 |
 |
 |
 |
 |
 |
 |
 |
 |
|
||||||
| شلة الحارة منتدى الزحف والعيارة |
 |
|
|
أدوات الموضوع |
15-03-2009, 02:27 PM
|
|
|||||||||||||||||||
|
مسـيّر
|
لحستوا مخنا يامال الظعفة .. فيه ناس وش كثرهم سألوه ويجي دعلج ويرد عليهم ..؟ تجي انت تقول ارسلوا له خاص مع كذا انا ماراح اسئله  ابي ادردش معه   ..
|
|||||||||||||||||||
|
18-03-2009, 04:59 PM
|
|
||||
|
عميد المشرفين
|
السلام عليكم ورحمة الله ..
وشلونكم ياعيال .. احب اشكر الاخ ابو وفى على اتاحة الفرصه لي ولا هوب على غريب ابو وفى لانه فعلاً اسم على مسمى .. انا اقول ان دعلج مثل الورقه الرابحه لاي موقع ..مثل الثنيان والتايب نزلهم ربع ساعه يجيبون لك ثلاث نقاط وانت مرتاح .. والله مادري وش اقول عن عشيقي الله يكرم النعمه دعلج بالنسبه لي اعظم مكسب من خلال النت ولا هوب قصور بالباقين ولكن يظل دعلج له في قلبي مساحه خاصه مثل ماله في الفراش بالضبط لو جيت اتكلم عن دعلج العضو السلتوح اللي تدربى من مثاعب بيوت الطين بسدير الى ساحات الشبكه العنبكوتيه اعتقد ان الكلام بيطول وماراح يقصر (جايب شي جديد الاخ) بدون مجامله دعلج يمثل نقله نوعيه في تاريخ العياره بالنت له بصمه واضحه الى يومنا هذا .. والدليل انه رغم غيابه كل هالسنين الا انه متواجد في صفحات اغلب مرتادي النت.. انا شفت كتاب كثير .. لكن مثل موهبة دعلوجي ماشفت ..يكفي ان دعلج جمع حاجتين قلما تجدها (والله مايمدي ) عنده عفويه وقادر بنفس الوقت انه يصنع كوميديا الموقف وهذا اللي ميز دعلج وطلعه راس والله هو من جنبها (قلب عليه )دعلج له تعامل ممتاز مع الجميع ..دابة سليمه قليل يتهاوش مايحب يدخل بمشاكل..نظرته للحياة ورديه رغم انها ماتجي بس جت عاد الشكوى لله .. محبوب على مستوى غير معقول .. فيه احد يكره دعلج ؟؟ وهذا اللي رافعن امبير الغيره عندي مليون  دعلج بالنسبه للمساطيل يوم كنت متواجد .. كان يمثل ثقل جماهيري ورقم صعب قادرين في ذلك الوقت نراهن على المنتدى بوجوده ..وعلى فكره ويمكن كثير مايدرون .. ان دعلج عليه فكر اداري متميز بس مشكلته يستحي يقوله برضو ماتجي يستحي بس جت اما دعلج بالنسبه للمتسرب فهو عشق اول وثاني واخير .. اقرب المقربين وفاهمني .. كان ملجأي في كثير من الامور وله مواقف معي داخل النت وبرا لن انساها  اما على المجال الشخصي فدعلج شخصيه ذكيه جداً .. ومرح ومجلسه ماينمل .. وسيع صدر ومهوب راعي نوم.. عادي يجلس معك شهر مانام عشان سالفتك ماقضت مستمع جيد الكلب ويقدر يمتص كل البلاوي اللي فيك  بس فيه عيبن واحد انه راعي ركب ويقدر شي اسمه (بتصل عليك ويسحب )ياناس دعلج ثروه مهيب بسيطه .. انا اعترف ان دعلج مايعرف قدر موهبته اللي ممكن يلقى من وراها دراهم .. لكن يكفي ان الجميع يعرف قدر هالادمي الصتيمه الحلو المهذب فعلاً اسطورة العياره وزعيمها وسيدها حتى ابد الابدين .. ابو عادل مادري وش اقول بس تخبر عقب منصب القاضي والامور الماديه مهيب مره ماودك تنقط (مهوب لله هالمدح ) ابو عادل راااااايتك بيضا |
||||
|
22-03-2009, 11:33 AM
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
ذوق فني راقي ( امحق )
|
بنت السبيت
ههههههههههههههههه الله يحييتس شفتي شلون صرنا دقة قديمة ومعد لنا كرت والا بالله تستصيغين وجهتس وتقدرين تتخيلين عمرتس تستهبلين مع هالبنوتات الجدد اللي الوحده فيهم كبر بنتس مدري ليش احس المفروض كل من دخل من البنات المفروض يمر عليتس ويحب راستس ما اقول الا الله يرحم الحال بس ويرفع عنتس ويشفي ركبتس مدري ليش عندي شعور انك تشتغلين نت وانتي متروبعة على الارض ومقربه من الشاشة وعليك نظارة مقعره واذا بغيتي تقومين من على الجهاز قمتي بالريوس زي العجز اذا قامن من السجود ومافيه الا انواع التزحر
روحي وشوفي الموضوع يامريضه وتعرفين انا شاكرتس ولا لا الا شكرتك وقلت اختصرتي علي يابنت السبيت مشوار في وصف الحيوان المستنسخ لعضو الله يذكره بالخير
اروح لطوكيو وسدير عندي ؟؟؟ قبحن يقبحتس انتي وطوكيوتس << ياصعبها الله يلعن امها وبعدين يرحم والديك وش هالطيحة السقيمة على هالعمر في افلام يابانيه بعد ؟؟  اقول ادحري بليس بس وارجعي لدين اهلك واجدادك وخليك على اذاعة الرادو AM: 5.85 هذا ترددها وتابعي برنامج نورا على الدرب الين تهذرين خلي على الاقل خاتمتس تبيض الوجه مهوب باكر اذا فطستي وقلوا طرف سجادتس لقوا سيديات افلام يابانية
ابي افهم وشدخل الحساسية في الزحمة ؟؟ يابنت الحلال انا داري ان كل هالزحمة اغلبهم ماقروا وش مكتوب ويحسبون من صورتي في البنر اني واحد من المطلوبين الارهابيين على هالملامح القبيحه والنظرة الشنيعة وداخلين بيشوفون وش هالادمي اللي لحاله نازل فيه اعلان وكم الجائزة حقت القبض عليه
والله رديت على سبب الإنقطاع ومافيني اعيد وازيد ياوخيتي فيه  وبالنسبه للملعب يابنت وقسم بالله مالي في الكوره ولا اديرها وما اتابع الا السعودية والهلال مع النصر وبس والود ودي اني راعي كوره واعرف اتفلسف مثلكم واجي اتبيثر واوطي وجه تريله واقهره بخبرتي في مجال الكوره بس خلينا الكوره للاملس واشكاله ولاتهون خشتس يالعفنه
اذا فصخت له ساجده وحامت تسبده
ان شاء الله يابنت وبإذن الله بتشوفون خشمي عندكم بتكميله ومشكوره على شهادتك يابنت السبيت وتراها غاليه عندي وقسم بالله واعتز فيها دامها من عجيّز الموقع
واضح ومتأكد انه السؤال اللي يقول : متى بيلبس اللي بتوقيعك ومشكوره يابنت السبيت وماقصرتي على هالطله وهالرد وعلى هالدعوات الطيبه وجعل لك مثلها يارب ويستر عليك ان شاء الله ويوفقك وين مارحتي وجيتي حيدره ( وفي رواية ام ظلوف )
يابنت الحلال الفقيها بس ولاتسوين ان العذر في كماختس وفهاوتس هي جيتك المتأخره يابنت الحلال لو نجيبك اول وحده ونقول اسألي او شاركي فقيتي خشتك وقعدتي تناظرين يمين ويسار وسعابيلك تنزل بدون احساس يالمريضه وخلينا نشوف سؤالك يا فذة !!
وبس !!! وباض الديتس اخيراً ؟ ما اقول الا حسبي الله على من جرفك للنت وعلمك وشلون تدخلين عليه وابعدك عن تلقيط قموع التمر والكنيز والقفر وتسليت الاسياب وتنفيخ الدرايش بالمنفاخ وحط قدامك شاشة وخلك تسمعين بالتطور والتكنولوجيا الدويتو يالبقره نعرفه قبل لاينشف سرتس يوم ان فيه قضاب عشان مايطشر الشامبو يالنعجه يجي منه اثنين في واحد : شامبو + بلسم = دويتو وعساك يارب فهمتي بس واكيد اني استخدمته اجل تحسبيني مثلك الين الحين اغسل شعر راسي بتايد نعنبو خيرك اذا قمتي من النوم تمشين بالمخده وماتحسين فيها الا عند المرايه ناشبه في شعر راسك من خشونته صايرن كنه دبابيس طالعتن هالمخده كنها خبزة تميس كلها مخفسه اللهم ياكافي
اشكرك على رايك وشهادة اعتز فيها من عنز ظلوفها كنها زلجات جليد واللي مثلك مانذب عليه ياخاله ومشكوره وماقصرتي على الحضور والرد والورده اللي مدري كيف تعلمتي هالحركات لان اللي مثلتس يهدي كيس قريض مخلوط ببيض صعو اذا صارت متطوره مره شكرا من العمق فهد التميمي << هالقلب بس عشانك سديراوي
هههههههههه هلا هلا والله بولد الديره وبالنسبه لسؤالك يابعدي فما والله صرت مهبول وطبيت مزارع خلق الله عشان عنب انا ما انكر اني طبيت بس كنت اطب على شي يسوى وقسم بالله طبيت مره على مزرعة وعسى الله يتوب علي انا والدشير اللي معي وكنا طابين نسرق دجاج بلدي الوحده كبر نكهة الديزل لو يتفصخ ويبوبز حمرررر وسود ولهن عرفين يعني من النوع الاصلي الطيب وطنبحنا وخذ ياطردي وراهن عاد الدجاج ماهنا باقذر من صوته اذا قام يقاقي ويصارخ يروعك ويحسسك انك مسوي جريمه ويسمع صراخه اللي في اخر الديرة والزبده كنك تشوف سلق يطردون ارانب حافين والسيقان طالعه والطين واصلن الركبه وفي الاخير مستحيل انسى الموقف اللي صار يوم اكتشفنا ان راعي المزرعة موجود وكان في الحمام وطلع بالبندق علينا وقسم بالله ومن الذراقه قعدنا نصيح ثلاثتنا ونقول لاتقتلنا لاتقتلنا وجاء وفررررررش امنا بعسيب نخله اخضر رطب وما انسى مصارخنا مع التلشيط غطى على زعاق الدجاج وطلعنا نحبي من مزرعته الله يلعن ام امه هو ودجاجة عاد الحين كل مارحت لسوق الحمام وشفت دجاجة بلدية تفلت عليها وقلت اكيد لك علاقة ويقربون لك دجاج الفلاني وقسم بالله ماجاك الا الجد والله يشهد علي
ياخي منيب اواطنه الله يكرم النعمه ياخي من كبره تاكله مثل البرتقال تشلخه بسكين بس ما انكر اني كنت اكله غصبن عني وعن اللي جابوني لان ماقدامي الا هو
ههههههههههههههههههههه الله يلعنك يافهد انت واسألتك القوية ماوالله طحت من عليها ولوني داري ان ميت الخضري شهيد كان رقينا وطربقنا على العسيب ركض كود نزلق ونلزخ ونستشهد الطيحه الوحيدة الغبية بحياتي واللي يمكن هي سبب تضخم الخشم عندي لاني ما اذكر خشمي كبير قبل الحادث حقيقتاً هي مره بحياتي والله لايعيدها من مره كنت في سدير بمزرعة ابوي ابراهيم استعرض عند بنات جايات يزورنا من الرياض وكانن هالبنات في عيونا انا والقراوى اخواني واخوالي انهن روسيات من نظافتهن وصفاوة بشرتهن لان انظف واحد فينا في مزرعة جدي كان يعتبر جرثومه مصوره بمايكرو وانا وقتها كان عمري 12 سنة وكانوا متجمعين هالطخيمات تحت الحراثه وانا مسوي القوي في هالمقاشع اللي معي ولا يهون وجهي ووصاختي وقتها كنت فوق رفرف الحراثه وهن ياكلن علوك وكنهن يعضعضن رقبتي من قوة الخيال والهيضان وقتها وكانن متهيضات واول مره يشوفن سيرك على الطبيعة ويشوفن شومبنزي على الطبيعة بها القرب منهن وكانن ينغزن بعض ويأشرن علي معجبات باامكانياتي وانا بصروالي الطويل القذر اللي طالع من تحت الثوب واللي كان اغلب الموجودين يحسبوني لابس تكميله مايدرون انه صروال ابيض من السواد اللي فيه ما انلام من صبح الله وانا مراكض في حوشة الغنم وسبحان من فكني من الربو بس وكنت وقتها في قمة نشوتي واحس بالاضواء علي وكان الموقف يفرض علي اني اسوي شيء لها الجمهور واقهر مجموعة البراغيث اخواني واخوالي اللي قاعدين جنب حرمله ومنقهرين اني سحبت الاضواء منهم ومالهم كرت وامد يديني كني ابطب في مسبح مع اني مدري وشدخل ام هالحركه في القفزه ويحلفون بالله وقتها مافيه اذرق مني وفيني الصيحه وتعابير وجهي واضح عليها القمطه بس لعيون من في بالي قلت بطب لو يصير مكان خبطتي هو قبري ومن يدري يمكن تجي وحده وتقطع من فستانها وتلف على جرحي الزبدة مع الاضطراب النفسي والموازنه وانا ادور اكثر مكان فيه شوي رميله عشان ماتصير الطيحه توجع لان الحراثه يلعن ام امها رفيعة واشوف البنات كبر فُله الزبدة مع الموازنه ومع هبوب ذاك الهواء تحرك ثوبي ودخلت المراية من تحت ثوبي من ورى وانا مدري واسمي بالله واقمز وتمسكني المراية واتعلق في الهواء واجي امشي 200000 وجه بوجة بجنط الحراثه وما انسى الصامولة حقت جنط الكفر وهي تكبر من حبة فصفص الين صارت كبر تبسي ابو ذبيحة وانا جاي لها ويلمخ وجهي وسنوني وحواجبي وهي الهجدة معد تكلمت ولا انفست والدم يمشي على الجنط وعلى الرمل ويركضون الروسيات والبغاريث للرجاجيل ويجون ويفكوني كني بربري معلق ينصلخ واخترت بربري لان اطرافي وراسي سود والثوب ابيض من صفق الشموس والوصخ وينطلوني في صندوق ددسن ويمشون بي 30000 في بطانيج وطريق ترابي كانت اوجاعة واصاباته اضعاف ضربة الجنط الزبدة اني اول حاله في مستشفى الحوطة اللي يتجبر وجهه وترضرضت ورجعت لا انا اللي قطعت البنت من فستانها ولا اللي قدرت اكمل مشوار التميلح عندهن ورقدت عند الحريم جنب امي اون من الوجع واللي قاهرني اني اشوف مع فتحات الجبص من بعيد البغاريث يلعبون مع البنات وميت قهر
تصدق بالله يا فهد انك جبتها على الجرح وقسم بالله كبرت بسرعة وقبل لا يمديني احقق هالامنيه واللي نكبني طولي لاني صرت طويل من جاء عمري 13 سنه ودايم اذا بغيت احب راس امي وابوي اركع وكانت الركب حقتي تطق في دركسون السيكل وكرهته
ههههههههههههههههههههههه اما بيوت خفيه والله ياللي راسمن مخططها اعمى ياخي المفروض انه يجاب بلاكاشة كبيرررره وتحط على سطوح البيوت كلها حقت خفيه ويطلعون الاوادم اللي فيها ويحط بدالهم ارانب ماقد سكنتها ابشرك ولا قد حك موتري بس تعال شف جوانب فخوذي كلها مخوش من اخذ اللفات فيها بسرعة
يسلم قلبك ومشكور وماقصرت يابعدي ولاهنت ولك مثلها عويشق
هلا هلا ويالبى قلبك ياشيخ وكل عام وانت بصحه وسلامه حبيبي وانا موجود والشلة بعروقي ومهما غطست مردي لها زي الكلب ويالبى قلبك على هالحظور ياجدي وماقصرت سويتي الحلوه
اي اسطوره بعد انتي ؟ صدق ماعندك سالفة ماعلينا .. الله يحييك ويطول لي بعمرك ويخليك والشكر لله اختي ثم لك ولكل اللي تواجدوا وشاركوا في هالموضوع  ومشكوره وانا اخوك على الحضور والكلام الجميل ولاهنتي مفتت التسبود
ايقونة واحد يستفرغ
شدعوة يامفتت وراك تحاول تشوة صورتي انا شخص طيب وما استخدم اساليب النتف والنتيف واستحي من ضلالي
اشكرك انت وشروب البقدونس اللي بوجهك على انهن سوالف واقول لك كلامك كبير ويارب يكون حقيقة وانا مع اهلي فري لدرجة اني انادي ابوي وامي بإساميهم الحقيقة وبعدين لو قلبك ربي بنت وكتب الله اني اتزوجك صدقني يامفتت بتتمنى ان كل شي راح منك يرجع ينبت من جديد حتى سوالفك عشان اكرهك واطلقك لاني ابجرم فيك وتحسبني بطلق ؟؟ لاااا ابقلب شاذ عشان اكمل اجرامي فيك واخليك اول حالة في العالم جحش ينجب شفاط نمل بالداخل المحدود
شكرا مفتت وشهادة اعتز فيها يابعدي وشرف لي والله اني اسمع هالحكي من واحد مثلك وماقصرت
شف النت بالنسبة لي شي اعشقة واموت فيه من طلعت على الدنيا يوم قوقل مكتوبه بإبيض واسود قبل لاتصير ملونه وقضية اني امل لا والله ماقد مليت بس اشغالي تفرض علي الأنقطاع احيان بس ما اسرع واجيك راجع امشي مليون للموقع متشفق كني واحدن مسافر 3 سنين وماقد جاء زيارة لهله
هههههههههههههههههههه لا لا مافيه احد يدري من الجماعة وحتى اهلي كلهم مايعرفون بس الجحوش اقصد بعض اخواني لان مافيه شي يواجه انك تتميلح بيوزرك يالواحد اللي زي خشتك
محد وانا اخوك ماتجيه مشاكل ومصالة بعض المبزره اللي تحوم كبدك يالواحد وودك بكلاشنكوف لمدة دقيقه وحده وفيه 300 طلقه وتفضيها في سره بس الواحد العاقل وخصيم نفسه يدخل النت ويطلع وماياخذ معه برا النت اي شي لحياتة الخارجية ولاتحاول يالواحد انك تشغل نفسك بالقيل والقال وتعطي اصغر الامور حجم اكبر من حجمها وادخل وخذ اللي تبيه واللي يوسع صدرك والباقي زغ ... عليه
ههههههههههههههههههههه ياكلب لاتغلط على جدي وش جاب الحمير عند جدي يالثور ؟؟ الحين اقول لك بعير تقول حمار ؟؟ صدق انك حمار وتسمع مع رجليك << تراني صايرن ذرب والا علمتك وين تسمع معه صدق وعلى العموم يسلم عليك وابشرك راسه صايرن كنه راس معسل كله خفوس لان عقب ذيك العضه جت عضوض
اول شيء مهيب جدتي انا وثاني شي العجيّز تطلبك الحل من سنة جدي
الله يسلمك يا مفتت والقلوب شواهد وبيض الله وجهك على كل حرف وشاكر لك حضورك وتنويرك للموضوع ولاهنت ميته على قيد الحياة
ههههههههههههههههههههههههههههههههههههههه ما اخفيك اني قلت بنفسي انت بحل يا ع م ر وعلى فكرة اعجبتني في اي قلعة طسي مناك الله يرحم والديتس
شفتي شلون يا ميته والله يا انهم ريشوا فيني لدرجة اني مرسل السيفي حقي لبرنامج فريندز وطبعت هالمقابلة في ورق A4 وقلبتها بالانقلش بالوافي وارفقتها في السيفي عشان يقبلوني بيني وبينك معد اشوف عادل امام واللمبي شي
ههههههههههههههه صادقة والله مدري شلون ابرد على هالاسئله خاصة اني في مواضيعي ما ارد على الكل بس ابدوس على مذهب دين اهلي وابرد لو اخلص السنة الجاية زي هالوقت <<< على كيف امك هي
شوفي لا اخفيك ان هالسؤال مشغلني مثلك بالضبط ولا عندي له اجابة تدرين ليش ؟؟ لاننا لو كنا في منتدى قلوب ولا منتدى دلع بنات يمكن ما الومهن واقول حرام هالنعومات يخشن ويشاركن في مثل هالقسم اللي يجمع حونشية النت كله وانعم واحد فيهم كنك تمشين بيدك على عكرة ضب بس المشكلة انتس في منتدى اسمه مساطيل ولي فيه 6 سنين ولابعد قابلت وحده تعتبر بنت كامله وبعض العينات اللي هنا اتوقع انها ممكن تنزل قير الددسن في ساعتين وتوضبه بعد وترجعه بس مدري وليش هالصد عن هالقسم ويمكن يكون خيره بنفس الوقت بعد
اسمحي لي اقول لتس راجعي ردود اللي قبل وبتلقي ردي على سؤالك
ههههههههههههههههههههههههه الله يرجك ونصيحه لاتتمنين اي شي عقب ماتحققت امنيتك لشوفة خشمي لان خشمي اذا انشاف عقب تمني يمحق ويمسح ويخرب كل امنيه عقبه فنصيحه امسكي سجادتس وادعي بالعنوسه كود تزبط معك ومشكوره وماقصرت على حضورك يا ميته ولاهنتي والله يوسع صدرك ياشيخه AmoOon
وعليكم السلام ورحمة الله وبركاتة والساعة المباركة يومتس طبيتي وحياتس
الكبير الله سبحانة ومشكوره وماقصرتي وانا اخوتس والشلة لاتخافين بتشوفين خشمي فيها 24 ساعة وبتملين من مصالتي بس لاتستعجلين على قرادتس ومشكوره على حضورك وردك ولاهنتي لمبة شارع حي الله السمرمدي
ما الوم ميته على قد الحياة يومها تنقد عليكم وعلى تريشكم الواضح اجل 2 مليون الله ياخذ هالخشة والله لوني تشارلز ثيرون << وشرايك وانا مثقف وبالنسبه لنكهة فإنت شفت بعينك وتقدر تتخيل الموقف ولاتلومني وتخيل نفس ولو للحظه انك جني بالله كيف بتتعمل مع هالتحفه وفديتك وفديت قلبك ياشيخ ومشكور يابعدهم وميض
هلا ومرحبا بوميض والساعة المباركة وحتى لو ماكتبتي شي وانا اخوتس طلتك تسوى واجد الله لايهينتس ويستر عليتس
الله ياجعلتس ماتفقدين غالي ان شاء الله ومشكوره كثيرر يا وميض والموجودين فيهم خير وبركة وحنا صرنا دقه قديمه وانا اخوتس
ههههههههههههههههههههه بتورطيني انتي ؟؟ متى قلت اني مليت منه يالنذله وبعدين صدقيني انا مقدر انقطع ودايم خشمي يويق على الموقع وياخذ له نفس ويدفي ارجاء الحاره بهواه الحار بس انتي اللي الله يهديتس قاطعه فينا ومدري وش انتي غاطستن فيه الله يستر بس
الله يسلم عمرك من كل شر ويحفظك ويوفقك ويستر عليك وماقصرتي والله ياوميض وشاكر لك حضورك ومشاركتك والله يرزقك الجنه << شفيني قلبت امي نوره ناشبن بشعرها علتس
ههههههههههههههه صدق الرازق في السماء والحاسد في الارض مرحبا بتس يا ناشبن بشعرتس علك ومنوره والله
والله شرف لي وانا اخوتس ولاتتحمسين واجد ترى الدعوه مصاله بمصاله ومشكورة على الورده وعلى حضورك وردك والله لايوريتس مكروه << برضو امي نوره لي عودة وقريبه جداًُ واسف يا مشرفين الشلة واللي مابعد رديت عليهم بس وضعي صعب شوي ويالله تسمح لي الفرصه اطل عليكم << ياخي قل انك في السجن وخلصنا
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
28-03-2009, 03:09 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
ذوق فني راقي ( امحق )
|
خير وش تناظر ؟
ورى الاخلاق قافلة ؟ ياخي اذا ضبطت نفسيتك هاللي كنها نفسة وحده ماتصلي وعندها بكره اختبار نهائي وزودن على كل ذا ضرسها يوجعها فتعال والا خلك على بربك تكفى الباشا يالله حي شايبي الغالي
توك تدري اني مستخف دمي أيه تكفى علمهم بمصالتي اجل وشضنك داخلين النت عشانه ؟؟ مو عشان نستخف دمنا ونضحك ونفلها ؟؟ والا تبيني اقابل كرشتك اللي كنها طرف خزان الغاز اللي يجي في الاسوار يالبى سرك يابو عبدالله احس اذا تجمع فيه قطن تدخل معلاق عشان يطول وتسحبه كنك تطلع عش عصافير من مثعاب بيت طين وابو عاذر كل اللي بيني وبينه اني ابسوي خير وابوديه لخالي يقراء عليه بعد ماقابلته عندك لانك انت واياه مرضى وبدال ما اقعد ازقلبكم من شيخ لشيخ قلت في نفسي اعالج ابو عاذر وان شفنا القراية جابت فيه طب خذتك عقبه لان شيلتك مهيب سهلة كني واحد بيحمل عفش وبيروح للشرقية
لبى قلبك انت ودرجاتك بس وبالنسبة لإعجابك فيني وكرهك لي ماتفرق عندي لاني من عرفتك وانا ادري ان حبي من طرف واحد وبالنسبه للوصف يومك تصلي فأ ابنصحك من اليوم وطالع صل وانت جالس لانه يجوز لك يابو عبدالله والاسلام دين يسر وانا اخوك فديتك يابو عبدالله والله لايهينك على هالطله يابعد روحي انت ترحآل حي الله ترحال ومنوره والله
هههههههههههههههه سؤال رهيب الحقيقة طيب ابعطيك من الاعضاء مثلاً نكهة : الصوص والسبب عشانه مايفصل الا ثياب قماش اصفر وعلى جرمه وحجمه طالع كنه فرخ صوص عضو : الرشيق والسبب انه ماخذ جائزة اجمل جسم شرقي عربي << ضنك انا صادق؟ الحقيقة اني مسمي عضو في جوالي " الوارم " والسبب انتس ماتدرين هل هو سمين او على سبب هاللي فيه ونصيحه لعضو انه يجلد اللي بين فخوذة مكان الاحتكاك لان هالمنطقة بتتسرطن ان ما استعجل بعلاجها لانها جو ملعون والدين للبكتيريا لدرجة انه اذا فوحش بسرعة تشوفين البكتيريا كبر الخنافس يركضن ويدخلن تحت السفوط نجي للقرايب : اخوي : مخزنه " البوم " لان عليه عيون بارزه وماباقي في الراس الا ربعها لدرجة انه اذا صاح ماتنزل دموعة على الخدود مثلنا !! تصير تنقط على طول على الارض كنك جالسه جمب مكيف صحراوي ويخر مع وسطه مسكين هالولد كل ماجاء يعطس لازم يمسك عيونه بيدينه لايطيحن ابوي : براد بيت لان ابوي يشبة لبراد بيت بس الفرق اللون شوي يختلف تعرفين لون اهل سدير اقرب ماله جلد طبلون سيارة مقابله الشمس 14 سنه وماتحركت محترق وكله متفزر وبرضو لون الشعر يختلف شوي والشفايف والعيون جايات غير شوي << بالله وشبقي يشبة لبراد امي : ماما <<< يعععععععع تخيلي تذكرت مره ابتميلح عند واحد من اخوياي واحط السماعة على السبيكر واحنا في السيارة واقسم بالله ماجاكم الا الصدق وابسوي قدام خويي اننا طبقة هاي وننادي بعض بها المسميات مع اني ماسك به خط البديعة ولا فيه امل اصير اسمي امي ماما لو تتكلم العنز الزبدة دقيت على البيت وردت امي وقلت لها هلا ماما !! قال من انت ؟؟؟ << قسم ما الومها قلت انا ميمي ولدك صكتها بوجهي وقسم بالله المشكله ابرقعها قدام خويي وقلت الارسال زفت ياخي ومدري متى هالاتصالات بتضبط وتصير سنعة وابربر عليه واني مقهور من وضع البلد وانا قاعد ادق مره ثانيه والعرق يصب من جبهتي توقعتها الله يهديها تمشي الموضوع وتقول طيب مايخالف يوم رجعت وقلت لها مره ثانيه : هاااي ماما سوري فصل الخط !! قالت لا مافصل ياوليدي انا اللي صاكته في وجهك يالعفن عشان تعدل اثمك وتحتسي زين وماما ذي منهي ومن متى تقولها وانا امك ؟؟ ياحبي لتس يا اميمتي ماتفشلت ابد ترى وبيجي يوم واقول لتس ماما وتقولين لبيه دودي ان تسانها مهيب في الدنيا ففي الجنه ان شاء الله قايلها قايلها ان قاله الله
والله شوفي يالاجودية لاتصيرين قاسية على شباب جدة وبالعكس انا لي ربع كثار من اهل جدة واشوفهم خفاف طينة لدرجة لاتوصف واجلس واتشقق ضحك معهم الين اقول آمين واذا احد قد قال لك بلا في شكلك فصدقيني يمكن انك جايته وهو قافله وماله خلق وبالنسبة للعيارة فأ اكيد لكل منطقة عوايدها وطبايعها وهذي اشياء خلقها المكان في الشيبان وتوارثوها الاجيال من بعدهم لانهم ينقلون سوالف شيبانهم ويمشون على نفس النهج والاسلوب وبنفس الوقت لو جبتي نجداوي وتحديداً سديراوي قروي وخليتيه يقول اندررر ياواد كان تحوم تسبدك من نطقه لها وودتس تتفلين بوجهه وتسمرين شوكة الكعب في دمجته لانها بتطلع ماصله منه وماتضبط معه ابد ومشكورة يا ارتحآل ونورتي والله المكان وبيّض الله وجهك على حضورك عسجديه
ههههههههههههههههههههههههههههههههههههههه يالله حي عسجديه ومنوره والله المكان كله ومشكوره على هالمداخله وعلى البخور الطيب وعلى اللمبات اللي تخيلتها وقمت اشوف الوانها في اطراف عيوني وعشت الجو واشكرك جزيل الشكر وماقصرتي والله << ماسهجناك
الله يمسيك بالف خير ويسلم قليبك يا عسجديه وانا بخير وصحه وعافيه ماتبي الا شكر ولله الحمد وحياك يا عسجديه ومو لازم ترتيب وخرابيط يازين الشي اذا جاء من الدمجه على طول وانا اخوتس والله يرفع قدرتس وشانتس على هالكلام والمدح الطيب
شوفي يابنيتي << عاش ام الدور مافيه احد يقول عن نفسه متميز او يشوف نفسه انه محترف وكذا هذا معناته غرور وشوفة نفس وودك توطى اللي يجي يتميلح ويقعد يريّش بنفسه وجعلني منيب من اهلها ان شاء الله وانا والعياذ بالله من كلمة انا بنظري وفهمي المتواضع واللي على قدي للتميز لدى الكُتاب اللي اقرا لهم هو حبك الموضوع وترابطه من اول حرف لاخر حرف وكيف انه يقدر يشد القارئ ويخليه مركز من بداية الموضوع الين اخره وهو مشدود يبي يعرف وش بيصير والفنان بتصوري هو من يحبك موضوعه من كل الجهات سوا من فكره وسيناريو واخراج ونهاية لازم اللي يقراء يوصل لنتيجه في النهاية مرضية للوقت اللي قضاه وهو يقراء ويحس ان الموضوع وصل لمخه وتفسر بشكل واضح ونهاية مقنعه وفوق هذا كلة اختيار المفردات والتميز بالجديد وعدم التأثر بفلان وعلان ويكون لكل واحد خطير سير واحد لايملكه احد سواه وبس
سبق وجاوبت على هالسؤال من قبل مدري بنفس هالمقابله او غيرها بس لعيونك بجاوب عليه وبكل مصداقية شوفي يابنت ابوك انا رجالن شعري ناعم ولله الحمد بس اذا سبحت وقف كنه شوك قنفذ (دعلج) << هماك مكذبن على واحد في اول المقابله وقايل ان يوزرك نوع من انواع الورد النادر وراك جبت العيد الزبدة !! اني ذاك اليوم شفت شكلي وانا محلق راسي وشعري على 1 سم وموقف وصاير كني قنفذ مقابلن داب وكاش وضحكت وغسلت في المغسلة ومشيت وبعد ماطحت في النت وجيت اسجل يوزر قمت افكر وش اسمي روحي وتذكرت المنظر وقسم بالله وسميت نفسي بدعلج وهذي هي الحكاية
طيب بشري امك <<<< توهق مايعرف يرد على هالكلام الصعب ماعليك من احد والعاقل خصيم نفسه وانا اخوتس ولو بنتابع وش يقول فلان وعلان معد في الناس احدن عاقل ونظيف ابد محدن يسلم من لسان الناس وللاسف اصبح القذف والاتهام شي سهل ينقال على اتفه سبب ويفسر على ادنى حركة وحتى لو كانت عفويه واثق الخطى يمشي رافعن خشمه وانا اخوتس ودعي المريضين يبربرون الين تنبح حلوقهم
بطريقة الدي اس ال << ياشين القراوى اذا تحجروا استخدامي للنت وانا اخوتس في المنتدى وبس ومالي بغيره شي الا تصفح مواقع ابحث عن شي معين او شغله مهمه ووقت الفضوه اليوتيوب ورسايل الايميل وبالنسبه لكلمة يا مصلك او ياثقل دمك ما اخفيك محدن يسلم منها ولازم تنقال محدن يقطع نقعة ماء على رجلية وانا اخوتس وماتربص رجليه وشعوري عادي وروحي رياضيه واطلق من روح التايب نفسه وبالنسبه للتلاقط ولله الحمد مابعمري تقابعت مع مخلوق في النت ولا انزل نفسي لها الامور ابد اللي ينفع لي يقعد معي واللي مايجوز لي كنه البنر عندي
لا والله كل واحدن حاطه في بيت يعني ما اقحمت شي على شي وكل شي لحالة وله عالمة ووقته وطقوسه ما احب ادخل هذا على ذاك ولا ذاك على هذا ولا ذوليك على هذولي ولا ذولي على ذوليك <<<  وبس
لا مو ضروري وبالعكس يامصل بنات التميلح والدلع والياي واكبر دليل شوفي هالحونشية البنات اللي بالمساطيل ياشيخه فيه بنات اخشن من بهجت الاباصيري بكبره D وفيه اجلف من مخاوي الترنج وصدقيني حلو الوحده تطلق العنان وتصير تسنها ولد بين العيال وتفلها وتاكل تبن مع المسلمين ان كلوه ودايم اللي كذا تسلم من الغزل والمحارش لان ابو التميلح يشوف نفسه مع شنب وهو يكلمها وخاصة اذا قال لها ممكن لحظة ياقلبو !! وردت عليه وقالت له خير يابو !! عسى ماشر شارب شي ؟؟؟ ولا ماقد جتك تفاله تمشي الف على عينك ؟؟ ساعتها يذل وينحاش ويقول هذي وينها ووين الرومنسية
زعيم شخص مسكين ومريض بالانفصام وعسى الله يشفيه بس ومايقاس عليه شي ولاهوب كفو اني اعطيه حيز من موضوعي واتكلم حتى عن امراضه بس كل اللي ابقوله لزعيم بن هذال العتيبي اعقل وخلك رجال والشعر له ناسه وتعلم كيف تمشي ضيوفك اذا جوك ابرك لك من نظم قصايد كنها خشتك زعيم يالبى كل الزعماء العرب <<< خير جد هالانسان غيررر واحبه من قلب الله ياخذه وهو شاعر بعيونه بدون لايحكي تحسين انك تقرين في وجهه 6 ابيات مقيوله في الحمار
كلمة شاعر بكبرها ماتجي عليه عشان يصير صاحي ولا اهبل وبدون كلمة شاعر اقدر اسمية الصحيّح لانه مع الخيل يا شقرا ان ابتسمتي ابتسم وان تعبرتي بتسى معتس وهذا اكيد من فداغته وطيب قلبه ياحبي له وقسم بالله
الكذب خيبة وانا اخوتس والله ماحضرتها ولا ادري وش صار فيها من مقابع بس اذكر البنر قريته مره وانا مستعجل وكنت ناوي ابجي وامخمخ على هالحجازي المتنجد بس مالله كتبه اما رايي فيك يا عسجديه فوالله شهادتي فيتس مجروحة وماراح اوفيك حقك وحتى لو ماحضرت هالموضوع خبري فيتس من مبطي مميزه وبطله والله يستر عليك
ههههههههههههههههههههههههههههه الله يرجك والله فايز وحسن من وجهة نظري اللي تخصني انا ومو مقياس لإبداعهم من عدمة عند الكل وتعتبر وجهة نظر شخصية فا اشوفهم الحقيقة من المبدعين خاصه في السنوات الاخيرة وحتى لو كان لي ملاحظات فا احتفظ بها لنفسي لانها ماتلغي كل شي جميل يقدمونه وهذا رايي الشخصي ولحد ينط في حلقي كلن ورايه
شرحك سرا يا عسجديه طريقتك احياناً استعملها واكتشفت من وراها ناس يستاهلون فعلاً كل المحبه والتقدير على شراحة صدورهم وتحملهم وتعاملهم الخالي من الحساسية والبرستيجات والخنبقه اللي مالها سنع ولازالت علاقتي فيهم لحد اليوم .. والشخص اللي يشدني او يعجبني اسلوبه دائماً من خلال موضوع او رد !! تلقيني داخل ملفه الشخصي وقاعد اقراء له كل شي سوا مواضيع وردود وافهم شخصيته من كتاباته وكيف هو رهيب او حمقي وينفع انك تدخل معه يالواحد وتمزح معه وتتجرئ عليه ولا تخليه من بعيد لبعيد
الشكر لله وانا اخوتس ثم لتس واذا ماتحملناك من نتحمل ياوخيتي عزيزه وغاليه والله ولاهنتي وجزاك الله الف خير على دعواتك والله يرزقك بما دعيتي لي به مجنون
هلا ومرحبا ومليون هلا بك والله يا مجنون والنور نوركم والله جميع والا انا كني لمبة حمام جايها موية ومحترقه والله يرفع قدرك ويخليك لعينن ترجيك على هالمشاعر الفياضه مع اني خايف من ارتعاشك ومدري وش سنع هالارتعاش بعد لكن كوده جني فيك ولا يصير اللي في بالي
هذا جاهل مع احترامي لمه وابوه الشلة منبع الاخلاق وانا قاعد اقترح اننا نفتح دورات (مو مياه) للاعضاء عشان نزيد من اخلاقهم ونوسع مفاهيمهم للحياة بصورة واضحه وممزوجه بالادب والحياء اللي ينبع من كل قلم بالشله << ايه طيب ياخي الشلة زيها زي اي قسم ولا فيها شي يدنس الاخلاق بالعكس والله ما اشوف شي يستاهل ان الواحد يعتبرها زي مالفظ اخيك في الله القائل ماقلت بالعربي قل له ينطم بس وياكل تبن كبر وجهه ولايكثر
اسمع وانا اخوك !! عود نفسك انك ماتحكم على نفسك بنفسك ولاتحرص انك تقراء وش كتبت لاني قد سويتها مره وحاولت اراجع حلي << وين شطحت يالاخو تراه موضوع مو اختبار المهم اني يوم راجعت الموضوع واقعد اعدل فيه واقصص منه الين حوم كبدي وحذفت امه كله عشان كذا اطلق لمخك العنان وافتح الموضوع وخربط باللي براسك بعد ماتفهم الاعضاء وش يحبون وكيف المواضيع اللي تشدهم والاسلوب الناجح وعقبها اضف الموضوع وخل تقيمك لنفسك عن طريق ارائهم وتعليقهم وانتقادهم لك وشوي شوي بتلقى نفسك من المميزين المبدعين
للأسف السعودي في الاخير لاننا من عرفنا تمثيلهم وهم يعيدون شريط واحد واسلوب واحد وشخصيات وحده وحركات وحده اللهم اللي يختلف الكلام اللي ينقال هالسنة يختلف السنه اللي عقبها طيب ليش كذا والى متى ؟؟؟ خلونا واقعيين شوي هذا مثلاً عندك مسلسل مرايا يتكرر كل سنة بس الشخصيات تختلف والفكره تختلف والاداء يختلف رغم ان البطل واحد مو اللي يختلف النص والشخصيه وحده زي ربعنا الخليجي مبدعين الحقيقة واخص بكلامي الكويت مع ان رصيدهم في الاونه الاخيرة بدء يخلص ومعد صرنا نشوف الإبداع اللي تعودنا عليه بس يضلون الافضل عربي ما اقول لك مافيه !! فيه ناس فطاحله واساتذة في الخبال والكوميديا بس برضو ينعدون على الاصبع
سبق وجاوبت على هالسؤال حول المحاولة الوحيدة اللي كانت لي وعدل عليها المقرشع وفي الاخير طلعت قصيدة جديده ليس لي فيها ولا بيت واحد وهذا طبعاً بعد التعديل بالعربي فاااااااشل والشعار اللي احب شعرهم كثار ولو ابقعد اعد ابوجع راسك وراسي وراس اللي يقراء
طبعاً الهلال والله يسلمك ويخليك وماقصرت على الحضور والمشاركه معنا ولاتعتذر وانا اخوك واطيب الساعات والله وكرر بيديك ورجليك يابعدي الكسندر
هلا بك حبيبي ومنور والله وبالنسبة للحديث اللي حطيته فمدري عن مدى صحته ولا ودي اتكلم واعلق على كلام الرسول اللهم وصلي وسلم عليه ان كان الحديث صحيح فا اعذرني يابعدي
هههههههههههههههههههه مو لحالك اللي تضحك كلنا نضحك الين نهرب مويه من قوة الضحك ومواضيع فليسكو زي الكوكائين ماتقدر تبطلها لو يدخلونك اهلك للامل بسم الله عليك 9 شهور والضحك وانا اخوك يقولون تقوي عضلة القلب فا اضحك بيدينك ورجلينك الين تحس ان الهواء يدخل مع كل مكان فيك وشكرا لك وماقصرت على حضورك يابعدي ومنور والله مدغدغة البعارين
لا صدقي وانا اخوتس دعلج هنا بلحمة وخشمة ويشرفني انك من المعجبات ومشكوره وماقصرتيوحياك يالغالية وياهلا بك بي وقت شقيرين
حي الله شقيرين ومنور ياجدي واشكرك على رايك فيني وشهادة الحقيقة اعتز فيها وكلام يفرح قلبي اذا فعلاً انت وغيرك قاعدين تشوفون اني انوع ومواضيعي مو متقاربه لبعض لان كان هذا هدفي من البداية وكنت اسعى لها الشي واحرص اني ما اتكلم كل مره في موضوع له علاقة باللي قلبه دائماُ في كل موضوع ابي اكتبه اراجع كل المواضيع واشوف هل كتبت شي حول هالموضوع ولا لا واحرص اني اطلع بشي جديد وادعي الله انه يجوز للاعضاء ولكل من يقراء لي لاني والله ولاشي بدون رايهم وتعليقهم ومشاركتهم لي والكاتب ولا شي بدون راي الاعضاء وملاحظاتهم والله يقدرني واقدم كل شي يعجبهم ويبعدني عن المصالة اللي احسها حاجرتني في زاوية وكاثره من تالي فيني ومشكور يابعدي على هالكلام الكبير وعلى حضورك الغالي على قلبي MnNoO
ايه وراه ما استحي بعد وش زودي عن العالم ومشكوره وماقصرتي والله يسعدك ياشيخه ويوفقك وان شاء الله بنرجع واحنا اساساً مارحنا اللهم غبنا شويات وبتلقينا مسنترين 24 ساعة ان شاء الله ماقصرتي يالغاليه والله لايهينك ابو ثبت
ههههههههههههههه الله يحييك ابو ثبت ومنور ياجدي وهالاشاعة كانت قديمة وانا اخوك بس عالجنا المشكله وزالت ابشرك دركسون موتري يختلف عن السيارات خليناه ارضي طال عمرك كنه دركسونات سيارات القيم يعني تحت دقني مباشرة وقزازة قدام فيه ارتداد بينها وبين خشمي متر وطبعاُ المسافة ماخذناها من الكبوت الخارجي لا لا خذنها من داخل السيارة لدرجة ان مراتب ورى مالها مواطي رجلين واللي يركب ورى يبوبز وتعال تكفى شف اهلي وانا موديهم لمشوار مبوبزين كنهم عرابجه على عتبة بقالة ومشكور يابعدي على هالطله الحلوه وشكرا نوفيت
شوفي ياوخيتي قبل كل شي مسيك بالخير والله يحييك ومنوره والله يانوفيتوبالنسبه لسؤالك فا العيارة مو مرتبطه بقلة الادب ومو لازم تقل ادبك عشان تطلع عيار وعليك الكلام العيارة فيها تجاوزات وفيها حرية شوي اكثر من غيرها لان العيارة ماتحلى الا اذا كان فيها شوي هبال وكلام مبهم وتلميح وليس بتصريح والفنان اللي يوصل هالشي بدون لايفصخ الحياء ويقل ادبه للأخر مثلي انا اعتبر قليل ادب ولست بعيار واستهال جلد عند مسجد عتيقه عقب صلاة جمعة لاني ما استحي ولا انتخي وحيوان ويبيلي كف << شفيه قلب على روحه ذا الحين مشكوره يانوفيت على تسجيل الحضور والله لايحرمنا هالخشيشه nun
والله مدري من انت يابن الاجواد لكن ان كنت ولد فلك هالقلب وان كانك بنت فخذي هذي  لان هالايام كاثره الكفشات والابتزازات ومابي ينقال عني شي والله السمعة مهمه واهل سدير لو يدرون اني سائل عن قيمة بكت الدخان بكم وانا ماشريته ولا اتتن حكموا علي بالقصاص والرجم فما بالك لو تصيرين بنت وقاعد اعطيتس قلوب بعد مشكور يابعدي على كل حال لي عودة للبقية ان قالة الله
آخر تعديل دعلج
في 03:12 PM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
29-03-2009, 03:31 AM
|
|
||||
|
ريّس الشله
|
 دعلج .. إنت تذكرني بالفنان عزازي .. على شكل وجهه البايخ إلا انه يملك معجبين ومعجبات .. الله يوفقك يارب دنيا واخره .. ولازلت اقول خشمك من كثر السب بيدخل الجنه ان شاء الله .. اما باقي جسمك يمكن بالنااااار إذا لم تعمل صالحاً في حياتك يا ابي العزيز كل الشكر لدعلج والاعضاء اللي تفاعلو .. ولبو وفى ومخاوي الترنج وزعيم التنسيم ..! |
||||
|
04-04-2009, 03:16 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
ذوق فني راقي ( امحق )
|
خزعبلي
اولاً من قال لك اني متربعن على عرش او عريش ؟ يارجال انا اشوف نفسي قدام هالفطاحله عيال حارتنا الغاليه مثل فراش المدرسة وهم المدرسين يعني ولا شي قدامهم << ياشين لعد تشبه تكفى لا صدق يا خزخز والله ما اشوف نفسي احسن من غيري واشوف غيري احسن مني والكل يستحق انه يتربع على عرش العياره ويبي من يكبر المساحة لان العدد مو قليل ولله الحمد ويمكن لو قارنا بينهم وبين اللي مقدمين على ديوان الخدمة لقينا المبدعين اكثر وهذي نعمه يارب لك الحمد والشكر وبالنسبه للتقليد فما شفت احد يحاول يقلدني في اسلوبي لانه ماصخ ولاهوب كفو انه ينتقلد والكل له لون في الكتابه وحاجة تميزه عن غيره والمبدعين دائماً يحاولون يخلون كتاباتهم متميزه بإسلوب منفرد لهم بس
ابدخل الكنترول بنل وانا امشي 2000000 وابسوي دليت للموقع كله بجذوره واشيل الموقعين جيرانا من يمين ويسار عشان اضمن انه معد بقي اثر للمساطيل واذا خلصت خذت بثر وحطيته بخيشة وذبيته في الدهنا وبعت البيت وخذت امه واخوانه ورحت وشريت بيت في مدينة غير الرياض ومابي اقول اسمها عشان اذا طلع من الخيشة وقدر يوصل للرياض مايقراء ردي ويدري وين رحنا له ويجينا بلتغته ويحوم كبدي ويتسبب في طلاق امها وتشريد اخوانه لاني معتبرها اخر فرصه لهله ان رجع << شف الكره والحرص بس
ههههههههههههه شف ان كانه نكهة فا ابصد عنه واسكت لانه ملعون واخاف انه ماسك علي صور انا وامه واحنا قاعدين ننتج اخوان له ويقعد يبتزني انا وامه ونقعد كل عمرنا نسوي اللي يبي وتروح شخصية اننا اهله ويذل امنا وان كان ولدي بهجة الاباصيري فموضوعه سهل لانه 24 ساعة فاقد ابقوم وابرفع نسخة ثانية للمساطيل على سيرفر خاص واخلي المتواجدين دايم فيه واعيشه جو الزحمة واخليه يشارك لحاله وبحق ان اكتشف هالشي ولو عقب 5 سنين ومشكور اخوي على الرد وماقصرت يابعدي حلم (خط منطعج ) << لعنبو دارتس مالقيت هالخط اللي بعد اسمتس
هلا بتس والله يا حلم ومنوره ياوخيتي وشفتي بالله الشغل السنع ؟ والله اني متكاثره على روحي واحس اني منيب كفو ولو منزلين لي صوره بجوال متمشخه كميرته وخلفية الصورة حوش غنم وبدون مقدمات تيزي والطيب هو اصلك يالاجوديه
هههههههههههههه احمدي ربتس انك ماتعرفين شي لان من زين هالتاريخ تعرفينه بعد ولايلعبون عليك لا مشهور ولاهم يحزنون الا ثور الله في برسيمه وامشي بالكماخه والنيه الفدغا الين لقيتهم راكزين صورتي في المنتدى كني قرعة خربانه ولقيت هالمقابله اللي قالوا فيها اشياء حسسوني ان علي عبدالله صالح ولا شي عندي ويسلمك ربي يا حلم والله يجزاك خير على الدعوه
ههههههههههههههه الله من اللعانة محجره محجره يعني لكن ماعليه ملزومين ناكل تبن ونرد غصبن علينا وبعدين سؤالك يدل على انك يا من عائلة بلشرف ولا باحسين واضح انك حضرمية وتحبين القروش وبالنسبه للخساير ماهنا خساير وانا اخوتس دامنا نشوفكم مجتمعين ومبسوطين ومستانسين في هالموقع وحتى لو نطفر بيوم من الايام راح نبيع نكهة الديزل صبي عند حدى هالتجار وندفع للسيرفر عشان مايتغير الموقع ولايقل مستواه
لا المبلغ عاد مبالغ فيه شوي واحنا ندفع بالشهر مو بالسنة واكيد المبلغ من جيبنا الخاص اجل متسلفينه من امتس ولا ابوتس << وراه قلب عليك الحين ياشيخه كل اسألتك عن الفلوس احس ودي اجيب آلة حاسبة واحط قلم فوق اذني ونقعد نجرد انا واياتس خساير وارباح الموقع خلال سنة وبينا زمزمية شاهي
هههههههههههههههه كيف صوره ؟؟ يعني زي باربي مثلاً ؟ ولا زي افلام الكرتون القدام اللي مرسومين رسم وشفايفهم بس شفايف اوادم حقيقة مدري لاحقه عليه ولا لا ايه مراقب عام ولاتحديني اثبت لتس واقضبتس الباب واخلي لونك فضي ثم ارجعك من جديد على الزيرو عشان تعرفين اني قوي واذا قصدك اني محطوط مراقب جمالتن فيني وحياء من العيال فمالتس لوئ ولا عميد ولا عقيد انا مراقب اباً عن جد وكان ابوي مراقب واجدادي كلهم مراقبين <<< ياكبرها عند الله بس الزبده اني مراقب وشريك في الموقع كان هالسؤال يهمتس
والله اسمعي ياحلم باعشن محدن مايعاف الدراهم وانا اخوتس واكيد الواحد وده بدخل يكد به عليتس وعلى اشكالتس اقصد يعني على الموقع بس فيه شي ماتعرفينه وهو ان الاهم عندنا هي مصلحة الموقع من الدخل قبل الخارج واللي ابي اوصله لتس ان ولله الحمد فيه طلبات كثيررره للدعايات واحياناً نعتذر بعدم وجود المساحه لانشغالها ببنز فعالية او مسابقة او لقاء او شي يخص الموقع ككل فلذالك دائما الحرص على الطلبات والبنرات الخاصه بإقسام الموقع وفعالياته ومن بعدها اذا فيه مجال وشواغر بنرات اعلنا حسب الطلب
هههههههههههههههههههههههههه راضعه مع بليس من ديدن واحد ياكافي وبعدين ريحي راستس صارت قبل واكيد حطينا طلب المشرف قبل الاعلان يابنت الحلال لو فكرتي فيها بالمنطق بتلقين ان الزم واهم شي الموقع ومواضيعه وفعالياته لانك اولاً واخيراً اذا بتقبلين دعايات واعلانات فهو عشان تكدين على الموقع فا وش الفايدة انك تكدين على موقع ميت ؟؟ خلي الموقع يدهر بالفعاليات والاعلانات ملحوقن عليها
ليه لا !!! انا قايل للعيال اذا مت فياليت تصبغون لوني بلون جثه وتحطون على حرف الجيم خط اسود بالعرض زي اللي يحطون المصاريا على صور الميتين ويغيرون رتبتي ويحطونها " فطس "
حارة المساطيل بتتسكر اذا امر الملك عبدالله ان مدينة الملك عبدالعزيز تسحب كيابلها من البحر وتلفها كنها تلف لي دينمو وتحطها في مستودع المدينة وينتهي شي اسمه انترنت من السعودية كلها ساعتها بنسكر الحارة الين ندبر لنا توصيله طويله شوي ونمد من البحرين سلك بالدس ونشغل الحاره بدون لحد يدري <<< احلام اطفال
حب لاخيك ماتحبه لنفسك وانا من كبر خشمي واصبح يوازي حجم وجهي وانا اعتبره قريب لي وصديق وأخ واكيد ابفرح له من كل قلبي وابدعي له بالتوفيق ويكفي انه لازال لازق بوجهي وهذا شي بيخلي العالم من وقت لوقت ينشدون من جاره ووش يصير الكائن اللي لازق فيه وبيتذكروني
مركز التحميل شغالين عليه وقاعدين ندور على مستودعات في السلي ولا في الصناعية القديمه عشان نربط سيرفرنا فيه ونصير نجمع فيه اغراضكم الين الله يفرجها وبالنسبة للتطويل والتدخلات والبثاره فا اقول لتس عادي وانا اخوتس انتي محسوبتن علينا اخت وتمونين وحياتس بكل وقت والله
لااا ابشرتس ماطمرنا ولا شي لتس وجاوبنا وعسى الله قدرنا بس نرضيتس بالاجابات ومشكوره على كلامك حول شخصيتي اللي مدري شتبي الحقيقه وهذا من طيب اصلتس والف شكر حلم ولاهنتي ولد الديره (خط منطعج قبل اسمك وخط منطعج بعد اسمك ) << خلصنا من حلم وجيت انت بعد << طيب اقتبس وفك نفسك يالثور يالله حي القاطع ومنور والله الحاره يابعدي ولو انك تبي خيزرانهمنقعة في ماء وملح واقعد السب بها ظهرك الين تصير كنك ذيك النمور المخططه
ههههههههههههه الله يرفع قدرك ياشيخ وبعدين ياقدمك من وين طلعت بها المواضيع ياولد الديره واما ابو ساره يسلم عليك والله اني مكلمه امس وياجعل يومي قبل يومه ياشيخ
اطيب الساعات والله ياجدي والساعة الماركة اللي ذبت وجهك اللي كنه مشيمة وحده والدة وسلمت وخلني ارد على سؤالك وخر مناك ابو بس : ارجع لاجوبتي وبتلقى رايي فيه حمود المستلج : من اقوى كُتاب النت واستاذي اللي تعلمت من كثير ولازلت استفيد منه ومن خبرته لحد اليوم ورجل لو ابتكلم في رجولته ومرجلته وعلومه الطيبه ماراح اوفيه حقه ابد ابد والله يخليه ويتسر عليه ويوفقها وين ماكان وقسم بالله نعم الرجل واسألني عنه مصرقع الخبر : والله والسبعة انعام فيه وصح اجتمعنا فيه وعاشرته مدة بسيطة بس ماشفت منه الا كل علم طيب والله يوفقه ويخليه لعياله برطوم : الله يذكره بالخير ويوفقه وين ماكان ,, ونعم الرجل والله وكاتب له ثقله ومكانته فليسكو : مثل ابو بس سبق وتكلمت عنه في رد لي سابق حاذف ترم : الله يذكره بالخير ويستر عليه ويوفقه وين ماكان توت : والله ما اذكره او اذكرها بس بشكل عام احب التوت واشربه سك ولد الديره : ماقد مر علي هاليوزر الا بها المقابله وواضح انه بثر بعد ومشكور يابعد قلبي انت ياولد الديره ومن جد فرحت بشوفتك يالغالي ولاعاد تقطع فينا عسى الله يقطع اللي انت خابر سيب الاختلاط (بدون طعجات) < كل تراب عاد
ههههههههه هلا يالله حي سيب الاختلاط ولاتقولين ماصله بالعكس والله اشوفك كاتبه مبدعة ويجي منتس يالمليعينه وتفلسفي على كيفتس وانا اخوتس
شوفي ياسيب محدن يعاف محبة الناس وانا اخوتس .. وان دل على شي فيدل على طيب قلوبهم وطهارتها والا انا بالله كفو شهره وكفو اني استقبل اسئلة كثر كذا << قلب على نفسه بس يارب لك الحمد والشكر والله لو ابشكرهم ماراح اوفيهم حقهم وجعلي دوم ابقى بنفس الصوره وبنفس الكماخة والغباء اللي تعودوه مني
وقفت على الخشة وانا اخوتس ؟؟ الوجه كله يبيله قض وبناء من جديد واستعانة بطاقم لبناني متخصص في التجميل ولازم يدخل فيه الفوتوشوب بعد الترميم والتعديل ماينفع على وجهي ابد لازم من الصفر وياتضبط ولا لا بعد الحمدلله على كل حال ويارب لك الحمد والشكر على حسن الخلقه واللهم لا اعتراض ويارب لك الحمد والشكر اني رجال والا كان ابطي عظم اشوف بيوم من الايام لي ولد او احمل مثل المسلمين واولد حتى الاعمى اذا جاء يلمس وجهي للشوفه الشرعية وهو يتحسس بيقول وين وجهها ماقلت عطوني مجسم مكينة كابرس المسه ههههههههه
والله واجد ياسيب وقسم بالله كثيرررر وما اقدر اذكر احد وانسى احد فيه ناس تخليك تدورهم وتمخمخ على ردودهم في الشات سوا عيال او بنات لان عندنا بها الحارة بنات اقسم بالله حرام يلبسن عبايات وتنانير
ااااااااايه يا سيب وقسم بالله وبدون نفاق ولا مرائات ان هالانسان لو ابتكلم عن إعجابي فيه ك رجل بقصر وكثير بقصر وحتى لو ماتجمعني فيه علاقة خارجية وجلسات وسهرات الا ان الرجال يوضح معدنه من اسلوبه ومن صوته وطريقة تفكيرة ونضوجة وهالرجال بالذات يخلي الواحد يحس ان الدنيا بخير وان لازال فيه رجال ينحطون على الجرح ويبرى ابو وفى استاذ كبير لنا كلنا وما اخفيك احترم هالرجل لحد الثماله واحترم رايه واحترم قلمه وكتاباته ومن اشد معجبينه واستفدت منه كثير بملاحظاته وبا ارائه وبكل شي يقدمه لي شخصياُ وللموقع ككل فلله در هالشايب والله يحفظه لنا وجعل الله يأخر بشيخوخته مشكوره ياسيب الاختلاط والله يبيّض وجهك على الرد والحضور والله لايهينك ويوفقك ويسعدك يارب سيف العشق
هلا وغلا والله بالسيف ومنور والله الموضوع والموقع كله ويحييك يابعدي ويجعل الخير نصيبك بكل دربن تسلكه وماعاش من لايرد عليك يالغالي
والله مو رايي لحالي وانا اخوك اللي يرفض هالطريقة الوضيعة في طرح المواضيع واللي القصد منها الاستهداف والسب والشماتة بالغير وهذا ضعف واسلوب يستخدمه ضعيف الشخصية عشان يوصل امراضه ونقصه للي يبي بدون لايواجه وبإستخدام هالاسلوب القديم والوضيع والحمدلله قلتها انت بنفسك انها مهيب عندنا بالحاره ولو يحصل ونشوف واحد مسوي هاللي تقوله شلناه بعصاقيله وعلقناه في الديوان عندنا وغسلنا شراعه من اول عضو لا اخر عضو في الموقع لان ولله الحمد هنا بالموقع وبدون مدح لموقعي الغالي المساطيل محدن يرضى بالغلط والعضو الجديد مثل اللي له خمس سنين هنا ,, يقوم ويوطى وجه هاللي جاي يتميلح او يسب او يوصل مسجات عبر مواضيع زي خشته وربعنا مايقصرون مايسمعون صوت واحد يصفر الا وهم جاينك ركض كنهم حجاج في المرجم
الله يسلم قلبك وعمرك ويسلم خشمك يابعدي والولاء لله ثم للمليك ثم للوطن << حس انك دبوس وتبي تورطه ومشكور يابعدي وماقصرت والله يبيض مرافقك لانها هي الجزء الاسود عندنا يالرجال بعكس الحريم في ركبهم والف شكر شسمه ذا
الله يمسيتس بالرضى والسرور والله يحييتس وانا اخوتس وهذا من حسن ذاتس والله لايهينك
هههههههههههههههههههههه بالعكس حرام عليك الاسم موسيقي وخفيف النظق والمفروض انه اسم طبق صيني وبعدين كيف رحتي للوشسمه ذا ؟؟ يعني كيف رحتي لنفسك ؟ << يفهم مع خشمه وهذي الدنيا وانا اخوتس لابد من الانسان ينصدم ويتفاجئ بحقايق مخيبه للامال ومحطمه للطموحات ولاتخافين ماراح اسألك عن شي
هههههههههههههههههه شفيك انتي ؟ شكلك ملحوسه لحستي مخي بلا في شكلتس وفاهم شعورك وقصدك وانا اخوتس بس انا ماقد ضحكت على شي كتبته وبالعكس احيان اتجنب اني ارجع اقراء وش انا كاتب عشان ما اقشع ام الموضوع من المصاله تخيلي اقراء نكته او شي كاتبه واضحك على نفسي مابعد انهبلت وانا اخوتس
شرايك يعني ؟؟ ابروح واقعد على حافة جبل وابنتحر من ضيقة الصدر؟؟ ولا ابشب في جهازي واثور فيه بالشوزن لاني مصدوم بمنتداي انه في المقدمه وسواها ابن الكلب ونجح وصار متطور وفيه ناس ناجحين ؟؟ اكيد ابستانس وابتشقق من الوناسة لان هذا الشي اللي اسعى له انا وكل الموجودين في الموقع مو انا لحالي لاننا كلنا نبي موقعنا يصير احسن موقع بالنت كله ونبي هالنجاح يستمر ونوصل لا اكثر من اللي وصلنا له لبى قلبك يالمساطيل باللي فيه وه بس << ولو متأثرن بالاسرة مره انا على كلمة وه
هالسؤال بتجاوبك عليه حلم باعشن لانها من صبح الله وهي معها آلة حاسبة وتضرب وتطرح وتقسم واكيد امداها تطلع كم كلفنا الموقع من يوم فكرنا في انشائة واحنا في المقهى نخطط له واكيد بعد حاسبة قيمة ابريق الشاهي اللي لتحناه وحنا نخطط للفكره
ملينا من المطات والواحد عساه يتحمل اللي يحتسي زين وبسرعة عشان نقعد نتابع خشه فلان وعلان وهو يتمطط بالحتسي ويحوم تسبودنا على بال مانفهم وش يبي مشكوره يالغاليه والله يعطيك الصحه والعافيه ومنوره الحاره كلها وشكرا هاه !!!
لبيه يالبييييه الله يسلمك ومشكور يابعدي وبالنسبه للشهره اعتقد خشمي وبمليون مرحله بعد لاني قليل احصل كلمة دعلج في المواضيع او الردود او خلافه الكل ينادي خشمي ويتكلم على خشمي وانا مثلي مثل ضلاله
هههههههههههههههههههه ياخي انت لعين بس دور علم ياترى من تكون خلني ارد على سؤالك والبساط احمدي ومسعدي وخالدي ولايهمك احد وانا اخوك بالنسبه لفليسكو وسيد ابو بس فهذولي رديت على نفس سؤالك لكن من واحد غيرك وبتلقى رايي فيهم بكل عفويه ومصداقية وياحبي لهم والله اما تيمون ياخي مايعني لي ولا شي غير اني اتابعه وقت الفراغ مع البزران وهو ياكل الخنفس احياناً مع بومبا واضحك على رخامته وغبائه وعلى دباشته وكيف ان بومبا واطيه ومشغله زي العبد عنده يصيد له حشرات وياكلها بومبا ويتغر في وجهه ياخي محشش اللي راسم هالفلم كرتون وقسم بالله ماتمل من متابعه
شوف الخبره لها دور كبيررر في نجاح المشرف او المهندس عندنا بالحاره واقولها بدون مجامله يارب لك الحمد والشكر مشرفينا قلتها واقولها للمره المليون من ابطل المشرفين في النت كله ويخسون المواقع الثانيه يجيبون مشرف يجي ربع مشرف واحد في المساطيل والسبب خبرتهم الطويل في مجال المنتديات وطريقة اسلوبهم في الإدارة والتمكن والسياسة والعقلانية وفن التعامل وكسب الإعضاء وامتصاص الصدمات والحساسات الخلفية بالصدام والمرايات الكهربائية المتحركه << سج وهو يمدحهم ودخل على مدح المرسدس الجديد لا جد وقسم بالله ما انافق الخبره والسن والنضوج الإداري هي سبب النجاح والتميز في مشرفينا وياحبي لهم بعد ومشكور يابعدي على الحضور والطله وخر لا 1000 عك
هههههههههههههههه وراك قلبت الله يقطع هالخشه بلا توني مترزرز ابجاوب وبازن بك وتجي تقول الوكاد وما الوكاد ؟؟ مير الشرهه مهيب عليك علي انا اللي اصدق حمير مثلك << واضح اني انجرحت وابشر بالاملاء الصح والتعبير اللي من جنبها
مهوب شغلك طال عمرك
لا محد سألني ياملقوف الا انت
والله ياخي الكل يتمنى النجاح ويسعى له والبداية كانت تعب واماني بالنجاح والله سبحانة وفقنا ووصلنا للي وصلنا له الحين بتوفيق منه وبجهد كل من له يوزر بالموقع بغض النظر عن رتبته
هههههههههههههههه ياخي مريض انت وبس يعني بالعقل لو ابسوي هالحركه ابرضى ب 3 الاف ؟؟ وغبي انا اقلد يمني ؟؟ ياخي لو في راسي حرش قلدت بنت وخذت من 20 الف بدال دفعة المقاول اللي بازن بها انت وخشتك
شهادة ان لا اله الا الله وانا محمد رسول الله وقل فيها شي كانك رجال
الله يسلم قلبك حبيبي ولايهينك وماقصرت وبيض الله وجهك على حضورك وعلى ردك وعلى كل حرف كتبته لي هنا ياديد اخوي انت مطاول الليل
هههههههههههههههههههههههههه الا التجريح يامطاول لو سمحت ياخي لحد يجيب طاري الوبران ترى قلبي ينتك واصير اتنفس مع خفس ابره ياخي الله لايفقدنا غالي يااااااااارب << خير والله لو اللي ميت واحدن من اهلك بسم الله عليهم مشكور يامطاول وياجعلك ماتدور ابو مطرقة بيومن من الايام سحاب
هههههههههههه هلا يالله صبحها بالعافيه والخير وكلشن زين ومنوره يا سحاب والله واطيب الساعات وانا اخوتس
هههههههههههههه هلا بك والله ومحلتس والله يوسع صدرك بعد انتي ويوفقك واسكتي بس قسم بالله هذاني جايب جهدتي ومابعد قفلت الخامسه الا اليوم والظاهر بتقوم الساعة وباقي ردين وحياك والله وخلينا نشوف سؤالك
ههههههههههههههههه لا والله واحمد الله ان مافيه احد يزعل مني لانهم يدرون اني سفية ولا ينوخذ بكلامي واللي بيحط عقله بعقلي فهو بزر ومريض مثلي فعشان كذا صار كلامي ماينوخذ بحساسية وزعل وحسبان الا ان كان فيه احد زعل وماقال لي وشالها بقلبه فهذاني اقول له من خلال سؤالتس انا اسف ولحد يزعل مني ياجماعة اذا طلع مني كلمة جرحت احد وجته في مقتل ترى والله النيه طيبه وماقصدت ازعل احد مشكوره على الحضور ياسحاب والله لايهينتس وانا اخوك لي عوده للباقين عن قريب ان شاء الله
آخر تعديل دعلج
في 03:21 PM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
07-04-2009, 02:34 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
ذوق فني راقي ( امحق )
|
مسيك بالخير والله ولقاء اوربت كانوا يسألوني عن المنتديات الشعبية وعن حارة المساطيل وعن تخريج الكُتاب من المنتديات واشياء كثيره نسيتها وفي الاخير خلونا نسوي طبق اليوم وكان قبابيط بالبشاميل وبعدها قضبوني الباب
شف وانا اخوك سؤالك هذا جيد وحساس بنفس الوقت انا مدري عن غيري بس ابتكلم عن نفسي .. الذب الجامد زي ماتسميه واللي هو المونه والمزح القوي دائماً مايكون الا مع الناس اللي اشوفهم يتحملون المزح وصدورهم وسيعة وحتى لو ما اعرفه شخصياً ولا بيني وبينه اي احتكاك في المنتدى يعني لما اجي لواحد القاه والله فالها ووسيع صدر ويتقبل اي شي تلقاني ما اثمن كلامي واحوقها وعارف في قرارة نفسي انه ماراح يشيل بنفسه شي ولا راح يزعل لان شخصيته واضحه لكن اني اجي لواحد هادي ومؤدب ولاهوب واضح هو ديك ولا دجاجه وكافن خيره شره واجي واطب فيه بدون مناسبة واقعد انكت واستخف دمي على حسابة لاااا والله هذي ما اسويها ابد مشكور يابعدي ومنور ولاهنت ورااان
هههههههههههههههههههه ابريحك وابجاوب عنها انا محطوط في قفص في مدخل البيت زي القفوص اللي موجوده في المحطات اللي يحطون فيها قرود الين دخلت المدرسة وزياده على القفص مطقوق بكلبشة في رجليني ام حديده مدوره عشان لو قدرت اطلع يمديهم يلحقون علي في نص الطريق قبل لا اجيب العيد فيهم اجل بالله واحد عمره 6 سنين فاك تلفزيون بيصلحه وهو يشتغل ميه الميه يوم رجع ابوي لقاها قطع وماعرف يرجعه ودق على الشركة عشان يجون يصلحونه ومن ثوارتي مافصلت فيش الكهرب يعني بايعها للنعله وبغيت اكون مثل الفيوز اللي يمرر كهرب وينفصل مع النص
الا صدق فيه لقاء ونكهة ماينصب نكهة يبتز وبس وكان اللقاء حول القضايا السياسية في المملكة وعن الخطه الديناميكانيكيه بمنظور دعلج للسنوات الميه القادمة << طراها الاداره اداره والسياسة سياسة يابنت الحلال اللقاء كان عن المنتديات الشعبية وكثرتها وعن المساطيل ونبذة وتعريف عنه وعن اقسامه ونوعية مواضيعه وعن الكُتاب في عالم النت والاسلوب العامي البحت في خضم ذلك << ياشين ختم الشي ولاتخافين ما اعرفك ولاتعرفيني واساساً كل عائلتنا 3 عوايل بس في المملكه كلها وباقي اقاربي في تركيا << ياشين اللي بيتلزق في الزيون بالقوه
ياحوووول !! قولي من العفجه بعد بدينا في الاتهامات والاشاعات << مهوب عاقل دعلج الكاسر انا من سدير ياخاله والخرج ماقد شفتها الا 3 مرات في حياتي ويالبى الخرج واهل الخرج مشكوره اخت وراان وحياك والله لايهينك وماقصرتي والله star top
يالله حي ستار وتشرفت انا بمعرفتك وبعدين لانيب مشهور ولاهم يحزنون بس ماسكه مع العيال يريشون بي ويتفخون راسي والا ماحولك احد وبالنسبه للمدونه وهالخرابيط والله مالي فيها وعساني ارد على المواضيع واكتبها عشان اروح ازبرقها واجمعها وقيمتي عند الناس وانا اخوك شفتها في الاعضاء اللي حولي واللي في منتداي وهذولي راس المال وابشرك ولله الحمد منيب احرص على هالامور واللي يحبونك بيجونك لو تكتب على جدار مقبره والله يوفقنا واياك يالغالي
لولا وجود الماصلين ماعرفت المبدعين والمميزين فديت الماصلين انا وقسم بالله اني احبهم واللي اشوف نفسي منهم وصايرن اردى منهم بعد ويزي بعض الهطف منهم اللي تلعن ثواه وتفشله وبعد ربع ساعة تلقاء له موضوع ثاني مشكور يابعدي وماقصرت ومنور والله لايهينك يالغالي فهد تبن الوايلي هههههههههههههههههههههههه ياخي انت نذل وبس الحين وقفتك جنبي صارت تفشل ؟؟ ماعليه ابمشيها لك لاني احبك ومقدر اسفل بك وانت تؤم روحي ونصفي الاخر
ماجورين يافهد ماجورين << مسوي يشكرك بالشرقاويه يالبى قلبك يافهد وبس وهذا بعض ماعندك يابعدهم انت وجعل من جابوك للفردوس وانت معهم والسامعين والمسلمين كلهم وعيال عمتي نوره بعد < خير !
هههههههههههههههههههههههههههههههه هههههههههههههههههههههههههههههههههه ياخي كلب وماتصمل على الطيب ابد مايمديك ترفع الواحد فوق الا وتلزخ به ياجعلي الزخ عليك واغملك الين ينعشونك في اللحظات الاخيره وماتقوم الا بتنفس صناعي مني
هههههههههههههههههههههههههههههههه بالله يافهد لاتشبهني ولاتقعد تحطني في موقف محرج وتبين للاعضاء اني داشر <<< لا حشااااااك يا دعلج السبيل ياخي مشكلتي الشفافية وان اللي بقلبي على لساني وصدقني والله اني ناسي سؤالي بس الوكاد انه سؤال منطقي وحجر لخويك المري وخلاه يحسبها في راسه ويقتنع فيني ويدروني عشان اصير مثل اميرة الفضل في إذاعة قطر
ههههههههههههههههههههههههه الله يلعنكم ماصارات مقابله صارت كب عفش وفضايح ياخوك وش اسوي بالله عليك يافهد ؟؟؟ احد وده يشبع من ذيك السفره ؟؟ لاتلومني من عرفت شي اسمه رمضان وانا ما اعرف الا لقيمات وسمبوسه وكاس توت وان تطورنا ومسكت تميلح مع اخواتي الله يصلحهن بس صلحوا بيتزا في البيت ماودك تشوف شكلها ودك تطفي النور وتاكلها وليت لها طعم كنك تاكل قراطيس ياخي اول مره اشوف بيتزا تنوكل بملعقه مايعه وكنك مربص تميسه في مرقة طماط ودي اقول لخواتي لعد يتحمسن ويخلونا على هاللقيمات اللي لحد اليوم مابعد شفت وحده فيهن دائرية كلهن متطعجات وفيهن زوائد يابسه تشق اللهات والا السمبوسه عاد ماودك اسولف فيها ابد ياخي اذا عضيتها مع الزاوية حقت المثلث طشر الزيت مع الزاويتين الثانيات ورشن على اللي جنبي من يمين ويسار كنها رشاشات مويه حقت كبوت جمس ياخي قمنا نلف سمط على ارقابنا عشان مانمتلي زيوت وحنا ناكل وماتسمع الا جغجغه وازعاج مع الحركه ياخي صرنا نحط على السماط كرتون اسبرين وكل واحد ياخذ له حبتين خوفاً من الجلطه من كثر هالزيوت وتلومني يوم اجي واشوف سماط فيصل ؟ ياخي ولا شي قد شفته في حياتي من اللي على سماطهم ياخي حتى لقيماتهم غير لونها ابيض ومدورات كنهن بنقات تنس ترى قبل لا نسمي قمت المس في اللقيمات والسمبوسه حقتهم احسبها بلاستيك واشكال كذا مو للاكل الزبدة ان ذاك السماط ابموت وانا مانسيته ويمكن انسى اهلي وفطورهم المخيس والحارة حقتنا وانساك بكبرك ولا انساه
الله مير يعافيك يا فهد ويسلم قلبك وانت والله ونعم الرجل ومايحتاج اقعد اريش فيك عشان مايقولون يوم مدحه رد المدح بمدح انت تعرف اللي لك بالقلب وكل تبن عاد وضف وجهك انت وبليزك الماصله صيته عتريس
انا وش يحوم تسبدي في اهل سدير؟ ؟ الا انهم يغارون ويحسدون غيرهم والا وش حارق رز هالعبده ؟ نعنبو شيطانتس المفروض تبزين بولد ديرتس وتفتخرين ان فيه ثور من ثيران سدير قدر يسوى له تصميم ويجرى معه مقابله زيي كلامتس كله منطقي ومعتس في مشاعرتس المقهوره اني هنا والا المفروض اني في محطة فيحا العتش انافس البانهم ولبنتهم وابيع على طرف المحطه زبدة امي نوره في تنك بس ربك كريم ومايضيع احد وهذي دعوات امي تالي الليل << والله لو انك في مجلس الشورى الحين
احس بالسعادة وانا اشوفتس منقهره ومحترقة وغايره مني يالهامه ومني فاكتس ابد ابقعد ارد وابمخمخ بالقطاره ودامي محومن تسبدك فماراح اخلص هالمقابله ابد وما اقول الا يمال العافية اللي تلخم بوجهتس والصحة اللي ترض جسمك << ماوده يدعي عليتس ومشكوره ولاهنتي يا بنتي بلادي بلو دايمون
هههههههههههههههههههههههههههههههههه هههههههههههههههههههههههههههههههههههه ههههههههههههههههههههههههه والله ياضحكت على دكتور علج الين دمعت عيوني يا بلو وحسبي الله عليك كانك خليتي الشاهي يطلع مع خشمي واذاني وتدمع عيوني به اجل علج والصحاف دعلج هو القنفذ وسبب التسميه ذكرته في احد الردود وبعدين اي بلاك لست ؟؟ ما اذكر اني دخلت البلاك لست ابد ولله الحمد
لا ابجاوب وشوله ما اجاوب وبعدين سؤالك هذا لاتسأليني انا اسألي اللي لقط الصوره لي وماعرف يختار الوقت اللي ابلع فيه ريقي يعني واحد في مقابله تبينه صاك اثمه ؟؟ وعلى طاري العشاء الله يقلعك قمت اشم ريحة الغدا واشتهيته ومشكوره يابلو دايمون وماقصرتي لا على الحضور ولا على الديك والبندق الف شكر لك اختيمحارش
قريب ان شاء الله ومشكور ياعم زنقل هانم
عليكم السلام ورحمة الله وبركاتة والله يحييك ويبقيك يازنقل والساعة المباركة والله ولاتتأسفين وانا اخوك وحضورك يكفي
عقبال 100 سنه معنا بالمساطيل ان شاء الله يازنقل ونشوفتس يالله تفكين الخط ودائماً الانسان الطيب والمحترم والخلوق تكون علاقته بمن حوله من احلى مايكون فلا تستغربين علاقتك في اللي حولك وانتي انسانة محترمه ونعرفك بالطيب والاخلاق العاليه ويشرفني انك عرفتيني من مواضيعي اللي زي خشتي واللي تفشل ويوزرك معروف ومايحتاج تعريف وما اقول الا الله يستر عليك ويوفقك دنيا واخره وبس والشرف لي والله يا زنقل وبيّض الله وجهك على كل حرف قلتيه ومشكوره ولاهنتي برطوم
هههههههههههههه هلا بالقديم المغبر المعفن ياخي انا القطوع ؟؟ ياخي والله انك ماتستحي وجاي ترمي بلاك وخطاك على غيرك ياخي من عرفنا الدنيا وحنا خامرين بها المساطيل وانت اللي قطعت وانطفت اخبارك وجاي بكل بجاحه تقول قطوع ؟؟ صدق يبيلك كف يدير وجهك الين تفتر رقبتك 5 لفات وياحبي لك يا برطوم وياجعلي ما اعدم هالخشة قل آمين ~CANDLE~
اول شي الله يخلي لك اميمتك ويحفظها ان شاء الله واشكرك يالغالي على كلامك الطيب وبنفس الوقت اتحيسب الله عليك كانك ناوي تحرجني قدام الملا بسؤالك الاخير والعفن واللي جاب لي مغص عموماً علاقتي في هاللي ذكرتهن اني كل ماضغطت ابدء ورجت للبرامج القاهن في الصفه اللي تطلع لي
برنامج جميل وفيه اكشن وفكرته جريئة وجديدة ويكفي انه كسر الروتين الغبي حق برامج قنواتنا البايخه دايم استمتع بها البرنامج
لغات البرمجه تاركها لهلها ولا لي فيها اي علاقة ولا حتى من الرضاع
والله رايي زينه مره << ياشين مقابلات القراوى ونصيحتي ان الواحد اذا اختار منهن شي انه يخلص ويقدم كل ماعنده ويحاول يرضي معجبينه ومتابعينه بالشي اللي يليق فيهم ومايتسرع ويحرق كرته اما الهندسة والطب والإعلام فهذي تختلف وتحتاج لكفاح وصبر وجلد وعزيمة للوصول للغاية مهما كان الطريق وعراً <<< بالله كيف وانا كذا ؟
لو معي 10 الاف ريال حطيتها بالرصيد الين تجي الاجازة ونزلت لك صور رحلتي وتعرف وقتها وش سويت بكل ريال فيها وحتى لو ما اعرفك يالغالي تشرفت بمعرفتك هنا والساعة المباركة والله يابعدي ولاهنت قرطوع
والله احس بسعادة لاتوصف وانا اخوك ويكفي اني شفت اسماء عزيزه على قلبي واحبهم وفاقدهم بها الموضوع
طيب تصدق بالله اللي ابقوله ؟؟؟ والله ما اذكر ولاتعتقد انه غرور او ثقه في مواضيعي لااااااااااااا وقسم بالله بالعكس انا اشوفهن كلهن سامجه وماصله بس مشكلتي وقسم بالله ذاكرتي 1 ميقا ومستخدم نصها بعد وادري فيه مواضيع لي مااااصله وبقوه مره بس يمكن اليوزر له دور كون انه اصبح في عيون بعض الاعضاء مميز بعض الشي ولو اني اشوف هالتميز ماله دخل وغلطانين بس الاكيد ان فيه مواضيع قلت بنفسي استعجلت فيها بس والله مذكرها والحمدلله عدت على خير وشي شال شي ومشكور يا قرطوع ومنور يابعدي وتسلم يالغالي ولاهنت << والله منتب كفو ورده انت واجد عليك امد لك فحال تلقح به نخلكم ووجهك العفن كبك أحمر
هههههههههههههههههههههههههه ياخي شفت ترفيع وترييش ومهايط بس زي كذا ماشفت ارفق علي وش خليت لمايكل جاسكون ؟ لعد تنفخ زود لان جنوب راسي تطعجت ولو ينوشني دبوس انفجرت
تستاهل والا وشوله الطفاقه وانا اخوك ؟ الواحد مايصير عجل ويبي يدهر من اول دقيقة يتفعل فيها يوزره وانا اخوك الركادة زينه والواحد لازم يصبر ويحوق بالمنتدى ويقراء الدساتير < جمع دستور ويعرف الاعضاء ووش يحبون ووش يكرهون ويشوف المواضيع المميزه والمثبته ويبحر في عقلية الكاتب ويشوف من اين تؤكل الكتف ثم يمخمخ على موضوع يكون افضل من الموجود واللي شافه كله وبنفس الاسلوب المحبوب والناجح عند الجميع ثم يجي يرز وجهه بها الموضوع وهو واثق من التميز
والله ياقربه وترى انا دايمن من مزرعة لمزرعة كني فني غطاسات ومهيب بعيدة اني مقابلك لان خطك ولونه مهوب غريب علي << ياشين الاستذهان الغبي
حراثه << طراها اني دايم في مزارع
والله يالغالي مافيه وقت محدد بس عادتن من نص ساعة لساعة بالكثير حسب المخ ومطاوعة لي بالاسترسال ومشكور يابعدي على الحضور والرد والله لايهينك مشغوول
ما اختفى يابن الحلال بس قاعدين نرقم الصناديق وبيرجع كل شي زي اول واحسن
الفائده عشان الواحد يعرف من فيه ومن مافيه واذا مضايقك هالشي نقشع امه ولاتزعل كم مشغوول عندنا
من يقوله ؟؟؟ لاتقعد تفتي الله يصلحك مع بطنك اغلب التطورات والاقتراحات واللي وصل له المساطيل من اقتراحات أعضائه
بدون تعليق وخل كل شي بوقته
والله وبدون نفاق ولا مهايط ولا مبلغ بالدنيا يكفي قيمتها لا بالمحتوى ولا بالاعضاء ولا بالفعاليات منتدى المساطيل كنوز الدنيا كلها ماتكفي قيمه له
لاتستعجل هذا انا الحين بداية الخير وبعدي يجون السلاتيح اللي قلت عنهم << تخيل اني صادق ومغرور كذا قسم بالله ان انحذف انا ومقابلتي من فوق طويق قسم بالله استهبل لاتحوم كبودكم وربي منيب كذا وبعدين وانا اخوك ماقلنا لا مانبي نقابل اذا لك علاقة بنانسي عجرم او هيفاء وهبي او اليسا جبهم نقابلهن ونقشع صورة هالحاشي اللي فوق في البنر ونحطهن بدالي
مافيه ولا سالفة انغشيت فيها بالحارة وبالعكس ماعمري انضربت في الحارة وانغشيت يابعدي ابد
والله الطيور لها جنحان وتروح وتجي على هواها والمساطيل وكر للصقور ومتى ماجاء الصقر وكره فيه اما الغربان والرخوم مالهن عش عندنا تلقاهن على اسلاك الكهرب وعلى روس الاثل وعبارة مر من هنا اعتبرها عبارة تعكس مرض نفسي شنيع وش اللي مر من هنا !! طيب واذا مر الله ياخذ عمره من هنا وش صار ؟؟ نعبد الشارع اللي مر معه ولا نقدسه ونكتب ان فلان مر من هنا ؟؟ ياخي النقص والامراض ماراح تنتهي ابد الا بنهاية الزمان ومشكور يالغالي على حضورك وحياك في وقت دلة كابتشينو
الله يحييك ويبقيك يالغالي والساعة المباركة والله ولاتقول شي ياجدي حضورك لحاله الف شي ويامرحبا فيك انت وان شاء الله مالك الا طيبة الخاطر وبتشبع مني ان شاء الله وبتمل ومنور يالغالي الموضوع كله وحياك ولاهنت يابعدي لي عوده للباقين ان شاء الله
آخر تعديل دعلج
في 02:38 PM.
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
27-04-2009, 01:46 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
ذوق فني راقي ( امحق )
|
الحل سهل وانا اخوك !! اول شي انتم غيرتوا شقتكم الحين ومعد صار يدل الجديده وبكذا تكون افتكيت منه 50% والجوال اشوفك بعد غيرته وبكذا تكون تخلصت من 30% صار المجموع 80% انك ماراح تشوف وجهه وتفتك منه وبتقول لي العشرين في الميه كيف طيب ؟؟ بقول لك لاتقرب ماما نوره اللي في العليا وبكذا ماراح تقابله الا في الجنه كانك انت واياه من اهلها وهذي اشك فيها والعلم عند الله ههههههههههه
ههههههههههه شعوري لايوصف وما اقدر اعبر لك عنه في مليون سطر بس ابختصر عليك الموضوع وابقول لك اني يوم شفت موهند هاللي طايرين فيه العالم وصجه ولجه عليه ما اعجبني ولا استنكرت الموضوع ولا شفت فيه زود وكل هذا لاني شايف وليد واحرق كرت الرجال في عيوني
لا لا لا كذا ابدري انك فاهمني غلط كل هالسنين من قال اني حاقرك عشانك من الخرج ؟؟ بالعكس انا حقرت الخرج عشانك فيها وبعدين لاتكره ابوك الله يصلحك والمفروض انك تحج عنه كل سنة اللي شقلك انت واهلك في السدرك البوقس حقته من جيزان للخرج وخلاكم تعرفون المرجله وتماشي وليد واشكاله والا بالله لو ابوك ماسوى هالخطوه الجريئه وتغرب فيك انت والقرود اخوانك كان وش وضعك الحين ؟؟؟ قااات وخياااس ووزره وتهريب زيود وتاليتها ابجي اخليك تنادي بنتي بالمكرفون من المتوسطه الخمسون للبنات ابوك الله يهديه يسمع بالهجره ويشوف الاخبار واجد وخاصه هروب المغاربه والجزائريين لاسبانيا وفرنسا وسوا في امها برزن بريك فيك انت واهلك واختار منطقه مدري وش يبي فيها الخرج للمعلوميه وقل لبوك انها منطقة نفي ولو يقدم على الحكومه انه رايح من نفسه عطوه شرهه سنويه ودفعوا له اجار بيتكم عشان مايرجع
ههههههههههههههههههههههههه كفيت ووفيت والله لايهينك يافليسكو ياعمري وياحياتي انت وسلم على موهند الخرج تكفى الاملس ههههههههههههههههه يالله حي ابو عبدالله منور يابعدي واطيب الساعات والله قبل اشوفك هنا
اول ساكن في حي العليا بحي النخيل وملينا الحقيقه انا واهلي من هالحي البايخ ومشاكل المجاري والحفريات اللي فيه وقررنا ننتقل لمنفوحه جنب مسجد بندر
والله شف يابو عبدالله الكلام يطول في هالقضيه ولا ودي احوقها وتصير وحده منهم في الحاره مسجله معنا او زائرة ثم تقول دعلج فضح فيني بس الوكاد اني اذكر وحده منهن اسمها صالحه الله يستر عليها كانت تشبه النامي لاعب الهلال بس اجلف منه ومني ومنك ومن اي رجال تتخيله بالوجود وطبعاً كل هالجلافه يوم كان عمرها 9 سنوات وفيه اشاعة قوية تقول انها هي نفسها سعيد الصدعان راعي الطقاق والسواطير اذا تذكره لانهم اكتشفوا بعدين انها ذكر على جفاستها ولعانتها ياخي ذيك الانسانة الوحيدة اللي كسرت شي اسمه انوثه !! اي انوثه الا كسرت شي اسمة انسان كانت تصدمها السيارة وهي تمشي 80 وتقوم تنفض قميصها اللي مافيه سنتيمتر واحد نظيف ياخي اول مره اشوف قميص فيه دود واقسم بالله اني ما اذكر بحياتي شفت عليها نعال وكانت تطلع لابسة وواضح انها مسبحه غصبن عنها ومكدود شعرها وحافية الغريب اني اذكر صوت القزاز في الحيالة وهي توطي علية وهو يتهشش ولا عمرها قالت ااااي او انجرحت الزبدة علاقتي فيها كان استغلال منها طبعاً لاني سديراوي وبزر ومسيكين وكانت هي الظهر حقي في الحاره وابن امه يلمسني <<< امحق هههههههههههالزبدة كانت مستغلتني اني اجدل لها شعرها على العتبه كل يوم وكانت من سعة الوجة تطق الباب واذا فتح ابوي قالت وين محمد واذا طلعت لفت براسها اللي اشوف القمل يمشي كبر الذباب وتقول اجدله اخلص << بنفخه واقعد اجدل فيه ياحبي لي وانا زي الكلب واذكر وشلون اروح اغسل يديني اول ما اخلص وكلها زيت والله ما انسى شكل المويه على يديني كني ماكل مفطح ومغسل بمويه وبس مايقعد الماء يتبقع على اليد بالعربي يا املس يا وصخ يامفتح المواجع كنت المجدلجي لصالحة
لعبت الثنتين بس اكثر شي كنت اعشقه لعبة الدبق لانها ماتجي الا بالبوبزه وانا شخص اقدر شكل البنت وهي تمشي وهي مبوبزه <<< يلعن ام جوك بعد
في الشهر الاول من حياتي يوم بديت اميز الاشياء وكنت اذكر وقتها اني ما اتحمل فراق امي وحتى لو اشوفها تخض لي الديد اقعد اصيح ابي احضانها << الله من النصب بعد تتذكر وانت في المهاد اجل
احب اكثر ((بزر)) <<< يحسبها من ضمن الخيارات منور يا الاملس والله لايهينك يابعدي وشكراً كثير فسقان هلا هلا يالله حي القاطع وعاش من شافك والله
والله اني ما اذكر هالتحدي من كثر ماتحديت عالم وكسرت عيونهم لكن ماعندك مشكله اكمله وادري اني ما ادخل في تحدي الا فيه خساسه ودايم انا الفايز والمنتصر فلذلك ليش لا !! اتحداك واتحدى اللي جابوك بعد
شف وانا اخوك الساخره شي والوساخه شي ثاني فليش تدخل الثنتين على بعض الكتابة الساخره لازال كثير يحبها ويدورها ويستمتع فيها ... اما القذاره والوصاخة اللي تجي مكشوفة وبوقاحة فلو تجيب اكبر داشر في الكره الارضيه نقد على الكاتب
مدري يا فسقان تبيني مثلاً اكتب موضوع واحط فيه مثلاً " تؤبرني شو هالهياط كلو " !! عشان يصير لي متابعين من لبنان واضرب المثال على كل البلدان الثانين ؟ يارجال ماهنا احسن من انك تكتب على طبيعتك وعلى شخصيتك وبيئتك ويكفيني اللي يقرون لي واللي فاهمين ثوارتي ودباشتي ويفكون الخط حقي ويوصلون لمعاني عباراتي ام النطاق وتوسعته فخله في اللي انت خابر وخلنا نشوف السؤال اللي عقبه قال ايش قال نطاق على تراب يرحم والديك << وراني حمقت عليك وقلبت كذا ههههههههههههه
الذكي هو اللي ينجح يا فسفس << الله يلعنك حتى تدليعك وصخ زي وجهك لا جد الذكاء ينجح الكاتب ويوصله للقمه في اسرع وقت وخاصه اذا شغل مخه زين وماجاء على وجهه كله وعرف يصنع له خط سير خاص فيه ولون محد اشتغل فيه من قبل <<< اللون طبعاً مو من الالوان حقت التشكيله يا ثور اقصد في اللون يعني جو جديد وطريقه جديدة ويكون هو اللي مبتكرها ..وكثير كُتاب جدد طلعوا في النت ولازال يطلع الكثير والكثير وماشاء الله اشوفهم غطوا على كُتاب كثاااار كانوا قدام وماسكين الطاره في زمنهم والشغله ماتحتاج مواصفات خاصه وهالخرابيط الموضوع يبي فهم والمام باللي قاعد يصير ودراسة وخبرة قبل لايجي الواحد على عماها ويحوق الحابل بالنابل والخبره اقصد فيها انه يكون عارف اسلوب الكتابه وكيف توصيل الفكره بشكل ساخر غير جارح وبطريقة تجذب القارئ وتخليه هو وغيره ينتظرون موضوع جديد لنفس الكاتب
والله اللي ظاهر للناس هالخشم ومن سوء حظي انه في وجهي بعد << بالله اجل تبي خشمك في ظهرك مثلاً وبعدين ان كانك شايف فيني شي كبير غير خشمي وحابسها بقلبك فالمساحة مفتوحة طلع اللي بخاطرك وفضفض ترى مسموح مشكور يافسقان ونورت الحارة كلها بها الطله والله لايهينك ماشي صح يالله حي هالخشه وابقها وخلها لي ولاتحرمني اياها ابدن << أمه وهي امه مادعت كذا الله يطول لي بعمرك يابو صح ولايهينك لا اول ولا تالي .. ويشهد الله انك من الناس اللي اعزهم واغليهم بقووووووه وما اقول هالحكي نفاق او رياء عشانك مدحتني ويشهد الله اني فرحت بوجودك وبحضورك يالغالي وياجعلك انت واهلك وجيرانكم وكل من يعز عليكم في جنات النعيم << قاعد اعزم انا استغفر الله العظيممشكووووور يابعدي والله لايهينك تروبيكانا يالله حيه وابقه ومشكووووور يابعدي على المقدمه اللطيفه << تذكرت خالتي
اعتبره ميلاد جديد والمفروض دور كل سنه بها التاريخ اسوي حفلة عيد ميلاد في سدير واعزم القراوى وادري انهم بيفهمون غلط وبيفرشون في الزفلت واللي بيجيب جريش واللي بيجيب قرصان وبزرانهم بيشغلون الديره كلها بالشروخ والصجه وطقطقة البيبان يبون العيديه عاد عندك ناس هناك ماتصدق على الله
قسم بالله كني اراجع في كتاب التاريخ وبعد شوي ابخش القاعة اختبار شف ياحبيب قلبي انت صادق بمعلوماتك ولاحظ ان العصور الذهبية اللي تكلمت عنها انت بطلها يكون شخص واحد بس المساطيل عصره الذهبي الحين والجاي ان شاء الله وبطلها مو شخص واحد الكل في هالحاره هو البطل وهو اللي خلا المساطيل مطلي بالذهب ومتميز عن كل المواقع الثانية وانا اشوف المساطيل الحين في عامه الذهبي لا من ناحية التميز ولا من ناحية نوعية المواضيع واسلوب الموقع وسياسته ونوعية الاعضاء اللي فيه تختلف بعد عن المواقع الثانيه واقسم بالله ان هالحارة غيرررررر وبتبقى بإذن الله غيررر للأبد
هههههههههههههههههه راحت الجنادرية وراح عقبها 3 جنادريات وانا في هالمقابله والله اني مستحي في العيال وبس والله يلعن الظروف وابشر ان شاء الله الجنادرية الجاية لعام 1435 راح تشوف الموضوع في الشله مربوط في ظهري وسايقيني انا واياه للديوان وشطب ان قاله الله لان خبرك عقب اخر موضوع حق ساجدة آمين وهم مبصميني بالبصمة الحمراء
بيت قديم بس احبه خطاك انك تصدقني اذا قلت لك بنساك ... انا لو نسيت الحمد قلي وش اصلي به
كثيررررر وانا اخوك .. وفي واحد من الردود قلت كم يوزر وباقي كثرهم واكثر بعد ومشكور يابعدي على الحضور وعلى الرد وعلى كل حرف كتبته لي كلمات يالله حيه وابقه والله يا اسئلتك ناقص يجي مشرف مدرسة عندي ويراقبني عشان ما اغش او معي براشيم
ياليتتتتتتتتتت بها الفانوس الحين !! واكيد راح اطلب وبدون تردد 1- نص مضبي من المكي 2- ببسي باااااارب 3- دراق فراولة <<<< لاتشره شف الساعة وازيدك من الشعر بيت اهلي في سدير وماكل هواء ويحلفون لو تشوف المطبخ ان تقول حشى لاعب فيه 40 جرذي مافيه الا خبز يابس ومقرم مع الاطراف وقراطيس جبن مثلث وقشر بيض مسلوق << اسهل الطبخات والا بالله في احد صاحي بيفوت المارد ؟؟
والله مره قطعت اشاره وقدام قسم الشرطه في سدير وماكنت ادري عنهم ومسكني العسكري وقال شف ياولد الناس قضية انك قاطع اشاره بالطقاق ومافرقت عندي بس قضية انك تقطعها قدام القسم وانا موقف بالجيب جنبك بعد في الاشاره ولاتعبرني فهذي معصي صار جنبي ولادريت عنه بعد من الفهاوه الزبدة وينزلني انا وكان معي خالي ويدخلونا القسم ويجلسونا وسوالف وانقلبت صداقة ابشرك واقسم بالله اننا متعشين على تيس مندي ذيك الليله كلنا حنا والمستلمين في القسم من عسكر وضحك وفله وفي الاخير لزم علينا واحد على الغداء واعتذرت ويالله فكيت عمري منه (( ياحبي لها السديراوية)) ويوم خلصنا وانا قاعد اغسل وبنمشي للرياض ويجي الرقيب ويمسكني عند الباب ويحط في يدي بدون لحد يشوف كنه ماد لي دراهم واخذ منه هاللي مده ولا ادري وشو ويوم ركبت السيارة لقيتها قسيمة قطع اشارة هههههههههههههههه نعنبو خيرك استح تونا قايمين من على التبسي حسبي الله عليك نعنبو خيركم حاطين لي تيس عزيمة ب 480 ريال اكثر من القسيمه نفسها وجاي تمد لي قسيمه خذت القسيمه وقلت ياولد اعتبر هالعشوه بقيمة هالورقه وكنك عازمه يا محمد وكبر راسك ورح لهلك وبالفعل توكلت على الله والحمدلله على كل حال
اي عنف اسري !!! وين حنا فيه يالاخو تصدق عاااد !! وين حقوق الانسان يومنا بزران ؟؟ حرام بالله ان يتلون الشايب مع رجليه على الدبغ اللي كان يجينا ياحبي له وياجعل الله يحفظه لنا ويخليه وقسم بالله جلدني جلللللللللد مايعلم به الا الله لو يمر احد ويشوفه وهو يلزخ فيني قال صبراً آل زامل مثل آل ياسر بس ماضرنا وهذاني طلعت رجال وملحوس بنفس الوقت ماقد انحشت ولا قد تعرضت لعنف في حياتي ابد ابد ابد لدرجة ان مره ابوي ذب المخده وطقت في راسي وجاء وقام يعتذر ساعة انه مو قاصدها ولا ارتاح الين قلت له خلاص مصدقك بابا <<<< مير كلمة بابا هي اللي اثبتت انك تسذوب وانك منتب كفو تقولها بحياتك
لا ولله الحمد والشكر
: قل صدقت صدقة شنيعة
قلب حبيبتي <<< سوا فيها ابو الرومنسيه
غشاء بكارتي <<< يحسبها للناس كلهم
اص حبيبي اص للفنان بدر الحبيش على ما اعتقد
رساله من امي وهي تقول صك الديمنو تراه يعلق لايفيض الخزان ويقطعون البلدية عنا المويه
الدينمو
امس ما اذكره تبيني اتذكر السنة اللي راحت ؟؟؟ خبل انت ولا تستهبل ؟
ان تدري انك مريض بمرض خطير وماعندك رصيد اعمال عند ربك
انك تدري انك مريض بمرض خطير ويصير عندك رصيد اعمال عند ربك << الحمار بيسوي ذيب بسم الله علينا وعليك وعلى السامع من الامراض الشينه والله يجعل العافية ثوبنا وثوبكم ان شاء الله
لازم الاحراج يعني ؟ ياخوك ماعندي سرير كلها مطرحه من 12 سنة وانا ازقلب فيها من غرفه لغرفه لدرجة انك لو تطقها بيدك بقوه عجت الغرفة وقعد الغبار يوم كامل مافيه شي تحت سريري وكل المجلات اللي كانت موجوده احرقتها وصليت ركعتين واستغفرت لربي << لاتصدقون وجع وقسم بالله منيب من اهلها
على وجهي والدليل خشمي انا الانسان الوحيد اللي اقدر اقعد على منطقتين في جسمي طبعاً وحده معروفه مابي اكتبها وخشمي والصدق انام على الجهتين ولازم اتقلب شوي كذا وشوي كذا كني حبة دجاج على الفحم
ضاطور لو تشوفه ان تطق الحق معي انه ضب ناقصه عكره بس بدال هالذنب الاملس الله ياخذه وبعدين حاقرني ولاطق لي خبر واجي اهشه بيدي واهوب عليه بالنعله وكل اللي يسويه يرمش بعيونه << الا الضاطور له رموش ؟ 
الغلط
الشي القوي مره
اي شي خالي من المصاله
مابعد صادفت سؤال تأفه ابشرك
اسمع احد يعيرني بيوم من الايام ب " الافنس " عشان خشمي صار صغير واشكرك اخوي واعذرني طمرت بعض الاسئله لاني تعبت وراحت ام اللياقة ومن جد مبسوط فيك وفي حضورك وفي اسألتك الجامدة الله لايهينك يابعدي وماقصرت الدفاية
هذا بعض من فيض وانا اخوتس وياما بتشوفين مستحي اسولف عن العنز اللي شبينا فيها عشان نموت الحشرات اللي ناشبه في ديودها وكان حادثه ترى مو مقصوده جبنا الكبريت انا واخوي وشبينا في حشرة " القراد " وكان شعر العنز الله يهديها طويل << الحين هي السبب اجل المهم ويعلق الشعر وتشب وتنطلق ركض والضيان مولعة تحتها وحنا نركض وراها نبي نطفيها واشوى لحقنا عليها في الرمق الاخير يوم انحجرت في غرفة الغنم وقدرنا نطفيها وكان ديدها كله محترق ويصب ماء وجوايا وعقب 3 ايام ماتت موته طبيعيه وحتى لو ان ابوي لعن خيرنا وقال ان حنا السبب لو احنا السبب ماتت في نفس اللحظه << كل تبن بس
جعل الدوق يعض وجهتس قولي آمين انا اقصد بالدوك اللي هو الامير البريطاني واذا ينطق دوق فبطلنا خليني على وظيفتي اللي انا فيها ولو انها على بند الاجور راضي ولا اصير تسلب اخر عمري ومشكوره وانا اخوك على الرد والله لايهينك الخدرعي
ههههههههههههههه اول شي حياك وانا اخوك وقضية الانقطاع اسبابها الاشغال وكثرة الارتباطات واكيد لابد ماتختلف الامور عند البعض منا .. اما سالفة شقة وسحبة على المنتديات فلا والله ماصارت بالعكس المنتديات لها مكانة عندي وعند غيري ومانستغني عنها ابد مهما انقطعنا بس انت خابر هذا توظف وهذاك تزوج وهذا عندة شوي ظروف وهذا انتقل لمكان وهذاك سافر و و و و بس صدقني " لابد أم سُحب ان تفارق وتظهر اشعة ام سمش من جديد " << جيزاني بيتميلح بمثل روبرت دينيرو
ليه لا ؟؟ وماراح ارفض لو يجيني عرض اكتب كلمات اغنية غربية بعد
شكرا ووجهة نظرك ما اقدر اقول فيها شي بخصوص بعض الكُتاب والمخرجين ومشكور اخوي وماقصرت بها الطله ولك مني اطيب الاماني لك بالتوفيق هكس
هههههههههههههههههههههههههههههههههههههههههههه هههههههههههههههههههههههههههههههههههههههههه قطع الله وجهك على هالمداخله الوصخه والقذره يا خسيس وبعدين انا داري وش حارق رزك ووش قاهرك ومخليك ماتواطني بعيشتك رضيت ولا انرضيت هاني وولف سحب البساط من تحتك وحطك فوق شوك كل الوقت تحكحك في عمرك كنك من ربع حسن بلونه لله درك يا هاني وولف وعسى الله يجيب ايامك يوم انك خليت هكس ماضي واشغلت العالم فيك وفي قدراتك والله يلعنها من ساعة يا هاني اللي صرت فيها صديق لك وخليت هكس يكرهني ههههههههههههه مشكور ابو عذاب ونورت بها الطله وحتى لو هالطله شين مثل وجهك بس ماعليه عزيز وغالي ومقدر وضعك وضعفك والا كان علوم الحب اللي كان
ههههههههههههه والله الشرف لي ياولد اختي بس اثبت هالحكي ؟؟ هل في فخذك الايسر حبة خال كبر القبون ؟؟ اذا ايه تعال بالاحضان
والله ياخوك مدري وش هالملعب ماتدري يالواحد انت تلعب قيم ولا تطعس اول مره اشوف ملعب الحارس مايشوف باب الحارس الثاني لانه ورى جرف ماتدري الا وهالجمه جايينك من فوق جبل يركضون ووراهم العجه بس كانت ايام
ههههههههههههههه ياخي شكلي مكشوف وحتى اللي بالطيارة وعلى ارتفاع 35 الف قدم لو بيطل مع الدريشة بيشوف ظهري وانا جنب المنقع من كبري وهالهواية مشغله بالي ومخليتني الحين افرررررك في يديني ودي اصيدك
المعشبه على كلام جدي يقول انه هو و3 شيبان معه مكتشفين البترول قبل العالم كلهم يقول بس ماكنا ندري وشو يقول شي اسود نطلعه من الارض وقلنا يمكن انه زيت وصرنا ناخذه في قوارير ونعطيه الحريم يدهنون به روسهن الجهل ضيع مستقبل جدي ومستقبل احفاذه والا كان الحين تطلع الدوله اسمها المملكه العربية الزاملية << اقول الفقها لايعلقونك برجليك ويطلعون البترول اللي قد دهنت به جدتك راسها من بطنك مشكور اخوي سعد والله لايهينك ونورت يابعدي اعتذر عن التأخير لظروف خارجة عن الإرادة ويشهد الله مستحي فيكم وفي مشرفين الشلة اسف اسف للجميع... لي عودة ان شاء الله بس هالمره قريب ان شاء الله 
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
