Man utd × Liverpool || EPL 29 || + ربع نهائي الكأس #

13-03-2009, 04:05 AM

’‘

’‘

صباح الخير ، صباح الابداع ، صباح الكرة الانجليزيه ..!

في الأبطال ، الانجليز أبطال . ( لاصوت يعلو على صوت الانجليز ) ..!

زعيم انجلترا " يسحق " زعيم اوروبا برباعيه ألييييمه ..!

في انجلترا صاحب المركز الثاني ( البلوز ) ،
يقصي صاحب المركز الثاني بإيطاليا ( السيده العجوز ) ..!

انطلق من الأوليمبيكو ، صاحب المركز الخامس بإنجلترا ( القنرز ) ،
ينهي امآل صاحب المركز الخامس بإيطاليا ( روما ) في ملعب الأوليمبيكو ..!

الأول في البريمير ( المانيو ) ، يبخر احلام الأول الايطالي ( الانتر ) ،
ويرد على غرور مورينهو هزمناك ولادربناك ..!

في كأس الإتحاد ..$

المان سيتي يرمي بألبورغ بعرض الحائط ويهزمه بثنائيه ..!

بإختصار ( هنا كرة القدم الحقيقية ) ..!
البريمير ليغ على موعد مع أهم وأقوى وأشرس لقاء في هذا الموسم ..!
هذه الجوله تحتضن قمه & معركه & ند & قوة & ثأر & تحدي . طال انتظارها كثيراً ..!
وجاء اليوم اللي راح نشوف هذه القمه ، ونستمتع بها من أول ثانيه لصافرة الحكم ..!
كلاسيكو انجلترا ، لقاء السحاب ، صراع الأكثر تتويجا باللقب الانجليزي ..!
معركة الكبار .. لقاء الغريمين التقليديين ( مانشستر يونايتد × ليفربول ) ..!
مباراة لاتقبل بالتكهنات ، الضعيف يفوز ، القوي يخسر . ( والعكس ) ..!
لقاء فوق كل التوقعات ..!

قبل ندخل في اللقاء ..!
نستعرض أهم الأحداث الكروية في الانجليز ..!

في الدوري الأسبوع الماضي ..!

الأرسنال ينهي مسلسل التعادلات بفوز على ويست بروميش ..!
( 3 / 1 ) ، كان البطل في المباراة ( البعير ) ..!

الخال ( دروغبا ) يسجل الهدف الوحيد للبلوز على البومبي ..!

الليفر يفوز بهدفين على القطط السوداء ( ساندرلاند ) ..!
نقوووووق ،،

المان سيتي يهزم استون فيلا ويعطي خدمه كبيره للقنرز ..!
للمحاربه على مقعد اوروبي يأهله للأبطال .. بعد تقليص الفارق لثلاث نقاط ..!

لايوقف ، من بيوقفه ، كيف يوقف ، ماراح يوقف ..!
على منصة التتويج بيوقف ، وهو واقف وحامل اللقب ..!
المان يو يفوز على نيوكاسل في مباراة بثره تفنن فيها الحكم بقراراة سيئه .!
بهدفين لهدف ، سجل الأول روني والثاني بربا جابت الثلاث نقاط ..!

في كأس انجلترا ..$

قليلين أدب ( 4 / 0 ) على فولهام ..!

[RIGHT]

القنرز ( 3 / 0 ) على بيرنلي ..!

ايفرتون فاز على البورو بهدفين لهدف ..!
القرعه جت كذا ..!
تشيلسي × الأرسنال & هال سيتي
مانشستر × ايفرتون

النتائج في الدوري ..$
+ مبارتين مؤجله ..!

الترتيب ..$

الهدافين ..$

’‘

الجوله ( 29 ) ..!

أهم المباريات ..!
مباريات يوم السبت ..!

×

الوقت / الساعه ( 6 ) مساءً
المعلق / خالد الغول
القناة الناقلة / شو سبورت ( 1 & 2 )
الملعب /

’‘

يوم الأحد ..!

×

الوقت / الساعه ( 30 : 4 ) عصراً
المعلق / خالد الغول
القناة الناقلة / شو سبورت ( 1 & 2 )
الملعب /

’‘

×

الوقت / الساعه ( 7 ) مساءَ
المعلق / فهد العتيبي
القناة الناقلة / شو سبورت ( 1 & 2 )
الملعب /

’‘

معلقي الجوله + باقي المباريات ..!

’‘

مانشستر يونايتد × ليفربول

اليوم والتاريخ / السبت الموافق 14 / 3 / 2009
الوقت / 3:45 بعد الظهر ..،
المعلق / رؤوف خليف
القناة الناقلة / شو سبورت ( 1 & 2 )
الملعب /

الجحيييييييم ..!
سعة الملعب : 76212 متفرج !

حكم اللقاء ..$

آلان وايلي ..،

قمة البريمير وانجلترا في أقوى دوري بالعالم ..!
لقاء لنهاية تصريحات ( السير × بنيتيز ) ..!
روني / اكره ليفربول ..!
بابل / نستطيع الفوز عليهم في ملعبهم ..!
فيرديناند / سننهي امآلهم في الدوري ..!
ماسكيرانو / يحلم بإعادة سيناريو الريال ..!

لقاء بين رونالدو × توريس ..!
جيرارد × قيقز ..!
كاراجر × فيديتش ..!
ماسكيرانو × كاريك ..!
بربا × كاوت ..!
بقول سوبر سار وحارسهم ، بس الفرق كبير ..!

السير × بينيتز ،،

وضع الفريقين ..!

آخر مباراة للفريقين في الدوري .. ( 2 / 1 ) ليفربول ..!
آخر ثلاث لقآءآت في ملعب الأحلآم ..!

مانشستر - ليفربول : 1-0 للشياطين الحمر !
مانشستر - ليفربول : 2-0 للشياطين الحمر !
مانشستر - ليفربول : 3-0 للشياطين الحمر !

الفرق سبع نقاط للمان + مباراة مؤجله ..!
نشوف وضع الفريقين بإختصار ( تعبت وربي ) ..!

مانشستر يونايتد ..!

في وضع مريح ، يواصل الدعس بكل ثقه لكل البطولات ،
دوري + الأبطال + الكأس ..!
لو نرجع لمباريات المان نشوف ان قوته وسر انتصاراته في ملعبه ..!
ماخسر الا نقطتين في بداية الدوري ضد نيوكاسل ..!
في الدوري ماعنده يمه ارحميني ، ضعيف قوي وسط مافيه الا قوة لزخ ..!
في كل مباراة له توليفه وتشكيله غير ..!
خلطه حصريه للسير ، من كان يتوقع الطريقه اللي لعب فيها ضد الانتر ..!
قيقز لعب مهاجم ثاني وسحب روني لجناح أيسر ، عنده الذاكره فل اوبشن ..!
نقول يغيرها بس في كل مباراة تزيد 5 قيقا خخخ ..!
ممكن نشوف تغيير في خط الوسط ، قيقز مايلعب مبارتين ورى بعض كامله ..!
راح نشوف اندرسون او فليتشر مع كاريك في الارتكاز ..!
عنده اسماء قويه في جميع المراكز تعجز تفك الشفره وتحاول تلاقي نقطه ضعف بالفريق ..!
جميع المؤشرات تؤدي لثلاث نقااط ..!ّ

التشكيلة المتوقعه ..:

فاندر سار ( الحراسه )
ايفرا ، فيدا ، ريو ، اوشي ( الدفاع )
كاريك ، سكولز " فليتشر " .. ( ارتكاز )
رونالدو ، بارك .. ( الاجنحه )
روني ، بربا " تيفيز " ، ( هجووم ) ..!

’‘

نجي لضيفونا وحقهم علينا واجب مانبي نقلل من قيمتهم خخخخ ..!

ليفربول ..!
اقدر اقول كلمتين توصف وضعه في الأبطال ( رجال ) وفي الدوري ( زلايب ) ..!
ممكن بنيتيز يدخل للقاء متحفظ من البدايه ، يلعب على المرتدات ..!
لأنه لو خسر بيقول للدوري ( باي باي ) ، هو أكيد قالها بس نعطي مشجعيه أمل < مايقصد احد ..!
قوّة الليفر هي وسطه يملك اسماء قتاليه ممكن من تمريرة تنهي المباراة ..!
( ماسكي & الونسو & جيرارد ) ، هم مفاتيح اللعب ، لكن ضعفه في الاجنحه المساعده للوسط والهجوم ، رييرا في البداية تألق وبعدها اختفى بابل مره فوق وعشرين تحت ..!
كاوت مصدر الخطوره على الأطراف ..!
الهجوم يملك ورقه وحيده ( توريس ) وكافيه لجلب ثلاث نقاط ..!
الليفر يعاني ضد الفرق القويه بالدفاع .. الدكه جيده لكن مهيب قويه ..!
نجي للمشكله الكبيره في الليفر ( الدفاع ) ..!
ابو حميد قال قبل ان التنظيم في الدفاع دايم يتغيّر ، عشان كذا يقبلو اهداف بسهوله ..!
الاطراف الدفاعيه شبه ضعيفه ..!
اتوقع ان بنيتيز بيركز على وسط الملعب ويقفله ، ويلعب بخمسه لاعبين وسط ..!

التشكيلة المتوقعه ..!

ريينا ( الحراسه )
اوريليو ، كاراجر ، سكيترل ، اربيلوا ( الدفاع )
ماسكي ، الونسو ( ارتكاز )
رييرا ( بابل ) ، جيرارد ، كاوت ( بالوسط )
توريس .. ( هجوم ) ..!

’‘

انتهى التقديم ، تحياتي للكل ..!
متابعه ممتعه للجميع ..!

13-03-2009, 05:27 AM

وش نقول وش نخلي يبو بدري ,, محرجنا قسم بالله

اقتباس:

صباح الكرة الانجليزيه ..!

اقتباس:

انطلق من الأوليمبيكو ، صاحب المركز الخامس بإنجلترا ( القنرز ) ،
ينهي امآل صاحب المركز الخامس بإيطاليا ( روما ) في ملعب الأوليمبيكو ..!

على قولة تريلة : " إبتدأت رحلة الأولومبيكو ,, من الأولومبيكو..! "

الارسنال ,, رجع المستوى .. رجعة الروح .. رجع اللعب .. رجعوا المصابين .. كل شي رجع .. فوز بالمباراة الأخيره بالدوري ,, فوز بالمباراة الأخيره بالكاس ,, فوز بالمباراة الأخيره بالتشاميونز ,, معد ورى ياعيال ,, .. ,, الآرسنال ,, مبدع هالأسبوعين .. والله مبدع

×

الفوز بالمخباة إن شاء الله ,, كل الحظوظ تصب في جعبة الآرسنال ,, راجع من فوز + المباراة على أرضه + بلاكبيرن مدحدر هالفترة ,, كل شي من صالح الآرسنال ,, والفوز بالمخباة إن شاء الله ,,, ولا ننسى بعد الناقه بادي يزين لعبه الله يجعله لتريلت(ن) تفرمه فرم ,, .. ,, المباراة بيجي فيه مسلسل مهزله ,, ماصار ولا أستوى .. .. .. .. .. بالتوفيق لعيال فينغر

..
,,
..

×

مباراة صعبة ع الفريقين ,, الفريقين فايزين بالجولة اللي راحت ,, يعني كل الفريقين يقدمون مستوى كويس .. ويملكون عناصر جيّده بالذات المان عندهم روبينيو بيفتح شوارع بتيري ,, .. ,, عندي إحساس ان المباراة بتصير نايمه مدري ليش

..
,,
..

×

بليز بليز بليز ,, الفيلانس مهومب فايزين هالمباراة .. لأنهم قدام فريق كبير .. فريق عريق <- ترييييش ,, تراهم ما دروا عنك ,, .. ,, الفيلانس جايين من خسارة بالجولة الماضية .. وعساهم من ذا وأردى إ شاء الله ,, عكس توتنهام اللي متعادل ,, والجولة اللي قبلها فاقع ميلد ( 4 ) ,, وإن شاء الله نصها في الفيلانس يارب..!

13-03-2009, 02:40 PM

آبو بدري .. عاجز عن الوصف .. فديت راسك ياشييخ ..
يعطيك ألف عافيه يابعدي ..

إذا على الباي باي مو مشكله .. يكفي أننا نوقفكم للمره الثانيه.. بعدها نلتفت للحسابات الثانيه ..

يتوقعها 0 - 0 صدقني يبي يتشوت ..

- -

Manchester United v Liverpool

الفوز على الريال بذيك النتيجة وبذا الجهد مايروح عبث .. حالياً الفريق في وضعية فوق الممتاز .. من كل صوب ..!!

رآفا ماعليه خلاف ومثل ماهو مبين راح يدخل بنفس الأسماء ونفس التشكيل اللي لعبنا فيه قدام الريال .. بأستثناء بابل راح يكون مكانه رييرا .. ودي أنه يكمل على نفس الأسماء بابل حالياً متفلت لكن للدكتور حساباته .. الفريقين بشكل عام 10 / 10 وخاصة بعد فوزهم في الأبطال .. التوقع والتكهن صعب بصراحة .. مهما صار قبل ومهما حصل ماراح يرجح كفة المباراة نهائياً .. مباراة جوها غير وحساباتها غير ..

- -

عواافي مآعآد

13-03-2009, 03:13 PM

يعطيك العافيه اخوووووووي .... على الموضوع ان شاء الله يفووز ليفر بوول 2-0 والارسنال 3-0 ويطلع تشلسي ان شاء الله

{ المهم الله يعطيك العافيه اخووي وماقصرت على الموضوع }

الأرسنال ..

13-03-2009, 10:44 PM

مانشستر يونايتد × ليفربول

اليوم والتاريخ / السبت الموافق 14 / 3 / 2009
الوقت / 3:45 بعد الظهر ..،
المعلق / رؤوف خليف
القناة الناقلة / شو سبورت ( 1 & 2 )
الملعب /

وش ذا التوقيت الخايس

مباراة قمه .. مباراة الفريقين الافضل حتى الان سواءً في البريمر ليج أو بدوري الابطال .. مباراة بكره بتكون مباراة حسم الدوري أما ابتعاد المان عن الكل والاحتفاظ باللقب أو عودة الامل لليفر .. وأن كنت اتمناها لليفر حتى يشعلل الدوري

الليفر من افضل الفرق الاوربيه من ناحية الانضباط التكتكي ان لم يكن افضلها وهالفضل يعود للداهيه بينيتز

دايم بينيتز يعتمد على تأمين المناطق الخلفيه ثم المباغته بالهجمات المرتده السريعه اللي يعتمد عليها ويطبقها بشكل مميز

خطورة الليفر تكمن بالتفاهم الموجود بين الثنائي جيرارد وتوريس وهالشي رايح يسبب قلق كبير لدفاع المان ..

الليفر قادر يخلص على المان لكن السوال من اللي بيخلص على حظ المان

المان موب ذاك الفريق اللي يخوف رغم انتصاراته الاخيره الا ان الفريق فنياً لك عليه شوي .. وان كنت اشوف ان الفريق حظه وش كبره

المهم شفنا بالمباراه الاخيره ضد الانتر واضح فيه خلل بدفاع الفريق وشفنا كذا هجمه خطيره للانتر رغم مستوى الانتر الهزيل ..

المباراه من الطبيعي يكون فيها تحفظ وعدم مجازفه .. سرعة الليفر بالهجمات المرتده بتشكل خطوره على المان .. لكن من الضروري على بينيتز يبداء بتوريس ومن وراه جيرارد وبابل وكاوت ..

يقول زيدان : جيرارد افضل لاعب في العالم

""
""

نسيتك يابو بدري لاهنت ياذيبان

13-03-2009, 11:20 PM

كلنا مع ألمان .. بالتوفيق

عوافي

14-03-2009, 01:31 AM

تسلم يابوبدري حبيب قلبي

فيه اخبار تقول ان بنيتز ممكن يجدد عقده لمدة 5 سنوات !!

بالنسبة للمباراة , أكيد راح تكوون قوية فوز المان بكره بتوسع الفارق الى 10 نقااط !!
خصوصاً ان الفريق له مباراة مؤجله ,, المان يلعب كورة جماعية ومستواه ثابت , لكن
مشاركته في أكثر من بطولة راح تأثر على لاعبيه بشكل كبير !! مباراة بكره اعتقد واتوقع
في نفس الوقت انها راح توقف انطلاقته في البريمر حتى لوانها ع الاولدترافورد !!

ليفربول الان اماله شبه مفقوه في البريمر لكن حظوظه قوية في التشامبيزليج !! لو لعب
ليفربول بنفس عناصر اللي لعبها مع الريال وبنفس الطريقه راح اضمن الفوز للريدز وبشكل
كبير !!

عاجزين عن الشكر لك يابوبدري

14-03-2009, 03:29 AM

^

^

لكن مشاركته في أكثر من بطولة راح تأثر على لاعبيه بشكل كبير !!

يسلم لي اللي يفهم ،، معك حق ياحبيبي ان المان راح يتأثر بشكل كبير ..!
شفنا كاريك كان منتهي بشكل واظح ضد الانتر ، واكثر واحد قطع مسافه في المباراة هو ..!
السير طلع ( سكولز ) قبل نهاية المباراة ممكن يشركه مع فليتشر او ( اندرسون ) اللي كان بديله ..!
واثق ان السير ماراح يجازف ويشرك قيقز واحتمال كبير كاريك في المباراة ..!
بس اتمنى ( كاريك ) يلعب من البداية حتى لو معه جيبسون في الارتكاز ..!
كاريك لاعب مااقدر اشوفه خارج التشكيله الأساسيه ،
هو الوحيد اللي عيني ترتاح له في الملعب .. !
مع فيديتش طبعَا ، واقدر احط الثلاث نقاط بالجيب بوجودهم ..!

لو لعب ليفربول بنفس عناصر اللي لعبها مع الريال
وبنفس الطريقه راح اضمن الفوز للريدز وبشكل كبير !!

الريال مدريد مدري ريال مايوركا اللي لعب ضدكم يختلف عن المان ..!
الليفر الضغوط عليه أكثر من المان ، هالمباراة بالنسبه له مباراة الموسم ..!
المان لو خسر ماراح يتأثر بشكل كبير راح يبقى الأول وبيستمر الأول ..!
على عكس الليفر لو خسر راح يقول ( باي باي ) للدوري اللي ماراح يشمه ..!

انا تكلمت من قبل عن النقطه ذي ( الحظ ) بس ماعليه نعيد ..!

عواكيس يابعد قلبي انت ..!
اي حظ تتكلم عليه صحيح في مباريات فزنا فيها بآخر الدقائق ،!
بس ذا مو حظ ، هذه الروح وحب الشعار وكبرياء الأبطال للإنتصار
+ تكتيك ، خبره ..!
( 11 ) فوز متتالي بالدوري وش تسميه ذا ..؟
ماخسر في ( 14 ) مباراة متتاليه هذا حظ ..؟
يبتعد بفارق سبع نقاط ( + مباراة مؤجله ) وهو كان ينافس في خمس بطولات ..!
الحين ثلاث بطولات وثنتين بالجيب هذا حظ .؟
سوبر سار حامي الدار يكسر الارقام القياسيه هذا حظ ..!
الحظ مع هلال وانا اخوك خخخخ
الفريق فنيَا مع السير مش راح تقدر تغمض عينيك ..!
مدرب حقييير ، الانديه غيرت في التشكيله خسرت هو يغيّر يتألق فريقه ..!
ببساطه الحظ الوحيد اللي مع المان هو وجوود ( السير ) على الدكّه يعلك ..!
الحظ هو ان الفريق الصغير يفوز على فريق قوي بعد مستوى ضعيف ..!
الحظ هو ان الحكم يكون متحيز لفرق ضد فرق ،
^ تقدر تسميه ظلم بس عشانك نقول حظ ..!
الحظ هو ان الاهداف تظرب بالمدافع وتدخل بالمرمى ..!
الحظ انه يحقق الدوري او الابطال وبعد ينافس في كأس الاتحاد <
صحيح ان الحظ جزء لا يتجزأ من كرة القدم ..!
لكن المان يبقى الفريق اللي يرمي الحظ والتحكيم على جنب ويفوز ..!
عكس الفرق الثانيه اللي التحكيم والحظ شماعه لها بعد الخساره ..!

انتصارات مانشستر اولا واخيرا توفيق من الله ..!
ثم العمل الكبير اللي يقوم فيه السير ، والاداره ، واللاعبين ..!
( الشمس لا تغطى بغربال , وانا اخوك ..! )
معليش على الانبراشه بس المان ماارضى عليه ..!

اذا عرف السبب بطل العجب ..!
إدلع ياكايدهم ..!

’‘

تشكيلة الفريقين المتوقعه من " سكآي " ..!

Man Utd: Van der Sar, O'Shea, Ferdinand, Vidic, Evra, Ronaldo, Scholes,
Carrick, Giggs, Berbatov, Rooney.

Liverpool: Reina, Aurelio, Carragher, Skrtel, Arbeloa, Kuyt, Alonso,
Mascherano, Riera, Gerrard, Torres.

متوقع التعادل او الخساره < التشاؤم يجيب الفوز ..!
بس مايمنع نقول " شطحه " ..!

" لن تبكي وحيداَ ياليفربول " ..!

14-03-2009, 04:20 PM

قسم بالله مبااره مجنون بلنتي غير صيحيح للمان لاكن توريس يالبي يغالط فديتش ويصكه كف بهدف ملعون جدف
معليش ياامشجعين لمان ترا الليفر مايحرم مثل ماصك الريال بحشركم

بالتوفيق للبلوز والليفر

ابوبدري لاهنت

14-03-2009, 04:42 PM

والله الحمد إنتهي الشوط الاول بتقدم الليفر بهدفين سجل الهدفين تورس وجيرارد (ضربه جزاء)<فيس يقول محدش أحسن من حد
وسجل هدف المان كرستيال رونالدو ( ضربة جزاء )

مهيب شبعه كل اشوي فوز يالمان علي الاقل يتقلص الفاارق شوي ويقرب حبيب القلب البلوز

هههههههههههههههههه فديتش كمل الناقص طرد وقوول
رباعية الريال ماجات من عبث وهذا رباعيه ثانيه تمصخر المان

معليش هااردلك ..

14-03-2009, 05:55 PM

ليفربول المهول

مسخره مابعدها مسخره رباعيه مذله

الموسم ذا موسم استثنائي لليفر

للمره المليون يثبت بينيتز انه مدرب كبير بس يحتاج كذا عنصر بالليفر وبعدها يبطي احد يحارشه

في خلال ثلاثه ايام رباعيه في الريال والمان ( حشى كرة يد موب قدم )

هاردلك ماعاد بدري

للاسف هالمره الحظ سحب عليكم

بس قويه اربعه في مسرح احلامكم يالمانشستراوية

شفت المباراه عن طريق الوصلات بحكم اني بالعمل رغم التقطيع لكن استمتعت بالمسخره .. اذا رجعت للبيت ابشوف المباراه مره ثانيه

14-03-2009, 06:52 PM

^
^
العبرة بالنهايه ممكن الليفر يطلع صفر اليدين هالموسم ذيك الساعه خل الأربعات تنفعهم ومع ذلك يبو نايف ارفع القبعة لهالفريق صحيح ثمان سنين اليونايتد يمسخرهم لكن اليوم حجروا لهم متأخرين بهدف وعلى ارض اليونايتد ..مافيه كلام النتيجة مستحقة

فيدتش وش سويت ؟؟ أسوأ لاعب اليوم بدون منازع .. مشكله لما تخسر بهالكيفية وبدفاع يعتبر الأقوى بالدوري .. إخطاء بدائية + أرتباك , مافيه تجانس ابد ابد .. صحيح الأرهاق له دور , بس تعامل السير مع هالنقطة بالذات كان سيء للأسف وأنحسبت ضده .. لو نرجع لمباراة الأنتر ونناظر خط الدفاع بذيك المباراة تدرك ان دخوله بنفس الرباعي اليوم خطأ كبير .. الأولى تعطي خط الدفاع حقه من الراحة مثل مااعطيت لباقي الخطوط ..

هاردلك لليونايتد هاردلك أبو بدري لاعاد تهايط الله يجزاك خير

مبروك لعبادي وابو حميد ولكل الريدزاويه

14-03-2009, 07:11 PM

’‘

’‘

يستاهلون الضفادع الفوز ..!
مبروك " عبادي / ابو حميد )

’‘

انا مايهمني الفريق وش كان يقدم في المباريات السابقة ..!
متصدر ع عيني وراسي اخذ بطولات في الموسم هم بعد على عيني وراسي ..!
بس في كل مباراة احب اتكلم على مستوى الفريق ..!

التشكيلة اللي دخل فيها ليفربول وربي مهيب ذيك القوة ..!
اهدافهم كلها من اخطاء مدافعين ..!

الدفاع اليوم شوارع الا مهزله ..!

فيديتش / بإختصار سبب الخساره ، مستوى سيء هدفين هو يتحملها ..!
الاول كان واثق من نفسه بزوود ، الثالث نفس الخطأ الاول ..!
حتى بالهدف الثاني هو أخطأ فيه مع لاعبي الارتكاز " توريس استلم الكورة "
وهو وفيردي يتفرجو فيه لا ضغط لا تغطيه مثل خلق الله ..!
فيردي / مرتبك لعب عشوائي ، مستواه في الفترة السابقه ( علامة استفهام )
ايفانس في كل مباراة كان يغطي على اخطاءه ، افضل منه بمراحل ..!
ايفرا / ( لاتعليق ) ..!
اوشي / ذيل الكلب طول عمره " عوج " اخاف اذمه يطلع الكلام مدح بحقه ..!
اندرسون / خطأ السير الكبير ، لاعب حماسي على قلة سنع ،، نبيه " عون " لكاريك ،
طلع " فرعون " لوسط المان ، تحس انه ليفربولي ، تمريرات بالكيلو خطأ ..!
نبي منه شي فيه خير يقطع كورات بس مافيه اي خير من خشته الشينه ..!
كل الكورات اللي يتدخل فيها فاولات .. تغييره جاء متأخر كثير ..!
كاريك / ماقصر بس لحاله " مايصفق " ضد جيرارد & ماكسي & لوكاس ..!

رونالدو / ارجع لإرشيفك الموسم الماضي تكفى ، ترى المهارات مو كل شي ..!
كان لاعب اقل من عاادي ..!
روني / ( انا اكره ليفربول ) ، انا اللي كرهت اهلك في المباراة ..!

بارك / كنت البدايه ، بس للأسف ضحكو في النهاية ..!
تيفيز ،، ياليت تعطي شوية من روحك للاعبين هذا هو الوفاء للشعار..!
تيفيز / بارك ،، ابطال ابطال ..!

نجي للكوتش ../ تشكيلة على الورق من احلى مايكون ، تطبيق في الملعب هههه ..!
اندرسون لاعب عالّه فليتشر مستواه في الحضيض اطلق منه ..!
رونالدو كان اناني في كل الكورات وجّهه عطه تعليمات اسحب امه بس .( && ) ..!
روني ماعرفت وين موقعه من الاعراب ، وين يلعب مهاجم ثاني مدري رأس حربه صريح ..!
مدري " مساعد حكم ثاني " ، يلعب مع بارك في نفس الخط ، ومره نشوفه عند الركنيه ..!
نبيه يهجم يساعد تيفيز بس مافيه امل يدخل للعمق ..!
تيفيز يرجع يستلم كروات يصلح كورات صنع الهدف الاول بس بدون مساعده مايسوي شي ..!
التغييرات لو كانت من بداية الشوط الثاني وربي كان التعادل راح يجي لان الليفر لعب على اخطاء المدافعين ، ماشفنا هدف كان ملعوب ، هجمه منسقه مافيه ..!
الاول خطأ من فيدا ، الثاني خطأ من القلوب والارتكاز جيرارد يمرر بدون رقابه بين لاعبين ارتكاز لتوريس اللي يستملها بدون ضغط من القلوب بكل اريحيه ..!
الثالث فيدا ، الرابع من على خط القوس للشبكه .. واللي سجله ( دوسينا ) هههههه ..!

لا والتغييرات اللي حاست الفريق ، يبي يكحلها عماها ..!
يسحب كاريك واندرسون مع بعض ..!!
سكولز لحاله مع اخطر فريق في العالم يلعب مرتدات ..؟
اسحب روني / رونالدو والعب بنفس الخطه مع دخول بربا للعمق
وتيفيز يرجع مهاجم ثاني ..!
وسكولز يظبط الوسط اللي كان عقييم ، وكاريك يدخل ورى المهاجمين ..!

’‘

هارد لي ..!

مازلنا في الصداره + مباراة مؤجله ..!
بيدنا لا بيد عمرو ..!
الدوري بيدنا وراح نآخذه بإذن الله ..!
المباراة ذي ان شاء الله درس لمواصلة المشوار للانتصار باللقب ..!

يتحمل جزء من الخساره ..!
بس والله ثقتي فيه كبييييييييييييييره ..!

متعودين عام لنا ويوم علينا ..!
وجاء اليوم ( ) ، وراح نضحك آخر العام ..!

الأرسنال متقدم واحد على بلاكبيرن ، ( ارشافين ) ..!

14-03-2009, 07:13 PM

مالهآ داعي يابولفه

هااردلك ياابوبدري

هو صدز توريس ضاربينه ابره علي شان يلعب....!!!!؟

الف الف مبرروك
لعبادي وابو حميد

14-03-2009, 07:19 PM

اقتباس:

المهم شفنا بالمباراه الاخيره ضد الانتر واضح فيه خلل بدفاع الفريق وشفنا كذا هجمه خطيره للانتر رغم مستوى الانتر الهزيل ..

ابو سالم شف الكلام المقتبس ذا كلامي قبل المباراه

وش رايك عندي نظره فنيه ثاقبه

ابو سالم اوكي العبره بالنهايه لكن المان اذا استمر كذا ابطال اوربا صعبه عليه شوي في ظل وجود الليفر والبرشا ولايهون تشلسي .. لكن بالدوري يمكن تقول المان اقرب

المهم مبروك لعبادي وابو حميد

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق