 |
 |
 |
 |
 |
 |
 |
 |
|
||||||
| شلة الحارة منتدى الزحف والعيارة |
 |
|
|
أدوات الموضوع |
28-02-2009, 09:59 AM
|
|
||||
|
برفسور زحف
|
والله اني أقرى ردودك وميت من الضحك .. وخصوصاً على سالفة الوبر اللي طاح عليهم الباب  .. وسالفة اللي يمشيكم في جده ويقول هذا بحر .. ابو عادل .. والله مادري وش اسئلك ياخوي كل ماجيت ابي اتذكر مواقف لك عشان اسألك عنها أموت من الضحك وانسى السؤال .. لكن هيهات وحاشا وامبزيبول اني أفوت هالفرصه .. السؤال الأول / عمر ابوراس قربت رجعته للسعوديه .. وش السواة يابو عادل تكفى دور لنا حل ..!!!  السؤال الثاني / وش شعورك أول ماشفت الصنقلين (( وليد )) .. وخصوصاً يوم شفت شنبه الأصفر ..!!!  السؤال الثالث / ليش دايم تحتقرني لأني ساكن في الخرج وانتم ساكنين في الرياض .. وخليتني أكره ابوي لأنه سكن في الخرج ووهقنا معاه .. وصرت اذا مر ابوي من قدامي أمد رجلي قدامه عشان أطيحه من زود الحقد عليه .. أرجوك واتوسل اليك وامبزيبول يابو عادل جاوبني ..!!!  وختاماً .. مع ان ماودي امدح دعلج .. خصوصاً إني أول ماشفته توقعته من طالبان وشكيت انه لابس لبس افغاني من تحت الثوب .. وبعدها سحبت على العيال الين حلفولي انه سعودي وجابولي بطاقة الأحوال حقته .. لكن يبقى ابو عادل مكسب لأي شخص يعرفه ..  .. .. |
||||
|
01-03-2009, 05:30 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
بروفيسور عيارة
|
 اقول يازعيم خلاص بنشيل البنر حقي اللي انتم حاطين واعتقد هذا يكفي ياخي تذكرت مراهقتي قبل لايطلع لي دقن قسم بالله يشبه لي والظاهر ان هالدكتور سمع بخشمي وحس ان هالاعلان اللي قاعد ينعاد عندنا في السنه 5 مرات يعتبر سناره بيصيدني بها سمعت خشمي وصلت جده وعيادات جده الله يلعنكم وصاروا يعلنون عندنا يبون يتكسبون من وراي لاني اعتقد اللي بيشتغل على خشمي بيدخل ارباح 5 سنين للناس العاديين وياحليله هالدكتور مسوي في امها تمويه وحاط الاعلان اللي عقب الخشم ازالة الثدي من بالله البقره اللي بتروح وتزيل ثديها ؟؟ يعني بالله وشلون بترضع عيالها بطرف خشمها مثلاً ؟؟ قديمة يا ابوبرزه شف لك دعاية شيل لوز او لحمية شي قريب من الخشم لاتطمر الله يهديك للصدر وتقنعنا انك تفك صدر الحرمه كنك تفك سيفون موتر عاد تخيلت في غرفة العمليات على الطاوله ذيك الحديده الدائرية اللي يفكون بها السيفون خلونا في الردود لانجيب العيد ونتوقف من وقفنا عنده اشهد ان لا اله الا الله << تسولف انت المنسدح باللفه يالله حي المنبطح ومنور يابعدي واتمنى لك ماتمنيت لي 
محمد الزامل
سايرتك في الاسم بس مهوب تاخذ وجه عاد وتدرعم في كلش اخاف اجاوبك على هالسؤال وترجع تنشدني كم راتبك
ماقلت لك ؟؟ احساسي مايخيب ابد مدري ليش احس اني داق على تمويل بنك الرياض وبعد شوي بتقول كم اقصى شي ممكن يعطوني من القرض
الحب كل شي في الحياة  <<< كيفي معك بالله وانا معطيك جوك
مايصلح اقول 3 وانا اشوفهم اكثر .. وبرضو انا مقصر في التواجد والقراءه للكُتاب الجدد ويمكن فيه اعضاء غطوا على اساتذتهم وبكذا تعتبر اجابتي نكران لمجهود الغير فلذالك اسمح لي اقول انطم ومنيب ذاكر اسماء بس شهادة حق يا منسدح قسم بالله فيه اقلام عندنا بالمساطيل سوا قديمه او جديدة تطق لكل كُتاب النت بإصبع لانهم الافضل ومو اقصد بس بالشله !! لا لا لا بكل الاقسام مهما اختلفت نوعية المشاركة تضل اقلام قوية ومميزه ويفتخر الواحد انه يقراء لهم ويكتب بينهم وشكرا لك ياحوبي وياعمري ويابعد طوايفي انت << طراها سؤالك رقم 4 وعشان تعرف اجابته من مشاعري  سُومه يالله حيها وابقها وسلمها يارب .. ومنوره وانا اخوك
كثير والله .. مو يوزر ولا يوزرين واذكر اني اطيح في بعض الردود لاعضاء ماقد قريت لهم مواضيع بس مجرد ردود !! ويكون الرد مهوب صاحي وحتى لو كان سطر واحد بس بعض الناس سبحان الله يملك موهبة يخليك تضحك على رده اكثر من لو تقراء 10 مواضيع وبالنسبة للاسماء ما اقدر اذكر تحديداً مين اللي قريت لهم بس فيه وهذا اللي ما انساه .. والحمدلله ميزة المساطيل ان اعضائه كلهم يملكون هالموهبة وبدون مجاملة قسم بالله وهذا سبب نجاح المساطيل
والله شوفي بانت الناس والله لا اشوف نضوج ولا غيره الا دجة ومصالة بس ربتس كريم اللي يخلي خرابيطك يالواحد زينتن في عيون غيرك واذا فعلاً في مواضيعي لو شي بسيط من العيارة ف الفضل يعود بعد الله للاساتذة الكُتاب الكبار اللي احتكيت فيهم وتعلمت منهم واستفدت كثير بمخالطتهم ولازلت لحد اليوم استفيد من رايهم وتعليقهم وردودهم وملاحظاتهم
والله ماعمري فكرت بخفة دمي والا كان حامت كبدي واستفرغت عليكم هنا وترى ابو التميلح اللي يجاوب على سؤالك هذا ويقعد يتفلسف انا اشوف نفسي شخص عادي وشخصيتي عفوية ومافيها تصنع لا هنا ولا برا النت يعني لايغرك هالهيله اللي مسوينها لي ترى ماعندتس احد
هههههههههههههههه مافيه احد يقدر يقيم كتابته او يحس بنفسه قدم شي خطير يمكن تقولين الا فيه ومافيه وهالحكي بس ابقول لك شخصيتي انا لا ومو كذا ابد ومواضيعي اللي يقيمها ويعلمني مستواها هم اللي يقرونها الله لايخليني منهم سوا كانت زينه او شينه
خبرة المشرفين وتاريخهم العريق في مجال النت والكتابه والعياره مستحيل يخلون شي موجود بالشله مايليق بمستوى القراء او يكون فيه ذرة مصالة وهذا السبب اللي يخليني راضي كل الرضى لما افتح موضوع وبكل قناعة اني راح استمتع لان الموضوع مثبت من مشرف اعرف اني انا استفيد من خبرته ...
ههههههههههه حياك بي وقت وانا اخوتس وماقصرتي ومشكوره وفمان الله المستطفه يالله حيها وابقها ومشكوره على التريّيش انتي وحنكك اللي معد ينصك ذكرتيني بشنطة الموتر اذا خرب قفلها وصارت تفتح وتصك مع كل فرامل واذا مسكت الشنطه ولمخت بها بإقوى ماعندك رجعت تنفتح ودي كذا امسك حنكتس التحتي وارفعه بإقوى ماعندي كود تتطابق السنون وتنصك خشتس
ههههههههههههه من سيربح المليون مهيب مواضيع وبعدين ابشري مالتس الا طيبة الخاطر ان شاء الله بترجع المواضيع زي اول ان قاله الله وابسوي إعادة للموضوع يوم الجمعة يعني بنزل الموضوع مرتين سهرة يوم الاربعاء والاعادة يوم الجمعه << كني بإبو وفى يلاحق وراي ويحذف في المواضيع لانها متكرره
هههههههههههه لا لا منيب من اهلها وانا اخوتس انا من اهل الجنوبية والتويم على راسي هي واهلها والله من طهارة قلوبهم بعد مع ان لو بيدي كان قضيت بيوتهم وشبكتهم بجلاجل ولا بالروضه اصرف صايرتن بوسط هالخط خمس فلل يمين وخمس مقابلاتهن من يسار وبقاله ماتبيع الا مويه وببسي صايرن شكل التويم بقوقل ايرث كنها حبت ضومنه ام عشر نقط اللي بالوسط خط << يلعن ام المشوار في الوصف
هذي مالي فيها دخل تعال يازعيم ورد عليها ترى لكم الشكر ونيابتن عن نفسي اتشكرتس وانا اخوتس ويوزرك ذكرني في أمي لان هالكلمة دايم على لسانة شكراضفدوعه متبرقعه
ههههههههههههههههههه شفتي شلون ؟؟ وبعدين ترى الطنزه تلحق راعيها لاتتطنزين وانا اخوتس وبخصوص معاقبة السيارة فلا تلوميني بلا والله شيبت براسي ملعونة الوالدين وجاني الضغط والسكر منها وبغيت انتقهم منها بشي اعظم من اللي سمعتيه بس ربك رحم كنت ناوي اجيب قارورة موية نار واقعد انقط عليها شوي شوي واخليها تتعذب ويحترق جلدها << يارب لك الحمد وعقبها اشب فيها واقعد قدام شبكها اللي قدام واتفل عليها واضحك وهي تحترق بس جاني اخوي العاقل الكبير ونصحني اني ما اسوي كذا واحرقها عشان ماتنبسط وترتاح واقترح اني اخليها حيه واعذبها وارقى بها المطبات << دام هذا الكبير فما عليك شرهه
الله يحييتس ويبقيتس وانا اخوتس والساعة المباركة واللهوبالنسبه لاستفسارك حول الخشم ومايصيبه من ذب وتطنز فا ابشرك والله اني انبسط واضحك ضحك يمكن اكثر من اللي يضحكون في الموقع << بلا والله موتت القلب ياشيخه اللي بيدخل ويقعد يتحسس من كل كلمة ويخاف على برستيجه ومدري ايش ينطم ويقعد عند امه ولايجي يمزح ويستهبل على خلق الله والكلام والسب لايزيد ولاينقص في رجولة الواحد خاصه اذا واثق من نفسه وعارف ان خشمه لايقدم ولايأخر << لازم الواحد يرفع بنفسه والا جته حاله نفسيه من كثر مايقرا زبدة كلامي انك لو تجين لميت وتدغدغينة مستحيل يبتسم وانك لو جيتي لدعلج وذبيتي بيدينك ورجلينك انتي وغيرك على خشمه او اي شي فيه مستحيل يزعل وبس ومشكوره ياوخيتي على حضورك واسألتك لي عودة
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
01-03-2009, 07:09 PM
|
|
||||
|
الجمال جمال الروح
|
من سوء حظي اني قابلت دعلج في نفس الوقت اللي قابلت فيه عمر ابو راس و فليسكو لاول مره .. اول ما شفته قلت اكيد هذا راعي العمار يبي ايجار الشقه من شكله تحس ان هدفه في الحياه الماده و ارضاء رغباته المكبوته و الدليل تحرشه فيني بشهاده الشهود بس ان استقامتي و حسن تربيتي منعتني من اعطائه ما يريد ماعندي مدح عندي كم سؤال السؤال الاول : هل لازالت عندك الرغبه نكمل التحدي اللي صار بينا في اول لقاء ؟ السؤال الثاني : هل انت معي ان الكتابه الساخره ما صارت مثل اول و لا صارت الناس تتقبل الوساخه زي اول ؟ السؤال الثالث : دعلج من الناس اللي تستخدم مفردات خاصه في بيئته , ماتشوف ان في هذا تحديد لنطاق متابعينه ؟ السؤال الرابع : كيف ينجح الكاتب في المنتديات ؟ و هل ترى ان الوضع الحالي يساعد اي شخص للنجاح او لازم مواصفات خاصه ؟ السؤال الخامس : ما تعبت من سالفه خشمك و انه كبير الى متى و الناس ماعنده سالفه الا ان خشم دعلج كبير ؟ ليش ما تشوف لك شي ثاني كبير فيك علشان نذب عليه خخخخخخخ |
||||
|
03-03-2009, 03:02 AM
|
|
||||
|
مراسل الحدث
|
يختفي عن الانظار عشان كل سنه يسون له مقابله مره بالملعب ومره بالمجلس ومره بالشله ارحمنا يا مشلم والله ما قصروا الشباب والطخمات كبروا راسك بالحكي لو احلف اشوفك هالحين بالسوق تدور طاقية مقاس xxL عشان تدحش بها نافوخك: اللي يحكم على دعلج من مواضيعه ما عنده سالفه لانه شيء طبيعي قبل ينتج الموضوع ( حشى البوم ) يبهره وينقحه من الشوائب لكن فعلا لا تعرف دعيجان الا من خلال الردود .. يباغتك برد ترحم ع تسبدك من الضحك في زمن كثر به اللي يحسب ان قال هههه وفيس اخضر انه خفيف دم شخص تبحث عن ذباته بين الحروف متناثره - يالبيه يابو عادل الاسلوب الساخر شيء - وتعاملك الوقح شيء اخر ترى مسحتها ابي اكتب تعامل راقي عيت تتعدل عادي واجه مصيرك ولدي اتبثر باسئلة بس سبقت الشعب كله واخذت حصتي العام مثل هالشهر بالضبط وللحين حافظ كل جمله واستمتع بها <-سلامات  العام سألتك عشر اسئلة تكفيني لعشر سنين ( قلبن يطربق ) بعام 2018 كلي امل يسون مقابله معك وانت قاصبن خشمك ابو عادل عسى تبطي سنينك مقابلتك خلتنا نشوف خشش مبطين عنها ( كيف الحال فليسكو ) الله لايهينكم على الشغل والشكر موصول للمصميم |
||||
|
03-03-2009, 09:00 AM
|
|
||||
|
توه ساكن
|
مهوب انا اللي أتكلم عن دعلج .. أو عن ماضيه .. أو عن جمال قلمه أعتقد ما بعد كونك دعلج ثناء أو مدح او تعريف .. فالمعرف لا يعرف ادري إني لا إسترسلت بأحقوها لذلك خلنا نخش بالاسئلة زالنا للحين ماشين مضبوط س // ( 16-03-2003 ) ماذا يعني لك هذا التاريخ س // لكل دولة عصر ذهبي تعرف بها , فالعصر الذهبي للدولة العباسية كانت بعهد أبو جعفر المنصور , والعصر الذهبي للدولة السعوديةالثالثة كانت بعهد الملك عبدالله فما هو العام الذهبي للمساطيل برأيك ؟ س // بما إن الاربعاء القادم الجنادرية ومثل ما تعرف ان الأجواء بتكون معجعجه كالعادة فهل تعدنا بأنك راح تنزل موضوع في الشلة يعدل الجو ويبهج جماهيرك وقرائك وتعطر هاللقاء الأسطوري به  س // بيت من قصيدة تردده دايم , أو بيت ودك تهديه لواحد ؟ س // سؤال من اليوم أحاول أبعد عنه لكن شيطاني أشغلني , لذلك بأقوله على لسانه واعتبره هو اللي قايله  من هم اليوزرات النتيه اللي يعتبرهم دعلج أساتذته في العيارة ؟
آخر تعديل Tropicana
في 09:31 AM.
|
||||
|
03-03-2009, 12:07 PM
|
|
||||
|
من أهل المجلس
|
يالله حي استاذي دعلج ..
الصدز ان جيبتك في هالموضوع حرّكت المنتدى .. والشكر موصول للاخوان .. عموما .. ما ودي أدغدغ مشاعرك بعبارات المدح لانك الظاهر شبعت من هالكلام .. لذلك .. خلنا ندخل في الإسئلة دغري .. أول شي يالذيب أرجو انك تخلع بشت (الدوبلوماسية )  ..وتكون صريح أكثر <-- كلام كبير السؤال الاولاني : لو طاح في يديك فانوس علاء الدين وطلع لك ذاك المارد الازرق وقال لك ( اطلوب واتمنى .. اختر ثلاث امنيات واحققها لك ) .. وش بتتطلب ؟ السؤال الثاني : هل حدث أن ....... من قبل ؟ - أحببت ( حب صدزي ) :- خالفت الانظمة المرورية ( وهل عوقبت على المخالفة أم سمعت تلك المقولة التي تتردد على مسامعنا كثيراً [ روح ولا عاد تعودها ] : - هربت من المنزل ( إما بسبب عنف أسري أو طيش شباب ) : - عانيت من طوارئ طبية ( وخشمك ما له دخل في السالفة ) : - كذبت كذبة شنيعة وسببت لك المشاكل ( وحبذا لو تذكر السالفة ) : - فزت بشيء عن طريق الحظ ( وماذا كان ) : السؤال الثالث : ما ....... ؟ هو أعز وأهم ما تملك : هي أسوأ أغنية سمعتها : هو أحسن ما حدث لك هذا الصباح : هو أول ما فكرت به عندما استيقظت هذا الصباح : هو أهم ما تذكره عن السنة الماضية : هو أسوأ شعور في العالم : هو أروع شعور في العالم : ذا يوجد تحت سريرك : هي الجهة التي تنام عليها : ذا يوجد على حائط غرفتك : أكثر ما يثير أعصابك : الذي يبكيك : الذي يضحك : أتفه سؤال اضطررت أن تجاوبه ( غير أسألتي ) :هو حلمك الكبير : السؤال الرابع : هل تؤمن ب ........ ؟ الحب من النظرة الأولى : المخلوقات الفضائية : الأشباح : السحر : أبراج الحظ : قوة المال : السؤال الخامس : رد قرأته ولم تنساه : موضوع قرأته أكثر من مرة لإعجابك الشديد به : عضو تنتظر مواضيعه : موقف أثر فيك <-- طبعاً في المنتدى : السؤال السادس والاخير : من هو عراب السيد دعلج ؟ خلصنا أبشرك .. وان شاء الله أننا ما ثقلنا عليك -
آخر تعديل السيد / كلمات
في 12:10 PM.
|
||||
|
04-03-2009, 09:36 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
بروفيسور عيارة
|
واسف على التأخير بس والله غصبن علي << يارجال رد ولايكثر والله محدن طق لك خبر مرعب المواشي يمال العافية يا مرعب وكلامك كبير وقسم بالله وكبرت راسي معك ياخوك والله اني انا اللي اتشرف بك وبللي مثلك
نشئت بين اسرة ملكية وعشت عيشة دوك بريطاني وانتقلت لروما لدراسة المرحلة الابتدائي ثم كملت المتوسطه والثنوي في ايطاليا وكان حفل التخرج في سدير عشان الجماعة بس يارجال اي نشأه يرحم والديك ؟ نشئتي زي نشئت اي قطو مابقي احد مارجمة او لحقة بالموتر يبي يصدمة ياخي اللي مثلنا مالهم نشأه اللي مثلنا قل له في اي صندقة ولدتك امك ومتى اول مره ذقت فيها شي اسمه حليب وعلى العموم تم قطع سري في مستشفى الشميسي وفيه اشاعة قوية من اخوي الكبير ويحلف لي بالله اني مولود ورى شجرة حرمل على طريق سدير يقول ان امي مابغت تخرب على العالم الطلعه وتفكك جوهم السنايديه وقامت وتزحرتني امي ورى الشجره ورجعت كنها ماسوت شي ونستني ابشرك لولا الحريم قالوا لها وين بطنتس ماشاء الله يوم جت لقت النمل شايليني 5 امتار ويحاولون يدخلوني جخرهم بس كان ضويق << قل والله وقامت ونفضتني كنها تنفض قطعة خبزه طايحه في تراب ولفتني وخذتني معها
اول شيء اتشرف والله بس الكلام منهو انا عشان اقيمها ؟ ياجدي مستحيل شخص واحد يقدر يكون الحكم في نجاح الموضوع من فشله صدقني قيمة موضوعك تعرفها من ردود الاعضاء ومدى قبولهم للفكره وإعجابهم بتسلسل الموضوع واتقانه وحبكته
الله يعافيك ويسلمك على حضورك والمشاركة يابعدي والى المذن << Crazy But Funny هههههههههههههههههههههههههههههههه ههههههههههههههههههههه ياخي قسم بالله طرى على بالي يوسف خميس
يارجال منيب غايب بس فكنا من شرك طالعن وجهي كنه مدخنه حسبي الله عليك سالم الله يقلعك ياشيخ انت وهالثرمه اللي فيك قسم بالله عقدتني وانا احاول افهم وشتبي ركزت تركيز كني شايب يتهجاء في جريده
حرام عليك يا سالم الحين كل ذاك الادب ذيك الليله انكرته ؟ وعلى العموم ترى تشرفت والله بشوفتك ياسالم والجلسه معك وان كان شفت علي حركات شينه فترى المونه واللي كانوا جالسين ذيك الليله يخلون الواحد ياخذ راحته ولايخشى المنقود
صدق انك حقير على هالسؤال ومليون في الميه احد مسلطك علي يعني بالله وش هالوصاخه ؟؟ وش يدريني الحين هاللي قلته كيف ينطق ؟ الفتح اعرفه امد خشتي وانا اقول الحرف بس السكون كيف نطقه ؟ ترى قسم بالله جاد منيب امزح سالم اذا يهمك الموضوع مره فريح راسي وراسك ونزل ملف صوتي انطق دعلج مرتين بالحالتين اللي قلت وابعلمك اي مقطع صح ويادرا مادخلك شر
تخسى <<< هدي هدي وشدخله هو الحين المساطيل ابتركه للقبر ان شاء الله ولو فيه انجبرت اني اترك يالبيت والا المساطيل طبعاً ابترك المساطيل بدون تردد << فكرت فيها ولقيتها ام الهياط ان قلت ابترك البيت بالطقاق المساطيل واللي فيه ولا مفارق اميمتي وخبز التاوه حقها
كل ثق تكفى لاني مدري وثتبي ثدق
والله مدري وش تقصد بالضبط يا سالم ؟ 25 كيلو وقمر ما اذكرها شكلها فاتتني انا بعد السالفه او انك مسوي كوكتيل بين سالفتين الا كانك تقصد سالفة عضو يوم اروح انا واياه لسدير ويقول وين طريق المزرعة وقلت له اذا انتهت الاغنية لف يمين وصّدق وقعد يمشي يحتريها تخلص ولف اول ما انتهت هههههههههههههههههه الله يلعنك يا عضو يامريض
هههههههههههههههههههه تخيلت نكهة اذا جاء بيرقى على كتفي لازم صقاله على العموم شف ياسالم والله لو ابتكلم عن نكهة وابقول واقول واقول ماراح اوصل لك وش يعني لي هالادمي ووش غلاته بقلبي وكيف اقدر هالشخص واقدر رجولته وعقليته لذالك اكتفي بكلمة ( اي لف يو سمول مان )
يا ابن الحلال من فتح المساطيل الى اليوم تصير مشاكل وتصير احداث مو بس اللي لحقت عليه يا سالم في الاونه الاخيره ومافيه شي اقوى من سالفة الحجب واللي كانت اقوى حدث في تاريخ المساطيل كله وانتهت بسلام .. وعشان كذا متعودين على وجود عواقب ومواقف ومشاكل وفي الاخير مايصح الا الصحيح
ابشر بس بشرط !!! مر الاملس وخذ الروب حقه وتعال لحالك وشفها واحسب حسابك انك بتنام عندي
والله الشمال جيته كثير بس اتفرج عليه مع قزازة الموتر لاني اصير رايحن لشي اطلق منك ومن شمالك ويالبيه يالشام بس بس قسم بالله ماسكه من فتره قريبه ابي اروح اصيد سمك في القريات يمدحون ذاك الشاطئ مدري وش اسمه اللي يقولون ان السمك فيه يتسدح على طرف الشاطئ ياخذ حمام شمسي من الهدوء والروقان وان مافيه زحمه وصجه وحفايظ ووصخ الهاف مون
التلفزيون !!! من جدك تسأل انت ؟؟ والله لو ابمدح يا سالم في هالقسم بالذات ماراح اعطيه ولا ربع حقه الحقيقه ... شعلله ونشاط وزحف وهبال انا اشوفه خليط للاقسام كلها ومن جد شغلكم كبير ياسالم انت ومن معك سوا مشرفين او مهندسين او اعضاء تغطيات وما اقول الا تسلم والله الايادي ولاهنتوا والله
ههههههههههههههههههههههه الباكستاني يوم ازعجني اعطيته رقمك وقلت خذ هذا رقم صديق عنده بضاعة اكبر واطيب من بضاعتي وقفل بوجهي ومعد ادري وش صار الاخبار عندك ياسالم متى اخر مره رحت لعرعر ؟؟ وهل نقلت كفالة هالباكستاني وخليته قريب منك ؟؟ مشكور ياسالم ولاهنت يابعدي ومنور والله ورق الشام
والله الوبران عاملتهم على انهم عيال لي ومافيه ام تاكل عيالها الظاهر ياخي على الطاري خلني اصارحكم بسالفة لي وحتى لو كثرت بربرتي انا حر والمقابله مقابلتي وابتميصل على كيفي مره في ايام الطفوله وكانت العام تحديداً امزح السالفه قديمه .. قد ذبيت بلكة من السطح على ارنب وهي تشرب من غضاره موية وهي تحت في الحديقة واذكر عيونها واصله باب البائكه متدربية من الاجرام ومدري ليش هالحقارة فيني بس قلت فيها ولا في اخوي ابراهيم لانها ماسكة اذب هالبلكه على شي حي  الزبدة اني نزلت اضحك على شكل الارنب وراسها متساوي كن رصاصه ماشيه عليه وطالعن وجهها كنه مكوي بنشاء يابس ومنمط كنه وجه تريله واثناء ما انا اتفرج على الحادث بكل نشوه واجرام طلعت امي وزعقت وقالت " ياوووووووووويلك من الله " ياحمار ياكلب ماتخاف من العقوبه انت ؟ و و و الخ وتقوم وترفع الكرتون وتوريني عيالها صغار كبر الاصبع ولونهم احمر كنهم حجار اصبع واقوم اتخيل انهم يقولون ماما وتصيبني وساويس واقعد اطالعهم والتفت على امهم وهي جالسه وراسها منمسح كنه زبيريه وتضيق بي الدنيا وخفت من العقوبه وحسيت بجريمتي انها مهيب شويه << بدري واقنعت امي اني انا اللي ابتبناهم واربيهم واصلح غلطتي << صدق اهل العقول في نعمة المضحك في الموضوع ان امي صدقت وقالت ايه اشوى ياوليدي هذا اللي متوقعته منك << ما اردى من بصيص الا قيقب المهم وتبداء مرحلة الامومه والعطف والحنان عندي وانقلهم من الحديقه لغرفتي وتحديداً في كم فروتي عشان الفرو وانسدح عندهن واطل عليهن مع الكم عشان مايفقدني قسم بالله ترى اقسم بالله اني صادق بكل حرف وما ازل عليكم بكلمه وبحكم اني ماقد صرت ام بحياتي توهقت وشلون ابوكلهم وخششهن كبر فتحة شفاط السنتوب يعني بالله شلون ابدخل اللقمه ؟؟ << عمى بتأكلهن رز انت المهم وشلون بترضعهم يامحمد ؟؟ وشلووون ؟؟ وتطري على الابره واطمر واجيب من الصيدليه ابره وكاس حليب واصير اشفط من الكاس واعبي في بطن كل واحد الين ينتفخ ويحجر ويصير كنه تفيخه معبيه مويه لدرجة اني اشوف الحليب في بطنه لانه شفاف واذا خضيته يقعدن يدورن مصارينه وقلبه جوا زي ذيك الكور البلوريه اللي فيها قطع فضيه تدور منداخل وقسم بالله احقنهن حقن معد يطلع لهن صوت ويقعدن يسوربن مع اثاميهن كل النهار وكل 5 دقايق تشتغل الابره اذا بنشرت بطونهن احسبهن هضمن وجاعن الزبده انهن لعنن الساعة اللي طاحت البلكه على امهن وتمنن ان البلكه طاحت على الكرتون وهن اللي ميتات بدال الام وعلى هالحال 4 ايام وخلصت قوطي نيدو عليهن مقاس كبير والله ياصرت ام لو يحجون عني ماوفوني حقي يوم جاء خامس يوم حامت كبدي ومليت من المسؤولية مع العلم اني سحبت على العالم عشان اتفرغ لعيالي وامسح ذنوبي ولا ادخل النار على قولة امي يوم جاء خامس يوم ويدقون العيال طلعة بر !! واقمز واطلع معهم و اسبوع وحنا في البر ولا طقيت خبر عيالي وبالعربي وقسم بالله نسيتهم ويوم رجعت وافتح الغرفه واشم خياس مهوب طبيعي ويوم شفت الفروه واتذكرهم واقول بصوت عالي " ااااااام كومينق " زي الامهات الامريكيات ومحد رد ولا احد طلع لي !! لاني متوقع انهن صارن يمشن ومع الخياس نغزني قلبي < بدري ويوم فتحت الكم واصير كني محرك جيفه وتعج ريحه طبعت في جلدي عشر ايام واشيل الفروه بعيالي واذبها في اخر الشارع وبكذا صار الذنب مضاعف وعسى الله يغفر لي ويرحمنا ويقبل توبتي ولايعاقبني بها الحيونات اللي قضيت عليهم بالاول الام وعيالها وفي الاخير الوبران وسونامي الباب الحديدي واسف على الاطاله والمصاله بعد مخاوي الترنج شف يامخاوي ومن يقراء بعد وقسم بالله وما اقول هالكلام عشان مدحتني او قمت ترفع بي لا والله هذي شهادة حق اشهد بها لك ان من اروع الكُتاب اللي اقدرهم واحب مواضيعهم ولهم وزن كبير في مجال الإبداع والعياره ودام هالشهادة طالعة منك فهي فخر لي وقسم بالله واشكر من اعماق القلب على كل حرف قلته يالغالي
بالنسبه للموقف هو واحد بس صار لي وعقبها اضطريت معد اطلع من البيت ابد ابد وكل شي ابيه اشتريه من النت او ارسل اخواني يجيبون لي حتى ما اتسبب في احد واسبب مشاكل وزحمات من قوة الشهره والموقف اللي صار اني كنت بزواج مطاوعة ومن قوة الطوع اللي فيهم مو رافضين طق وبس !! الا ماحطوا حضور للحريم من اساسه ويوم طلعت ابذب قرطاسة حلاو بقر بحكم ان المطاوعه يحبون هالحلاو مدري ليش كان وقتها في جمس مليان بنات مار من قدام القاعة يوم شافوني وينزلون يصارخون ويجون ركض علي وينتشر في الشارع اني حاضر الزواج ومابقي ولا بنت في ذاك الشارع الا دخلت ركض بجوالها بتصور معي في القاعة الين صارت القاعة كنها خليطي وغطيت على هشام حق ستار اكادمي يوم في المملكة شوي ووصل الخبر للهيئة اللي في الحي وجت تمشي مليون ولقطوني انا والمعرس وابو المعرس اللي كان امام وخطيب مسجد وركبتهم الجريه لان الهيئة راحوا لقسم النساء ومالقوا حريم وتوقعوا ان العرس خليطي وان الدقون مجرد ديكور والزبدة ما اطلقونا الهيئة الين اثبت لهم اني مشهور ودقيت على اخوي وجاب شريط المقابلة وشغلته لهم وتركنا ابو معاذ بعد ماطلب مني اوقع له على الفوتجراف حقه تذكار وما اقول الا الله لايعيدها من مقابله
دارين المتسرب دارين خليفه ماتوقعت ان ملاحقها لي كله عشان مصلحه وعشان تهايط عند خوياتها اني اعرف هالمشهور وعشان ادخلها شاعر المليون وعقبها تسحب علي سحبة كلب ومعليش يا دارين ابكب الخراف وخليهم يدرون ان صعودك لشاطئ الراحه كان من ورى هالسديراوي محاكيكم بس ماعليه يا دارين مردك ترجعين وتقولين يا دعلج ابتزني وماراح اقول لحد واقول لك " مااااشي لي رغبة فيك يا حورمه " اما المتسرب ياليت ربي بس خلقه حرمه كان عندي انا واياه 5 بزران لحد الحين لاني كل سنة ابخليه يجيب لي ولد بعمر المساطيل المتسرب بكل بساطه هو اول شخص كلمته جوال في الشبكه العنكبوتيه اي بالعربي هو اللي فض بكراتي الحياويه وهو استاذي ومثلي الاعلى وكنت من اشد المعجبين فيه والمتابعين له بجنون وعطش وما اقول الا الله يذكره بالخير ويرده لحضن حبيبه في اقرب وقت
لاول مره ادري ان الطب النفسي له دور في الوجود .. ولولا الله ثم طارق الحبيب والا كان الى يومك وانا فيني اضطراب ورعب ونومي كله فزفزه وحلوم نايف ابو صيده الله يذكره بالخير وان جينا للجد ترى قلبه يختلف عن وجهه وياليت نشوفه من جديد صديقي المذيع ياخي من مقابله وحده بس غطيت عليه وصرت اشهر منه سمعت ان اوربت صّرفوه وعطوه اجازه شهر واستاجروا في مكان ثاني عشان مايرجع لهم وقبل اسبوع شايف واحد يشبه له يبيع مساويك عند بوابة الصالحية الشمالية واستحيت انشدة اذا هو نايف ولا لا
ياخي اترك لك هالمهمه يا مخاوي لاني عارف ان هذي لعبتك وبتلعب فيه لعب ونكهة والله يستاهل عمري كله مو موضوع في هالجرذي بس في نفس الوقت الموقع مايستاهل انه يتقفل وانا اخوك
الله لايهينك يامخاوي ونورت وقسم بالله الموضوع وقلب راعي الموضوع يابعدي ومشكور وماقصرت والله يسعدك يا شيخ لي عودة |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
05-03-2009, 10:54 AM
|
|
|||||||||||||||||||
|
مسـيّر
|
8 8 هذا شكلي وانا مركزه في قصتك مصدومه من أحداث روايتك ياهتلر الحيونات قسمن اضحك وبداخلي صيحه هههههههههههه ايش الاجرام هادا كوله يا وااااااد !  وايش مخبي كمان من جرائم الحيونات يامجرم ؟؟؟؟؟؟؟؟؟؟؟ وعادي بتنساهم دامك ناسي سيارتك بكبرها برايفت دعلج ايش دوك بريطاني ؟؟ لايكون قصدك ( دوق ) وخايف لاينادونك الكلب عقب الترجمه خخخخخخخخخخخخ
|
|||||||||||||||||||
|
05-03-2009, 07:17 PM
|
|
||||
|
مسـيّر
|
دعلج ..فليسكو فسقان.....ياخي أسماء في قمة العيارة..وبصراحة العيارمن غيرهم.. معاد لهاا طعم..ياخي تحس أنهم دشيير من جد...هههههه وفاهمين أم اللكاعة..فسرلي سبب هذا الانقطاع..يعني أستاجرتم أستراحة وسحبتم على المنتديات ولا وش السالفة.. ولا شفتوو العالم طايرين فييكم ..وصكيتوهاا ثقل:......نورني علمني فهمني ههههه |
||||
|
06-03-2009, 01:47 PM
|
|
||||
|
قضبناه الباب
|
(هل لديك نية الاتجاه لكتابة مسلسلات كوميدية ؟وهل سترفض إذا اتاك عرض كتابة مسلسل ؟) (اتمنى ان اراك كاتب كبير كوميدي من أجل ان نتخلص من مصالة عامر الحمود وحرمته أيضا نتخلص من الكتاب الذين هم با الاصح نصف عقل من احترامي الشديد .) |
||||
|
07-03-2009, 05:23 AM
|
|
|||||||||||||||||||||||
|
Saudi Hacker
|
حاولت استصيغ الوضع واتخيل فرحته مااااش ماقدرت اصلا لو رجعنا للموضوع فوق وناظرنا الحقير نكهة الديزل ذا اللي مسوي برىءءءء وهو احد اهم اسباب ضياع ذا السبهه دعلج لعب فيه بالتريييييش .. من جد البلد مليان مشاكل انا لاتعليق بصراحة هو صحيح انك محسوب علي خوي بس اعذرني ما اقدر اسئل والا اعلق اكثر من كذا خصوصا اني الفترة اللي راحت كنت امر ببعض الظروف فخلني بعيد ياوصخ لاني وربي باجيب العيد
|
|||||||||||||||||||||||
|
07-03-2009, 12:14 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
بروفيسور عيارة
|
يسلمووووو صدااع
صداع لاقيني انت يومك تقول لي هالحكي ؟ ياخي خف الله فيني تريشت ترييش الله لايوريك بس قمت اتلفت على اهلي وهم قدامي بالصاله صافين هالتباسي وياكلون وبغيت اقوم اشوت صحونهم من الهيضان واقول منتوا كفو اني ولدكم ومشكور يابعدي على كلامك الكبير وتسلم والله لايهينك ياشيخ وخجلتنا بكلامك الطيب
اسمع يابعدي والله اخاف امدح فيك وتقول ويقول غيرك اني قمت ارد الترييش بترييش صداع وقسم بالله ما انافق اني اشوفك من خفاف الدم والطينه واحب ردودك كثير واللي مثلك مايحتاج شهادتي ولا شهادت غيري
وجه الشبه واضح وانا اخوك !! وهو ان يوم الخميس يعتبر يوم اجازة ويقدر الواحد يطلع ويتمشى ويزور حديقة الحيوان ويشوف الشومبنزي على الطبيعة واللي جورج بوش احد افراد هذه العائلة العريقة يلعن امه جورج بوش عسى مايدخل وياخذ كلامي ويترجمه بالوافي ويحدد بيتنا بقوقل ايرث ويرسل علينا صاروخ كيماوي كبر قارورة الببسي ام نص ويعدم ام بيتنا واتسبب في اهلي اللي يضحون له كل سنه من خوفهم منه ومع هذا اتفوووووو عليك ياجورج &
والله مذكر بالضبط واجد اللي ضحكت عليهن بس يمكن اكثر شي المحشش اللي جته فاتورة الموية كثيره وقفلت معه وقال والله لو مطر هالسنه على حسابي على هالفاتورة
شف الكُتاب كثير وقلتها في كل ردودي ومابي اعد بالاسامي لانهم قسم بالله كثار وخذ مثلاً البنز الله يذكره بالخير وحمود المستلج والمتسرب وفلسكو وعمر ابو راس وابو وفى وعضو ونكهة الديزل بس مدري متى الله يهديه ويكتب ومخاوي وزعيم و و و و و وقايل لك مايخلصون وترى مو معناته ان اللي ماكتبت اسمه اني ما اقراء لهم او انتظر مواضيعهم بالعكس كثير يوزرات ماقلتها وفيها يوزرات بنات بعد من اقوى الاقلام والله لذالك مابي اخص احد لان اقسم بالله فيه اقلام بالمساطيل تعتبر الاقوى في مجال الكتابه على مستوى النت كله
ياخي منيب ملك ولا وزير ولا فراش لاتقعد تنشر اشاعات ويحسبوني الحكومه اني قاعد اطاقهم على الكرسي ثم يفصلون خشمي عن جسمي واموت وانا اشوف ياخي انا عضو مثلي مثل غيري ولازلت اتعلم وفيه احسن مني بمليون مره
ارد عليها واقول : قبل امس وسط السوق .. وافيت لي مخلوق مشكور يا صدااع والله يعطيك الف عافيه وماقصرت على حضورك واسئلتك وشكرا ام قرون مطنزات
وصلتي يا ام قرون وفعلاً اخر اشاعة طبيه خذتها لخشمي كان تركيبه الداخلي اشبه بجدران المعدة والدليل اني اول كائن بشري تجيه حموضه في خشمه ولو تقعدين جمبي سمعتي اصوات المعده واضحه وانا اسولف معك تطلع مع فتحاته ومابي استرسل زود بس الوكاد ان معدتي اللي في بطني جديدة ونظيفه ومابعد استخدمت ابد صايره كنها جزء من مصير يمر فيها الاكل مهضوم ومطحون وجاهز للامتصاص
الله يذكرك بالخير يا خرمان نعناع وياخذ روحك اللهم آمين والله مدري هو حللنا ولا زعلان وبيصدمنا يوم القيامة اذا جاء وقت الحساب والله كانت ايام ضحكنا فيها الين صار الحنك كنه درج منحلة صواميلة
وش اسوي انا ذابحتني الذمة وما احب اكتب شي واحس ان اللي يقراء مايدري وش انا اقول فلذالك جرى التدقيق والتفصيل ولو اضمن ان مافيه حجب للموقع استعنت بالصور عشان اطلع ابيض وجه صدق ولايقال عني مقصر << لاااا تكفى فكنا من هالامانة والاخلاص وخلهم في بطنك
ابقول لك شيء لو لقيتي لي موضوع يتكلم عن الاخلاق والعقل والاستقراطية والعلمانية والالوجيجيه وهالحكي وقتها تأكدي اني مستخدم هالامور اما مواضيعي الماصخه فدائماً تكون على بريق شاهي بنعناع تقعد ريحته في اثمي شهر من قوة تركيزه وابشرك لا دخان ولا معسل ولا حشيش ولا عرق ولا شراب ولا خرابيط .. شاهي واشربه بالدس بعد لانه محرم عند نص العائلة << والله لو ابوك بن لادن وامك اخت السديس مشكوره يا ام قرون ونورتي والله لايهينتس دفين احساس
معنى اسمي سهل مره وغريب ماتعرفه بحكم ان كلك احاسيس لدرجة انك اندفنت من كثر الاحاسيس ودعلج اسمه كله احاسيس ورومنسيه لدرجة انك مستحيل تنطقه دفعة وحده لازم يتوسط حروفة اخذة نفس وتنهيدة قوية وانت تقوله دعلج هو اسم المرض اللي يصاب به العاشق عند فراق عشيقته ويبداء في الموت تدريجياً بسبب هذا الحب القوي .. لذالك انا المرض اللي ابنزع روحك ان طولت على احاسيسك ومانفضت هالدفان اللي عليك وقمت وغيرت يوزرك لدفين الجفاسه مشكور يالغالي ولاتزعل تراني قاعد استخف دمي ومسوي ابو خفة الدم ونورت الموضوع انت وسؤالك الصغينون لك كل الحب والقلوب والورود << تاثر بك الله يقلعك طف الليت
هلا بك اخوي طف الليت وكلك خير وبركة وكفيت ووفيت يالغالي والله لايهينك على كلامك وشهادتك اعتز فيها يابعدي واحرجتن على قولة ام قصيم
لحظه لحظه !! من انت عشان تصير لسانن لي ؟؟ من قال ان هالحكي ما اضاف شي لي ؟؟ بالعكس وقسم بالله يا كلامك هذا شهادة افرح فيها انا والمراقبين اللي معي وهذا اللي نتمنى نكون عليه بعيون الكل والحمدلله اللي قريت رد مثل هالرد وفرح صدري قسم بالله
طبعاً الغيره موجودة في كل الاحول سوا كان طويل او افنس ياخي العالم قامت تحسدك على الشي الشين اللي فيك بعد محدن يخليك في حالك ابد وبالنسبه للخشم مدري اذا انت داخل للموقع عن طريق الرادو وماتشوف البنر او الصور المرزوزه في الموضوع ياخي خشمي من عمري 12 سنة وانا اعتبره صديقي اكثر من انه مجرد خشم واكاد اجزم اني الوحيد بها الكون اللي اقدر اشوف سطح خشمي بوضوح كني اناظر كف اليد لاوشوشه ولا يلزم اني احول واتبهذل عشان اشوفه وصل الموضوع اني افجر النفره اللي بطرفه وانا اشوفها كني اتعامل مع ركبتي وجاي تقول هل صدز خشمك طويل ؟؟
اشكرك على كلامك وتصنيفك لي بها الدرجة اللي ما اشوفني فيها ابد وبالعكس اشوف نفسي في اخر عتبة منها فور اواي (اخسس) وش اكاديميته تكفى ؟؟ الا كان بنستاجر محطة على القمر الاوربي لان ماضنيت ان نايل سات وعرب سات بيعطونا لو محلق 3 في 3 عشان نبث برنامجنا وبعدين ياخي من يطري اسم اكادمية تطلع بوجهي السلقة المغلوثة رولا سعد واحس اني بصير بوظيفتها ومدير البرنامج وفوق شينها كبر خشمي فكنا منها ومن برنامجها وخلنا في المنتديات ان اخطينا انرضينا وانا غلطنا تحاسبنا
لا والله بالعكس الا فاقدهم وودي اني معهم 27 ساعة في اليوم بس الشكوى لله الظروف احياناً تكون اقوى مني ومن خشمي
ان قاله الله .. بس مافهمت قصدك بكلمة موعد ؟ يعني موضوع ؟؟ ولا اواعدك ونتقابل ونتبادل الغرام على جال الشلة << ساقي مهوب قسم لكن خلنا على ان قصدك موضوع وردي ان شاء الله مالك الا طيب الخاطر ياجدي ومشكور وماقصرت يابعدي وشكرا بعد على الورد نفر سفري
ابشر بنغدل ان شاء الله
خذ راحتك ولو مارجعت تراك معذور ومسامحك بس بشرط انك تلعن ام خمام ستار اكادمي مع عوافي الله رولا سعد ملحوس
شكرا لك يابعدي على هالكلام اللي يرش على القلب وعسى دوم اكون عند حسن الضن ووصخ ومخيس على قولتك دام انه جايزن لك ويكفي انك سديراوي ومن قوم فيذاااا
يخسى ويعقب لو يموت الجراد والنمل بعد مستحيل اعطيه حبي ومشاعري وصدقني لو اضطر اروح لمقبرة العود واحفر قبر واطلع جثه واقعد اتغزل في عضامها ولا اقول له كلمه رومنسيه نكهة يحبني عشان مصلحه وادري وشهي وغيره مايواديني ولا يبيني والمصلحه هي الطمام والخيار حق مزرعتنا والدليل ان جوالي يتكسر اذا جاء وقت زراعتهن رسايل غرام واتصالات وينك ياعمري ووش عندك هالخميس ؟ وشرايك نطلع برا الرياض نغير جو ومن هالحكي الواضح واذا ماصرنا زارعين شي معد اشوفة الخسيس
اذا على الشهامة فتراني اذا تحمست ما انبغاء بريال ومخفه وينلعب علي خذ مثال لو فيه شي ثقيل ويحتاج شيل واسمع ثنين يهمسون ويقولون بصوت واااطي وقصدهم اسمع وهم وراي عشان يريشون بي ولا يشيلون معي واشيل لحالي ويقولون ( لااااا بيشيله بالراحه شف زنوده بيقول به في ثانية ياقويه ياشيخ ) تلقاني اتزحر واشقل ام اللي قدامي لو وزنه طن اهم شي اصير عند حسن ضنهم وماتتغير نظرتهم فيني لو يجيني فتاق وبعج وينزل لساني مع مصراني في اللي انت خابر شايله شايله واذا الوليد قال لي فزعتك يالذيب اعتقد اني راح اربط واير في صدام موتره واربطه في خصري واسحبه بنفسي عشان اوريه قوة الهياط واعلمه وش الشهامة في زمن الرخامة وابجره من الدايري الين باب بيته وكل شوي ابلتفت عليه ووجهي كنه وجه وحده طالع نص البزر وهي تولد واسوي له بإصبع ابهامي اوكيه وانا مخرخر من تحت ولي جره كني وايت مليان وماسك خط ترابي ويسورب
الله يقلعك على هالسؤال ياشيخ حشى اختبار نصوص ياخوك مالي بحميدان الشويعر ولا غيره وحدي طلع البدر علينا وبس والفيحاء هي ديرة عثمان << مسوي حل ام اللغز وديار الزيره منطقة في سدير تشبه مساكن برزه في سوريا بس الفرق ان اللي في سدير ملاقيف ولازم يعرفون كم راتبك ويحفظون رقم لوحة موترك ولو ترجع عقب سنة قالوا هذا قد مر مع هالشارع ياحبي لسدير واهلها بس
للاسف ولا شي يتصدق من اللي قلته مع ان كونداليزا ممكن تضبط معها والا وش زود مايكل جاكسون بس يمكن نوع جلدها ماينجّد واقوى انواع الغراء مايمسك على جسمها لو بيجلدونها ياخي ذي احسها تفرز جوايا مع كل جسمها بنت الكلب الملعونه الوصخه السودا القذره ياخي وقسم بالله ناقصها ذنب عقرب على ملامحها وشعيرات في كل جسمها وتمشي على بطنها مفصخه وبحق ان كفشها احد
شف جربت احلق خد ثم اذا انتقل الحلاق للخد الثاني احس بشعر الخد الاول يطلع ويقرص ولو تدقق في خدي تشوفه وهو ينبت زي افلام الطبيعة اذا ثبتوا كميره على بذره وجابوها بالتسريع كيف طلعت ونبتت وكبرت مع اختلاف الليل والنهار بس انا لا ثابت بنفس الوقت تشوف كل هالمراحل في ثواني لذالك الحلاق صار يقابلني وجه لوجه ومعه بكل يد موس ويبداء يمسح الخدود مع بعض بنفس الوقت الين يتصافقن الامواس عند السكسوكه كنها كيسان بيره ومن اسمع هالصوت اقوم ادري انه خلص مع ان الخشم يرده انه يبدا من عند الاذان فصايره لي سوالف طول اليد غصبن عني وعنه وبمجرد ما اركب سيارتي بزعمي منعم ارجع احلق من جديد لانه نبت
الله يرفع قدرك ومشكور على هالكلام الكبير والشهادة الغاليه على قلبي ومنور والله ياملحوس باشا ولاهنت على حضورك وردك سريلاك بالعسل
تبين ازود من هالشارب واللحية ؟ تبين اصير اول انسان يجي فيه قمل بوجهه الله يحييك ويبقيك ومرحبا بك .. وحياك رجعتي ولا مارجعتي كشك سجائر هلا بك كشك ومنور يابعدي وتعال نشوف اسألتك
هههههههههههههههههه الله ياخذها من بلكونه والله ولاحديتني على الحلف يا كشك اني الى يومك اذا طرت على بالي ضحكت الين اكحكح واصير كني موتر معيي يشتغل من البرد من اروع الاحداث اللي صارت وماتنسي ابد ابد وخاصه اللي عاشوها وحضروها وهايطوا معي وكلوا تبن مثلي منها
اول شي ياغبي مايحق لك تغلط في اسم منظمتنا الغالية اسمها NLP وليست ماذكرت وبعدين من قال لك انه تم إيقافها ؟؟؟؟ شايفنا مثل الكديش حقين القاعدة الزلايب اللي دقت خشومهم الداخلية ؟ لاااا حبيبي منظمتي غير تعتبر خلية هاجدة ومالها حس ولا لها وكر ولا لها اثر بس وقت قرع الجرس يطلعون لك كنهم سلق مطلوقين على ارنب ماتدري من وين يجون وكم عددهم وعشان ايش هاجمين ووش هدفهم ياحبي لهم حزبي المصون الرخوم الكمخ الدبش اشبهم بالبركان هاجد ولاتدري متى يثور واذا ثار احرق كل شي حوله لله دركم ياحزب القوة والجلد والحق مع اني مدري كم صفى منهم ووين صارت اراضيهم بس ماعليه ادري اني اذا صفرت ابسمع نباحهم على بعد كيلو
والله ماعندي شي ولا لي بالتصاميم كانت محاولات غبيه واستهبال ونزلتها بموضوع ومن قوة الحقران حذفتهن من عندي عقب اعتماد الموضوع
المساطيل طبعاً عشان الناس تطلب فزعتي وارجع وازبطه ويسوون معي مقابلة ثانية بقسم الكمبيوتر وامسح شي من الوجود اسمه هكس الى متى هكس وهكس كن مافي الدنيا الا هو ابسحب على امن جابته وابوريكم ان هاني وولف حي يرزق وقدها وقدود
كتبت قصيده مره بحياتي واعطيتها المقرشع باشا اشاوره فيها وتغير وجهه قسم بالله الرجال يقدرني ويحترمني وقتها قبل لانكره بعض انا واياه وقال لي وقتها وما انسى " هه !! " <<نفس الصوت طلع من برطمه واذكره زين طبعاً ماكانت ضحكه يعني حركه زي اللي مدري وقال لي لاتستعجل يبيلها شوي تعديل لانها مو مكسره وبس الا مدقوقه بنجر ثم محطوطه في مولينكس ومطحونه زياده لدرجة ان اللي يسمعها او يقراها يشرق الرجال قام يعدل فيها ويجيبها يمين ويسار وماضبطت في الاخير يوم عدلها قسم بالله طلعت قصيده ثانيه وكل شي فيها مغير ماعدى المطلع حقها بس والمطلع اقصد فيه اول كلمه وكانت " اخطيت " اما باقي البيت وباقي القصيده كلها للمقرشع وعقبها شلت يدي من الشغله كلها
الاملس : ولاشي هههههههههه امزح شخص يخليني اضحك ولو ان الدنيا منصكه بوجهي بهجت : شخص يخليني احمد الله ليل ونهار اني ماطحت في العرق وصار حالي مثل حاله مخترش : ونعم الصديق ومافيه ازعاج ولاحاجة ومشكور على حضورك واسئلتك يالغالي لي عودة ان شاء الله
آخر تعديل دعلج
في 12:44 PM.
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
07-03-2009, 03:22 PM
|
|
||||
|
توه ساكن
|
دعلج ياكلب ..صح اني مامون عليك بس من قريت اجوبتك حسيت اني امون عليك اثرك طلعتا خالي وانا مدري وش يعني لك ملعب الجنوبيه منول ايام الردميات طيب شفتا النزله الي ونت طالع من الجنوبيه اذا جاء مطر تمتلي وتتفايض .. الصدق قد شفت واحد يصيد ضفادع عندها ويوم شفت صورتك ذكرتك يالخايب .. فإذن ماذا تعني لك هوايه صيد الضفادع منول  طيب وش رآيك ف المعشبه وهل تتوقع لها مستقبل باهر .. خصوصا انها تربط الوشم .. بسدير ..يعني تتوقع تصير فيها جمرك وكذا .. وتقبل ودي ... سعد
آخر تعديل الحب اللي كان
في 06:44 PM.
|
||||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
