 |
 |
 |
 |
 |
 |
 |
 |
26-02-2009, 05:15 AM
|
|
||||
|
توه ساكن
|
شباب تعالوا اقول لكم وش صار مع جارنااللي يطق زوجته..
 كيفكم شباب .. 1 2 3 نبدا بسم الله ... تعرفون جارنا الي يطق زوجته قلت لكم عنه من قبل ... اليوم جايكم بخبر زين وحلينا المشكله .. احتريت جارنا ابيه يطلع ماطلع من البيت انتظر ساعه ادخل البيت واطلع مافيه وينه وينه مدري وين طس بس سيارته موجوده قدام البيت .. قلت:ولد انتظر الين يطلع من البيت طبعا انا كنت طفشان وقلت خلني يا اصلحها او اعميهااا ابي الطفش يروح قال اسف مااقدر قلت طس عند واحد ثاني قال لا ابيك انت ياليل انا وذا الطفش.. ع العموم طلع ع الساعه5 العصر وسلمت عليه وقلت... انا: كيفك ابوبندر  ابوبندر:تمام انت كيفك انا: امممممم انا اييه انا ببخخخييربخير(مرتاع) ابوبندر: ايه امر الا وشلون الوالد انا: تمام والله بخير وبديت اتكلم قلت:لا ابد ابو بندر اسمع صوت من عند جيرانا او مدري وين بس ازعاج وقاعد يضرب زوجته ياخي ليش يسوي كذا حرام ليش ام عياله يعاملها هالمعامله والله يبو بندر احرام انت ماتسمع الصوت ....عاد هنا وقفت وارتحت عشاني تكلمت..  قال:لا والله مااسمع بس صوت خفيف واحيانا عيالي الله يهديهم يصارخون بس عاد بزران وش نسوي لهم (بيني وبين نفسي اكبر نصاب انت)  قلت لا هذا جارنا الثاني يطق زوجته الله يهديه ( وانا اصلا قاصده هو بس ما ابيه يدري اني اعرف اسوي نفسي غبي) وجالس انصح وبعدها قلت ... ترا ابوي بغى يدق ع الشرطه بس قلت له مالها داعي اصبر يمكن مشكله بسيطه وترووح قال ابوي لا لازم ادق قلت له خلاص اذا طقها مره ثانيه بلغنااا الشرطه..  ابو بندرقال :لا يبن الحلال يمكن مشكله بسيطه وتروح وانت الصادق وبعدين ابوك لايدخل فيهم كل واحد عنده مشاكل حتى انا احيانا اتمشكل انا وزوجتي بس وش نسوي (عاد هنا يا عيال حسيت انه يدري اني قاصده حسيت اكيد حسيت وبعدين احسن ابيه يحس حتى وجهه تغير وربي تغير اكيد عرف وقام يصرف الموضوع ) بعدهاا قال يله بالتوفيق قلت مع السلامه  طبعا الوالده تدري اني بروح واكلمه لاني قلت لها اني بروح
طبعا امس قالت الوالده بروح اسلم عليها واسألها ع الخفيف وشوف وش قصتهم .. صدقه للحرمه المسكينه طبعا راحت الوالده للبيت حقهم... راحت الوالده عندهم وسألتها من بعيد وشويات الوالده عطتها الموضوع كامل والقصه كامله ماعندهااا المهم قالت كل شي للوالده وانه يطقها وحالتها حاله .. قالت ام بندر: ادري قال لي زوجي امس ان ولدكم يسمعنا وانه كان يقصد جارنا الثاني وهو يعرف زوجي انه قاصده وبسراحه ماقصرتم الله يجزاكم الف خير شويات تحب راس الوالده. وربي تقول الوالده انها حرمه طيبه ومسكينه في حالها وقالت امس قال لي موفاضيين مشاكل والحين يعاملني زين وامس جالسين مع بعض ويضحك معي وقال خايف ابوكم يبلغ الشرطه.. وتقول ربي يستر عليكم ماقصرتم اشوي تصيح وربي تقول الوالده شوي تصيح وربي حاله مسكينه .. وقالت الحرمه للوالده انه مريض نفسي وجالسه تبكي اصلا قالت لاهل زوجها من اول انه يعاملها بالطق وانهم بعالجوه بس اهل الحرمه مايدرون قالت مايدرون ومااقول لهم وقالت الوالده الله يشفيه واذا احتجتي شي بيتنا قريب اعتبريني امك ... وقالت الله يستر على ولدكم ويخليه لكم ماقصر الله يجزاه خير وهنا تنتهي مشكلة جارنا وماندري وش بصير بكره عساه يعقل ومايطقها مره ثانيه وانشاء الله يستر عليهم ويشفي زوجها ااامين يارب العالمين ... 
آخر تعديل $ REAL LOVE $
في 05:17 AM.
|
||||
|
|
26-02-2009, 03:14 PM
|
|
||||
|
قائد مسطولي عظيم
|
الله يرجك ويرج ابو بندر معاك اجل بتبلغ الشرطه خخخخ من جد فضحت الرجال ولعبت في حسبته وطلعت ريحته احس انه كل ما ينام يتحلم فيك وفي ابوك خخخخ عاد لا أوصيك فيه ابيك يومياً مسنتر على باب بيتهم وقول هاه يا بو بندر كيفك وش اخبارك وقول ][ يا شيخ ما عاد نسمع صوت لجارنا شكله صار محترم ما عاد يضرب زوجته وصار له احترام بين الحاره والله كبر في عيننا حسيت انه رجال صدق .. بس يوم كان يضرب زوجته كان رخمه وما يسوى ربع ريال ][ < تراه بيتريش ويصدق وما راح يضرب زوجته ابداً خخخخخ < اسئل مجرب ولا تسئل طبيب وانت جربها بس اذا عطاك كم شوته حلوه مالي شغل لأني انا ما جبرتك خخخ وجزاك الله ألف خير فرجة على المره |
||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
