 |
 |
 |
 |
 |
 |
 |
 |
 |
16-04-2009, 05:03 PM
|
|
||||
|
مسـيّر
|
بنقالي خايس (من جديد) والجن وجيب الهيئة !!؟؟!!
وأنا الصبح أمطرس بالبوفيه بالسندوتشات كبده لحم شكشوكه مع شطة وكدة خشم وعطسة مناخير مرهمة بفلفل وحبحر حتى الذبان يغمى عليهن ويطيحن بوسط الصامولية وأنا انسب من هالمطاريس للزباين والحمد لله خير وبركة من ربي المهم وانا بوسط معمعة البوفيه والصراصير تتزلج وسط المقلى وانا أمسح خشمي بورقة تحذير من البلدية واذبها بالزباله اللي نصها خبز كالعادة . جتني هالسالفه لعيونكم ( لعن الله آبو هالبنقالي شايف نفسه على إيش والله مسخره معطينه وجه ) : كنت مسكون والجني معذبني في حياتي عذاب , رحت لشيخ يقرأ قلت له ياشيخ : تكفى طلعه تكفى طلبتك طلعه , وهو يقول : أنت متأكد تبيني أطلعه ؟!! وأقوله : أفا عليك أجل أنا ليش جاي عندك إلا علشان تطلعه وأرتاح تكفى طلعه يرحم والديك ,إلا وأنا أشوف عيون الشيخ إنقلبن صفر الظاهر داق ٍ الريوس , قلت : الله يستر شكله بدا يريوس بعمره لأيام المراهقة والعربجة وشوي وعيونه ينقلبن حُمر قلت : الظاهر وهو مريوس طلع له جيب الهيئة وخاف ورجع طبيعي , المهم بدا يقرأ ويتفل وينفث إلا وأنا أسمع صوت ددسن 85 داخل جسمي تقحص !! وينفتح الباب وواحدٍ نزل ويطلع الجني من جسمي ويمسك الشيخ مع علباه ويقوله : أنت يوم انك تقعد ماغير تطشر وتتفل بوجهي وش تحس فيه قاعد نايم بأمان الله وتجي أنت وتقلب خشتي صالة تزلج عليك بضبط النفس أنت وياه وتسانكم ماتربيتوا أنا أربيكم , وتسني سمعت طوط طوط طوط - المهم الشيخ خاف والجني العربجي ركب الددسن ورجع لجسمي واسمع زعقة الددسن وهو يقول هذي بوجهك أنت وياه قال الشيخ :ياوليدي الجني اللي فيك عربجي وبراسه نجاسه وشر وماأظنه يبي يطلع منك أبد الا بحالة واحدة ابعطيك شريط قرآن ولازم تسمعه كل يوم وربك القادر , قلت : سم وابشر وأروح للبيت واقعد اسمع القرآن إلا و الددسن تدق سلف ومقاحص ببطني وابن اللذينا يشغل شريط أغاني ويطول عليه وأنا اللي أطول على القرآن وأكيد القرآن أقوى المهم وهو يقاحص ويطامر بالددسن والكربون بدا يطلع مع خشمي وصرت تسني كنداسة مادريت يوم طلع الجني وهو دايخ ويصيح ارحموني تكفون عذبتوني وين تبوني أروح قلت اسمع أنا تراني عايش وحيد بهالدنيا ولا حد يبيني لا أنا ولا أهلي حتى إن بعض الناس (اللي على رأسه بطحى يحسحس عليها) كاتبين على جدار بيتنا: ( قراشيع يابنقالي خايس قراشيع ياقلب العنا قراشيع ) , وأنا أقول وش ذنبي انا قراشيع !! المهم أقوله اسمع أبيك تكون صديقي تونسني وتوسع صدري وأقوم وأعطيه ثوب من إثيابي وشماغ والبسهن إياه وقوله : إسمع الحين نبي نروح نصلي وبعد الصلاة تعلن إسلامك قدام الناس زين , قال : زين - ونمشي للمسيد وهو وراي وحنا نمشي والمؤذن يقيم الصلاة والتفت أبقوله يالله أمغط رجليك خل نلحق على الصلاة ولا أشوف إلا ثوب وشماغ على الأرض وأتلفت وينك يالجني وين رحت إلا واسمع بوري الددسن بيب بيب قلت : لاتكون هونت , قال : أي والله أخاف أسلم ثم ربعي يذبحونن , قلت : توكل على الله يحميك وأنا معك إخلص علينا , وهو ينزل من الددسن ويلبس الثوب والشماغ ذكّرني بشكلي أول ماأخذت الجنسيه , المهم صلينا وبعد الصلاة قمت وقفت عند الإمام واستغربت ليش الإمام تلطم ( يمكن إمزكِم ) وقلت : ياجماعة الخير (حسيت وهم يناظرونن تسنهم يقولون والله مسخره) المهم قلت : معي شخص كان مايصلي ولا يعرف ربه والحين هو يبي يسلم وأشر عليه قم ويجي جنبي ويجي الإمام ويهرج عليه يقوله : قل أشهدُ أن لاإله إلا الله , إلا وسمع بوري هايلوكس من داخل جسمي الظاهر واحد من خويا هالجني مايبيه يسلم ويكبّس وعيوني صفر والإمام يقوله يارجل قل أشهدُ.... وسمع بوري فورد وشوي وسمع بوري النقل الجماعي هذولا مامعهم سيارات وجايين كلهم مايبونه يسلم , المهم الجني أول ماقال: أشهدُ إلا وسمع صوتٍ مهُب غريبٍ على إذني مار علي بهالمنتدى بوري سطحه (قراشيع ياقلب العنا قراشيع) المهم وأنا أقوله ماعليك منهم إسلم لاتخاف وهو يقول : أشهدُ أن لاإله إلا الله وأن محمد رسول الله - ولا تسمع إلا تكبيرات بالمسيد ويجون الجماعة جزاهم الله خير وهم متلطمين طبعاً يسلمون عليه ويدعون له وهو يصيح ويبكي عاد أنا عندي خبرة بهالموقف مار علي وعلى كل أهلي , فقلت له : لاتبكي قل لهم جزاكم الله خير , المهم طلعنا ورحنا للبيت وجلسنا بغرفتي وقلت للجني : هاه مرتاح الحين قال : إي والله يوم أسلمت حسيت بالراحه - إلا واللي يقاحصون بسياراتهم ببطني وبواري واللي يدعس بنكرياسي واللي يطارد كرياتي الحمراء ويتواطهن بالكفرات تسنهن عيون قطط وراعي السطحه النذل رابط المعده ويبي يشحنه مدري منهو له وقالبين الأمعاء الدقيقة جسور والغليظه كباريات , قلت : والله إني متعذب من ربعك شف لهم حل , إلا وهو يقوم ويقول : تبي ترجعنا لأيام العربجه والسجون و يحط الشماغ على كتفه ويدخل جسمي وسمع دقة سلف الددسن ويبدأ يطارد وراهم ببطني وهو يدعس وهم يدعسون وأحس فيهم وهم بوسط الأمعاء اللي كله دوارات ولفات وأنا ماخفت إلا إنهم يوصلون للنفق !! قلت الله يستر بعد لا يشبّون بالحشيش اللي حول النفق إلا وأحس تسني قاعد على جمرة ودخان اسود تسنهم شابين بكفرات وأقوم اركض للحمام وأملا الطشت ماء واقعد بوسطه واسمع تش تش النار طفت بس أشم ريحة الحشيش وإستمر الوضع يمكن نصف ساعة والعربجي يطاردهم واسمع صوت العجرا تدهر العربجي مايلعب وأفكر قلت : خل اشغل القران واشغله وأطول عليه والعربجي يقول بدو يتطايحون زيد زيد , وآخر شي قال : أبشرك إهجدوا وأنا قاعد الحين أدعيهم للإسلام , وشوي واسمع صوت تكبير وش ذا ؟؟ قال : هذا واحد اسلم - وكل شوي تكبير قلت : ماشاء الله عليك كفو , قال : إصبر واحد عيّا يسلم أبحاول فيه , ومرت ساعة وساعتين قلت : مطولين !! قال : لاتشغلنا عاد خل نشوف شغلنا رح أنت تسان عندك شغل وإذا أسلم أعلمك - وأروح واقعد عند التلفزيون وأشغله إلا وتطلع لي (إبليسا!!) والعربجي يصوت : حسبي الله عليك صكّه صك الله راسك يالحقير خربت علينا خوينا يوم جاء يبي يسلم إلا ويقوم يترقص والله إنك مالك داعي يابنقالي إقريح وإفلقن بمكينة خياطه أم أسد تسانك عاقل طفه وجع - وأنا أطفيه وأقول آسف , وفعلاً حسيت بهالموقف إني خسيس ونذل وان الدنيا يحق لها يوم أنولد تتفل بوجهي والناس لهم حق يوم تسألني أنت إنسان وأقول إيه ويقولون والله مسخرة, وأنا بهالحاله إلا والجني يقول : أبشرك خوينا أسلم , قلت : الحمد لله بس عسى مابقى أحد ما أسلم , قال : لا كلهم أسلموا ,إلا وأحس فيه شي عند النفق يحكحكني قلت : لا والله الظاهر باقي واحد , قال : وينه , قلت : إركب الددسن , قال : ركبت , قلت : شفت الأمعاء الدقيقه , قال : إيه , قلت : إمش سيده وانتبه ترا الطريق كله ملفات , قال : زين الحين أنا ماسك خط الأمعاء الدقيقة وين أروح , قلت : وش تشوف قدامك ؟؟ قال : أشوف الطريق صار وسيع وعريض , قلت : إيه بس هذا طريق الأمعاء الغليظة إمش سيده , قلت : هاه وش تشوف الحين قدامك ؟؟ قال : أشوف نفق مُظلم ! قلت : بس واللي يرحم والديك وقف لاتوصله محنب ناقصين إمسك فرامل , قال : وقفت بس النفق قدامي ومظلم ماأشوف شي , قلت : شغّل النور وحط العالي , وهو يشغّل النور , قال : اوووه هذا واحد من أخويانا طايح ٍ حول النفق , وبيده كبريت !! قلت : هذا اللي أحرق بالحشيش والظاهر إنكتم واغمى عليه ويحمد ربه مارماه المدفع على برا ! بسرعه إشلُه , ويشيله بالددسن ويوديه بمكان نظيف وشوي ويقولي : إنه صحى وأسلم وحطينا له أكسجين الرجال شكله منكتم من كيماوي , المهم قلت : الحين يالعربجي أنت وجماعك أسلمتوا ورا عاد ماتطلعون من جسمي وتخلوني أرتاح ؟ قال : بكرا نعلمك , قلت : زين . قمت الصبح واسمع صوت تسنه صوت عمال يبنون قلت لايصيرون هم وش تسوون ؟؟ قالوا : أبد نبني مسجد! قلت : وين تبنون مسجد يعني مالكم نيّةٍ تطلعون أبد , قالوا : خلاص بكرا نعلمك , وأقوم بكرا واسمع أصوات بواري قلت : لايكون بحارتنا عرس وهذولا الجنب جايين , وناظر مع الدريشه ومافيه أحد ماغير قطوٍ أسود مرتكي على برميل الزباله وينقش أضروسه بمنقاش ويناظرني ويقول خير يابو الشباب ؟! قلت : بس هم ,, وش تسووون ؟؟ قالوا : أبد واحد ٍمن ربعنا أعرس - وكل يوم مسوين شي جديد مرة بانين مدرسه ومرة مستشفى وآخر شي مبنى للجاليات !! قلت : وشوله ؟؟ قال الجني وهو منقهر من كثر أسألتي : لك ولأهلك يالبنقالي !! بانينه علشان أي جني يبي يسلم يجي عندنا , قلت : خير إن شاء الله , لكن ماصدقت يوم قالوا لي : ترانا بنينا مبنى ونبي نخليه للهيئه وسمع صوت الجيب بيب بيب , قلت : جزاكم الله خير وكثر الله من أمثالكم هذا أنتم وتعترفون بأهمية الهيئة وش أقول عن بعض ربعنا اللي ماغير طايحين تسذب بالهيئة وحش , الله بس يوفق الهيئه .وأنا المستفيد يعني وأنا نايم وأذّن يقومونن للصلاة, الصلاة جزاك الله خير الصلاة وبوري الجيب بذني وأقوم أصلي , وحتى لو أبسوي شي مهب زين يضربون لي بوري يعني انتبه جزاك الله خير . ومرة قالوا لي : إسمح لنا فيه أثنين جلدناهم ونبي نطردهم من ديرتنا ( اللي هو جسمي ) قلت : خير ليش ؟؟ قالوا : مسكناهم وهم ماسكين طريق النفق سكرانين ومحششين !! قلت : كفو والله ياأسود الهيئة لولاكم بعد الله كانت إنتشرت هالجراثيم بجسمي وأنواع الأمراض فيني تكفون إطردوهم شر طرده والله يوفقكم ويعينكم . مايستفاد من هالسالفة : 1- أن القرآن هو نور للقلوب . 2- أهمية دور هيئة الأمر بالمعروف والنهي عن المنكر (منتب هين يالبنقالي الخايس) المهم أبشركم أنا الحين عايش في أحسن حال (عايش بأحسن حال ولا بأخيس حال مردك القراشيع يابنقالي قريح ضيعت وقتنا على سالفة ماندري وش تبي ) ملاحظه : تراي ماأعرف أنسق الموضوع بس أعرف أفرمت
آخر تعديل بنقالي خايس
في 05:26 PM.
|
||||
|
|
16-04-2009, 05:30 PM
|
|
||||
|
رئيس الأقسام التقنية
|
وبعدين ورى كل ماجاء واحد لازم يمدح الهيئة ،، ويسحب على باقي قطاعات الدولة العسكرية اجل اذا راحت الهيئة ضعنا وضاعت علومنا وبنرجع زي الادمي الحجري. يارجال لاتنسنى دور الشرطه والرجاجيل الرقيب اول سعيد سالم ابو رجل ،، وجندي اول جابر بن هقلا الهقلاوي ، وعريف ركن ، محمد ابو قميصه ، ووكيل الرقيب طيار ، احمد بن حنش الحنشاوي ،، يارجال جهاز الهيئة جهاز تكميلي لباقي اجهزة الدولة الله يعزها ويعزنا بعد واياك ،، فالدولة ماهيب هيئة وبس أمدحوا بالشرطة ومطاردتهم للارهابيين امدحوا بالدفاع المدني اللي يساعدون الناس اللي تطيح بالبلاليع واللي ينهد عليهم بيت ، امدحوا المرور اللي مبردين حرتي في مخاوي الترنج كل يوم صاكينه بقسيمه وحالف يمين مايجدد استمارته ،، امدح في الجوازرات اللي يمسكون البنقالية اللي زي اشكالك وعلى الترحيل ، الدنيا ماهيب هيئة وبس ،،  خذ لك بسكوت البقرة القوية وورده والله يعوضك عليك في حالة قرشعة الموضوع
آخر تعديل عباس بن قرناس
في 06:23 PM.
|
||||
|
|
|
16-04-2009, 05:47 PM
|
|
||||
|
مسـيّر
|
^^ أجل ودك يتقرشع موضوعي هاه انت تعرف كيابل النت اللي بأعماق البحار وتعرف غلاة هالكيابل عندنا حنا يا هالبنقاليه وانت تقدر تتحمل تعيش بدون نت ؟ أكيد ماتقدر أجل تعوذ من ابليس وخل عنك هالتفاؤل الخايس ان موضوعي يتقرشع ترا الطراد (القارب) جاهز أنا علمتك وبكيفك باب يجيك منه خياس بنقالي سده واستريح !! زين |
||||
|
|
|
16-04-2009, 05:52 PM
|
|
||||||||||||||||||||||||||||||||||||||||||||||||||||||||||||||||||||||||||||
|
من شيوخ الحاره
|
تونا ما امدانا ننسى احذاث الموضوع الاول.. توني قاعدة اتذكر الدكتورة عبير يوم تموت والعجيز للي جايتن تركض وعباتها تهفهف.. طيب وين الجزء الثاني وش صار بزوج العجوز فطس والا الى الحين حي يرزق.. المهم الظاهر قسم الشلة بتتحول المواضيع كلها بنقالي خايس اذا في ظرف يومين تبي تنزل لنا موضوع ههههههههههههههههههههههههههههههههههههههههههههه المهم ماااعلينا
حوك تسبدك.. انا اشهد ان صاموليات البوفيات كلها ذبان يتسدح داخلها.. وعععععععععععععع
هههههههههههههههههههههههههههههههههههههههه والله هالسطر يضحك.. الناس يقولون كنت وسيم وكنت بالسابعة عشر من العمر او يقولون كنت قوي .. مهوب كنت مسكون يالسلنتح .. ثمن الحين لما تكون مسكون الجني يبي يوسع صدرك هو اكيد يبي يعذبك هههههههههههههههههههههههههههههههههههههههههههههههههه ههه..
يهاو جني مهوي.. اجل ددسن 85 .. لا ويجي ويروح على كيفة متى ما سمع الشيخ.. يسمع بالمسيار هو ووجه..كان انت ةالشيخ خذتوه وسدحتوا وقعدتوا تلعبون بوجهه وتتزلجون على كيف كيفكم بالددسن حقه.
ايه منتب هين انا قايلته قبل.. اجل موضوعين خلال يومين.. بنقالي خايس اندزلع.. وخذ لك نومه مدة شهر تسامل ثمن قم اكتب موضوع واسدحه فيذا الله مير يعافيك.. |
||||||||||||||||||||||||||||||||||||||||||||||||||||||||||||||||||||||||||||
|
|
|
16-04-2009, 06:01 PM
|
|
||||||||||||||||||||||||||||||||||||||||||||||||||||||||||||||||||||||||||||
|
ريّس الشله
|
هههههههههههههههههههههههههههههههههههههههههههه هههههههههههههههههههههههههههههههههههههههههههه هههههههههههههههههههههههههههههههههههههههههههه هههههههههههههههههههههههههههههههههههههههههههه يمين بالله توّي صاحي من النوم وطفشان ومالي خلق حتى اتنفس .. لو يجي ابوي ويقول وش اخبارك وانا ابوك قلت له فارقني ماعررفك .. لإن الاخلاق يابنقالي تحت الصفر .. بس بعد موضوعك هذا صارت فوق الصفر بخمسين درجه .. موضوع ملعون والديييييين .. خبل ياشيخ لا انت ولا الجني حقك ولا الشيخ اللي يقولك : متأكد تبيني اطلعه ههههههههههههههه موضوعك هذا صفعه على خد كل عضو انتقدك وحطم مشاعرك في موضوعك الاول .. هالموضوع المفروض نسوي له نسخه ونرسله بالخاص لكل عضو ضحك عليك في موضوعك الأول .. ومني نسخه اصليه للعضوه " ريما اخت مساعد " اللي جايه تنتقد ومسويه انها راضعه مع نجيب محفوظ من ديد واحد .. مهيب عاقله ام طه حسين ههههههههه سبق واني قلت لك يالبنقالي إنك فنان وتملك الموهبه وتنقصك الخبره ولكن بعد هالموضوع طلعت مامعي سالفه لإنك تملك الموهبه والخبره بس ينقصك شي واحد الا وهو " مسئلة الوقت " وانا صادق مسئلة وقت وتصير هرم من اهرامات الشله .. تصير عضو يشار اليه بالبنان ويقولون هذا ابو الزحف .. هذا ملطف الاجواء .. هذا تاج الشله .. وإنت فعلاً راح تكون تاج الشله بعد ماتفجر مواهبك وتنثر إبداعاتك في انحاء الشله بالمواضيع الحلوه اللي مثل كذا والردود الخالعه .. واهم شي يابنقالي الردود صدقني اهم شي بالموضوع الردود اللي تكون احلى من حلاوة الموضوع نفسه ياحلوو مع اني ما اتوقع انك حلو وتوقعي يقول انك تشبه لسعد الفرج في مسلسل درب الزلق ههههه مابي اطول بالكلام والخربطه .. انا إذا مسكت فيك خط صدقني بيطلع المسيح الدجال وانا لازلت اكتب واعبّر عن مدى إعجابي بالموضوع الفنااااان والخالع لذلك دحدر معي خلنا ننطرب ونقتبس ونعلق لإن هذا الموضوع حرام يروح بدون تعليق وضحك ..!
ههههههههههههههههههههههههههههههههههههههه ههههههههههههههههههههههههههههههههههههههه ههههههههههههههههههههههههههههههههههههههه ههههههههههههههههههههههههههههههههههههههه لاتعلييييييق يالخبل  .. قسم بالله تمزعت من الضحك .. اتخيّل شكل الشيخ يسحب شعر لحيته وهو يقولك : انت متأكد تبيني اطلعه .. متأكد ماتنكبني بعدين هههههههه
هههههههههههههههههههههههههههههههههههه هههههههههههههههههههههههههههههههههههه عطني الشيخ فلان .. انت يوم انك تقرى علينا وتحرقنا وش تبي .. تحل بالاخلاق السعوديه ولا باضطر احلق لحيتك واقلبها سكسوكه مثل سكسوكة مدني رحيمي هههههههه على طاري مدني رحيمي بالله وش رايك في سكسوكته الحاااده مهيب كنها منطقة جزاء ..؟
هههههههههههههههه الا وإنت الصادق يناضرونك يحترونك تقول ياجماعة الخير قدر الله علي وماتو اهلي كلهم عند تفتيش سِعد إلخ من الدجل والكذب .. خصوصاً عاد يالبنقالي وجهك وجه البائس المحروم ينفع شغل طراره .. يعني يشوفك واحد وإنت تطر بيرحمك على شكل وجهك ويعطيك بدل الريال .. الفين ريال بدون مايدري ههههه
هههههههههههههههههههههههههههههههههههههههه وسيع وعريض وش بعد يالجني عطناااا كل التفااااااصيل ههههههه بنقالي .. صراحه موضوع متعوب عليه جداً ورائع فعلاً .. اتمنى اشوف لك تفاعل بالشله من ناحية مواضيع وردود .. والله لايهينك بيّضت وجهي عند الاعضاء لإني كنت اراهن عليك وفعلاً كسبت الرهان .. اتمنى من كل قلبي اشوف نشاطك بالشله لإنك ماتتفوّت يابطل  الموضوع مثبّت على جبهة ريما اخت مساعد هههه سلااااام ..! |
||||||||||||||||||||||||||||||||||||||||||||||||||||||||||||||||||||||||||||
|
|
|
16-04-2009, 06:02 PM
|
|
|||||||||||||||||||
|
رئيس الأقسام التقنية
|
يابنقالي فكنا لاتقطعها يرحم الديك يا بنقالي تراك عزيز وغالي وماتقدر بثمن ، لولا البنقالي كان تلقى الشعب السعودي رايحين في عين ابو جد خال من جابها ، البنقاليين بكل مكان تلقاه سواق عايلة سعودية ، او تلقاه بياع في بقالة ، تلقاه بالبطحاء يرسل حوالات لأهله ، تلقاه عند باب بيتك يغسل سيارة جاركم ابو سحيم ، تلقاه في شبوك الغنم بسوق الغنم بالعزيزيه ، مشكلتي اني كنت مستصغر البنقالية في بوتقة صغيرة واشوفهم خياس ولابد من التخلص منه ، ياشيخ البنقالية يمثلون اغلبية ساحقة بالبرلمان ولو قدر الله وسوت السعودية انتخابات تلقى حزب البناقلة والعمل بالصدارة ، فما بالك بمن يستهتر بهذه الاغلبية الساحقة ويصورهم على انهم مثال للخياس والوساخه ،، احترامي لك وتقديري يابنقالي  وتكفى لاعاد تقول الكيابل مرة ثانية الله يرحم والديك
|
|||||||||||||||||||
|
|
|
16-04-2009, 06:10 PM
|
|
||||
|
مسـيّر
|
سيب الاختلاط ردك هالحلو يابو اسم اللي شبكنا يخلصنا ردك ابحطه خلفيه لسطح المكتب (ماصدق يقرا مدح ويمكن بعد تسذب) ردك هو شراب القوة الذي اشربه قبل اي خياسة اقدم عليها ردك الحلو على موضوعي ذكرني بمقولة ( القرد بعين أمه غزال ) انت الغزال وانا اللي هو موضوعي (يكرم القرد يالبنقالي الخايس) |
||||
|
|
|
16-04-2009, 06:36 PM
|
|
||||
|
مسـيّر
|
هذا مدح ولا قردنه!!! نشوف بعض من هرجك يابهجت: وتوقعي يقول انك تشبه لسعد الفرج في مسلسل درب الزلق ههههه وين رحت بالشبه بعيد الله يهديك انت تعرف السنجاب الاسود الخايس ابو ريحه تراه محاتسيك اتخيّل شكل الشيخ يسحب شعر لحيته وهو يقولك : انت متأكد تبيني اطلعه .. متأكد ماتنكبني بعدين هههههههه عاد مالقى يخربها على آخر عمره إلا مع بنقالي وخايس على طاري مدني رحيمي بالله وش رايك في سكسوكته الحاااده مهيب كنها منطقة جزاء ..؟ الا والله سكسوكته تذكرني بذيك القطعة السوداء اللي منول ومدري الى الحين موجودات او انقطعن اللي الواحد لابغى يلبس الكندره وهي ضيقه !! يوسعها فيه !. المهم يالأباصيري كلامك لعوز مصاريني وخر 1000 متر ردك شهاده صحيه بالنسبة لي تثبت بأنني خالي من الأمراض ماعدا الخياسة التي هي فيني وفيك ولكن النسبة اقل ردك إثبات باني استحق الجنسية السعودية حتى وان تفلت بوجهي (ادري بتقول بوجهي ولا بوجهك يالغالي )إخس يالبنقالي انواع اللعانه والميانه هالحقير ردك يخليني ارفع راسي لأنظر الى السماء المشرقه والقمر يشع ضوءه والطيور تبصق بوجهي وفي النهاية اضطر ان انزل وجهي للارض فهذا مستواي في الدنيا ردك هو القنديل المضئ وسط ظلام الليل امشي به حتى لااسقط وسط حظيرة القراشيع ردك ومدحك لموضوعي الخايس يثبت صحة الحكمة التي تقول (القرد بعين امه غزال) انا القرد طبعاً كلمة مشكور مغلفة بخياس اهديها لك
آخر تعديل بنقالي خايس
في 08:45 PM.
|
||||
|
|
|
16-04-2009, 10:28 PM
|
|
||||||||||||||||||||||||||||||||||||||||||||||||||||||||||||||||||||||||||||
|
رئيس الأقسام التقنية
|
يالبنقالي قسم بالله مانت بصاحي ،، كنت اتوقع موضوعك يتقرشع بس تثبت  قسم بالله انك خطير تعال ياصديق خلني اتقابس معاك
البنقالية شعب مادري هو وسخ والا نظيف والا يستهبلون عشان يعطونا صورة انهم ناس مساكين ،، اعطيك هذا البنقالي الوسخ في بوفية فهاد بالدخل المحدود بجنب البيت ، رحت له من صباح رب العالمين وقلت له صلح لي صامولي جبن مربى ،، الرجال ماهوب في وعيه توه صاحي من النوم ، قام ملعون الصلايب وعطس على الصامولي وانا اشوف قدامه وشوي قاعد يضحك ويمسحها بخرقه حمرا عنده وقلت له طيب زود 6 صامولي واثنين نقانق ،،وسحبت عليه وخليته يلعب ضومنه مع سندوتشاته البالية ،، الله يعز النعمة ، وتفوه على وجهه
ماهوب بسيط ذا الجني مسوي فتوه ابن اللذينا
اجل يالبنقالي كنت هندوسي وبعدين انعم الله عليك بنعمة الاسلام ، الحمدلله انك صرت واحد منا وفينا وصرت داعية مانتب بسيط يا احمد ديدات ،، عقبال مانشوفك على اسوار القدس بيدك هراوة وعلى اليهود تمصع رقابهم واحد ورى الثاني ،، ههههههه
اجل طاب لهم المقعاد بجسمك بديت احس جسمك منطقة سياحية مليان فعااليات ، تفحيط ، فعاليات دينيه ، محاضرات . ماشاء الله ، اتوقع بعدين يجون جن يستثمرون المناطق السياحية ، ويخلون الطفارى حول المنطقة المظلمه ،، ههههه هذا اذا ماحطوهم بالمدفع ونطلوهم للمجهول ، قسم اني اسمتعت بقراءة موضوعك ياشيخ انت داهية حبكتها حبكه ماهيب طبيعية وسامحنا على الردود اللي قبل ذا الرد ياعمي يالبنقالي
آخر تعديل عباس بن قرناس
في 10:30 PM.
|
||||||||||||||||||||||||||||||||||||||||||||||||||||||||||||||||||||||||||||
|
|
|
17-04-2009, 05:19 AM
|
|
||||
|
من شيوخ الحارة
|
ههههههههههههههههههههه
والله اللي منت هين يالخااايس لا لا ماعليك طلعت شي ايه ياخي هذي المواضيع يرحم امك مو بهذاك الموضوع اللي تسنه فلم رعب سامج عارضينه القناه الاولى الى الامام سر , واااضح ان فيك حماااس الله يصلحك بس هالمره حماااسك صاب ماخاب زي كل قرشعه << ماتخلي المعاير , موضوع مقلع زيك يالخاااايس هع هذا اسمك وش اسوي لك << وش دخلتس انتي يالعاهه ينطييييك العافيه وموضوعك ذا يشفع لكل البربسه اللي قبل من الحين وطالع لازم تنتبه على المواضيع اللي تنزلها تكون نفس المستوى او افضل وانتبه وتعلم من الا خطاء اللي قبل اللي قرشعت لك مواضيعك, وانت بهالهمه هاذي تذكرني بعبدالحليم حافظ (بليا تشابيه) يوم كفخوه وحذفو عليه النعال ومع ذلك اصر انه يصير فنان ونشب بحلووقهم لين صار فنان تسبير عاد انت شكلك مثل تاريخه جاك من التكفيخ والرشق بالنعال لين قلت بكره العيد <<< اولهم انتي يالتسلبه , فلذلك انت خلك مثل حليم على قووولة المصريين واستمر على نفس المنوال << شرايك بالمنوال متعووووب عليها صح ,المويهم انك فله وماتسذب الاباصيري يوم قال ان لك مستقبل مثل مستقبل هاري ولد ديانا ,عنده حنكه وبعد نظر هالاباصيري يوم قال ماقال فيكمع ان موضوعك هذاك مدري وش يبي <<< ردينا ع طير ياللي اخلصي يعني بالعربي لا تتعود تتكتب ع نفس اسلوبك القديم <<< ابلشتيه يالحقنه , مانطووول عليك مع اني ماخليت شي واسمع الهرجه اللي قلت لك يالهيس الاربد << يالليل ابو لمبه ودي اعطيك ورده بس احس انها ماتليق لك مير ابعطيك قلاص ببسي تشربه مع سندويستك اللي من البوووفيه  تشاو تشاو |
||||
|
|
|
17-04-2009, 10:13 AM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
توه ساكن
|
هههههههههههههههههههههههههههههههههههههههههههههههههه ههههه الله يرجك ياشيخ .. اسلموا وبنوا مسجد وتوعيه الجاليات .. بس ناقص شي بعد بوفيه .. تدري ليش .. عشان هي ملتقى السرابيت فيسهل على الهيئه انها تمسكهم جره بغالوقته وظفر للجمس واي واحد يسوي في امها هيط طلع العرق وانا اخوك .. ولشطه لين ينقلب آحمر .. والله موضوعك قمه الروعه .. وعلى قوله بهجت الاباصيري صفعه لكل من انتقدك في الموضوع السابق ( كلام كبير يابهجت ) نروح للاقتباسات ..
اح اح اح قويه في حقك طوط طوط هذي عاد الشيوخ الله من السعابيل .. يخليك تخمر 
الله الله الله وش ذالاحاسيس يابنقالي .. اهنيك على ذوقك ياشيخ مراسيل ياقلب العنا مراسيل ( الظاهر انها كذا )
ماشاء الله اجل تسمع صوت العجراء .. وووووف دب ( يقاله الحين يقلد صوت العجراء ) .. لا بس ماشاء الله عليه احس انه يقرب لعنتر ولا هتلر ( وش جااب الثرى للثريا )
خربت عليهم ياشيطان الانس وشوله تشغله .. لحظه لحظه بعد اعاده النظر في هذا المقطع لا حظت انك تررضى ان الناس تتفل في وجهك بعد الي سويته يعني انا عآدي
ماشاء الله تخطيط بن كلب .. بس مثل ماقلت لك .. باقي بوفيه
ماشاء الله الله لا يضرهم مكافحه الجراثيم ماشاء الله ! جسمك فيه سكارى وفيه بار بعد على ما اعتقد وهذا دليل على ان الي في جسمك صايعين كريات الدم الحمراء والبيضاء بس باقي شي غير البوفيه .. مكافحه تسول
وش الي مردك القراشيع !! ياحبيبي انت شمعه الشله لولاك ماكانت الظحكه تطلع والكشره مفكوكه يالبى قلبك ولبى البنقاليه كلهم كانهم كذا .. وسعت صدري الله يوسع صدرك بالعافيه .. انتظر جديدك يابنقالي .. |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
17-04-2009, 04:17 PM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
معزبة المجلس
|
<< وشعندها الرقيقه يرحم امك هاذي المواضيع اللي نبيها موب اللي راح تقل مؤلف saw اللي كاتبه لك اللي ع الطاري وين الجزء الثاني حق المذبحه السابقه ؟؟ لاتبطي علينا زين؟
استغفر الله ..الله يحوم كبدك على هالمقدمه
ههههههههههههههههههههههههههههههههههههه لهدرجه تحطمت من نقدنا .. لاتزعل ياخوي بس هذا اسلوب الحاره .. ترا ردود من نوعيه شكرا يعطيك العافيه والله موضوع يهبل هاذي ضد حقوق الانسان في التعبير عن رايه و فيها من القمع الفكري الشىء الكثير << هيلاري كلينتون على غفله
ههههههههههههههههههههههههههههههههههههههههه هالمقطع فله .. ياخي عليك خيال موب صاحي انصحك تشارك بتاليف سلسله افلام هاري بوتر
هههههههههههههههههههههههه اجل صاروا يكافحون الجراثيم والله لو انهم كريات الدم البيضا << يامصلتس بسلاجد الله يعينهم ذا الهيئه كل شىء فوق روسهم
الله يبشرك بالاخير .. عاد بعد كل هالاحداث من حقك تعيش بامن وسلام مثلك مثل اي مواطن بنقالي يشتغل عند معزبه السعودي شف يالبنقالي .. هو صحيح الشعب البنقالي انجس خلق الله لكن نقدر نقول انك البذره الصالحه منهم الى الامام وصراحتن الموضوع جازلي بالحييل  وادري لو قلت غير كذا بيقرشعون ردي تدري الديكتاتوريين واجد بذا القسم << ماتقصد بهجت ابد |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
17-04-2009, 07:04 PM
|
|
||||
|
. . T . R
|
هههههههههههههههههههههههههههههههههههههههههههههههههه ههه هههههههههههههههههههههههههههههههههههههههههههههههههه ههه هههههههههههههههههههههههههههههههههههههههههههههههههه ههه هههههههههههههههههههههههههههههههههههههههههههههههههه ههه هههههههههههههههههههههههههههههههههههههههههههههههههه ههه هههههههههههههههههههههههههههههههههههههههههههههههههه ههه هههههههههههههههههههههههههههههههههههههههههههههههههه ههه هههههههههههههههههههههههههههههههههههههههههههههههههه ههه هههههههههههههههههههههههههههههههههههههههههههههههههه ههه خذاك الله يالبنقالي .. والله انك خايس وملعون جدف ههههههههههههه الله يرحم امك لاعاد تكتب مواضيع .. قسم بالله لخليتني انبطح في الارض من كثر الضحك ... المشكله توي ماكل كوسه بالزبادي .. لاتسألين كيف طعمها .. الله لايوريك .. .. بس بعد موضوعك المخيس يالمروح .. جاني مغص قعدت نص ساعه في صراع معه في الحمام .. .. وش تبيني اقول في موضوعك انه ماصل غبي مروح بثاره لالا ولا وحده منها موضوعك ذا موضوع مايكتبه الا واحد مرفع ملعون كربه .. واله ياني ضحكت على الددسن والجني ذا الي معك الله ياخذك وياخذه قول امين اسلموا ها .. والله ما اسلموا الا لمصلحه تلقاك طفشت منهم من كثر ماسووا شقق دعاره في امعائك قلت مافي حل الا اخليهم يسلمون ناخذ اجر وننفك من شرهم بنقالي خايس .. موضوع رائع يابعدي .. يعطيك الف الف الف عافيه .. واستمر على هالنهج تحياتي |
||||
|
|
|
21-04-2009, 03:17 AM
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
من شيوخ الحارة
|
ههههههههههههههههههههههههههههههههههه ههههههههههههههههههههههههههههههههههه منت صاحي ياخي احيانا يكون الاسلوب مافيه زود لكن يفرشك على بلاطك غافلها ضحك .. واحيانا تقعد تقرى كلام مرتّب وتحس راعيه دافع على زبرقته دراهم ويوم توصل ثالث سطر يحترق كرت الشاشه من السماجه .. او ينفصل عدّاد كرهب الحاره ! او يأذن المسجد قبل وقته يبيك تردّد .. ويمكن توصل الحاله يدخل عليك الوالد بنفس الوقت يرمي بوجهك كرت العايله بدون سبب ! .. اذا تبي نصيحتي سجّل بيوزر جديد لان مثل هالموضوع بملفّك وفيه معه موضوع بالشله مقفّل .. تشويه -> طبعا امزح معك اعتبرني أمدح ! .. العاده ما اريّش بالواحد لكن تستاهل مع هالموضوع .. ياحظ كفيلك فيك ! العاده الكفيل ينحاق جوّ حياته مع بنقالي يكفله بعد يومين يلقاه يشتغل مع جاره أو يكفل له واحد يشتغل بمحل مكيّفات يلقاه بعد شهر صار محل دعاره يا سبحان الله لكن الظاهر انت يوم كفلك كنت بقراطيسك ويالله تناظر مسجد ولا تتوضّا فيه وتصلي ركعتين ! .. والحين تطوّرت وتدخل بوفيّه تحط رجل على رجل تطلب كبدة لحم ! الله يرحم السعوديه اللي تبيعه ب 3 ريال ولا بديرتك يهاجرون أهاليكم على لحمه نيئ ويالله يحصلونها ويرجعون بخير ..! المهم حاول تكثّر مواضيعك وتحسّن صورتكم ما تدري يمكن يكفلك نكهه وتنحط مشرف .. لكن الخوف بعد اسبوع ينقلب القسم تجاره مع أخويا بهجت
لاحظ الشيخ قاعد يسألك ويأكّد عليك مهب مصدّق .. اجل داخل عليه تقول تكفى تكفى ! والله لو انك مزنوق وتبي سلف .. احمد ربك ما جاب ورقه اي فور وحبر وقال ابصم قبل
هههههههههههههههههههههههههههههههههههههههههههه او يمكن كان يعطي وضع الجنّي جوّه ويوم فطن انك بنقالي نجيبك من ديرتك بتأشيره رجع طبيعي واستخسر هالحركات فيك ! .. كل شيء جايز دامك بنقالي --> واضح ان كاسر عينه بنقالي
الظاهر الجنّي دخلك وانت طالع حيّ العدامه تشتري كبده لحم ! اجل خذ انت وياه وددسن ؟ ناقص الاسم " خدّيه " وابصم لك الجنّي هذا كان يتعشّى مع جارنا واجد .. وعلى طاري جارنا قد شفت واحد يوصّل عياله مدارسهم وهو مشمّر الكموم وبيده مشط حاطه باذنه من السّكره .. ما علينا الله يستر عليه وصراحه المفروض عياله ما يداومون ويمشون مع خطى ابوهم لان كذا ولّا كذا بيجي اليوم اللي يضحّي فيهم بالعيد ..
ههههههههههههههههههههههههههه مدري ليه ضحكت يوم تخيّلتك قامط وانت تسولف هنا اجل اكيد القرآن اقوى .. لا ياجدي اكيد انك مسيح دجّال يوم تسلّك لربّك بهالسطر
ههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههه اجل نقل جماعي يبونه يسلم .. لا تعليق يالفاصل
احمد ربّك ما ضيّع وخذ رن سيد ودخل عند العجره ! عاد وش يفكّه لا علق مع عيالك عاد ما تدري لاندمج معهم وطلعوا للحياه وش يصير لهم يجيك واحد عين بدون خشم ! او واحد خشم بدون حواجب أوو يجيك واحد يخرّبها ويطلع على شكل عجره
احس يومك تكتب موضوعك لابس وزار وفنيله بو علّاق ويوم وصلت ما يستفاد لبست شماغ بمرزام نزلت عليك الديانه بآخر الموضوع تعجبني .. بنقالي بتأشيره .. موضوع قوي وما يجي الا من واحد مقزّر حياته مع فاقدين وان كانت هذي بدايتك خذها مني انك بتضيّع 3 ارباع العيّارين لا عدمناك !
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
|
|
