 |
 |
 |
 |
 |
 |
 |
 |
|
||||||
| شلة الحارة منتدى الزحف والعيارة |
 |
|
|
أدوات الموضوع |
22-02-2009, 11:43 PM
|
|
||||
|
توه ساكن
|
تعال ايها العضو لنسوي لقاء مع اسطورة العياره ( دعلج ) <- تسمع باللقاءات انت ووجهك؟!
. .         دعلج يستحق منّا كل تقدير لما قدمه من ابداع لا يُضاهى في المجال الساخر و إستضافته للأمانه هي شرف لنا ، لنتعرف من خلال هذا اللقاء ادق التفاصيل عن شخصية هذا الرجل . مجال الأسئلة مفتوح للجميع ولكن نتمنى أن تكون هذه الأسئلة بعيده عن خصوصيات الضيف ، وأي سؤال يتطرق لأمور شخصية سنظطر أن ننتفه دون الرجوع لصاحب السؤال  كما نود ان نقدم الشكر الجزيل للمصممة ( تؤبر تسبدي ) على جهدها الكبير في عمل التصاميم الخرافيه و " المجانيه "  واهم شي انها مجانيه لوها بفلوس عز الله ماسوينا اللقاء بهالشكل  ،، و وشووووله الواحد يكلف على نفسه ؟! واقل شي نقدمه لهالمبدعه وضع ايميلها الخاص بطلبات التصميم والدفع مقدماًللمصمم وللوسيط  الايميل sunlove_hmc_@hotmail.com تصميم مواقع ، بنرات ، بوسترات مثل حقتنا ، نقل عفش ، توصيل مدارس ، كلشن موجود . اللقاء مفتوح للأعضاء لمدة اسبوع في طرح اسألتهم تم رفع الملف على 5 مواقع برايفت ابو وفىZippyshare.com Rapidshare.com Uploaded.to Filefactory.com Easy-share.com و من هذا المقام احب ان اشكر الفنان الكبير باك تراك اللي رفع الملف في هالمواقع كلها بضغطة زر واقلو له كل تبن ظنك بيجي اليوم اللي نعرف نرفع ملفات من اجهزتنا ؟!
آخر تعديل Z3eem15
في 10:37 AM.
|
||||
|
22-02-2009, 11:54 PM
|
|
||||
|
عيـّاره
|
هل لخشمك دور في كتاباتك العياريه .؟؟ مهدئ لذاتك .. ملهم لذباتك؟ هل يساعدك مثلاً بضخ كميات كبيره من الهواء الساخن للريلاكس  إن جاني سؤال منيب مخالفه ابجي اركض <-- ماتعوقين عاد الكتاب القدماء زاخرين بالذبات القويه وسعه الصدر الآن لو تذب على واحد بموضوعك طب عليك وركض يشتكي اول كانوا الناس يدخلون يذبون ويوسعون الصدر ويطلعون ماخذين النت على تغيير جو وفله حجاج وقشام منتثر على الكيبورد وبياله شاهي مكبوب وملثد والكشه منتفشه يالله الخيره والقميص مرّقع شيّن شوربه ملطوطه وشيّن منا عجينه لقيمات الوضع ايزي كان وقلوبن سمممحه اتعب وانا اقوول سممحه ماتاخذ على خويطرها شي  <-- الدعوا في حب وقشام اكيد ايزي مير الحين اعوذ بالله ..!! النفوس خاست وكلش بحسابه وفلان شف وش حط وفلان يتميلح وفلانه وش قصدها يوم تقول تسذا ووش علتها عاد انتوا اخبر منيب قايلتن زود على كيفهم يقيمون الناس واللي بخواطرهم ..!!  نصيحتك لهؤلاء فضيله الشيخ <-- هو انتي خليتي شيّن ماقلتيه ؟ السائله الكريمه ح ب ق
آخر تعديل بخيته
في 01:48 AM.
|
||||
|
23-02-2009, 12:07 AM
|
|
||||
|
مراقب عام
|
تو ما نورت الشله باك يبو يدينن دافيه نوّرت مطرحك يا باشا هذا اللقاء كان من المفروض ان يتم من شهور وقبل شهر رمضان بالتحديد ، وشائت الضروف اننا نسويه اليوم ، دعلج للأمانه انت بالنسبة لنا قامه عياريه لا يعلى عليها ، تعلمنا منك الكثير ، بالنسبة لي اذا احد سألني لوين تبي توصل بهالحواق اللي تكتبها في الشله ؟! اقوله ابي اصير ربع دعلج ربع دعلج يعني انت قمة العياره وليت عيارين اليوم ياصلون لربعك ياشيخ والله ان تلقى العياره ماشيه سوقها مثل ماهو ماشي سوق ابو نوره في الغناء كنت اشوف مواضيعك واقول هالادمي مهوب طبيعي ، بغض النظر عن عيارتك إلاّ ان خيالك في سرد المواقف يحسّس القارئ انه عايش هالمواقف واقعياً ، مهوب يقراها وبس ، تشبيهك بليغ لأبعد درجة ، مَلكَه هااااائله في الوصف و السرد ما شاء الله عليك والله ويشهد على كلامي مهيب مجامله وبشهادة العيارين المذكورين اعلاه والكثير من متابعينك ، انت الرمز الأكبر للعياره في الشبكة العنكبوتيه ماودي اطوّل عليك ، وادخل في الاسئله طوّالي .انا ما راح اتكلم عن انقطاعك ولا بتكلم عن سبب قلّة مواضيعك من تالي ، كل هالامور ذكروها الشباب بالاسئلة . دعلج انت وينك عن كتابة المسلسلات الكوميديه ؟! هل عُرض عليك الكتابه و رفضت أو ما سنحت لك الفرصه ؟! ... تشرفت بلقائك مره وحده واصطحبتك لكورنيش جده ومن خلاله تعرفنا على المصري البثر اللي كان يسولف مع سمك ابو العربي كنت تسولف معي بالسياره وماخذ فكره ان جده مثل الاسكندريه ممكن تشوف حريم يمشون من غير عبايات بالشوارع او حريم يشيشون بالكورنيش بعد رؤويتك لجده على ارض الواقع بحكم انك اول مره تزورها  هل الكلام الي تسمعه عنها هو فعلا صحيح ولاّ شباب الرياض الله يهديهم مضخمين الامور ؟! .. منتديات الكاسر يعتبر منتدى شهد بداياتك وبالتحديد بقسم ( الالعاب ) كانت بدايه بسيطة ومشجعه للاعضاء المبتدئين للكم الهائل من المصاله التي كنت تتمتع بها ( تذكر يوم ذليتني بإيميلي يا حقير؟) مير البدايه تهون ، البلا ان ايامها طاق الثلاثين ويكتب في قسم العاب وهذا اللي غابني وما نستغرب يا اخواني الاعضاء بعد هذي البداية المشجعه في قسم الالعاب اذا دريتو ان اللي اخترع لعبة دغدغني وقبصني هو دعلج رجّال هذا كبره ويلعب مع وراعين اعمارهم ماتتجاوز ثنعشر سنه ياخي فشلتنا بغيت اريش بك شوي لكن من جد ماتستحي على وجهك دعلج انت كنت بوعيك يوم تكتب في قسم العاب ؟ نعنبو ابليسك طالع من بطن امك جحش وش كبرك يوم يعطونك الرضاعه كنت تاكلها لين صارو يحطون لك الحليب في انبوبة غاز ،، ومع هذا شايف نفسك بزر ؟ طرحت اكثر من موضوع بطل ، مثل ( دعلوج يسوق الطياره ) سيكل انت ووجهك  وكانت تجيك ردوود مثل ردوود الاخت نهاوي   انت ليش ما تشارك بقسم غير الالعاب يا دعلج؟ لمّا تكتب موضوع بهالشكل الممتاز وتجي ردوود مثل كذا ماكانت هالردوود ( تثبط ) من موهبتك الساخره ؟! انا اللي لاحظته انك ماكنت تبحث عن الردوود بقدر ماكنت تبحث عن تفريغ هذي الموهبة ، والدليل ردك على نهاوي  وانت صادق ماكنت تبحث إلاّ عن الرجه والصرقعه  .. نجي للسؤال الأهم / يوم شفت هالبرنتات ورد الاخت نهاوي وش طرى على بالك ؟! هل انت من النوع اللي يحن للماضي ، واذا حنيت ماودك تروح تنزل موضوع بقسم الالعاب؟ لا صدق وش يعني لك هالماضي يا دعلج ؟!  ... انصح الاعضاء يقرون هالموضوع عودة دعلوج من ضياع دام 10 سنوات وش عنده عصويد الشبكه العنكبوتيه .. - دعلج يهمني رايك في الشله بالوقت الحالي ، ووش الفرق بين شلة زمان و شلة اليوم بدون مجامله تكفى ؟! - سلبيات تشوفها فينا كمشرفين للشله وودك نتلافاها ، وبرضو من غير مجامله والجواب إلزامي ؟! ... نرجع ل جده اول ماجيتك الفندق وفتحت لي باب الغرفه وشهو اول شي جاء بالك يوم شفتني بهالحلاوه وليش حركة الاصبع الغير اخلاقيه وانا داخل ؟! ابي انطباعك بهاليومين اللي قضيتهم معي في جده .... عموما انا انتهت اسألتي واحتمال اني ارجع بأسئلة في أي لحظه واشكرك على تلبية الدعوه
آخر تعديل Z3eem15
في 11:50 AM.
|
||||
|
23-02-2009, 12:38 AM
|
|
||||
|
راعي محل
|
وأقولك إنك تشبة لرجل خالتي منيّر؟!  ..(عاد زعيم لاتهبل فيني زي الكايد ماعرف اجلس واسئل زين خلوني أتركى وأخذ راحتي)<-- ناوية تتمدد وتنسدح فيذا وأخرا كم عمر بنتك هدى أقصد "عادل" ؟! .. . .
آخر تعديل حايمتن تسبدها
في 01:07 AM.
|
||||
|
23-02-2009, 12:58 AM
|
|
||||
|
من شيوخ الحارة
|
انا سؤالي واحد دعلج تحبني ولا حبي من طرف واحد < اذلف دعلج لو لك امنيه وحده وش هي لو انت التغ وش تسوي بروحك ذبه جت ببالك علي واستحيت تقوله تكفى قله < واثق ان وجهه ارض خصبه للعياره دعلج ابي وعد منك ترسلي اخر موضوع لك على الخاص (تعرف اي واحد الي راح هناك هههههههه ) تكفى لاتجحدن منور يادعلج |
||||
|
23-02-2009, 01:15 AM
|
|
||||
|
العدوان الغاشم
|
دعلج يا تبن تتذكر عام 2001 ميلادي وكان يوم الخميس .. وأول لقاء جمعنا في الاستراحه اللي كانت إنطلاقة الهبال ومنبر الزحف اللي يمتدّ صرحه من ذاك اليوم الى الحين ؟ كان يوم تاريخي مجيد نقف له جميعاً إجلالاً واحتراماً لأنه تسببّ في تأسيس أمور كثيره بيننا .. واحد منها هالموقع اللي جامع هالأربعه وتسعين ألف عضو وبعدد زوّار مدري كم وبقدر كبير من الشهره والعلو اللي ما يُستهان فيه .. الله يالدنيا انا والله يا دعلج ما جيت امدحك .. ولما جاني زعيم يطلب اني اعطيه رآيي فيك .. بغيت اصكّ مسنجري وادق عليه بسرعه احلّ المشكله احسبكم متهاوشين وش اللي يا زعيم تبي رآيي في دعلج .. اثره يبي كلمه مدري نبذه عنك انت اقسم بالله يا دارت الدنيا فيني معد ادري وش اسوي مع اني اعرف نفسي الله لا يولّيني على كيبورد قل آمين الا هالمره ياخي لطعت الرجال يومين والله كل ما بغيت ابدا وقفّت .. ما عرفت ابدا هذي اولاً .. ثانياً لو بديت منب عارف وش اكتب ووشلون اكمّل .. المشكله يقول لي اختصر لا تطوّل نبي شي مبسّط .. حتى شف بالبوستر اللي عطيتهم اياه اقرا اني كاتب ( عِشرة عمر وسنين صعبه أختصرها بخمس سطور ) .. مهب اللي قالوا لي خذ راحتك واكتب اللي يطيّب خاطرك ولا هم اللي جابوا لي واحد عادي اكتب نبذه عنه .. جايبين دعلج ويقولون اختصر لو سمحت .. اقول عاد خذ الاسئله ولا يكثر يالواطي <-- افا سلامات وش جاك ! السؤال الأول : سؤال بيتردد عليك كثير بهاللقاء وانصحك نصيحة اخو انك تحطه مقدمه قبل تبدا تجاوب عشان تفكّ نفسك .. ألا وهو سبب انقطاع دعلج عن الكتابه الساخره ؟ هل هو عجز دعلج عن إيجاد أفكار جديده او ان الشغله صارت ممله ومستهلكه بالنسبه لدعلج ؟ رجائي الخاص ما تتعذر بالوقت وكثرة الأشغال لأننا ثنين عارفين بعضنا زين انا من ناحيتي عندي إيمان تامّ بأنك معين لا ينضب من الأفكار و الأحداث و صناعة محاور القصص والخيال القروي الواسع ولكن الجمهور المحتشد يحتاج إجابه وافيه وشافيه .. صدقني الناس ملّت وصارت فاهمه مسألة الوعود انها مجرد تبرير مؤقت للغياب ولا يستجد بعدها اي شي .. السؤال الثاني : مهما كان بيننا لاحظ اني بقلب عليك الحين لأن الضيف دائماً في موقف ضعف ويعتبر تحت رحمة مقدّم البرنامج او اللي يطرحون الأسئله .. صديقي العزيز دعلج .. لاحظت عليك تغيير كبير بعد لقاء الأوربت اللي تمّ على الهواء مباشره .. شي طبيعي تنتشر الصور في الإستديو وانت أمام نايف ابو صيده .. ولقطات الفيديو بيشوفونها الاعضاء وغير الاعضاء .. كل هذا شي طبيعي وأكيد انك حاسب حسابه قبل لكن هل سوّى تأثير على دعلج وخلاه يهدّي اللعب شوي ويخفف من دخوله للنت او قل مثلاً يخفف من طرحه للمواضيع الساخره اللي كان قبل اللقاء تقريباً موضوع شهرياً اما الحين كل ست شهور موضوع يعتبر نسبه جيده .. - أجب بصح أو خطأ مع التعليل : 1 - مزرعة أبوك في سدير تعتبر المُتنفس الوحيد لك ولنكهه قبل سنوات بإعتبارها ( أرقى شاليه شفتوه بحياتكم ) ولكنك الحين صاير تصرّف نكهه ومعد تآخذه هناك معك لان جتني اخبار ان ابوك زبّط المزرعه و حط بيوت محميه وصار يزرع طماط وخيار وخس وكراث وتخاف على المحصول لا يقول به ذا القزم جاوب يا كلب ومره ثانيه علمني لا بغيت تروح 2 - إتساع رقعة دولة المساطيل وانتشار ثقافة الموقع الساخر في أرجاء الإنترنت راجع بنسبة كبيرة ( تقارب 70 % ) لتوفيق الله أولاً ثم لشهرة دعلج في عالم العياره والقصص الساخره قبل افتتاح الموقع مما أدّى لقدوم الأعضاء والزوار بشكل متتابع ونهضة الموقع بشكلٍ سريع 3 - ولعك الشديد بحيوان ( الوبر ) وتربيتك لأعداد غفيره وهائله لهذا الكائن الحي الشبيه بالجرذي في سطح بيتكم راجع لأنك حاولت وحاولت ولكنك ما فلحت ابد انك تصير كيوت وياي وعجزت تربّي ارانب بيضا .. لذلك مالك الا تعبّر روحك بالوبر لين ربي يفرجها عليك 4 - مطبخ المساطيل .. قسم تم افتتاحه من عهدٍ قريب وتطوّر سريعاً وأصبح من الأقسام الجوهرية بحارة المساطيل وذلك راجع أولاً الى توفيق الله سبحانه ثم الى كفاءة واقتدار الطاقم الإشرافي وإبداع الاعضاء .. ولكن هذا كله ما يعنيك ولا يهمك لأنك تطلع بشكل شبه يومي للإستراحه وتطبخون العشا ولا فكرت تصوّر وتنزل موضوع عندهم <-- حقير الولد هذا 5 - حجب المساطيل لمدة أربعة أشهر كان أكبر خدمه حقيقيه للموقع ومن بعده كانت الإنطلاقه القوية لكونه أدّى الى تكريس مبدأ ( الولاء للمساطيل ) وصار الحجب مضرب المثل لوفاء اعضاء الحارة لموقعهم , ومن زاوية أخرى اي مشكله تحلّ بالموقع نعتبرها من جانبنا بسيطة وسهله للغايه وصار عندنا ثقه مطلقه في تجاوزها بالراحه لأن اي مشكله مهما كان حجمها ( ما راح تكون أصعب و أقوى من مسألة حجب المساطيل لفترة اربعة اشهر اللي تجاوزها المساطيل بكل اقتدار وكأنه حجب لمدة عشر دقائق !! ) ملاحظه : جاوب زي الناس ولا تستلكع لأني برجع اسأل مره ثانيه - وألف ألف شكر لمصممة البوسترات والبنرات ( تؤبر تسبدي ) .. والله شي خرافي وبطل وشغل احترافي .. المفروض تنحط صورة أمير والا شاعر وأديب والا صحفي معروف وسط هالبراويز ما يحطون صورة خشتك ذا اللي ما حلاها ربي
آخر تعديل نكهة الديزل
في 02:36 AM.
|
||||
|
23-02-2009, 01:20 AM
|
|
||||
|
مصمم جاي بقوة
|
تدري يا دعلج على قطعتك ذي تمنيت ان قسم الشلة يكون دار للرعاية لك ولاشكالك مايطلع الواحد منه الا يا يكون صاحي يا يجيب للبقيه الجنان مدري كيف انا اعلق على تاريخك ولا اسألك وتجاوبني لكن قالوا انك ماوصلت لمرحلة الادراك وانك تتميز بالفهاوة والسباكة لذلك ماابي لا احرجك ولا تحرجني و بعطيك الخيارات وانت تشوف اللي تناسب ولا تتعب عمرك تقدر ترد وتقدر تسحب علي ولا انت اول واحد يسويها دعلج قل هاه عشان تعيش معي المواقف تخيل معي انك في عزيمة وقالطين على العشاء وشوي بطنك يعورك وصحن العشاء بعيد عنك وطبعا لابغيت تقرب لازم ترفع نفسك شوي وتعدل جلستك وساعتها يادعلج الصمت يعم المكان مااحد يتكلم وهذا من سوء حظك ..شوي يوم مديت انت يدك تبي تقطع اللحمه وتقوم وتطلق صراحها.. بالله وش تتصرف في هالموقف؟ 1- بتقول للي جنبك فدا 2- بتقول عادي وتزيدها 3- بتقول هذي اهميه البخور وحبيت اعيشكم مثال حي 4- بتقول عشان نتعشى بسرعه باقي الحريم بيتعشون بعدنا 5- الاجابه عندك تخيل يادعلج انك رجعت البيت على آخر الليل وانت ماشي بالصاله سمعت ابوك مسوي اجتماع مع اهلك على سرير غرفة النوم ويقولون نبي نتخلى عن دعلج .. ساعتها وش بتفكر فيه او وش تتصرف 1- تحس انك خذلتهم وبتسوي انك ما انتبهت وبتعوضهم 2- تحس انك مستاجر عندهم وبتدخل تعطيهم الفلوس 3- تحس انهم يبون يتبرون منك وانك بتدخل ترمي ملابسك عليهم وتطلع 4- بتاخذها مزح وتصك ابوك على رقبته تقول احلى اجتماعات من وراي اجل 5- الاجابه عندك تخيل يادعلج تروح لمزرعتكم يوم من الايام وضيعت الخط ورحت مسافة طويلة والبنزين قرب يخلص ولا معك فلوس وش بتسوي؟ 1- تبكي 2- تنام الين يلقونك اهلك 3- تفكفك السيارة وترجع تركبها يقالك مهتم بوقتك حتى في وقت المحنه 4- تنزل تدف السيارة الين البيت 5- الاجابه عندك -تخيل يادعلج انك على سفح جبل انت والقزم شوي القزم قعد يلعب حولك و طاح وانت تبي تمد يدك تساعده وفيه حلاو مصاص في جيبك اللي فوق وخايف تطيح الحلاوه هل بتساعده ويعتبر هذا وفاء منك ولا تحتفظ بالمصاص ولا عليك لوم ؟ -دعلج وش شعورك لو رحت خطبت عند ناس وبنت انت حبيتها ومغرز عندها وتحس ان دعلج ماهو موجود الا اذا هي موجوده .. وقالوا خلاص بنشوف راي البنت ونرد عليكم خلال يومين .. ولا ردوا عليكم من باب ( افهمها ) وش بتتصرف ؟ -تخيل يادعلج انك ماشي في الشارع شوي تطالع وراك على مسافة بعيده تلقى الناس كلهم يركضون جايين جهتك ويصارخون هذا هو هذا هو وش بتسوي وقتها ؟ -لو ان العالم تحت امرك او نقول انك ملك المملكة العربية السعودية وش التعديلات اللي بتسويها سياسيا واجتماعيا ورياضيا واقتصاديا؟ -شئ رغبت فيه يكون موجود في المساطيل او كان موجود وراح وافتقدته ؟ -شئ تتمناه والى الحين ماتحقق .. نبي اجابه مباشرة -اخيرا نبي سبب مقنع لغيابك عن المساطيل لاتقول اشغال كلنا حتى بوقت الاختبارات ندخل .. مع العلم انك تتواجد في زمن المساطيل الاول بشكل ملاحظ ؟
آخر تعديل Crazy But Funny
في 02:29 AM.
|
||||
|
23-02-2009, 01:30 AM
|
|
||||
|
قاضي الحارة
|
حقيقة إن الكلام قد يقصر عن وصف قامة باسقة كقامة ابا عادل ، ومهما قُلت فلاشك أن شهادتي مجروحه في هذا ( الرجل ) هذا الذي تتعامل معه يوم واحد فقط يأتيك بأسلوب سلس وبسيط وسهل يجعلك أولاً تضحك ثم يجعلك ثانياً تحس إحساس حقيقي أنك تتعامل مع ( أخ لك ) رسالة من دعلج أو رد أو تعليق يحطم حواجز الرسمية بينك وبين هذا بمعنى أنه يُشعرك بالتعامل الأخوي الراقي ( هذه شهادة اشهدها لهذا الأمعة الرخو ) << ماكنا حلوين يابو نجد بالنسبة لأسلوب دعلج الساخر وكتابته فليس عليك إلا أن تقرأ موضوع له وقراءة أي موضوع له كفيلة بأن تُبحر بعيونه اقصد تبحر في مواضيعه << ياليل الابحار بعد هذه الديباجة الطويلة لدي بعض الأسئلة لأخي وقرة عيني دعلج ( قسم يادعلج ماتلاقي واحد يكتب فيك ديباجة مثل هالديباجة وانت ماتستاهل ) احسك بتصير رفرش للصفحة ماصدقت تلاقي واحد يمدحك ماعلينا السؤال الأول : ابو عادل انقطع منذ فترة عن الكتابة لاتقل لي أن السبب ظروف عائلية فمن هم يحولك لايُصدقون ان تفارقهم ولو لحظات ولكن ما السبب الحقيقي الذي جعل دعلج تقل كتابته في الفترة الماضية فأنت الآن في شبه انقطاع !؟ هل نضب قلم دعلج ؟؟ السؤال الثاني : بصفتك أحد مؤسسي هذا الصرح الشامخ بجانب الهندي ابو ريحة ومخترش الجحور والثالث الذي لا أريد ذكره على لساني هل توقع ابو عادل ان يصل منتدى حارة المساطيل لهذه المكانة وهذه الشهرة الواسعة ؟السؤال الثالث : من يُعجبك من كتاب الشلة وترى انه خليفة لك او سيكون مقارباً لاسلوبك ومواضيعك وشكرا
|
||||
|
23-02-2009, 01:38 AM
|
|
||||
|
من شيوخ الحارة
|
!؟ .. المهم مدري وش أبخربط على هالوقت لكن حبيت اسجل اعجابي بهالشخص اللي وصلت اخبار خشمه قبل شخصه وهذا بحد ذاته يثبت لنا ان " الشجره المثمره ترمى بالحصى ".. المهم نبدا بالاسئله قبل ما اجيب العيد لاني مع هالمقدمه يمكن احط حديث للرسول بالغلط ..1- هل تشوف ان معظم مواضيع العياره يعتمد اساسها على موضوع " الطفره " .. ؟ 2- هل تتوقع بيجي الوقت اللي نلقى فيه دعلج امام مسجد ووش أول سورة بتقراها عالمصلين بعد الفاتحه .. ؟ 3- عطني كم اسم عضو من الشله تبي من ادارة القسم تحرص عليهم .. ؟ (( الجواب اختياري طبعا )) 4- وش الفرق بين واحد عيّار عمره 15 سنه وواحد عيّار عمره 30 من حيث نظرة معظم الناس ؟5- ماهو مفهوم الاسره عند دعلج ؟ --> موب تفتح كتاب الوطنيه .. نبي جواب حصري !! .. والله فيني نوم موب طبيعي .. الزبده راجع ان الله أراد .. ..
آخر تعديل عصير بيك
في 02:40 AM.
|
||||
|
23-02-2009, 01:41 AM
|
|
||||
|
توه ساكن
|
حيا الله اخوي دعلج .. 1- الاسم الحقيقي .. 2- العمل .<<--- يعني وشو شغلك وان حصل وين تشتغبل به ؟ 3- كم عمرك 4- الحب ماذا يعني لك <-- ام الاسئلة الرومنسية 5- عطني اسم ثلاث اعضاء تتوقع لهم مستقبل كبير في المساطيل من ناحية العيارة .؟ تحيتي
آخر تعديل المنسدح باللفه
في 01:44 AM.
|
||||
|
23-02-2009, 02:10 AM
|
|
||||
|
تعرف أوباما
|
 تانياً أشكر الشله على الاستضافه القميله والترتيب الأقمل .. طيب نخش بالأسئله سيده .. 1/ من خلال متابعتك للمساطيل من اعضاء وعضوات .. وبحكم خبرتك بمجال العياره والتنسيم ..ابغاك تحددلي أكثر يوزر أو يوزرات زي ماتحب .. تبين خفه الدم عليه بس هوا مو ملاحظ ومو من المشاركين بالشله بس من خلال ردوده يبين عليه وتتوقع ان له اسلوب عياريي بس يبغاله من يمسك بيده .. 2/ ايش السر في نضوج اسلوب العياره عندك ..؟ يعني من يوم مانولدت وانتا كدا ؟ ولااتعلمتها من اشخاص عيارين زيك ؟ 3/ فين تحس نفسك خفيف دم أكثر .. بالنت ولا برى النت ؟وليش ؟ 4/ ممكن تعطيني رابط لموضوع كتبتو هنا بالحاره او بغيرها اذا مافيها إحراج بالنسبه لغير الحاره .. تحس انك ابدعت في عيارته ومستغرب من نفسك انه طلع منك موضوع عياري بالشكل دا ؟ 5/ بأمانه في مواضيع في الشله وجودها يزعجك ؟ اذا كان ايوا ؟ايش سبب انزعاجك منها ؟ ... الين دحين تكفيك الاسئله دي .. اذا جا ببالي سؤال بجي بسأل .. انا كريمه انتا تستاهل
آخر تعديل سُومَه
في 02:13 AM.
|
||||
|
23-02-2009, 02:20 AM
|
|
||||
|
صديقنا مصطفى هونيك ؟
|
انت عيار من الدرجه الاولى وماتحتاج شهادتي والله اني اذا دخلت واحد من مواضيعك دموعي تدلي تبطبط من كثر الضحك وفكي ماعاد ينصكون على بعض الله من السباكه اجل ناسي وين موقف السياره اسبوع ماهنا سؤال دسم كلهن خفايف صدز وين مواضيع دعلج زي منوّّّل اول سهرة الاربعاء نقعد نقرأ موضوع من مواضيعك وش تعني لك التويم وبدعتوا صراحه على طريقة عرض الموضوع واخذ راي الاعضاء والتصاميم الخرافيه يااهل الشله
آخر تعديل المستطفه
في 03:26 AM.
|
||||
|
| الذين يشاهدون محتوى الموضوع الآن : 2 ( الأعضاء 0 والزوار 2) | |
| أدوات الموضوع | |
|
|
|
|
