 |
 |
 |
 |
 |
 |
 |
 |
|
||||||
| شلة الحارة منتدى الزحف والعيارة |
 |
|
|
أدوات الموضوع |
07-03-2009, 03:33 PM
|
|
||||||||||||||||||||||||||||||||||||||
|
الجمال جمال الروح
|
ويجيك عضو يقول :
كيف تتصرف مع سبايك من هالنوعيه  = = = = == = = حقيقه يوزر دعلج ماأعرفه شخصيا  لكن الكل يذكره بالخير .. وانا بعد اتابعه واتسدح ضحك   لك كل الحب والاحترام والمحبه يادعلج <<شرايك وأنا أصف حكي فيه مره واحد من اخواني كان معي ماسنجر قال ياخي طفش ملل زهق وقاعد يتأفف قمت عطيته رابط موضوع قديم لك كان فيه اطنان ضحك حق الختان اذا تذكر الرجال اسفهل عقب ماقراه وهذا هو حال كل من يقرأ لك 
آخر تعديل XمقتـamalـــولX
في 03:38 PM.
|
||||||||||||||||||||||||||||||||||||||
|
08-03-2009, 06:30 AM
|
|
||||
|
مشرف تطوير الحارة
|
دعلج كل تبن ومنيب مريش فيك لانك حافظ وش انا بقول .. ( وش اقتبس ووش اخلي ) ههههههههه لذلك ابسألك تكفى مع اني عارف ان الاساله موقفه لكن راعو فرق التوقيت << ذل العالم  السؤال الاول : عقالك اللي لابسه في مقابله الاوربت ماتحس انه معطيك ثقه شوي وانت تتكلم ؟ هههههههههه السؤال الثاني قصير جدا واحس ان جوابه بيصير طول دعلج هل ودك انك تصير مثلي ؟ او بالاحرى هل ودك انك انا ؟ دعلج تذكر يوم اننا ماسكين خط وصلنا لديره من الديار ومشغلين الاغاني ويوم سمعنا الاذان جيت انا الله يجزاني طفيت الاغاني .. ثم التفت انت علي ذيك الالتفاته انا من الروعه والله بغيت اضرب فرامل !! قلت وش فيك ؟ جيت انت شغلت المسجل ثانيه قلتلك يخوي تراه ( اذان ) رد اللوح قال طيب ( بس حنا بادين قبل ) تنكر ؟ هههههههههههههههههههههههههه والله ياهالسالفه كل ماذكرتها اغشي ضحك تذكر طيب سالفة يوم بغينا نموت وحنا ماسكين خط حسبي الله عليك !! ياناس قد شفتو واحد ماسك خط ونايم له نص ساعه ؟ والله خل عنك ماسلمت انا منك الا من دعاء اميمتي السؤال: وش رايك في امي اذا جت تتكلم مصري ؟ ههههههههههههههه اااااااااه بس اسكت والله يبو عادل اني جلست اعيد الذكريات وقعدت اضحك خصوصا سالفه الحبه خال اللي بوجه ( دوق فليد ) اللي ازعجتني طول الجلسه تقول ياخي ودي اسطره كف عشان تطير الذبانه اللي بوجهه ههههههههههههههههههههههههه ماقول الا يازين ذيك الايام والله لكم فقده ياحيوانات  << جته الصيحه بيرجع دعلج : وش تعني لك شغالتنا ( جولي ) ؟ هههههههههههههههههههههههه |
||||
|
09-03-2009, 04:28 PM
|
|
||||
|
توه ساكن
|
للاسف توني اشوف الموضوع عشان كذا منيب سأل بعد ما توقفت الاسأله ياوك لحين انت حي ؟ تصدق مبطي عن مواضيع ومنتديات العيارين مدري ليه فقدت الامل فيهم مادري عن المساطيل والشله الي تقولون لكن بعد ذيك الايام مدري ليه جاني انطباع ان خلاص زمن العياره انتهى ! وعشان كذا ودنا بمواضيعك كامله نرتشف من عبق العياره <---بوضح لك معنى الكلمات تحت ف ياليت تعيدون رفع الملف لاني ما قدرت احمل من الروابط الي انتم حاطين ولا واحد اشتغل معي القنفذ (مسوي متمدن  )يوم شفت صورتك قلت ذا الخشه مهيب غريبه ولو انها مهيب واضحه خشمك مسوي ظل ومعدم الاضاءه ههههههههههههههه وللاسف ما شفت لقاءك في الاوربت ! بس يوم قلت اسمك عرفت وش السالفه اجل صرت ابناخي الحاشي كريم واخوه عزيز ومتعب <--سديراوي جاب البرنت كله تصدق اني حبيتك زود يوم عرفتك الموهم عقب ما صرت اعرفك خلهم يرفعون لي الملف ولا ترا بوصف لهم مزرعتكم واستراحتكم
|
||||
|
10-03-2009, 12:37 AM
|
|
||||
|
مسـيّر
|
 < بدري ؟جيت ابسوي تعديل حذف مآش مآلقيت صرفه الزبده اني متفشله اقرى موآضيعكم في مفكرآت تنرسل لي مآقراها من منتديآت ومختبصه الامور غمضو عيونكم كنكم ماشفتو اسئلتي واعتبروني كآتبه ننتظر جديدك والله يوفقك
آخر تعديل فهآوة
في 12:40 AM.
|
||||
|
10-03-2009, 02:03 AM
|
|
||||
|
مسـيّر
|
دعلج
اني احبك في الله يمكن ماتعرفني ولاصار بيني لا لقاء ولا حتى سلف لكن لعلمك كنت مفتون فيك من زمان .. والله كنت انحاش من الجامعه واروح مكتبه الملك عبدالعزيز وادخل النت وادور اسمك ايام الاقلاع واقرأ مواضيعك .. قسم بالله ياكنت اموت ضحك لدرجه ان المشرف ع النت في المكتبه يجي يشقر ومسوي ذيب يوقف وراي يقالك بيقفط الصاروخ اللي معي سعيد بشوفتك عااايش .. والسعاده الاكبر انك من الجنوبيه .. يالبى الجويفا واهلها ياشيخ حبيت اسجل اعجابي القديم فيك .. واقول لك مرحبا مليون يابو زامل الا ع فكره مافكرت تروح المغرب اقص يدي ان مشوك في المطار هناك |
||||
|
11-03-2009, 10:40 PM
|
|
||||
|
من شيوخ الحارة
|
والله يا صندوق الرد فيه لخبطه كثيره من الغبار و العجاج لكن ما يهم حتى لو كان طايح في صرف صحي لازم أشارك  .. هلا والله بالحمش ,, من فينا ما يعرف ابو عادل ,, ابو عادل انسان كريم , متواضع , زلابه , زاهد , حسابه في بنك الرياض , عريض المنكبين , هداف من طراز نادر بالإضافه الى انه صديق جولي .. و الصفات هذي ما تجتمع الا في انسان يلبس نظارات .. ما ودي أطيل بالمدح لأن ابو عادل لو بأمدحه ما تكفيه منتديات و جرايد و أوراق أسمنت  السؤال الأول / تذكر أول مره تقابلنا فيها , في أستراحة عضو , ليش ما تعشيت معنا ياليت تذكر السبب و لا تتهرب من الاجابه .. السؤال الثاني / في الآونه الخيره كثر اللغط و الهرج و المرج في خشمك ,, عشانك حطيت وشم عليه يرمز الى الاستقلال و الانحلال الخلقي ..  السؤال الثالث / وش قصة الحادث اللي صار عليك عند مخرج 16 .. و ياليت تذكرها لنا بالتفصيل و خصوصا يوم بغوا العكسر يضربونك .. (( يلعععععن ام الاشاعات )) السؤال الرابع / بما أن المناطق الاداريه في المملكه عددها 13 .. و استكولهوم عاصمة بلجيكا .. فما هو سر العلاقه الحميميه بينك و بين خرمان نعناع ..  في النهايه .. اعذرنا يابو عادل على هالاسئله الشخصيه .. و هي راجعه لك ان بغيت تجاوب او لا .. و سلملي على السنايبر هاني وولف يا ور ور
|
||||
|
12-03-2009, 03:15 PM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
بروفيسور عيارة
|
مضيع بيتهم
<< هالوجة ترى على كلامك اللي تحته خط ياخي حسيت اني ابموت على كلمتك الابتعاد عن العالم تذكرت قرد قد جابته قناة انيميل عضه اسد مع فخذه وقدر يفلت منه بس للاسف قعد ينزف وقبل المغرب راح يمشي بعيد وصد تحت شجره وقعد يحتضر الين فطس لحاله بعيد عن العالم وهذا ماحسيته من مقدمتك وحسيت بشعور القرد الله ياخذك وبعدين وش اسطورته انت ووجهك ؟ يارجال والله ولا ساطوره بعد يا ابن الحلال دعلج ولاشي قدام المبدعين اللي يكتبون في النت واقسم بالله اشوفني اقلهم .. 
شعوري عادي جدا لان سبق وقد صار لي العن من هاللي قلت مره على طريق شقراء لقيت وحيد قرن على الخط متلطم بشماغ ويشر يبي توصيله وعرفته من جسمه وذيك الصفايح اللي جايه راكبه على جسمه والا الخشم ماطقيت خبر له لاني متعود على خشمي واحسب كثير يعانون مثلي لذالك بوقف للبعارين وابعد له بذمة بعد
هههههههههههههههههههه من يقول ؟؟؟ بالعكس والله محترمك واعتبرك واحد من عيالي<< هذا اللي بيكحلها مضيع تعاملي مع نكهة لايغرك لاني قاعد اتعامل معه نفسياً وموصيني ابوه اعيد له الثقه بنفسه واحسسه انه موجود معي كصديق نكهة على عمره وطوله فهو يعتبر يمر في مرحلة خطيرة من حياته لانه عدى مرحلة الطفولة بالعمر فقط اما الشكل والحجم لازالوا على الطفوله مافيه اي دلائل تبين له انتقاله من مرحلة الطفوله للنضوج مع العلم انه فعلاً رجل وقدها وقدود ولو نحطه مع انثى جاب منها بيكمون ادري اوجعت راسك بس ابختصرها لك من الاخر !! كل عمرنا نسمع بكلمة ( بيبي فيس ) الا مع نكهة نقدر نقول (بيبي فيس وبودي)
ههههههههههههههههههه والنعم فيهم وممكن يتوالفون وبالراحه بعد ولاتسألني من بيكون فيهم الانثى لان كل سنة على واحد منهم الولادة والثاني عليه الرضاعة وتعال شف اشكال عيالهم يارب لك الحمد والشكر اقزام ولهم سوالف وظهورهم نابتن فيها شعر << طراها سيقان مفتت لو تشوفها تحسب انه عبد وكلنا عبيد لله من كثر الشعر ماتشوف لون الجلد
شدعوه ياجدي لامصاله ولا اطاله وبالعكس الله يوسع صدرك ومشكور على حضورك وبيض الله وجهك يابعدي لو بس اول شي مشكور على المقدمة الطيبه وتسلم على كلامك كله والله يقدرنا ونكون عند حسن الضن ان شاء الله
النت والمنتديات ما اخذوا مني شي ابد غير الوقت !! ويكون بعلمك حتى الوقت ماتحسفت فيه على النت وبالعكس استفدت كثير وانبسطت واعتبره اجمل شي صار بحياتي اما وش عطيتهم برضوا اعطيتهم الوقت الكبير من حياتي لاني اذكر اني اول ماطحت فيه كني عنز مكبوب قدامها 13 خيشة خبز يابس وصلت لمرحلة اني اقعد 14 ساعة ما افصل واكثر بعد ويشهد الله كنت احاول اقدم اللي اقدر عليه من مشاركات وتطوير وغيره في مجال المنتديات وقبل لايصير عندنا منتدى مُلك زي المساطيل والمشاكل تصير بالنت وخارج النت ومو شرط ان دعلج اذا تغير او قل عطاه مو في الموضيع بس لا اقصد في التواجد وفي المشاركات ان السبب هي مشاكل النت يمكن من اسباب ثانيه مالها علاقة ابد بالنت .. ومافيه احد وانا اخوك يستمر على حاله لابد في هالدنيا يوم تضحك ويوم تتضايق والمشاكل تجيك لو انك ساكن لحالك في قريه مافيها احد الا انت وضلالك
شف حبيبي !! قضية اني مليت من الكتابه !! لا مامليت وبالعكس مافيه شي احلى من إضافة موضوع وإنتظار ردود فعل الاعضاء وتقيمهم لك ولكتاباتك اللي تشوفها في قرارة نفسك ماصلة وتتفاجئ بإعجاب لو البعض منهم شعور يخلي الواحد مايمل ابد ابد من شي اسمه كتابه ويحمسك يالواحد تحاول كل فتره تنزل موضوع جديد وبخصوص الاشياء الجديه بحياتي فترى النت احد الاشياء الضرورية والجديه عندي فمهما التفت لحياتي الجدية مستحيل يكون لها سلبيات على تواجدي ومشاركاتي هنا بالنت .. والحياة والظروف لابد مايكون لها تأثير عليك يالواحد مهما كان .. الالتزامات تكثر والضغوط تزيد ومع هذا كله الواحد يحاول يسرق نفسه ويجي ينسى كل همومه بينكم ويحاول يقدم شي يرضيكم ويارب اكون دايم عند حسن الضن
شف ماراح اهايط واقول لك ماطقيت خبر العالم واخر شي افكر فيه الناس اللي تعرفني زين وانشكفت اوراقي عندهم لابد مايكون فيه شوي التزام وكبح نفس لان الموضوع اصبح يمس عائلة كاملة مو دعلج لحاله وبيني وبينك عندنا بنات مانبيهن يعنسن عشان سفاهة اخوهن واذا تبي الجد قد طقها بوجهي واحد قريب مني مره بعد ماشاف موضوع المقابله حقت الاوربت وشاف صوري وعرف ان لي يوزر اسمه دعلج واصبح يتابع اي شي اسوية واستغربت وقتها انه يدخل المساطيل وكنت اخر من اتوقعه يخش المساطيل هالانسان وقلت من يدري لايكون لبوي يوزر وقاعد يتابع قلة ادبي ويجمّع لي ثم يفرش والديني بيوم من الايام زبدة الحكي وانا اخوك اني لما اجي اكتب موضوع ما افكر بالناس اللي يعرفوني وهالحكي واحط اللي براسي ومايقص الرقبة الا اللي خلقها واللي بينقد ينقد ويطق براسه في الجدار وطززز فيهم كلهم وحسبي الله ونعم الوكيل << اضطراب نفسي عنيف
ما انسى ذيك الايام وكيف كانت النفسيه !! ومن قوتها لازالت اثارها الى الحين كل ماطرت صاب القلب تاكوك عزيزي اي عضو مو شرط إداري يتعود على مكان ويدخل كل يوم له ويشارك فيه وله علاقات بها الموقع وفجئه يجي ويحصل الباب مصكوك وبالشهور صدقني لازم يتأثر وبقوه بعد واللي اذكره اننا اجتلدنا كلنا بخصوص الحجب لدرجة ان نكهة تعرف على حبوب الكبتاجون ذيك الفتره وطاح فيها كنه ياكل حب قرع وما انكر ان ابو مشعل " نكهة الديزل " اكثر شخص فينا اشتغل على الموضوع وقام يراكض لبى قلبه ويتدحوس عند باب محمد بن نايف في الداخلية كنه من اللي يستقبلون الملك اذا نزل من الطيارة البزران اللي معهم ورد الين شافة الامير محمد وشاله وحبه وقال شتبي يابابا ؟؟ قال حدب موقعنا ينثال << مصغرها عشان تعيشون الجو قام والتفت محمد بن نايف على سكرتيره وقال فكوا الحنفية عليهم عشان هالتوله بس الحجب قد ماكان له سلبيات صدقني اخذنا من إيجابيات كثيرة ومنهم اصبحت اي مشكلة تقابلنا تافهه وصغيره وصرنا نملك الثقه في تجاوزها رغم الكماخة اللي فينا وقل الدبرة وبرضو كشفت لنا حب وعشق الاعضاء للموقع وكيف اننا محظوظين بإعضاء مافية مثلهم بالنت كله لا من ناحية الاخلاص ولا من ناحية تقدير الموقع وحبة من صميم قلوبهم وبالنسبة لا اخر فقرة في سؤالك اكيد لابد لكل ناجح اعداء نجاح ولابد لكل ناجح ناس حقاد وغيوره ولابد لكل ناجح محاربين ومخربين بس صدقني يخسى كل حاسد وعدو انه يحرك شعره فينا وفي الموقع كله دام كل واحد فينا مايمثل شخصية وحده منفرده وانما الموقع كله بإعضاءة يمثلون شخص واحد يقدر يقابل اطلق شنب ويوطون على رقبته واذا بتتاكد رح سجل بيوزر انتحاري وادخل وحاول تسوي فتنه وحركات مبزره وتخريب وشف من قبيلك هل هم الإدارة بس زي باقي المواقع !! او الاعضاء كلهم جيش يجيك مع كل مكان اللي بعصيان واللي بمساحي واللي بجنازير سياكل وخذ ياطق فديت الموقع باللي فيه انا وقسم بالله ما اهايط بهم ولا اريش بهم بس هذي ميزة المساطيل واعضاءة وهذا سبب نجاح الموقع يارب لك الحمد والشكر
انا اللي اسف اللي قاعد اكلمك على انك ولد ترى وقسم بالله مادريت الا بكلمة اسفة لاتواخذنيني تراني قايل لتس ان الدباشة تمشي بالعروق ومافيني حيل ارجع اعدل في ردي واعتبري نفستس ولد الين هالدقيقة ومشكورة ياوخيتي على ردك وحضورك والله يرفع من قدرتس ان شاء الله ويوفقتس الكايد
قل آمين ياجعلي احتك فيك بس وتسلم يالبى قلبك ويشهد الله اني اقدرك واحترمك يالكايد بعد والله يحييك ويطول لي بعمرك ومشكور على الحضور والمشاركة ابووفى ماعنه خفى حي الله اميرنا وشيخ العيارين كلهم حي الله الشويب المحلي
بدينا في شغل الترفيع يابو وفى وترى ما استاهل كل هالحكي الله يجزاك بالخير وغيري اطيب مني وانا عودن من عرض حزمه زي مايقولون وبعدين حضورك لو انه جاي بعد ماانتهى الموضوع وراح في صفحة 100 ورفعته بردك ترى بيسوى عندي كثير
شف ياشايبنا الغالي وادري ان اللي مثلك يعرف رد هالسؤال ولاهوب انت من يقال له ويعلم انت تعلم واستاذنا كلنا لبى طقم سنونك التركيبه بس اي موضوع سوا قصه او غيرها لابد يكون له هدف ورسالة !! ومايكون كلام مصفوف واستعراض مفردات وتميلح بقوة الإلمام الأدبي واللي لو تشخل الموضوع ماطلعت منه بفايدة وحده وتحس انك قاري اربع سطور من كتاب 400 صفحه ومن نص الكتاب تحديداً ولا انت اللي فاهم وش البداية ولا تعرف وش النهاية !!!بنظري المتواضع والبسيط واللي على قدي !! واللي انا بعد افتقده عشان ماتحس اني مغرور واشوف نفسي كامل ومواضيعي ذات هدف وخطيره و و انا والعياذ بالله من كلمة انا احرص على ان اي موضوع اطرحه بغض النظر سوا كان فيه هدف اومسج اوإنتقاد لشغلانه معينه وحبيت اوصلها بإسلوب فكاهي او اسلوب زحف زي مايقول البعض احرص دائماً ان اي شي اقدمه يكون له بداية ونهاية ومضمون يرضي اللي قاعد يقراء يعني القضية مهيب قضية افتح إضافة موضوع واقعد اكتب يالواحد وانت ماتدري وش تبي وكيف بتختم الموضوع !! واقعد اعجعج باللي يقروان وامسكهم خط وموضوع طويل وفي الاخير اوقف اتلفت مدري وش ابي وكيف ابنهي السالفة او تكون النهاية مخيسه زي وجهي وكثير اقراء لهم تسلسل مواضيعهم خطير واذا وصل النهاية خنبق وانتهى بطريقة تخرب كل الإبداع اللي بالموضوع كله لذالك في نظري الشخصي ان اي كاتب يحب يكتب موضوع اول شي يفكر فيه البداية والنهاية كفكره مبدئية براسة ولما يحبكها يبداء يلعب في الموضوع في النص ويزحف فيه ويدخل سكك وحواري ويلحس مخ اللي يقراء وفي النهاية يوصله لشي يرضيه ويحسسه ان البداية لها علاقة بالنهاية وان الفكرة متراكبه ومرضية ومحبوكة
سديراوي شهادتي فيه مجروحة والله يذكره بالخير وين ماكان هالانسان علم من اعلام العيارة وانا من اشد المعجبين بقلمة ومن اللي فقدوه بقوه بعد وان شاء الله بيرجع لاتخف عليه يابو وفى تراه حمامة دار وبيني وبينه اتصالات من وقت لوقت وبيجي غصبن على اللي جابوه ان قاله الله
ما الومه قطعت رزق نايف ابو صيده وهذا اكبر دليل على سلبيات هالمقابله يقال والعلم عند الله ان وليد البراهيم طلب نايف ابو صيده وفصخ العقال وفرش ام امه على الطاولة اللي قابلني عليها وقال تخصصنا بني البشر ومقابلات مع اوادم ودامك بتجيب هالنوعيات المفروض تسوي لهم مقابله في قناة دسكفري او انيميل بلنت بحكم ان فيه شبة قريب بيني وبين شفاط النمل شكرا يا شايبنا والله لايحرمنا هالخشه ويخليك للعيارين ياذخر العيارين انت الشاب اللّطيف
ههههههههههههههههههه الله يعز مقدارك ياشيخ والحمدلله اللي كرموني وانا حي وشفت خشمي مرزوك في بنر ولله الحمد انا قايل لزعيم خلوا البنر تحت في المنتدى لانه خطر واخاف يخبط على الاعضاء المتواجدين ويفلش روسهم بسبة ثقل خشمي بس ماسمع الحكي الله يهديه
ههههههههههههههههه ياخوك يازين حتسياتك والله يسلم قلبك على هالكلام الزين وعسى انه صدق ومنتب تسذتب وتريش بي وجينفر مهيب اطيب مني هي مئمنه على اللي انت خابر وانا على خشمي مع انهم لو يوزنون اللي معها ويوزنون خشمي فزت << مسابقة هي ولا تحدي وجعل قلبك يدخله الايمان قل آمين انت ومن يسمع
هههههههههههههههههههههههههههههههههه ههههههههههههههههههههههههههههههههههه والله اني ضحكت ضحك الين قمت اذا كحيت اوجعتني رجليني مع ان مالها دخل بس من قوة الضحك الله ياخذك بلا ياقلبييييه بس لازلت اكتب واضحك جعلك الموت يالله ياكرهي لنوعية معهم معهم عليهم عليهم وبعدين ياشاب يالطيف لاتصير رسمي وخذ راحتك دام هذي علومك وخل براسك شغله ان مافيه احد احسن من احد وكلمة مراقب ومشرف وعضو ماتعني لنا شي ابد ولاتزيد من الشخص ولا تنقص منه وخاصه بالمساطيل والبساط احمدي زي مايقولون والمهايط عند غيرنا ياما فيه اعضاء مشاركاتهم 1 واطلق من 4 مراقبين مو دعلج لحاله
ههههههههههههههههههههههههههههههه حسبي الله عليك قل آمين والله لحد الحين اضحك يالسلوقي هذا اللي صار وانا اخوك قروي وطاح في مريس وسالفة طيحتي في النت اني وقفت مره عند محل انترنت على شارع النخيل في البديعة احسبه كباين اتصالات ابكلم امي نوره في سدير ابقول لها ان ابجيها هالاسبوع ودخلت قسم بالله وشفت كمبيوترات وعالم وقمت مثل اي سديراوي ملقوف واشغلت الكاشير اسأله وش السالفة ؟ هذي اجهزه للبيع مستعمله ولا وش عندكم ؟؟ قال لا هذا انترنت يالغالي ايام ماكان الدايل اب طبعاً ومدري شلون عايشين العالم على الدايل اب اول و 15 جهاز على خط واحد ومقسم الاتصال عليهم كلهم يعني كل جهاز سرعته 1 الا ربع كيلو بايت وعشان تفتح صوره حجمها 24 كيلوبايت تفتح الصوره 9 الصبح وتفتح معك 3 العصر قلت له يعني اقدر احجز من عندكم على جدة والدمام وقام وضحك قسم بالله وفضح امي عند اثنين واقفين واستحيت وقلت لاتصدق ترى استهبل وانا من جنبها وقسم بالله ورجعت للبيت وكبر الموضوع في راسي الا ابي اعرف وش قصة هالانترنت الين جاء خالي بفلوبي مليان صور ماتنقال وشغلها لنا انا واخواني وتعال شف عيونا  ماقد شفنا خير وطبعاً لايروح فكركم بعيد ترى مو شي قذر مره بس اللي اذكره انها صورة وحده اسمها سارة الخليجية قديمه ومافيه احد مايذكر ال 12 صورة حقتها اللي يقولون انتحرت وهو قفل الصور من هنا خالي وسألته من وين خذتها من اي محل احسب ان المحل هو اللي فيه هالصور مادريت اني اقدر اخذ اي صوره من اي محل احسب هالمحل هو اللي فيه الدشاره بس ومن عقبها دخلت عالم النت بنية خساسة ولكن عصمني ولله الحمد رب العالمين بعد ماطاح اللي براسي وانتهيت بداعية ومصلح اجتماعي كما تشاهد انت وغيرك واخلاقي العاليه تشهد لي مشكور يالغالي ووسعت صدري الله يوسع اممممم تدري خلها على صدرك شابونه وصامبو هلا يالله حي المهبوله شوفي يا شابونه قسم بالله ما اقوله نفاق او اني اريش بك بس تراك مهبوله والله يخلف على اهلك باللي اصحى واعقل منتس
هههههههههههههههه اجل البتاع حقنا ؟ لايابنت الحلال بلا كتب بلا مدونات خلينا على المنتدى متى ماخمت افتح إضافة موضوع وامسط به وتجي العافية جو المنتديات غير وله طعم خاص لما تشوف المشاركات على موضوع ويشاركونك فيه وينجحونه بردودهم المجنونه ويمتد روعة الموضوع لصفحات كثيره وهذا الهدف من الكتابه ككل بالنسبة لي وليس استثمار ومشروع وهياط عند الله خلق الله
اكذب عليك لو قلت لا كثير قريت واستمتعت وكان المفروض ارد واشكر الكاتب بس يمكن الظرف والزمان والمكان ماسمحوا لي اضيف رد واثني وامدح صاحب الموضوع وبالنسبه للرد بدون قراءة للموضوع مستحيل اسويها ولو كنت من اهل الاسلوب هذا كان لقيتي لي رد بكل موضوع بس انا رجالن ما احب ارد الا على الشي اللي قريته واعجبني لان الكاتب لازم يعرف مستواه من ردود الاعضاء ومانبي نغش احد او نمشي الامور على نظام قل به واذا على النعاس فيمكن انتي ماتجوز لك مواضيع العياره وتملين بس غيرك لا يفرح بالموضوع ويمخمخ عليه كنه يتابع فلم الناس اذواق يالعنز ويمكن المود هذا مايناسبك
شوفي يابنت الاجواد اي انسان لو بيراجع وش كتب بتحوم كبدة وبيطفي الكمبيوتر كله مو الموضوع بس لذالك لازم الواحد مايفكر ويتحمس ويزمل للموضوع ويقعد يوسوس وياخذ راي فلان وعلان قبل لايحطه ويتردد ويقراه مره ومرتين ويعدل فيه 20 مره افتح الموضوع وخله يجي زي ماهو براسك فرش ولاتعدل فيه ابد لان دايم روعة الموضوع لما ينكتب على بداية فكرتة وعلى سردة الاولي ولما يتعدل يبداء يتفكك بدون لاتحس بالتفكك الموجود فيه ويتغير ويخرب بدون لاتحس يالواحد لذالك افتح واكتب ولاتتردد وخل الشي يجي على اول فكرته وبالطريقه اللي خطرت في بالك للمره الاولى وبتشوف كلامي صح ولا لا مشكوره ياشابونه ونورتي والله لايهينك ليور هلا وغلا ليور ومنور يابعدي
كثير مايجي واحد والله كثير مره بعد .. فيه اقلام افتقدتها كثير وحنيت عليها وما اخفيك اني ابحث عن القديم من مشاركاتهم ودامك طلبت اسم مختفي وانقطعت اخباره اكيد راح اقول لك " حمود المستلج " مع انه مايقصر ويجي ويتحفنا بموضوع كل 3 سنين وبرضو حبيب قلبي واستاذي وعشيقي " المتسرب " والكاتبة " سنيوره " الله يذكرها بالخير وين ماكانت ويستر عليها ويوفقها وبرضو عندك " دقها والحقها " مع انه يطل كل سنه دقيقة وينحاش ومشغول الا ان هالادمي افقده كثير ويمكن السبب ان خشومنا نفس الستايل واذا تقابلنا وجه لوجه تشوف الضلال حق خشمي وخشمه كبر بعض وعندك الكاتبه " ^**sdiraawih**^ " الله يذكرها بالخير بعد ويستر عليها وبرضو فيه ناس كثار بس انت ماتبي الا واحد الله يهديك << حطها فيك وترى ذكرت لك الناس المنقطعه فقط اما باقي الكُتاب الكبار لازلت اتابع لهم وحتى لو في غير المساطيل
اوفقك وبقوه بعد .. ولكل وقت جيل مختلف بالتفكير ولابد ماتحس بالفرق يالواحد لكن بنفس الوقت يرش على قلبك انك من فتره لفتره تتفاجئ بإقلام جديدة تحمل العيارة نفسها والاسلوب القديم للكُتاب الكبار القدام ويحسسك هالشيء انك ان شاء الله ماراح تفقد هالاسلوب ابد وان الدنيا لازالت بخير
دعلج بدون شك <<< كل ترااااااااااااب أمزح وقسم بالله وبالنسبه للمواضيع انا ما احتفظ بشي لاني احب اشكل واتذوق من كل كاتب لعطه والحمدلله يارب فيه كثاااااار تقدر تمخمخ وتروق على مواضيعهم وما اقدر اقول لك واحد بس وهم في الواقع عددهم فوق عدد اصابع اليدين مع الرجلين الله يكرمك والسامعين
ههههههههههههههههههه شدعوه وانا اخوك بالعكس لازلابه ولاهم يحزنون الا وسعت صدري الله يوسع صدرك وماراح اسحب لاتخف وان شاء الله ابرد على الكل وحتى لو طول الموضوع راد راد من غير شر ان شاء الله ومشكور وماقصرت يابعدي والله لايهينك مطاول الليل
بل صدق يا أخ العرب وكل تبن ايضاً
شسوي ياخوك الاشغال ماتخلص وبيني وبينك طقيت لي شاكوش ربل وخذت شغلة الرجال وقاعد اترزق الله على شيبان الرياض وكان تخبر لي زباين فلك في كل لطخه 5 ريال
ههههههههههههههههههههههههه اول ماقال لي معك الامير حسام طاح من عيني على طول يمكن صوته اول مرد وهو مغيره خلاني اركز ابي اعرف هو صوت طبيعي ولا مستخدم التلفون القديم حق تغير الاصوات ويوم قال اسمه طاحت الميانة ولو انه صاحب سمو ملكي بعد حسام مايجي الا ولد مقاول !! او معلم شوارما !! بس امير معصي
اقول عن الناس كلهم ولا اقول فيك حرف ياقلبي انت وانا اللي مستحي فيك والله وفي العالم اللي انقطعت عنهم بسبة ظروفي القذره واعذرني يامطاول في تقصيري وترى وقسم بالله لك قدر ومكانة مايعلم بها الا الله يالرومنسي ومشكور كثير على تسجيل حضورك والله يعطيك الف عافيه يابعدهم انت ملف شقراء
عليكم السلام ورحمة الله وبركاتة وحي الله قزم شقراء ويسلمك ربي ونورت يابعدي وحيااااك
قبل كل شي الله يسلمك ومشكور على هالكلام العسل ويكفيني شرف ان اسمي بين هالاساتذه الكبار اللي حطيتني بينهم ومايهم لو ترتيبي الخمسين وبالنسبه للتقصير وانا اخوك ولايهون السامعين صدقني لابد ماتجي الواحد ظروف ويقل عطاه ويقل تواجده غصبن عليه وان شاء الله هالاسماء اللي ذكرتها واللي ماذكرتها ماراح نفقدهم للابد ولازال عندنا امل انهم يرجعون وثق ان الطير مهما طار لازم يوقع << ياشين بعض الامثال اللي من جنبها
والله الظاهر انه جاني سؤال زي هالسؤال بس منيب متأكد ومافيني حيل اروح ادور فوق انا راد ولا لا ودام هالسؤال منك انت راح ارد عليه لو يتكرر اكيد راح يختلف المستوى بختلاف الاجيال !! فلو جبت لي واحد ماله في حياة القراوى وولد نعمة وساكن في الواحه ولا النخيل وماقد سمع بالسويدي ولا البديعة والشفاء واقدم بيت دخله بحياته فله في حي الملك فهد عمرها 6 سنين اكيد بيكون تفكيره غير ومجتمعه غير واسلوبه غير وماخالط شيبان وجدته كل ذكرياتها في باريس ولندن وماتعرف تصلح بيوز فكيف يجي ويكتب لك عن بيئه تختلف عن بيئتنا وعن ماضينا وعن حتسي اهلنا وشيبانا اللي انقطع من مجتمعاتهم وصار اقدم شخص عندهم يعتبر اطلق واحد متطور في زمن الاولين لذالك بيئة الكاتب ومجتمعة والناس اللي يجتمع فيها ويكتسب خبرته وسوالفه منهم هي اللي تميز مضمون مواضيعه ويقدر من خلالها يحسسك انه يقرب لك اذا كنت انت واياه متربين نفس التربية وعايشين نفس الطقوس القديمة
اصدر كتاب ورواية ؟؟ لا طبعاً واكتب بجريده ومجلة ؟؟ لا ايضاً طبعاً << خير مع انه عرض علي من زمان هالشي بس منيب كفو ولا اعرف الإنضباط وما استاهل قسم بالله اكتب في مجلة ماجد الله من زين الخشه بعد اكتب في جرايد ومجلات خل مصالتنا في منتدانا يرحم والديك ولاتستاسع وجيهن زود
ما اقدر احكم على غيري !! وتختلف من شخص لشخص !! عني انا مستحيل اتخيل نفسي بدون نت وحتى لو كانت دخلاتي له قليله بس يضل موجود بدمي واعتبر مدمن له وصعب اني اتركه لانه اصبح متنفس ونافذة تشوف فيها خبال الدنيا وهبال العالم ولحسة المخ بكل شي
الغايب حجته معه يا ملف وما اقدر اتكلم بلسان غيري ياهمتارو المساطيل ولكن حقهم علينا نقول لهم الله يستر عليهم ويوفقهم وين ماكانوا ويرجعهم لاراضي المساطيل سالمين غانمين ان شاء الله
والله شوف قضية اني راضي عن عطائي فلا والله مارضيت ومقصر من راسي لرجليني وياعيباه بس في اخوياي وشركائي في الموقع نكهة وعمر ومخترش انا مقصر للنعله وما انكر هالشي بس يشهد الله اني متابع من بعيد لبعيد وعن طريق الجوال لكل شي يصير بالموقع والود ودي اقدم واقدم واضحي الين اندفن في تراب المساطيل ويستاهل هالموقع لانه جد وبدون مجامله ومو عشاني احد ملاكه اقول هالحكي الموقع يستاهل لان فيه ناس تخليك تحبه وتحب هواه وتحمس حماسهم وتبي تصير مثلهم وبالنسبه بمستوى الحاره حالياً فما شاء الله لا اله الا الله وعين الحسود فيها عود ان شاء الله اشوف المساطيل شعله من فتره طويله وكل يوم يزيد نجاح وتطور ويكبر وهذا كله بفضل الله سبحانه ثم بفضل الجميع وما اخص احد لان المساطيل كلهم سوا مراقبين ومشرفين ومهندسين واعضاء يد وحده وهم اللي خلونا نوصل لها التميز والنجاح بتوفيق الله سبحانه واكيد لابد من التطوير وهذا شي يستمر بإستمرارية اي موقع حتى يحافظ على التميز ويكون جديد بكل شيء فيه ويختلف عن المواقع الثانيه ودائماً الوصول للقمه احياناً يكون سهل بس الحفاظ على القمة هو الصعب والحمدلله المساطيل كل سنه يثبت انه هو الافضل والانجح
السيد هها بس : اسطوره لن تتكرر واستاذي ومثلي الاعلى هالانسان في زمن غير زمنة ومستحيل اقدر اوصف لك مدى إعجابي سوا فيه كشخص او ككاتب يملك اسلوب مختلف ومميز ومحد يقدر يقلده ابداُ لانه فوق إبداع الكتابه يملك ثقافة عالية وملك في صياغة مواضيعة ومن جد تحس وانت تقراء له انك تقراء رواية امريكية قروية مترجمة لله درك يابو بس ومستعد اقسم بالله ان مافيه احد يقدر يجاري كتاباتك على مستوى النت كله بردان : كاتب لايشق له غبار والله يذكره بالخير وين ماكان وانا من اشد معجبينه صاحب قلم ساخر ومميز في مواضيعة ويخليك تدوره دايم وتدمن انك تقراء له فليسكو : قطعة جيزاني محسوب على النت و حمار ووصخ وسربوت امزح امزح كاتب لو ابقول وازيد واعيد ما اوفيته حقه وفليسكو من الاقلام اللي تميزت في اول 5 مشاركات له وقدر يثبت نفسه ويغطي على كُتاب قدام ولهم تاريخهم الكبير في مجال النت وما اخفيك انا ومواضيع فليسكو مثل المدمن والمخدرات دايم تلقاني اتعاطاها وحتى لو كانت قديمه فليسكو اسم ارتبط بالتميز والخبال والهبال ومحد يقدر يمسك نفسه لما يشوف موضوع واسم كاتبه فليسكو واقسم بالله اني اترك كل اشغالي وتلقاني مركز بكل مافيني واضحك الين تخلخل صواميلي حرفوش : شهادتي ماراح توفيه حقه ويعتبر من اليوزرات اللي ماينساها الواحد طول عمره وارتبط اسمه بشيء اسمه انترنت وتاريخه قليل اللي يملكه فعلاً قلم وإدارة وسياسة متميزه واحب اوجه له اكبر تحيه واقول له الله يستر عليك ويوفقك بموقعك واتمنى لهم النجاح والتميز دائماُ
شوف العياره موهبه وتكون بداخل الواحد ويمكن تختلف بين ناس وناس واقصد بكلامي فيه ناس ماتمل مجلسه على الطبيعه وماتقدر تمسك نفسك من اسلوبه وعيارته وخباله بس على النت تلقاه مايقدر يوصل لك امكانياته وفيه ناس العكس تلقاه خبل ومهبول في النت وعلى الطبيعه اذا كان جالس بين مجموعه ترحمه تحسبه اطرم وجايبه واحد من الشله بيوسع صدره اسلوب الكتابة هي اللي ممكن يتعلمها الواحد ويعرف كيف طرح المواضيع من قراية المواضيع الموجوده اول مايسجل ويعرف كيف عقلية الاعضاء ووش اللي يعجبهم ووش اللي مايحبونه وساعتها يقدر يتعلم كيف يطرح موضوعه ويدخل في المود اللي ماشين عليه الاعضاء من سنين وهو في مشاركة الاولى
لاتكبر راسي عاد بكلمة موهبة كبيرة يارجال انا على قدي واقل من غيري وقسم بالله ولا اعتبر شي عند بعض الاقلام اللي اقف انا وخشمي احتراماً لها وبالنسبه للداعم فلا اخفيك كان المتسرب الله يذكره بالخير ويرده لي بالسلامه احد اساتذتي وموجهيني لطريق الصواب ايام الطفاقه ما انسى لما كان ينصحني ويقول لي لاتكثر مواضيع وخل فيه وقت بين الموضوع والثاني عشان ياخذ كل موضوع نصيبه من الردود ومن هالتوجيهات اللي كان لها اثر علي وبرضو لما كان يعطيني رايه على كل موضوع بدون مجاملة ويالبى قلبه بس وبعد ما انسى حمود المستلج الأب الروحي لدعلج وكيف كان يرفع المعنويات وكيف كان يتعامل مع الاعضاء بإسلوب إداري ناجح ويخليهم مايتعدون قسمه ويحاولون يقدمون شي يرضي ذوقه وذوق الاعضاء كلهم
ان شاء الله متواجدين يالغالي وراح احاول بقدر المستطاع اني اكون بين هالمهبل واستمتع بمواضيعهم الزاحفه وما اقول الا الله يعدلها بس
هههههههههههههههههههههه ليتك تخليني اجيب ابو مطرقه لك واخليه يدحجك مع ظهرك كود تطول لو شبر بس بدال مانركع كل ماجينا نسلم عليك ويالبى قلبك يا ملف ومشكور وماقصرت يابعدي وجيتك غاليه عندي وان شاء الله بحاول اسير عليك لي عوده تعبت وقسم بالله
آخر تعديل دعلج
في 03:52 PM.
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
12-03-2009, 06:02 PM
|
|
||||
|
عجوز منسمه
|
بما انك عزوبي على حد قولتك فوش رايك في الحب ؟ وهل تؤمن به من اول نظره والا بعد مايصير اللي يصير ؟ ولو فرضنا جتك وحدة مزيونة مثلي ولاهيب على ذمة رجال وعندها الخبرة الكافية في مجال العشة الزوجية فهل تقبل بها شريكة لحياتك ؟ ونسيت اقول لك تراها ماتبي من سوق ولاهيب راعية كلافة اللهم انها تحب قشطة بوك بالفراولة وقوطي كرفت وان كان جت تونة جيشا ذيك البيضا وارد اليابان فمانيب مخالفة والا غيره فمالي بهن لان مامعي كبدة صاحية تراي احتري ردك على الخاص |
||||
|
12-03-2009, 07:52 PM
|
|
||||
|
من شيوخ الحارة
|
يسعد مساك دعلوج<< أدلعه تسيفي محد له خص أولاً وللأمانه أنا ما عرفتك إلا يوم قريت هالموضوع << ادري مالي داعي ابد ثانياً طبعاً زي أي احد يدخل الموضوع ذا قريته من أول حرف لآخر حرف ياهو أنا ضحكت ضحك من اسلوبكم من جد وربي ناس تشرح الصدر والله العظيم فتحت الموضوع وكنت متضايقه وواصله حدي بس قلبت معايه 180 درجه قمت أتشقلب من الضحك  << قصة حياتي زبده الهرجه حبيت أقول إني قريت كم موضوع من قلمك اللي ربي ما يحرمنا منه ومن عيارته ومن قوة الضحك سويت سبع كرومباصات << قويه موو دعلج يسعدك ربي حتى ردودك عليهم توسع الصدر  من جد ضحكتني من قلب يالكمخه << من متى المعرفه لا بارك الله في ظروف تخليك تقطع عننا ذا الأسلوب المبدع في العياره حتى في ردودك أدري إنك تعبت من كثر الردود هاك  برد على نفسك وإرتاح موب لازم ترد عليهم اليوم << وش عندها لا هنت ولا هان قلمك ولا هانت عيارتك << أقضبي الباب يالدروه |
||||
|
14-03-2009, 05:30 PM
|
|
|||||||||||||||||||
|
مسـيّر
|
يقولون ماحدن يكبر خشمه الا من كثر التسذب ... الله يجيرنا بس اسمحلي على درعمتي الي مالها سنع وانا بحاول اجاملك على آخر ماعندي ولو ان وجهك وخشمك مايساعد لاني اول ماشفت خشتك توني اتأكد اننا بآخر الزمان وظهور فتنة المسيح الدجال بس لو عند الاعضاء قوة ملاحظة وشافوا الفارق الوحيد بين صورتك وصورة الشايب الي باستايل المنتدى ..! ^^ بعد دخلتي الغبية ذي اليك سؤالي هل فكرت مرة تروح لجويل وتسوي شفط لخشمك على الاقل لان نص معالم وجهك مظيعها خشمك هذا وأن عندك معالم باقية ارجوا اني ماثقلت عليك
آخر تعديل m8rg3
في 02:19 PM.
|
|||||||||||||||||||
|
14-03-2009, 08:47 PM
|
|
||||
|
بطريقها إلى الشعر
|
فالقلب الابيض مطلوب وبقوه الزمن هذا تستاهل الخير كله يا دعلج و الله يوفقك وانت بالقمة لاخلاقك قبل كتاباتك وتعاملك هو اللي فرض هذا الشي باختصار عليك اسلوب توووحفه و يستحق التصفييييييييييييييييييييييييييق و التصفيييييييير دعلج دعلج هو هو << معليه تحمممست انا جايه متأخر عشان احسب الاشخاص اللي جاو واسوي عزيمة احتفال لدعلج واقوله انت مبدع باسلوبك وشد انتباه القلوب لما ترمي اليه في مواضيعك مع دعلج لا ملل و لا دموع بعد اليوم << يمديك و بعدين سؤالي يقول انت جازم انك تبي اصغر العنقود والا هونت ؟؟؟ ههههههههههههههه هل كتاباتك للمواضيع تفرغ عن شي بداخلك او تعكس شي ما او انها مجرد هوايه و موهبه؟ وشو نوع الموتر اللي كل شوي متكسر؟ وهل في هدف تبي تجيبه يعني تبي توصله وللحين ما صار ؟ و وووو اسئله كثيره اكتفي باللي ذكرته بما ان اللي قبلي حللووووك وربي يجمعك باحبابك واهلك واصحابك في الجنة على سرر متقابلين تقبل تحياتي و ورداتي |
||||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
