي ومغرور بس يقدر يعرف مستواه من الناس اللي تشجعه وتاخذ بيده ويشوف عليهم ردود الفعل من خلال ردودهم وهنا مربط الفرس !!وانا اقول لك مربط الفرس هذا وين جعلها ترفسك كون ان فيه ناس تحترم كتاباتك وهي اللي خلتك تتميز وانت لاشيء بدعمها النفسي ومدحها وثناءها ف اكيد لازم يكون لهم فضل عليك وماودك تقدم شي سخيف لهم لان فيه استخفاف بعقولهم ومو حلوه كل ماطرى في بالك فكره جيت وحطيتها عقب ماتعودا منك شي معقول ماراح اقول مميز لذالك اصبحت حريص كل الحرص اني اجي ب اقوى مافي الدمجه وحريص كل الحرص اني ارضي كل شخص عطاني من وقته لو قليل عشان يقراء خرابيطي وفوق هذا كله ما انكر اشغالي وظروفي بس كذاب لو قلت هي السبب كله
يارب وفقت يانكهة وقدرت اوصل لك ولهم السبب وترى حلاة الشي انه يكون قليل لان لو صار كثير ان تلقاني في القراشيع 24 ساعة
نكهة لو رجعت للمواضيع اللي نزلت بعد اللقاء بتستنتج الإجابة على استفسارك بالعكس المقابله ماغيرت شيء ابد ( والله لوني طالع احبي على كنب ابيض ومفصخ وماعلي الا صروال سنه واقول اتصل الأن ) ومالها دخل المقابله ابد ابد وميت القلب وانا اخوك مهيب هالامور اللي تصحي قلبه لان اهلي اساساً غاسلين يدينهم مني او نسيت مقولة امي نورة فيني " اذا تم الفتى عشرين عام وهو ماقام بالموجباتي .... فلا تفرح ان قيل حي ولا تحزن ان قيل ماتي " مهيب عاقله نورة هذال العتيبي معليش بس لايكثر ياجدة
صح .. ومعليش يانكهة دامك فتحت الموضوع خلني اصارحك ياخي عقب اخر مره تركتك في البيت المحمي ورجعنا للرياض وتجمعنا الخميس اللي بعده انا واهي في المزرعة كانت السوالف كلها عن جرذي داخل البيت المحمي ولاعب في الطماط لعب ابوي الضعّيف جايب سم فيران وكابه على اطرف البيت المحمي بيصيد الجرذي اللي لعب في الطماط مايدري اني انا السبب اللي جايب معي واحد حار بطن وقروي ماقد شاف الطماط على الطبيعة ومايعرفه الا في كراتين ومايعرف وشلون ينقطف ويجر الشجره بجذورها !! ويوم هاوشته صار يمشي ويعرم في الطمام وهو ماقطف تمشي بين اشجار الطماط وتشوفه معرم وهو يتدودل في محله فك الله العمال حقين المزرعة والا ابوي شكاك ومايبي شيء بس خدمهم ان سنونك لبنيه وصغار وصايرات كنهن اثار صفة سنون جرذي ومشت عليه لذالك لعد اشوفك مقبل على مزرعتنا الا اذا فصلت لك ذاك القناع اللي في فلم صمت الحملان عشان نضمن رزق ابيي
صح صح صح ومافيه ادنى شك على هالنقطه بس انك قللت النسبة شوي يعني اعتقد انها (89.99% ) هي النسبه الاقرب اقول على تراب بس الفضل لله سبحانه وتعالى ثم لتكاتفنا جميع في البداية ومن عقبها بمجهود المشرفين المميزين دوماً ومن عقبها الاعضاء اللي فعلاً يعتبرون هم أساس الموقع ونجاحة بعد الله سبحانه .. فصدقني راح اضرب مثل لاني اعرفك تكره امثالي وتغار مني كثير اذا شفتني اعطي امثال وتحاول تقلدني فخذ مني هالمثل الحار والطازج ياخي لو اعطيك حزمة عودان واقول اكسرها ماقدرت بينما لو اعطيك عود اسنان واقول اكسره برضو ماراح تقدر لانك قزم وبزر وماتعرف نكهة المساطيل سفينه والقبطان حقها مقروص وميت وهي في نص البحر والركاب هم الاعضاء والطاقم بنفس الوقت والكل يجدف عشان توصل السفينه اللي بيدينه واللي برجلينه واللي بخشمه وهذا انحن كلنا في هالموقع كلنا مترابطين ومتكاتفين ومافيه احد احسن من احد وهذا هو النجاح ولله الحمد (ادري مقهور ياوصخ )
هههههههههههههههههههههه بدينا في كب الخراف ؟ بدينا في التفضيح ؟ يعني اعلمهم ان ذوقك خرى وانك مربي سلحفاة وحاطها في جيك ماء الشرب وجلدك ابوك وذبها قدام عيونك في الحيالة اللي قدام بيتكم صدق ماينتسولف لك لكن دامها انقالت مضطر اجاوب يا خسيس القضيه وانا اخوك انت والسامعين مهيب قضية ولع ولا نقص القضية قضية فراغ كان ممكن ذاك الوقت انحرف واصير مروج مخدرات من ضيقة الصدر والفراغ وطلعت للسوق حق الحمام وشفتهم وحطيت يدي وقاموا يشمشمون اصابعي وحسيت برومنسية عجيبه ودغدغة في صدري وقشعريره في رقبتي واباطي وما اخفيك شريتهم عشان هالشي قلت اسرق نفسي للسطح واخليهم يشمشمون يديني واعيش احلى لحظات عمري بين هالكائنات الغريبه الزبدة كان فيه باب حديد ثقيييييييييل مسند على جدار السطح فوق وجبت 3 باكستانيين عشان ينزلونه واعتذروا وقالوا لو تعطينا 1000 ريال لكل واحد فينا مانزلناه ظهورنا مهيب لعبه عندك يابو خشم الزبده وبراني العزيزات كان عددهم 10 وصارن يتوزن ورى الباب عن المطر وفي يوم قاسي ممطر بعجاج شنيع اشبه بعاصوف كاترينا تحرك الباب وزحلق على فلذات كبدي ويخبط عليهن خبطه سمعوا اللي في العليا صوته صمخته وحرام بالله انهن تحت الباب كلهن مافيهن اللي سلم وجيت ركض ولقيت الباب متساوي مع البلاط ولا فيه اثر لوبر واحد برا المشكله الى اليوم ماحركنا الباب لانه ثقيل وعلى طيحته عليهم وحتى الريحه من ثقل الباب ماطلعت وكل يوم صرت زي المهبول اطلع للسطح واناديهن عند حواف الباب وادقق باصبعي لهن في البلاط ابيهن يجن مابعد اقتنعت انهن ماتن ولا ابي اوصل لها القناعة ولازلت عايش على امل ان الله يجمعني فيهم في السطح مدري ليش احس لو رفعنا الباب بونش بنلقى بقعة بترول صغيره عقبهن لان لهن الحين 9 سنين ميتات
ههههههههههههههههههه سجل عندك اطلق شي اعرف اضبطه بيض العيون وفي الاستراحه العيال هم يطبخون مهوب انا ولو فعلاً ابتفرغ للطبخ بتقولون لعمر ابو راس انت بحل
صحيح وماتعرف الرجال الا وقت الشدايد يابو مشعل اعضاءنا فعلاً اثبتوا هالشي ولايهون المشرفين والكل ... والحمدلله لولا المحبه الحقيقة للموقع بقلوب الاعضاء وعشقهم له كان مالقيت احد بعد مارجع وبحماس اكثر!! بس اللي صار عكس هالشي وصار دافع لنا جميع وحماس ونقطة قوة خلتنا نوصل بعد توفيق الله للي وصلنا له اليوم وبكره ان شاء الله احسن واحسن واحسن 
لاترجع الله لايحييك يالنذل لاتصدق المكان مكانك يابعد عمري لي عودة ان شاء الله
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
25-02-2009, 06:54 PM
|
|
||||
|
Ultras SUR
|
مساكم الله بالخير جميعاً ..
دعلج هههههههههههههههههههههههههههههههههههههههههه ههههههههههههههههههههههههههههههههههههه ههههههههههههههههههههههههههههههههههههههههههه هههههههههههههههههههه ... مدري ليش بس لي خاطر اضحك ...دعلج .. رمز من رموز العيارة .. كاتب كبير كلنا تعلمنا منه .. محد يقدر ينسى الدجاجة ماريا ... ولا النملة عفاف خخخخخخخخخخخخخخ .. واكيد محد يقدر ينسى رفيق دربه السرسري ابو ساره خخخخخ ... كاتب ياما امتعنا و يامال كنا ننتظر منه مواضيع ولازلنا بس مدري وش بلاه طاقه العجز من تااالي ... ..والله ماعندي اسئلة .. لأن ذا الانسان مهوب وجه مقابلات .. حدّه نعطيه شهادة شكر و نغلف له هدية .. أما مقابلات واسئلة مع دعلووج ما تركب ابد ابد ابد خخخ .. شفت اسم دعلج وقلت خلني اذب وجهي وأسلم .. الا بالمناسبة يا دعلج .. وش رايك في هالاسماء التالية ( ان كنت تذكرها ) .. 1- ابو بس .. 2- حمود المستلج .. 3- مصرقع الخبر .. 4- برطوم .. 5- فليسكو .. 6- حاذف ترم .. 7- توت .. 8- أنا ولد الديره خخخ .. * .. احس اني لازم اختم الرد الحين .. والا بقوم احاودز .. تصبح على خير .. وشكراً للي سعوا لهالمقابلة .. |
||||
|
25-02-2009, 07:49 PM
|
|
||||
|
من شيوخ الحاره
|
ماودي اقعد اتفلسف واجد والا كان صار ردي موضوع بلحاله<< احسن لك حبيبتي.. مالك بالطويلة الاسئلة هي كالتالي: س1 : ماهو شعورك وانت تجاوب على اسئلة العديد من اعضاء المساطيل وتحس انك مشهور مرة مثل شسمه توم كروز يعني؟؟(خمس درقات) س2: لو كنت بنت وش تحب تسوي في خشتك؟؟ (50 درقة) س3 : من اللي اذا شفت يوزره تستانس ويستاسع صدرك وودك بس انك تقرا له وترد عليه؟؟ (درقة) س4 : وش رايك بابو وفى؟؟ (100 درقة) وشكرا ..
آخر تعديل سيب الاختلاط
في 07:52 PM.
|
||||
|
25-02-2009, 10:38 PM
|
|
||||
|
شَاعِر إِجتَاز القمَر
|
الله يحييك يانسل القروم / يادعلج الخير من وجهك سما  .. دعلج ..  وش علومك .. وش مسوي .. عساك تزقح بس .. .. كان ودي امصعك بالاسئله اللي يحبها قلبك .. بس خفت ماترد علي .. ..:/ ولكن عندي سؤال وحيييييد >> يسمع بوحيد سيف  .. س1 والاخير / وش رايك ياطويل العمر والسلامه باللي يهرجون ويتعدون في مواضيعهم على اشخاص محددين ومذكورين بالاسم .. وايضا يتهجمون على العواني والاهل .. !! يعني صارت مواضيعهم ليست ذات مغزى فكاهي او لزرع الابتسامه على محيا الاعضاء .. .. بل يتعبون ويجتهدون بالموضوع من اجل ان يشفون غليلهم من زمره اخرى .. وطبعا الوضع يكون متبادل .. يعني هذا ينزل الموضوع والثاني يرد ولكن احيانا بدون ذكر اسماء صريحه .. ولكن من خلال رموز يمكن فك شفرتها من خلال بعض المقربين من الاعضاء .. .. طبعا للامانه هالشيء ماشفته فيذا الحاره .. وهذا يدل طهارة القلوب هنا .. هذا سؤالنا وسلامة خشمك .. .. لك الولاء ياسيدي دعلج .. ..
آخر تعديل مَنْصُوَر آلذُبيآنِي
في 11:00 PM.
|
||||
|
25-02-2009, 11:13 PM
|
|
||||
|
توه ساكن
|
 لي كم يوم وانآ أرآقب الوضع من بعيد يوم كتبوآ لي تم قبول تسجيلك بالمنتدى , كتبوآ تم نزول هالموضوع تصدق نفس تآريخ تسجيلي  فخر لي <-- برآآآآآ ,دعلج , يوم قريت الإسم غسلت يدي منك مدري ليش ومن المقدمه إللي كآتبينهآ مدري حسيت إنك كييذا مدري شلون رحت للوشسمه ذا وشفت موآضيعك مير إني انصدم لآني كنت رآسمه شكلك براسي شي بعدين تشوشرت بعد مآ قريت مواضيعك طبعاً مآ أبيك تسألني وش كنت ووش صرت لآن ه الموضوع حنآ نسألك وأنت تجآوب <-- ياليييل الشقآ دعلج بعد منآوشآت تنآوشتهآ مع نفسي وذآتي , جتني أسأله كييذا طآيره أحس إن جآ جني ولقمني يآهآ , بسس الصرآحه أهم شي <-- كف ,- وإنت تكتب موضوع وكذا متحمس وتعبر وتعبر وطبعاً التعبير يجي فجأه مع الموضوع ينكب كب التعبير وتهيض مشآعرك الوشسمه وتكتب , وأنت تكتب كييذا طلعت نكته مآتدري من وين جت , وترجع تقرآهآ تتأكد من الحروف في غلط وإلآ لآ , تضحك ؟ صرآحه تصير معي اضحك على النكت وبعض الاحيآن أحس إني مو طبيعيه فطمني الله يطمنك مثلي وإلآ لآ - طيب سؤال يُرآودني , وشسمه وش شعورك وأنت تشوف منتدآك ب المقدمه وكييذا تلقى نآس مُبدعه ويتطور , تستآنس ؟ - كم تصرف على المنتدى سنوياً ؟ - سؤال مدري وش يبي , ليش شايل المطآت ابي امط حتسيي عجزت طلع كلامي كنه كلام هنود حروف طايره تحسهآ زآيده وهي من ظمن الكلام , أكتفي بذكر السبب .. دعلج ..
<-- ورده حوبنآآ |
||||
|
25-02-2009, 11:28 PM
|
|
||||
|
Football Fanatic
|
تاريخ طويل حافل بالانجازات والمواضيع العياريه المنتهيه من اشهر في عالم الانترنت انت ولا خشمك ؟ياخي هو سؤال واحد حبة كم اسم قلي وش تعني لك فليسكو سيد ههاها بس تيمون وسؤال ثاني طريح اللحظه هل اشراف ناس كبار بالعمر او بالعامي شيبان سبب من اسباب نجاح المساطيل ؟ولي رجعه تسان الله كتتب وخلوا البساط احمدي ياجماعه لاتقولون لي خطوط حمرا
آخر تعديل ابو وفاء
في 01:54 PM.
|
||||
|
26-02-2009, 12:37 AM
|
|
||||
|
وشهو الغفر ؟
|
حيا الله دعلج وش علومك طال عمرك عسى امورك تمام والحلال اعلومه زقيح ؟ الوكاد ماعلينا منك انت وعلومك خلنا نبدا نسسالك بسرعه قبل لاينقطع الاتصال وتكفى اتمنى اني اذ1 سالتك تكون اجاباتك واضحه وبخط واضح وبدون اي اخطاء املائيه لان الاسئله جايتك من الوزاره ،،، س1/ دعلج كم عمرك طال عمرك ؟ س2 / احد سالك من الاعضاء نفس السؤال اللي اول ولا لا ؟ اذا كان الجواب ايه قلي منهو ؟ س3/ دعلج بكل صراحه جاوب يوم نكهه طويل العمر اقترح عليك فكرة هالموقع كنت متوقع هالنجاح ولا ماتدري وشش السالفه لهالحين ؟ س4/ دعلج جوالك بأسم ولابدون اسم ؟ كانه بدون اسم ترى عرفتك انت اللي تدق تسوي نفسك يماني وتبيني احولك 3الاف مير خل عنك هالحركات عيب س5/ اي شهاده معك يادعلج ؟ ثالث ثنوي ؟ ولاجامعه ؟ ولاسادس ليلي وتخب ؟ وبالاخير يادعلج اسسمحلي اقولك بيض الله خشمك على هالتواضع واللي خليتنا نقدر اننا نتواصل معك ومع اني ماعررفك هاك المعرفه لكن صدقني ان الرجال ينحب من سسمعته واسسلم وسسلم ياعيين ابوي 
|
||||
|
26-02-2009, 05:32 AM
|
|
||||
|
مهندسة تطوير المرسم
|
دعلج الله يوسع صدرك بالعافيه ويكون بعونك على هالأسئله الحين حنا بالصفحه الخاااامسه - وهذا البحر وهذي النافوره وهذا شارع صاري - هههههههههههه صراحه تحمست أكتب سؤال لما شفت ردودك هللللل عمرك ذبيت على احد وزعل منك وكبرت السالفه وتمنيت إنك ماصل وثقيل دم ولا انك ذبيت عليه ؟ اذا نعم قولنا الموقف واذا لا توكل على الله شف الرد اللي بعدي
|
||||
|
| الذين يشاهدون محتوى الموضوع الآن : 2 ( الأعضاء 0 والزوار 2) | |
| أدوات الموضوع | |
|
|
|
|
